နှစ်သစ်ကို ကြိုဆိုလိုက်သည့် (၁၂) နှစ်ပြည့် အောင်ပွဲ

မင်္ဂလာရှိသော ၂၀၁၃ ခုနှစ် နှစ်သစ်အား နွေးထွေးပျူငှါစွာဖြင့် ကြိုဆိုလျှက် . . . .

နိုင်ငံကျော် စာပေ၊ ဂီတ၊ ရုပ်ရှင်၊ အလင်္ကာကျော်စွာဘွဲ့ရှင်၊ မြန်မာပြည်သူ/သားများအတွက် ပြာသိုလပြည့် အမေနေ့ အဖြစ် သတ်မှတ်၍ ဖော်ထုတ်ပေးခဲ့သူ၊ နာရေးကူညီမှုအသင်း(ရန်ကုန်)၏ နာယကကြီး ကျေးဇူးရှင် ဘဘ ဦးသုခ မျိုးစေ့ချ ပြုစုပျိုးထောင်ခဲ့သည့် နာရေးကူညီမှုအသင်း(ရန်ကုန်) သည် အများပြည်သူလူထု (ပြည်တွင်း/ပ)တို့၏ စေတနာ သဒ္ဓါတရား ထက်သန်စွာဖြင့် (အလှူငွေများ၊ အထောက်အကူပြုပစ္စည်းများ အစပြု၍ အဖက်ဖက်မှ ၀ိုင်းဝန်းပံ့ပိုးကူညီမှုများကြောင့် ၂၀၁၃ ခုနှစ်၊ ဇန်န၀ါရီလ (၁) ရက်နေ့၌ တစ်ဆယ့်နှစ်နှစ် ပြည့်မြောက်သွားပြီ ဖြစ်ပါသည်။

