အခုတလောမှာ မီဒီယာလောကနဲ့ စာပေချစ်သူများ၊ တနည်းအားဖြင့်
ဂျာနယ်လစ်နဲ့ ဂျာနယ်ချစ်တို့ ကြားမှာ လှုပ်လှုပ်ခတ်ခတ်ဖြစ်သွားရတဲ့ စိတ်
မကောင်းစရာ သတင်းတစ်ပုဒ်ကတော့ "ယူနတီစီအီးအိုနဲ့ သတင်း ထောက်များ
ကို နိုင်ငံတော်လျှို့ဝှက်ချက် ဥပဒေနဲ့ ထောင်ဆယ်နှစ်ချလိုက်တယ်"ဆိုတဲ့
သတင်းပါပဲဗျာ။ နိုင်ငံတော် လျှို့ ၀ှက်ချက်ဥပဒေဆိုတာကြီးကိုက စပိုင်တို့
သူလျှို့တို့လုပ်ပြီး နိုင်ငံတော်ရဲ့ လျှိဲ့ဝှက်ချက်တွေကို ပေါက်ကြားစေ လိုတဲ့
စေတနာဆိုးနဲ့ လုပ်တဲ့ကိစ္စမျိုးပေပဲလို့ စွပ်စွဲဆုံးဖြတ်ပြီး ပြစ်ဒဏ်ကြီးကြီးပေးလို့
ရတဲ့ဟာကြီးဖြစ်နေတာမို့ အခု ဖြစ်ခဲ့တဲ့အမှုနဲ့ ဆီလျော်သင့်တော်မှုမှ ရှိရဲ့လားလို့
သံသယဖြစ်စရာကောင်းနေလေတော့ "သတင်းလွတ်လပ်မှု"ဆိုတဲ့ ခေါင်းစဉ်
အောက်မှာ "မင်းတို့ဒီလိုတော့ လာမလုပ်နဲ့ မရဘူး"လို့များ ပြောလိုရင်းက အဓိက
ဖြစ်နေလေသလားလို့ စဉ်းစားစရာ ဖြစ်ရပြီပေါ့ဗျာ။
ဒါဆိုရင်လည်း ကျွန်တော်တို့တတွေက "ဒီမိုကရေစီ"ဆိုတဲ့
ခေါင်းစဉ်ကြီးအောက်မှာ ဒီလိုကြီး ရက်ရက် စက်စက်လုပ်လိုက်တာကဖြင့် မသင့်
လျော်လှပါကြောင်းလို့ ပြန်လှန်တင်ပြလျှောက်လဲဖို့ လိုအပ်လာပြီပေါ့ခင်ဗျ။
တကယ်တော့ ဒီကိစ္စမှာ ကျွန်တော်တစ်ဦးတည်းအနေနဲ့ အများကြီးစာနာမှု ဖြစ်မိ
ပါတယ်။ ဘာကြောင့်လဲဆိုတော့ ကျွန်တော်ကိုယ်တိုင်က ]နိုင်ငံတော်လျှို့ဝှက်ချက
်ပေါက်ကြားမှု}နဲ့ အလုပ်က ထုတ်ပယ်ခြင်းခံခဲ့ရဖူးတာကိုး။ ဒီ တုန်းက ကိုယ်တိုင်က
တာဝန်ရှိအစိုးရအရာထမ်းတစ်ဦးဖြစ်ခဲ့ပြီး မီဒီယာကို ပြည်သူသိသင့်တဲ့ သတင်း
အချက် အလက်တချို့ပေးခဲ့မှုအတွက် မောင်မင်းဟာ ဒီရာထူးနဲ့မထိုက်တန်သူပဲ
ဆိုပြီး ရာထူးကနှုတ်ပယ်စေအမိန့်ချခံခဲ့ရဖူးသူကိုး။ ဒီတုန်းက ကိုယ်ခံရတာကို
မသက်သာလှဘူးထင်ခဲ့မိပေမယ့် "သြော်၊ ရာထူးကနှုတ်ပယ်ရုံနဲ့ မတင်းတိမ်သေးပဲ
