မနက်ဖန် မနက်ဧရာဝတီဖက်သို့ ဗြဟ္မစိုရ်ဟောပြောပွဲခရီးထွက်ရမည်ဆိုသောအတွေးနှင့်အတူ ပြည်ပမှခေတ္တလာလည်ကြသော သား၊သမီး၊မြေးများနှင့် မတွေ့ ရတာကြာပြီဖြစ်သော ဇနီးထံသို့  ညဖက် အချိန်အားဖြင့်၈း၀၀နာရီခန့် တွင်နာရေးကူညီမှုအသင်း(ရန်ကုန်)မှမော်တော်ယာဉ်ကိုယ်တိုင်မောင်းနှင်ကာနေအိမ်သို့ သွားရောက်ခဲ့သည်။သားဖြစ်သူက မနက်၁၁း၀၀နာရီလေယာဉ်ကွင်းဆင်းပြီးအမေရိကန်နိုင်ငံသို့ ပြန်တော့မည်။သမီးတို့ ဇနီးမောင်နှံနဲ့ မြေးတွေကမနက်၅း၀၀နာရီငွေဆောင်သွားကြမည်။ကျွန်တော်ကမနက်၉း၀၀နာရီ ဧရာဝတီတိုင်းဖက်သို့ သွားရမည်။နာရေးကူညီမှုအသင်းမှာလည်းတွံတေးဆရာတော်ကြီးတရားပွဲကျင်းပနေသည်..ဆိုသောအတွေးများနှင့်ရောက်ယက်ခတ်နေသည်။ဒီအတွေးများနဲ့ အတူ(၈)မိုင်မီးပွိုင့်သို့ ရောက်လာတော့သည်။
ကျွန်တော်ကကမ္ဘာအေးဘုရားလမ်းမှလာသောကြောင့်ကျွန်တော့်ရဲ့ နေအိမ်ရှိရာ(၇)မိုင်သို့ သွားရမည်ဖြစ်ရာမီးပွိုင့်တွင်ဘယ်ဖက်သို့ ကွေ့ ရန်နေရာယူလိုက်သည်။မီးစိမ်းနေသောကြောင့်ကျွန်တော်ထွက်ရန်ပြင်လိုက်သောအချိန်တွင်တစ်ပြိုင်နက်တည်းမီးနီသွားသောကြောင့်ကားအားရပ်လိုက်တော့သည်။သို့ သော်ကျွန်တော့်ရဲ့ မော်တော်ကားမှာ မီးပွိုင့်ရှိသတ်မှတ်မျဉ်းအားကျော်လွန်နေသောကြောင့် ကားအားနောက်ဖက်သို့ ဆုတ်ရန်နောက်ကြည့်မှန်မှ တချက်ကြည့်လိုက်သည်။ မှန်တွင်တဖက်မှလာသော ကားမီးများစူးကနဲထိုးခံလိုက်ရသည်။နောက်ကားရှင်းနေသောကြောင့်ကျွန်တော့်ရဲ့ ကားအားနောက်သို့ ဆုတ်လိုက်သောအခါ " ဒုံး" ကနဲအသံနှင့်အတူ ကားတစ်စီးလုံးတုန်ခါသွားတော့သည်။
ကျွန်တော်ဧ။်အသိတရားမှဖြတ်ခနဲပေါ်..ဆတ်ခနဲလုပ်ဟူသောစကားအတိုင်းကားပေါ်မှလျင်မြန်စွာဆင်းပြီးနောက်မှ ကျွန်တော်တိုက်မိသောမော်တော်ကားအားတောင်းပန်ပြီး ပျက်စီးသွားသမျှမော်တော်ယာဉ်အစိတ်အပိုင်းအားပြန်လည်ပြုပြင်ပေးပါမည်ဟုပြောဆိုရန်နောက်မှမော်တော်ကားရှိရာသို့ သွားခဲ့တော့သည်။တဖက်မှမော်တော်ကားမောင်းလာသူမှာအမျိုးသမီးတစ်ယောက်ဖြစ်ပြီးကားပေါ်မှလူတစ်ဦးလည်းလျင်မြန်စွာဆင်းလာသည်။
