ထို့အပြင် သီတဂူသာသနာပြုအဖွဲ့ဝင် ရန်ကုန် ဆင်းဘရားသားဆေးဆိုင် ညီအစ်ကိုများကို တာဝန်ပေး၍ အိန္ဒိယနိုင်ငံ ကာလကတ္တားမြို့ရှိ ဆင်းဘရားသားဆေးဆိုင် ညီအစ်ကိုများထံ လိုအပ်သောဆေးဝါးများကို မှာကြား၍ မုံရွာမြို့ရှိ ဂိလာနသံဃာတော်များအား စောင့်ရှောက်နေသော ပရဟိတအဖွဲ့မှ တာဝန်ရှိသူတို့ထံ ပေးပို့လှူဒါန်းခဲ့သည်။ ထိုအိန္ဒိယမှ ရောက်လာသော ဆေးဝါးများမှာ မီးလောင်ဒဏ်ရာများအတွက် အထူးသင့် လျော်ကြောင်း အရေပြားအထူးကုဆရာဝန်များထံမှ သိရသည်။ နိုင်ငံတော်အစိုးရ အစီအစဉ်အထောက်အပံ့ဖြင့် ထိုင်းနိုင်ငံဗန်ကောက်မြို့သို့ သံဃာတော် ၃ ပါးသွားရောက်၍ ကုသမှုခံယူကြရာ ငွေကြေးအကုန်အကျ များစွာရှိကြောင်းကြား သိရသည်။
သို့ဖြစ်ခြင်းကြောင့် ပြည်ပမှ ဆေးဝါးများကို မှာယူ၍ ပြည်ပမှ ကျွမ်းကျင်နိုင်နင်းသော ဆရာဝန်များကို ခေါ်ယူ၍ သီတဂူအဖွဲ့ပိုင် စစ်ကိုင်းတောင်ရိုး သီတဂူအာယုဒါနဆေးရုံတော်တွင် လူနာများကိုတင်၍ ကိုယ်တိုင်ကြည့်ရှု ကုသခွင့်ရမည်ဆိုလျှင် ကောင်းမည်ဟု စိတ်အကြံဖြစ်ခဲ့ပါသည်။ ထို့ကြောင့် ထိုအကြံအစည်နှင့် ထိုအစီအစဉ်ကို နိုင်ငံတော်သမ္မတကြီးနှင့် ကျန်းမာရေးဝန်ကြီးဌာနသို့ စာရေးတင်ပြ၍ ခွင့်တောင်းခဲ့ရာ နိုင်ငံတော်သမ္မတကြီး နှင့် ကျန်းမာရေးဝန်ကြီးဌာနက ၀မ်းမြောက်စွာ ခွင့်ပြုခဲ့ပါသည်။ သို့ဖြစ်၍မုံရွာမြို့မှ လူမှုရေး၊ သာရေး၊ နာရေးအဖွဲ့များ၊ စေတနာရှင်များကို အကြောင်းကြားခဲ့ပါသည်။ မုံရွာမြို့ ဇောတိကတိုက် ဆရာတော် ကြီးအားလည်း ခွင့်ပန်အကြောင်းကြား၍ မီးသင့်ဂိလာန သံဃာတော်အားလုံးတို့ကို စစ်ကိုင်းတောင်ရိုး သီတဂူအာယုဒါန ဆေးရုံတော်သို့ ပို့ဆောင်စေခဲ့သည်။
