“အမှန် တကယ်ရှိမည်ဆိုလျှင် ညောင်ပင်ကြီးနှစ်ပင်ကို ရွှေချထားလိုက်ချင် ပါသည်။ အမျိုးသားညီလာခံက မွေးဖွားပေးလိုက်သည့် ၂၀၀၈-ခုနှစ် ဖွဲ့စည်းပုံအခြေခံ ဥပဒေကိုလည်း ပြင်ဆင်ဖို့ဝေးစွ၊ အသစ်ပြန်ရေးဖို့ဝေးစွ တပ်မတော်က ကာကွယ်စောင့်ရှောက်စရာ မလိုအောင် ပြည်သူတွေ တုတ်တစ်ချောင်း၊ ဓားတစ်စင်း ကိုင်၍ အလှည့်ကျ စောင့်ရှောက်ကြမည် ဆိုသည်ကို တိုင်းနယ် ပြည်အနှံ့ မောင်းကြေးနင်းခတ် လိုက်ချင် ပါတော့သည်။”
“ယခုသော်ကား ထိုသို့ မဟုတ်ပါပြီ။”
ကျွန်တော်တို့နိုင်ငံတွင် နဝတ၊ နအဖ ခေတ် တစ်လျှောက်လုံး ပြည်သူ့ဝန်ထမ်းကို နိုင်ငံ့ဝန်ထမ်းဟူ၍ ခေါ်ဝေါ်သုံးစွဲခဲ့ပြီး ပြည်သူ့ဝန်ထမ်းတို့ မရနိုင်သော အခွင့်အရေးများကိုလည်း နိုင်ငံ့ဝန်ထမ်းတို့ ရခဲ့ကြပါသည်။ မြေကွက်တွေရသည်။ တယ်လီဖုန်းတွေ ရသည်။ မော်တော်ကား(ပါမစ်)တွေရသည်။ ဝန်ထမ်းတိုင်း မဟုတ်သော်လည်း ရာထူးအထိုက်အလျောက် ရှိသူတွေ၊ ရာထူးကြီးသူတွေ ပို၍ အခွင့်အရေး ရကြသည်။ လူကြီးနှင့် နီးစပ်သူတွေ၊ အထူးသဖြင့် အခွင့်အရေး ပေးပိုင်ခွင့်ရှိသော လူကြီးနားတွင် နေရသူတွေ ပို၍ရကြသည်။ ၎င်းတို့၏ တပည့်သား မြေးအရင်းအချာတွေဆို အနားမှာ မရှိတော့လျှင်ပင် ခေါ်၍ပေးတတ်သည်။
ထိုမျှသာမက အခြားသော အခွင့်အရေးများလည်း ရကြပါသည်။ နိုင်ငံပိုင်ပစ္စည်းကို အခမဲ့ သုံးခွင့်ရသည်။ နိုင်ငံပိုင် ပစ္စည်း ပျက်စီး၍ ပြဿနာ တစ်စုံတရာမပေါ်လျှင်၊ လူသိထင်ရှား မဟုတ်လျှင် ပေးလျော်စရာမလို၊ အပျက်အစီးစာရင်း ပြလိုက်လျှင် ပြီးသည်။ အချို့ဆိုလျှင် နိုင်ငံတော်က ရာထူးအလျောက် ပေးထားသည့် ပစ္စည်း၊ အကျိုးခံစားခွင့်များကို မသိကျိုးကျွံပြု၍ အငြိမ်းစားယူလျှင်ပင် ကိုယ်ပိုင်ပစ္စည်းသဖွယ် အိမ်သို့ သယ်ကြသည်ဟု ကြားဖူးပါသည်။ နောက်ထပ်ရာထူး ဆက်ခံမည့်သူ ရောက်ရှိလာသောအခါ နိုင်ငံတော်က ထပ်မံဖြည့်ဆည်းရ၍ နိုင်ငံတော်မှာ မိအေး နှစ်ခါ၊ သုံးခါ၊ အခါခါ နာရသည်။ အချိန်ဆိုသည်ကား မပြောနှင့်တော့။ ပြန်မရနိုင်တော့သည့် တန်ဖိုးရှိသော အချိန်များစွာ ကုန်ဆုံးခဲ့ကြရသည်။ပုဂ္ဂလိက စီးပွားရေး လောကတွင်ကား ထိုသို့မဟုတ်၊ အချိန်သည် ငွေဖြစ်သည်။ အချိန်ကို အလေးအနက်ထားသည်၊ အချိန်ကို တန်ဖိုးထားသည်၊ အချိန်ကို လုသည်၊ ဝန်ထမ်းထံမှ အချိန်ကိုပင် လုယူ၍ (အချိန်ပိုခိုင်းပြီး အချိန်ပို လုပ်ခမပေး၍) ဝန်ထမ်းများ ဆန္ဒပြကြသည်။ ကုမ္ပဏီပိုင်ပစ္စည်း ပျက်စီးဆုံးရှုံးလျှင် တာဝန်ရှိသူ ဝန်ထမ်းက ပေးလျော်ရသည်။ မော်တော်ကားကို သတ် မှတ် လမ်းကြောင်းထက် ပိုသုံးလျှင် ဆီဖိုးကို စိုက်ရသည်။ ကုမ္ပဏီပိုင်ပစ္စည်းကို ကိုယ်ကျိုးသုံးဖို့ စိတ်မကူးနှင့် တယ်လီဖုန်း ပြောခကိုပင် ဖုန်းနံပါတ် ပြန်တိုက် ကြည့်၍ ကိုယ်ရေးကိုယ်တာ ဖုန်းပြောခြင်းကို ခွင့်မပြု၊ အစိုးရဝန်ထမ်း လောကတွင်သာ ထိုကဲ့သို့ လိုက်နာ၊ ကျင့်သုံး၊ ကြီးကြပ်၊ ကွပ်ကဲ ဆောင်ရွက်နိုင်ခဲ့ကြမည်ဆိုလျှင် ကျွန်တော်တို့နိုင်ငံကြီး ယခုလောက်ဆိုလျှင် အဆင်းရဲ ဆုံးနိုင်ငံဖြစ်ဖို့ ဝေးစွ၊ အရှေ့တောင်အာရှမှာပင် အထိုက်အလျောက် ချမ်းသာ ကြွယ်ဝနေလောက်ပြီ။
ကျွန်တော်တို့တစ်တွေ ကိုယ်တိုင်ပြုမူ ဆောင်ရွက်ခဲ့ကြ၍ ကိုယ်တိုင် ဆင်းရဲခြင်းကို ကြုံတွေ့ ခံစားကြရသည်ဖြစ်ရာ ကိုယ့်ကိုယ်ကိုယ် ခွင့်လွှတ်နိုင်ကောင်း ခွင့်လွှတ်ကြမည် ဖြစ်သော်လည်း ကျွန်တော်တို့၏ မကောင်းသော အပြုအမူ၊ အကျင့်အကြံများကြောင့် ကျွန်တော်တို့၏ သားစဉ်မြေးဆက်တို့ ဆက်လက်၍ ဆင်းရဲမွဲတေကြဦးမည် ဆိုလျှင်ရော ခွင့်လွှတ်နိုင်ကြပါဦးမည်လား၊ မိမိကိုယ်မိမိ ခွင့်လွှတ်နိုင်သော်မှ ကျွန်တော်တို့၏ သားစဉ်မြေးဆက်များက ကျွန်တော်တို့ မျိုးဆက်ကို ကြိမ်ဆဲသံအား ရောက်လေရာ ငရဲအထပ်ထပ်မှ ကြားနေကြရမည် ဖြစ်ပါသည်။
၁၉၉၃ ခုနှစ်မှသည် ၂၀၀၇/၂၀၀၈ ခုနှစ်အထိ အမျိုးသားညီလာခံတစ်ရပ် ကျင်းပ၍ အချိန်ယူ ရေးဆွဲခဲ့သော ဖွဲ့စည်းပုံအခြေခံ ဥပဒေမှာ ရပ်နားထားသော အချိန်ကာလများကို ဖယ်လိုက်သော်မှ ကိုးနှစ် ၁၀ နှစ်ခန့်တော့ ကြာမည်ဟု ထင်ပါသည်။ ထိုအချိန်ကာလများ အတွင်း ညီလာခံ ကိုယ်စားလှယ်များ ရွေးချယ်ရာတွင် အသုံးပြုခဲ့သော ကုန်ကျစရိတ်၊ ညီလာခံ မကြာခဏ ရပ်နား သဖြင့် ကိုယ်စားလှယ်များကို နေရပ်သို့ ပြန်လည် ပို့ဆောင်ရာတွင် လည်းကောင်း၊ ပြန်လည်ရောက်ရှိ၍ ကြိုဆိုရာတွင် လည်းကောင်း ကုန်ကျသော ကုန်ကျစရိတ်များ၊ ညီလာခံ ကျင်းပစဉ်ကာလ ကျွေးမွေးဧည့်ခံ ကုန်ကျစရိတ် များ၊ ညီလာခံကိုယ်စားလှယ်ကြီးများ အတွက် အခမဲ့ဆေးဝါး ကုသခွင့် အပါအဝင် ကျန်းမာရေး စောင့်ရှောက်မှုအတွက် ကုန်ကျစရိတ်များ၊ ရေ၊ မီး နှင့် အခြားသော ဝန်ဆောင်မှု အဝဝအတွက် ကုန်ကျစရိတ်များ စသည်ဖြင့် မခန့် မှန်းနိုင်သော ကုန်ကျစရိတ် များစွာရှိပါမည်။ (ဤစရိတ်များတွင် တပ်မတော်သားများ၊ နယ်ဘက် ဝန်ထမ်းများ၊ အလုပ်သမား ကိုယ်စားလှယ်၊ တောင်သူ လယ်သမား ကိုယ်စားလှယ်များ ညီလာခံ တက်နေရသည့် အချိန်ကာလများအတွင်း ဆုံးရှုံးရသည့် လုပ်အားများ မပါဝင်သေးပါ) ။ ပုဂ္ဂလိက စီးပွားရေး လုပ်ငန်းရှင်များနှင့် ရုပ်ရှင်၊ သဘင်၊ ဂီတ၊ ပန်းချီနှင့် စာပေအနုပညာရှင် တို့၏ ဖန်တီးထုတ်လုပ်ရန် အချိန်ဆုံးရှုံးမှုများ ကိုမူ ထည့်မတွက်တော့ပါ။ သူတို့အတွက် လက်ညှိုးထောင် ခေါင်းညိတ်ခအဖြစ် မြေကွက်များ၊ တယ်လီဖုန်းများ၊ မော်တော်ကားများ ရရှိသည့် အတွက်ကြောင့် ဖြစ်ပါသည်။
ဆိုရလျှင် မည်မျှပင် ကုန်ကျစရိတ် များပြားသည် ဖြစ်ပါစေ ကျွန်တော်တို့ နိုင်ငံတော်ကြီးအတွက်၊ ကျွန်တော်တို့ နိုင်ငံသူ/နိုင်ငံသားများအတွက်၊ ကျွန်တော်တို့၏ သားစဉ်မြေးဆက်များအတွက် အကျိုးကျေးဇူးများစွာ ဖြစ်ထွန်းမည်ဆိုလျှင်၊ ဆင်းရဲမွဲတေမှုများ ပပျောက်၍ ဆင်းရဲချမ်းသာ ကွာဟမှု ကျဉ်းမြောင်းပြီး ခရိုနီဆိုသော လူတန်းစားများ လျော့နည်း ပပျောက်မည် ဆိုလျှင်၊ လူ့အခွင့်အရေးများ အပြည့်အရရှိပြီး တန်းတူညီမျှ ပြိုင်ဆိုင်မှု အခွင့်အရေးရှိသော ဈေးကွက်စီးပွားရေးစနစ်ကို ဖော်ဆောင်နိုင်မည်ဆိုလျှင်၊ အရည်အချင်းရှိသော နိုင်ငံသားတိုင်းသည် ပြည်သူက လက်ခံပါက ကန့်သတ်ချက်မရှိ လွတ်လပ်စွာ ရွေးချယ် တင်မြှောက်ခံပိုင်ခွင့် ရှိသည်ဆိုလျှင်၊ တိုင်းရင်း သားအားလုံး တန်းတူညီမျှ အခွင့်အရေးရရှိမည့် ဖက်ဒရယ်ပြည်ထောင်စုကြီးကို ဖော်ဆောင်နိုင်မည် ဆိုလျှင်၊ အလုပ်သမား လယ်သမားတို့၏ဘဝ သာယာရွှင်ပျ ထမင်းဝကြမည် ဆိုလျှင် ညောင်နှစ်ပင် ညီလာခံကြီးကို ပြည်သူအပေါင်းက သောင်းသောင်းဖြဖြ ကြိုဆိုကြမည်မှာ အမှန်ပင် ဖြစ်ပါသည်။အမှန် တကယ်ရှိမည်ဆိုလျှင် ညောင်ပင်ကြီးနှစ်ပင်ကို ရွှေချထားလိုက်ချင် ပါသည်။ အမျိုးသားညီလာခံက