ကျွန်တော်မှနောက်ကားကိုမောင်းလာသူအမျိုးသမီးအား မီးပွိုင့်အလည်ခေါင်ကြီးတွင်ဖြစ်နေသောကြောင့်ကွေ့ ပြီးမှ ကားရပ်ပြီးစကားပြောပါမည်ဟုပြောစဉ် တဖက်မှဆင်းလာသူကလည်းအနီးသို့ ရောက်လာပြီဖြစ်တော့သည်။
ကဲ..မထူးတော့ပြီ၊ငါ့ကိုထိုးရင်လည်းခံဖို့ အသင့်၊ငါကိုကမှားတာကိုး၊ငါကိုကအတွေးများနေတာကိုး၊ငါကိုကအသိနဲ့ သတိလွတ်သွားတာကိုး၊ငါ့ကားကလည်းမြင့်နေတော့နောက်ကြည့်မှန်မှကြည့်တဲ့အခါကိုယ့်ကားထက်ဘော်ဒီနိမ့်နေသောကားကိုမမြင်လိုက်မိတာကိုး၊တဖက်ကားလမ်းဖက်ကလည်းကားမီးကြီးထိုးထားတာကိုး...ထိုးပလေ့စေ။ ငါကိုကမှားမိတာကိုး..လို့ တွေးလိုက်စဉ် တဖက်ကားကိုမောင်းနှင်လာသူက ကျွန်တော့်အားစူးစိုက်ကြည့်ကာ "ကိုကျော်သူလား..ကိုကျော်သူလား"ဟုမေးမြန်းရာကျွန်တော်မှလည်း "ဟုတ်ပါတယ်ခင်ဗျာ"ဟုပြန်လည်ဖြေလိုက်သောအခါ " ပြသနာမရှိဘူး..ကိစ္စမရှိဘူး၊OK " ဟုပြောကြားလိုက်သည့်အတွက်ကျွန်တော်မှလည်း"ကျေးဇူးတင်ပါတယ်ခင်ဗျာ"ဟုပြန်လည်ပြေကြားခဲ့တော့သည်။
ထိုအခါတစ်ဖက်မှဆင်းလာသောလူကြီးသည်လည်းပြုံးပြီးကားပေါ်သို့ ပြန်လည်တက်သွားတော့သည်။တော်သေးသည်။အမှုဇာတ်လမ်းရှည်မည့်ယာဉ်ထိမ်းရဲတစ်ယောက်မှမရှိသောကြောင့်ဟုတွေးမိကာကျွန်တော်သည်မီးစိမ်းသွားသောအခါမော်တော်ယာဉ်အားပြန်လည်မောင်းနှင်လာတော့သည်။ နောက်မှအတိုက်ခံရသောကားမှကျွန်တော့်ကားအားကျော်တက်သွားကာလက်များပင်ပြသွားတော့သည်။ အော်..ဘ၀..ဘ၀တစ်လျှောက်မထင်တာတွေ၊မမျှော်လင့်တာတွေအများကြီးပါလား။လူပီသတဲ့သူတွေ၊ကိုယ်ခြင်းစာနာတတ်တဲ့သူတွေအများကြီးရှိပါလား၊မေတ္တာတရားလွှမ်းခြုံထားတဲ့သူတွေလည်းရှိပါလားဟုတွေးမိတော့သည်။
အဘယ့်ကြောင့်ဆိုသော်..ယခင်တစ်ပါတ်ကနာရေးယာဉ်တစ်စီးအသုဘသွားသယ်ရာရေဝေးသုသန်သို့ အသွား ပါရမီဘတ်စ်ကားတစ်စီးမှ ခါးမှဖြတ်တိုက်ခြင်းကိုခံခဲ့ရသည်။ ယာဉ်မှုစစ်များရောက်လာကာထိုဘတ်စ်ကားကိုမောင်းလာသောယာဉ်မောင်းသည်အရက်သောက်ထားကြောင်းစစ်ချက်အရသိခဲ့ရသည်။နာရေးကူညီမှုမော်တော်ယာဉ်ပေါ်လိုက်ပါလုပ်အားပေးသောလူမှုရေးပရဟိတသမား(နာရေးကူညီမှုအသင်း-ရန်ကုန်မှအသင်းသူ)သည်လည်းမော်တော်ယာဉ်တိုက်မှုကြောင့်ဦးခေါင်းအနည်းငယ်ထိသွားသောကြောင့်ဆေးရုံသို့ ပို့ ခဲ့ရသည်။