အင်းစိန်ဂျေးလ်မှာ (တာလပေါတို့၊ ငပိတစ်ကော်တို့နဲ့) ထမင်းမြိန်ကျွေးဖို့ ထောင်
ဆယ့်လေးနှစ်အထိတောင် ချလို့ရသကိုး"လို့ အခုမှ သဘောပေါက်ရပါသဗျာ။
ယခုလို ပြစ်ဒဏ်ချခံရသူများထဲမှာ သတင်းထောက်ကိုလူမော်နိုင်ရဲ့ဇနီး
မလွင်လွင်မြင့်က ထောင်ဆယ် နှစ်ဆိုလို့ သူတစ်ယောက်တည်း သမီးလေးရဲ့
ပညာရေးကအစ တာဝန်ယူရမှာ၊ ထောင်ဝင်စာကို ပခုက္ကူအထိ တကူးတကသွား
တွေ့ရမှာ၊ ကာလအတန်ကြာ ရုန်းကန်ရဦးမှာတွေကို ပြောပြပြီး အခုလိုဖြစ်တာ
နဲ့ ပတ်ဝန်းကျင် ကကြောက်ပြီး မဆက်သွယ်ရဲတော့ပဲ သူတို့ထောင်ထားတဲ့
ကျောင်းကလေးမှာတောင် စာသင်မယ့်လူမရှိသလောက် ဖြစ်သွားတာ ကြားရလို့
စိတ်မကောင်းမိဘူး။ လူတွေရဲ့သဘာဝက ဒီလိုပါပဲ။ ဘူးသီးရင်အရီးတော်ချင်ကြ
ပေမယ့် "၅ည"ဆို တံခါးဝတောင် လာပြီး မျက်နှာမပြရဲကြတာ ကိုယ်တွေ့မို့ပါ။
အထူးသဖြင့် မလွင်လွင်မြင့်ဆိုတာက အရှင်ဂမ္ဘီရနဲ့ညီမအဖြစ်နဲ့လည်း တစ်ခါ
အဖမ်းခံရဖူးပြီး အခုတစ်ခါ ကိုလူမော်နိုင်ဇနီးအဖြစ် ထပ်အဖမ်းခံရတာကိုလည်း
စိတ်မကောင်း ဖြစ်မိပါတယ်။ ကျွန်တော့်ကို ပြစ်ဒဏ်ချတော့လည်း ထောင်ဒဏ်
၇နှစ်ဆိုတာကို မိသားစုက တစ်ခါမှဒီလိုမျှော်လင့်ထားဘူးတာမဟုတ်တော့
အတော်လေးစိတ်ထိခိုက်သွားခဲ့ကြတယ်ဆိုတာကို ပြန်သတိရမိရင်း စာနာမိပါတယ်။
ယခုဖြစ်စဉ်ကို ကျွန်တော်နားလည်သလောက် ပြန်ပြောရရင် ယူနတီ
ဂျာနယ်က ပေါက်မြို့နယ်မှာရှိတဲ့ အမှတ်(၂၄) ကာကွယ်ရေးပစ္စည်းစက်ရုံစီမံကိန်း
မှာ ကာလတန်ကြေး သိန်း၂၀လောက်ရှိတဲ့လယ်မြေတွေကို တစ်ဧက ကျပ်၅၀၀၀
ပဲ လျော်ကြေးပေးပြီး သိမ်းယူခံခဲ့ရတဲ့ လယ်သမားတွေကိစ္စကို တင်ပြဖို့ ရည်ရွယ်
ပြီး ဒီသတင်းကို စုံစမ်းခဲ့တာပါ။ စုံစမ်းတဲ့အခါ အဲဒီဝန်းကျင်ကရွာသားများအဆိုအရ
ဓာတုလက်နက်စက်ရုံလို့ ပြောကြတာကို စိတ်ဝင်စားတဲ့အတွက် (တရားလိုပြ
