~~~~~~~~~~~~~~~~~~~~~~~~~~~~~~~~~~~~~~~~~~~~~~
ငွေရတုအလွန် ရှစ်လေးလုံး နှစ်ပတ်လည် ၂၆ နှစ်မြောက် အခမ်းအနားကို ရန်ကုန်တိုင်းဒေသကြီး၊ သင်္ဃန်းကျွန်း မြို့နယ်၊ ဓမ္မပီယကျောင်းတိုက်တွင် ကျင်းပဖို့ အစီအစဉ် ရှိလေသည်။ ယခင်နှစ် ၂၅ နှစ် မြောက် ငွေရတု အခမ်းအနားလောက် ကြီးကျယ်ခြင်း မရှိသော်လည်း ပို၍နိုင်ငံရေး အဓိပ္ပာယ်ဆောင်သော အခမ်းအနား ဖြစ်မည်ဟု နိုင်ငံရေးလောကနှင့် ကျောင်းသား အသိုင်းအ၀ိုင်းက ယူဆကြလေသည်။ ယခင်နှစ်က ငွေသိန်းပေါင်းများစွာ အကုန်ခံကာ မင်းဓမ္မလမ်းရှိ MCC ခန်းမတွင် ကျင်းပခဲ့ရာ ဒေါ်အောင်ဆန်းစုကြည်ရော ၀န်ကြီး ဦးအောင်မင်းပါ တက်ရောက်ခဲ့၏။ ကျွန်တော်တို့မှာ မန္တလေးကော်မတီက တကူးတက ဖိတ်၍ မန္တလေး ၈၈ အခမ်းအနားကို သွားရောက်ခဲ့သည်။ ဆရာဦးဝင်းတင်နှင့်လည်း ဆုံခဲ့၏။ အခမ်းအနားအပြီးတွင် မန္တလေး၊ အမရပူရ စသော နေရာများကို ဆရာဦးဝင်းတင်နှင့်အတူ သွားကာ နိုင်ငံရေး အကြောင်းများကို ရင်ဖွင့် ဖြစ်ခဲ့ကြသည်။ ထမင်းလည်း အတူစားဖြစ်ကာ ဆရာသည် ထိုအချိန် ကတည်းက အနေအထိုင် အစားအသောက်ကို လုံးဝ ဂရုမစိုက်ကာ သူ့ခေါင်းထဲတွင် နိုင်ငံရေးသာ ရှိသည်။ ပြည်သူဘက်မှ ရပ်ကာ ရဲရဲဝံ့ဝံ့ဖြင့် ဘာအနှောင်အတဲမှ မထားဘဲ ပြောကြားရဲသည့် ပြည်သူ့ဘက်တော်သား စစ်စစ် ဖြစ်လေသည်။ သူပြောကြားသမျှမှာ ပြည်သူလူထု၏ ဆန္ဒနှင့် တစ်ထပ်တည်း ဖြစ်နေသဖြင့် ပြည်သူက ပိုမိုယုံကြည်အားကိုး လာကာ ဦးဝင်းတင် အသံသည် ပြည်သူ့အသံ ဖြစ်နေလေသည်။ … ပြည်သူ့ကိုယ်စား ဆရာဦးဝင်းတင်က ရင်ဖွင့် ပြောကြားသလို ဖြစ်နေပါတော့သည်။ ယခုဆရာဦးဝင်းတင် မရှိတော့ပြီ။ ရှစ်လေးလုံး နှစ်ပတ်လည် အခမ်းအနား ကြီးလည်း လည်လာပြန်သည်။ ရှစ်လေးလုံး အခမ်းအနားကြီးကို ဂုဏ်ပြုမိသလို ဆရာ ဦးဝင်းတင်ကိုလည်း လွမ်းဆွေး ဂုဏ်ပြုနေမိပါသည်။