ဤအစီအစဉ်ကို ကြားသိကြကုန်သော သီတဂူဆရာတော်၏ တပည့် ဒါယကာ၊ ဒါယိကာမများဖြစ်ကြသော မုံရွာ မြို့မှ ဒေါ်မဉ္ဇူနှင့်အဖွဲ့က သယ်ယူပို့ဆောင်ရေးအတွက် မော်တော်ယာဉ်များ လှူဒါန်းကြသည်။ မန္တလေးမြို့မှ သီတဂူ ကျောင်းအစ်မကြီး ဒေါ်ညွန့်ညွန့်အေးမိသားစု၊ ဦးကံတင်+ဒေါ်ဌေးဌေး မိသားစု၊ ရန်ကုန်မြို့မှ ကိုမျိုးဇော်ထွန်း + မ၀တ်ရည်ထွေးမိသားစုတို့က နံနက်ဆွမ်း၊ နေ့ဆွမ်းများကို လှူဒါန်းကြသည်။ သီတဂူ သာသနာပြုအဖွဲ့က ထိုအရေပြားမီးလောင်ခံရသော သံဃာတော်များအတွက် အိပ်ရာခင်း၊ စောင်၊ ခေါင်းအုံးအသစ်များကို လှူဒါန်းကြသည်။ သီတဂူအာယုဒါနဆေးရုံတော်သို့ တက်ရောက်ကြရာ၌ သံဃာတော်တို့ ၀တ်ရုံလာကြသော သင်္ကန်းအဟောင်းများကို သင်္ကန်းအသစ်များနှင့် လဲလှယ်ဝတ်ရုံစေပြီးမှ ဆေးရုံတော်သို့ တင်ကြသည်။
ဤရည်ရွယ်ချက်နှင့် ဤအစီအစဉ်ကို အင်္ဂလန်နိုင်ငံ၊ လန်ဒန်မြို့ရှိ သီတဂူဆရာတော်၏ တပည့် အင်္ဂလိပ်၊ မြန်မာဆရာဝန်များထံ အကြောင်းကြား၍ အရေပြားအထူးကု ဆရာဝန်များကို ရှာဖွေခဲ့ရာ ဒေါက်တာဦးကိုကို၏ စီမံဆောင်ရွက်မှုဖြင့် အင်္ဂလိပ်လူမျိုး အရေပြားအထူးကုဆရာဝန် Dr. James နှင့်အဖွဲ့သည် ၂၀၁၃ ခုနှစ်၊ ဇန်န၀ါရီလ ၅ ရက်နေ့က လန်ဒန်မြို့မှ ရန်ကုန်မြို့သို့ ဆိုက်ရောက်လာခဲ့သည်။
ဇန်န၀ါရီလ ၆ ရက်နေ့တွင် ထိုအရေပြား အထူးကုဆရာဝန်နှင့်အဖွဲ့သည် စစ်ကိုင်းမြို့၊ စစ်ကိုင်းတောင်ရိုး၊ သီတဂူအာယုဒါန ဆေးရုံတော်သို့ ရောက်ရှိခဲ့သည်။ ဇန်န၀ါရီလ ၆ ရက်နေ့ညမှာ သီတဂူ အာယုဒါန ဆေးရုံတော်စီမံအုပ်ချုပ်ရေး အဖွဲ့မှ ဆရာဝန်များ၊ သီတဂူအာယုဒါနဆေးရုံတော် ဆေးရုံအုပ်ကြီးနှင့်တကွသော သီတဂူခွဲစိတ်ဆရာဝန်များ ညှိနှိုင်းတိုင်ပင်ကြပါသည်။ ထိုညှိနှိုင်းတိုင်ပင် အစည်းအဝေး၌ ထိုသံဃာတော်များ ကို ပြုစုစောင့်ရှောက်ခဲ့ကြသော ဆရာဝန်များအားလုံး၏ မှတ်ချက်များနှင့် အစီရင်ခံချက်များကို ကြည့်ရှုလေ့လာကြသည်။
