“ဘယ်လိုရည်ရွယ်ချက်နဲ့လုပ်တာလဲ၊ ဒီလောက်ထိဟာ၊ ကျွန်မပွင့်ပွင့် လင်းလင်းပြောမယ်နော်။ ဒီလောက်ထိလုံးဝမလိုအပ်ပါဘူး။ ဆေးရုံမှာဒဏ်ရာ ရတဲ့ သံဃာတော်တွေကို သွားဖူးတယ်။ သံဃာတော်တွေ သွားမတွေ့ခင်မှာ ကျွန်မတွေ့တဲ့ ရွာသူရွာသားတွေထဲမှာ မီးလောင်လာတဲ့ မိန်းကလေး တစ် ယောက်လည်းတွေ့တယ်။ လက်တွေမှာပေါ့နော် တော်တော်ဆိုးတာပဲ။ သံဃာတော်တွေရဲ့ ဒဏ်ရာတွေကလည်း တော်တော့်ကိုဆိုးတာပဲ။ အဲဒီ လောက်ထိ ဘာဖြစ်လို့လုပ်ဖို့လိုသလဲဆိုတာ
ကျွန်မတို့ပြည်သူမှာ သိပိုင်ခွင့် ရှိတယ်လို့ထင်ပါတယ်”ဟု ဒေါ်အောင်ဆန်းစုကြည်က ဆက်လက်ပြော ကြားသည်။
အဆိုပါဖြိုခွင်းသည့်ကိစ္စရပ်သည်ကြမ်းတမ်းခဲ့သဖြင့်ယင်းနှင့်ပတ်သက်၍သက်ဆိုင်ရာအာဏာပိုင်အဖွဲ့အစည်းများ နှင့် တွေ့ဆုံမေးမြန်းမှုများ ပြုလုပ်သွားမည် ဟု ဒေါ်အောင်ဆန်းစုကြည်က ပြောကြား သည်။
“ပြောရမယ်ဆိုရင်တော့ အင်မတန်ကြမ်းကြမ်းတမ်းတမ်း နှိမ်နင်းလိုက်တယ်။ ခွဲလိုက်တယ် ဆိုတာသိရပါတယ်။ ဘယ်လို ကြောင့် ဒီလောက်တောင်မှာ ကြမ်းကြမ်း တမ်းတမ်းလုပ်ရသလဲဆိုတာ ကျွန်မတို့ ပြည်သူတွေအနေနဲ့ မေးပိုင်ခွင့်ရှိတယ်လို့ ယုံကြည်ပါတယ်”ဟု ၎င်းက ပြောသည်။
အဆိုပါ ဖြိုခွင်းခံရသောသပိတ်စခန်း များသည် နိုဝင်ဘာ ၁၈ ရက်နေ့မှ စတင်၍ ဖွင့်လှစ်ခဲ့ခြင်းဖြစ်ပြီး၊ ယင်းသပိတ်စခန်း များကို နိုဝင်ဘာ ၂၇ ရက်နေ့ ည ၁၂ နာရီ နောက်ဆုံးထား၍ ဖယ်ရှားပေးရန်နှင့်ဖယ်ရှား ရှင်းလင်းမှုမပြုပါက ဖွဲ့စည်းပုံအခြေခံ ဥပဒေနှင့်အညီ တည်ဆဲ ဥပဒေများအတိုင်းအဆင့်ဆင့် ဖြေရှင်းဆောင်ရွက်သွားမည်ဟု ပြည်ထဲရေး ၀န်ကြီးဌာနသည် နိုင်ငံပိုင်မီဒီ ယာများမှတစ်ဆင့် နိုဝင်ဘာ ၂၇ ရက်နေ့ ည ၈ နာရီတွင် သတိပေးကြေညာချက်ထုတ် ပြန်ခဲ့သည်။
နိုဝင်ဘာ ၂၉ ရက်နေ့ဖြိုးခွင်းမှုမစတင် မီကလည်း လုံခြုံရေး ရဲတပ်ဖွဲ့ဝင်များသည် သပိတ်စခန်းများ၌ စုဝေးနေသူများအား လူစုမခွဲပါက ရဲလုပ်ထုံးလုပ်နည်းဥပဒေများ နှင့်အညီအရေးယူဆောင်ရွက်သွားမည်ဖြစ်ကြောင်းဟူသော ကြေညာမှုများကို ဆက် တိုက်ပြုလုပ်ခဲ့ကြောင်း သိရသည်။
Monywa Times