မွေးဖွားပေးလိုက်သည့် ၂၀၀၈-ခုနှစ် ဖွဲ့စည်းပုံအခြေခံ ဥပဒေကိုလည်း ပြင်ဆင်ဖို့ဝေးစွ၊ အသစ်ပြန်ရေးဖို့ဝေးစွ တပ်မတော်က ကာကွယ်စောင့်ရှောက်စရာ မလိုအောင် ပြည်သူတွေ တုတ်တစ်ချောင်း၊ ဓားတစ်စင်း ကိုင်၍ အလှည့်ကျ စောင့်ရှောက်ကြမည်ဆိုသည်ကို တိုင်းနယ် ပြည်အနှံ့ မောင်းကြေးနင်းခတ် လိုက်ချင်ပါတော့သည်။
ယခုသော်ကား ထိုသို့ မဟုတ်ပါပြီ။ ကမ္ဘာ့စံချိန် တင်ရလောက်အောင် အချိန်ကာလ ကြာမြင့်စွာ ရေးဆွဲပြဋ္ဌာန်း၍ ပြည်သူ့ဆန္ဒကို “ဇွတ်” ရယူ အတည်ပြုခဲ့သည့် ၂၀၀၈ ဖွဲ့စည်းပုံအခြေခံ ဥပဒေကြီးသည် အကောင်အထည် ဖော်ဆောင်ရွက်သည့် ကာလ ငါးနှစ် (လွှတ်တော်များ၏ ပထမသက်တမ်း) မပြည့်မီမှာပင် ဒီမိုကရေစီစံနှုန်းများ မပြည့်မီခြင်း၊ လူ့အခွင့်အရေး အပြည့် အဝမရရှိခြင်း၊ တိုင်းရင်းသားတို့၏ အခွင့်အရေးများ တန်းတူရည်တူ မရရှိ ခြင်း၊ ဖက်ဒရယ်ပြည်ထောင်စုစနစ်ကို မဖော်ဆောင်နိုင်ခြင်း၊ လူမှုရေး/ စီးပွားရေးတွင် တန်းတူညီမျှမှု မရှိခြင်း၊ လယ်ယာမြေ ပိုင်ဆိုင်မှုနှင့် ပုဂ္ဂလိက ဝန်ထမ်းဘဝ အာမခံချက် မရှိခြင်း စသောအကြောင်းများကြောင့် အစိုးရ၊ လွှတ်တော်၊ တပ်မတော်၊ နိုင်ငံရေးပါတီများ၊ တိုင်းရင်းသားလက်နက်ကိုင် အဖွဲ့အစည်းများ၊ လွတ်လပ်သော လူမှုအဖွဲ့အစည်းများနှင့် ပြည်သူတစ်ရပ်လုံးက တစ်ခဲနက် ညီညွတ်စွာနှင့် ပြင်ဆင်ဖို့ ကြိုးပမ်း လုပ်ဆောင်လာသည်ကို တွေ့ရှိရပါသည်။
ထူးခြားသည်မှာ ယခုပြင်ဆင်ရန်ကိစ္စတွင် ယခင်အမျိုးသားညီလာခံ တက်ရောက်ခဲ့သူများ၊ အခြေခံဥပဒေ ရေးဆွဲခဲ့သူများ ကိုယ်တိုင် ပူးပေါင်း ပါဝင်လာခြင်းပင် ဖြစ်ပါသည်။ ကျွန်တော်ကြားဖူးသည့် အရာ တစ်ခုရှိပါသည်။ “မှားသည်ကို မှားမှန်း သိသူသည် လူတော်ဖြစ်ပြီး ထိုအမှားကို ပြုပြင်သူ၊ ပြုပြင်ရန် ကြိုးစားသူသည် လူကောင်း” ဟူ၍ ဖြစ်ပါသည်။ ဤသို့ဆိုလျှင် ကျွန်တော်တို့သည် လူတော် လူကောင်းများကို အသိအမှတ်ပြုရပါမည်၊ ချီးကျူးရပါမည်။ သင်ပုန်းချေ ပေးရပါမည်၊ ဂုဏ်ပြုမှတ်တမ်း တင်နိုင်ရန် ကြိုးစားရပါမည်။ သင်ပုန်းချေရမည် ဆိုသည်မှာ ယခင်က ပြုလုပ်ခဲ့သည့် အမျိုးသား ညီလာခံကြီးတွင် စားခဲ့၊ သောက်ခဲ့၊ သွားခဲ့၊ လာခဲ့ကြရာ၌ အသုံးပြုခဲ့သော ပြည်သူ့ဘဏ္ဍာ ရန်ပုံငွေများကို ပြန်လည်ပေးလျော်စေခြင်းမှ ကင်းလွတ်ခွင့် ပြုရပါမည်။ အာဏာရှင်အကြိုက် ပြောဆို ဆွေးနွေးခဲ့သည်များကို နိုင်ငံရေးအရ ခွင့်လွှတ်၍ သမိုင်းတရားခံ စာရင်းထဲမှ ဖယ်ထုတ်ပစ်ရပါမည်။