နာရေးကူညီမှုအသင်း(ရန်ကုန်) တည်ထောင်ခြင်း (၁၂) နှစ်ပြည့် နှစ်ပတ်လည်အခမ်းအနားအား ၁.၁.၂၀၁၃ (အင်္ဂါနေ့) နံနက်အာရုံအချိန်မှစတင်၍ သံဃာတော် (၁၀) ပါးအား ပင့်ဖိတ်ကာ အာရုံဆွမ်း ဆက်ကပ်နှင့် သင်္ကန်းပရိက္ခရာများအား လှူဒါန်းခဲ့သည်။ ယင်းနောက် နံနက် (၉း၀၀) နာရီအချိန်မှစတင်၍ သုခကုသိုလ်ဖြစ်ဆေးခန်းရှိ မျက်စိခွဲစိတ်ဆေးရုံတွင် ၃၁.၁၂.၂၀၁၂ ရက်နေ့၌ ခွဲစိတ်ကုသမှု ခံယူခဲ့ ကြသော မျက်စိဝေဒနာရှင် (၅) ဦးတို့အား ၈၈ မျိုးဆက်ကျောင်း သားခေါင်းဆောင်များဖြစ်ကြသော ဦးမင်းကိုနိုင်၊ ဦးကိုကိုကြီး၊ ဦးဂျင်မီ၊ မနီလာသိန်း၊ မမီးမီး၊ မသီရိတို့နှင့် မျက်စိခွဲစိတ်ဆရာဝန်များ ဖြစ်ကြသော Dr. ဦးလှမောင်ဒင်၊ Dr. ဦးမိုးလွင်၊ မျက်စိခွဲစိတ်ခန်း၏ မတည်အလှူရှင် သိင်္ဂီရွှေဝါ ပိုးထည်တိုက်မှ ဦးဝင်းထွန်း + အန်တီပေါက်နှင့် နာရေးကူညီမှုအသင်း(ရန်ကုန်)မှ ဥက္ကဋ္ဌ ဦးကျော်သူ၊ ဒု-ဥက္ကဋ္ဌ ဒေါ်သန်းမြင့်အောင်၊ အတွင်းရေးမှူး ဒေါ်ရွှေဇီးကွက်တို့မှ အသီးသီး စက္ခုအလင်းတံခါးအား ဖွင့်လှစ် ပေးခဲ့သည်။ မျက်စိဝေဒနာရှင်များအနေဖြင့် စက္ခုအလင်း စတင်ပွင့်လင်းသည်နှင့် တိုင်းပြည်အကျိုး သယ်ပိုးရွက်ဆောင်နေကြသော ကျောင်းသားခေါင်းဆောင်များ၊ ကျေးဇူးရှင် မျက်စိခွဲစိတ်ခန်း အလှူရှင် များနှင့် Miss Myanmar အလှမယ် နန်းခင်ဇေယျာတို့အား မြင်တွေ့လိုက်ရသဖြင့် များစွာဝမ်းသာ ပီတိများ ဖုံးလွှမ်းသွားစေခဲ့သည်။ ယင်းနောက် နာရေး (ဈာပန) ကူညီမှု၊ သုခကုသိုလ်ဖြစ်ဆေးခန်း(ရန်ကုန် / ပြည် / ပဲခူး / ကြို့ပင်ကောက်)၊ သုခအလင်း စာကြည့်တိုက်နှင့် ပညာရေး အစရှိသည့် (၁၂) နှစ်တာ အများ ပြည်သူတို့အတွက် လုပ်ဆောင်မှုထမ်းရွက် ပေးဆပ်ခဲ့မှု ဓါတ်ပုံမှတ်တမ်းလွှာ ပုံရိပ်များအား ပြခန်းမျာ အဖြစ် ပြသထားရှိသည့်အပြင် အနိစ္စတရားသို့ အလည်အပတ် သွားရောက်မှု Performent ပြခန်းကြီး များတွင် “ကမ္ဘာမြေပြင်မှ ပုံစံအမျိုးမျိုးတို့ဖြင့် ထွက်ခွာသွားကြသူများ၏ ပုံရိပ်လွှာများ”၊ “သေသောသူသည် သုဿန်သို့ သက်သက်သာသာ သွားသင့်သည်”၊ “ကျွတ်စေ .. လွတ်စေ .. ငြိမ်းချမ်းစေ”၊ “နောက်ဆုံးတော့ မီးခိုးနဲ့ပြာ၊ ပါသွားမှာက ကုသိုလ် - အကုသိုလ်” အစ ရှိသည့် ပြခန်းပြကွက်များနှင့် နာရေးကူညီမှုအသင်း(ရန်ကုန်)မှ နာရေးကိစ္စအတွက် အများပြည်သူတို့အား (အခမဲ့) ကူညီဖေးမမှု များအား လက်တွေ့အဆင့်ဆင့် ပြသမှုတို့သည် သေခြင်းတရားအား မမေ့မလျော့ ကြရန်နှင့် ဗဟုသုတ သံဝေဂရယူနိုင်ရန် အဓိကထား၍ သရုပ်ဖော် ပြသခဲ့ခြင်းဖြစ်ပြီး ယင်းနောက် ဥက္ကဋ္ဌ ဦးကျော်သူ၊ ဒု-ဥက္ကဋ္ဌ ဒေါ်သန်းမြင့်အောင်၊ အတွင်းရေးမှူး ဒေါ်ရွှေဇီးကွက် တို့နှင့် အမှတ်တရ ဓါတ်ပုံရိုက်ကူးနိုင်ရန်အတွက် ရုပ်ပုံတူ ဖန်တီးပြုလုပ်ကာ အမှတ်တရအဖြစ် ချက်ချင်း ရိုက်/ထုတ်ပေးခြင်း ဖြင့် အခမ်းအနားသို့ တက်ရောက်လာကြသော ဧည့်ပရိသတ်များတို့၏ နှလုံးသားအား ဖမ်းစားညှို့ယူ စိတ်ဝင်စားစေခဲ့သည့် Performent ပြခန်းများ ဖြစ်စေခဲ့ပါသည်။ အမှတ်တရ အထိမ်းအမှတ်ပစ္စည်းများ အဖြစ် နာရေးကူညီမှု အသင်း(ရန်ကုန်)၊ သုခကုသိုလ်ဖြစ်ဆေးခန်း၊ သုခအလင်း စာကြည့်တိုက် အစရှိ သည့် အမှတ်တံဆိပ် (Logo) များဖြင့် ၂၀၁၃ ခုနှစ် ဒိုင်ယာရီစာအုပ်၊ ဦးထုပ်၊ ဖုန်းအိတ်၊ ဘောလ်ပင်၊ ရင်ထိုး၊ သော့ချိတ်၊ Notepad စာအုပ်၊ လည်ကတုံးအင်္ကျီအတွက် တပ်ဆင်သည့် ကြယ်သီး၊ လက်ကိုင်ပုဝါ၊ ငြိမ်းချမ်းရေး ဂျိုးဖြူငှက် ရုပ်ပုံဖြင့် ကျားဝတ်လုံချည်၊ ဦးကျော်သူ၊ ဒေါ်သန်းမြင့်အောင်၊ ဒေါ်ရွှေဇီးကွက်တို့၏ ရုပ်ပုံများဖြင့် ဖန်ခွက် အစရှိသည့် လူ့အသုံးအဆောင်ပစ္စည်းများ အမှတ်တရအဖြစ် ရောင်းချပေးခဲ့သည့် အပြင် စားသောက်ဖွယ်ရာများအဖြစ် Ice-cream & Tempura ၊ ဘူးသီးကြော်၊ Coke, Sprite, 7 UP, Hot Dog, Ice-coffee အစရှိသည့်တို့အား အစာပြေသုံးဆောင်နိုင်ရန် အသင်းသား/သူများတို့မှ စီစဉ်ရောင်းချ ခဲ့သည်။

