မြိုင်ကြီးငူဒေသ စစ်ဘေးရှောင်များ မိုင်းအန္တရာယ်ကြောင့် နေရပ်မပြန်နိုင်သေး

February 20, 2017, 7:52 am

≫ Next: Kim Jong Nam လုပ်ကြံခံရမှု မလေးရှားရဲ လူ ၄ ဦး ဖမ်းဆီး

≪ Previous: KNUနှင့် အစိုးရ ပူးတွဲတည်ထောင်သည့် လေးကေ့ကော်မြို့သစ်၌ အလုပ်အကိုင်ရှားပါးမှု ပြဿနာကို မဖြေရှင်းနိုင်သေး

မြိုင်ကြီးငူဒေသရှိ စစ်ဘေးရှောင်ဒုက္ခသည်များအနေဖြင့် မိုင်းအန္တရာယ်များရှိနေခြင်းကြောင့် မိမိနေရပ် ဒေသများသို့ ပြန်လည်နေထိုင်ခြင်းမပြုနိုင်သေးကြောင်း ကရင်ပြည်နယ် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ( JMC-S) က ပြောသည်။

အဆိုပါဒေသတွင် မိုင်းရှင်းလင်းရေးအတွက် အစိုးရက တရားမ၀င်အသင်းအဖြင့်သတ်မှတ်ထားသည့် ဒီမိုကရေစီအကျိုးပြု ကရင့်တပ်မတော်(DKBA)မှ ခွဲထွက်ထားသည့် ကလိုထူးဘောအဖွဲ့(KKO)ဖြင့် တရားဝင်ညှိနှိုင်းမှုပြုလုပ်ရန် အခက်အခဲရှိကြောင်း ကရင်ပြည်နယ် JMC-S အတွင်းရေးမှူး နန်းစေးဝါးက ပြောသည်။

“အဲဒီတစ်ဖွဲ့က အပစ်ရပ်လုံးဝမလုပ်ထားတဲ့အတွက်ကြောင့် သူတို့ကိုညှိနှိုင်းဆောင်ရွက်လို့ မရဘူး” ဟု နန်းစေးဝါးက ဆိုသည်။

လက်ရှိတွင် JMC-S အနေဖြင့် ကရင်ပြည်နယ်အစိုးရနှင့် ပြည်ထောင်စုက လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဌာန၏ အကူအညီရယူပြီး အဆိုပါ နေရပ်ပြန်ရန် အခက်အခဲဖြစ်နေသေးသည့် စစ်ဘေးရှောင်များကို ကူညီပံ့ပိုးမှုများ ပြုလုပ်ပေးနေသည်။

ကရင်ပြည်နယ်အတွင်း မိုင်းရှင်းလင်းရေးလုပ်ငန်းများကို ၂၀၁၇ ခုနှစ် ဧပြီလအတွင်း စတင်လုပ်ဆောင်သွားနိုင်ရန် စီစဉ်ထားသည်ဟု ပြည်ထောင်စုအဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အတွင်းရေးမှူး ဗိုလ်မှူးကြီး ဝဏ္ဏအောင်က ပြောဆိုထားသည်။

“မိုင်းရှိတဲ့နေရာတွေမှာ ရှင်းလင်းသွားဖို့ယေဘုယျဆွေးနွေးထားတာပါ။ အဓိကကတော့ ကရင်ပြည်နယ်ကို စပြီးတော့ လုပ်ဖို့တော့ စီမံထားထာရှိပါတယ်။ ဘတ်ဂျက်က ၂၀၁၇ခုနှစ်အတွင်းဧပြီလကနေ စနိုင်ဖို့ လုပ်ထား တာပေါ့။ ငြိမ်းချမ်းရေးလုပ်ငန်းစဉ်ရန်ပုံငွေဆိုင်ရာပေါင်းစပ်ညှိနှိုင်းရေးအဖွဲ့(JCB)ကို တင်ပြထားတာပါ။ သူတို့မူဝါဒ အတိုင်းဆောင်ရွက်သွားမှာဖြစ်ပါတယ်”ဟု ၄င်းက ပြောသည်။

ထို့သိုမိုင်းရှင်းလင်းရာတွင် ပထမအနေဖြင့် အများပြည်သူများသွားလာသည့်နေရာများကို ဦးစားပေးရှင်းလင်းလုပ်ဆောင်သွားမည်ဖြစ်ပြီး တပ်စခန်းများ၏အနီးအနားများရှိ မိုင်းရှိနိုင်သည့်နေရာများကို ဆက်လက်ရှင်းလင်းဆောင်ရွက်သွားမည်ဟုလည်း ဗို်လ်မှူးကြီး ဝဏ္ဏအောင်က ပြောသည်။

