ပိုမို ပွင့်လင်းလာမည့် မြန်မာနိုင်ငံဆီသို့

(Business Week မှ 5 April 2012 ရက်စွဲပါ Toward a move open Myanmar ကို transparencymyanmar ဘာသာ ပြန်ဆိုသည်)

ယခုအချိန်မျိုးတွင် မြန်မာနိုင်ငံသို့ ထောက်ပံ့ရေး ရံပုံငွေနှင့် ရင်းနှီးမြှုပ်နှံမှုများ ပုံအော၍ ပေးမည့်အစား လွှတ်တော်နှင့် ဝန်ကြီးဌာနဆိုင်ရာ ဆက်ဆံ ဖလှယ်မှုများ၊ လယ်ယာနှင့် ထုတ်လုပ်မှုကဏ္ဍ တိုးတက်အောင် ပျိုးထောင်ပေးမှုများ အပါအဝင် နည်းပညာအကူအညီများကို ပိုမို ပေးအပ်သင့်သည်။

ဒေါ်အောင်ဆန်းစုကြည် အနိုင်ရရှိသွားသော ကြားဖြတ်ရွေးကောက်ပွဲများသည် အရေးပါသည်ဆိုသည်ကို ငြင်းပယ်၍ မရပါ။ ၂ဝ၁ဝ ရွေးကောက်ပွဲများကို သပိတ်မှောက်ခဲ့သော NLD ပါတီသည် ယခု ကြားဖြတ်ရွေးကောက်ပွဲတွင် အမတ်နေရာ ၄၅ နေရာအနက် ၄၃ နေရာ နိုင်သည့် လက္ခဏာ ရှိနေပြီး ဒေါ်အောင်ဆန်းစုကြည်၏ ဦးဆောင်မှုဖြင့် ခိုင်မာသော နိုင်ငံရေးခြေကုပ်ကို ရရှိသွားပြီ ဖြစ်သည်။

မြန်မာအစိုးရ၏ စီးပွားရေး မူဝါဒဆိုင်ရာ လတ်တလော ဆုံးဖြတ်ချက်များသည်လည်း အာမခံချက် ပိုရှိလာသည်ကို တွေ့ရသည်။ အစိုးရ ငွေလဲနှုန်းနှင့် ပြင်ပငွေလဲနှုန်းကြား အဆတစ်ရာကျော် ကွာခြားမှုကို ဖျက်သိမ်းကာ မြန်မာကျပ်ငွေ နှုန်းရှင်ထားခြင်းကို ဧပြီ ၁ ရက်တွင် စတင် လိုက်ခြင်းသည် မြန်မာ၏ ကုန်ထုတ်လုပ်မှုနှင့် လယ်ယာစိုက်ပျိုးရေး ကဏ္ဍများကို အထောက်အကူ ပြုမည့်အပြင် အဂတိ လိုက်စားသော အာဏာပိုင်များ၏ တရားမဝင် ငွေကြေးများကို ဖုံးကွယ်ထားရန် ခက်ခဲသွားစေလိမ့်မည်ဖြစ်ပြီး ရေးဆွဲထားသော နိုင်ငံခြား ရင်းနှီးမြှုပ်နှံမှု ဥပဒေကလည်း ရင်းနှီးမြှုပ်နှံသူများကို မြေငှားရမ်းသုံးစွဲခွင့်၊ အမြတ်အစွန်း ပြန်ပို့ခွင့်၊ ကျွမ်းကျင်လုပ်သား ခေါင်းဆောင် ခေါ်လာခွင့်တို့ ပေးထားပြီး ဖြစ်ပြီး နိုင်ငံခြားဘဏ်များကိုလည်း မြန်မာနိုင်ငံ၌ ဖွင့်လှစ် လုပ်ကိုင်ခွင့် ပေးတော့မည် ဖြစ်သည်။

