““အသက်ရာကျော် ရှည်ဦးစို့””တဲ့ သူဟာ အိုမှာ၊ နာမှာမကြောက်သူပါ ခေတ်ဝန်ကိုသာ ထမ်းစရာ မလိုတော့ရင် သူ့ခေတ်ခရီးကိုတန့် သေရတော့မှာလည်း ကြောက်မယ့်သူမဟုတ် . . . သူ့အတွက် အရေးကြီးဆုံးဟာ အရေးတော်ပုံကြီး ရဲ့ တောင်းဆိုချက်တွေ၊ ရည်မှန်းချက်တွေသာ . . .
ရန်ကုန်၊ မတ်(၂၈)
““ခေတ်တာဝန်တွေ အများကြီးကျန်သေး။ ခေတ်ခရီးတွေ အဝေးကြီးကျန်သေး။ ခေတ်တိုက်ပွဲတွေ တစ်ပုံကြီး ကျန်သေး။ အိုစရာရှိအို၊ နာစရာရှိနာ၊ သေစရာရှိကတော့ နေအုံး။ သေစရာရှိတာတောင် သေလို့မဖြစ်သေး။””တဲ့။
လောကဓမ္မ၏ နောက်ဆုံးတရားကို ဖီလှန်လိုက်လေခြင်း။ မဖောက်မပြန် ကြုံမြဲဓမ္မတာကို ငြင်းဆန်နေခြင်း။
ဖီလှန်၊ ငြင်းဆန်၊ စိတ်မာန်တင်းထား …ခြင်း။
အိုစရာရှိသမှ ဇရာလွန်လှ၊ နာစရာရှိသမှ ခန္ဓာတွင်းပြင် ဗရပွ မဟုတ်လား။ ဒါနဲ့ကို ဖီလှန်၊ ငြင်းဆန်၊ စိတ်မာန်တင်းထား . . .နေဦးဆိုစကား။
အတုန်အယင်၊ အယိမ်းအယိုင်၊ အချွတ်အချော်တွေနဲ့ ခေါင်းဖြူ၊ ကိုယ်ကိုင်း အိုကြီးအိုမက ဆိုတဲ့ စကားလေ။ ““အသက်ရာကျော် ရှည်ဦးစို့””တဲ့ ။
ဒါကမကြာသေးခင် မတ်လ(၁၂)နေ့က တိုင်းကျော်ပြည်တဟိုး ကြွေးကြော်လိုက်တဲ့ စကားသ၀ဏ် မဟုတ်လား။ ဒါကို ဘယ်သူက ပြစ်တင် ခွန်းတုံ့ကြမလဲ။ တရားမရှိ၊ တရားမသိလို့ မာန်မဲကြမလဲ။ လောကီ ဘုံပျော်ပိုက် ဇရာအိုမိုက်လို့ ဘယ်သူက ငြူစူစောင်းမြောင်း မလဲ။
သူပြောသလို … နောက်အနှစ်ငါးဆယ် သာမက၊ သက္ကရာဇ် အဖန်ဖန် ရှင်သန်ပါဦးလို့ ဆုတောင်းသူတွေသာ များလွန်းခဲ့ကြ မဟုတ်လား။
ဒါဟာ အာဏာလျှံမီး သူ့ကိုယ်မှာ တညီးညီးမို့ လောဘရမ္မက် အရှိန်မှီရအောင် မဟုတ်ကြဘူး။ စည်းစိမ် လာဘ်ကြီးသမို့ ပေးကမ်းစွန့်ခြင်း ခံရအောင် မဟုတ်ကြဘူး။
ဘာကြောင့်ဆိုတော့ …။
ခေတ်ဝန်ကိုထမ်း ခေတ်လမ်းမှာ သက်တမ်း(၈၄)ပြည့်တဲ့အထိ လျှောက်ခဲ့ပြီးတာတောင် အဲဒီမတ်လ(၁၂) ရက်နေ့က သူ့ရဲ့ ဟစ်သ၀ဏ်မှာပဲ““ ဒီမိုကရေစီတိုက်ပွဲ ဆက်လက်ဆင်နွှဲဖို့ အသက်ရာကျော်ရှည်ချင်တယ်””ဆိုခဲ့သေးတာလေ။
ဒါကလည်း သူ့အဘိဓမ္မာအတိုင်းဆို ထွေထွေထူးထူးတော့ မဟုတ်လှပါဘူး။