နာရေးကူညီမှုအသင်း(ရန်ကုန်)ရှိ သုခအာဟာရ စားသောက်ဆိုင်မှ (၁၂) နှစ်ပြည့် အခမ်းအနားသို့ တက်ရောက်လာကြသော ဧည့်ပရိသတ် (၁၀၀၀) ကျော်တို့အား နေ့လည်စာ သီးစုံထောပတ်ထမင်း၊ ကြက်သားဟင်းဖြင့် ဧည့်ခံကျွေးမွေးခဲ့သည်။ (၁၂) နှစ်ပြည့် အခမ်းအနားနေ့ရက်တွင် ဆံပင်ညှပ်ပေးခြင်း အား ဆံသကုသိုလ်ရှင်များအဖြစ် “နှင်းနှင်းအောင် Beauty Centre” “Orchid City Beauty Parlour (I,II)” “Snow White Beauty Salon” အစရှိသည့် ဆံသဆိုင် (၃) ဆိုင်မှ ၀န်ထမ်းများတို့သည် ကုသိုလ် ဖြစ် ဆံပင်ညှပ်ခြင်း၊ ခေါင်းလျှော်ခြင်းတို့အား ကုသိုလ်ဖြစ် ပြုလုပ်ပေးခဲ့သည်။

မွန်းလွဲ (၁း၀၀) နာရီအချိန်တွင် “သုခ” ခန်းမဆောင်ကြီး၌ နာရေးကူညီမှုအသင်း(ရန်ကုန်) တည်ထောင်ခြင်း (၁၂) နှစ်ပြည့်နှစ်ပတ်လည် အခမ်းအနားအတွက် အဖွင့်သီချင်းအဖြစ် တေးရေး သားဖေ ထင် ရေးသားသီကုံးသည့် “မွေးရာပါဗြဟ္မစိုရ်” သီချင်းအား နာရေးကူညီမှုအသင်း(ရန်ကုန်)၏ တနင်္ဂနွေနေ့ လုပ်အားပေး အသင်းသား/သူများတို့မှ သံပြိုင်သီဆိုဖျော်ဖြေခြင်းဖြင့် စတင်ခဲ့ပြီးနောက် နာရေးကူညီမှု အသင်း(ရန်ကုန်)၏ ၂၀၁၂ ခုနှစ် တစ်နှစ်တာအတွက် ကျရာတာဝန်များအား ဇွဲ၊ လုံ့လတို့ဖြင့် အသင်းမှ ချမှတ်ထားသည့် စည်းမျဉ်း/ကမ်းများ၊ ခွင့်ရက်အနည်းဆုံးဖြင့် တာဝန်ကျေပွန်စွာ ထမ်းရွက်ပေးခဲ့သည့် အပြင် လိုအပ်ချိန်များတွင် ကိုယ်ကျိုးစွန့်၍ နေရာမရွေး စွမ်းစွမ်းတမံ အားသွန်ခွန်စိုက် ထူးချွန်စွာ လုပ်အားပေးခဲ့ကြသော အသင်းသား/သူ ကိုထွန်းထွန်းဝင်း(၂)၊ ကိုမျိုးမင်းဦး၊ ကိုအောင်အောင်၊ ကိုခင် မောင်ချစ်၊ ကိုစည်သူအောင်၊ ကိုဝံသ၊ ကိုဘုန်းဆက်နိုင်၊ ကိုသိန်းစိုး(၂)၊ ကိုအောင်သူရ၊ ကိုဋ္ဌေးလွင်၊ မ၀င်း လဲ့ဇင်၊ မလဲ့လဲ့ထွန်း၊ မအေးအေးမော်၊ မဇင်မာထက်၊ မဆွေဆွေဝင်း(၁) စုစုပေါင်း (၁၅) ဦးတို့အား ဥက္ကဋ္ဌ ဦးကျော်သူ၊ ဒု-ဥက္ကဋ္ဌ ဒေါ်သန်းမြင့်အောင်၊ အတွင်းရေးမှူး ဒေါ်ရွှေဇီးကွက် တို့မှ ဂုဏ်ပြုမှတ်တမ်းလွှာနှင့် လက်ဆောင်ပစ္စည်းများ ချီးမြှင့်ပေးအပ်ခဲ့သည်။

