ရန်ကုန် ခရိုင်လေးခုထဲက ပုဒ်မ ၄၃၆ ပြင်ဆင်ရေး လူထုထောက်ခံပွဲလုပ်ဖို့ ကျန်ရှိနေသေးတဲ့ အနောက်ပိုင်းနဲ့ မြောက်ပိုင်းခရိုင်ထဲက အနောက်ပိုင်းခရိုင် လူထုထောက်ခံပွဲကို ဇူလိုင် ၂၇မှာ ကျင်းပတော့မယ်လို့ စီစဉ်သူတွေက ဆိုပါတယ်။
စမ်းချောင်း မြေနီကုန်းပန်းခြံမှာ စုဝေးပြီး ရွှေဂုံတိုင်လမ်းမကြီး အတိုင်း ဗိုလ်စိန်မှန်ကွင်းကို ချီတက်မှာဖြစ်ပြီး ချီတက်သူတွေ အားလုံးဆုံတဲ့အခါမှာ ပုဒ်မ ၄၃၆ ပြင်ဆင်ရေး စတင်မယ်လို့ ဒီမိုကရက်တစ်ကွန်ရက်က ကိုမြတ်ကျော်က ဆိုပါတယ်။
၂ဝဝ၈ အခြေခံဥပဒေကို ပြည်သူတွေက မူလကတည်းက လက်မခံခဲ့တာဖြစ်ပြီး ပြည်သူက ပြင်ချင်တယ်ဆိုတာ အာဏာပိုင်နဲ့လွှတ်တော်က သိစေဖို့ ပြည်သူ့အသံများများထွက်အောင် လုပ်ရမယ်လို့ ဇူလိုင် ၂၂ရက်နေ့က သတင်းစာရှင်းလင်းပွဲလုပ်ပြီး ပြောဆိုပါတယ်။
အရပ်ဖက် အဖွဲ့အစည်းတွေက ကိုယ်စားလှယ် ၃ဝနဲ့ ဖွဲ့စည်းထားတဲ့ ဒီမိုကရေစီတက်ကြွလှုပ်ရှားသူများကွန်ရက်နဲ့ မြို့နယ်အသီးသီးက တက်ကြွလှုပ်ရှားသူတွေပေါင်းပြီး အရှေ့ပိုင်းနဲ့ တောင်ပိုင်းခရိုင်တွေမှာ ၄၃၆ ပြင်ဆင်ရေး လူထုထောက်ခံပွဲတွေ ကျင်းပခဲ့ပြီးပါပြီ။
အခြေခံဥပဒေ ပြင်ဆင်ရေး ဘယ်လောက်အရေးကြီးလဲဆိုတာ ပြည်သူတွေ နားလည်သဘောပေါက်လာပြီး ပူးပေါင်းပါဝင်လာဖို့ အစိုးရနဲ့ စစ်တပ်က ဘယ်လိုပဲ တားဆီးပိတ်ဆို့နေပါစေ အောင်မြင်မှာပါလို့ ကိုသူရိန်က ဆိုပါတယ်။
Kamayut media