အီရတ် နိုင်ငံ မြို့တော် တွင် အသေခံ ကားဗုံး ဖောက်ခွဲမှု ဖြစ်ပွားကာ တိုက်ခိုက်မှု ကြောင့် ၉ ဦးသေဆုံး ခဲ့ရ

February 16, 2017, 7:04 am

≫ Next: ပဲခူးဝန်ကြီးချုပ်ဟောင်း ရယူခဲ့တဲ့မြေယာတွေ ကို ပြန်သိမ်းမယ်

≪ Previous: အောင်ဝင်းခိုင် ဘယ်သူလဲ

$

0

0

အီရတ် အစိုးရ တပ်ဖွဲ့ဝင် တစ်ဦးအား Mosul မြို့အတွင်း မြင်တွေ့ ခဲ့ရစဉ်(ဆင်ဟွာ)

    ဘဂ္ဂဒက် ၊ ဖေဖော်ဝါရီ ၁၆ ရက် (ဆင်ဟွာ)

    အီရတ် နိုင်ငံ ရဲတပ်ဖွဲ့က မြို့တော် ဘဂ္ဂဒက် တွင် ဖေဖော်ဝါရီ ၁၅ ရက် ညပိုင်းက အသေခံ ကားဗုံး ဖောက်ခွဲမှု ဖြင့် တိုက်ခိုက်ခံရပြီး အနည်းဆုံး ၉ ဦးသေဆုံး ခဲ့ရကြောင်း ကို အခင်းဖြစ်ပွားသည့် နေတွင် ထုတ်ပြန် ခဲ့သည်။

အမည်မဖော်လိုသော ရဲဝန်ထမ်း တစ်ဦး မှ ဆင်ဟွာ သတင်းဌာနကို ပြောကြားရာတွင် တိုက်ခိုက်မှု သည် ဘဂ္ဂဒက် မြို့ အရှေ့ပိုင်း ရှိ Sadr မြို့နယ် တွင် ဖြစ်ပွားခဲ့ခြင်းဖြစ်ပြီး အသေခံ ကားဗုံး ဖောက်ခွဲသူသည် ပေါက်ကွဲစေသည့် ပစ္စည်းများ အပြည့် တင်ဆောင်ထားသည့် ကားကို လူအများအပြားရှိနေသည့် ကားရောင်းဝယ်ရေး ဈေးကွက် အနီးသို့ မောင်းနှင်ခဲ့ကာ ဖောက်ခွဲခဲ့ကြောင်း ၊ ပေါက်ကွဲမှုကြောင့် လူအများအပြား သေဆုံးဒဏ်ရာရရှိစေခဲ့ပြီး ဈေးဆိုင်အများအပြားကိုလည်း မီးလောင်ကြွမ်းစေခဲ့ကြောင်း ပြောကြားခဲ့သည်။

Sadr မြို့နယ် သည် Shia ဘာသာဝင်များ စုဝေးနေထိုင်ရာ နေရာဖြစ်ပြီး IS အကြမ်းဖက်တပ်ဖွဲ့၏ တိုက်ခိုက်မှု ကိုလည်း အကြိမ်ကြိမ် ခံခဲ့ရဖူးသည်။လက်ရှိချိန်တွင် မည်သည့် အဖွဲ့အစည်း ကမှ ယခု အကြမ်းဖက် တိုက်ခိုက်မှု ကို ဆောင်ရွက်ခဲ့သည်ဟု ထုတ်ပြန်ခြင်း မရှိသေးကြောင်း သိရှိရသည်။

အီရတ် အစိုးရ တပ်ဖွဲ့သည် လက်ရှိချိန်တွင် အီရတ် နိုင်ငံ မြောက်ပိုင်းဒေသ ရှိ IS အကြမ်းဖက် တပ်ဖွဲ့က သိမ်းပိုက်ထားသည့် ဒုတိယ အကြီးဆုံး မြို့တော် Mosul ကို ဝန်းရံ တိုက်ခိုက်နေသည်။ IS အကြမ်းဖက် တပ်ဖွဲ့ သည် တစ်ဘက်က အီရတ် အစိုးရ နှင့် Mosul တွင် တိုက်ခိုက်နေပြီး တစ်ဘက်တွင် နေရာ အနှံ့အပြား၌ အကြမ်းဖက် တိုက်ခိုက်မှုများကိုဆောင်ရွက်ကာ အစိုးရ တပ်ဖွဲ့၏ ထိုးစစ် ကို အရှိန်လျော့ကျစေရန် ရည်ရွယ်၍ ဆောင်ရွက်နေကြောင်း သိရှိရသည်။

အီရတ် နိုင်ငံ ဆိုင်ရာ ကုလသမဂ္ဂ ထောက်ပံ့ရေး အဖွဲ့၏ ပြောကြားချက်အရ ၂၀၁၆ ခုနှစ်တွင် အီရတ် နိုင်ငံ ၌ အရပ်သား ပြည်သူလူထု အနည်းဆုံး ၆၈၇၈ ဦးသည် တိုက်ခိုက်မှုများ အတွင်း သေဆုံးခဲ့ရပြီး ၁၂၃၈၈ ဦးသော ပြည်သူတို့ ဒဏ်ရာရရှိစေခဲ့ကြောင်း ၊ ထို့ပြင် အချို့နေရာများသည် တိုက်ပွဲဖြစ်ပွားနေသဖြင့် စာရင်းပြုစုခြင်း မပြုလုပ် နိုင်သဖြင့် အထက်ဖော်ပြပါ ကိန်းဂဏန်း များသည် အနည်းဆုံးသော ကိန်းဂဏန်း များသာ ဖြစ်ကြောင်း သိရှိရသည်။

(Xinhua)
http://www.xinhuamyanmar.com

---

ပဲခူးဝန်ကြီးချုပ်ဟောင်း ရယူခဲ့တဲ့မြေယာတွေ ကို ပြန်သိမ်းမယ်

February 16, 2017, 7:05 am

≫ Next: မိုးပျံရထားလမ်း အစီအစဉ်

≪ Previous: အီရတ် နိုင်ငံ မြို့တော် တွင် အသေခံ ကားဗုံး ဖောက်ခွဲမှု ဖြစ်ပွားကာ တိုက်ခိုက်မှု ကြောင့် ၉ ဦးသေဆုံး ခဲ့ရ

$

0

0

ပဲခူးတိုင်းဒေသကြီး ပဲခူးမြို့က ကန်တော်ကြီး ရေဝေရေလဲ ဧရိယာထဲမှာ အရင်တိုင်းအစိုးရအဖွဲ့ဝင်တွေက ရာဘာစိုက်ခင်းအဖြစ် သိမ်းယူခဲ့တဲ့ နေရာတွေကို သဘာဝတောအဖြစ် ပြန်လည်သိမ်းယူသွားမှာဖြစ်တယ်လို့ သနပ်ပင်မြို့နယ် ပြည်သူ့လွှတ်တော် ကိုယ်စားလှယ် ဦးမြင့်ဦးက ပြောပါတယ်။

ကန်တော်ကြီးရဲ့ ရေဆင်းဧရိယာတွေကို သိမ်းယူထားတဲ့ ၀န်ကြီးချုပ်ဟောင်းနဲ့ အပေါင်းအပါတွေရဲ့ ရာဘာစိုက်ခင်းတွေကြောင့် မြို့လူထုတွေ သောက်သုံးရေအဖြစ် အသုံးပြုလို့ မရတဲ့အထိ ဖြစ်နေတယ်လို့ ဦးမြင့်ဦးက ပြောပါတယ်။

"ရေကောင်းရေသန့်တွေက ဒီတောင်ပေါ်ကနေစီးတဲ့ရေတွေက ကန်ကြီးအဖြစ်ပေါ့ ပဲခူးမြို့ ၁၂ ရပ်ကွက်ကို ရေပေးခဲ့တာ နှစ်ပေါင်း ၉၀ ကျော်ပြီပေါ့၊ သိပ်ကောင်းတဲ့ စနစ်ပါ။ ရေကောင်းရေသန့် ရခဲ့တာ။ အခု ၂၀၁၂ ခုနှစ်မှာ ၀န်ကြီးချုပ်အပါအ၀င် တာဝန်ရှိတဲ့ ပုဂ္ဂိုလ်တွေက ရာဘာစိုက်မယ်ဆိုပြီး ရယူလိုက်တာ။ ရာဘာစိုက်တဲ့နေရာမှာသုံးတဲ့ ထွန်ယက်တဲ့ မြေတွေကလည်း ကန်ထဲကိုဆင်းတယ်။ အနည်အနှစ်တွေကလည်း  ကန်ထဲကိုဆင်းတယ်။ နောက် မြက်ပေါက်ဆေးတွေ၊ ပေါင်းသတ်ဆေးတွေ ပိုးသတ်ဆေးတွေ၊ နောက် မြေသြဇာတွေ၊ အဲဒီမှာထားတဲ့ အလုပ်သမားတန်းလျားတွေက အညစ်အကြေးတွေ၊ အလုပ်သမားတွေရဲ့ စွန့်ပစ်ပစ္စည်းတွေက ကန်ထဲကိုစီးဝင်တဲ့အခါ ကန်က သောက်သုံးရန်မသင့်တဲ့ အခြေအနေကို ရောက်သွားတာ"

ကန်တော်ကြီးရဲ့ ရေဝေရေလဲ ဧရိယာ ဧက ၁၃၈၀ ထဲကနေ ဧက ၇၀၀ ကို အရင်ပဲခူးတိုင်းဝန်ကြီးချုပ်၊ စည်ပင်သာယာရေးဝန်ကြီးနဲ့ သဘာဝနဲ့သယံဇာတ၀န်ကြီးအပါအ၀င် ဗိုလ်ချုပ်ကြီးဟောင်း ၁ ဦးတို့က ပုဂ္ဂလိကရာဘာစိုက်ခင်းအတွက် သိမ်းယူခဲ့တာလို့ ပြောပါတယ်။

ရာဘာစိုက်ခင်းကြောင့် ကန်တော်ကြီးရေတွေ သောက်သုံးဖို့ မသင့်တဲ့အထိ ဖြစ်နေတာကြောင့် အဲဒီကန်တော်ကြီးရေဝေရေလဲ ဒေသတွေကို စနစ်တကျထိန်းသိမ်းနိုင်ဖို့နဲ့ မြို့လူထုအတွက် အန္တရာယ်ကင်းတဲ့ သောက်သုံးရေ ရရှိရေးအတွက် ရေဝေရေလဲဧရိယာအတွင်း ပုဂ္ဂလိက လုပ်ငန်းများကို ပြန်လည်ရုပ်သိမ်းပြီး သဘာဝသစ်တော ကန့်သတ်မြေအဖြစ် ပြန်လည်သတ်မှတ်ပေးဖို့ အစိုးရကို တိုက်တွန်းကြောင်းအဆိုကို တင်သွင်းခဲတာဖြစ်ပါတယ်။

ဖေဖော်ဝါရီ ၃ ရက်နေ့က ပြည်သူ့လွှတ်တော်မှာ အဆိုတင်သွင်းတဲ့အခါမှာ လွှတ်တော်ကိုယ်စားလှယ် ၇ ဦးက ထောက်ခံဆွေးနွေးခဲ့တာဖြစ်ပါတယ်။

RFA Burmese
http://www.rfa.org/burmese

မိုးပျံရထားလမ်း အစီအစဉ်

February 16, 2017, 7:05 am

≫ Next: ဘရာဇီး နိုင်ငံ တွင် Yellow Fever ရောဂါ ကူးစက်ခံရသဖြင့် သေဆုံးသူ ၈၂ ဦးအထိ ရှိလာခဲ့

≪ Previous: ပဲခူးဝန်ကြီးချုပ်ဟောင်း ရယူခဲ့တဲ့မြေယာတွေ ကို ပြန်သိမ်းမယ်

$

0

0

ပို့ဆောင်ရေးနဲ့ဆက်သွယ်ရေး ၀န်ကြီး ဦးသန့်စင်မောင် ကို တွေ့ရစဉ်။ Photo: Win Ko Ko Latt/RFA

ရန်ကုန်မြို့မှာ မိုးပျံရထားလမ်းဆောက်လုပ်ဖို့ အစီအစဉ်ရှိကြောင်း ပို့ဆောင်ရေးနဲ့ဆက်သွယ်ရေး ၀န်ကြီး ဦးသန့်စင်မောင်က ပြောပါတယ်။

ပြည်သူ့လွှတ်တော် အစည်းအဝေးအပြီးမှာ မြေအောက်ရထာလမ်းတွေ ဖောက်လုပ်ဖို့ ရှိ မရှိ သတင်းထောက်တွေ က မေးမြန်းရာမှာ ရန်ကုန်မြို့တွင်း တောင်နဲ့မြောက် မင်္ဂလာဒုံ လေဆိပ်အထိ မိုးပျံရထား လမ်းဖောက်လုပ်ဖို့ အစီအစဉ်ကို ဂျပန်နိုင်ငံက တာဝန်ရှိသူတွေနဲ့ မတ်လမှာ ဆွေးနွေးသွားဖို့ရှိကြောင်း ၀န်ကြီး ဦးသန့်စင်မောင် က ပြောဆိုသွားတာပါ။

ဒါ့အပြင် မြန်မာနိုင်ငံမှာ မြေအောက်ရထားလမ်း ဖောက်လုပ်ဖို့ဆိုတာ တိုင်းပြည်နဲ့ ဘတ်ဂျက်နဲ့ မဖြစ် နိုင်သေးကြောင်းနဲ့ ရန်ကုန်-မန္တလေးမီးရထားလမ်း၊ မန္တလေး-မြစ်ကြီးနားမီးရထားလမ်း၊ ရန်ကုန်-ပြည် မီးရထားလမ်း၊ ရန်ကုန်-မော်လမြိုင် မီးရထားလမ်းကို ၅ နှစ်သက်တမ်းအတွင်း အဆင့်မြှင့် ပြင်ဆင် သွားမှာဖြစ်ကြောင်းလည်း ဦးသန့်စင်မောင်က ပြောဆိုသွားပါတယ်။

RFA Burmese
http://www.rfa.org/burmese

ဘရာဇီး နိုင်ငံ တွင် Yellow Fever ရောဂါ ကူးစက်ခံရသဖြင့် သေဆုံးသူ ၈၂ ဦးအထိ ရှိလာခဲ့