ပြီးခဲ့သည့်နှစ် စက်တင်ဘာလဆန်းပိုင်းက စတင်ပြီး DKBA ခွဲထွက်အဖွဲ့များနှင့် တပ်မတော်၊ နယ်ခြားစောင့် တပ်ဖွဲ့တို့ အကြား တိုက်ပွဲများ ဖြစ်ပွားခဲ့သည်။

အဆိုပါ မဲသဝေါဒေသ၌ ဖြစ်ပွားခဲ့သည့်တိုက်ပွဲ များကြောင့် စစ်ဘေးရှောင်ပြည်သူ ၅၀၀၀ ကျော်ခန့်သည် မိမိရပ်ရွာများကို စွန့်ခွာပြီး မြိုင်ကြီးငူဒေသ၌ လက်ရှိအချိန်ထိ ခိုလှုံနေဆဲဖြစ်သည်။

===========

Mizzima - News in Burmese

http://www.mizzimaburmese.com/article/23767

↧

Kim Jong Nam လုပ်ကြံခံရမှု မလေးရှားရဲ လူ ၄ ဦး ဖမ်းဆီး

February 20, 2017, 10:26 pm

≫ Next: နိုင်ငံ့တာဝန် ထမ်းဆောင်သည့် ၀န်ထမ်းများ ပင်စင်ယူသည့် အခါ နေထိုင်ရန် အိမ်ခန်း ၊ တိုက်ခန်းများ ရရှိရေး အစီအမံများ ချမှတ် ဆောင်ရွက်လျက်ရှိ

≪ Previous: မြိုင်ကြီးငူဒေသ စစ်ဘေးရှောင်များ မိုင်းအန္တရာယ်ကြောင့် နေရပ်မပြန်နိုင်သေး

မြောက်ကိုရီးယား ခေါင်းဆောင်ရဲ့ အဖေတူ အမေကွဲ အကို Kim Jong Nam လုပ်ကြံခံရမှုနဲ့ ပတ်သက်ပြီး ၄ ဦး ဖမ်းဆီးထားပြီး နောက်ထပ် ၇ ဦးကို ရဲက အလိုရှိထားပါတယ်။ မြောက်ကိုရီးယား ဘက်ကတော့ သေဆုံးသူရဲ့ အလောင်းကို လွှဲပြောင်းပေးဖို့ တောင်းဆိုနေပြီး မလေးရှား အာဏာပိုင်တို့ကတော့ ပယ်ချထားတာကြောင့် နှစ်နိုင်ငံကြား သံတမန်ရေး တင်းမာမှုလည်း ရှိနေတာပါ။ တောင်ကိုရီးယား အစိုးရကတော့ မြောက်ကိုရီးယား အစိုးရရဲ့ အကြမ်းဖက် နည်းပရိယာယ်တွေက အတင့်ရဲလာတာကြောင့် သတိကြီးကြီးထားကြဖို့ လိုအပ်ပြီလို့လည်း ပြောဆိုလိုက်ပါတယ်။ မသိင်္ဂီထိုက် စုစည်းတင်ပြထားပါတယ်။

မြောက်ကိုရီးယား ခေါင်းဆောင် ကင်ဂျုံအွန်းရဲ့ အဖေတူ အမေကွဲ အကို ကင်ဂျုံနမ် မလေးရှားနိုင်ငံမှာ ရုတ်တရက် သေဆုံးခဲ့ရမှုနဲ့ ပတ်သက်ပြီး ဖမ်းဆီးထားသူ ၄ ဦးရှိသွားပါပြီ။ ဖျော်ဖြေရေးမယ် အသက် ၂၈ နှစ် အရွယ် ဗီယက်နမ်နိုင်ငံသူ Doam Phi Huong ၊ အနှိပ်သည် ဖြစ်တဲ့ အသက် ၂၅ နှစ် အရွယ် အင်ဒိုနီးရှား နိုင်ငံသူ Siti Aisyah နဲ့ သူမနဲ့ ပတ်သက်သူ မလေးရှား နိုင်ငံသား Mohammed Bin Jallaludin တို့နဲ့ အတူ အသက် ၄၇ နှစ် အရွယ် မြောက်ကိုရီးယား နိုင်ငံသား Ri Jong Chol တို့ကို ဖမ်းဆီးထားတာပါ။ Ri Jong Chol ကတော့ ၂၀၁၆ ခုနှစ်ကတည်းက မလေးရှားနိုင်ငံကို ရောက်နေတာဖြစ်ပြီး ကွာလာလမ်ပူက ကုမ္ပဏီတခုရဲ့ IT ဌာနမှာ အလုပ်လုပ်ပါတယ်။

ဒီလူတွေ အပြင် ရဲက အလိုရှိထားသူ နောက်ထပ် ၇ ဦး ရှိပါသေးတယ်။ မလေးရှား ဒုတိယ ရဲချုပ် Noor Rashid Ibrahim က အခုလို ပြောဆိုထားပါတယ်။