လွန်ခဲ့တဲ့ ၁၈နှစ်ကာလ၊ သူ့ရဲ့ (၆၅)နှစ်ပြည့်နေ့ကလည်း ““ဒီမိုကရေစီတိုက်ပွဲတွေ မပြီးသေးဘူး။ ဆက်တိုက် ရအုံးမယ်။ နောက်နှစ်ပေါင်းငါးဆယ် ကျုပ်အသက်ရှည်အုံးမယ်။”” လို့ စစ်အာဏာ ပြောင်းဝရှေ့မှာတောင် ရင်ကော့ပြီး ရဲရဲဝံ့ဝံ့ အာမခံခဲ့သေးဖူးသား။
ဒီလိုတွေပြောတဲ့ သူဟာ အရေးတော်ပုံတပ်သား။
ဒါအမှန်ပဲ။ သူအမြဲပြောတာက ““ကျုပ်က သတင်းစာသမားလို့ ပြောရအောင်လည်း သတင်းစာ အလုပ်ပဲ တစိုက်မက်မက် လုပ်ခဲ့တာ မဟုတ်ဘူး။ နိုင်ငံရေးသမားလို့ ပြောရအောင်လည်း နိုင်ငံရေး လုပ်ရတာထက် ထောင်ထဲ ရောက်နေရတာက ခပ်များများ။ ကျုပ်ကိုယ်ကျုပ် အရေးတော်ပုံ တပ်သားလို့သာ တံဆိပ်တပ် ခဲ့တယ်။ အညတရ လူထုထဲက လူတစ်ယောက် (အရေးတော်ပုံ တပ်သားတစ်ယောက်) အဖြစ် သတ်မှတ် ခဲ့တယ်””
သူ့စကားရဲ့ အရေးတော်ပုံဆိုတာ ၁၉၈၈ ခုနှစ် ဒီမိုကရေစီအရေး လူထုလှုပ်ရှားမှုကြီးကို ရည်ညွှန်း ခြင်းပါ။ ခေတ်သက္ကရာဇ်တွေ ကုန်ပြီးရင်းသာ ကုန်သွားရပေမယ့် အာဏာရှင်တွေ တစ်ယောက်ပြီး တစ်ယောက်ပေါ်၊ တိုင်းပြည်အာဏာ ပလ္လင်ပေါ်မှာ စစ်ယူနီဖောင်းတွေ အရေခွံတစ်မျိုးပြီး တစ်မျိုး ပြောင်းခဲ့ခြင်းနဲ့ပဲ ပြည်သူဟာ ပင်ပန်းမွန်းကျပ်မှု ကာလ ဆက်ခဲ့ရတယ်။
ဒီကာလတွေ ကုန်ခဲ့သလို သူလည်း အရေးတော်ပုံ တပ်သားအိုကြီးအဖြစ် ခေတ်ခရီးကို ဇွဲတင်းလျှောက်၊ ခေတ်အာဏာရှင် အညစ်အကြေးတွေကို မျက်လုံးအစုံက အကြည်ဓာတ် ပိုပိုနည်းနည်း လာလျက်နဲ့ မျက်ခြည် မပြတ်စောင့်ကြည့်၊ ညှိုးလျော့လာတဲ့ အာ၊ လျှာ၊ လည်၊ အဆုတ် မှန်သမျှကနေ အသံတွေ ညှစ်နိုင်သမျှ ညှစ်ထုတ်၊ မထောင်းသာသမျှ စိတ်ထိနွမ်းစရာတွေကို ရင်စည်းခံဖို့ စက်ကူထားတဲ့ နှလုံးသားက အရေးတော်ပုံ တပ်သားစိတ်ကို အားကောင်းကောင်း မွေးမြူထားခဲ့တယ်။
ဒါနဲ့ပဲ ““ခေတ်တိုက်ပွဲထဲ ထတဲ့ မုန်တိုင်းကြား””မှာ ကြောင်းရာစုံ ဖြစ်ပျက်ခဲ့ခြင်းနဲ့အတူ သူဟာ ခေတ်ဝန်ကို ကိုင်းကိုင်းညွှတ်ညွှတ် ထမ်းခဲ့၊ ထမ်းမြဲ၊ ထမ်းဆဲ …။ တကယ်လို့ …………. ဆိုရင်၊ သူဟာ ခေတ်ဝန်ကို ထမ်းဦးလျက် ရှိနေမှာပဲ မဟုတ်လား။
အခုထိ သူမျှော်မှန်းသလို မဖြစ်သေးဘူးလေ။
ဒီတော့ မကြာသေးခင်ကပဲ တိုင်းနှံ့လူပျံ့သိအောင် သူ … အော်တယ်၊ ဟစ်တယ်၊ အသံပေးတယ်။
““တိုက်ပွဲဝင်ကြ၊ အရေးတော်ပုံကြီးဟာ မအောင်မြင်သေးဘူး၊ မပြီးပြတ်သေးဘူး အရေးတော်ပုံကြီးရဲ့ တောင်းဆိုချက်တွေ၊ ရည်မှန်းချက်တွေ ဒီနေ့ထိ ရှိနေတုန်းပဲ”” တဲ့။
သူအားထားတဲ့ သတင်းစာမီဒီယာတွေကိုလည်း ““ခေတ်သမိုင်းကို မှတ်တမ်းတင်ရုံနဲ့မပြီး၊ ခေတ်တိုက်ပွဲမှာ ပြည်သူ့ စကားပြန်တွေပီပီ အမှားတရားများကို ဖော်ထုတ်ကြ။ ပြည်သူကို လှည့်ဖြား ကောက်ကျစ် ယုတ်မာ အမြတ်ထုတ်သူများကို ကလောင်တန်ခိုးနဲ့ စီးချင်းထိုးကြ””လို့ တိုက်ပွဲဝင် သတင်းစာများဖြစ်ရေး ဘယ်မျှ မောဟိုက် တုန်ပမ်းနေပစေ အရေးတော်ပုံဇောနဲ့ ကျယ်နိုင်သမျှကျယ်၊ ကြားနိုင်သမျှကြားအောင် ဆော်သြနေခဲ့တယ်။
ပြည်သူ့အသွင်က မပြောင်းသေးဘူး။ ဒီမိုကရေစီ အောင်ပွဲက မည်ကာမတ္တအဆင့်က မကျော်သေးဘူး။
ဒါကြောင့် ခေတ်လမ်းကို သူအားမရနိုင်၊ ခေတ်ဝန်ထမ်း ခြေလှမ်းလျော့သမျှတွေအတွက် သူစိတ်မချနိုင်ဘူး။
သူ့ရဲ့ (၈၄)နှစ် ပြည့်စကားသ၀ဏ်မှာ ဒါကိုအထင်အရှား တွေ့ရတယ်။
““၂၀၁၄ စစ်အာဏာရှင် အခြေခံဥပဒေကြီး ပြင်ရ၊ ပြောင်းရ၊ သစ်ရအုန်းမယ်။ ၂၀၁၅ အထွေထွေ ရွေးကောက်ပွဲကြီး နွှဲရအုန်းမယ်။ ၂၀၂၀ ဒီမိုကရေစီ ခေတ်သစ်ကြီး နွှဲရအုန်းမယ်။ ၂၀၂၅ ဖက်ဒရယ် ပြည်ထောင်စုကြီး နွှဲရအုံးမယ်။ ၂၀၃၀ အမျိုးသားပေါင်းစည်း ညီညွှတ်ချိန်ကြီး နွှဲရအုန်းမယ်။ ၂၀၃၅ အလိုလေး အသက်ရာကျော်ရှည်မှ ဖြစ်တော့မှာပေါ့လား။””တဲ့။
ရှစ်ဆယ်ကျော် ခေါင်းဖြူဇရာတမ်းနဲ့ စိတ်မာန်ဟန်တင်း၊ အရေးတော်ပုံ တပ်သားအိုကြီး ခေတ်ခရီးဆက်ဖို့ ကြံသပေါ့လေ။
တောက် …၊ လောကဓံ အကြောင်းမသင့်ပုံက ရိုင်းလိုက်လေတာမှ …။
အိုနာမင်းနာ၊ အာဏာရှင် ယုတ်ကမ်းနှိပ်စက်နာ၊ မုန်တိုင်းထနေသမို့ ဒီမိုကရေစီလေမသန့်ခြင်း အနံ့တွေ ကြောင့်ဖြစ်ရတဲ့ ကိုယ်စိတ်အနာတွေ ဖိစီးပြီး အဲဒီ မတ်လ(၁၂)ရက်နေ့၊ ညမှာပဲ စိတ်သန်သမျှ ခန္ဓာမဟန်တော့ အသက်(၈၄) သ၀ဏ်နေ့မကူးခင် …ဥတုဓာတ်ညီရေး အလေးပေး ခဲ့ရတော့တာပါပဲ။