February 16, 2017, 7:06 am

≫ Next: မန္တလေးစည်ပင် မြေကွက်တွေအပေါ် တင်းကြပ်

≪ Previous: မိုးပျံရထားလမ်း အစီအစဉ်

$

0

0

ကလေးငယ် တစ်ဦးအား Yellow Fever ရောဂါ ကာကွယ်ဆေး ထိုးပေးနေသည်ကို မြင်တွေ့ရစဉ်(ဓာတ်ပုံ-အင်တာနက်)

    ရီယိုဒီဂျနရို ၊ ဖေဖော်ဝါရီ ၁၆ ရက် (ဆင်ဟွာ)

    ဘရာဇီး နိုင်ငံ ကျန်းမာရေး ဝန်ကြီးဌာန က ဘရာဇီး နိုင်ငံ တွင် ယခု နှစ်ဆန်းပိုင်း မှ စတင်၍ Yellow Fever ရောဂါ ကူးစက်ပျံနှံ့မှု ကြီး ဖြစ်ပွား ချိန်မှ စတင်ကာ ယခု ချိန်တွင် ကူးစက်ခံရမှုပေါင်း ၂၄၃ ခုရှိလာပြီး သေဆုံးသူ ပေါင်း ၈၂ ဦး ရှိလာပြီး ဖြစ်ကြောင်း ကြေညာချက် ထုတ်ပြန် ခဲ့သည်။

ထုတ်ပြန်ချက်အရ ဘရာဇီး နိုင်ငံ အရှေ့တောင်ပိုင်း ရှိ Minas Gerais ပြည်နယ်တွင် အဆိုးရွားဆုံး ဖြစ်ပွား ခဲ့ပြီး ကူးစက်ခံရမှုပေါင်း ၂၀၈ ခုဖြစ်ပွားကာ လူပေါင်း ၇၀ ဦးသေဆုံးခဲ့ရကြောင်း တွေ့ရှိခဲ့ရပြီး ဘရာဇီး နိုင်ငံ ရှိ အခြား ပြည်နယ်အသီးသီး တွင်လည်း ကူးစက်မှု နှင့် သေဆုံးမှုများ ဖြစ်ပွားစေခဲ့ကြောင်း သိရှိရသည်။

ယခု အကြိမ် ဖြစ်ပွား ခဲ့သည့် Yellow Fever ရောဂါပိုး ပျံနှံ့မှုကြီးသည် ဘရာဇီး နိုင်ငံ သစ်တော များအတွင်း ရှိ ရာပေါင်းများစွာသော မျောက်များကိုလည်း သေဆုံးစေခဲ့ကြောင်း သိရှိရသည်။

လက်ရှိချိန်တွင် ဘရာဇီး ကျန်းမာရေး ဝန်ကြီးဌာန အနေဖြင့် Yellow Fever ရောဂါ ကူးစက်ခံရမှု အများဆုံး ဖြစ်ပွားသည့် ကျေးလက်ဒေသ နှင့် သစ်တော ဒေသများတွင် နေထိုင်သူများနှင့် သွားရောက်လည်ပတ်မည့် သူများအား ကာကွယ်ဆေး ထိုးရန် ညွှန်ကြားခဲ့သည်။

ယခု ဖြစ်ပွားသည့် Yellow Fever ရောဂါ ကူးစက်မှုအား ဘရာဇီး နိုင်ငံ တစ်ခုတည်းတွင်မကဘဲ အိမ်နီးချင်း နိုင်ငံ ဖြစ်သည့် ဘိုလီးဗီးယား တွင်လည်း တွေ့ရှိခဲ့ရသည်။ ဘိုလီးဗီးယား အစိုးရ အနေဖြင့်လည်း ယခုအကြိမ်ရောဂါပိုး ကူးစက်မှု ဖြစ်ပွားခြင်းသည် ၁၀ နှစ်တာ ကာလ အတွင်း ရောဂါပိုး ကူးစက်ခံရမှု တွေ့ရှိသည့် ပထမ ဦးဆုံးသော ဖြစ်စဉ် တစ်ခု ဖြစ်ကြောင်း ထုတ်ပြန် ခဲ့သည်။

Yellow Fever ရောဂါ သည် Yellow Fever ဗိုင်းရပ်စ် မှ ဖြစ်ပွားစေသည့် ကူးစက်ပျံနှံ့လွယ်သော ရောဂါ အမျိုးအစား ဖြစ်ပြီး အဓိက အားဖြင့် ခြင်မှတစ်ဆင့် ကူးစက်ပျံနှံ့ခြင်း ဖြစ်သည်။ ရောဂါပိုး ကူးစက်ခံရပါက ကိုယ်ပူခြင်း ၊ ခေါင်းကိုက်ခြင်း ၊ အသားဝါခြင်း ၊ သွေးလွန်ခြင်း စသည့် လက္ခဏာ များကို တွေ့ရှိရပြီး ရောဂါ အခြေအနေ ပြင်းထန်ပါက အသက်ဆုံးရှုံးနိုင်သည့် ရောဂါ အမျိုးအစား ဖြစ်သည်။ Yellow Fever ရောဂါ ကို ကုသနိုင်ရန်  အထူး ကုသမှုမျိုးလက်ရှိချိန်တွင် မတွေ့ရှိသေးသော်လည်း ရောဂါ မဖြစ်ပွားရန် ကြိုတင်ကာကွယ် နိုင်သည့် ကာကွယ်ဆေး ရှိသည်။

(Xinhua)
http://www.xinhuamyanmar.com

မန္တလေးစည်ပင် မြေကွက်တွေအပေါ် တင်းကြပ်

February 16, 2017, 7:06 am

≫ Next: ထိုင်းမှာ ဘုန်းကြီးကျောင်း တကျောင်းကို ရဲ ဝင်စီး၊ ငွေကြေးခဝါချမှု ဆက်စပ် ဘုန်းကြီး တပါးကို ရှာဖွေ

≪ Previous: ဘရာဇီး နိုင်ငံ တွင် Yellow Fever ရောဂါ ကူးစက်ခံရသဖြင့် သေဆုံးသူ ၈၂ ဦးအထိ ရှိလာခဲ့

$

0

0

မန္တလေးမြို့စည်ပင်သာယာ နယ်နိမိတ်အတွင်း မြို့ကွက်သစ်ဖော်ထုတ်ရေးလုပ်ငန်းအဖွဲ့က ချထားပေးခဲ့တဲ့မြေတွေမှာ သတ်မှတ်ချိန်အတွင်း အဆောက်အအုံမဆောက်ဘဲ မြေကွက်လပ်အဖြစ် ရှိနေရင် အစိုးရမြေအဖြစ် ပြန်လည်သိမ်းဆည်းမယ်လို့ မန္တလေးမြို့တော် စည်ပင်သာယာရေး ကော်မတီက ဒီနေ့ ကြေညာချက်ထုတ်ပြန်လိုက်ပါတယ်။

ကွင်းဆင်းစိစစ်တွေ့ရှိချက်အရ ၀င်းခြံကာရံထားခြင်း၊ အဆောက်အဦးဆောက်လုပ်ထားခြင်းမရှိတဲ့ မြေကွက်လပ် အကွက်ပေါင်း သုံးထောင် ကျော်ရှိနေတယ်လို့ စည်ပင်သာယာရေးကော်မတီ အတွင်းရေးမှူး ဦးအောင်ကျော်ထွန်းက ပြောပါတယ်။

"အဲဒီမြေတွေအကုန်လုံးက မြို့ကွက်သစ်ဖော်ထုတ်ရေးက ချထားပေးကတည်းက အဆောက်အဦး ဆောက်လုပ်နေထိုင်ရန်ဆိုတဲ့ စည်းကမ်းချက်နဲ့ ချထားပေးတာဖြစ်တယ်၊ ၂၀၁၃-၁၄ မှာလည်း သုံးကြိမ်ကြေညာထားပြီးသား ဒါတွေအခုထိလည်း မလိုက်နာကြဘူး၊ကွင်းဆင်းစစ်တာ အကွက် သုံးထောင်ကျော်လောက်ရှိတယ်၊ အဓိကကတော့ ဒီမြေကွက်လပ်တွေက မြေ၀ယ်ရောင်းတွေ ပွဲစားတွေလက်ထဲမှာ ရောက်နေတယ်၊ ရောက်နေတဲ့အခါကျတော့ ဒါတွေကို အဆောက်အဦးမဆောက်ပဲ အရောင်းအ၀ယ်အတွက်ပဲ လုပ်နေကြတဲ့အခါကျတော့ ဒါတွေကို အဆောက်အဦး ဆောက်စေချင်တာပေါ့"

မန္တလေးမြို့တော်စည်ပင်သာယာရေး နယ်နိမိတ်အတွင်းက မြေဌားဂရန် မလျှောက်ထားရသေးတဲ့ သူတွေအနေနဲ့ အမြန်ဆုံးမြေဌား ဂရန်လျှောက်ထားပြီး (၆) လအတွင်း အဆောက်အုံ ဆောက်လုပ်ဖို့ ခွင့်ပြုမိန့် ယူရမယ်လို့ ကော်မတီရဲ့ ကြေညာချက်မှာ ပါရှိပါတယ်။

ဒါ့အပြင် အဆောက်အအုံဆောက်လုပ်ခွင့် ရရှိထားတဲ့ သူတွေအနေနဲ့ (၉) လအတွင်း အကောင်အထည်ဖော်ဆောင်ရွက်ဖို့နဲ့ လိုက်နာဆောင်ရွက်ခြင်းမရှိပါရင် အဲဒီမြေကွက်လပ်တွေကို အစိုးရမြေအဖြစ် ပြန်လည်သတ်မှတ်သွားမှာ ဖြစ်တယ်လို့ ပါရှိပါတယ်။

RFA Burmese
https://www.facebook.com/rfaburmese

ထိုင်းမှာ ဘုန်းကြီးကျောင်း တကျောင်းကို ရဲ ဝင်စီး၊ ငွေကြေးခဝါချမှု ဆက်စပ် ဘုန်းကြီး တပါးကို ရှာဖွေ

February 16, 2017, 7:07 am

≫ Next: ကချင်ညီလာခံကို ခေါင်းစဉ်ပြောင်း ပြီး ခွင့်ပြု

≪ Previous: မန္တလေးစည်ပင် မြေကွက်တွေအပေါ် တင်းကြပ်

$

0

0

ထိုင်းနိုင်ငံ မြို့တော် ဘန်ကောက် မြို့စွန်က ဘုန်းကြီးကျောင် တကျောင်းကို ရဲတပ်ဖွဲ့က ဝင်စီးပြီး တရားမဝင် ငွေကြေးကိစ္စဆက်စပ် အလိုရှိနေတဲ့ ကျောင်းထိုင်ဘုန်းကြီး တပါးကို ရှာဖွေနေကြပါတယ်။

ဘုန်းကြီး ကျောင်းကို ရဲတပ်ဖွဲ့ ဝင်ရောက် စီးနင်းမှုက ကြာသပတေးနေ့မှာ ဖြစ်ခဲ့ပါတယ်။ ရဲတပ်ဖွဲ့က ဒီ ကျောင်းကို ဝင်ရောက်ဖို့ အရင်ကလည်း ကြိုးစားခဲ့ဖူးပေမယ့် ဘုန်းတော်ကြီးကို ကြည်ညို ကိုးကွယ်ကြတဲ့ နောက်လိုက် တွေက ကျောင်းရှေ့မှာ အကာအကွယ်ပေးခဲ့ကြလို့ အရင်အကြိမ်တွေတုန်းက ဝင်ရောက်နိုင်ခဲ့ခြင်း မရှိပါဘူး။

ဝတ်ဖရာ့ ဓမ္မကာယ အမည်ရှိ ဒီ ဘုန်းတော်ကြီးကျောင်းကို အရင်က စစ်တပ်ရဲ့ ထိန်းချုပ်မှုအောက်မှာ ထားခဲ့ပါတယ်။ ဒီကျောင်းဝင်းထဲမှာ ဖရာဓမ္မဂျာရိုဘွဲ့ အမည်နဲ့ ဆရာတော်ဟာ ပုန်းအောင်းနေတယ်လို့ ရဲတပ်ဖွဲ့က ယုံကြည်ထားပါတယ်။

ဆရာတော်ဟာ ဘုန်းကြီးကျောင်းပိုင် ယုံကြည်အပ်နှံထားတဲ့ ငွေတွေကို အလွဲသုံးစား လုပ်ခဲ့တယ်လို့ စွပ်စွဲ ခံထားရပြီး မနှစ် ဇွန်လတုန်းက ဒီကျောင်းတိုက်ကို အာဏာပိုင်တွေဘက်က ဝင်ရောက် ရှာဖွေဖို့ ကြိုးစားခဲ့ပေမယ့် ဘုန်းကြီးကို ထောက်ခံသူများက တားဆီးခဲ့လို့ မအောင်မြင်ခဲ့ပါဘူး။

သက်တော် ၇၂ နှစ် ရှိပြီ ဖြစ်တဲ့ ဆရာတော်ဟာ အဲဒီအချိန်ကတည်း လများစွာ ကျောင်းထဲမှာပဲ သီတင်းသုံးနေပြီး တာဝန်ရှိသူတွေကို တွေ့ဆုံဖို့ ကျန်းမာရေး အကြောင်းပြကာ ငြင်းဆန်ခဲ့ပါတယ်။ သူ့ကို စွပ်စွဲမှုတွေနဲ့ ပတ်သက်ပြီးလည်း နိုင်ငံရေး ရည်ရွယ်ချက်တွေနဲ့ လုပ်ဆောင်နေတာလို့ ပြောပါတယ်။

ကြာသပတေး နံနက်ပိုင်းမှာတော့ ရဲတပ်ဖွဲ့နဲ့ စစ်တပ် အင်အား ၄,၀၀၀ ဟာ ဘုန်းတော်ကြီးကျောင်းကို ပိတ်ဆို့ထားလိုက်ပြီး ကျောင်းရဲ့ အဝင်၊ အထွက်တွေကိုလည်း တားမြစ်ကာ ရှာဖွေမှုတွေ ပြုလုပ်နေပါတယ်။

အထူးစုံစမ်းစစ်ဆေးရေး ရဲတပ်ဖွဲ့ ရဲ့ အကြီးအကဲ က ဆရာတော်အနေနဲ့ တကယ် အပြစ်မရှိဘူးလို့ ယုံကြည်ရင် ရဲတပ်ဖွဲ့နဲ့ လာရောက် တွေ့ဆုံပြီး ဥပဒေ အတိုင်း တရားရုံးမှာ ရင်ဆိုင်သင့်တယ်လို့ ဆိုပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese/