သက်သေထွက်ချက်တွေအရ) အဲဒီကာလမှာ တားမြစ်နယ်မြေလို့ ဆိုင်းဘုတ် ချိတ်
တားမြစ်ထားခြင်း မရှိခဲ့ဖူးတဲ့ စက်ရုံတွင်း ၀င်ရောက်စုံစမ်းပြီး (တရားရုံးစီရင်ချက်
အဆိုအရ) စက်ရုံနားက ပေ၅၀၀မြင့်တဲ့ တောင်ကုန်းပေါ် တက်လို့ pက်ရုံကို
ဓာတ်ပုံရိုက်ယူကာ ဓာတုစက်ရုံဖြစ်ကြောင်း သတင်းရေး သားဖော်ပြခဲ့ပါတယ်။
ဒီသတင်းကို ယူနတီဂျာနယ်မှ နှစ်ပတ်ဆက်တိုက်ဖော်ပြပြီးမှ အရေးယူခဲ့တာ
ဖြစ်ပါတယ်။
တကယ်တော့ ယူနတီဂျာနယ်အနေနဲ့က လယ်သမားများ
နစ်နာတဲ့ကိစ္စကို လူသိထင်ရှားဖြစ်စေလိုတဲ့ အတွက် ၀န်းကျင်ကပြောကြားတဲ့
ဓာတုလက်နက်စက်ရုံဆိုတာကိုလည်း ရိုးရိုးသားသားပဲ ယုံကြည်လို့ ရေးသား
ခဲ့ပုံပေါ်ပါတယ်။ ခေါင်းစဉ်တပ်တာကလည်း အဲဒီကာလမှာ လူကြိုက်သိပ်များ
နေတဲ့ ဂျာနယ်တစ်ခုကို အားကျပြီး တပ်ခဲ့မိပုံပေါ်ပြီး သတင်းခိုင်မာအောင်
တည်ဆောက်နိုင်မှုနဲ့ သတင်းပညာ၊ သတင်းကျင့်ဝတ်တွေ အားနည်း တယ်ဆိုရင်
လက်ခံနိုင်ပါတယ်။ ဒါပေမဲ့ သတင်းကျင့်ဝတ်အားနည်းတာနဲ့ နိုင်ငံတော်လျှို့ဝှက်
ချက်ပေါက်ကြား တာနဲ့ဟာ တခြားစီလို့ထင်ပါတယ်။ တရားသူကြီးရဲ့ စီရင်ချက်ကို
က အချက်အလက်ကိုးကားမှုနဲ့ နောက်ဆုံး ကောက်ချက်ဆွဲစီရင်မှုတွေ လွဲမှားနေ
တယ်လို့ ယူဆမိပါတယ်။ တရားသူကြီးက "သတင်းထောက်များက အလုပ်သမား
များနှင့်ရောနှောပြီး စက်ရုံတွင်း ၀င်ရောက်စုံစမ်းခဲ့ခြင်းကို တစ်စုံတရာ မှတ်ချက်
မပေးလိုသော်လည်း "လို့ ဆို ထားတဲ့အတွက် ယခုစွဲဆိုထားတဲ့ နိုင်ငံတော်လျှို့ဝှက်
ချက်ဥပဒေမှာ ဖော်ပြထားတဲ့ ]ပိတ်ပင်ထားတဲ့နေရာတစ်ခု ကို ချဉ်းကပ်ခြင်း၊
ကြည့်ရှုစစ်ဆေးခြင်း၊ ကျော်ဖြတ်ခြင်း (သို့မဟုတ်) ထိုအနီူးအနားတွင်ရှိလျှင်
(သို့မဟုတ်) ၀င် ရောက်လျှင်"ဆိုတဲ့ ပြဋ္ဌာန်းချက်နဲ့တော့ အပြစ်ရှိတယ်မရှိတယ်