ယင်းဖြစ်စဉ်တွင်တိုက်ခဲ့သောဘတ်စ်ကားပိုင်ရှင်ဖက်မှခါးဖြတ်အတိုက်ခံရသောကျွန်တော်တို့ မော်တော်ယာဉ်မောင်းသူအားပြန်လည်တရားစွဲမည်ဟုပင်အပြောခံခဲ့ရသည်။အော်..တရားဥပဒေဆိုတာဘာလဲ?၊ကြီးနိုင်ငယ်ညှင်းလား?၊ကျားကြောက်လို့ ရှင်ကြီးကိုး..ရှင်ကြီးကျားထက်ဆိုးနေတော့မှာလား..ဟူသောအတွေးများနဲ့ အတူကျွန်တော်ကြုံတွေ့ ခဲ့ရမှုဖြစ်စဉ်အားပြန်လည်တွေးတောမိသောအခါတစ်ဖက်မှကားသည်ကျွန်တော်ဧ။်ကားထက်များစွာမော်ဒယ်မြင့်သည်။ကျွန်တော်ဧ။်ကားထက်တန်ဖိုးမြောက်များစွာရှိသည်။ကားနံပါတ်ကိုလည်းကျွန်တော်ပူထူနေသောကြောင့်မမှတ်မိလိုက်ချေ၊ ကားအရောင်ကားအဖြူ၊ကားမောင်းလာသူ၊ကားပေါ်ပါလာသူတို့ အားလည်းသေချာစွာမမှတ်မိ.. ကျွန်တော်ဧ။်မျက်လုံးများေ၀၀ါးနေသည်။
ကျွန်တော်ဧ။်စိတ်တို့ သည်နေအိမ်သို့ ရောက်နေသည်။ယခု ကျွန်တော်ရေးသားသောဖြစ်ရပ်မှန်စာမျက်နှာအားကာယကံရှင်တို့ ဖတ်မိပါက ကျွန်တော်ပြင်ပတွင်ကျေးဇူးတင်စကားများပြောဆိုလိုပါသည်။တကယ်လို့ များယာဉ်မှုစစ်များရောက်လာပါကကျွန်တော်သည် နောက်နေ့ မနက်သွားရမည့်ကျွန်တော်ဧ။် ဗြဟ္မစိုရ်ခြေလှမ်းတို့ ရပ်ဆိုင်းသွားတော့မည်ဖြစ်သည်။ကျွန်တော်ဧ။်သားဖြစ်သူအိမ်ပြန်ခရီးသည်၎င်း၊ကျွန်တော်ဧ။်သမီးမိသားစုအပျော်ခရီးတို့ သည်၎င်းတုန့် ဆိုင်းကုန်တော့မည်ဖြစ်တော့သည်။ထို့ ကြောင့်လူသားချင်းစာနာထောက်ထားသော၊ကိုယ်ချင်းစာနာတတ်သော ယခုလိုမေတ္တာရှင်များမြောက်များစွာပေါ်ထွန်းလာပါကကျွန်တော်တို့ မြန်မာနိုင်ငံအနေဖြင့် ဓမ္မကအဓမ္မကိုအနိုင်ပိုင်းနိုင်မည့်အချိန်ကာလသို့ ရောက်ရှိလာတော့မည်ဖြစ်တော့သည်။
မည်သို့ ပင်ဖြစ်စေ.......ကျွန်တော့်အားသက်ညှာစွာဖြင့်၎င်း၊ကိုယ်ချင်းစာနာစိတ်ဖြင့်၎င်း၊ခွင့်လွှတ်နားလည်ပေးသောစိတ်ဖြင့်၎င်း၊အများပြည်သူတို့ အတွက်ပေးဆပ်မှုခရီးစဉ်ဖြစ်သောဗြဟ္မစိုရ်ခရီးစဉ်အားအနှောင်အဖွဲ့ လွတ်ကင်းစွာစိတ်ကြည်လင်စွာဖြင့် သွားခွင့်ပြုလိုက်သောေ မ်ာတော်ယာဉ်အတိုက်ခံခဲ့ရသော မေတ္တာရှင်မိသားစုအား ကျွန်တော်အထူးကျေးဇူးတင်ရှိကာ အများပြည်သူတို့ ကိုယ်စား သာဓု..သာဓု..သာဓု ဟုကုသိုလ်မျှဝေပေးလိုက်ရပါတော့သည်။