ဆင်းဘရားသားဆေးဆိုင်က လှူဒါန်းသော ဆေးဝါးအားလုံးကိုလည်း ဆရာဝန်ကြီးများအဖွဲ့က စိစစ်ကြသည်။ ဇန်န၀ါရီလ ၇ ရက်၊ နံနက်ပိုင်းတွင် ကုသမှုလုပ်ငန်းများကို စတင်ဆောင်ရွက်ကြသည်။ ဇန်န၀ါရီလ ၆ ရက်၊ ညဥ့်ဦးယံကပင် သီတဂူအာယုဒါနဆေးရုံတော်ပေါ်၌ ဂိလာန ၅၇ ဦးတို့အား ဆေးရုံတော် ပေါ် တင်ထားပြီးဖြစ်သည်။ ဇန်န၀ါရီလ ၇ ရက်နေ့၌ ၃၆ ဦးထပ်မံရောက်ရှိလာသည်။ ဇန်န၀ါရီလ ၉ ရက်နေ့၌ ၂၃ ဦးထပ်မံ၍ ရောက်ရှိလာသည်။ သို့ဖြစ်ခြင်းကြောင့် မီးလောင်ဒဏ်ရာရ ဂိလာနပေါင်း ၁၁၆ ဦး ရောက်ရှိလာခဲ့သည်။ ထိုဂိလာန ၁၁၆ ဦးထဲတွင် ရဟန်းတော် ၃၃ ပါး၊ သာမဏေ ၆၈ ပါး၊ အမျိုးသား ၆ ဦး၊ အမျိုးသမီး ၉ ဦး အသီးသီးရှိကြသည်။
အထက်ဖော်ပြပါဂိလာနတို့တွင်အနာကိုစစ်ဆေး၍စားဆေး၊ သောက်ဆေးပေးကာတစ်ညအိပ်၊ နှစ်ညအိပ်ဖြင့် ဆေးရုံဆင်းခွင့်ပြု လိုက်သော လူနာပေါင်းမှာ ၉၃ ဦးရှိပါသည်။ ခွဲစိတ်ခန်းသို့ ၀င်၍ အင်္ဂလန်မှ ခွဲစိတ်အထူးကုဆရာဝန်ကြီးကိုယ်တိုင် ခွဲစိတ်ကုသ၍ အရေပြားလဲပေးလိုက်ရသော ဂိလာန သံဃာတော်များ မှာ ရဟန်းတော် ၃ ပါး၊ သာမဏေ ၄ ပါး၊ စုစုပေါင်း ၇ ပါးဖြစ်ပါသည်။
သီတဂူဆရာတော်၏ ထိုအစီအစဉ်ကို ကျန်းမာရေးဝန်ကြီးဌာန၊ ဒုတိယကျန်းမာရေးဝန်ကြီး ဒေါက်တာသိန်းသိန်းဌေး၊ ခွဲစ်ိအထူးကုဆရာဝန်ကြီး ဒေါက်တာ ဦးတင်ကြိုင်၊ ဒေါက်တာလှဘုန်း၊ ဒေါက်တာထွန်းထွန်းသန်း၊ ဒေါက်တာ ဦးချစ်ကိုကို၊ ဒေါက်တာဒေါ်ခင်အုန်းဟန်၊ ဒေါက်တာမြတ်လေးနွယ်၊ ဒေါက်တာကြူကြူလွင်၊စစ်ကိုင်း၊မန္တလေးတိုင်းကျန်းမာရေးဦးစီးဆရာဝန်ကြီးများ၊ ဆေးရုံအုပ်ကြီး ခေါင်းဆောင်သော သီတဂူအာယုဒါန ဆေးရုံတော်ဆရာဝန်များအဖွဲ့နှင့် ရန်ကုန်၊ မန္တလေး၊ မုံရွာတို့မှ ဆရာဝန် များ၊ သက်ဆိုင်ရာ ပုဂ္ဂိုလ်များက လာရောက်ကြည့်ရှုကြပ်မတ် ကူညီကုသပေးခဲ့ကြသည်။
သီတဂူစန်းလပမာ ချမ်းမြသာယာရှိကြပါစေ။သီတဂူအာယုဒါနဆေးရုံတော် စီမံအုပ်ချုပ်ရေးအဖွဲ့က ဤသတင်းကို ထုတ်ပြန်ကြေညာပါသည်။ (မှတ်ချက်) ယခုသတင်းထုတ်ပြန်သည့် (၁၀-၁-၂၀၁၃)ခုအထိ စစ်ကိုင်း တောင်ရိုး၊ သီတဂူအာယုဒါနဆေးရုံတော်၌ ရဟန်းတော် ၇ ပါး၊ သာမဏေ ၁၃ ပါး၊ အမျိုးသား ၂ ဦး၊ အမျိုးသမီး ၁ ဦး စုစုပေါင်း လက်ပံတောင်းတောင် လူနာ ၂၃ ဦး တက်ရောက်ကုသနေဆဲဖြစ်ပါသည်။
မြန်မာသံတော်ဆင့်