ဂုဏ်ပြုမှတ်တမ်း တင်ရန်အတွက်မှာမူ အချိန် လိုအပ်သေးသည်ဖြစ်၍ စောင့်ကြည့်ရဦးမည် ဖြစ်ပါသည်။ ယခု ဖွဲ့စည်းပုံအခြေခံဥပဒေ ပြင်ဆင်ရေး ကိစ္စတွင် အချို့ပြောဆိုနေသည်များ ရှိပါသည်။ “မည်ရွေ့ မည်မျှကိုပေးမည်၊ မည်ရွေ့ မည်မျှကိုတော့ မပေးသေး” ဟူသော စကားများ ဖြစ်ပါသည်။ ထို့အပြင် “မည်သည့် ပုဒ်မကိုတော့ လျှော့ပေးမည်၊ မည်သည့်ကိစ္စကိုတော့ လျှော့မပေး” ဟူသော စကားများ ဖြစ်ပါသည်။
“ပေးမည်၊ မပေးဘူး” ဆိုသည်မှာ မိမိပိုင်ပစ္စည်းနှင့် ပတ်သက်၍သာ ပြောရ၊ ဆိုရမည့် စကားဖြစ်ပါသည်။ ထို့အပြင် “မည်သည့်အရာကိုတော့ လျှော့ပေးမည်၊ မည်သည့်အရာကိုတော့ လျှော့မပေး” ဆိုသည်မှာလည်း မိမိ၏ လုပ်ပိုင်ခွင့်နှင့်သာ ပတ်သက်၍သာ ပြောရဆိုရမည့် စကားများ ဖစ်ပါသည်။ ဤနေရာတွင် ကျွန်တော် ပြောလိုသည်မှာ နိုင်ငံတော်အာဏာကို ပြည်သူကသာ ပိုင်ပါသည်။ ပေးမည် မပေးဘူး ဆိုသည်ကို ပြည်သူကသာ ဆုံးဖြတ်ရမည် ဖြစ်ပါသည်။ ပြည်သူ၏ လုပ်ပိုင်ခွင့်သာ ဖြစ်ပါသည်။ ပြည်သူကပိုင်သော အာဏာကို မိမိပိုင် ပစ္စည်းသဖွယ် အသုံးပြုခဲ့၍ အမှားကြီး မှားခဲ့ပြီး ဖြစ်ပါသည်။ ယခင်အမှားကို သိရှိခဲ့ပြီး၍ ပြည်သူက ခွင့်လွှတ်ပြီး ဖြစ်ပါသည်။ နောက်တစ်ကြိမ် ထပ်မှားလျှင် ပြည်သူက ခွင့်လွှတ်မည် မဟုတ်ပါ။ ခွင့်မလွှတ်သော်လည်း ပြည်သူသည် လက်နက်အားကိုးဖြင့် ပြစ်ဒဏ်ခတ်မည် မဟုတ်ပါ။ ပြည်သူတွင် လူ၏အသက်ကို သေစေနိုင်သော လက်နက်မရှိပါ။ သို့ရာတွင် ဘဝကို သေစေနိုင်သော လက်နက်ရှိပါသည်။ တစ်ဘဝသာမက ဘဝပေါင်းများစွာကို သေစေနိုင်ပါသည်။ သားစဉ်မြေးဆက် ဘဝကို သေစေနိုင်ပါသည်။
ပြည်သူ့ဆန္ဒကို မလိုက်လျောခဲ့ဘဲ ပြည်သူ့အာဏာကို မိမိပိုင်ပစ္စည်းသဖွယ် အသုံးပြုခဲ့သည့်အတွက် ပြည်သူက သမိုင်းတရားခံများအဖြစ် သတ်မှတ်ပြီး ဘဝသေသွားကြရရှာသော သွားလေသူ ခေါင်းဆောင်ကြီး အချို့ကို သမိုင်းသင်ခန်းစာအဖြစ် ယူသင့်ပါသည်။ ထို့ကြောင့် ပြည်သူ၏ လုပ်ပိုင်ခွင့်ကို