မီးလျှံ၊ ပေါက်ကွဲသံနှင့် ရန်ကုန်ဆောင်းည

Yangon Press International
မိမိနှင့်အနီးဆုံးနေရာကို မိုးကြိုးပစ်လိုက်သလို ဒိန်း ဆိုသည့် မိုးပေါ်မှ မြည်ဟီးသံကြီးကြောင့် ဗိုလ်တထောင်မြို့နယ်တွင် နေထိုင်လျှက်ရှိသည့် ကိုမိုးအောင် အိပ်မောကျနေရာမှလန့်နိုးလာသည်။ အနီးတွင် အိပ်နေသည့် ဇနီးဖြစ်သူက ထထ ဘာဖြစ်လဲ မသိဘူး ၊ ကြောက်စရာကြီးဟု ပြောရာ အိပ်ချင်မူးတူးဖြင့် မိုးကြိုးပစ်သလား မသိဘူးဟု ပြန်ပြောရာ၊ မဖြစ်နိုင်တာ မိုးတွင်းမှ မဟုတ်တာဆိုသဖြင့် မျက်စေ့ကို အတင်းဖွင့်ကာ အိမ်ရှေ့ထွက်ကြည့်မိသည်။ လမ်းထဲတွင်လည်း အိမ်အတွင်းမှ လူများ ထွက်ကြည့်နေကြသည်။ လမ်းထိပ်တွက်ကြည့်သူ၊ တက္ကစီကားများက သာကေတဘက်သို့ မောင်းနှင်သွားကြသည်။ မကြာမီ မိနစ်ပိုင်းတွင် ပုဇွန်တောင်တွင် နေထိုင်သူ မိတ်ဆွေတဦးက ဖုန်းဆက်လာသည်။ စက်ဆန်းရှိ စီအန်ဂျီဆိုင် ပေါက်ကွဲသည်ဟု ယူဆရသည်ဟု ကြားရကြောင်း အိမ်အပေါ်ဆုံးထပ်မှ လှမ်းကြည့်တော့ မီးတွေလောင်နေသည်ကိုမြင်ရသည်ဟှုမ်းပြောသည်။

တခုခုတော့ ဖြစ်နေပြီ၊ ပေါက်ကွဲပြီးမီးလောင်သည်လား မီးလောင်မှုကြောင့် ပေါက်ကွဲသည်လား မသဲကွဲသေး၊ စမ်းချောင်းတွင် နေထိုင်သည့် ကျွန်တော်တို့ သတင်းထောက်ကလှမ်းဆက်သည်၊ သူတို့နေထိုင်သည့်နေရာတွင်လည်း ပေါက်ကွဲသံကြား လိုက်ရသည်တဲ့၊ အနီးအနားလိုအကျယ်ကြီးကြားရသည်ဟု ဆိုသည်။

သာကေတဘက်တွင် နေထိုင်သူက သူ့ကိုဖုန်းလှမ်းဆက်တော့ စက်ဆန်းဘက်တွင် မီးတွေလောင်နေတာ မြင်ရသည်ဆိုသည်။ သတင်းရဖို့ စက်ဆန်းဘက်သို့ သွားမည့်အကြောင်း လှမ်းပြောသည်။

သည့်နောက်တွင်တော့ စက်ဆန်းသို့မကြာမီ သူရောက်တော့မည် အကြောင်း၊ မီးလောင်ရာနှင့် အနီးဆုံးသို့ ရောက်အောင်လမ်းလျှောက် ၀င်သွားနေသည့်အကြောင်း လှမ်းပြောသည်။

သည့်နောက်တော့ အမျိုးသမီး ၂ ဦး စက်ဆန်းလမ်းမဘေး အုတ်သဲကျောက် ရောင်းဝယ်သည့် ဆိုင်များရှေ့ လွင့်စင်လာပြီး အသက်ဆုံးရှုံးနေသည့် သတင်း၊ ဆောင်းဘောက်စ်လို အီလက်ထရွန်းနစ်ပစ္စည်းများထားသည့် ဂိုဒေါင်များမှ မီးစတင်လောင်သည့် အကြောင်း၊ မီးလောင်ပြီး မကြာခင် မီးသတ်ကားနှင့် ရပ်ကွက်နေသူများ ၀ိုင်းဝန်းငြိမ်းသတ်နေစဉ် အလွန်ပြင်းထန်သည့် ပေါက်ကွဲမှု ဖြစ်ပွားရာ မီးသတ်ဝန်ထမ်းများနှင့် အတူ ၀ိုင်းဝန်းငြိမ်းသတ်နေသူများပါ အသက်ဆုံးရှုံးဒဏ်ရာရကြခြင်းဖြစ်သည်။

