သောတရှင် မိတ်ဆွေများခင်ဗျား။
ဒီတပတ်မှာတော့ စာအုပ်သစ်တအုပ်ကို မိတ်ဆက်ပေးဖို့ ရည်ရွယ်ထားပါတယ်။ ဒီစာအုပ်က အခု ၂ဝ၁ဝ ခုနှစ် ထဲမှာပဲ ထွက်ပေါ်လာတဲ့စာအုပ်သစ်တအုပ်ဖြစ်ပြီး၊ မြန်မာ စာဖတ်ပရိသတ်အများ စိတ်ဝင်စားဖွယ်အကြောင်း ဖြစ်လိမ့်မယ်လို့ ထင်မိပါတယ်။ စာအုပ်နာမည်ကိုက "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်း ညစ်တဦးကို မျက်နှာဖုံး ခွာကြည့်ခြင်း" ဆိုတော့ ဘာတွေများ ရေးထားမှာလဲဆိုပြီး စိတ်ဝင်စားမိကြမှာပါ။ ထိုင်းနိုင်ငံ၊ ချင်းမိုင်မြို့မှာရှိတဲ့ (Silkworm Books) စာအုပ်တိုက်က ထုတ်ဝေဖြန့်ချိခဲ့တာ ဖြစ်ပါတယ်။ စာရေးသူ က ဗြိတိန်အခြေစိုက် ကမ္ဘာတဝှမ်းရှိ ခရစ်ယာန် ဘာသာဝင်များ သွေးစည်းညီညွတ်ရေးအဖွဲ့ (Christian Solidarity Worldwide) က ဒု-ဥက္ကဌတာဝန်ယူထားသူ ဘင်နဒစ် ရော်ဂျာစ် ဖြစ်ပါတယ်။ သူက မြန်မာပြည် နယ်စပ်တလျှောက်မှာ တိုင်းရင်းသားလူမျိုးများ အရေးနဲ့ ပတ်သက်ပြီး ကာလ ကြာရှည်ဆောင်ရွက်ခဲ့သူလည်း ဖြစ်ပါတယ်။ အထူးသဖြင့်တော့ ကရင်လူမျိုးတွေ၊ စစ်ပြေး ကရင်ဒုက္ခသည်အများကို ကူညီဆောင်ရွက်ပေးခဲ့ တာပါ။ မြန်မာပြည် ဒီမိုကရေစီအရေးနဲ့ ပတ်သက်လို့ နိုင်ငံတကာက စိတ်ဝင်စားသူတွေ၊ အစိုးရတွေအကြား တိုက်တွန်းပြောဆိုခဲ့သူလည်း ဖြစ်ပါတယ်။ အဲဒါအပြင် နိုင်ငံတကာသတင်းစာ အများအပြားမှာလည်း မြန်မာနိုင်ငံက ဖြစ်ပေါ်နေတဲ့အခြေအနေတွေနဲ့ ပတ်သက်လို့ ဆောင်းပါးအများအပြား ရေးသားခဲ့တဲ့အပြင်၊ "မိစ္ဆာမကင်းနိုင်တဲ့မြေ- မြန်မာနိုင်ငံရှိ ကရင်လူမျိုးများအပေါ် လူမျိုးတုန်းသုတ်သင်နေသည့် လုပ်ရပ်ကို ရပ်တန့်ပါရန်" ဆိုတဲ့ စာအုပ်တအုပ်ကိုလည်း ရေးသားထုတ်ဝေခဲ့ပါ သေးတယ်။ ဒီစာအုပ်ရေးသားဖို့ သူ့အဖွဲ့ အစည်းက အားပေးခဲ့တဲ့ အပြင်၊ မြန်မာပြည်အရေး လှုပ်ရှားနေတဲ့ အမေရိကန်အခြေစိုက် (US Campaign for Burma) အဖွဲ့က ဂျယ်ရမီ ဝုဒ်လမ်း ကလည်း ကိုယ်တိုင်ကိုယ်ကျ ကူညီ အချက်အလက်တွေ စုဆောင်းပေးတဲ့ အပြင် အကြိမ်ကြိမ်ဖတ်ရှု အကြံပေးခဲ့တယ် လည်း ဆိုပါတယ်။
ဒီစာအုပ်အဖွင့်ပိုင်း နိဒါန်းမှာ သူဖော်ပြထားတာကတော့ အင်တာနက်က အချက်အလက်တွေရှာဖွေနိုင်တဲ့ ဂူးဂဲလ်စာမျက်နှာမှာ "အာဏာရှင်တွေအကြောင်း စာအုပ် ဒါမှမဟုတ် အာဏာရှင်နဲ့ ဖက်ဆစ်" စသဖြင့် ရိုက်ထည့်ပြီး ရှာဖွေကြည့်ရင် နိုင်ငံတကာက နာမည်ကြီးအာဏာရှင်တွေအကြောင်းကို တွေ့ရလိမ့်မယ်လို့ ဆိုပါတယ်။ အရင်က နာဇီအာဏာရှင်ကြီး ဟစ်တလာ၊ ချီလီက အာဏာရှင်ပီနိုချေးအကြောင်း၊ ယူဂိုဆလား ဗီးယားက မီလိုဆီးဗစ်၊ ယူဂန်ဒါနိုင်ငံက အီဒီအာမင်၊ အခုအခါမှာ လူမျိုးတုန်းသတ်ဖြတ်မှုတွေ ကျူးလွန်နေ တယ်ဆိုတဲ့ ဆူဒန်နိုင်ငံက အိုမာ အယ်လ်-ဘာရှား စသဖြင့်တို့ရဲ့အကြောင်း ရေးသားဖော်ပြထားတဲ့ စာအုပ် တွေကို တွေ့ရပါလိမ့်မယ်။ ဒါပေမယ့် မြန်မာပြည်က ဆိုးညစ်လှတဲ့ အာဏာရှင်ဗိုလ်ချုပ်မှူးကြီးသန်းရွှေ အကြောင်းက ပျောက်နေတယ်လို့ ဆိုပါတယ်။ မြန်မာနိုင်ငံက ကုလသမဂ္ဂက ၂ဝဝ၆ ခုနှစ် လူမျိုးတုန်း သတ်ဖြတ်မှုတွေ ဖြစ်နိုင်ခြေရှိနေတဲ့နိုင်ငံတွေအကြောင်း လေ့လာချက်မှာ အနီရောင်သတိပေးချက်ပြထားတဲ့ နိုင်ငံတခုဖြစ်သလို၊ ဘာသာရေးလွတ်လပ်ခွင့်၊ သတင်း မီဒီယာလွတ်လပ်ခွင့်၊ စီးပွားရေး လွတ်လပ်ခွင့်တွေမှာ အတော် အောက်တန်းနောက်တန်းကျနေတဲ့ နိုင်ငံတခု ဖြစ်ပါတယ်။ နာဂစ်မုန်တိုင်းလို ကပ်ဘေးသင့်တဲ့ကာလ မျိုးမှာတောင် ကိုယ့်ပြည်သူတွေအပေါ် စာနာမှုကင်းမဲ့စွာ လျစ်လျူပြုနေနိုင်တဲ့ အုပ်ချုပ်သူတဦးဖြစ်သလို၊ လူ များစု ကိုးကွယ်ရာ ဗုဒ္ဓြွဘာသာ သံဃာတော်တွေကိုလည်း အာဏာနဲ့ ပတ်သက်လာရင် ရက်ရက်စက်စက် သတ်ဖြတ်ရဲတဲ့ အုပ်ချုပ်သူ ဖြစ်ပါတယ်။ အဲဒါအပြင် တိုင်းရင်းသားတွေအပေါ် ရက်ရက်စက်စက် ကျူးလွန်နေတဲ့ စစ်ရာဇဝတ်ပြစ်မှုတွေ အမြောက်အများ မှတ်တမ်းရှိထားတဲ့အပြင်၊ မြန်မာ့တပ်မတော်က မုဒိမ်းမှု ကျူးလွန်နေ တာကို မသိကျိုးကျွံ ဆက်လက်ခွင့်ပြုထားတာလည်း သူပဲဆိုပါတယ်။ ဒီလိုဆိုးရွားလှတဲ့ မင်းဆိုးမင်းညစ်တဦး ဖြစ်ပေမယ့် သူနဲ့ပတ်သက်တဲ့ လေ့လာထားတဲ့စာအုပ်၊ စာတန်း၊ စာပေက အတော့်ကို ရှားရှားပါးပါးဖြစ်နေလို့ ဒီကွပ်လပ်ကို ဖြည့်ဆည်းရလေအောင် ဗိုလ်ချုပ်သန်းရွှေအကြောင်းစာအုပ်ကို သူရေးဖို့ကြိုးပမ်းရတာ ဖြစ်တယ် လို့ ဘင်နဒစ် ရော်ဂျာစ်က ဆိုထားပါတယ်။
ဒါပေမယ့်စာအုပ်ရေးသားဖို့က မြန်မာစစ်အာဏာရှင်ကြီးရဲ့အကြောင်းကို သိရှိသူ နည်းလွန်းလှတာမို့ နယ်စပ် က မြန်မာ အတိုက်အခံအင်အားစုတွေ၊ တိုင်းရင်းသားတွေ၊ စစ်တပ်က လက်နက်ချလာသူတွေ၊ စစ်တပ် အရာရှိ ဟောင်းတွေ၊ နီးစပ်တဲ့ စီးပွားရေးလုပ်ငန်းရှင်တွေ စသဖြင့်တွေနဲ့ တွေ့ဆုံမေးမြန်းပြီး အတော့်ကို ကြိုးပမ်းစု ဆောင်းခဲ့ရတယ်လို့ ဆိုပါတယ်။ ဧရာဝတီမဂ္ဂဇင်းနဲ့ ဒီစာအုပ်အကြောင်း တွေ့ဆုံမေးမြန်းခန်းတခုမှာတော့ "ဗိုလ်ချုပ်မှူးကြီး သန်းရွှေက သူ့ကိုယ်သူ စစ်ဘုရင်တပါးလိုမြင်တယ်။ ... ... တချို့အချက်အလက်တွေက ဘယ် လိုမှ မဆီလျော် ပေမယ့် အဲဒါတွေက သူတကယ်စဉ်းစားနေတဲ့ အချက်တွေပဲ။" လို့ ဗိုလ်ချုပ်သန်းရွှေ အပေါ် သူ့အမြင်ကို ပြောခဲ့ပါသေးတယ်။ အဲဒါအပြင် "မြန်မာနိုင်ငံမှာ ဖြစ်ပျက်နေတဲ့ လူသားမျိုးနွယ်အပေါ် ကျူးလွန် တဲ့ ရာဇဝတ်မှုလို ပြစ်မှုတွေက ဗိုလ်ချုပ်မှူးကြီး သန်းရွှေရဲ့ အခန်းကဏ္ဍကို စုံစမ်းဖေါ်ထုတ်ဖို့ စုံစမ်း စစ်ဆေးရေး ကော်မရှင်တရပ် ရှိသင့်တယ်လို့ တခြားသူတွေ ယုံကြည်သလို ကျနော်လည်း ယုံကြည်တယ်ဆိုတဲ့ အကြောင်း ကိုလည်း ကျနော် အကြမ်းဖျဉ်းဖေါ်ပြထားပါတယ်။" လို့ သူရည်ရွယ်ချက် ကိုလည်း ဧရာဝတီမဂ္ဂဇင်းကို ထုတ် ဖော် ပြောပြခဲ့ပါသေးတယ်။