သူက ခေတ်သမိုင်းမှာ အာဏာရှင် မင်စက်တွေကို ဖျက်ဖို့ အရေးတော်ပုံ သွေးသန္ဓေနဲ့ ခေတ်တိုက်ပွဲတွေ အလီလီနွှဲခဲ့တယ်။ ခေတ်တိုက်ပွဲရဲ့ အထိမ်းအမှတ် ချပ်ဝတ်တန်ဆာကိုသာ ထာဝရဆင်မြန်းခဲ့တယ်။
ဒီတော့ ထူတစ်လှည့်၊ လဲတစ်လှည့် ရက်ပေါင်းများစွာကို ဆေးရုံခုတင်ပေါ်ကနေ ဖြတ်သန်းနေရပေမယ့် အရေးတော်ပုံ တပ်သားအိုကြီးရဲ့ အတွေးရတက်မှာ “ခေတ်တိ်ုက်ပွဲထဲထတဲ့မုန်တိုင်”ကြား သူ့ရည်ရွယ်ထားတဲ့ အရေးတော်ပုံ တပ်သားတွေက ခေတ်ဝန်ကိုထမ်း ခေတ်ခရီးဆက်ကြဖို့အရေး မျှော်တမ်းခြင်းတို့ ရှိနေခဲ့မှာ အသေအချာပါပဲ။
သူဟာ၊ အရေးတော်ပုံ ရည်မှန်းချက်တွေအတွက် မျိုးဆက်သစ် …သွေးသစ်တွေက ခပ်ပြင်းပြင်း မာန်တင်းကာ တိုက်ပွဲဝင်ကြဖို့ တဖွဖွပြောခဲ့၊ တိုက်တွန်းခဲ့သူလေ။
အခုလို လောကဓံတရားနဲ့ ခေါင်းတစ်လှည့်၊ ပန်းတစ်လှည့် ကံစမ်းနေရချိန်မှာ လာမယ့်သက္ကရာဇ် ခရီးတွေ အတွက် သူရည်ရွယ် ကိုးစားမိတဲ့ အရေးတော်ပုံ တပ်သားတွေဆီသာ စိတ်ရောက်နေလိမ့်မပေါ့။
ထိုအရေးတော်ပုံတပ်သားတွေ ခေတ်ခရီးဆက် ကြတဲ့အခါ လျှောက်သင့်တဲ့ ခေတ်လမ်းကိုလည်း သူ့စိတ်က မှန်းဆနေလိမ့်မပေါ့။
ဟုတ်ပါရဲ့ … ဘ၀မီးတောက်ကို လောကဓံ လက်အတွင်း မျက်နှာလွှဲ၊ အခုလို ခန္ဓာကို ဆေးရုံခုတင်ပေါ်ပုံလို့၊ မြင်သိ ငေးတွေးရေး စိတ်တွေ မျောချင်ရာမျော လွှင့်နေရတဲ့ အဖြစ်မရောက်မီ သူ့နှုတ်က တဖွဖွခေါ်ဝေါ် တမ်းတ နေခဲ့သားလေ။
တကယ်လို့ဆိုတဲ့စိတ်နဲ့ အရေးတော်ပုံ တပ်သားတွေအတွက် ခေတ်ဝန်ချန်စကား၊ ခေတ်လမ်းပြတရား သူပြောချင် ရှာနေတာလေ။
သို့သော် လူ့ဘုံဇာတ်က ဆန္ဒရှိတိုင်း မပြည့်နိုင်မြဲဆိုတော့ မျှော်ဇောသာ လွန်ရတယ်။
ဒါကြောင့် သူအသိ မလွတ်ခင်လေးမှာ သူ့ရဲ့အရေးတော်ပုံစိတ်နဲ့ သမိုင်းမှာ တန်ဖိုးဖြတ်မရတဲ့ အရာကို ချန်ထားခဲ့တယ်။
အရေးတော်ပုံတပ်သားများ အခုဆို သိကြပြီး ထင်ပါရဲ့။
ဟုတ်တယ်၊ မတ်လ(၂၇)ရက်နေ့ မနက်ခင်းပိုင်းက သူချန်ထားခဲ့တဲ့ အရာလေ။
