ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ် မှ ကျောင်းသားများ လမ်းလျှောက်ဆန္ဒပြချီတက်။

စစ်ကိုင်းမြို့ရွာသစ်ကြီး တိုင်းရင်းသား စွမ်းရည်မြင့် တင်ရေးကျောင်းကနေ မန္တလေးမြို့ ဆွယ်တော်ဘုရားနားက တိုင်းရင်းစွမ်းရည်မြင့်တင်ရေးကျောင်းကို ညနေ (၆)နာရီကနေ ခြေကျင်လျှောက်လာတဲ့ ကလေးတွေ အတွက် စစ်ကိုင်းတိုင်းဒေသကြီး အစိုးရနဲ့ စစ်ကိုင်းက နိုင်ငံရေးလုပ်ရှားနေသူများ အိပ်ပျော်နေကြသလား
မိုင် (၃၀)ကျော် ခရီးကို သူတို့ ဒီလိုဘဲလျှောက်လာကြတယ် ဘယ်တိုင်းဒေသကြီး အစိုးရက မှ ဒီကျောင်းသား (၅၀၀) ခြေကျင်လျှောက်လာတာကို အရေးမစိုက်ကြဘူး တိုင်းရင်းသားတွေ တန်းတူအခွင့်ရေးဆိုတာ ဒါလား
အကြိုလွတ်လိုက်တဲ့ ကားက အယောက်(၅၀) ပဲဆန့်တယ် ခြေကျင်လျှောက်လာတာက ၅၀၀.ရွှေဥာဏ်တော် ဆူးရောက်တဲ့ လူတွေပါ
ပန်းတိုင်ရောက်တော့ ည (၁း၁၅)..မိခင်ကျောင်းတော်ကို မြင်ရတော့ လျှောက်ခဲ့ရတဲ့ လမ်း မော မှန်း တောင် မ သိ

မန္တလေးမြို့တွင် တက်ရောက်သင်ကြားရသောပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ် ကျောင်းကို စစ်ကိုင်း(ရွာသစ်ကြီး) သို့ ကျောင်းပြောင်းရွှေ့ ရမည်ကိုမလိုလားသောကြောင့် ၂၀၁၂ ခုနစ်၊ နိုဝင်ဘာလ(၂၂)ရက်၊ ည(၇)နာရီ မှ စ၍ကျောင်းသား (၅၀၀)ခန့် သည် စစ်ကိုင်းရွာသစ်ကြီးကျောင်း မှ မန္တလေး သို့လမ်းလျှောက် ချီတက် ခဲ့ကြ သည်။ ခု လက်ရှိတွင် လမ်းလျှောက်ဆန္ဒပြကြသောကျောင်းသားများသည် စစ်ကိုင်းမြို့သစ်အ၀ိုင်း သို့ ရောက်ရှိနေပြီးမန္တလေးသို့ ဆက်လက်လမ်းလျှောက်လာမည်ဟု လမ်းလျှောက်ဆန္ဒပြပွဲတွင် ပါဝင်သူတစ်ဦး မှ ဆိုသည်။ ယခုကိစ္စနှင့်ပတ်သက်ပြီး ၂၀၁၂ ခုနစ်၊ နိုဝင်ဘာလ(၂၃)ရက်နေ့ တွင်လဲ သတင်းစာရှင်းလင်းပွဲတစ်ခုဆက်လက်ပြီး မန္တလေးကျောင်းတွင် ဆက်လက်ပြုလုပ်မည့် အစီအစဉ်ရှိကြောင်းပြောသည်။

''ကျွန်တော်တို့ရဲ့ အဓိကရည်ရွယ်ချက်က မန္တလေးမှာပဲ ဆက်ပြီးကျောင်းတက်သွားချင်တယ် ကျွန်တော်တို့က ဆန္ဒပြတာမဟုတ်ဘူး လမ်းလျှောက်ချီတက်တာပါ'' ဟု လမ်းလျှောက်ချီတက်တွင်ပါဝင်သူ ပြည်ထောင်စုတိုင်းရင်းသားလူငယ်များ စွမ်းရည်ဖွံ့ဖြိုးရေးဒီဂရီကောလိပ် မှ ကျောင်းသားတစ်ဦးပြောပါသည်။

ကျောင်းပြောင်းရွှေ့ရမည့် ကိစ္စ နှင့်ပတ်သက်ပြီး ၂၀၁၂ ခုနစ်၊အောက်တိုဘာလ(၂၁)ရက်နေ့ တွင်လဲပြည်ထောင်စု တိုင်းရင်းသားလူငယ် များ စွမ်းရည်ဖွံ့ဖြိုးရေးဒီဂရီကောလိပ် မှကျောင်းသား များမှ သတင်းစာရှင်းလင်းပွဲပြုလုပ်ခဲ့သေးသည်။

၎င်း ကိစ္စ နှင့် နိုင်ငံတော်သမ္မတကြီးထံ အသနားခံစာကို နှစ်ကြိမ်တိတိပို့ထားကြောင်းသိရသည်။ ပထမအကြိမ် ၅.၁၀.၂၀၁၂ ကတစ်ကြိမ်၊၁၅.၁၀.၂၀၁၂ကတစ်ကြိမ် ရှိပြီဖြစ်ကြောင်းသိရသည်။

ဓာတ်ပုံသည် မန္တလေး ဘက်ရှိ ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ် ကျောင်းပုံဖြစ်သည်။

ပေးပို့သော khaing myae အားဒေါင်းမာန်ဟုန်မှ ကျေးဇူးတင်ရှိပါသည်..