ဒီစာအုပ်အကြောင်းကို သူက မြန်မာပြည်ကို သတင်းလွှင့်နေတဲ့ လွတ်လပ်တဲ့အာရှအသံ စသဖြင့် သတင်းမီဒီယာ တွေလည်း ထုတ်ဖော်ပြောခဲ့ပါသေးတယ်။ ဗိုလ်ချုပ်သန်းရွှေက အာဏာကို ဘယ်လိုနည်းသုံးရသုံးရ ဆက်ပြီး ထိန်းသိမ်း ထားမယ့်သူဖြစ်တယ်ဆိုတာ သူ့အမြင်ကို ဖော်ပြပြောဆိုထားခဲ့ပါသေးတယ်။ ဒီစာအုပ် အကြောင်းကို မြန်မာပြည် ကိစ္စအပေါ် အကြားအမြင်များတဲ့ စာရေးဆရာ ဘာတေးလ်လင့်တနာက သုံးသပ်ရာ မှာတော့ အကောင်းဖက်က ဖော်ပြ သုံးသပ်ခဲ့ပါတယ်။ ဘာတေးလ်က ထပ်ပြီးဖြည့်စွက်ဖော်ပြထားတာကတော့ ဗိုလ်ချုပ် သန်းရွှေအာဏာရလာရာ လမ်းတလျှောက် စစ်သားဘဝမှာလည်း တကယ်စစ်မြေပြင်က တိုက်ခိုက်ပြီး တက်လာခဲ့တဲ့သူ မဟုတ်ဘူး၊ သူက စိတ်ဓာတ်စစ်ဆင်ရေးဌာနကနေ တက်လာသူဆိုတာလည်း ဖော်ပြခဲ့ပါ တယ်။ တချိန်က မြန်မာပြည်က စစ်အာဏာရှင်ကြီး ဦးနေဝင်းသေတဲ့အခါ နောင်လာမယ့်မျိုးဆက်တွေနဲ့ အပြောင်းအလဲတွေ ဖြစ်ကောင်းရဲ့ဆိုပြီး၊ စိတ်ကူးယဉ်ခဲ့ကြတာဟာ မှားခဲ့ကြောင်း၊ အခုအချိန်မှာလည်း ရွေး ကောက်ပွဲကို ထောက်ခံပြောဆိုနေသူတွေ၊ ဗိုလ်ချုပ်သန်းရွှေအလွန်ကာလမှာ ဒီမိုကရေစီအပြောင်းအလဲ အတွက် ဦးတည်သွားလိမ့်မယ်လို့ ယူဆထားတဲ့သူတွေ ဖတ်သင့်တဲ့စာအုပ်ကောင်းတအုပ်လို့ ဘာတေးလ် လင့်တနာက ညွှန်းဆိုခဲ့ကြောင်းပါခင်ဗျား။
နောက်တပတ်မှာတော့ ဗိုလ်ချုပ်သန်းရွှေ ငယ်စဉ်ဘဝအကြောင်းတွေ ရေးသားတင်ပြထားတာကို ဆက်လက် တင်ပြ ပါမယ်။ အားလုံး ငြိမ်းချမ်း ပျော်ရွှင်ကြပါစေ။
မျက်နှာဖုံး ခွာကြည့်ခြင်း (အပိုင်း-၂) စာပို့သမားတဦးမှ အာဏာရှင်ဘဝသို့
သောတရှင် မိတ်ဆွေများခင်ဗျား။
ဗိုလ်ချုပ်မှူးကြီးသန်းရွှေရဲ့အကြောင်း၊ အထုပ္ပတိကို နိုင်ငံပိုင်သတင်းစာတွေကနေ တရားဝင်ဖော်ပြရေးသားတာ အနည်းအကျဉ်းပဲ ရှိပါတယ်။ အဲဒါအပြင် သူ့ဘဝအကြောင်းနဲ့ ပတ်သက်လို့ သူ ကိုယ်တိုင် ထုတ်ဖော်ပြောတာ ကလည်း မရှိသလောက်ပါပဲ။ သူနဲ့တွေ့ကြုံဖြတ်သန်းခဲ့ဖူးတဲ့သူတွေ၊ လုပ်ဖော် ကိုင်ဖက်၊ တပည့်တပန်းတွေက လည်း သူ့အကြောင်း စာတစောင်ပေတဖွဲ့ရေးတာမျိုး မရှိပါဘူး။ ပြောရရင် အတော်သိုသိုသိပ်သိပ်နိုင်လွန်းတဲ့သူ လို့ ဆိုရင်ရနိုင်ပါတယ်။
စာအုပ်ရဲ့ နိဒါန်းပိုင်းမှာ စာရေးသူ ဘင်ရော်ဂျာက ဗိုလ်ချုပ်မှူးကြီးသန်းရွှေ မဖြစ်လာခင် အစောပိုင်းကာလတွေ အကြောင်း၊ နိုင်ငံရေးအရ တဖြည်းဖြည်းမြင့်တက် နေရာရလာပုံအကြောင်း သတင်းအချက်အလက်တွေစု ဆောင်းတော့ အတော်ခက်တယ်ဆိုပါတယ်။ ဒါပေမယ့်ပြောလို့ရတာက ဗိုလ်ချုပ်သန်းရွှေက ဘဝတလျှောက် လုံးမှာ လူဆိုးလူမိုက်ကြီးတော့ မဟုတ်ခဲ့ပါဘူး။ သိပ်ကြီးပပလွှားလွှား ဥစ္စာစည်းစိမ် ခံလိုတဲ့လူစားမျိုးလည်း မဟုတ်ခဲ့ပါဘူး။ သူနဲ့လွန်ခဲ့တဲ့ နှစ် (၃ဝ) အတွင်းက သိခဲ့တဲ့ပုဂ္ဂိုလ်တွေရဲ့အပြောအရဆိုရင် သူ့ဘဝက အတော့် ကို ရိုးရိုးရှင်းရှင်း