ဆက်ပြီး စုံစမ်းစစ်ဆေးနေပါတယ်။ သံသယ ရှိသူ နောက်ထပ် လေးယောက်ရှိပါတယ်။ မြောက်ကိုရီးယား နိုင်ငံသားတွေ ဖြစ်တဲ့ အသက် ၃၃ နှစ် အရွယ် Ri Di Hyon ၊ အသက် ၃၄ နှစ် အရွယ် Hong Song Hac ၊ အသက် ၅၅ နှစ် အရွယ် O Jong Gil နဲ့ အသက် ၅၇ နှစ် အရွယ် မြောက်ကိုရီးယား နိုင်ငံသား Ri Jae Nam ဖြစ်ပါတယ်။ သူတို့ အားလုံးက ဇန်န၀ါရီလကုန်ပိုင်း၊ ဖေဖော်ဝါရီ လဆန်းပိုင်းတွေမှာ အသီးသီး မလေးရှားနိုင်ငံကို ရောက်ရှိလာကြသူတွေ ဖြစ်ပြီး မလေးရှားနိုင်ငံကနေ ဖေဖော်ဝါရီလ ၁၃ ရက်နေ့မှာ ပြန်လည် ထွက်ခွာမယ့်ရက် ဖြစ်ပါတယ်။ စုံစမ်းစစ်ဆေးမှု အတွက် ရဲက အလိုရှိနေတဲ့ နောက်ထပ် လူတွေ ရှိပါသေးတယ်။ အသက် ၃၀ အရွယ် မြောက်ကိုရီးယား နိုင်ငံသား James လို့ ခေါ်တဲ့ Ri Ji U နဲ့ နောက် နှစ်ယောက်တော့ ဘယ်သူတွေ ဖြစ်တယ်ဆိုတာကို စုံစမ်းနေဆဲ ဖြစ်ပါတယ်။

မလေးရှား နိုင်ငံဆိုင်ရာ မြောက်ကိုရီးယား သံအမတ်ကြီး Kang Chol က Kim Jong Nam ရဲ့ အလောင်းကို လွှဲပြောင်းပေးဖို့ တောင်းဆိုခဲ့တာကိုလည်း မလေးရှား အစိုးရက ပယ်ချထားပါတယ်။ ဒီနောက်မှာတော့ မြောက်ကိုရီးယား သံအမတ်ကြီးက မလေးရှားရဲ့ စုံစမ်းစစ်ဆေးမှုတွေ အပေါ် သံသယ ၀င်တဲ့ အကြောင်းပြောဆိုလိုက်ပါတယ်။

"မတော်တဆမှု ဖြစ်ခဲ့တာ ၇ ရက်ရှိခဲ့ပါပြီ။ ဒါပေမယ့် သေဆုံးရတဲ့ အကြောင်းရင်းနဲ့ ပတ်သက်ပြီး ရှင်းရှင်းလင်းလင်း အထောက်အထား မရှိသေးပါဘူး။ မလေးရှားရဲ အဖွဲ့ရဲ့ စုံစမ်းစစ်ဆေးမှု ရလဒ်ကို လက်ခံရမယ်ဆိုရင်တောင် ဒီစုံစမ်းစစ်ဆေးမှု အပေါ် မယုံကြည်ပါဘူး။ ဒီစုံစမ်းစစ်ဆေးမှု နောက်ကွယ်မှာ တစုံတယောက် ပါဝင် ပတ်သက်နေနိုင်တဲ့ အပေါ်မှာလည်း ပိုပြီး စိုးရိမ်ပါတယ်။"

မလေးရှားနိုင်ငံဆိုင်ရာ မြောက်ကိုရီးယားသံအမတ်ကြီး Kang Chol က မလေးရှားနိုင်ငံကို ဝေဖန်ပြစ်တင်ပြီးတဲ့နောက် မလေးရှား ကလဲ မြောက်ကိုရီးယားဆိုင်ရာ သူတို့ရဲ့သံအမတ်ကြီးကို ညှိနှိုင်းတိုင်ပင်ဖို့ဆိုပြီး ပြန်ခေါ်လိုက်ပါတယ်။ မြောက် ကိုရီးယားသံအမတ်ကြီး Kim Cholကိုလည်း မလေးရှားနိုင်ငံခြားရေးဌာနက တနလာင်္နေ့မှာ ဆင့်ခေါ်ခဲ့ပြီး စွပ်စွဲချက်တွေဟာ ကျိုးကြောင်းခိုင်လုံမှု မရှိဘူးဆိုပြီး ပယ်ချပါတယ်။ ကင်ဂျုံနမ်ကို လုပ်ကြံမှုကို မြောက်ကိုရီးယားတို့ ကြိုးကိုင်စီစဉ်တာလို့ ယူုဆထားတဲ့ တောင်ကိုရီးယား အစိုးရကတော့ မြောက်ကိုရီးယားရဲ့ အကြမ်းဖက်မှု နည်းပရိယာယ်တွေက ပိုပြီး အတင့်ရဲလာတယ်လို့ ပြောဆိုပါတယ်။ တောင်ကိုရီးယား ၀န်ကြီးချုပ်နဲ့ ယာယီ သမ္မတ အဖြစ်တာဝန်ယူထားတဲ့ Hwang Kyo-ahn က အခုလို ပြောပါတယ်။