လူမှုရေးတေးဂီတ ဖျော်ဖြေခြင်းအဖြစ် နာရေးကူညီမှုအသင်း(ရန်ကုန်)၏ အထူးဧည့်သည်တော် အသင်းသားဖြစ်သူ တေးရေး/ဆို ဆောင်းဦးလှိုင်၊ ဖြိုးကြီး၊ ပိုပို တို့မှ လူမှုရေးတေးသီချင်းများ ဂုဏ်ပြု သီဆိုခဲ့သည်။ Social Oscar Award 2012 F.F.S.S (yangon) ဆုချီးမြှင့်ခြင်း အစီအစဉ်သည် နာရေး ကူညီမှုအသင်း(ရန်ကုန်)နှင့် သုခကုသိုလ်ဖြစ်ဆေးခန်းများ၏ အများပြည်သူတို့အား ထမ်းဆောင်ပေးဆပ် ရာ၌ နာရေးနှင့်ပတ်သက်၍ အယူသည်းမှုများ၊ (မသာ)ပွဲစားများ၊ အသင်း၏ ကူညီပံပိုးမှုများအနက် ရင်ဆိုင် ကြုံတွေ့ခဲ့ရသည့် အဖြစ်အပျက်များအပြင် ဆေးခန်းနှင့်ပတ်သက်၍ တိုကင်ရယူခြင်း၊ ဆေးကူညီမှု ထမ်း ရွက်ပေးခြင်း၊ တိုကင်ပွဲစား နေရာရောင်းချခြင်း၊ သုခဆေးခန်းမှ ကျန်းမာရေးဝန်ဆောင်မှုများ အစရှိသည့် အဖြစ်အပျက်များအား ဥက္ကဋ္ဌ ဦးကျော်သူမှ စီစဉ်အကြံပြုပြီး ဇာတ်လမ်း၊ ဇာတ်ညွန်း၊ ဒါရိုက်တာ၊ နာရေး ကူညီမှုအသင်း(ရန်ကုန်)၏ အလုပ်အမှုဆောင် ဦးမြတ်ဆွေမှ ပုံဖော်ရိုက်ကူးခဲ့သည့် ပညာပေး ဇာတ်လမ်း တို ဇာတ်ကား (၂၀) အတွက် ပါဝင်သရုပ်ဆောင်ခဲ့ကြသူများထဲမှ နာရေးကူညီမှုအသင်း(ရန်ကုန်) လုပ်အားပေး အသင်းသား/သူများဖြစ်ကြသော ဦးမောင်ညွန့် (ကွယ်လွန်)၊ ဦးတင်ဦး၊ ဦးပြောင်ကြီး၊ ကိုရဲမြင့်အောင်၊ ကိုရဲသွင်ထွဋ်၊ ကိုအောင်မျိုးထက်၊ ကိုတင်ကိုကိုနိုင်၊ ကိုကောင်းပြည့်စုံ၊ ကိုသိန်းထိန်၊ ဒေါ်မြင့်ဆွေ၊ ဒေါ်သန်းသန်းအေး၊ ဒေါ်စန်းစန်းမြင့်၊ ဒေါ်ခင်ဝါ၀ါဦး၊ မခင်ဋ္ဌေးကြွယ်၊ မဆည်းဆာဆွေဝင်း တို့မှ Social Oscar Award 2012 F.F.S.S (yangon) ဆုအသီးသီး ချီးမြှင့်ဂုဏ်ပြုပေးအပ်ခဲ့သည်။ ယင်းဆုများအတွက် ဒါရိုက်တာ ဦးအောင်မြင့်မြတ်၊ ဒါရိုက်တာ ဦးနှင်းမိုး၊ ဒါရိုက်တာ မိုက်တီး၊ ဒါရိုက်တာ အန်ထော်နီ၊ ဒါရိုက်တာ မောင်ဗေဒါ၊ ဒါရိုက်တာ ကြည်ဖြူသျှင်၊ ဇာတ်ညွန်း ဒေါ်ခင်လေးသိမ့်၊ သရုပ်ဆောင် ချစ်ချစ်ဇော်၊ ဇော်ဝင်းမောင်၊ သရုပ်ဆောင် လင်းဇာနည်ဇော်၊ သရုပ်ဆောင် မင်းမော် ကွန်း၊ တေးသံရှင် ဦးရဲလွင်(မဇ္ဈိမလှိုင်း)၊ ဆောင်းဦးလှိုင်၊ ဖြိုးကြီး၊ လင်းလင်း၊ ဦးဝင်းငြိမ်း (အလင်းတန်း)၊ ကိုမျိုး(မြန်မာစာ)၊ ဦးဝင်းမော် (ရွှေသံစဉ်)၊ စာရေးဆရာ အကြည်တော် အစရှိသည့် နယ်ပယ်အသီးသီးရှိ ပညာရှင်များတို့မှ အမှတ်ပေး ရွေးချယ်ခဲ့သည်။