ဒဏ်ရာရသူ ကလေးငယ်တဦးအား ယာဉ်ထိန်းရဲတဦးက သယ်ဆောင်လာစဉ်

ယင်းနေရာတ၀ိုက်တွင် စုစုပေါင်း ဂိုဒေါင် ၃၂ လုံးရှိသည်ဟုလည်း မီးသတ်နှင့် လုံခြုံရေး တာဝန်ကျသူများကဆိုသည်။ အနီးနား သင်္ဘောကျင်းတွင်လည်း လောင်စာဆီသိုလှောင်ကန်ရှိသဖြင့် အဆိုပါနေရာသို့ မကူးစက်အောင်လည်း ကြိုးစားတားဆီးနေကြသည်။

နံနက် ၂နာရီခွဲကျော်ကျော် ယင်းရုံးလေး မှတ်တိုင်အနီး ရောက်သည့်အခါ မီးလောင်ရာအတွင်းသို့ မသက်ဆိုင်သူများ မ၀င်နိုင်ရန် ကယ်ဆယ်ရေးနှင့် ရဲတပ်ဖွဲ့များက စောင့်ကြပ်နေကြသည်။ ကျွန်တော်တို့ ဓါတ်ပုံ သတင်းထောက်က ယင်းအတားအဆီးကြားမှ တိုးဝင်သွားပြီး အတွင်းဘက်မီးငြိမ်းသတ်နေသည့် ဂိုဒေါင်များဆီသို့ ၀င်ရောက်သွားသည်။

စက်ဆန်းလမ်းမပေါ်တွင်တော့ စောင်ဖြင့်အုပ်ထားသည့် အလောင်းတလောင်းနှင့် အခြားအမျိုးသမီးအလောင်းတလောင်း လမ်းဘေးတွင် တွေ့ရသည်။ ဒဏ်ရာရသူများအား ဦးစားပေးကာ ဆေးရုံသို့ခေါ်ဆောင်သွားနေကြသည်။ လူနာတင်ယာဉ်နှင့် မီးသတ်တပ်ဖွဲ့ဝင်များက ပို့ဆောင်တာရှိသလို အရပ်သားများက လည်း နီးစပ်ရာ တက္ကစီခေါ်ကာ ရန်ကုန်ဆေးရုံကြီးသို့ သွားပို့ပေးကြသည်။

ဒဏ်ရာရသူများက အချို့စကားပင်မပြောဆိုနိုင်ကြ၊ ပေါက်ကွဲမှုဖြစ်ပွားပြီး ကြောက်လန့်ကာ ဘာပြောရမှန်းမသိဖြစ်နေသူများလည်း တွေ့ရသည်။ သားအမိသုံးယောက်ရှိသည့် မိသားစုဆိုလျင် အိပ်မောကျနေရာမှ ပေါက်ကွဲမှုအသံကြီးကြားပြီး သူတို့နေထိုင်ရာ တဲအိမ်ထဲ အစအနများဝင်လာခဲ့သည်။ ၁ နှစ်ကျော်ကလေးက လွင့်ထွက်သွားသည်။ မိခင်ဖြစ်သူက သူတို့အဖြစ်အပျက်ကို ဆေးရုံကြီးအရောက်တွင် ပြောပြသည်။ ပေါက်ကွဲသံကြောင့် နားအူနေပြီး မကြားရသဖြင့် သူ့ကို အော်ပြီးမေးမြန်းရသည်။

ဂိုဒေါင်များရှိသည့်နေရာ၊ ကူးတို့ဆိပ်ရပ်ကွက် ကအတွင်းမှာ မီးလောင်ပေါက်ကွဲမှု ဖြစ်ပေမယ့် စက်ဆန်းကားလမ်းမပေါ်ရှိ အိမ်မှ ဘုရားစင်များ၊ မှန်ပြူတင်းများ ကွဲအက်ပျက်စီးကုန်သည်။ ယင်းအိမ်များမှ မိသားစုများလည်း သဲ၊ အုတ်တင်သည့်ကားများပေါ် ပစ္စည်းများ ကောက်တင်ပြီး လူပါရွှေ့ပြောင်းနိုင်ရန် အဆင်သင့် ပြင်ထားကြသည်။ သူတို့လို ကားပေါ်အဆင်သင့်ပြင်ထားသူတွေ ၄၊ ၅ ဆယ်စီးမက တွေ့ရသည်။ ကားလမ်းပေါ်တွင်လည်း မှန်ကွဲစတွေ ပြန့်ကျဲနေသည်။