ကချင်ညီလာခံကို ခေါင်းစဉ်ပြောင်း ပြီး ခွင့်ပြု

February 16, 2017, 7:07 am

≫ Next: တပ်မတော်နှင့် မွန်ပြည်သစ်ပါတီ နှစ်ဖက်တိုက်ပွဲဖြစ်လာမည်ကို ဒေသခံများစိုးရိမ်

≪ Previous: ထိုင်းမှာ ဘုန်းကြီးကျောင်း တကျောင်းကို ရဲ ဝင်စီး၊ ငွေကြေးခဝါချမှု ဆက်စပ် ဘုန်းကြီး တပါးကို ရှာဖွေ

$

0

0

မြစ်ကြီနားမြို့ စီတာပူ ရပ်ကွက် မနောကွင်း မဂျွယ်ခန်းမမှာ ဖေဖော်ဝါရီလ ၁၆ ရက်နေ့က ခရစ်ယာန်ဘာသာရေးထုံးစံအတိုင်း ဝတ်ပြုဆုတောင်းပြီး ဆွေးနွေးပွဲကို ဖွင့်လှစ်ခဲ့စဉ်။ Photo: Kyaw Myo Min/RFA

ကချင်ပြည်နယ် မြစ်ကြီးနားမြို့၊ စီတာပူရပ်ကွက်က မနောကွင်းမှာ ဒီကနေ့ ပြုလုပ်မယ့် ကချင်အမျိုးသား ညီလာခံကို အစောပိုင်းမှာ ပြည်နယ်အစိုးရက တားမြစ်ခဲ့ပေမယ့် နောက်ပိုင်းမှာတော့ ခေါင်းစဉ်ပြောင်းပြီး ကျင်းပဖို့ ပြန်လည် ခွင့်ပြုလိုက်ပါတယ်။

နိုင်ငံတော်သမ္မတရုံးက ဖြစ်မြောက်ရေးကော်မတီဆီ ဖုန်းဆက်လာပြီးနောက် ကချင်အမျိုးသား ညီလာခံ ဆိုတဲ့ ခေါင်းစဉ်ကနေ ၂၁ ရာစု ပင်လုံအကြို ကချင်အမျိုးသား တွေ့ဆုံပွဲအဖြစ် ခေါင်းစဉ်ပြောင်းခိုင်းတာဖြစ်တယ်လို့ မနောကွင်းမှာရောက်ရှိနေတဲ့ အင်ဂျန်းယန်မြို့နယ် ပြည်နယ်လွှတ်တော် ကိုယ်စားလှယ် ဒေါ်ဂျာဆိုင်ခေါန် က ပြောပါတယ်။

"သမ္မတရုံးက ဦးဇော်ဌေးကနေပြီးတော့ ၀န်ကြီးချုပ်ဆီလည်း ဖုန်းဝင်မလား မသိဘူး၊ ဒီဘက်မှာ လည်း ဖြစ်မြောက်ရေး ကော်မတီဆီလည်း ဖုန်းဝင်လာတယ်၊ သုံးထားတဲ့ ညီလာခံဆိုတဲ့ဟာကို ၂၁ ရာစုပင်လုံအကြိုပေါ့နော်၊ ကချင်အမျိုးသား တွေ့ဆုံပွဲပေါ့လေ၊ ညီလာခံကို တွေ့ဆုံပွဲဆိုပြီးတော့လေ၊ အဲဒါခေါင်းစဉ်ပြန်ပြောင်းပြီးတော့ အဲဒါဆိုလို့ရှိရင်တော့ ခွင့်ပြုပါတယ်လို့ ပြန်အကြောင်းကြားပါတယ်၊ အဲဒါနဲ့ ဖြစ်မြောက်ရေး ကော်မတီကတော့ သူတို့စာလုံးပြန်ပြီး ပြင်နေကြတယ်၊ ၃ နာရီမှာတော့ လုပ်ခွင့်ရမှာပါ"

ဒီနေ့မနက်ပိုင်းမှာ ပွဲကျင်းပမယ့် မနောကွင်းကို ပြည်နယ်အစိုးရ အမိန့်နဲ့ ရဲတပ်ဖွဲ့ဝင်တွေရောက်လာပြီး ကျင်းပခွင့်မပြုဘဲ တားမြစ်ထားခဲ့တာ ဖြစ်ပါတယ်။

အဲဒီပွဲကို ဒီနေ့နဲ့ မနက်ဖြန် ၂ ရက် ကျင်းပဖို့အတွက် ကြိုတင်ခွင့်ပြုချက် တောင်းခံထားပေမယ့် ပြည်နယ်အစိုးရက ခွင့်မပြုခဲ့ဘဲ ကျင်းပမယ်ဆိုရင် သက်ဆိုင်ရာ တာဝန်ရှိသူတွေကို ဥပဒေနဲ့အညီ အရေးယူမှာဖြစ်တယ်လို့ မြစ်ကြီးနား မြို့နယ် ရဲတပ်ဖွဲ့မှူးက ညီလာခံကျင်းပရေး တာဝန်ရှိသူတွေကို မနေ့က အကြောင်းကြားစာ ပေးပို့ထားပါတယ်။

ဒီပွဲကို ကချင်အမျိုးသားများ အတိုင်ပင်ခံအဖွဲ့က ဦးဆောင်ကျင်းပတာဖြစ်ပြီး ကချင်တိုင်းရင်းသား ၅၀၀ ခန့် တက်ရောက်ဖို့ စီစဉ်ထားတာလည်း ဖြစ်ပါတယ်။

RFA Burmese
http://www.rfa.org/burmese

တပ်မတော်နှင့် မွန်ပြည်သစ်ပါတီ နှစ်ဖက်တိုက်ပွဲဖြစ်လာမည်ကို ဒေသခံများစိုးရိမ်

February 16, 2017, 7:08 am

≫ Next: မုံရွာ၊ အမှတ်(၁)သစ်ပါးလွှာစက်ရုံမှ အလုပ်သမားများ ထိုင်သပိတ်ပြုလုပ် ဆန္ဒပြ

≪ Previous: ကချင်ညီလာခံကို ခေါင်းစဉ်ပြောင်း ပြီး ခွင့်ပြု

$

0

0

ဖေဖော်ဝါရီ ၁၆ ရက်။ ၂၀၁၇ ခုနှစ်။ စောမြတ်ဦးသာ

မွန်ပြည်သစ်ပါတီ -NMSP လက်အောက်ခံ မွန်အမျိုးသားလွတ်မြောက်ရေးတပ်မတော် -MNLA စခန်းများဖြစ်သည့် ဇီးနှစ်ပင်နှင့် ဘုရားတောင်စခန်းကို ဖေဖော်ဝါရီ ၁၄ ရက်နေ့တွင် မြန်မာ့တပ်မတော်မှ ဖယ်ရှားလိုက်သည့် အပေါ် နှစ်ဖက် စစ်ရေး အခြေအနေ တင်းမာလာပြီး တိုက်ပွဲဖြစ်ပွားလာမည်ကို ဒေသခံများ စိုးရိမ်မှုရှိသည်ဟု သိရသည်။

ကြာအင်းဆိပ်ကြီးမြို့နယ် ဘုရားတောင်မွန်ပြည်သစ်ပါတီစခန်းနှင့် သံဖြုဇရပ်မြို့နယ် ဇီးနှစ်ပင်ကျေးရွာ စခန်းများကို ဖေဖော်ဝါရီ ၁၄ ရက်က မြန်မာ့တပ်မတော်မှ ဖယ်ရှားခဲ့ပြီး ရေးမြို့နယ် မွန်ပြည်သစ်ပါတီဆက်ဆံရေးရုံးတွင်လည်း ၀င်ရောက်ရှာဖွေမှု ပြုလုပ်ခဲ့ပြီးနောက် နှစ်ဘက်အခြေအနေ တင်းမာလာမှုပေါ် ဒေသခံ ပြည်သူများက ယခုလို စိုးရိမ် လာခြင်းဖြစ်သည်ဟု ဒေသခံများက ပြောသည်။

ဘုရားသုံးဆူမြို့ခံ မင်းကောင်အောင်က “စစ်တပ်ဘက်က ဒီမှာ နေရာယူထားတယ်။ လောလောဆယ် ဘာမှ မဖြစ် သေးဘူး။ ညနေပိုင်းအလုပ်တွေ စောစောပြန်လာကြတယ်။ တစ်ချို့စားစရာတွေ အထုပ်အပိုးတွေ ပြင်ဆင်ထားတယ်။ အခြေအနေက ဘယ်လိုမှန်း မသိဘူးပေါ့နော်။ တိုက်ပွဲဖြစ်လာမှာကို စိုးရိမ်ကြတယ်”ဟု ဖေဖော်ဝါရီ ၁၆ရက်နေ့ ကေ အိုင်စီသို့ ပြောသည်။

ကြာအင်းဆိပ်ကြီး ၊ ဘုရားသုံးဆူရှိ မွန်ပြည်သစ်ပါတီမှ တပ်စခန်းချထားသည့်ကျေးရွာများတွင် စစ်ဖြစ်လာမည်ကို စိုးရိမ်ထိတ်လန့်မှုကြောင့် ၎င်းဒေသရှိ ဒေသခံအချို့သည် နယ်စပ်ဖြတ်ပြီး ထိုင်းဘက်ခြမ်း ကန်ချနဘူရီခ ရိုင်၊ ဆန်ခလဘူရီမြို့နယ်တွင် ၀င်ရောက်ခိုလှုံမှု များရှိခဲ့သည်ဟု ဒေသခံများ၏ ပြောပြချက်အရ သိရသည်။

အဆိုပါ မွန်ပြည်သစ်ပါတီနှင့် တပ်မတော်တို့ နှစ်ဖက်အခြေအနေအပေါ် မွန်ပြည်သစ်ပါတီ မှ ဗဟိုကော်မတီဝင် နိုင်ဗွန်သာခိုင်က “လောလောဆယ်အခြေအနေ ပြောဆိုမရသေးပါ။” ဟု ယနေ့(ဖေဖော်ဝါရီ ၁၆ ရက်)တွင် ကေအိုင်စီသို့ ပြောသည်။

မွန်ပြည်နယ် အရပ်သား အပစ်ခတ်စောင့်ကြည့်ရေးအဖွဲ့-CMM မှ ဒုဥက္ကဌ ဦးမင်းမင်းနွယ်က “ဒီမနက် ကြားရတာက မွန်ပြည်သစ်ပါတီက ခေါင်းဆောင်တွေ မော်လမြိုင်ဆင်းလာပြီး တိုင်းမှူးသော်လည်းကောင်း၊ သက်ဆိုင်ရာ တာဝန်ရှိသူ တွေနဲ့ ညှိနှိုင်းဆွေးနွေးမှုလုပ်မယ်လို့ သိရတယ်။ အတည်တော့ မပြုနိုင်သေးဘူး”ဟု ကေအိုင်စီသို့ ပြောသည်။

ငြိမ်းချမ်းရေး တည်ဆောက်နေသည့်ကာလအတွင်း စစ်ရေးအရ ဖိအားပေးမှုများမှာ ငြိမ်းချမ်းရေး တည်ဆောက်ရန် ခက်ခဲနိုင်ပြီး ကတိက၀တ်မူဘောင် စာချုပ်လက်မှတ်ရေးထိုးသည့် အချက်အလက်ပေါ်တွင် ညှိနှိုင်း ဆောင်ရွက်သင့် သည်ဟု ဦးမင်းမင်းနွယ်က ဆက်ပြောသည်။

မွန်ပြည်သစ်ပါတီသည် ၁၉၉၅ ခုနှစ်၊ ဇွန်လ ၂၉ ရက်နေ့မှ စတင်ကာ အစိုးရတပ်မတော်နှင့် အပစ်ခတ် ရပ်စဲရေးကာလ အနှစ် ၂၀ ကျော်ကြာ သဘောတူညီမှုရရှိထားသော်လည်း ၂၀၁၀ ခုနှစ် ဧပြီလတွင် အစိုးရ၏ နယ်ခြားစောင့်တပ်ဖွဲ့စည်းခြင်းကို လက်မခံခဲ့သည့်အတွက် အပစ်အခတ်ရပ်စဲရေး ပျက်ပြယ်သွားခဲ့သည်။

ထို့နောက် ၂၀၁၁ ခုနှစ် ငြိမ်းချမ်းရေး ဆွေးနွေးမှုများ ထပ်မံပြုလုပ်ခဲ့ရာ ၂၀၁၂ ခုနှစ်တွင် ပြည်နယ်အဆင့် ပြည်ထောင်စုအဆင့်တို့တွင် အပစ်အခတ်ရပ်စဲခဲ့ပြီး တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် -NCA ကို လက်မှတ် ရေးထိုးနိုင်ခြင်းမရှိသေးသော်လည်း လက်ရှိ NCA အရ အကောင်အထည်ဖော်သည့် ငြိမ်းချမ်းရေးဖြစ်စဉ်တွင် ဆက်လက်ပါဝင်နိုင်ရန် ကြိုးပမ်းနေဆဲဖြစ်သည်။

 စောမြတ်ဦးသာ
ကေအိုင်စီ
http://kicnews.org

---

မုံရွာ၊ အမှတ်(၁)သစ်ပါးလွှာစက်ရုံမှ အလုပ်သမားများ ထိုင်သပိတ်ပြုလုပ် ဆန္ဒပြ

February 16, 2017, 7:08 am

≫ Next: မောင်တော စစ်ဆင်ရေးကို ရပ်လိုက်ပြီဟု နိုင်ငံခြား သတင်းများတွင် ဖော်ပြ

≪ Previous: တပ်မတော်နှင့် မွန်ပြည်သစ်ပါတီ နှစ်ဖက်တိုက်ပွဲဖြစ်လာမည်ကို ဒေသခံများစိုးရိမ်

$

0

0

မုံရွာ၊ ဖေဖော်ဝါရီ ၁၆။

ဖေဖော်ဝါရီ ၁၆ ရက်နေ့နံနက်ပိုင်းက အလုပ်သမားသမဂ္ဂ ခေါင်းဆောင် အပါအ၀င်လုပ်သား ၂၀ကို ရုတ်တရက် အလုပ်ထုတ်ခဲ့၍ မုံရွာမြို့အိုးဘိုတောင်ရပ်ကွက်ရှိ အမှတ် ၁ သစ်ပါးလွှာစက်ရုံမှ လုပ်သား ၁၀၀ ခန့်သည် အလုပ်မဆင်းပဲ စက်ရုံအတွင်း ထိုင်သပိတ်ပြုလုပ်၍ ဆန္ဒပြခဲ့ကြောင်း သတင်းရရှိသည်။