DVB ဒီမိုကရက်တစ် မြန်မာ့အသံ ရုပ်သံက ရှစ်လေးလုံး ဒီမိုကရေစီ အရေးတော်ပုံကြီးနှင့် ပတ်သက်၍ အင်တာဗျူးရာတွင် ရှစ်လေးလုံးဒီမိုကရေစီ တိုက်ပွဲကြီး ရှုံးသလား၊ နိုင်သလားဆိုသော သဘောကို မေးလာသည်။ ယေဘုယျ သဘောသာ မေးသလို မိမိကလည်း ယေဘုယျ သဘောသာ ဖြေဖြစ်သည်။ တချို့က နိုင်သည်ဟု ဆိုကြသည်။ အတော်များများက ရှုံးသည်ဟု ဆိုကြလေသည်။ အရှုံးအနိုင်ကို ဒီမိုကရေစီ ရ၊ မရနှင့် ဖြေကြား ပြောဆိုကြခြင်း ဖြစ်ပါသည်။ ရှစ်လေးလုံး အရေးတော်ပုံကြီး၏ အနှစ်ချုပ်မှာ ဒီမိုကရေစီ ရရှိရေး အတွက် တိုက်ပွဲဝင်ကာ စစ်အာဏာရှင်စနစ်ကို ဖယ်ရှားနိုင်ခဲ့သလား၊ မဖယ်ရှားနိုင်ဘူးလား ဆိုသည်နှင့် တိုင်းသလို ထိုအရေးတော်ပုံကြီးကို ပြည်သူက မည်မျှအလေးထားသည်၊ မထားသည်နှင့် တိုင်းသူများက နိုင်သည်ဟု ဆိုသည်မှာ မမှားသလို ရှုံးသည်ဟု ယူဆသူများကလည်း သူတို့ရည်မှန်းသော ဒီမိုကရေစီကို မရသဖြင့် ရှုံးသည်ဟု ဆိုခြင်းမှာလည်း မမှားပေ။
အမှန်မှာမူ ထိုတိုက်ပွဲကြီးတွင် စစ်အာဏာရှင်စနစ်ကို တိုက်ဖျက်နိုင်သည့်တိုင် အောင်ပွဲကား ချက်ချင်းရဖို့ မလွယ်ပေ။ ယခုထက်တိုင် စစ်အာဏာရှင်အဟောင်း၊ အသစ်များ၏ အာဏာကို အကန့်အသတ် တစ်ခုအထိ ဖယ်ရှား နိုင်သည့်တိုင် ဒီမိုကရေစီ လမ်းကြောင်းပေါ် မနည်းဆွဲတင်ရဦးမည် ဖြစ်သည်။ ရှစ်လေးလုံး ဒီမိုကရေစီ တိုက်ပွဲကြီးကို သုံးသပ်ရာ၌ ပြင်သစ်နိုင်ငံတွင် ပညာတတ် ဓနရှင် ပေါက်စများက ဦးဆောင်သော ဘုရင်စနစ်ကို ဆန့်ကျင် တိုက်ပွဲဝင်သည်နှင့် နှိုင်းယှဉ် ပြောလျှင် နီးစပ်သည်ဟု ဆိုရပေမည်။ ထိုတော်လှန်ရေးကြီးတွင် လူဝီဘုရင် မျိုးနွယ်များ၊ ပြင်သစ် သူကောင်းမျိုးများနှင့် ပဒေသရာဇ် အနွယ်တော်အားလုံးကို ခေါင်းဖြတ် စက်တွင် တင်ကာ သုတ်သင်နိုင်ခဲ့သည်။ စည်းလုံး ညီညွတ်လျှင်၊ တော်လှန်တိုက်ပွဲဝင်ရဲလျှင် မိမိတို့ကို နှစ် ပေါင်းများစွာ သွေးစုပ်ခဲ့သော ပြင်သစ်ဘုရင်နှင့် ပဒေသရာဇ် အနွယ်များကို တော်လှန် သုတ်သင် နိုင်ခဲ့သည်။ ပြင်သစ်ပြည်သူများ၏ နိုးကြားမှုမှာ ပြင်သစ်တော်လှန်ရေး၏ အောင်ပွဲဟု ဆိုရမည်။ ပါရီဘုံအဖွဲ့(သို့မဟုတ်) ပဲရစ်ကွန်မြူး (Paris Commune) တော်လှန်ရေးကြီးနှင့် ပတ်သက်ပြီး