လမ်းဘေးတွင် လဲကျသေဆုံးနေသည့် အမျိုးသမီး၏ ယောက်ကျားဖြစ်သူက မီးလောင်မှုဖြစ်ခါစ သူနဲ့အတူ ထွက်ပြေးကြစဉ် သူ့နဘေးမှ သူ့မိန်းမလွင့်စင်ပျောက်သွားရာ လိုက်လံရှာဖွေရင်း တနာရီဝန်းကျင်အကြာမှ ယင်းနေရာတွင်တွေ့လိုက်ရသည်ဟု ပြောသည်။

မီးလောင်ရာ အတွင်းဘက် ၀င်သွားသည့် သတင်းထောက်က ပြန်ပြောရာမှာတော့ မီးသတ်ကား ၂ စီးအတွင်းတွင် ပိတ်မိနေသည်။ မီးလောင်စပြုနေသည့် ဂိုဒေါင်တွေထဲ မီးသတ်များဝင်ရောက် ငြိမ်းသတ်နေသည်ကိုတွေ့ရသည်။ အရပ်သားများ ပုဇွန်တောင်ချောင်းနဘေးရှိ သဲအိတ်အကာများနဘေး ပုန်းနေသည်ကိုလည်းတွေ့ရသည်။ ဘုန်းကြီးကျောင်းများ လူနေအိမ်များ ပေါက်ကွဲမှုအရှိန်ကြောင့် ပြိုပျက်နေသည့် မြင်ကွင်း၊ မီးသတ်တပ်ဖွဲ့များ အသက်အန္တရာယ်ကြားမှ ငြိမ်းသတ်နေသည့် မြင်ကွင်းမြင်တွေ့ရသဖြင့် ကင်မရာဖြင့် မှတ်တမ်းတင် ဓါတ်ပုံရိုက်ယူခဲ့သည်။

တနာရီကျော်အကြာတွင်တော့ မီးဘေးသင့်သူများအား အနီးနားရှိ မူလတန်းကျောင်း ၂ ကျောင်းနှင့် မဟာဝိဇယ ဘုန်းတော်ကြီးကျောင်းတွင် ယာယီ စခန်းဖွင့်ကာ နေရာချထားပေးသည်ကိုတွေ့ရသည်။

နံနက် ၄နာရီ ၁၀ မိနစ်တွင် ရန်ကုန်ဆေးရုံကြီးသို့ ဒဏ်ရာရသူများ ၀င်လာနေဆဲ၊ အရေးပေါ် ခွဲစိတ်ကုသရမည့်သူများကိုလည်း ဆေးရုံဝန်ထမ်းများက လုပ်ဆောင်နေကြသည်ကိုတွေ့ရသည်။

မိသားစုဝင်ပျောက်ဆုံးနေသူတွေလည်း ဆေးရုံကြီးမှာလာရှာကြသည်။ များသောအားဖြင့် ခြေ၊ လက်နှင့်ခေါင်းတွေမှာ ဒဏ်ရာရထားကြသည်။ ကလေးငယ်တဦး ဆေးရုံကြီးသို့ရောက်လာစဉ်တွင် အော့အန်နေသည် ခြေလက်တွေမှာ ရွံ့နွံတွေပေနေသည်။

အရေးပေါ်ကားတွေ၊ အငှားယာဉ်တွေနှင့် တဖွဲဖွဲဝင်လာနေသည်။ နံနက် ၄ နာရီအထိ သေဆုံးသူ ၁၁ ယောက်ရှိပြီ၊ မီးသတ် တပ်ဖွဲ့ဝင်တဦးပါဝင်သည် ဒဏ်ရာရသူ ၅၀ ကျော်ရှိနေပြီ၊ ဒဏ်ရာရသူများထဲ မီးသတ်အဖွဲ့ဝင်တွေက ၃၀ ကျော်ပါဝင်သည်ဟု သိရှိရသည်။ ဆေးရုံကြီးတ၀ိုက်တွင် လာရောက်ကြည့်ရှုသူက ၂/ ၃ ရာနီးပါးရှိမည်။ ယာဉ်ထိန်းရဲ ၀တ်စုံဝတ်ထားသူ ရဲဝန်ထမ်းက ဒဏ်ရာရသူ ကလေးငယ်ကို ပိုက်ကာ ကယ်ဆယ်ရေးယာဉ်ပေါ်မှ ဆင်းလာသည်ကိုတွေ့လိုက်ရသည်။

ချမ်းချမ်းစီးစီး ဒီဇင်ဘာလ မကုန်မီရန်ကုန်မြို့၏ အနိဋ္ဌာရုံ မြင်ကွင်းများအကြား အချင်းချင်းကူညီရိုင်းပင်းမှုကို တွေ့ရသဖြင့် ရင်ထဲအနည်းငယ် နွေးထွေးသလို ခံစားလိုက်ရသည်။ ။
Video.. Burma vj media