ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းယုမြို့ရှိ နမ့်လွေချောင်းအတွင်း သေဆုံးနေသည့် အမျိုးသား အလောင်းတစ်လောင်း မျောပါတင်ရှိနေမှုအားစစ်ဆေးရာမှ သေဆုံးနေသူမှာ တရုတ်လူမျိုး ဖြစ်နေကြောင်း သိရသည်။
မိုင်းယုမြို့ရှိ နမ့်လွေချောင်းတံတားအောက် (၁)မိုင်ခန့် အကွာတွင် မျောပါတင်ရှိနေသည့် အမျိုးသားအလောင်း တစ်လောင်းနှင့် ပတ်သက်၍ သက်ဆိုင်ရာ တာဝန်ရှိသူများက မတ်လ(၁၂)ရက်နေ့ နေ့လယ်(၁၂)နာရီခွဲဝန်းကျင်က သွားရောက် စစ်ဆေးရာ အသက်(၄၅)နှစ်အရွယ်ဝန်းကျင်ရှိ တရုတ်လူမျိုး ဖြစ်နေကြောင်း သိရသည်။
မျောပါလာသည့် အဆိုပါ အလောင်းသည် အထူးဒေသ(၄) ကျိန်းယဲန်းတစ်ဖက်ကမ်းမှ အလောင်းဖြစ်၍ အထူးဒေသ(၄) နမ့်ပန်းရဲဌာနမှ စခန်းမှူး စောနအဖွဲ့မှ နေ့လယ်(၂)နာရီခွဲဝန်းကျင်က အထူးဒေသ(၄)နမ့်ပန်းသို့ သယ်ဆောင်သွားကြောင်း သိရှိရသည်။
Tachileik News Agency
http://www.tachileik.net