မပြောလိုပါဘူးဗျာလို့ ဆိုလိုရာရောက်ပါတယ်။ တရားသူကြီးကမှတ်ချက်မပေးလို
သော်လည်းလို့ ဆိုပြီးတဲ့နောက် "ရေးသားချက်များတွင်"လို့ အစချီပြီး ယူနတီဂျာနယ်
မှာ ဖော်ပြခဲ့တဲ့ "အလုပ်သမားများက မြန်မာနိုင်ငံတွင် အကြီးဆုံးဓာတုလက်နက်
စက်ရုံဟု အခိုင်အမာပြောဆို နေကြသည်"ဟု ရေးသားပုံမျိုး၊ "နိုင်ငံတကာမှ စစ်သုံး
စရိတ်လျှော့ချရန် ဖိအားပေးချိန်မှာ ကျပ်သန်းပေါင်းများစွာ ကုန်ကျသော လက်နက်
စက်ရုံကြီးများ တည်ဆောက်နေခြင်းသည် ဒီမိုကရေစီပြောင်းလဲစ မြန်မာနိုင်ငံအပေါ်
နိုင်ငံတကာယုံကြည်မှုလျော့နည်းသွားစေနိုင်}}ဆိုသည်မျိုး၊ ]]ကာကွယ်ရေးအသုံး
စရိတ်မြင့်မားနေခြင်း၊ လက်နက် စက်ရုံများတည်ဆောက်နေခြင်းတို့က တိုင်းရင်းသား
လက်နက်ကိုင်တပ်ဖွဲ့များက အစိုးရအပေါ်ယုံကြည်မှုလျော့ကျ သွားစေ}}ဆိုသည်မျိုး
ကို ရည်ညွှန်းကိုးကားပါတယ်။ ဒီလို ရည်ညွှန်းပြီးတော့ အဲဒီလိုဖော်ပြချက်များဟာ နိုင်ငံ
တော် အစိုးရကို အထင်အမြင်လွဲမှားစေသည်ဆိုတာမျိုး၊ ဒါမှမဟုတ် သိက္ခာကျစေသည်
ဆိုတာမျိုး သုံးသပ်ရင်တော့ တစ်မျိုးပေါ့ဗျာ။ အခုတော့ နိုင်ငံတော်အစိုးရလျှို့ဝှက်ချက်
ဥပဒေကို ဖေါက်ဖျက်ကျူးလွန်ရာ ရောက်ပေသည်လို့ ဆိုလိုက်တာကတော့ အတော်ကို
ရယ်စရာလည်းကောင်း၊ သနားစရာလည်းကောင်းနေပါရောလား။ (အထက်က ဖော်ပြ
လိုက်သည်များဟာ ဟုတ်နေလို့ ဒီလျှို့ဝှက်ချက်တွေကို ဖော်ပြရမလားလို့ အပြစ်ရှိရာ
ရောက်သွားတာကိုး)။
ဒီနေရာမှာ နိုင်ငံခြား ဟာသတစ်ခုကို သတိရမိသဗျာ။ လူတစ်ယောက်ကို
သူ့မိတ်ဆွေက သတင်းတစ်ခု ပေးသတဲ့။ "ဟေ့လူ၊ ဖရီးဒမ်းအိပ်စ်ပရက်စ်သတင်းစာကြီး
က အယ်ဒီတာကို အစိုးရကတရားစွဲလိုက်ပြီတဲ့ဗျ"၊ "ဟုတ်လား၊ ဘာဖြစ်လို့လဲဗျ"၊
"သတင်းတစ်ပုဒ်ရေးလိုက်လို့ဗျာ၊ ကျွန်တော်တို့ နိုင်ငံခေါင်းဆောင်ကြီးဟာ လူပျို ကြီး