နိုင်လှတယ်၊ တိတ်တိတ်ဆိတ်ဆိတ်ဘဲ နေလေ့ရှိတယ်လို့ သိခဲ့ရပါတယ်။ အဲသည်တော့ ဇင်ဘာဘွေ နိုင်ငံက ဒီကနေ့အာဏာရှင်ကြီး မူဂါဘီနဲ့အတော်ဆင်တူတယ်ဆိုပြီး သူက ကိုးကားဖော်ပြပါတယ်။ မူဂါဘီ အစောပိုင်းသမ္မတသက်တမ်းမှာ အလုပ်အတူပူးတွဲလုပ်ကိုင်ဖူးခဲ့တဲ့ ဒင်းနစ် နော်မင်ကရေးသားထားတဲ့ စာတအုပ်ကို ကိုးကားပြီး၊ မူဂါဘီက အတော့်ကို စည်းစနစ်ကျနတဲ့သူ၊ လူတွေကိုလည်း လေးလေးစားစား ဆက်ဆံတတ်သူ၊ ယဉ်ကျေးပျူငှာ ဝတ်မပျက်တတ်ဘူး၊ သိပ်ပလွှားတဲ့ ဇိမ်ခံမှုမျိုးလည်း လိုလားသူ မဟုတ်ဘူး လို့ ရေးခဲ့ပါတယ်။ ဒီအချက်တွေအားလုံးက ဗိုလ်ချုပ်သန်းရွှေရဲ့ အစောပိုင်းကာလကို ဖော်ပြရင်လည်း တထပ်တည်း လောက် တူနေနိုင်တယ်လို့ သူကဆိုပါတယ်။ မူဂါဘီက ပလွှားတဲ့သူတော့ မဟုတ်ဘူး၊ ဒါပေမယ့် အာဏာ ကို တော့ တပ်မက်မောတယ်လို့ ဒင်းနစ် နော်မင်က ရေးပါတယ်။ မူဂါဘီဘဝအတိတ်ကို ပြန်ကြည့်တဲ့ အခါ သူရဲ့ နိုင်ငံရေးဖြတ်သန်းမှုတလျှောက်လုံးမှာ မတွေ့ရတာက လူသားတယောက်ဆန်တဲ့ အနှစ်သာရပဲလို့ ဆိုပါတယ်။ သူက မထင်မရှား နိုင်ငံရေးသမားတဦးအဖြစ် ဖြတ်ခဲ့ရတယ်၊ အခြေအနေအဆို အမျိုးမျိုးကြားမှာ ရှင်ကျန်ရစ် ရသူ၊ ဒါပေမယ့် အကြင်နာကင်းကင်းနဲ့ ရက်စက်တတ်သူလို့ ဆိုပါတယ်။ သူ့လူမျိုးတွေအပေါ်မှာတောင် အညှိုး ထားတတ်သူလို့ ဆိုပါတယ်။ မူဂါဘီက ဇင်ဘာဘွေပြည်သူတွေအရေးအတွက်လောက်တော့ ဘယ်လောက် ဒုက္ခရောက်နေနေ၊ သေကောင်ပေါင်းလဲ ဖြစ်ပါစေ၊ စိတ်မလှုပ်ရှားတတ်ဘူး၊ ဒါပေမယ့် ပဋပိက္ခတွေ၊ ရန်သူ တွေရဲ့ လုပ်ကြံမှုဖြစ်ရပ်တွေအကြောင်းဆိုရင် သူ့စိတ်ဝင်စားမှုက ထကြွလာတယ်လို့လည်း မူဂါဘီ အကြောင်းကို ရေးသားခဲ့ပါတယ်။ ဗိုလ်ချုပ်သန်းရွှေအကြောင်း စာရေးသူ ဘင် ရော်ဂျာကလည်း ဗိုလ်ချုပ်မှူးကြီး သန်းရွှေမှာ ဒီလိုစရိုက်လက္ခဏာတွေကို တွေ့ရပြန်တယ်လို့ ဆိုပါတယ်။ သူတို့က အလယ်ခေတ် ကာလတွေ က သက်ဦး ဆံပိုင် ဘုရင်တွေလို ကျင့်ကြံချင်တယ်လို့ ဆိုပါတယ်။ "သူတို့ လုပ်ချင်တာကိုလုပ်မယ်၊ သူရဲ့လမ်းမှာ ဘယ်သူ ကမှ လာတားဆီးနေလို့မရဘူး၊ အကယ်၍ သူလုပ်ချင်တာကို လုပ်ခွင့်မပေးဘူးဆိုရင် ဘယ်လိုဖြစ်သွားမယ် ဆိုတာ တွေ့ရလိမ့်မယ်" စသဖြင့် ကလေးဆိုးဆန်ဆန် အမူအကျင့် တွေကိုလည်း အာဏာရှင်ကြီး ၂-ဦးလုံးမှာ တွေ့ရတယ်လို့ ဆိုပါတယ်။ ဒီအချက်တွေကြောင့် လူတွေဘဝပျက် သေကြေကြရတာသာမကဘဲ၊ နိုင်ငံတခုလုံး ကြေကွဲဝမ်းနည်းဖွယ် အဖြစ်ဆိုးတွေလည်း ကြုံကြရပါတယ်။
စာရေးသူက ဘာကြောင့်ဒီလိုဖြစ်တာလဲ လို့ မေးခွန်းထုတ်ရင်း၊ "အာဏာဟာ လူကိုပျက်စီးစေတယ်၊ အကြွင်းမဲ့ အာဏာဟာ လူကို ပိုလို့ဆိုးရွားစွာ ပျက်စီးစေတယ် "ဆိုတဲ့ လော့ဒ် အက်တွန် (Lord Acton) ရဲ့ အတိတ် ကာလက နာမည်ကျော်စကားကိုပဲ ယူပြီး အဖြေပေးခဲ့ပါတော့တယ်။ ဒီလိုနဲ့ သူက အာဏာရှင်ကြီး ဗိုလ်ချုပ် မှူးကြီး သန်းရွှေရဲ့ မျက်နှာဖုံးကို ခွာချနိုင်ဖို့ ကြိုးစားခဲ့ပါတယ်။