"ရက်ကြို ပြောတာ မရှိဘူး။ အခုစာပေး အခုထုတ်ပုံစံ ဖြစ်နေတာ။ အလုပ်သမားတွေ အခွင့်အရေးဆို ရှေ့က မားမားမတ်မတ် ရပ်ပေးတဲ့သူကိုပါ ထုတ်ပစ်တယ်။ အလုပ်သမားတွေ လျော့ချနေတော့ မိသားစု စားဝတ်နေရေးဒုက္ခရောက်တယ်။ အိမ်ထောင်ရှင်ဆို လင်ရော၊ မယားရောပါ တပြိုင်နက် ထုတ်ခံရတာ ရှိတယ် "ဟု ဆန္ဒပြလုပ်သားတစ်ဦးက ပြောသည်။

ဆန္ဒပြရာသို့ မုံရွာမြို့မရဲစခန်းမှ စခန်းမှူးနှင့် ခရိုင် အုပ်ချုပ်ရေးမှူးတို့ လာရောက်ခဲ့ပြီး ဆန္ဒပြမည်ဆိုပါက ဥပဒေနှင့်အညီ ဖြစ်ရန်လိုကြောင်း၊ အလုပ်သမား ကိစ္စ အား သက်ဆိုင်ရာ အလုပ်ရှင်အလုပ်သမား အငြင်းပွားမှုဖြေရှင်းရေးအဖွဲ့ထံ စာတင်၍ ညှိုစေလိုကြောင်း အလုပ်သမားများကို ပြောခဲ့သည်။

အမှတ်(၁)သစ်ပါးလွှာစက်ရုံတွင် သစ်လုံးကုန်ကြမ်းများ မရတော့သဖြင့် အလုပ်သမားများကို လျော့ချနေကာ လုပ်သက်ရင့်သူများနှင့် အလုပ်သမားသမဂ္ဂအဖွဲ့ဝင် ၅၀ဦးမှာ ၂၀၁၆ နှစ်ကုန်ပိုင်းက လုပ်သားလျော့ချမှုအတွက် အလုပ်ထုတ်ခံခဲ့ရကြောင်း သိရသည်။

အလုပ်သမားများဘက်မှ အလုပ်ထုတ်လိုပါက အလုပ်သမားဥပဒေနှင့်အညီသာ ထုတ်ရန် တောင်းဆို ထားကြသည်။

၎င်းစက်ရုံသည် အမှတ် ၁ သစ်ပါးလွှာစက်ရုံ (မုံရွာ)နှင့် Prime Pacific ကုမ္ပဏီတို့အကျုိးတူ ကုန်ထုတ်လုပ်မှု ဆောင်ရွက်နေခြင်းဖြစ်ပြီး ၀န်ထမ်း ၂၄၄ ဦးရှိကြောင်း သိရသည်။

ဟိန်းလင်းသန့်
Central News Myanmar
https://www.facebook.com/CNMyanmar/

မောင်တော စစ်ဆင်ရေးကို ရပ်လိုက်ပြီဟု နိုင်ငံခြား သတင်းများတွင် ဖော်ပြ

February 16, 2017, 7:09 am

≫ Next: အောင်ဝင်းခိုင်ရဲ့ကားကို ဖေဖော်ဝါရီ ၁ဝ ရက်နေ့က နေအိမ်ရှေ့မှာတွေ့ရ

≪ Previous: မုံရွာ၊ အမှတ်(၁)သစ်ပါးလွှာစက်ရုံမှ အလုပ်သမားများ ထိုင်သပိတ်ပြုလုပ် ဆန္ဒပြ

$

0

0

နိရဉ္စရာ၊ ဖေဖော်ဝါရီ ၁၆

ရခိုင်ပြည်နယ် မောင်တောမြို့နယ် အတွင်း ပြုလုပ်နေသော စစ်ဆင်ရေးကို ရပ်လိုက်ပြီဟု နိုင်ငံခြား သတင်းဌာနများမှ သတင်း ဖော်ပြသည်။

ရိုက်တာကရေးသော သတင်းတွင် ၄ လကြာ မောင်တောဒေသတွင် ပြုလုပ်ခဲ့သော ရှင်းလင်းရေး စစ်ဆင်ရေးကို ရပ်လိုက်ပြီဟု အစိုးရ တာဝန်ရှိသူများက ပြောကြောင်း၊ ယင်းစစ်ဆင်ရေးကို ကုလသမဂ္ဂမှ စစ်ရာဇ၀တ်မှုမြောက်နိုင်သည့် လူမျိုးတုန်း သတ်ဖြတ်မှုဟု ပြောဆိုကြောင်း သတင်းတွင် ဖော်ပြထားသည်။

၎င်းစစ်ဆင်ရေးအတွင်း မောင်တောမြို့နယ်မှ ဘင်္ဂလီ လူမျိုး ၆၉၀၀၀ ခန့် ဘင်္ဂလာဒေ့ရ်ှသို့ ထွက်ပြေးသွားကြောင်း၊ ဘင်္ဂလာဒေ့ရှ် အခြေစိုက် ကုလ အရာရှိနှစ်ဦးက စစ်ဆင်ရေးတွင် လူပေါင်း တစ်ထောင်ခန့် သတ်ဖြတ်ခံခဲ့ရသည်ဟု ပြောဆိုကြောင်းဖြင့်လည်း သတင်းတွင် ဖော်ပြထားသည်။

ဒေါ်အောင်ဆန်းစုကြည် ဦးဆောင်သော အစိုးရက ၎င်းစွပ်စွဲချက်များကို ငြင်းဆိုထားကြောင်း၊ နိုင်ငံတော် သမ္မတရုံး ပြောခွင့်ရသူက မောင်တော စစ်ဆင်ရေး အတွင်း လူပေါင်း ၁၀၀ နီးပါး ခန့် သေဆုံးခဲ့ကြောင်း ပြောသည်ဟုလည်း ရိုက်တာက ဖော်ပြသည်။

နိုင်ငံတော် သမ္မတရုံး မှ အဆင့်မြင့် အရာရှိနှစ်ဦးနှင့် ပြန်ကြားရေး ၀န်ကြီးဌာက စစ်ဆင်ရေး ရပ်လိုက်ကြောင်းကို အတည်ပြု ပြောကြားသော်လည်း စစ်တပ်ကို ငြိမ်းချမ်းရေး ထိန်းသိမ်းရန် ဆက်လက်ရှိအုန်းမည် ပြောကြောင်း၊ သို့သော် စစ်အာဏာပိုင်များကမူ စစ်ဆင်ရေး ရုပ်သိမ်းသည့် အပေါ် တစ်စုံတစ်ရာ မှတ်ချက်ချ ပြောကြားခြင်း မရှိသေးကြောင်းဖြင့် သတင်းတွင် ဖော်ပြသည်။

မောင်တောဒေသတွင် တည်ငြိမ်မှု ရှိလာပြီး ပုဒ်မ ၁၄၄ ကိုလည်း ရုပ်သိမ်းမှုများ ရှိလာသဖြင့် ယခုလို စစ်ဆင်ရေးကို ရပ်နားလိုက်ကြောင်း နိုင်ငံတော် လုံခြုံရေး အကြံပေး ဦးသောင်းထွန်းက နိုင်ငံတော် သမ္မတရုံးက ထုတ်ပြန်သော ကြေညာချက်ကို ကိုးကားပြီး ဗုဒ္ဓဟူးနေ့က ပြောကြားသည်ဟု ရိုက်တာက ရေးသားသည်။

Ref: Myanmar says military operation in troubled Rakhine has ended
Narinjara
https://www.facebook.com/Narinjara-151742128171206/

အောင်ဝင်းခိုင်ရဲ့ကားကို ဖေဖော်ဝါရီ ၁ဝ ရက်နေ့က နေအိမ်ရှေ့မှာတွေ့ရ

February 16, 2017, 7:09 am

≫ Next: တောင်ဒဂုံတွင် တရားခံပြေးအား ရဲတပ်ဖွဲ့က ပစ်ခတ်ဖမ်းဆီးခြင်းသာဖြစ်

≪ Previous: မောင်တော စစ်ဆင်ရေးကို ရပ်လိုက်ပြီဟု နိုင်ငံခြား သတင်းများတွင် ဖော်ပြ

$

0

0

ဖေဖော်ဝါရီ ၁ဝ ရက်နေ့က  ရန်ကုန်၊ ဒေါပုံမြို့နယ် ဦးအောင်ဝင်းခိုင်ရဲ့ နေအိမ်ရှေ့မှာ ရပ်ထားတဲ့  မော်တော်ယာဉ်  (ဓာတ်ပုံ - အောင်ငြိမ်းချမ်း/Myanmar Now)

ရန်ကုန် (Myanmar Now) - ရှေ့နေဦးကိုနီကို လုပ်ကြံသတ်ဖြတ်ဖို့ စီစဉ်ပြီး လွတ်မြောက်နေသူတစ်ဦးအဖြစ်  အစိုးရက ဖေဖော်ဝါရီ ၁၅ ရက်နေ့မှာ ထုတ်ပြန်ကြေညာလိုက်တဲ့ ဦးအောင်ဝင်းခိုင် ရန်ကုန်မြို့နေအိမ်ကနေ ထွက်ပြေးဖို့ အချိန် ဘယ်လောက် ရပါသလဲ။

ဒေါပုံမြို့နယ်၊ ဝါဆိုရပ်ကွက်၊ မဏ္ဍိုင်လမ်းထဲက ဦးအောင်ဝင်းခိုင်ရဲ့ နေအိမ်ရှေ့မှာ သူစီးနေကျ အနက်ရောင် ဟာရီယာကား ရပ်နားထားတာကို  ဖေဖော်ဝါရီ ၁ဝ ရက်နေ့က တွေ့ခဲ့ရပါတယ်။

ရန်ကုန်လေဆိပ်အတွင်း လုပ်ကြံမှုဖြစ်ပွားစဉ်က ကားနံပါတ် YGN 9C – 6725 တပ်ဆင်ထားတဲ့ ဒီကားထဲ  ဦးအောင်ဝင်းခိုင် မောင်းနှင်နေတဲ့ မှတ်တမ်းဓာတ်ပုံတွေကို  အစိုးရရဲ့ ဖေဖော်ဝါရီ ၁၅ ထုတ်ပြန်ချက်မှာ တွေ့ရပါတယ်။  အစိုးရရဲ့ ထုတ်ပြန်ချက်မှာတော့ ဒီမော်တော်ယာဉ်နဲ့ ပတ်သက်ပြီး ဖော်ပြထားခြင်း မရှိပါဘူး။

ကားမောင်းနေတဲ့ ဦးအောင်ဝင်းခိုင်ကို ဇန်နဝါရီ ၂၉ ရက်နေ့က ရန်ကုန်လေဆိပ် လုံခြုံရေး ကင်မရာက မှတ်တမ်းတင်ထားပါတယ် (ဓာတ်ပုံ - သမ္မတရုံး)

ဒီကားကို  ဦးအောင်ဝင်းခိုင်သာ မောင်းနှင်လေ့ရှိတာကို သတိထားမိကြောင်း၊ ရန်ကုန်လေဆိပ် လုပ်ကြံမှု ဖြစ်ပွားပြီး နောက်ပိုင်း ဒီကားကို အိမ်ရှေ့မှာပဲ ရပ်နားထားတာ တွေ့ရကြောင်း အိမ်နီးချင်းတချို့က ပြောပါတယ်။

“သူတို့အိမ်က ကျွန်မတို့ရပ်ကွက်ကလူတွေနဲ့ သိပ်ရောရောနှောနှော မရှိဘူး။ ကျွန်မတို့ သူ့နာမည်တောင် မသိခဲ့ဘူး။ အခု သတင်းထွက်လာတော့မှ သူ့နာမည်ကို သိတာ။ သူတို့အိမ်ရှေ့မှာတော့ အများအားဖြင့် အဲ့ဒီကားတစီးတည်း ရပ်ထားတာပဲ” လို့  ဦးအောင်ဝင်းခိုင်နဲ့ သုံးအိမ်ကျော်က ရာအိမ်မှူးဦးမြအောင်ရဲ့ မိသားစုဝင်တစ်ဦးက   ပြောပါတယ်။

“သူတို့ဒီအိမ်မှာ နေတာ သိပ်မကြာသေးဘူး။ ဒီအိမ်ဆောက်နေတဲ့အချိန်တုန်းက မဏ္ဍိုင်လမ်းထိပ်က အိမ်မှာ ငှားနေခဲ့သေးတယ်”

ဖေဖော်ဝါရီ ၁ ရက်နေ့ ဝန်းကျင်က ရဲတပ်ဖွဲ့ဝင်တွေ ဦးအောင်ဝင်းခိုင်ရဲ့နေအိမ်ကို ဝင်ရောက် ရှာဖွေရာမှာ ဦးအောင်ဝင်းခိုင်ကို မတွေ့ခဲ့ရဘူး၊ မော်တော်ယာဉ်ကိုတော့  စစ်ဆေးခဲ့တယ်လို့ ရပ်ကွက် အုပ်ချုပ်ရေးမှူး ဖြစ်သူ ဦးညီညီထွေးက  ပြောပါတယ်။

ဒီကားကို ဖေဖော်ဝါရီ ၁၁ ရက်နေ့က နောက်ဆုံး တွေ့လိုက်ရတယ်၊ ကားကို ဦးအောင်ဝင်းခိုင် မောင်းနှင်လေ့ရှိတယ် လို့ သူက ဆက်ပြောပါတယ်။ ဦးအောင်ဝင်းခိုင်ရဲ့ သားနှစ်ဦးက ၁၈ နှစ် မပြည့်သေးတာကြောင့် ယာဉ်မောင်းလိုင်စင် မရနိုင်သေးဘူးလို့ သူက ဆိုပါတယ်။