မိမိလုပ်ပိုင်ခွင့်သဖွယ် မှတ်ယူ၍လည်းကောင်း၊ ပြည်သူ့အာဏာကို မိမိအာဏာအဖြစ် မှတ်ယူ၍လည်းကောင်း သိမြင်ခံစား အမှား နားလည်နေသူများအနေဖြင့် မှန်ကန်စွာ သုံးသပ် သိရှိနားလည်ပြီး ပြည်သူ့အာဏာကို ပြည်သူတို့ အပြည့်အဝရယူ ခံစား အသုံးပြုနိုင်ကြစေရေးအတွက် ပြည်သူတို့၏ လုပ်ပိုင်ခွင့်ဖြစ်သော ဖွဲ့စည်းပုံအခြေခံဥပဒေ ရေးဆွဲရေး ကိစ္စတွင် တိုင်းရင်း သားပြည်သူများ တန်းတူညီမျှ သာယာဝပြောနိုင်မည့် ဖက်ဒရယ်ပြည်ထောင်စုစနစ် ပေါ်ပေါက်ရေး၊ လူ့အခွင့်အရေးများ အပြည့်အဝ ရရှိမည့် ဒီမိုကရေစီ နိုင်ငံတော်ဖြစ်ရေး၊ ပြည်သူနှစ်သက် သဘောကျသော အရည်အချင်း ပြည့်ဝသူ နိုင်ငံသားတိုင်းကို ပြည်သူ့ဆန္ဒနှင့်အညီ ရွေးကောက် တင်မြှောက်နိုင်ရေး စသည့် ပြည်သူ့ဆန္ဒ၊ ပြည်သူ့သဘောထားများကို “တို့ပေးမှရမည်၊ တို့ခွင့်ပြုမှရမည်” ဟူသော လွဲမှားသည့် အာဏာရှင် အယူအဆဟောင်းကြီးကို အပြီးအပိုင် စွန့်လွှတ်လျက် ပြည်သူတွေ ပြင်ချင်သည်ကို ပြင်နိုင်ရန် အလို့ငှါ ပံ့ပိုးကူညီပေးရန်သာ လိုအပ်ပါသည်။ဤသို့ဆိုလျှင် ပြည်သူများကလည်း အနော်ရထာ၊ ဘုရင့်နောင်၊ အလောင်းဘုရား၊ ဗိုလ်ချုပ်အောင်ဆန်းတို့ ပြီးနောက် ပဉ္စမမြန်မာနိုင်ငံတော်ကို တည်ဆောက်သူများအဖြစ် မှတ်တမ်းတင် ဂုဏ်ပြု၍ ကဗျည်းမော်ကွန်း ရေးထိုးကြမည် ဖြစ်ပါသည်။ ထို့ကြောင့် နိဂုံးအားဖြင့် တင်ပြလိုသည်မှာ ပြည်သူများ စိုးရိမ်ကြသလို “ဟိုဟာမရမှာလည်း စိုးရိမ်စရာမလိုပါ၊ သည်ဟာမရမှာလည်း စိုးရိမ်စရာမလိုပါ” ။ အားလုံးသည် ပြည်သူ့ပစ္စည်းများ ဖြစ်ကြပါသည်။ ပြည်သူက ပိုင်ဆိုင်သော ပြည်သူ့အာဏာပင် ဖြစ်ပါသည်။ အချုပ်အခြာအာဏာကို ပြည်သူက ပိုင်ပါသည်။ ပြည်သူသည် မိမိပိုင်သော အချုပ်အခြာအာဏာကို မိမိကိုယ်စား ကိုင်တွယ်ကျင့်သုံးရန် မိမိနှစ်သက် သဘောကျသော၊ အရည်အချင်းလည်းရှိသောသူကို ရွေးကောက် တင်မြှောက်၍ မိမိတို့ကိုယ်စား နိုင်ငံတော်ကို စီမံခန့်ခွဲ အုပ်ချုပ်စေမည် ဖြစ်ပါသည်။
ထို့ကြောင့် ၂၀၀၈ ခုနှစ် ဖွဲ့စည်းပုံအခြေခံဥပဒေကို ပြည်သူ့အလိုကျ ပြင်လည်းပြင်ကြမှာပါ၊ ပြင်လည်းပြင်ရမှာပါ၊ ပြင်ကိုပြင်ရမှာပါ....။
(သိန်းထက်အောင်)
The voice weekly