လည်ဖြစ်၊ တရားမ၀င်ဇနီးလည်းမရှိပေမယ့် တိတ်တိတ်ပုန်းယောက်ျားရှိတဲ့ အခြောက်
ကြီးဖြစ်ကြောင်း ရေးလိုက် လို့တဲ့ဗျာ}} ]]ဟာ၊ ဒါဆို၊ အသရေဖျက်မှုနဲ့ တရားစွဲတာပေါ့
နော်"၊ "မဟုတ်ဘူးဗျ၊ နိုင်ငံတော်လျှို့ဝှက်ချက် ပေါက်ကြားမှုနဲ့တဲ့" (ဟဲဟဲ၊ နိုင်ငံခြား
ဟာသလို့သာဆိုတယ်၊ အင်္ဂလိပ်လိုလည်း တစ်ခါမှ မဖတ်ဖူးပါလားလို့ မပြောကြေးနော်)။
တကယ်တော့ နိုင်ငံတော်လျှို့ဝှက်ချက်ပေါက်ကြားမှုဆိုတာ ကျွန်တော့်လို
လူသိထင်ရှားမဟုတ်တဲ့ဝတိတောင် ထိခဲ့ဖူးတာမို့ တခြားလူတွေ အရေးမယူခံရတာဖူး
တာမျိုး မဟုတ်ပါဘူး။ ဒီအမှုမှာ တရားခံပြသက်သေအဖြစ် သွားရောက်သက်သေခံပေး
တဲ့ သတင်းစာဆရာကြီးနှစ်ဦးထဲက ၀ါရင့်ဆရာကြီးဖြစ်တဲ့ ဖိုးသောကြာတောင် ဒီပုဒ်မ နဲ့
အရေးယူခံရခဲ့ပုံကို တရားရုံးမှာ တင်ပြထွက်ဆိုခဲ့ပါတယ်။ အဲဒီတုန်းက တပ်မှူးညီလာခံမှာ
တပ်မတော်က ချွေတာတဲ့အနေနဲ့ စီးကရက်အစား ဆေးပေါ့လိပ်၊ နိုင်ငံခြားအရက်အစား
အာမီရမ် သုံးစွဲမယ်ဆိုတဲ့ သတင်းကို ဖော်ပြလို့ အဲဒီဥပဒေနဲ့တရားစွဲပြီး သတင်းစာဆရာ
များအသင်းက တောင်းဆိုတဲ့အခါမှာတော့ ၀န်ကြီးချုပ် ဦးနုက ကျေအေးပေးခဲ့ပါသတဲ့။
အဲဒီမှာ အာဃာတမထားရေး၊ သင်ပုန်းချေရေး၊ ဆင်ခြင်စွာရေးသားရေးတို့ကို ညိနှိုင်းပြီး
အဆင်ပြေခဲ့တာတဲ့ဗျာ။ ထူးခြားတစ်ခုက ဒီကိစ္စကျေအေးနိုင်ဖို့ တပ်မတော်ရဲ့သဘောထား
ကို ရယူတော့ ဗိုလ်ချုပ်ကြီးနေ၀င်းက "ရိုးရိုးသားသားဖော်ပြတဲ့သတင်းပါ"လို့ သဘောထား
ပေးခဲ့တယ်ဆိုတာပါပဲ။ ကဲ၊ ဒီနေရာ မှာတော့ သူတို့နဲ့ယှဉ်တဲ့အခါ ရာဇ၀င်လူဆိုးကြီးတောင်
ရွှေမင်းသားကြီးဖြစ်လို့နေပါရောလား။
အမှန်တော့ ဒီကိစ္စဟာ နိုင်ငံတော်လျှို့ဝှက်ချက်ပေါက်ကြားမှုကြီးသာဖြစ်ရင်
ကျွန်တော်တို့ အစိုးရကြီးလည်း နိုင်ငံတကာဥပဒေကို ချိုးဖေါက်သူကြီးဖြစ်သွားနိုင်တာမို့