“သူတို့အိမ်မှာ အဲ့ဒီကားတစ်စီးတည်းပဲတွေ့ဖူးတယ်။ တခြားကားတွေ မတွေ့ဖူးဘူး။ ရဲတွေ လာစစ်တော့လည်း အမျိုးတွေမို့ လာစစ်တာလို့ပဲ ထင်ထားတာ။ အခု ထုတ်ပြန်ချက်တွေ့မှ တိတိကျကျ သိရတာ” လို့ အုပ်ချုပ်ရေးမှူးက ရှင်းပြပါတယ်။

“ဦးအောင်ဝင်းခိုင်ကို ဇန်နဝါရီ ၂၈၊ ၂၉ လောက်ဖြစ်မယ်။ စနေ၊ တနင်္ဂနွေနေ့ တစ်ရက်ရက်ပဲ။ မနက်ပိုင်း လမ်းလျှောက်ထွက်တာကို မြင်လိုက်ရတာ နောက်ဆုံးတွေ့တာပဲ”

၂ဝ၁၄ ခုနှစ်မှာ တပ်မတော်ကနေ ဒုတိယဗိုလ်မှူးကြီးအဆင့်နဲ့ နုတ်ထွက်ခဲ့တယ်ဆိုတဲ့ ဦးအောင်ဝင်းခိုင်ဟာ ဇနီး၊  ၁၇ နှစ် နဲ့ ၁၂ နှစ်အရွယ် သားနှစ်ဦးတို့နဲ့အတူ ဒေါပုံမြို့ နေအိမ်မှာ နေထိုင်ခဲ့ပါတယ်။   သူ့ရဲ့ မိသားစုဝင်တွေ အဲဒီအိမ်မှာ ဆက်လက်နေထိုင်နေပေမယ့် အိမ်တံခါး ပိတ်ထားတယ်လို့ အိမ်နီးချင်းတွေက ပြောပါတယ်။

ဦးကိုနီကိုလုပ်ကြံဖို့ ငွေထုတ်ပေးပြီး ခိုင်းစေသူဟာ  ဦးအောင်ဝင်းခိုင်ဖြစ်တယ်လို့ အာဏာပိုင်တို့က ယူဆနေပါတယ်။  သူ့ရဲ့ အစ်ကိုဖြစ်သူ ဦးအောင်ဝင်းဇော်က သေနတ်သမား  ဦးကြည်လင်းကို ငှားရမ်းခဲ့တယ်၊   လုပ်ကြံခါနီး အချိန်အထိ သူတို့ညီအစ်ကိုနှစ်ဦး ဖုန်းနဲ့ အဆက်အသွယ်ပြုလုပ်ပြီး စီစဉ်ခဲ့ကြကြောင်း အစိုးရ ထုတ်ပြန်ချက်မှာ ဖော်ပြထားပါတယ်။

သေနတ်သမား ဦးကြည်လင်းကို ရန်ကုန်လေဆိပ်မှာ လုပ်ကြံမှု ပြီးပြီးချင်း ဖမ်းဆီးရမိခဲ့ပါတယ်။ သေနတ်သမားကို ငှားရမ်းသူလို့ ယူဆရတဲ့  ဦးအောင်ဝင်းဇော်ကိုလည်း ဖမ်းမိပြီးဖြစ်လို့ စစ်ဆေးနေကြောင်း အာဏာပိုင်တို့က ဖေဖော်ဝါရီ ၃ ရက်နေ့က ထုတ်ပြန်ကြေညာပါတယ်။ အဲဒီလို ကြေညာပြီး တစ်ပတ် အကြာမှာ Myanmar Now က ဒီကားက  ဦးအောင်ဝင်းခိုင်ရဲ့နေအိမ်ရှေ့ မှာ တွေ့ရတာဖြစ်ပါတယ်။     ။

ထက်ခေါင်လင်း/ Myanmar Now
 ရေးသားသူ - Myanmar Now 16/02/2017
http://www.myanmar-now.org

တောင်ဒဂုံတွင် တရားခံပြေးအား ရဲတပ်ဖွဲ့က ပစ်ခတ်ဖမ်းဆီးခြင်းသာဖြစ်

February 16, 2017, 7:11 am

≫ Next: နိုင်ငံသားလွတ်လပ်ခွင့်ဆိုင်ရာ ဥပဒေကြမ်း ပြည်ထောင်စုလွှတ်တော် မဲခွဲမည်

≪ Previous: အောင်ဝင်းခိုင်ရဲ့ကားကို ဖေဖော်ဝါရီ ၁ဝ ရက်နေ့က နေအိမ်ရှေ့မှာတွေ့ရ

$

0

0

ဖေဖော်ဝါရီ ၁၆၊ ။ ။ တောင်ဒဂုံမြို့နယ်တွင် ပစ်ခတ်မှုဖြစ်ပွားခဲ့မှုနှင့်ပတ်သက်ပြီး ဖြစ်စဉ်အား တောင်ဒဂုံမြို့မရဲစခန်းမှ ဒုရဲအုပ် ကျော်ဟန်က မဇ္ဈိမသို့ ယနေ့ညပိုင်းတွင် ပြောသည်။

နဂါးလေး (ခေါ်)အောင်နိုင်မြင့်အား ရဲတပ်ဖွဲ့က လိုက်လံဖမ်းဆီးခဲ့ပြီး ဖမ်းဆီးချိန်တွင် ထွက်ပြေးခဲ့သောကြောင့် ရဲတပ်ဖွဲ့ဝင်များက သေနတ်ဖြင့်ပစ်ခတ်ဖမ်းဆီးသော်လည်း လွတ်မြောက်
သွားခြင်းဖြစ်ကြောင်း သိရသည်။

ဖြစ်စဉ်မှာ ဒဂုံမြို့သစ်(တောင်ပိုင်း)မြို့နယ်နေ နဂါးလေး(ခ)အောင်နိုင်မြင့်၊ (၃၄)နှစ်၊ (ဘ)ဦးဝင်းနိုင်သည် ဒဂုံမြို့သစ်(တောင်ပိုင်း)မြို့နယ်၊ (၂၀)ရပ်ကွက်၊ လှော်ကားလမ်းနှင့် ဥဿဘုရားလမ်းဆုံအနီးရှိ ကားဝပ်ရှော့တစ်ခုသို့ 5D-3753 ပါဂျဲရိုး အမျိုးအစား ခဲရောင်ယာဉ်ဖြင့် ရောက်ရှိနေကြောင်းသတင်းအရ သွားရောက်ဖမ်းဆီးစဉ် အဆိုပါ တရားခံပြေးဖြစ်သူမှ ရဲတပ်ဖွဲ့ဝင်များ၏မော်တော်ယာဉ်များကို ၎င်းမောင်းနှင်သော မော်တော်ယာဉ်ဖြင့်တိုက်ပြီး ထွက်ပြေးသွားခဲ့ပါသည်ဟု ရန်ကုန်တိုင်းရဲတပ်ဖွဲ့က ထုတ်ပြန်ထားသည်။

နဂါးလေး (ခေါ်)အောင်နိုင်မြင့်အား ယ(ပ)၁၃/၂၀၁၆၊ မူယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/၁၉(က)/၂၁/ကျင့် ၅၁၂၊ လမ်းမတော်မြို့မရဲစခန်း(ပ)၉/၂၀၁၆၊ ရာဇသတ်ကြီးပုဒ်မ ၃၈၆/၃၂၃/၁၁၄/ကျင့် ၅၁၂အမှုမှ တရားခံပြေးအဖြစ် အမှုဖွင့်ထားခြင်းဖြစ်သည်။

ထွက်ပြေးသွားသော ပါဂျဲရိုးယာဉ်မှာ ငွေမင်ရောင်ဖြစ်ပြီး ဘန်ပါပြုတ်ထွက်နေကာ လိုင်စင်မဲ့ကား ဖြစ်ကြောင်း တောင်ဒဂုံမြို့မရဲစခန်းမှ မဇ္ဈိမသို့ အတည်ပြုသည်။

==============

စိုးသူအောင်

Mizzima - News in Burmese

http://www.mizzimaburmese.com/article/23629

နိုင်ငံသားလွတ်လပ်ခွင့်ဆိုင်ရာ ဥပဒေကြမ်း ပြည်ထောင်စုလွှတ်တော် မဲခွဲမည်

February 16, 2017, 8:46 am

≫ Next: YBS စတာ တလပြည့်ခဲ့ပေမယ့် ခရီးသည်တွေ အဆင်မပြေသေး

≪ Previous: တောင်ဒဂုံတွင် တရားခံပြေးအား ရဲတပ်ဖွဲ့က ပစ်ခတ်ဖမ်းဆီးခြင်းသာဖြစ်

$

0

0

ပြည်ထောင်စုလွှတ်တော်

နိုင်ငံသားတဦးချင်းစီရဲ့ လူ့အခွင့်အရေးနဲ့ ပုဂ္ဂိုလ်ရေးလွတ်လပ်ခွင့်တွေကို အာဏာပိုင်တွေဖက်က ၀င်ရောက်ထိပါးလို့မရအောင် အကာအကွယ်ပေးမယ့် နိုင်ငံသားများ ပုဂ္ဂိုလ်ဆိုင်ရာလွတ်လပ်မှုနဲ့ လုံခြုံမှု ကာကွယ်ပေးရေး ဥပဒေကြမ်းကို အတည်ပြုနိုင်ဖို့ မကြာခင် ပြည်ထောင်စုလွှတ်တော်မှာ အဆုံးအဖြတ်ရယူတော့မှာဖြစ်ပါတယ်။

တချိန်ကာလ စစ်အစိုးရလက်ထက်တုန်းက အတိုက်အခံနှိမ်နင်းရေးအကြောင်းပြပြီး လူတဦးချင်းစီရဲ့ လွတ်လပ်ခွင့်တွေကိုမငဲ့ကွက်ပဲ အာဏာပိုင်တွေရဲ့ ထင်သလို ဆောင်ရွက်မှုတွေ ထပ်မဖြစ်အောင် အကာအကွယ်ပေးမယ့် ဥပဒေဖြစ်တယ်လို့ နိုင်ငံရေးတတ်ကြွလှုပ်ရှားသူတွေက ကြိုဆိုခဲ့ကြပေမယ့်၊ နိုင်ငံတော်လုံခြုံရေးပိုင်း ဟာကွယ်ဖြစ်မယ်ဆိုပြီး စိုးရိန် မှုတွေလည်း ရှိနေတာတွေ့ရပါတယ်။ ဗွီအိုအေ သတင်းထောက် မမေခက စုံစမ်းမေးမြန်း သတင်းပေးပို့ထားတာပါ။

တချိန်က စစ်အစိုးရလက်ထက်မှာ နိုင်ငံရေးသမားတွေကို ခွင့်ပြုမိန့်တစုံတရာမပါဘဲ ဝင်ဖမ်းတာတွေ၊ နောက်ယောင်ခံလိုက်တာတွေကြောင့် နိုင်ငံသားတွေရဲ့ လွတ်လပ်ခွင့်နဲ့ လုံခြုံမှုကို ကာကွယ်ပေးနိုင်ဖို့၊ အာဏာပိုင်တွေရဲ့ မတရားဖိနှိပ်မှုကို အကာအကွယ်ပေးနိုင်ဖို့ ရည်ရွယ်ချက်နဲ့ ဒီဥပဒေကြမ်းကို တင်သွင်းတာဖြစ်တယ်လို့ သိရပါတယ်။ ဥပဒေ ခွင့်ပြုချက်မပါပဲ နေအိမ်ကို ၀င်ရာက်ဖမ်းဆီးတာ ပစ္စည်းသိမ်းယူတာ ဖုံး စာ အစရှိတဲ့ ဆက်သွယ်ရေးစနစ်ကို ကြားဖြတ်ယူတာ နောက်ယောင်ခံလိုက်တာ စတာတွေကို တင်းတင်းကြပ်ကြပ်တားမြစ်ထားပါတယ်။ တည်ဆဲဥပဒေတရပ်ရပ်ကခွင့်ပြုလိုက်တဲ့ ကိစ္စကလွဲရင် ဘယ်တရား ရုံးခွင့်ပြုချက်မှမပါဘဲ ဘယ်သူ့ကိုမှ တရက်ထက်ကျော်လွန်ပြီး ချုပ်နှောင်ထားတာမလုပ်ရဘူးလို့လည်း ဒီဥပဒေမှာပြဌာန်းထားပြီး၊ ဒီလိုတားမြစ်ထားချက်တွေကိုဖောက်ဖျက်မယ်ဆိုရင် အနည်းဆုံးထောင် ၆လကနေ အများဆုံး ၅နှစ်အထိအပြစ်ပေးနိုင်တဲ့အပြင် ငွေဒဏ်အရ သုံးသိန်းကနေ သိန်း ၃၀အတွင်း ပေးဆောင်ဖို့ပြဌာန်း ထားပါတယ်။

ဒီဥပဒေဟာပြီးခဲ့တဲ့နှစ် စက်တင်ဘာလ လောက်ထဲက တင်သွင်းလာတဲ့ဥပဒေကြမ်းပါ။ ဒီဥပဒေပြဌာန်းဖို့ လွှတ်တော် ၂ရပ်မှာ ဆွေးနွေးခဲ့တာမှာ နိုင်ငံလုံခြုံရေးအတွက် ဒီဥပဒေကို ပြဌာန်းဖို့မသင့်သေးဘူးလို့ တပ်မတော်သားကိုယ်စားလှယ်ဘက်က တင်ပြခဲ့တာတွေရှိခဲ့ပါတယ်။ ဒီဥပဒေပြဌာန်းတဲ့ ရည်ရွယ်ချက်နဲ့ နိုင်ငံတော်လုံခြုံရေးအတွက် မပြဌာန်းသင့်တဲ့ ဥပဒေလို့ ဝေဖန်မှုတွေရှိနေတဲ့ အပေါ် ပြည်သူ့ လွှတ်တော် ဥပဒေကြမ်းကော်မတီဥက္ကဌ ဦးထွန်းထွန်းဟိန်က အခုလိုပြောဆိုပါတယ်။