ဗိုလ်ချုပ်သန်းရွှေက မြန်မာပြည်အထက်ပိုင်းက ကျောက်ဆည်သားပါ။ ၁၉၃၃ ခုနှစ်၊ ဖေဖေါ်ဝါရီလ ၂ ရက်နေ့ မှာ မွေးဖွားတယ်လို့ ဆိုပါတယ်။ သူရဲ့ငယ်စဉ်ဘဝအကြောင်းကလည်း သိသူအတော်နည်းလှပါတယ်။ သူမှာ မွေးချင်း ဘယ်နှစ်ယောက်ရှိသလဲဆိုတာတောင် အတိအကျ မသိနိုင်ကြပါဘူး။ အချို့ကတော့ သူ့ကို သူ့ကို မြင်းစုလို့ခေါ်တဲ့ ရွာငယ်တခုမှာ မွေးတယ်လို့ဆိုပါတယ်။ ဗိုလ်ချုပ်သန်းရွှေနဲ့ နီးစပ်တဲ့ စီးပွားရေးလုပ်ငန်းရှင်တဦး ပြောတာကတော့ သူ့ကိုညောင်ခြေထောက်လို့ခေါ်တဲ့ မြို့ငယ်တခုမှာ မွေးတယ်လို့ ပြောပြန်ပါတယ်။ နောက် ပိုင်းမှာ ကျောက်ဆည်ကိုပေါင်းလာတဲ့မြို့လို့လည်း ဆိုပါတယ်။ ကျောက်ဆည်ဒေသက ခြောက်သွေ့တဲ့ မြေပြန့် ဒေသပါ၊ စိုက်ပျိုးရေးလုပ်ငန်းကို အဓိကထား အသက်မွေးကြပါတယ်။ ရန်ကုန်-မန္တလေးသွားတဲ့ ရထားလမ်းမ ပေါ်မှာ တည်ရှိပြီး၊ ရှမ်းပြည်ကနေ ဧရာဝတီမြစ်ထဲ စီးဝင်တဲ့ ဇော်ဂျီချောင်းက ရေကို မှီခိုအားထားကြရပါတယ်။ ကျောက်ဆည်မှာ လူဝင်ပြီးကတဲ့ "ဆင်ပွဲ"ကလည်း နာမည်ကျော်လှပါတယ်။
သိရှိသူတွေကတော့ ဗိုလ်ချုပ်သန်းရွှေရဲ့မိဘတွေက လယ်သမားတွေလို့ ဆိုကြပါတယ်။ ဖြစ်နိုင်တာက ဆန်စိုက် တဲ့ လယ်သမားတွေဖြစ်ဖို့ များပါတယ်။ ကျောက်ဆည်မှာ ဆန်အပြင်၊ နနွင်း၊ သရက်၊ ကြက်သွန်၊ ပြောင်းနဲ့ ပဲ အမျိုးမျိုးလည်း စိုက်ကြပါတယ်။ ဗိုလ်ချုပ်သန်းရွှေမွေးဖွား ကြီးပြင်းခဲ့တဲ့ကာလနဲ့ မြန်မာ့သမိုင်းဖြစ်စဉ်တွေကို လည်း ယှဉ်လို့စာရေးသူက ဖော်ပြခဲ့ပါတယ်။ ဗိုလ်ချုပ်သန်းရွှေ မမွေးခင် ၂-နှစ်လောက်၊ ၁၉၃ဝ ခုနှစ်မှာ မြန်မာ နိုင်ငံက ကိုလိုနီအုပ်ချုပ်ရေး ကာလအထဲ လယ်သမားတွေ မခံမရပ်နိုင်လို့ ဆရာစံသူပုန်ထမှုကြီး ပေါ်ပေါက်ခဲ့ပါ တယ်။ လယ်သမားတွေက ရရာလက်နက်စွဲလို့ အင်္ဂလိပ်ကိုလိုနီကို ပုန်ကန်ခဲ့ကြတာပါ။ ဒီသမိုင်းအဖြစ်အပျက် က ဗိုလ်ချုပ်သန်းရွှေအပေါ် သြဇာလွှမ်းမိုးဖို့တော့ ခက်ပါတယ်။ အတော့်ကို ငယ်ရွယ်သေးတဲ့ကာလပါ။
ဗိုလ်ချုပ်သန်းရွှေ ငယ်စဉ်ဘဝက ပညာရေးကောင်းကောင်းမရခဲ့ဘူးလို့ ပြောဆိုတာတွေလည်း ရှိနေခဲ့ပါတယ်။ ကျောင်းနေတဲ့ ပုံမှန်ပညာရေးထက်စာရင်၊ ပုံမှန်မဟုတ်တဲ့ ပညာရေးစနစ်မျိုးနဲ့ ကြီးပြင်းဖြတ်သန်းခဲ့ရတယ်လို့ လည်း ဆိုကြပါတယ်။ ဒါပေမယ့် စစ်အစိုးရက တရားဝင်ထုတ်ပြန်ထားတဲ့ အချက်အလက်တွေအရ ဗိုလ်ချုပ် သန်းရွှေက ၁၉၄၂ ခုမှာ အခြေခံမူလတန်းကျောင်းပြီးလို့၊ ကျောက်ဆည် အထက်တန်းကျောင်းကိုတက် ၁၉၅၁ ခုနှစ်မှာ အထက်တန်းအောင်ခဲ့တယ်လို့ ဆိုပါတယ်။ အချို့ကလည်း ဒီလောက်တောင် ပညာရေးရှိချင်မှရှိမယ် လို့လည်း ပြောဆိုတာတွေ ရှိပါသေးတယ်။ အဲဒီနောက် ကျောက်ဆည်မြို့ရဲ့တောင်ဖက် မိုင် ၆ဝ-အကွာက မြို့ကလေးရဲ့ စာတိုက်တခုမှာ စာတိုက်စာရေးလေးအဖြစ် တနှစ်လောက်လုပ်ခဲ့သေးတယ်လို့လည်း သိရပါတယ်။ စာတိုက်စာရေးဖြစ်ဖို့ဆိုတာ အနည်းဆုံး ပညာအရည်အချင်း ၁ဝ-တန်းလောက်မှ ရှိမှ ဖြစ်မှာမို့ သူက ၁ဝ- တန်း အောင်ခဲ့တယ်လို့ ယူဆနိုင်တယ်လို့လည်း သုံးသပ်ကြပါတယ်။ မြန်မာပြည်မှာ စာတိုက်စာရေးလေး ဘဝ ကနေ အာဏာရှင်ကြီးဖြစ်ခဲ့တာ သူမှ မဟုတ်ပါဘူး။ အရင်က အာဏာရှင်ကြီး ဦးနေဝင်းကလည်း စာတိုက် စာရေး လေးအဖြစ် အလုပ်ဝင်ခဲ့ဖူးပါသေးတယ်။
နောက်တပတ်မှာတော့ သူ့ရဲ့ငယ်စဉ်ဘဝနဲ့ စစ်ထဲဝင်ခဲ့ပုံကို ဆက်လက်တင်ပြပါမယ်။ အားလုံး ငြိမ်းချမ်း ပျော်ရွှင် ကြပါစေ။
-------
ထိုင်းနိုင်ငံရှိ (Silkworm Books) စာအုပ်တိုက်က ထုတ်ဝေပြီး၊ ဘင်နဒစ် ရော်ဂျာစ် (Benedict Rogers) ရေးသားထားတဲ့ "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ်တဦးကို မျက်နှာဖုံးခွာကြည့်ခြင်း" ဆိုတဲ့ စာအုပ်အကြောင်းကို တင်ဆက်နေပါတယ်။ ဒီတပတ်မှာတော့ ဗိုလ်ချုပ်သန်းရွှေရဲ့ ငယ်စဉ်ဘဝ စစ်တပ် ထဲဝင်ရောက်ခဲ့ပုံ အကြောင်းတွေကို ဆက်လက် တင်ပြပါမယ်။
သောတရှင် မိတ်ဆွေများခင်ဗျား။
နိုင်ငံတွေ၊ အင်ပိုင်ယာတွေရဲ့ သမိုင်းဟာ ထွန်းပြောင်တဲ့ အတိတ်သမိုင်းတွေ ရှိ သလို၊ ပြိုလဲကျဆုံးမှုတွေနဲ့လည်း တွဲနေ တတ်ပါတယ်။ ဒီလိုသမိုင်းမှာပဲ လူစွမ်း ကောင်း ယောက်ျား၊ မိန်းမတွေရဲ့အကြောင်းတွေနဲ့လည်း ဆက်စပ် နေတတ် ပြန်ပါတယ်။ ဒီကနေ့ အခုလို စာအုပ်မှတ်တမ်းတင်ရတဲ့ ဗိုလ်ချုပ်မှူးကြီးသန်းရွှေရဲ့အကြောင်းကို ပြန်ကြည့်တဲ့အခါမှာ ဒီလိုထူးချွန်တဲ့ လူစွမ်း ကောင်းလူယောက်ျားတဦးရဲ့ မှတ်တမ်းကို ဖတ်နေရသလိုတော့ မဟုတ်ပါဘူး။
ဗိုလ်ချုပ်သန်းရွှေ ငယ်စဉ်ဘဝ ကျောက်ဆည်မြို့မှာ ဖြတ်သန်းခဲ့ရတဲ့ အချိန်က ဒုတိယကမ္ဘာစစ်ကာလနဲ့လည်း တိုက်ဆိုင် နေပါတယ်။ ဗိုလ်ချုပ်သန်းရွှေက အမျိုးသားရေးစိတ်ဓာတ် ပြင်းထန်သူလို့ လူသိများကြသလို၊ မကြာ ခဏဆိုသလိုပဲ ဗြိတိသျှတွေကို ဆန့်ကျင်ပြောဆိုတာလည်း ရှိခဲ့ပါတယ်။ အဲသည်တော့ သမိုင်းအဖြစ်အပျက် တွေက သူ့ငယ်စဉ် ဘဝအပေါ် ဘယ်လောက်သြဇာ လွှမ်းမိုးခဲ့မယ်ဆိုတာ စိတ်ဝင်စားဖို့တော့ ကောင်းပါတယ်။ မြန်မာ့ရိုးရာ ဓလေ့ထုံးတမ်း တွေကို တွက်ချက်ပြီး ဗိုလ်ချုပ်သန်းရွှေဟာ ငယ်စဉ်ဘဝက ရှင်ပြုပြီး ကိုရင်ဘဝ ဖြတ်သန်းခဲ့မယ်ဆိုတာကိုလည်း စာရေးသူက တွက်ချက်ဖော်ပြပါသေးတယ်။ ဗိုလ်ချုပ်သန်းရွှေမှာ မွေးချင်း မောင်နှမ ဘယ်နှစ်ယောက်ရှိတယ်ဆိုတာ ဘယ်သူမှ တိတိကျကျ မသိကြပါဘူး။ သူကိုယ်တိုင်ကလည်း သူ့မိသားစု အကြောင်း ဖော်ပြပြောဆိုတာ မရှိခဲ့ပါဘူး။ မြန်မာပြည်မှာ သံအမတ်အဖြစ်တာဝန်ထမ်းဆောင်ခဲ့တဲ့ ထိုင်းနိုင်ငံ သံအမတ်ကြီးကတော့ ဗိုလ်ချုပ်သန်းရွှေဟာ မွေးချင်းမောင်နှမတွေ မရှိနိုင်ဘူး၊ ရှိရင် သူသိရမယ်လို့ ပြောဆိုခဲ့ပါတယ်။ ကုလသမဂ္ဂ အထူးသံကိုယ်စားလှယ်လုပ်ခဲ့တဲ့ ရာဇာလီ အစ္စမိုင်းလ်ကတော့ ဗိုလ်ချုပ် သန်းရွှေမှာ အကို ဒါမှမဟုတ် ယောက်ဖတဦးရှိတယ်၊ သူက ကွန်မြူနစ်နဲ့ ပတ်သက်လို့ ထောင်ကျနေတယ်လို့ သူ့ကို ပြောခဲ့ဖူး ကြောင်း ပြန်ပြောပါတယ်။ ဒါပေမယ့် စာရေးသူ ဘင်ရော်ဂျာကတော့ ကျောက်ဆည်မြို့သား (ABSDF) ဥက္ကဌ ကိုသံခဲကို ကိုးကားဖော်ပြရာမှာ ဗိုလ်ချုပ်သန်းရွှေမှာ အစ်မတယောက်ရှိပြီး၊ ဈေးဆိုင်တည် ထားတယ်။ နောက် သူအာဏာရလာပြီး နောက်ပိုင်းမှာမှ တည်းခိုခန်းတွေ၊ အခြားလုပ်ငန်းတွေ ပံ့ပိုးပေးတာ ကြောင့် ကြီးပွားစီးပွား ဖြစ်လာတယ် ဆိုပါတယ်။ ဒါပေမယ့်ဗိုလ်ချုပ်သန်းရွှေနဲ့ နီးစပ်တဲ့ စီးပွားရေးသမားတဦး ပြောတာကတော့ ဗိုလ်ချုပ်သန်းရွှေရဲ့ဖခင်က အရင်အိမ်ထောင်ရှိဖူးတယ်။ အဲသည် အိမ်ထောင်နဲ့ အဖေတူ မောင်နှမ ၅-ယောက်၊ ၆- ယောက်လောက် ရှိတယ်လို့ ဆိုပါတယ်။ တရားဝင်အတည်ပြုနိုင်တာတွေတော့ မဟုတ်ပါဘူး။ ဒီအချက်တွေ ကြောင့်ပဲ ဖြစ်မယ် ထင်ပါတယ်။ ကျောက်ဆည်ဒေသမှာ ဖွံ့ဖြိုးရေးစီမံကိန်းတွေ၊ စက်ရုံတွေ အများအပြား သူ အာဏာရ လာပြီးတဲ့ နောက်ပိုင်းမှာ တည်ဆောက်ထားခဲ့ပါတယ်။
ဗိုလ်ချုပ်သန်းရွှေ ငယ်စဉ်ဘဝ ကျောင်းတက်နေစဉ် အချိန်မှာပဲ ဒုတိယကမ္ဘာစစ်ကြီး ဖြစ်လာပါတယ်။ ၁၉၄၁ ခု၊ ဒီဇင်ဘာ လမှာ ဂျပန်က ဗြိတိန်ကို စစ်ကြေညာခဲ့ပြီး၊ နောက်ပိုင်း ၃-နှစ်မှာ မြန်မာနိုင်ငံထဲ ဝင်ရောက်ကျူးကျော် ခဲ့ပါတယ်။ ကျောက်ဆည်က အချက်အချာကျတဲ့ဒေသဖြစ်လို့ အင်္ဂလိပ်နဲ့ အမေရိကန်က ကျောက်ဆည်ကနေ မအောင်မြင်ခဲ့တဲ့ ခုခံစစ်ကို ဆင်နွှဲဖို့ ကြိုးပမ်းခဲ့ပါသေးတယ်။ ၁၉၄၂ ခုနှစ်မှာ ကျောက်ဆည်မှာပဲ ဗြိတိသျှတပ်ရဲ့ နာမည်ကြီးတပ်မှူးတွေ ဖြစ်တဲ့ ဗိုလ်ချုပ် ဆာ ဝီလီယံ စလင်း၊ ဗိုလ်ချုပ်ဟာရိုးလ် အလက်ဇန်းဒါးနဲ့ အမေရိကန် တပ်က ဗိုလ်ချုပ်စတီးဝဲလ်တို့ အစည်းအဝေး ထိုင်ခဲ့ကြပါသေးတယ်။ ဒါပေမယ့် မောင်သန်းရွှေ ၉-နှစ်သား အရွယ်မှာ ဂျပန်တွေက အလျှင်အမြန် ချီတက်လာပြီး ကျောက်ဆည်ကို သိမ်းပိုက်လိုက်ပါတယ်။ ဂျပန်တွေ အုပ်စိုးစဉ်မှာတော့ ဂျပန်ဗိုလ်ချုပ် ဟီတာရို ကီမူရာက ကျောက်ဆည်ကို အမာခံနောက်ကျော ထောက်ပံ့ရေး လမ်းကြောင်းအဖြစ်ထားပြီး၊ အိန္ဒိယနယ်စပ် နာဂလန်း၊ မဏိပူ ဖက်ကို ထိုးစစ်ဆင်ဖို့ ပြင်ဆင်ခဲ့ပါတယ်။ ဒုတိယ ကမ္ဘာစစ်ပြီးခါနီး မဟာမိတ်တပ်တွေ ပြန်ထိုးစစ်ဆင်လာတော့ ဗိုလ်ချုပ်စလင်း ဦးဆောင်တဲ့တပ်တွေက ကျောက်ဆည်ကို ၁၉၄၅ ခုနှစ်၊ မတ်လမှာ ခပ်လွယ်လွယ်ပဲ သိမ်းလို့ရတယ်။ ဂျပန်တပ်တွေက အဲဒီ ကျောက်ဆည်ဒေသမှာ ၂ဝဝဝ လောက်တောင် ကျကျန်ရစ်တယ်လို့ ဆိုကြတယ်။ မောင်သန်းရွှေ ၁၂ နှစ် သားအရွယ်ပေါ့။ သူ့မြို့ကို အင်္ဂလိပ်တွေ၊ ဂျပန်တွေ အုပ်ချုပ်ခဲ့တာ၊ ရက်စက်ကြမ်းကြုတ်လှတဲ့ စစ်တလင်းမြေ ဖြစ်ခဲ့တာတွေကို သူမြင်ခဲ့ရဖို့ ရှိတယ်။ အဲသည်အချိန်နောက်ပိုင်းမှာ ဘီအိုင်အေတပ် ခေါင်းဆောင် ဗိုလ်ချုပ် အောင်ဆန်းက လွတ်လပ်ရေး ခေါင်းဆောင်ကြီး ဖြစ်လာသလို၊ အမျိုးသားရေး လွတ်လပ်ရေး လှုပ်ရှားမှု တွေလည်း ပြင်းထန်လာခဲ့တယ်။
