နှစ်နိုင်ငံကြား ရေပိုင်နက်မှာ အလယ်တည့်တည့်က ခြားထားတဲ့ မူကို Median Line Principle လို့ ခေါ်ပါတယ်။ ကနေဒါနဲ့ အမေရိကန်ကြားက the Great Lakes မှာ ဒီမူကို နှစ်နိုင်ငံက သုံးကြပါတယ်။
ဂျပန်နဲ့ တရုတ်က အငြင်းပွားစရာ ကျွန်းအပေါ် ပိုင်ဆိုင်မှုနဲ့ ပတ်သက်ပြီး ဂျပန်က Median Line Principle ကို သုံးတဲ့တွက် ကျွန်းဟာ ဂျပန်ပိုင်နက်ထဲ ရောက်သွားပါတယ်။ တရုတ်နဲ့ မဆိုင်တော့ပါဘူး။ ဒါပေမယ့် ဂျပန်-ထိုင်ဝမ်နဲ့ ပြန်တွက်လိုက်ရင် ထိုင်ဝမ်ဘက်က ပိုနီးပါတယ်။
တရုတ်ကတော့ Continental shelf နဲ့ ရေပိုင်နက်ကို သူ့ဖာသာ အဓိပ္ပာယ် ပြဋ္ဌာန်းပါတယ်။ Continental shelf ဆိုတာကတော့ ရှေးနှစ်ထောင်ပေါင်းများစွာတုန်းက ရေခဲခေတ်မှာကုန်းမြေအဖြစ် ပေါ်ကောင်းပေါ်နိုင်ခဲ့ဖူးတဲ့ ဒေသဖြစ်ပါတယ်။ တရုတ်နိုင်ငံရယ်လို့ မတည်ရှိမီကတည်းက ရှိနေခဲ့တဲ့ ရေပြင် မြေပြင် မခွဲခြားနိုင်ခဲ့တဲ့ နေရာကို သူပိုင်ပါတယ်လို့ တရုတ်က ပြောလာတာပဲ ဖြစ်ပါတယ်
အခုတော့ ဒီကိစ္စကို တရုတ်က ကုလသမဂ္ဂကို တင်မယ်လို့ ပြောလာပါတယ်။ နိုင်ငံတကာ ဥပဒေအရ သူပိုင်တာကို ရှင်းလင်းကွဲပြားအောင် လုပ်မယ်လို့ ဆိုပါတယ်။ ဂျပန်ဘက်က ကျွန်းပိုင်ဆိုင်မှုအပေါ် ဆက်ပြီး ခြိမ်းခြောက်လာရင် တရုတ်က စီးပွားရေးအရ လက်တုန့်ပြန်မယ်လို့ ဆိုပါတယ်။ ဒီလို စီးပွားေးရး ဖဲချပ်ကို ထုတ်သုံးဖို့ တရုတ်က သိပ်ကို သတိထား ထိန်းချုပ်နေရတာပါလို့လည်း ဆိုလိုက်ပါသေးတယ်။
ဂျပန်ကို ဆန့်ကျင်ဆန္ဒပြပွဲတွေကို ပြီးခဲ့တဲ့ စနေ-တနင်္ဂနွေ ၂ ရက်က တရုတ်နိုင်ငံ မြို့ကြီး ၁၂ မြို့မှာ လူတွေ ထောင်ချီပြီး ပါဝင်ခဲ့ကြပါတယ်။ အကြမ်းဖက်မှု အနည်းငယ် ရှိခဲ့ပါတယ်။ တရုတ်ပြည်သူတွေ လမ်းပေါ်ထွက် ဆန္ဒပြတာကို တရုတ်အစိုးရက ခွင့်ပြုလေ့ သိပ်မရှိပါဘူး။ ဒါပေမယ့် တရုတ်အစိုးရကို ထောက်ခံတယ်ဆိုရင်တော့ ခွင့်ပြုလေ့ ရှိတာကြောင့် ရှားရှားပါးပါးဖြစ်ခဲလှတဲ့ ဆန္ဒပြပွဲလို့ ဆိုရပါမယ်။
အနည်းဆုံး မြို့ကြီး ၅ မြို့မှာ ဂျပန်ပိုင် ဆိုင်တွေ၊ စားသောက်ဆိုင်တွေ၊ ကားတွေ၊ စက်ရုံတွေ လုယက် ဖျက်ဆီးခံရပါတယ်။ တရုတ်နိုင်ငံရောက် ဂျပန်နိုင်ငံသားတွေရဲ့ လုံခြုံမှုနဲ့ ပိုင်ဆိုင်မှုတွေကို ကာကွယ်ပေးဖို့ ဂျပန်နိုင်ငံ ဝန်ကြီးချုပ် ယိုရှိဟိကို နိုဒ က တရုတ်အစိုးရကို ချက်ချင်း တိုက်တွန်းထားပါတယ်။
မြန်မာက တရုတ်အိမ်နီးချင်း ဖြစ်နေတော့ သူ့သဘောသူ့အကျင့်ကို သိထားတာ မမှားပါဘူး။ တရုတ်ဟာ အင်အားသုံး ခြိမ်းခြောက်တတ်တဲ့အပြင် လောဘ ထွက်နေတဲ့သဘောရှိပြီး ကျင့်ဝတ်ဖောက်ဖျက်ဖို့ ဝန်မလေးတာဟာ နိုင်ငံတကာမှာ နာမည်ပျက်နေတဲ့ ကိစ္စ ဖြစ်ပါတယ်။ စီးပွားရေး၊ စစ်ရေးနဲ့ လွှမ်းမိုး ခြိမ်းခြောက်လာနေတဲ့ တရုတ်ကို အိမ်နီးချင်း နိုင်ငံတိုင်းက စိုးရိမ်ပူပန်မှုနဲ့အတူ စိတ်ပျက်နေကြပါတယ်။
လွင်အောင်စိုး
၁၇-၉-၂ဝ၁၂