“ဘာကြောင့်ရေးဆွဲသလဲဆိုတော့ အန်ကယ်တို့က ဒီမိုကရေစီမှာဆိုတော့ အန်ကယ်တို့က Security of Life ဘ၀ ရဲ့ လုံခြုံမှုပေါ့နော် ၊ Security of Dignity ဂုဏ်သိက္ခာလုံခြုံမှု ၊ ဒါလည်းလိုပါတယ်။ မိမိမှာရှိတဲ့ ပစ္စည်းတွေလုံခြုံမှုလည်းလိုတယ်၊ အဲဒီအတွက် အကွာအကွယ်ပေးနိုင်ဖို့ အန်ကယ်တို့ ဒါကို ပြဌာန်းတာပါ။ ဥပဒေကို သေချာဖတ်ကြည့်လိုက်ပါ၊ တကယ်တော့ ရာဇ၀တ်မှု ကျူးလွန်တဲ့လူတွေဆိုရင်လည်း ရာဇ၀တ်မှုကျူးလွန်တာ ၊ ဥပမာ မူးယစ်ဆေးဝါးတို့ ဆိုရင်လည်း ဥပဒေကနေပြီးတော့ ခွင့်ပြုပေးထားတဲ့၊ ဥပဒေကနေပြီးတော့ စုံစမ်းဖို့ပေးထားတဲ့ ဥပဒေတွေလည်းအများကြီးရှိပါတယ်။ မူးယစ်ဆေးဝါး ကိုနောက်ခံလိုက်တာနဲ့၊ သာမန်ပြည်သူတယောက်ကို နောက်ခံလိုက်တာ မတူပါဘူး။ ဆိုတော့ အန်ကယ်တို့က မျှမျှတတ စဉ်းစားရမှာ ဒီအတိုင်းပြောနေမယ်ဆိုရင်တော့ ပြောစရာတွေတော့ အများကြီးပါပဲ။”

ဒီဥပဒေကိုပြဌာန်းနိုင်ဖို့ လွှတ်တော် ၂ရပ်မှာ ဆွေးနွေးမှုတွေလုပ်ခဲ့ပါတယ်။ဒါပေမယ့် ဒီဥပဒေမှာပါတဲ့ စကားအသုံးအနှုန်းတွေနဲ့ ပတ်သတ်လို့ လွှတ်တော် ၂ခုသဘော ထားကွဲလွဲနေလို့မကြာခင်မှာ ပြည်ထောင်စုလွှတ်တော်မှာ မဲခွဲ အဆုံးအဖြတ်ရယူသွား ဖို့ရှိနေပါတယ်။ အမျိုးသားလွှတ်တော်နဲ့ ပြည်သူ့လွှတ်တော် လွှတ်တော် ၂ရပ်စလုံးမှာ သဘောထားကွဲလွဲချက်အချက် ၇ချက်နီးပါးရှိပြီး ဒီ ၇ချက်နီးပါးဟာ စကားအထားအသိုနဲ့ အဓိပ္ပါယ်ဆိုလိုရင်းတွေလွဲတာသာဖြစ်တယ်လို့ ဦးထွန်းထွန်းဟိန်က ပြောပါတယ်။

ဒီဥပဒေကြမ်းနဲ့ပတ်သတ်လို့ ၈၈မျိုးဆက် ကျောင်းသားခေါင်းဆောင်တဦးဖြစ်တဲ့ ကိုမြအေးကတော့ အခုလိုသုံးသပ်လိုက်ပါတယ်။

“အဓိကတော့ နိုင်ငံသားတယောက်ရဲ့ လုံခြုံမှုပေါ့ဗျ၊ နောက်လွတ်လပ်ခွင့် ဒီ၂ ခုကို ကျနော်မြင်တာကတော့ ဥပဒေပြဌာန်းပြီးတော့မှ အကာအကွယ်ပေးသင့်တယ်လို့ ကျနော်ကတော့ မြင်တယ်လေ။ ကျနော့်စီးပွားရေးလုပ်ငန်းကြီးတခုလုံး ဘာအကြောင်းပြချက်မှ မရှိပဲနဲ့ ကျနော်ထောင်မကျခင်က သိမ်းလိုက်တယ်၊ ကျနော် ထောင်က လွှတ်လာပြီး ၁ နှစ်လောက်ကြာမှ ပြန်ရတာလေ၊ နောက်တခါ နေ့နေ့ညညကျနော်တို့ စောင့်ကြည့် ခံရတဲ့ကိစ္စတွေ ဒါတွေကတော့ ကျနော်မြင်တာကတော့ ဒီလိုဖြစ်ရပ်မျိုးတွေမရှိအောင်တော့ နိုင်ငံသားတွေကို အကာအကွယ်ပေးသင့်တယ်၊ အကာအကွယ်ပေးတဲ့ ဥပဒေတရပ်ရှိသင့်တယ် လို့ကျနော်မြင်တယ်။ နောက်တခုက လုံခြုံရေး ၊ ဒီလုံခြုံရေးအကြောင်းပြချက်က သိပ်ဆိုးတယ်ဗျ။ နိုင်ငံမှာတော့ ဒုစရိက်တွေ ကျဆင်းအောင် အဲဒါတွေတော့ လုပ်ရမှာပဲလေ၊ ဒါပေမယ့် ဒီလုံခြုံရေးကို အကြောင်းပြပြီးတော့ တည်ဆဲဥပဒေထက် ကျော်လွှန်ပြီးတော့မှ နိုင်ငံသားအခွင့်အရေးကို ပိတ်ပင်တာမျိုး တားဆီးတာမျိုး ချုပ်ချယ်တာမျိုး ကန့်သတ်တာမျိုးကတော့ မဖြစ်သင့်ဘူးလို့ ကျနော်မြင်တယ်။”

ဒီဥပဒေကြမ်းစတင်တင်သွင်းချိန် လွှတ်တော်၂ရပ်လုံးမှာဆွေးနွေးချိန်မှာ တပ်မတော်သား ကိုယ်စားလှယ်တွေဘက်က လုံခြုံရေး ခေါင်းစဉ်အောက်ကနေကန့်ကွက်မှုတွေလုပ်ခဲ့ကြပါတယ်။ နိုင်ငံတကာမှာလဲ တဦးချင်းဆီရဲ့လူ့အခွင့်အရေးနဲ့ လုံခြုံရေးကိုကာ ကွယ်ပေးတဲ့ ဥပဒေတွေကိုထောက်ခံသူတွေရှိသလို နိုင်ငံလုံခြုံရေးဆိုင်ရာ ကိစ္စပိုင်း တွေကြောင့် ဒီလိုဥပဒေမျိုးကိုကန့်ကွက်တာမျိုး တွေလည်းရှိနေပါတယ်။

လက်ရှိ ဒီဥပဒေကိုတင်သွင်းတဲ့ ပါတီက လက်ရှိလွှတ်တော်တွင်းလူအင်အားအများဆုံးရှိနေတဲ့ NLD ပါတီ၊ အာဏာရအစိုးရပါတီဖြစ်တာကြောင့် ဒီဥပဒေဟာ အရင်အစိုးရလက်ထက်မှာတုန်းကလို အငြင်းပွားဝေဖန်မှုတွေရှိနေပေမယ့် အတည်ပြုနိုင်မယ့်သဘောရှိပါတယ်။ လတ်တလောမှာလည်း ဒီဥပဒေကိုနိုင်ငံရေးသမား၊ တက်ကြွလှုပ်ရှားသူတွေနဲ့ လူ့အခွင့်အရေးသမားတွေက ကြိုဆိုလျက်ရှိပါတယ်။
VOA Burmese News

YBS စတာ တလပြည့်ခဲ့ပေမယ့် ခရီးသည်တွေ အဆင်မပြေသေး

February 16, 2017, 11:11 pm

≫ Next: ထိုင်းမှာ ဆေးခြောက်ပင်တချို့ကို စီးပွားဖြစ် စိုက်ပျိုးခွင့် ပြုလိုက်

≪ Previous: နိုင်ငံသားလွတ်လပ်ခွင့်ဆိုင်ရာ ဥပဒေကြမ်း ပြည်ထောင်စုလွှတ်တော် မဲခွဲမည်

$

0

0

YBS ဘတ်စ်ကား စီးတဲ့ ခရီးသည်တွေ အဆင်မပြေကြသေး

အရင် မထသ မော်တော်ယာဉ် လိုင်းပေါင်းစုံ ကြီးကြပ်ရေး ကော်မတီကို ဖျက်သိမ်းပြီး YBS ရန်ကုန် ဘတ်စ်ကား ၀န်ဆောင်မှုကို စတင်ခဲ့တာ တလပြည့်မြောက်ခဲ့ပေမယ့် ခရီးသည်တွေ အခက်အခဲ အများအပြားနဲ့ ရင်ဆိုင်နေရဆဲပဲလို့ သိရပါတယ်။

လောလောဆယ် ဘတ်စ်ကားလိုင်းတွေရဲ့ စည်းကမ်းပိုင်းကို အာဏာပိုင်တွေဘက်က ကြပ်ကြပ်မတ်မတ် ဆောင်ရွက်နေတယ် ဆိုပေမယ့် ခရီးသည်တွေကတော့ သွားလာရေးမှာ အခက်အခဲ ကြုံနေရဆဲ ဖြစ်ပါတယ်။

ဘတ်စ်ကား စီးနင်းသူတွေ အဆင်ပြေစေဖို့ ရည်ရွယ်ပြီး ရန်ကုန်တိုင်း ဒေသကြီး အစိုးရ အစီအစဉ်နဲ့ အခုလို ပြုပြင် ပြောင်းလဲခဲ့ပေမယ့် ကားစောင့်ရတဲ့ ပြဿနာ ၊ ပြိုင်မောင်းတဲ့ ယာဉ်မောင်း တွေနဲ့ ရိုင်းပျတဲ့ ယာဉ်နောက်လိုက်တွေ ရဲ့ ဆက်ဆံမှု တွေ ၊ ယာဉ်စီးခ ပိုကုန်ကျတာနဲ့ အဆင့်ဆင့် ပြောင်းစီးရတဲ့အ ခက်အခဲတွေ ဆက်ရှိ နေတယ်လို့ ခရီးသည်တွေ က ပြောပါတယ်။

ယာဉ်လိုင်း ကုမ္ပဏီတွေအနေနဲ့လည်း ယာဉ်လိုင်း ပြေးဆွဲရာမှာ အခက်အခဲတွေ ရှိနေပြီး YBS စနစ်ဟာ လက်တွေ့မှာ လိုအပ်ချက် အများကြီး ရှိတယ်လို့ ပြောပါတယ်။

ရန်ကုန်တိုင်း အစိုးရ သယ်ယူ ပို့ဆောင်ရေး အာဏာပိုင် အဖွဲ့ အတွင်းရေးမှူး ဒေါက်တာ မောင်အောင် က သူတို့အနေနဲ့ နေ့စဉ် ပြန်လည် သုံးသပ်နေပြီး လိုအပ်ချက်တွေ ကို ပြုပြင် သွားမယ်လို့ ဘီဘီစီ ကို ပြောပါတယ်။

BBC Burmese
http://www.bbc.com/burmese

ထိုင်းမှာ ဆေးခြောက်ပင်တချို့ကို စီးပွားဖြစ် စိုက်ပျိုးခွင့် ပြုလိုက်

February 17, 2017, 7:32 am

≫ Next: IS ဗုံးခွဲမှု ပါကစ္စတန်သား ၇၀ ကျော် သေဆုံး

≪ Previous: YBS စတာ တလပြည့်ခဲ့ပေမယ့် ခရီးသည်တွေ အဆင်မပြေသေး

$

0

0

ကန်ချုံ ဆေးခြောက်ပင်ကို ထိုင်းနိုင်ငံက ပြည်နယ်တချို့မှာ စိုက်ခွင့်ပြု

စိုက်ပျိုးခွင့် ပြုလိုက်တဲ့ ဆေးခြောက်အပင်တွေဟာ ထိုင်းနိုင်ငံက Cannabis ဆေးခြောက် အမျိုးအစား နှစ်မျိုးဖြစ်တဲ့ ကန်ချာနဲ့ ကန်ချုံ နှစ်မျိုးထဲက THC မူးယစ်စေတဲ့ ဓါတုပစ္စည်း ၁ ရာခိုင်နှုန်း အောက်ပဲ ပါဝင်တဲ့ ကန်ချုံ အမျိုးအစား ဖြစ်ကြောင်း၊ သူ့ချည်းပဲ ဆိုရင် မူးယစ်ဆေးဝါး မဖြစ်တဲ့အတွက် ဥပဒေကို ပြင်ဆင် လိုက်တာ ဖြစ်ကြောင်းနဲ့ ဒီဆေးခြောက်ပင် အမျိုးအစားကို စက္ကူနဲ့ချည်မျှင် ထုတ်လုပ်ဖို့ စိုက်ပျိုးလိုသူတွေ အနေနဲ့ ထိုင်း မူးယစ်ဆေးဝါး နှိမ်နင်းရေးဌာနမှာ မှတ်ပုံတင်ပြီး ထိုင်းမူးယစ်ဆေးဝါး နှိမ်နင်းရေးဌာနရဲ့ ထိန်းချုပ်မှုအောက်မှာ စိုက်ခွင့်ပြုမှာ ဖြစ်ကြောင်း ထိုင်းမူးယစ်ဆေးဝါး နှိမ်နင်းရေး အမှတ် ၆ တိုင်းရဲ့ ညွှန်ကြားရေးမှူး နိုင်ဝတ္ထဏာ ကေဒ်ဖွန်က ပြောသွားပါတယ်။

ဒီအကြောင်းကို အင်္ဂါနေ့က မဲဆောက်မြို့မှာ ကျင်းပတဲ့ BLO လို့ခေါ်တဲ့ မဲဆောက်-မြ၀တီ မူးယစ်ဆေးဝါး ပူးပေါင်း နှိမ်နင်းရေး ဆွေးနွေးပွဲမှာ ထိုင်းကနေ မြန်မာဖက်ကို အသိပေး တင်ပြ လိုက်တာပါ။

အခု ကန်ချုံခြောက် အပင်တွေကို စက္ကူနဲ့ အထည်ယက် လုပ်ငန်းအတွက် ထိုင်းနိုင်ငံ မြောက်ပိုင်းက ချင်းမိုင်၊ ချင်းရိုင်၊ နန့်၊ တာခ်၊ ဖက်ချဘွန်းနဲ့ မယ်ဟောင် ဆောင် စတဲ့ ခရိုင်၆ခုက မြို့နယ် ၁၅ မြို့နယ်မှာ စိုက်ပျိုးနေပြီ ဖြစ်ပါတယ်။

ထိုင်းနိုင်ငံ တောင်ပိုင်းမှာတော့ စိုက်ပျိုးခွင့် မပေးဘူးလို့ သိရပါတယ်။

ကန်ချုံ ဆေးခြောက်အပင်တွေကို စိုက်ပျိုးတဲ့ ဒေသမှာပဲ စက္ကူနဲ့ အထည် ယက်လုပ်ရမှာ ဖြစ်ပြီး စိုက်ပျိုးတဲ့ဒေသကနေ တခြားဒေသတွေကို အပင်တွေ၊ အရွက်တွေ အဖြစ် သယ်ဆောင်သွားခွင့် မရှိပါဘူး။