မသမာမှု နည်းပါးအောင် တားဆီးထားသော ယခု ရွေးကောက်ပွဲ ရလဒ်များက အရေးယူပိတ်ဆို့မှုများရုတ်သိမ်းရေး တောင်းဆိုမှု၊ ကယ်ဆယ်ရေး ရံပုံငွေ ပိုပေးရန် တောင်းဆိုမှုနှင့် ရင်းနှီးမြှုပ်နှံရန် အလားအလာကောင်းများကို ဖြစ်ပေါ်စေခဲ့သည်။ သို့သော် ၁၉၈ဝ ခုနှစ်များကာလ ခမာနီ အုပ်စိုးမှု အပြီး နိုင်ငံခြား ထောက်ပံ့ ရံပုံငွေများဖြင့် အကျိုးဖြစ်ထွန်းကာ ယခုအခါ အဂတိ လိုက်စားမှုနှင့် ဆွေမျိုး ကောင်းစားရေး ကိစ္စတွင် စံပြနိုင်ငံ ဖြစ်လာသော ကမ္ဘောဒီးယား နိုင်ငံသည် မြန်မာအပေါ် နှစ်ကြိမ်၊ နှစ်ခါ ပြန်လည် စဉ်းစားရန် အကောင်းဆုံး အကြောင်းရင်းပင် ဖြစ်သည်။

ယခု အဆင့်၌ ထောက်ပံ့ကြေး ရံပုံငွေနှင့် ရင်းနှီးမြှုပ်နှံမှုများ ပိုမိုရရှိရေးတွင် လိုအပ်သော စွမ်းအားစုများ မြန်မာနိုင်ငံတွင် မရှိခြင်းကြောင့် အင်အား ကြီးပြီးသား အာဏာရှိပြီးသား သူများသာ ကြွယ်ဝသွားကြမည့် အလားအလာ ရှိနေသည်။

ယခုအချိန်မျိုးတွင် မြန်မာနိုင်ငံသို့ ထောက်ပံ့ရေး ရံပုံငွေနှင့် ရင်းနှီးမြှုပ်နှံမှုများ ပုံအော၍ ပေးမည့်အစား လွှတ်တော်နှင့် ဝန်ကြီးဌာနဆိုင်ရာ ဆက်ဆံ ဖလှယ်မှုများ၊ လယ်ယာနှင့် ထုတ်လုပ်မှုကဏ္ဍ တိုးတက်အောင် ပျိုးထောင်ပေးမှုများ အပါအဝင် နည်းပညာအကူအညီများကို ပိုမို ပေးအပ်သင့်သည်။ အဆိုပါ နယ်ပယ်များအပေါ် အကူအညီ ပေးခြင်းနှင့် အရေးယူမှုများ ရုတ်သိမ်းခြင်းတို့သည် အကောင်းဆုံး စွမ်းဆောင်ပေးနိုင်သော ဘောင် သို့မဟုတ် အကန့်အသတ်တစ်ခု ရှိသင့်သည်။ ဥပမာအားဖြင့် မြန်မာအာဏာပိုင်များအပေါ် ဗီဇာပိတ်ပင်ခြင်း၊ ပိုင်ဆိုင်မှု ချုပ်ထိန်းခြင်း၊ နိုင်ငံတကာ ကုန်သွယ်ရေးနှင့် ကမ္ဘာ့ငွေကြေး အဖွဲ့များ၏ ကူညီမှုများ တားမြစ်ခြင်းတို့ ပြုလုပ်ထားသော "မြန်မာနိုင်ငံ လွတ်လပ်ခွင့်နှင့် ဒီမိုကရေစီ အက်ဥပဒေ ၂ဝဝ၃" နှင့် မြန်မာထွက် ကျောက်မျက်ရတနာများ၊ ငွေကြေး လွှဲပြောင်းမှုများကို တားမြစ်သော "မြန်မာကျောက်စိမ်းဥပဒေ" စသော ပိတ်ဆို့မှု ဥပဒေများကို အမေရိကန် ကွန်ရက်အနေဖြင့် ပြန်လည် သုံးသပ်ပြင်ဆင်သင့်သည်။ ထို့ပြင် အာဏာပိုင်များ၏ အပြုအမူ၊ လုပ်ဆောင်ချက်များပေါ် မူတည်၍ သမ္မတ အိုဘားမားအနေဖြင့် တိုးသာ ဆုတ်သာ ရှိအောင်လည်း ပြုလုပ်ထားသင့်ပေသည်။