ကားလ်မာက့်စ်က ““ပါရီဘုံအဖွဲ့ တော်လှန်ရေးကြီး အောင်ပွဲ မရခဲ့သည်မှာ ပစ္စည်းမဲ့ လူတန်းစားတပ်ဦး ပါတီမရှိခြင်း၊ တော်လှန်ရေးတွင် အောင်ပွဲကို အကျိုးရှိစွာ မကျင့်သုံးနိုင်ခြင်းတို့ကြောင့် ပါရီဘုံအဖွဲ့မှာ ပြည်သူက လုံးဝ အနိုင်မရခဲ့ခြင်း ဖြစ်သည်”” ဟု သုံးသပ် ခဲ့လေသည်။ မည်သို့ပင်ဖြစ်စေ၊ နှစ်ပေါင်းများစွာ ရက်စက်စွာ အုပ်ချုပ်ပြီး ဗိုလ်ကျခဲ့ သော လူဝီဘုရင်တို့ကို တော်လှန်နိုင်ခဲ့သည်မှာ ပါရီမြို့သူမြို့သား များနှင့် ပြည်သူလူထုအတွက် မျက်စိဖွင့်၊ နားပွင့်နှင့် အောင်ပွဲအကြောင်း သိရှိလိုက်သည်ဟု ဆိုရပေမည်။
ရှစ်လေးလုံး ဒီမိုကရေစီ တိုက်ပွဲကြီးသည် မြန်မာနိုင်ငံ၏ သမိုင်းတွင် အင်အား အကောင်းဆုံး နိုးကြားမှုမှာ ၁၃၀၀ ပြည့် အရေးတော်ပုံကြီးတုန်းက ဗြိတိသျှ နယ်ချဲ့သမားကို ဆန့်ကျင်ပြီး လွတ်လပ်ရေးအတွက် နိုးနိုးကြားကြား မျက်စိပွင့်ကာ လွတ်လပ်ရေးအတွက် ထောက်ခံခဲ့သလိုပင်၊ ၈၈ အရေးတော်ပုံမှာ လည်း မြန်မာနိုင်ငံ တစ်နံတစ်လျားတွင် ပြည်သူလူထု၏ ဆန္ဒပြ တောင်းဆိုမှုများ ပေါ်ပေါက် လာခြင်းဖြစ်၏။ ၁၃၀၀ ပြည့်ထက်ပိုပြီး အားကောင်းသည်မှာ မဆလအစိုးရ၏ အုပ်ချုပ်ရေးစနစ် ရပ်တန့်သွားသလို ကျဆုံးသွားမှာကိုပင် စိုးရိမ် ထိတ်လန့်နေရသည့် အခြေအနေသို့ ရောက်ရှိ သွားခြင်း ဖြစ်လေသည်။ ရန်ကုန်မြို့၊ မန္တလေးမြို့ စသော မြို့ကြီးများတွင် အုပ်ချုပ်ရေး ယန္တရားများ ရပ်ဆိုင်းသွား၏။ ဗိုလ်နေ၀င်း အပါအ၀င် မဆလထိပ်သီး ခေါင်းဆောင်များ၊ စစ်တပ် ခေါင်းဆောင်များမှာ သူတို့၏ အသက် အိုးအိမ်စည်းစိမ် လုံခြုံရေး၊ ကာကွယ်ရေး အတွက်ပင် ပြင်ဆင်ကြရတော့သည်။ လူတိုင်းသည် မနက်မိုးလင်းမှ မိုးချုပ်ဆန္ဒပြပွဲများ၊ ကြွေးကြော်သံများ မပြတ် ပြုလုပ်နေသည်။ ကလေးများမှအစ လူကြီးအထိ၊ အိမ်ရှင်မများပါမကျန် မဆလ တစ်ပါတီစနစ် ပယ်ဖျက်ပေးရေး၊ စစ်ဗိုလ်များ၏ အနိုင်ကျင့် ဗိုလ်ကျမှု ရပ်စဲပေးရေး၊ ဒီမိုကရေစီ ရရှိရေးအတွက် တက်ကြွစွာ ပါဝင်ခဲ့ကြသည်။ ၈၈ သမိုင်းကို ပြောရလျှင် ပြည်သူလူထု၏ နိုးကြားမှုနှင့် ဒီမိုကရေစီကို အာသာငမ်းငမ်း တောင်းဆိုမှုမှာ ပြည်သူ့အတွက် အောင်ပွဲဟု ဆိုရပေမည်။ တိုက်ပွဲနှင့်အတူ ပြည်သူလူထုအတွက် ရရှိ လိုက်သော အကျိုးအမြတ်မှာ မဆလပါတီ ပြိုကျသွားခြင်းနှင့် ဒီမိုကရေစီ ခေါင်းဆောင်များ ရရှိလိုက်ခြင်း ဖြစ်သည်။ ဒေါ်အောင်ဆန်းစုကြည်လို ရှားရှားပါးပါး ဒီမိုကရေစီ ခေါင်းဆောင်ကို ရရှိလိုက်သလို ၈၈ မျိုးဆက် ကျောင်းသား ခေါင်းဆောင်များကိုလည်း ရရှိလိုက်ခြင်း ဖြစ်သည်။ ထို့အတူ ၈၈ အရေးတော်ပုံကြီးတွင် စစ်တပ် က အာဏာပြန်သိမ်းပြီး ဒီမိုကရေစီ မရရှိလိုက်သည်မှာလည်း ပါရီဘုံအဖွဲ့ တော်လှန်ရေးကြီးကလို ခေါင်းဆောင်မှု ခိုင်မာမှု မရှိခြင်းကြောင့် ဖြစ်လေသည်။ ခိုင်မာသော ခေါင်းဆောင်မှု မရခြင်း၊ မှန်ကန်သော ဒီမို ကရေစီ တိုက်ပွဲ၏ မဟာဗျူဟာ၊ နည်းဗျူဟာတို့ကို မချမှတ်နိုင်ဘဲ ယခုထက်ထိ ဒီမိုကရေစီ မရနိုင် သေးခြင်း ဖြစ်သည်ဟု ဆိုရ ပေတော့မည်။
ယခု ၂၆ နှစ်တိုင်သည်အထိ ဒီမိုကရေစီ ပန်းတိုင်ကား ကွာလှမ်းနေဆဲ ဖြစ်သည်ဟု ဆိုရမည်။ သို့သော် ထိုကာလက မွေးဖွားခဲ့သော လူငယ်များ၊ ထို့နောက် ၈၈ အရေးတော်ပုံနှင့် အတော်ကွာလှမ်းပြီးမှ မွေးဖွား ခဲ့သော လူငယ်များမှာ ထိုအရေးတော်ပုံကြီး၏ မျက်စိဖွင့်ပေးမှု၊ လှုံ့ဆော်မှုတို့ကြောင့် ဒီမိုကရေစီသည် နိုင်ငံအတွက် မရှိမဖြစ် လိုအပ်သည် ဆိုသည်ကို သဘောပေါက် လာကြပါသည်။ ထိုကဲ့သို့ ပြည်သူ လူထု အားလုံး ဒီမိုကရေစီ အသိရေချိန် တိုးပွားလာသည်မှာ ထိုခေတ်ကို ဖြတ်သန်းခဲ့သည့် နိုင်ငံရေးသမား များကြောင့်ဖြစ်သလို အာဏာကို ကျားကုတ်ကျားခဲ ဖက်တွယ်နေသော စစ်အာဏာရှင်တို့၏ ဖိနှိပ်မှု၊ လောဘသက္ကာယ ကြီးမှုတို့ကြောင့်လည်း ဖြစ်သည်ဟု ဆိုရမည်။ ယနေ့ကာလတွင် ဒီမိုကရေစီ မရသေးသည့်တိုင် စစ်အာဏာရှင်တို့၏ နေ၀င်ချိန်မှာမူ နီးသထက် နီးလာပြီ ဖြစ်ပါသည်။ စစ်အာဏာရှင်တို့မှာ ယခုတိုင် အာဏာကို ဖက်တွယ် ထားကြဆဲဖြစ်သည်။ သူတို့ကို ကာကွယ်ပေးနေသော