ဒါပေမဲ့ ကန်ချုံဆေးခြောက်ပင်က ထုတ်လုပ်တဲ့ စက္ကူနဲ့ အဝတ်အထည် ကုန်ချောတွေကိုတော့ ဘယ်ကိုပဲ ဖြစ်ဖြစ် တင်ပို့ ရောင်းချလို့ ရပါတယ်။

ထိုင်းနိုင်ငံမှာ အခုလို ခွင့်ပြုထားပေမဲ့ မြန်မာနိုင်ငံမှာတော့ ဆေးခြောက်ကို မူးယစ်ဆေးဝါးအဖြစ် သတ်မှတ်ထားတဲ့ အတွက် အဲဒီကန်ချုံ ဆေးခြောက် အပင်ကို ဖြစ်စေ၊ အရွက်ကို ဖြစ်စေ၊ မြန်မာနိုင်ငံဖက်ကို သယ်ဆောင် သွားမယ် ဆိုရင်တော့ လက်ရှိ မြန်မာနိုင်ငံရဲ့ တည်ဆဲ ဥပဒေအရ အရေးယူ ခံရမှာ ဖြစ်တယ်လို့ မြန်မာ BLO ဥက္ကဋ္ဌ မြ၀တီခရိုင် ရဲမှူး၊ ဒုတိယ ရဲမှူးကြီး တင်မျိုးထူးက ပြောပါတယ်။

BBC Burmese
http://www.bbc.com/burmese

---

IS ဗုံးခွဲမှု ပါကစ္စတန်သား ၇၀ ကျော် သေဆုံး

February 17, 2017, 7:33 am

≫ Next: ဆော်ဒီအာရေဗျ နိုင်ငံ ၌ IS အကြမ်းဖက် တပ်ဖွဲ့ ၏ တပ်ဖွဲ့ခွဲ ၄ ခုကို ချေမှုန်း နိုင်ခဲ့ပြီး အဖွဲ့ဝင် ၁၈ ဦးကို ဖမ်းဆီး နိုင်ခဲ့ကြောင်း ကြေညာ

≪ Previous: ထိုင်းမှာ ဆေးခြောက်ပင်တချို့ကို စီးပွားဖြစ် စိုက်ပျိုးခွင့် ပြုလိုက်

$

0

0

ပါကစ္စတန်နိုင်ငံတောင်ပိုင်းက ရှီယာတွေရဲ့ ဘုရားကျောင်း

ပါကစ္စတန်နိုင်ငံတောင်ပိုင်းက ရှီယာတွေရဲ့ ဘုရားကျောင်းထဲက လူစုလူဝေးကြားထဲ IS စစ်သွေးကြွအဖွဲ့ရဲ့ အသေခံဗုံးခွဲသူတဦး ကြာသပတေးနေ့ ဗုံးဖေါက်ခွဲမှုကြောင့် လူပေါင်း ၇၀ ကျော် သေဆုံးခဲ့ရပြီး လူ ၂၀၀ လောက် ဒဏ်ရာတွေ ရခဲ့ကြပါတယ်။ သေဆုံးသူ တွေ ထဲမှာ ကလေးငယ်ပေါင်း ၃၀ လောက် ပါဝင်နေကြောင်း Reuters သတင်းမှာ ဖေါ်ပြထားပါတယ်။

ဝေးလံခေါင်ဖျားဒေသဖြစ်တဲ့ Sindh ခရိုင်ထဲက Sehwan မြို့က တိုက်ခိုက်မှုမှာ သေဆုံးရသူတွေထဲမှာ အမျိုးသမီးနဲ့ ကလေးငယ်တွေ ပါဝင်နေပြီး ဒီတိုက်ခိုက်မှုကို သူတို့ လုပ်ဆောင်တာဖြစ်ကြောင်း အိုင်အက်စ်အဖွဲ့က သူတို့ရဲ့ သတင်းဌာနကနေ တဆင့် သတင်းထုတ်ပြန် ပါတယ်။

စစ်တပ်ပြောခွင့်ရ ဗိုလ်ချုပ် Asif Ghafoor ကတော့ အခင်းဖြစ်ပွားရာနေရာမှာ ကူညီကယ်ဆယ်ရေးအတွက် တပ်သားတွေ၊ ရဟတ်ယာဉ်တွေနဲ့ C-130 လေယာဉ်တွေ စေလွှတ်ထားတယ်လို့ ပြောပါတယ်။

အခု တိုက်ခိုက်မှုကို အမျိုးသမီးတဦးက လုပ်ဆောင်တာဖြစ်ပြီး သူမရဲ့ ဦးခေါင်းပိုင်းကို အခင်းဖြစ်ပွါးရာ နေရာမှာရှာတွေ့ခဲ့တယ်လို့ ဒေသစီမံခန့်ခွဲရေး အရာရှိတွေက ပြောပါတယ်။

တချိန်ထဲမှာပဲ ပါကစ္စတန် အနောက်တောင်ပိုင်းက Balochistan ခရိုင်ထဲမှာ စစ်တပ် မော်တော်ယာဉ်တန်းကို လမ်းဘေးထောင်ဗုံး ထိမှန်ခဲ့တဲ့အတွက် စစ်သား ၃ ဦး သေဆုံးခဲ့ရတယ်လို့လည်း စစ်ဘက်က ပြောပါတယ်။

အသေခံဗုံးဖေါက်ခွဲမှုတွေနဲ့ စစ်သွေးကြွတွေရဲ့ တခြား တိုက်ခိုက်မှုတွေ ဆက်တိုက်လိုလို ဖြစ်ပွါးနေတာကြောင့် ပါကစ္စတန်တလွှား ဒီသီတင်းပတ်ထဲ သေဆုံးဒဏ်ရာရသူ ပေါင်း ဒါဇင်နဲ့ချီ ရှိနေပါတယ်။

 ဗွီအိုအေ (မြန်မာပိုင်း)
http://burmese.voanews.com

ဆော်ဒီအာရေဗျ နိုင်ငံ ၌ IS အကြမ်းဖက် တပ်ဖွဲ့ ၏ တပ်ဖွဲ့ခွဲ ၄ ခုကို ချေမှုန်း နိုင်ခဲ့ပြီး အဖွဲ့ဝင် ၁၈ ဦးကို ဖမ်းဆီး နိုင်ခဲ့ကြောင်း ကြေညာ

February 17, 2017, 7:33 am

≫ Next: ကျည်စုသင်္ချိင်းထဲ ဝင်ပြေးသွားတဲ့ နဂါးလေးကို ပိုက်စိတ်တိုက်ရှာဖွေနေ

≪ Previous: IS ဗုံးခွဲမှု ပါကစ္စတန်သား ၇၀ ကျော် သေဆုံး

$

0

0

ဆော်ဒီအာရေဗျ နိုင်ငံ ၌ IS အကြမ်းဖက် တပ်ဖွဲ့ ၏ တပ်ဖွဲ့ခွဲ ၄ ခုကို ချေမှုန်း နိုင်ခဲ့ပြီး အဖွဲ့ဝင် ၁၈ ဦးကို ဖမ်းဆီး နိုင်ခဲ့ကြောင်း ကြေညာ

    ရီယာ့ဒ် ၊ ဖေဖော်ဝါရီ ၁၇ ရက် (ဆင်ဟွာ)

    ဆော်ဒီအာရေဗျ နိုင်ငံ ပြည်ထဲရေးဝန်ကြီးဌာန က နိုင်ငံတော် လုံခြုံရေး အဖွဲ့အစည်း အနေဖြင့် IS အကြမ်းဖက် တပ်ဖွဲ့ ၏ တပ်ဖွဲ့ခွဲ ၄ ခုကို ချေမှုန်း နိုင်ခဲ့ပြီး အဖွဲ့ဝင် ၁၈ ဦးကို ဖမ်းဆီး နိုင်ခဲ့ကြောင်း ဖေဖော်ဝါရီ ၁၆ ရက်နေ့ က ထုတ်ပြန် ကြေညာ ခဲ့သည်။

ဆော်ဒီအာရေဗျ နိုင်ငံ  ပြည်ထဲရေးဝန်ကြီးဌာန ပြောရေးဆိုခွင့်ရှိသူက ယခု ချေမှုန်းခဲ့သည့် IS အကြမ်းဖက် တပ်ဖွဲ့ ၏ တပ်ဖွဲ့ခွဲ ၄ ခု သည် ဆော်ဒီအာရေဗျ နိုင်ငံ Mecca ၊ Medina ၊ Riyadh နှင့် Kassem စသည့် ဒေသ များတွင် လှုပ်ရှားနေသော အဖွဲ့များ ဖြစ်ကြပြီး ဖမ်းဆီးခံရသည့် အဖွဲ့ဝင် ၁၈ ဦးအနက် ယီမင် နိုင်ငံသား ၂ ဦး နှင့် ဆူဒန် နိုင်ငံသား တစ်ဦးတို့မှ လွဲ၍ ကျန်ရှိသူ အားလုံးမှာ ဆော်ဒီ နိုင်ငံသားများ ဖြစ်ကြောင်း ပြောကြား ခဲ့သည်။ပြောရေးဆိုခွင့်ရှိသူက ယခု အဖွဲ့ဝင် များသည် ဝရမ်းထုတ် ထားသည့် အကြမ်းဖက် အဖွဲ့ဝင်များကို အကာအကွယ်ပေးခြင်း ၊ IS အဖွဲ့ဝင်များ ရှာဖွေစုဆောင်းပေးခြင်း ၊ ပြည်ပ တွင်ဖြစ်ပွားနေသည့် စစ်ပွဲများ အတွက် အထောက်အပံ့ပေးခြင်း ၊ အင်တာနက်ပေါ်တွင် အကြမ်းဖက်ဝါဒများ ဖြန့်ချိခြင်း နှင့် အသေခံ အကြမ်းဖက် တိုက်ခိုက်မှုများအတွက် ပေါက်ကွဲစေသည့် လက်နက်များ ထောက်ပံ့ပေးခြင်း စသည့် တို့ကို ဆောင်ရွက်ခဲ့သူများဖြစ်ကြောင်း ပြောကြား ခဲ့သည်။

ထို့ပြင် ပြောရေးဆိုခွင့်ရှိသူက ယခု ဆောင်ရွက်ခဲ့သည့် အဖွဲ့ခွဲ ၄ ခုအားချေမှုန်းသည့် စစ်ဆင်ရေး တွင် လုံခြုံရေး ဝန်ထမ်းများမှ သေနတ်အမြောက်အမြားနှင့် ငွေစက္ကူ အမြောက်အမြားကိုလည် သိမ်းစည်း နိုင်ခဲ့ကြောင်း ၊ ဆော်ဒီ လုံခြုံရေး အဖွဲ့အစည်း အနေဖြင့် အကြမ်းဖက် အဖွဲ့အစည်း များကို လက်ဦးမှုယူကာ တိုက်ခိုက်ခြင်းဖြင့် အကြမ်းဖက် ဝါဒ ကို ချေမှုန်းသွားမည် ဖြစ်ကြောင်း ပြောကြား ခဲ့သည်။

(Xinhua)
http://xinhuamyanmar.com

ကျည်စုသင်္ချိင်းထဲ ဝင်ပြေးသွားတဲ့ နဂါးလေးကို ပိုက်စိတ်တိုက်ရှာဖွေနေ

February 17, 2017, 7:34 am

≫ Next: ကန်-ရုရှား စစ်ရေးပူးပေါင်းဆောင်ရွက်ဖွယ် မရှိသေး

≪ Previous: ဆော်ဒီအာရေဗျ နိုင်ငံ ၌ IS အကြမ်းဖက် တပ်ဖွဲ့ ၏ တပ်ဖွဲ့ခွဲ ၄ ခုကို ချေမှုန်း နိုင်ခဲ့ပြီး အဖွဲ့ဝင် ၁၈ ဦးကို ဖမ်းဆီး နိုင်ခဲ့ကြောင်း ကြေညာ

$

0

0

တရားခံပြေး လွတ်မြောက်သွား၍ အမြန်ဆုံး ဖမ်းဆီးရမိရေးဆောင်ရွက်

ရန်ကုန် ဖေဖော်ဝါရီ ၁၆ မူးယစ်ဆေးဝါးမှု၊ လုယက်မှုများဖြင့် တရားခံပြေး ကြေညာထားသူအား သက်ဆိုင်ရာက ရန်ကုန်မြို့ ဒဂုံမြို့သစ် (တောင်ပိုင်း)မြို့နယ်သို့ သွားရောက် ဖမ်းဆီးစဉ် ထွက်ပြေးသဖြင့် သေနတ် ဖြင့် ပစ်ခတ်ဖမ်းဆီးသော်လည်း လွတ်မြောက်သွား၍ အမြန်ဆုံးဖမ်းဆီး ရမိရေးအတွက် ပူးပေါင်းအဖွဲ့များဖြင့် ဆောင်ရွက်လျက်ရှိကြောင်း ရန်ကုန် တိုင်းဒေသကြီးရဲတပ်ဖွဲ့မှ သတင်း ထုတ်ပြန်ချက်အရ သိရသည်။

''သွားရောက်ဖမ်းဆီးတဲ့ ရဲတပ်ဖွဲ့ ဝင်တွေရဲ့ကားကို တိုက်ပြီး ထွက်ပြေး သွားလို့ သေနတ်နဲ့ ပစ်ဖောက်ပြီး တားဆီးခဲ့တာပါ။ အပြန်အလှန်ပစ်ခတ် တာမျိုးမဟုတ်ပါဘူး၊ ထိခိုက်ဒဏ်ရာ ရရှိသွားတာမျိုးမရှိပါဘူး။ အခုလည်း သူသွားနိုင်မယ့်နေရာတွေကို တပ်ဖွဲ့ဝင် တွေ လိုက်လံရှာဖွေနေပါတယ်'' ဟု အဆိုပါ မြို့နယ်ရဲစခန်းမှ တာဝန်ရှိသူ တစ်ဦးက ပြောသည်။

