ထိုင်းနိုင်ငံမှ မြန်မာဒုက္ခသည်များအား လတ်တလောပြုလုပ်နေသည့် ဆာဗေးစစ်တမ်းသည် အရေအတွက် များစွာ ပြန်ပို့ရေးကိစ္စတွင် အရေးကြီးသောကဏ္ဍမှ ပါဝင်နေသည်။
“အဓိကကတော့ ဒုက္ခသည်စခန်းမှာနေထိုင်ပြီး နောက်ပိုင်း အနာဂါတ်နဲ့ ပတ်သက်လို့ ဒုက္ခသည်တွေရဲ့ သဘောထားကို သိရှိနိုင်ဖို့ ဖြစ်ပါတယ်”ဟု UNHCR ၏ ပြောရေးဆိုခွင့်ရှိသူ Viven Tan က IRIN သတင်းဌာနသို့ ပြောကြား သည်။
ထိုင်း-မြန်မာ နယ်စပ်တစ်လျှောက်တွင် လုက်ကိုင်နေသော NGO အုပ်စုများ ညွန့်ပေါင်းအဖွဲ့ TBC ၏ အစိုးရနယ်စပ် တစ်လျှောက် ထိုင်းအစိုးရဖွင့်လှစ်ထားသော ဒုက္ခသည်စခန်း ၉ ခုတွင်ခိုလှုံနေသော ဒုက္ခသည် ၁၃၀၀၀၀ နီးပါးရှိနေပြီဟု သိရသည်။
ဇွန်လလယ်မှစတင်ကာ ဇူလိုင်လအလယ်တွင် ပြီးစီးခဲ့သောဆာဗေး၌ ပါဝင်သည့် မဲဆောက်အနီးမှ မယ်လစခန်း တွင် ဒုက္ခသည် အိမ်ထောင်စုပေါင်း ၆၀၀၀ ကျော် နေထိုင်သည်ဟုဆိုသည်။
ဆာဗေးပြုလုပ်ရာတွင် ဆန္ဒအလျောက် ပြန်မလား၊ တတိယနိုင်ငံတွင် အခြေစိုက်မလား၊ ထိုင်းနိုင်ငံတွင် နေချင်သ လား စသည်တို့ကို မေးမြန်းခဲ့ပြီး၊ ဒုက္ခသည်များ၏ ဇာတိ၊ မိသားစုဦးရေ၊ ပညာရေးအဆင့်၊ တတ်မြောက်ထားသော အလုပ် အကိုင်ကျွမ်းကျင်မှု စသည့်အချက်အလက်များလည်း ပါဝင်သည်။
UNHCR က ရန်ပုံငွေ ထုတ်ပေးကာ ထိုင်း NGO မယ်ဖာလန် ဖောင်ဒေးရှင်းဝန်ထမ်း ၁၀၀ ဖြင့်ပြုလုပ်ခဲ့သော ဆာဗေး၏ နောက်ဆုံးရလဒ် အစီရင်ခံစာများကို လာမည့်သတင်းပတ်များအတွင်း ထုတ်ပြန်နိုင်မည်ဟု သိရသည်။
ကရင်ဒုက္ခသည် ကော်မတီ ဒုတိယဥက္ကဋ္ဌ စောဂျော့က “မြန်မာနိုင်ငံထဲမှာ အခြေအနေက ရှုပ်ထွေးနေတုန်း ပါ။ လူတွေက ပြန်ရမှာကို စိုးရိမ်နေကြတယ်။ အများစုက မပြန်ချင်ကြသေးဘူး” ဟုရှင်းလင်းပြောကြားသည်။
UNHCR ပြောရေးဆိုခွင့်ရှိသူ Viven Tan က ဒုက္ခသည်များကို ပြန်ပို့ရန် ခိုင်ခိုင်မာမာ အစီအစဉ်မရှိသေးကြောင်း၊ သို့သော် ဆာဗေးရလဒ်များက ကယ်ဆယ်ရေး အေဂျင်စီများ ကြိုတင်ပြင်ဆင်မှု ကို ထောက်အကူပြုကြောင်း ပြောကြား ပါသည်။
မြန်မာနိုင်ငံတွင် ရွေးကောက်ပွဲကျင်းပမည့် ၂၀၁၅ တွင် ဒုက္ခသည်များပြန်ပို့သည့် အစီအစဉ် အကောင်အ ထည်ပေါ်နိုင် သည်ဟု ပြည်တွင်းမီဒီယာများက ခန့်မှန်းကြသည်။