ကျွန်တော်တို့ကတော့ ဒီလိုမဟုတ်နိုင်ဘူးလို့ အလေးအနက် ယုံကြည်ပါတယ်။ အစိုးရကြီး
ပြောသလို ဒီစက်ရုံကြီးကလည်း ရိုးရိုးသားသား လက်နက်စက်ရုံကြီးဖြစ်ပြီး အများစွပ်စွဲ
ထင်မြင်နေသလို မဟုတ်တာ သေချာလောက်ပါတယ်ဗျာ၊ ဘာကြောင့်ဆိုတော့ တားမြစ်
နယ်မြေဆိုတဲ့ ဆိုင်းဘုတ် များတောင် တရားစွဲပြီးကာလမှ အပြေးအလွှား လိုက်ပြီးချိတ်ရ
ဆိုသမဟုတ်လား။ တကယ်သာ လျှို့ဝှက်လက်နက် စက်ရုံကြီးဆိုရင် အဲဒီလို ပေါ့ပေါ့
ဆဆ လုပ်မတဲ့လား။ ရိုးရိုးသားသားမို့သာ ကပ်လို့ရ၊ ဖြတ်လို့ရ၊ ကြည့်ခွင့်ဝင်ခွင့်ရ၊ သိခွင့်မြင်
ခွင့်ရသလောက်ရခဲ့တယ် မဟုတ်လား။ ဒီတော့ ]လျှို့ဝှက်ချက်}ကြီး မဟုတ်တာသေချာပြီ။
ဒါဆို ဘာ များ ပေါက်ကြားစရာရှိလို့တုန်း။ ကျင့်ဝတ်နဲ့မညီဘူးဆိုရင် ဝေဖန်ပါ၊ ဆွေးနွေးပါ၊
သင်ကြားပါ။ ဒါပေမဲ့ မဆိုင်တဲ့ စွတ်စွဲမှုများနဲ့ အရေးယူမယ်ဆိုရင် ခံရသူမှာ နစ်နာသလို
လုပ်ရက်သူမှာလည်း အများမြင်လို့ကြားလို့ မတင့်တယ် ပါဘူးလို့ သတိပေးတောင်းပန်ချင်ပါတယ်။
ယူနတီဆိုတာက ညီညွတ်ခြင်းပါ။ ယူနတီဂျာနယ်ပြဿနာကြောင့် ကျွန်တော်
တို့ကြားမှာ ဒစ်စ်ယူနတီ (မညီမညွတ်) မဖြစ်စေချင်ဘူး။ အစိုးရနဲ့ပြည်သူအကြား၊ အစိုးရနဲ့
မီဒီယာအကြား၊ တပ်မတော်နဲ့ ပြည်သူအကြား ညီညီညွတ်ညွတ်ချစ်ချစ်ခင်ခင်ရှိစေချင်ပါတယ်။
နန်းတော်ရှေ့ဆရာတင်ရဲ့ "ညီညွတ်ရေးနဲ့ အသက်ရှည်ရှည် ခင်ခင် မင်ခင် လက်ရည်တပြင်
တည်း ရှေးကတော့ ပိုချစ်ကြတယ်"ဆိုတာမျိုး ဟိုရှေးတုန်းက အစိုးရနဲ့ တပ်မတော်နဲ့ပြည်သူ
ကြား၊ အစိုးရနဲ့ တပ်မတော်နဲ့ မီဒီယာအကြား ဘယ်လို ချစ်ကြတယ်ဆိုတာ မြင်ခဲ့ကြားခဲ့ကြ
ပါပြီ။ ကျွန်တော်တို့ခေတ်မှာ "ညီညွတ်ရေးနဲ့ အသက်ရှည်ရှည် ခင်ခင်မင်မင် ရှေးကထက်
ပိုချစ်ကြရင်" သိပ်ကောင်းမှာပဲ စိတ်ကူးအိပ်မက် မက်ကြည့်မိချင်ပါတယ်ဗျာ။ ။
ရီနေနိုင်