နာရေးကူညီမှုအသင်း(ရန်ကုန်)၏ အသင်းသား/သူများတို့မှ လူမှုရေးသံချပ် ဖျော်ဖြေခြင်းအား မြိုင်မြိုင်ဆိုင်ဆိုင်ဖြင့် ဖျော်ဖြေတင်ဆက်မှုအပြင် PSY Gangnam Style သီချင်းနှင့် ပြကွက်များအား နာရေးကူညီမှု၏ လုပ်ဆောင်မှု စကားလုံးများဖြင့် ပြန်လည်ရေးသား သီဆိုကာ အကပြကွက်များဖြင့် ဧည့်ခံ တင်ဆက်ပြီးနောက် ဧည့်ပရိသတ်များ မျှော်လင့်စောင့်စားနေကြသည့် ဘဘ ဦးသုခ ရေးသားထားသော “ဘယ်သူလဲ” အမည်နာမ ၀တ္ထုတိုတစ်ပုဒ်အား ဇာတ်ညွန်းနှင့် ဒါရိုက်တာ၊ နာရေးကူညီမှုအသင်း(ရန်ကုန်) အလုပ်အမှုဆောင် ဦးမြတ်ဆွေမှ ပြဇာတ်အဖြစ် သရုပ်ဖော် တင်ဆက်ခဲ့ရာ သရုပ်ဆောင်များအဖြစ် ဇော်ဝင်းနိုင်၊ နေဒွေး၊ လင်းဇာနည်ဇော်၊ နာရေးကူညီမှုအသင်း (ရန်ကုန်)မှ မျိုးဝင်း၊ ပြောင်ကြီး၊ တင်ဝင်းအောင်၊ သန်းငွေ၊ ဘိုဘို၊ သိန်းထိန်၊ အောင်မျိုးထက်၊ ၀ဏ္ဏ တို့မှ ပါဝင်သရုပ်ဆောင်ခဲ့ကြပြီး ယင်းပြဇာတ်အတွက် ဆက်တင်ပစ္စည်းများအား ကိုမျိုးလေး၊ ကိုချွဲလေးနှင့် ယမ်းဖောက်ခွဲရေးအား ကိုနေမျိုးတို့မှ အားဖြည့်ပံ့ပိုး ကူညီဆောင်ရွက်ပေးခဲ့သည်။

အခမ်းအနားအားလုံး ပြီးဆုံးချိန်တွင် (၁၂) နှစ်မြောက် အထိမ်းအမှတ်အဖြစ် အသင်းသားဖြစ်သူ ကိုခင်မောင်ချစ်မှ လက်ဆောင်အဖြစ် ပေးပို့ထားသော ကိတ်မုန့်ကြီးအား နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ၊ ဒု-ဥက္ကဋ္ဌ ဒေါ်သန်းမြင့်အောင်၊ အတွင်းရေးမှူး ဒေါ်ရွှေဇီးကွက်တို့နှင့်အတူ နာရေးကူညီ မှုအသင်း(ရန်ကုန်)၏ အသင်းသား/သူများ၊ ၀န်ထမ်းများမှ ပျော်ရွှင်စွာဖြင့် ခွဲစိတ်စားသောက်ကြကာ မင်္ဂလာရှိသော နှစ်သစ်အား ကြိုဆိုခဲ့ပါသည်။

၂၀၁၃ ခုနှစ်၊ ဇန်န၀ါရီလ (၁) ရက်နေ့ နှစ်သစ်မင်္ဂလာနေ့ရက် နံနက် (၉း၀၀) နာရီအချိန်မှ စတင်ကာ နာရေးကူညီမှုအသင်း(ရန်ကုန်)၏ (၁၂) နှစ်ပြည့်နှစ်ပတ်လည် အခမ်းအနား ကျင်းပမှုအချိန် သည် တဖြေးဖြေးဖြင့် ပြီးဆုံးလု နီးလာခဲ့တော့သည်။ အခမ်းအနား၏ နောက်ဆုံးပိတ်အဖြစ် Cartoonist & Caricaturist ပညာရှင်များဖြစ်ကြသော ဆရာတာရာ၊ ဆရာအောင်မင်းမင်း တို့မှ ဧည့်ပရိသတ်များ၊ နာရေး ကူညီမှုအသင်း(ရန်ကုန်)ရှိ အသင်းသား/သူများတို့အား အမှတ်တရ ရုပ်ပြောင်ကာတွန်းများ ရေးဆွဲသည့် လူဦးရေများပြားလာသလို ပညာရှင်များတို့၏ ရေးချက်အရှိန်အဟုန်နှင့်အတူ အချိန်သည်လည်း လင့်လို့ ည (၇း၃၀) နာရီအထိ မမောမပန်းနိုင် အားကြိုးမာန်တက် ရေးဆွဲခဲ့သည်။

နာရေးကူညီမှုအသင်း(ရန်ကုန်) တည်ထောင်ခြင်း (၁၂) နှစ်ပြည့် နှစ်ပတ်လည်အခမ်းအနားအား ကြွရောက်ချီးမြှင့် အားပေးခဲ့ကြသော ဆရာတော်ကြီးများ၊ သံဃာတော်များ၊ သီလရှင်များ၊ လွှတ်တော် ၀န်ကြီးများ၊ ကိုယ်စားလှယ်များ၊ နိုင်ငံရေးနယ်ပယ်မှ ပုဂ္ဂိုလ်များ၊ အနုပညာရှင်များ၊ ပရဟိတ လူမှုရေး အသင်းအဖွဲ့များ၊ စာပေ၊ ဂီတ ပညာရှင်များ၊ ရပ်ဝေးရပ်နီးမှ ဧည့်ပရိသတ်များနှင့်တကွ အခမ်းအနားဖြစ် မြောက်ရေးအတွက် အဖက်ဖက်မှ ပံ့ပိုးကူညီခဲ့သူများ အားလုံးအားလုံးတို့အား အထူးပင် ကျေးဇူးဥပါကာရ တင်ရှိပါကြောင်းနှင့် နာရေးကူညီမှုအသင်း(ရန်ကုန်)သည် အများပြည်သူတို့အား လူမျိုးဘာသာမရွေး၊ ဆင်းရဲချမ်းသာ မရွေးတို့အား ကူညီဖေးမ ပံ့ပိုးပေးနေသည်နှင့်အညီ (၁၂) နှစ်ပြည့် နှစ်ပတ်လည် အခမ်း အနားသို့လည်း လူမျိုးပေါင်းစုံ၊ အလွှာပေါင်းစုံ၊ နယ်ပယ်ပေါင်းစုံမှ လူထုအသီးသီးတို့ တက်ရောက်ချီးမြှင့် အားပေးခဲ့သည်ကို ၀မ်းမြောက်ဖွယ် တွေ့ရှိခဲ့ရသည်။

ကိုကျော်သူ