မွန်ပြည်နယ်အစိုးရအဖွဲ့ကို ဆယ်လနီးပါး တာဝန်ယူဦးဆောင်ခဲ့သည့် ဝန်ကြီးချုပ် ဦးမင်းမင်းဦးသည် တာဝန်က နှုတ်ထွက်ရန် ယနေ့ကြေညာလိုက်ပြီး NLDပါတီမှပါ တပြိုင်တည်းနှုတ်ထွက်သွားမည်ဟု ၎င်းကိုယ်တိုင် မြန်မာတိုင်းမ်ကို အတည်ပြုပြောကြားသည်။
ရာထူးမှ နှုတ်ထွက်ရန် လာမည့်တနင်္လာနေ့တွင် သမ္မတဦးထင်ကျော်နှင့် ပါတီထံ စာတင်သွားမည်ဖြစ်ပြီး ဝန်ကြီးချုပ်အသစ်ကို တာဝန်လွှဲပြောင်းပြီးသည်အထိ တာဝန်ဆက်လက်ထမ်းဆောင်နေမည်ဟုလည်း ဦးမင်းမင်းဦးကဆိုသည်။
"ဘာလို့နှုတ်ထွက်တယ်ဆိုတာကို နောက်မှအေးဆေးပြောချင်ပါတယ်။ ပါတီကနေလည်း ထွက်မှာပါ။ ဒီလူတွေနဲ့ဝေးရာမှာ အမြန်နေချင်ပါပြီ။ ဒီလိုပြောရင် သဘောပေါက်ပေးပေါ့ဗျာ"ဟု ၎င်းက ပြောသည်။
ဝန်ကြီးချုပ်၏ လုပ်ဖော်ဆောင်ဖက်တစ်ဦးဖြစ်သည့် ပြည်နယ်၏ ကရင်တိုင်းရင်းသားရေးရာဝန်ကြီး ဦးအောင်မြင့်ခိုင်က ဝန်ကြီးချုပ်ရာထူးကနှုတ်ထွက်မည့်အပေါ် စိတ်မကောင်းဖြစ်ရသည်ဟု ဆိုသည်။
" ဝေဖန်ခံနေရတာများပေမယ့် သူဟာသူ့တာဝန်ကို ရိုးသားစွာနဲ့ အကောင်းဆုံးလုပ်ဆောင်ထမ်းဆောင်ခဲ့သူပါ"ဟု ၎င်းကဆိုသည်။
ဝန်ကြီးချုပ် ဦးမင်းမင်းဦး ရာထူးမှနှုတ်ထွက်ကြောင်းကို ၎င်း၏ Facebookစာမျက်နှာမှတဆင့် ယနေ့မနက်ပိုင်းတွင် ကြေညာခဲ့ခြင်းဖြစ်သည်။
ဆောက်လုပ်ရေးဝန်ကြီးနှင့် စည်ပင်သာယာရေးဝန်ကြီးတာဝန်များပါ တွဲယူထားသည့် ဝန်ကြီးချုပ်သည် ပြည်နယ်ဖွံ့ဖြိုးရေးလုပ်ငန်းများ ဆောင်ရွက်နိုင်မှုမရှိသည့်အပြင် စီးပွားရေးလုပ်ငန်းရှင်များနှင့် နီးကပ်စွာ ဆက်ဆံနေခြင်းကြောင့် NLDပါတီဝင်များနှင့် ပြည်နယ်လွှတ်တော်ကိုယ်စားလှယ်များက ပါတီရုံးချုပ်ကို တိုင်ကြားခဲ့ကြသည်။
ယင်းတိုင်တန်းမှုများအား စစ်ဆေးရန်အတွက် ပါတီ ဗဟိုအလုပ်အမှုဆောင် ဦးဥာဏ်ဝင်း ခေါင်းဆောင်ကာ အဖွဲ့ဝင် နှစ်ဦးပါသည့် စုံစမ်းရေးအဖွဲ့ကို ပြီးခဲ့သည့်နှစ် နိုဝင်ဘာလတွင် ဖွဲ့စည်းခဲ့ပြီး မွန်ပြည်နယ်ဝန်ကြီးချုပ်ကို အရေးယူရန်လည်း စစ်ဆေးတွေ့ရှိခဲ့သည်ဟု ပါတီက ပြောဆိုထားသည်။
"စစ်ဆေးတွေ့ရှိချက်တွေက်ို အစိုးရအဖွဲ့ကိုပါ တင်ထားပါတယ်။ တစ်လလောက်ရှိပါပြီ"ဟု စုံစမ်းရေးအဖွဲ့ခေါင်းဆောင် ဦးဉာဏ်ဝင်းက ပြီးခဲ့သည့်အပတ်က မြန်မာတိုင်းမ်ကို ဖြေကြားခဲ့သည်။
ထို့ပြင် ပါတီ၏ ခေါင်းဆောင်ပိုင်းတာဝန်ရှိသူတစ်ဦးဖြစ်သည့် ဦးဝင်းထိန်သည်လည်း မော်လမြိုင်မြို့ကို ရောက်ရှိနေပြီး ဝန်ကြီးချုပ်နှုတ်ထွက်ခြင်းနှင့် သက်ဆိုင်မှု ရှိ၊မရှိ သိရှိရန် ဆက်သွယ်မေးမြန်းခဲ့သော်လည်း ဖုန်းလက်ခံဖြေကြားခြင်းမရှိခဲ့ပေ။
===============
ရဲမွန်
The Myanmar Times
