လူထုခေါင်းဆောင်ဒေါ်အောင်ဆန်းစုကြည်၏ပုသိမ်ခရီးစဉ် လူထုဟောပြောပွဲအတွက်ပြင်ဆင်နေကြသော ပုသိမ်မြို့သူမြို့သားများ

ပုသိမ်သူတဦးကလည်း ပုသိမ်မြို့ သင်္ကေတ ပုသိမ်ထီးနဲ့ အန်အယ်လ်ဒီအမှတ်တံဆိပ်ကိုတွဲဖက်၍
ပုသိမ်မြို့မှ အင်တာနက်ဆိုင်မှာလည်း အန်အယ်လ်ဒီ တံဆိပ်များ ပလူပျံနေ




မနက်ဖြန်နံနက်တွင် ပုသိမ်မြို့သို့ နေ့ချင်းပြန်သွားရောက်မည့် ဒေါ်အောင်ဆန်းစုကြည်အား ပုသိမ်မြို့ခံများသာ မက ဧရာဝတီတိုင်း အခြားမြို့နယ်များ ကျေးရွာများမှ ပြည်သူများ ရေလမ်းကုန်းလမ်းဖြင့်လာရောက်လျှက်ရှိရာ ပုသိမ်မြို့ သင်္ဘောဆိပ်၊ ဟောပြောပြွဲုပုလုပ်မည့် ကိုးသိန်းအားကစားကွင်းတို့တွင် ညအိပ်စောင့်ဆိုင်းကြသည် အထိ စိတ်ဝင်စားမှုများပြားသည်ကို တွေ့ရသည်။

ဒေါ်အောင်ဆန်းစုကြည် ပုသိမ်မြို့သို့ လာရောက်စဉ် ကိုယ်တိုင်တွေ့မြင် နားထောင်လိုကြသည့် ယနေ့နေ့လည်မှ စတင်ကာ ဧရာဝတီတိုင်းဒေသကြီး အတွင်းမှ မြို့များ ကျေးရွာများမှ ပုသိမ်မြို့သို့ လာရောက်နေကြပြီဖြစ်သည်။

မနက်ဖြန်နံနက်တွင် မြို့အ၀င်၊ အထွက်များအား တင်းကြပ်မည်စိုးသဖြင့် ယနေ့ညကတည်းက လာရောက်ကြခြင်းဖြစ်သည်ဟုလည်း နယ်မှ လာရောက်သူများက ပြောသည်။

ယနေ့ည ၆နာရီကျော်တွင် သိရသမျှ ဒေါ်အောင်ဆန်းစုကြည်၏ လူထုဟောပြောပွဲကို နားထောင်လိုသဖြင့် ဘောလုံးကွင်းတွင် ညအိပ်မည့်သူ ၁၀၀ ကျော်ရှိနေသည်ကိုတွေ့ရှိရသည်။

ဒေါ်အောင်ဆန်းစုကြည် ခရီးစဉ်ကိုလာရောက်ကြည့်ရှုလိုသူများ ပုသိမ်သို့လာရောက်နိုင်ရန် နယ်မြို့နှင့် ကျေးရွာများမှ ငွေကြေးတတ်နိုင်သူများက အကုန်ကျခံကာ ရေယာဉ်၊ ကားငှားပေးခြင်းများလည်း အများအပြားရှိသည်ဟု လာရောက်သူများကပြောသည်။

သာပေါင်းမြို့နယ်မှ လာရောက်သူ ကိုမြင့်အောင်က “ ကျွန်တော်တို့ကို တအိမ်တယောက်တက်ရမယ်ဆိုလို့ လာတာလည်းမဟုတ်ဘူး၊ ဒီပွဲလာလို့ ဘာမှရမှာမဟုတ်ဘူး၊ ရေသောက်ရချင်မှ သောက်ရမယ်၊ ဒါပေမယ့် ဒေါ်အောင်ဆန်းစုကြည်ကို တကယ်ချစ်လို့ လာတာ၊ နေပူထဲမှာရေငတ်ချင်ငတ်ပါစေ အငတ်ခံပြီး တွေ့ချင်လို့လာတာ” ဟုပြောသည်။

နက်ဖြန်တွင် ပုသိမ်မြို့တွင်းသို့ ၀င်သည့်လမ်းများ၌ ယာဉ်စည်းကမ်း၊ ဆိုင်ကယ်လိုင်စင် ယာဉ်မောင်းလိုင်စင်တို့ကို ပုံမှန်ထက် တင်းကြပ်စွာ စစ်ဆေးဖို့ အမိန့်ထုတ်ထားကြောင်း ယာဉ်ထိန်းရဲ တဦးကပြောဆိုသကဲ့သို့ ပုသိမ်မြို့ အမှတ် ၉ နှင့် ၁၂ ရပ်ကွက်များမှ လူထုလွယ်လွယ်ကူကူ ကူးမလာစေရန်လည်း စိန်ကုန်းကူးတို့ဆိပ်အား မနက်ဖြန်ပိတ်ထားမည်ဟု သိရှိရသည်။

ပုသိမ်မြို့ခံများထဲမှ အန်အယ်ဒီအလံ၊ အန်အယ်လ်ဒီအမှတ်တံဆိပ် တီရှပ်အကျီင်္များဖြင့် မြို့ထဲတွင် ဟိုစုစု ဒီစုစုလှုပ်ရှားနေကြသည်ကိုလည်း တွေ့ရှိရသည်။ ယနေ့ညနေကတည်းက ရဲလုံခြုံရေးများလည်း ပုသိမ်မြို့တွင်း လှည့်လှည်နေသည်ကိုတွေ့ရပြီး ရဲဝန်ထမ်းတဦး၏ အဆိုအရ ဧရာဝတီတိုင်းဒေသကြီးအတွင်းရှိ နယ်မြို့များမှ ရဲဝန်ထမ်း ၁၀၀၀ ကျော်တိုးမြှင့်ချထားသည်ဟု သိရှိရသည်။

ဒေါ်အောင်ဆန်းစုကြည်၏ ခရီးစဉ်အား လူထုပရိတ်သတ်က စိတ်ဝင်စားမှု များပြားနေချိန်တွင် ယနေ့နံနက်ပိုင်း ပုသိမ်တက္ကသိုလ်တွင် ကျောင်းသားများ လူရည်ချွန်ဖြစ်မြောက်စေရန် ခေါင်းစဉ်ဖြင့် ဧရာဝတီတိုင်းဒေသကြီး ၀န်ကြီးချုပ် ဦးသိန်းအောင်က ဟောပြောခဲ့သည်။ ကျောင်းသား ၃၅၀၀ ကျော်တက်ရောက်ကြသည်ဟုလည်း တက္ကသိုလ်ကျောင်းသား တဦးကပြောသည်။

ဒေါ်အောင်ဆန်းစုကြည် အကျယ်ချုပ်မှ လွတ်မြောက်ပြီး တစ်နှစ်ကျော်ကြာကာလအတွင်း ပဲခူးမြို့သို့ လူထုနှင့် တွေ့ဆုံရန် သွားရောက်ခဲ့သည်။ ဒေါ်အောင်ဆန်းစုကြည် ယခင်လနှောင်းပိုင်း ထားဝယ် မြို့သို့ စည်းရုံးရေး အဖြစ်သွားရောက်ပြီးနောက် ပုသိမ်ခရီးစဉ်သည် ဒုတိယမြောက် ခရီးစဉ်ဖြစ်သည်။ ။(YPI)

Photo news.. Goldenpathein, yangon press international