လူတစ်စုကသာ သူတို့ ဘက်တွင် ရှိနေပြီး ပြည်သူအားလုံးကမူ သူတို့ကို ရွံရှာစက် ဆုပ်နေကြောင်း အားလုံးအသိဖြစ်ပါသည်။ ထို့ကြောင့် ၈၈ ဒီမိုကရေစီ အရေးတော်ပုံကြီးကြောင့် ပြည်သူတစ်ရပ်လုံး အရှုံးရော အမြတ်ပါရရှိခဲ့သည်ဆိုလျှင် မှားမည်မဟုတ် ပေ။ ထိုအရေးတော်ပုံကြီးမှနေ ယခု ဒီမို ကရေစီရေးလှုပ်ရှားသူများအထိ အနိုင် အရှုံးကို သုံးသပ်ဩ၍ အနာဂတ်သင်ခန်းစာကို ရယူရပေမည်။ ပြတ်သားသော ခေါင်းဆောင်မှု မရှိခြင်း၊ အောင်ပွဲကို မယူရဲခြင်း၊ အလုပ်သမား၊ လယ်သမား၊ ကျောင်းသား ပညာတတ်များနှင့် အလွှာအသီးသီးမှ လူအားလုံး ခိုင်မာသော စည်းလုံး ညီညွတ်မှုကို မတည်ဆောက်နိုင်ခြင်းတို့ကြောင့် စစ်အာဏာရှင်စနစ်ကို အပြတ် မချေမှုန်း နိုင်ဘဲ ဒီမိုကရေစီကို လက်လွှတ် ခဲ့ရခြင်းဖြစ်လေသည်။ အရေးကြီးဆုံးမှာ စည်းလုံး ညီညွတ်မှု ဖြစ်သည်။ နိုင်ငံရေး ပါတီများမှာ သူတစ်လူ၊ ငါတစ်မင်း ဖြစ်နေကြပြီး နိုင်ငံရေး ခေါင်းဆောင်များမှာလည်း ငါမှန်သည်၊ သူမှားသည်ဆိုပြီး ဂိုဏ်းဂဏစိတ်၊ အာဃာတစိတ်များ ဖြစ်နေကြသည်။ ထို့ကြောင့် စစ်အာဏာရှင်များက သူတို့ ဆုံးရှုံးခဲ့သော ၈၈ အရေးအခင်း အခြေအနေကို ပြန်သုံးသပ်ကာ အယောင်ဆောင် ဒီမိုကရေစီဖြင့် နိုင်ငံကို ကျွန် သပေါက်သဖွယ် ဆက်လက် ထိန်းချုပ်ဖို့ ကြိုးစားနေဆဲဖြစ်၏။ ဤသည် ကိုနားလည် သဘောပေါက် ကြရမည်။ နိုင်ငံရေးသမားများ၊ ဒီမိုကရေစီရေး လှုပ်ရှားတက်ကြွသူများက သူတို့ခြေလှမ်းကို အမှန်အတိုင်း မြင်ဖို့လိုသည်။ ထို့အတူ ဒီမိုကရေစီကို အမှန်တကယ် လျှောက်လှမ်းသူများ၊ တိုင်းရင်းသား လက်နက်ကိုင်အဖွဲ့များ၊ တိုင်းရင်းသား ဒီမိုကရေစီအဖွဲ့များ၊ ကျောင်းသားများ၊ အလုပ်သမား၊ လယ်သမားများနှင့် ပြည်သူများ အရိုးသားဆုံး၊ အမှန်ကန်ဆုံး စည်းစည်းလုံးလုံး လက်တွဲကာ စစ်အာဏာရှင်တို့၏ အယောင်ဆောင် ဒီမိုကရေစီ၊ အရေခြုံ ဒီမိုကရေစီကို ဖွင့်ချပြီး ၈၈ အရေးတော်ပုံ စိတ်ဓာတ်ကို မွေးမြူကြရပေလိမ့်မည်။
မြန်မာသံတော်ဆင့်သတင်းဌာန