အဲဒီအချိန်ပိုင်းကလေးအပြီးကစကာ အခုထိ၊ အရေးတော်ပုံတပ်သားအိုကြီးဟာ ဆေးရုံခုတင်ထက်ကနေ စက်ကိရိယာတွေ၊ ဆေးဝါးတွေ၊ ကျွမ်းကျင် ပညာရှင်ကြီးတွေ အကူအညီနဲ့ သူ့ဘ၀ရဲ့တိုက်ပွဲကြီး တစ်ခုကို ဆင်နွှဲ နေရတော့တယ်။
သူဟာ အိုမှာ၊ နာမှာ မကြောက်သူပါ။ ခေတ်ဝန်ကိုသာ ထမ်းစရာမလိုတော့ရင် သူ့ခေတ်ခရီးကိုတန့် သေရတော့မှာလည်း ကြောက်မယ့်သူမဟုတ်တာ သေချာပါတယ်။ သူ့အတွက် အရေးကြီးဆုံးဟာ အရေးတော်ပုံကြီးရဲ့ တောင်းဆိုချက်တွေ၊ ရည်မှန်းချက်တွေသာ။
တကယ်တော့ မနက်ဖြန်ဖြစ်ဖြစ်၊ သဘက်ခါဖြစ်ဖြစ်၊ ဒါမှမဟုတ်၊ ၂၀၃၅ သက္ကရာဇ် အလွန်မှာဖြစ်ဖြစ် … လောကရဲ့ နောက်ဆုံးတရားဟာ ဓမ္မတာအတိုင်း ဖြစ်လာခဲ့ရင်လည်း ဘယ်သူမှ တတ်နိုင်ကြမှာ မဟုတ်ပါဘူး။
သူ့ရဲ့ စကားတစ်ခွန်းက ““ဖီးနစ်ငှက်မျိုးသေရိုးမရှိ””တဲ့။ ဆိုလိုရင်းက အရေးတော်ပုံတပ်သား မျိုးဆက်ပေါင်း များစွာဟာ အသစ်တစ်ဖန် ပြန်မွေးဖွားကာ ခေတ်ဝန်ကိုထမ်း၊ ခေတ်လမ်းမှာ ခေတ်ခရီးကို ဆင့်ကမ်း လှမ်းကြခြင်း။
ဒီတော့ အခုအချိန်မှာ သူ့ရဲ့ပေးဆပ်ခဲ့ခြင်းတွေအတွက် ပြည်သူလူထုတစ်ရပ်လုံးက တုံ့လှည့်ပြုသင့်ဆုံးက၊ အရေးတော်ပုံ တပ်သားအိုကြီးရဲ့ မျှော်လင့်ကိုးစားခြင်းခံရတဲ့ အရေးတော်ပုံတပ်သားများဟာ -
““ခေတ်တိုက်ပွဲထဲထတဲ့ မုန်တိုင်းကြား ခေတ်ခရီးကို ဆက်ကြတဲ့အခါ သူ့ရဲ့ခေတ်ဝန်ချန် စကားအတိုင်းသာ ခေတ်လမ်း ကို ရွေးလှမ်း ကြပါစေသား””
လို့ ဆုတောင်းခြင်းပြုပေးကြဖို့သာ …..။
မှတ်ချက်။ ။၁၉၆၄ ခုနှစ် သတင်းစာများ ပြည်သူပိုင် သိမ်းခံရပြီးနောက် ၁၉၆၈ ခုနှစ် ၀န်းကျင်တွင် ပေါ်ပေါက်ခဲ့သော လွတ်လပ်စွာ ရေးသားခွင့် အတွက် သတင်းစာလောကအတွင်းမှ လှုပ်ရှားမှု ဖြစ်ရပ်များကို ““လက်ဖက်ရည်ပန်းကန်ထဲထတဲ့ မုန်တိုင်း””ဟု ဆရာကြီးဟံသာဝတီ ဦးဝင်းတင်က မှတ်ချက်ပြုခဲ့ဖူးသည်။ ယခုဖော်ပြချက်ပါ ““ခေတ်တိုက်ပွဲထဲထတဲ့ မုန်တိုင်း””ဟူသော စကားရပ်သည် ဆရာကြီး၏ တစ်ချိန်က မှတ်ချက် စကားကို မှီငြမ်းဥပမာပြုခြင်းဖြစ်သည်။
မြန်မာသံတော်ဆင့်