ဖြစ်စဉ်မှာ ယနေ့ ညနေ ၅ နာရီ ၂၅ မိနစ်ခန့်က ရန်ကုန်တိုင်းဒေသကြီး ရဲတပ်ဖွဲ့မှူးရုံး အုပ်ချုပ်မှုတပ်ခွဲ မှုခင်းအကူ ဌာနစုမှ တပ်ဖွဲ့ဝင်များသည် ဒဂုံမြို့သစ် (တောင်ပိုင်း) မြို့မရဲစခန်း-မယ(ပ)၁၃/ ၂ဝ၁၆၊ မူးယစ်ဆေးဝါးနှင့် စိတ်ကိုပြောင်း လဲစေသောဆေးဝါးများ ဆိုင်ရာ ဥပဒေ ပုဒ်မ ၁၅/၁၉(က)/ ၂၁/ကျင့် ၅၁၂၊ လမ်းမတော်မြို့မရဲစခန်း (ပ)၉/၂ဝ၁၆၊ ရာဇသတ်ကြီးပုဒ်မ ၃၈၆/၃၂၃/၁၁၄/ ကျင့် ၅၁၂အမှုမှ တရားခံပြေးဖြစ်သူ ဒဂုံမြို့သစ် (တောင် ပိုင်း)မြို့နယ်နေ နဂါးလေး (ခ)အောင်နိုင် မြင့် (၃၄)နှစ် (ဘ)ဦးဝင်းနိုင်သည် ဒဂုံ မြို့သစ်(တောင်ပိုင်း)မြို့နယ် (၂ဝ)ရပ် ကွက်၊ လှော်ကားလမ်းနှင့် ဥဿဘုရား လမ်းဆုံအနီးရှိ ကားဝပ်ရှော့ တစ်ခုသို့ 5D-3753 ပါဂျဲရိုး အမျိုးအစား ခဲရောင်ယာဉ်ဖြင့် ရောက်ရှိနေကြောင်း သတင်းအရ သွားရောက်ဖမ်းဆီးစဉ် အဆိုပါ တရားခံပြေးဖြစ်သူမှ ရဲတပ်ဖွဲ့ဝင် များ၏ မော်တော်ယာဉ်များကို ၄င်းမောင်း နှင်သော မော်တော်ယာဉ်ဖြင့်တိုက်ပြီး ထွက်ပြေးသွားခဲ့ခြင်းဖြစ်သည်။
''ညနေပိုင်းက သေနတ်သံလိုလို တော့ သုံး၊ လေးချက်လောက် ကြားလိုက် တယ်၊ နာရီဝက်လောက်ကြာမှ တရားခံကို ရဲတွေက လာဖမ်းတာလို့ သိရတယ်၊ ဖမ်းတဲ့အခါမှာ တရားခံက ထွက်ပြေးလို့ သေနတ်နဲ့ ပစ်တာလို့တော့ ပြောတယ်၊ ဒဂုံဆိပ်ကမ်းဘက်ကို ထွက်သွားတယ် လို့ ပြောနေကြတယ်။ ညနေပိုင်းက အပြင်တောင် သိပ်မထွက်ရဲဘူး'' ဟု အဆိုပါ ရပ်ကွက်နေပြည်သူတစ်ဦးက ပြောသည်။

ယင်းသို့ ထွက်ပြေးသွားခဲ့သဖြင့် ရဲတပ်ဖွဲ့ဝင်များက သေနတ်ဖြင့်ပစ်ခတ် ဖမ်းဆီးခဲ့သော်လည်း တရားခံပြေး ဖြစ်သူ နဂါးလေး(ခ)အောင်နိုင်မြင့်မှာ ထွက်ပြေး လွတ်မြောက်သွားခဲ့ကြောင်း၊ ပြန်လည်ဖမ်းဆီးရမိရေးအတွက် ၄င်း သွားလာနိုင်သည့်နေရာများ၊ မြို့အဝင် အထွက်ဂိတ်များ၊ စစ်ဆေးရေးဂိတ်များကို မြို့နယ်ရဲတပ်ဖွဲ့ အချင်းချင်းချိတ်ဆက်ကာ လိုက်လံပိတ်ဆို့ ဖမ်းဆီးလျက်ရှိကြောင်း သိရသည်။
''ကျွန်တော်တို့ ရဲတပ်ဖွဲ့ဝင်တွေ တရားခံ ဖမ်းဆီးရမိရေးအတွက် လိုက်လံဖမ်းဆီးနေပါတယ်။ သူ့ရဲ့ကားကိုတော့ ရပါပြီ။ သတင်းအရ ကျည်စုသင်္ချိင်းထဲကို ဝင်ပြေးသွားတယ်လို့ သိရတဲ့အတွက် ပိုက်စိတ်တိုက်ရှာဖွေ နေပါတယ်''ဟု ည ၁၁ နာရီ ၄၅ မိနစ်ခန့်က ရန်ကုန်တိုင်း ရဲတပ်ဖွဲ့မှ ရဲမှူး လှဝေက ပြောသည်။

ဇော်ကြီး(ပဏီတ)၊ သန်းထိုက်(လှိုင်သာယာ)
Myanmaalinn
https://www.facebook.com/MYANMAALINNNEWS

ကန်-ရုရှား စစ်ရေးပူးပေါင်းဆောင်ရွက်ဖွယ် မရှိသေး

February 17, 2017, 7:34 am

≫ Next: မီဒီယာတွေကို တိုက်ခိုက်တာ စလိုက်တဲ့ သမ္မတ ထရမ့်

≪ Previous: ကျည်စုသင်္ချိင်းထဲ ဝင်ပြေးသွားတဲ့ နဂါးလေးကို ပိုက်စိတ်တိုက်ရှာဖွေနေ

$

0

0

NATO မြောက်အတ္တလန်တိတ် စစ်စာချုပ်အဖွဲ့ဝင်နိုင်ငံတွေရဲ့ ဆွေးနွေးပွဲ

အမေရိကန်ပြည်ထောင်စုနဲ့ ရုရှားတို့ကြား လက်ရှိ အခြေနေကိုကြည့်ရင် ကောင်းမွန်မှု မရှိတဲ့အတွက် စစ်ရေးပူးပေါင်းဆောင်ရွက်မှု တခုမှ လုပ်ဦးမှာ မဟုတ်ကြောင်း အမေရိကန် ကာကွယ်ရေးဝန်ကြီး Jim Mattis က NATO မြောက်အတ္တလန်တိတ် စစ်စာချုပ်အဖွဲ့ဝင်နိုင်ငံတွေရဲ့ ကြာသပတေးနေ့ Brussels က ဆွေးနွေးပွဲမှာ ပြောကြားလိုက်ပါတယ်။

အခုအချိန်မှာ စစ်ရေးအရ ပူးပေါင်းဆောင်ရွက်ရမယ့် အနေအထားမဟုတ်ပေမယ့် ၂ နိုင်ငံခေါင်းဆောင်တွေ တွေ့ဆုံပြီး ဘုံ သဘောတူညီမှု ရအောင်ကြိုးစားကြမှာ ဖြစ်ကြောင်း ဝန်ကြီး Mattis က နေတိုးဌာနချုပ်မှာ ကျင်းပတဲ့ အစည်းအဝေးမှာ ပြောကြားခဲ့တာပါ။

ပြီးခဲ့တဲ့နှစ် အမေရိကန်ရွေးကောက်ပွဲကို ရုရှားက ကြားဝင်နှောက်ယှက်တယ်ဆိုတဲ့ စွပ်စွဲချက်တွေ အပြင် ရုရှားရဲ့ ယူကရိန်းအရေး ဆက်ပြီး လုပ်ဆောင်နေတာတွေကြောင့် အခုချိန်မှာ ၂ နိုင်ငံကြား ဆက်ဆံရေးဟာ စစ်အေးခေတ် ကာလကနေ စကြည့်ရင် အဆိုးဝါးဆုံး အခြေနေကို ရောက်နေတာ ဖြစ်ပါတယ်။

ရုရှားနဲ့ စစ်ရေးအရ တစုံတရာ ပူးပေါင်းဆောင်ရွက်မှုတွေ စမလုပ်ခင် ရုရှားဘက်က နိုင်ငံတကာ ဥပဒေနဲ့အညီ ကျင့်သုံးလုပ်ဆောင် နိုင်တယ် ဆိုတာကို ပြသနိုင်ရမယ်လို့ ဝန်ကြီး Mattis က ပြောပါတယ်။ ရုရှား ကာကွယ်ရေးဝန်ကြီး Sergei Shoigu က ရုရှားအနေနဲ့ အမေရိကန် စစ်ဘက်နဲ့ ပူးပေါင်းဆောင်ရွက်မှုတွေ ပြန်လုပ်ဖို့ အသင့်ပဲလို့ ပြောဆိုခဲ့ပြီး တဲ့နောက်မှာ အခုလို ဝန်ကြီး Mattis က ပြောကြားခဲ့တာပါ။

အမေရိကန် သမ္မတ Donald Trump ဟာ ရွေးကောက်ပွဲ မဲဆွယ်တဲ့ ကာလမှာရော သမ္မတတာဝန် ယူပြီးချိန်မှာပါ ရုရှားသမ္မတ Vladimir Putin ကို ချီးကျူးပြောဆိုခဲ့ပါတယ်။ ဒါ့အပြင် ယူကရိန်းလက်က Crimea ဒေသကို ရုရှားသိမ်းပိုက်မှုကြောင့် အမေရိကန်ဘက်က ပူးပေါင်း ဆောင်ရွက်မှုတွေ ရပ်ဆိုင်းခဲ့ပေမယ့် IS စစ်သွေးကြွ တိုက်ဖျက်ရေးလို ၂ နိုင်ငံ စိတ်ဝင်စားတဲ့ လုပ်ငန်းရပ်မျိုးမှာ ရုရှားနဲ့ ပြန်ပြီး လက်တွဲ လုပ်ဆောင်ဖို့ စိတ်ဝင်စားကြောင်း Trump က ပြောကြားခဲ့ပါတယ်။

ဝန်ကြီး Mattis ကတော့ IS စစ်သွေးကြွ တိုက်ဖျက်ရေးဟာ အမြန်ပြီးဆုံးမယ်လို့ သူ မထင်ပေမယ့် ဒီတိုက်ဖျက်ရေးအတွက် နိုင်ငံတကာစစ်ဆင်ရေးအဖြစ် အမေရိကန်ဘက်က အမြန်တိုးလုပ်ဆောင်ချင်ကြောင်း ကြာသပတေးနေ့မှာပဲ ပြောကြားခဲ့တာပါ။

ဗွီအိုအေ (မြန်မာပိုင်း)
http://burmese.voanews.com

မီဒီယာတွေကို တိုက်ခိုက်တာ စလိုက်တဲ့ သမ္မတ ထရမ့်

February 17, 2017, 7:35 am

≫ Next: ထရမ့်ရဲ့ နိုင်ငံတော်လုံခြုံရေး အကြံပေး ရာထူး ကမ်းလှမ်းချက် ရေတပ်ဒုချုပ်ဟောင်း ငြင်း

≪ Previous: ကန်-ရုရှား စစ်ရေးပူးပေါင်းဆောင်ရွက်ဖွယ် မရှိသေး

$

0

0

သမ္မတထရမ့်က မီဒီယာတွေ ကို ခပ်ထန်ထန် တိုက်ခိုက်ပြောဆို

အမေရိကန် သမ္မတ ထရမ့်က သူ့အစိုးရအဖွဲ့ တာဝန်စ လွှဲပြောင်းယူတဲ့ အစပိုင်း သီတင်းပတ်တွေအတွင်း လုပ်ကိုင်ဆောင်ရွက်ခဲ့ပုံတွေနဲ့ ပတ်သက်လို့ ကာကွယ်ပြောဆိုလိုက်ပြီး သူ့အစိုးရအဖွဲ့ လုပ်ဆောင်ပုံတွေကို မီဒီယာ တွေက မရိုးမသား ဖေါ်ပြခဲ့တဲ့အကြောင်း သူ့ရဲ့ အိမ်ဖြူတော် သတင်းစာ ရှင်းလင်းပွဲမှာ ပြောသွားပါတယ်။

TV ဖွင့်လိုက်ရင်ပဲ ဖြစ်ဖြစ် သတင်းစာ ဖတ်လိုက်ရင်ပဲ ဖြစ်ဖြစ် ကသောင်းကနင်းဖြစ်နေပြီဆိုတဲ့ ပုံမျိုးနဲ့ရေးတဲ့ သတင်းမျိုးတွေပဲ တွေ့ခဲ့ရတယ်၊ တကယ်တမ်းမှာ လုံးဝ ဖီလာဆန့်ကျင် ပါ၊ ဒီအစိုးရအဖွဲ့ဟာ ကိစ္စဝိစ္စတွေကို အကောင်းဆုံးဖြစ်အောင် အသေးစိတ် စိစစ် ဆောင်ရွက်နေတာ ဖြစ်ပါတယ်လို့ သမ္မတ ထရမ့်က ပြောသွားပါတယ်။

သတင်းဌာနတွေရဲ့မရိုးသားပုံက ထိန်းမနိုင် သိမ်းမရ အခြေအနေ ရောက်နေတယ်လို့လည်း ဆိုပါတယ်။

မွတ်ဆလင်အများစု နေထိုင်တဲ့ နိုင်ငံ ၇ခုက နိုင်ငံသားတွေကို အမေရိကန်ထဲ လာခွင့် ပိတ်ပင်ဖို့ သူ့ရဲ့ အငြင်းပွားစရာ ကန့်သတ်မိန့် ကိုလည်း ပြန်ပြင်ဆင်ပြီး လာမယ့် အပတ်မှာ ထုတ်ပြန်မယ်လို့ သမ္မတ ထရမ့်က ပြောသွားပါတယ်။

တခါ အမေရိကန် အလုပ်သမား ဝန်ကြီးအဖြစ် Alexander Acosta ကို ထပ်အဆိုပြုကြောင်းကိုလည်း သမ္မတ ထရမ့်က ထုတ်ဖော် ကြေညာသွားပါတယ်။

တကယ်လို့ မစ္စတာ Acosta သာ အလုပ်သမား ဝန်ကြီးအဖြစ် အတည်ပြု ခံရမယ်ဆိုရင် သူဟာ ထရမ့်အစိုးရ ဝန်ကြီးအဖွဲ့တွင်း ပထမမြောက် လက်တင်အမေရိကနွယ်ဖွား ဝန်ကြီး ဖြစ်လာပါလိမ့်မယ်။

BBC Burmese
http://www.bbc.com/burmese