၁၉၄၈ ခုနှစ်မှာ မြန်မာနိုင်ငံ လွတ်လပ်ရေးရပြီး မကြာခင်မှာပဲ ပြည်တွင်းစစ်မီးက အကြီးအကျယ် တောက် လောင်ပြန်ပါ တယ်။ တိုင်းရင်းသားတွေနဲ့ ကွန်မြူနစ်၊ ဆိုရှယ်လစ် အယူဝါဒပေါင်းစုံ ရောင်စုံသူပုန်ထမှုတွေနဲ့ ကြုံရတယ်။ မြန်မာ့တပ်မတော်က ကချင်ဗိုလ် ဗိုလ်နော်ဆိုင်းတို့က အစိုးရကိုဖီဆန်ပုန်ကန်ကြတော့ သူတို့ တပ်တွေက ကျောက်ဆည်ကို ၁၉၄၉ ခုနှစ်မှာ သိမ်းပိုက်ခဲ့ကြပြန်တယ်။ မောင်သန်းရွှေ ၁၆-နှစ်သားလောက်ပဲ ရှိဦးမယ်။ တခါ အဲဒီနှစ်ဇွန်လမှာပဲ မြန်မာ့တပ်မတော်က ဗိုလ်နော်ဆိုင်းတပ်တွေကို ပြန်ထိုးစစ်ဆင်တော့ သူတို့က မြောက်ဖက်ကို ဆုတ်ခွာသွားခဲ့ကြရတယ်။ အဲဒီကာလ မတည်ငြိမ်ဖြစ်ခဲ့တဲ့၊ စစ်ကြီးတွေကြုံခဲ့ရတဲ့ အတွေ့အကြုံတွေက ဒီကနေ့ ဗိုလ်ချုပ်သန်းရွှေအပေါ် ဘယ်လို ရောင်ပြန်ဟပ်မယ်ဆိုတာတော့ အတိအကျ မပြောနိုင်ပါဘူး။
ဒီလိုနဲ့ နောက် ၅-နှစ်အကြာ အထက်တန်းကျောင်းပြီးလို့၊ စာတိုက်မှာ စာရေးကလေးအဖြစ် တနှစ်လောက် ဝင်လုပ်ပြီးတဲ့ အခါမှာတော့ မောင်သန်းရွှေက စစ်ထဲဝင်ခဲ့တယ်။ မြန်မာ့တပ်မတော်က ပေးတဲ့ ၉ ကြိမ်မြောက် အိုတီအက်စ် စစ်ဗိုလ် အရာရှိလောင်းသင်တန်းကို မေမြို့မှာ တက်ဖို့ ရွေးချယ်ခံရတယ်။ အရာရှိလောင်း သင်တန်းကို ဂျပန်တွေက မင်္ဂလာဒုံမှာ ၁၉၄၂ ခုနှစ် စတင်စဉ်ကတော့ မြန်မာစစ်တပ်ကို ထိန်းချုပ်ဖို့ ရည်ရွယ်ခဲ့ တာပါပဲ။ ဒါပေမယ့် အိုတီအက်စ်သင်တန်းတွေက အမျိုးသားရေးစိတ်ဓာတ် နိုးကြားပေါက်ဖွားရာ၊ ဂျပန် ဆန့်ကျင်ရေး အခြေခံသင်တန်းတွေ ဖြစ်ခဲ့တယ်လို့ မြန်မာ့စစ်တပ် အကြောင်း လေ့လာနေသူ ပညာရှင် မေရီ ကယ် လာဟန်က ရေးခဲ့ပါတယ်။ နောက်ပိုင်းမှာ စစ်တပ်အရာရှိတွေကို အနောက်နိုင်ငံစစ်ကျောင်းတွေလို လေ့ကျင့် ပေးဖို့ ဒီအက်စ်အေလို့ခေါ်တဲ့ စစ်တက္ကသိုလ်တွေ ဖွင့်လှစ်ခဲ့ပါတယ်။ ဗိုလ်ချုပ် သန်းရွှေ အိုတီအက်စ်ကို ဝင်ခွင့်ရစဉ်ကာလ ၁၉၅၃ ခုနှစ်ကတော့ ပြည်ပကျူးကျော်ရန် တရုတ်ဖြူအရေး၊ ပြည်တွင်းစစ် တိုင်းရင်းသား သူပုန်ထမှု တွေ ရှိနေတဲ့ကာလပါ။ သူက ပြန်တန်းဝင် အဆင့် မဟုတ်တဲ့အရာရှိ (အဲန်စီအို) ဘဝနဲ့ သင်တန်း ကို ရောက်လာပါတယ်။ အဲဒီအချိန်က သင်တန်းမှာ အထက်တန်းအောင်သူ၊ ပညာရေးကောင်းကောင်း ရှိသူ ကလည်း အတော်နည်းတဲ့ ကာလ၊ စစ်တပ်ကို အလျှင်အမြန်အားဖြည့်ဖို့ ရတဲ့သူ ယူနေရတဲ့ကာလလို့ ဝေဖန် ကြပါတယ်။
နောက်တပတ်မှာတော့ စစ်ဗိုလ်ပေါက်စဘဝ သူ့ရဲ့ဘဝ ဖြတ်သန်းခဲ့ရပုံတွေကို ဆက်လက်တင်ပြပါမယ်။ အားလုံး ငြိမ်းချမ်း ပျော်ရွှင်ကြပါစေ။
(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)