ဒုက္ခသည်များက မလိုလားကြ
ဒုက္ခသည် အများစုက ဆာဗေးကို ဖြေကြားရန် မလိုလားကြပေ။ ၎င်းတို့က မူလရွေးချယ်ထားသည့် အတိုင်း ဖက်တွယ် ထားသင့်သည်ဟု ယုံကြည်နေကြသည်။
“သူတို့ရဲ့အဖြေတွေနဲ့ သူတို့ကိုပြန်ပြီး မချည်တုတ်ဘူးဆိုတာကို အသိပေးဖို့ ကျွန်တော်တို့ ကြိုးစားရပါတယ်။ ဒီလိုပဲ သူတို့ ရွေးချယ်တဲ့အတိုင်း ဖြစ်ရမယ်လို့လည်း ကျွန်တော်တို့ ကတိမပေးနိုင်ပါဘူး”ဟု Viven Tan ကဆိုပါသည်။
ဒုက္ခသည် ၄၆၀၀၀ နေထိုင်သော အကြီးဆုံး မယ်လစခန်းအပြင် နောက်ထပ် ဆာဗေးပြုလုပ်ရန် ဆုံးဖြတ်ထားခြင်း မရှိသေးဟု UNHCR ကပြောကြားသည်။
မြန်မာနိုင်ငံတွင် ၂၀၁၁ နောက်ပိုင်းပြုပြင်ပြောင်းလဲမှုများနှင့် အပစ်ရပ်စဲမှုများကြောင့် ဒုက္ခသည်များ ပြန်ပို့ရေး အစီအစဉ်များ အစပျိုးလာခဲ့ခြင်း ဖြစ်သည်။ သို့သော် ဒုက္ခသည်များ တစ်ချိန်က နေထိုင်ခဲ့သော ဇာတိရပ်ရွာများတွင် လုံခြုံရေးနှင့် အခြေခံအဆောက်အဦး ပြဿနာများ ရှိနေသည်။ အိမ်အပြန်လမ်းတွင် မြေမြှုပ်မိုင်းများ၊ မြေအငြင်းပွားမှုများ၊ အစိုးရ၏ အာမခံချက်မပေးနိုင်မှုများက အတားအဆီးဖြစ်နေသည်ဟု Tan ကဆိုပါသည်။
ဒုက္ခသည်များ ပြန်ပို့ရေးကိစ္စနှင့်ပတ်သက်၍ မြန်မာအစိုးရတာဝန်ရှိသူများ၊ ကရင်ခေါင်းဆောင်များ၊ သက်ဆိုင်ရာ အဖွဲ့အစည်းများ ယခုနှစ်အတွင်း ကနဦးဆွေးနွေးမှုများ ပြုလုပ်ခဲ့သော်လည်း တိကျသော အသေးစိတ် အစီအစဉ်များ ထွက်ပေါ်လာခြင်းမရှိဟု စောဂျော့က ပြောကြားသည်။
“ကျွန်တော်တို့ အတူတကွ မလုပ်ကိုင်ခင်မှာ အပြန်အလှန်လေးစားမှု၊ နားလည်မှုတွေ ရှိဖို့လိုပါတယ်”ဟု ၎င်းကဆိုသည်။
ထိုအတောအတွင်း ထိုင်းအစိုးရ တာဝန်ရှိသူများက ဒုက္ခသည်စခန်းများကို ပိတ်ရန်အလျင်လို လောဆော်ခြင်း မရှိပါဟု မကြာခဏ ကတိပေး အာမခံထားကြသည်။ မည်သို့ပင် ကတိပေးစေကာမူ နယ်စပ်ဖြတ်၍ နောက်ထပ် မထိန်းနိုင် မသိမ်းနိုင် ဝင်မလာအောင် တားဆီးရာတွင် အဆက်မပြတ် ပြန်ပို့ခြင်းသည်သာ အကောင်းဆုံးနည်းလမ်း ဖြစ်ပေလိမ့်မည်။
“သဘောတရားအရဆိုရင်တော့ ဒုက္ခသည်တွေရဲ့ ဆန္ဒအပေါ်မှာ လုံးဝမူတည်သင့်တာပေါ့”ဟု UNHCR တာဝန်ရှိ သူက ဆိုပါသည်။
Yangon chronicle