လက်ရှိတာဝန်ရှိသူတွေက ကျွန်တော်/ကျွန်မတို့ အသုံးမကျလို့ တိုင်းပြည်စီမံခန့်ခွဲမှု ညံ့လို့ ပြည်သူတွေ ဆင်းရဲရတာပါလို့ တစ်ခါမှ ဝန်မခံဘူး။ (ကိုထိုက်)

တချိန်က သိပ်ရိုင်းတယ်လို့ နာမည်ကြီးခဲ့တဲ့ ဂျပန်တွေက ဒီနေ့ခေတ် မျက်နှာစာမှာ တွေ့သလောက်ကတော့ .ယဉ်ကျေးပါတယ်လို့ ကိုယ့်ဘာသာ သတ်မှတ်ထားတဲ့ ကျွန်တော်တို့ မြန်မာလူမျိုးတွေရဲ့ .. လုပ်ရပ်တွေထက် ယဉ်ကျေးတာကို တွေ့ရတယ်။

ဂျပန် ဧကရာဇ်က ဒုတိယ ကမ္ဘာစစ်မှာ သူအမှားတွေ ကျူးလွန်ခဲ့ပါတယ်လို့ တောင်းပန်တယ်။

ဂျပန်ဝန်ကြီးချုပ် အဆက်ဆက်က သူတို့ တိုင်းပြည်မှာ ပေးအပ်ထားတဲ့ တာဝန်ကို ကျေအောင် မလုပ်နိုင်လို့ တိုင်းပြည်ကို တောင်းပန်ပြီး .. ရာထူးက ဆင်းပေးတယ်။

ဖူကူယားမားစက်ရုံကထွက်တဲ့ညှူကလီးယားအဆိပ်သင့်မှုတွေကြောင့်လူတွေဒုက္ခရောက်ရတာ၊အိမ်ယာ ပြောင်းရွေ့ရတာတွေအတွက် စက်ရုံတာဝန်ရှိသူတွေက ပြည်သူကို ဦးညွတ်ခတွားပြီး တောင်းပန်တယ်။
ဟိုတယ်ဝန်ထမ်းအားကိုယ်ထိလက်ရောက်စော်ကားခဲ့မှုအပေါ်ကျူးလွန်ခဲ့သူဂျပန်နိုင်ငံသားမှ ၀န်ချတောင်းပန်ခဲ့ပြီး လျော်ကြေးငွေပေးအပ်(Photo..Popular Myanmar News Journal)

အခု မြန်မာပြည်မှာလည်း ဂျပန်က ဟော်တည် ဧည့်ဝန်ထမ်းကို ရိုက်မိတဲ့အတွက် .. လျှော်ကြေးပေးပြီး ဦးညွတ်တောင်းပန်ဖို့ ဝန်မလေးခဲ့ဘူး။

တရုတ် ဂျပန် ကျွန်းအငြင်းပွားမှု ပြဿနာဖြစ်နေပြီး .. တရုတ်ပြည်က ဂျပန်စက်ရုံတွေ၊ ဂျပန်လူမျိုးတွေကို တရုတ်တွေက ရိုင်းရိုင်းစိုင်းစိုင်း ဆက်ဆံနေချိန်၊ တရုတ် စစ်တပ်က ပင်လယ်ပြင်မှာ ဂျပန်ကို စစ်ရေး လေ့ကျင့်ပြနေချိန်မှာ ... တရုတ် သင်္ဘောတစ်စင်း မီးလောင်လို့ ဒုက္ခရောက်နေတာကို .. ဂျပန်ကနေ အရေးပေါ် ကယ်ဆယ်ပေးခဲ့ပြီး တရုတ် သဘောင်္သား ၆၄ ယောက် အသက်ဘေးက လွတ်ခဲ့ရတယ်။

ကျွန်တော်တို့ မြန်မာတွေ .. အဲဒီလို အမှားကို လူသူရှေ့ဝန်ခံခဲ့တဲ့ သမိုင်း ..ဒီနေ့အထိ မရှိသေးဘူးလို့ ထင်ပါတယ်။ ကိုယ့်ရန်ဘက်က လူဖြစ်ပေမယ့် .. လူသားချင်း အတူတူ လိုအပ်ရင် ကူညီကယ်တင်မယ်ဆိုတာမျိုး လက်ရှိကာလတွေမှာ ထင်ထင်ရှားရှား မတွေ့ဖူးသေးဘူး။

(ဒုတိယ ကမ္ဘာစစ်တုန်းက ဂျပန်တွေ ပြန်ထွက်တော့ မြန်မာတွေက ဂျပန် စစ်သားတချို့ကို အိမ်တွေမှာ ပုန်းအောင် အစာကျွေးပြီး ကူညီကယ်တင်ခဲ့တယ်ဆိုတဲ့ တဆင့်စကားတော့ ကြားဖူးပါတယ်။ တချိန်တုန်းက ရှေးမြန်မာတွေပါ။ ဒီနေ့မှာ အဲဒီလို လုပ်နိုင်ပါ့မလား။ အမုန်းတရား ရှေ့တန်းတင်တာကိုပဲ တွေ့နေရတတ်လို့ပါ။)

မြန်မာပြည်က အာဏာရှင် အဆက်ဆက်ကတော့ တောင်းပန်တာ မတွေ့ရဘူး။ လက်ရှိတာဝန်ရှိသူတွေက ကျွန်တော်/ကျွန်မတို့ အသုံးမကျလို့ တိုင်းပြည်စီမံခန့်ခွဲမှု ညံ့လို့ ပြည်သူတွေ ဆင်းရဲရတာပါလို့ တစ်ခါမှ ဝန်မခံဘူး။ အလိုက်တသိ ရာထူးက ထွက်တာ မရှိသေးဘူး။ (ငါ့လောက် ဘယ်သူမှ မသိဘူးလို့ ပြောတဲ့လူပဲ ရှိတယ်။)

အိမ်ယာတွေ ဇွတ်ပြောင်းခိုင်းလို့ ဒုက္ခရောက်နေသူတွေကို တရားဥပဒေနဲ့ အညီ တိုင်းပြည်တိုးတတ်ဖို့ လုပ်နေရတာပါလို့ ဇွတ်ပြောတဲ့ ခရိုနီတွေပဲ ရှိတယ်။

တစ်ယောက်နဲ့တစ်ယောက် တရားတဘောင် ရင်ဆိုင်လို့ .. အနိုင်အရှုံး တရားရုံးက ဆုံးဖြတ်ပေးပြီးလို့ သတ်မှတ်ပြီးရင် .. ၂ ဘက်လုံး အညိုးအတေး မထားဘဲ .. နားလည်၊ ခွင့်လွှတ်၊ တောင်းပန်ကြတာမျိုး .. လူထုကြားထဲမှာလည်း မတွေ့ဖူးဘူး။

ကျွန်တော်တို့ .. လူယဉ်ကျေးတွေ ဖြစ်ဖို့ ... ဂျပန်တွေကို အတော်များများ အတုယူရပါဦးမယ်လို့ သုံးသပ်မိပါတယ်။

Ko Htike Facebook