"မြောက်ကိုရီးယား အစိုးရရဲ့ အကြမ်းဖက် နည်းပရိယာယ်တွေက ပိုပြီး အတင့်ရဲလာတာကြောင့် ကျနော်တို့ အစိုးရနဲ့ ပြည်သူတွေ အပေါ် မြောက်ကိုရီးယား အစိုးရက အကြမ်းဖက် ဆောင်ရွက်လာနိုင်ခြေ အပေါ်မှာ ပိုပြီး သတိထားရတော့မှာ ဖြစ်ပါတယ်။"

မြောက်ကိုရီးယား ခေါင်းဆောင်ရဲ့ အဖေတူ အမေကွဲ အကို Kim Jong Nam ကို လေဆိပ် လူမြင်ကွင်းမှာ သတ်ဖြတ်ခဲ့တာဟာဆိုရင် သည်းခံနိုင်စရာ မရှိတဲ့ ရက်စက် ကြမ်းကြုတ်တဲ့ ရာဇ၀တ်မှု ဖြစ်တယ်လို့လည်း တောင်ကိုရီးယား ယာယီ သမ္မတက ပြောဆိုပါတယ်။ အသက် ၄၅ နှစ်အရွယ် Kim Jong Nam ဟာ မကာအိုကိုသွားမယ့် လေယာဉ်ကိုစီးဖို့ စောင့်နေချိန် ကွာလာလမ်ပူ နိုင်ငံတကာ လေဆိပ်မှာ အမျိုးသမီးနှစ်ဦးက အဆိပ်သွင်း တိုက်ခိုက်ခံခဲ့ရတာဖြစ်တယ်လို့ မလေးရှားနဲ့ တောင်ကိုရီးယား တာဝန်ရှိသူတွေက ပြောထားပါတယ်။ သူ့ကို ဆေးရုံအပို့ လမ်းမှာပဲ ကွယ်လွန်ခဲ့တာ ဖြစ်ပါတယ်။

မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com

↧

နိုင်ငံ့တာဝန် ထမ်းဆောင်သည့် ၀န်ထမ်းများ ပင်စင်ယူသည့် အခါ နေထိုင်ရန် အိမ်ခန်း ၊ တိုက်ခန်းများ ရရှိရေး အစီအမံများ ချမှတ် ဆောင်ရွက်လျက်ရှိ

February 20, 2017, 10:28 pm

≫ Next: ကုလသမဂ္ဂဆိုင်ရာ ရုရှားသံအမတ်ကြီး Vitaly I. Churkin ရုတ်တရက် ကွယ်လွန်

≪ Previous: Kim Jong Nam လုပ်ကြံခံရမှု မလေးရှားရဲ လူ ၄ ဦး ဖမ်းဆီး

ရန်ကုန်မြို့ ရှိ လူနေတိုက်ခန်းများအား တွေ့ ရစဉ် (ဆင်ဟွာ)

ရန်ကုန် ၊ ဖေဖော်ဝါရီ ၂၁ ရက်(ဆင်ဟွာ)

နိုင်ငံ့တာဝန် ကို ထမ်းဆောင်နေကြသည့် ဝန်ထမ်းများ အတွက် ပင်စင်ယူသည့်အခါ နေထိုင်ရန် အိမ်ခန်း၊ တိုက်ခန်းများ ရရှိရေးအတွက် တိုင်းဒေသကြီး/ပြည်နယ် များအားလုံး တွင် အစီအမံများ ချမှတ်ဆောင်ရွက် လျက် ရှိကြောင်း စီမံကိန်းနှင့် ဘဏ္ဍာရေးဝန်ကြီးဌာန ၊ ပြည်ထောင်စု ဝန်ကြီး ဦးကျော်ဝင်းက ပြောကြားခဲ့သည်။

စီမံကိန်းနှင့် ဘဏ္ဍာရေးဝန်ကြီးဌာန၊ မြန်မာနိုင်ငံတော်ဗဟိုဘဏ်နှင့် နိုင်ငံပိုင် ဘဏ်များ၊ မြန်မာနိုင်ငံ ဘဏ်များအသင်း၊ ပုဂ္ဂလိကဘဏ်များ၊ နိုင်ငံခြားဘဏ်ခွဲများနှင့် နိုင်ငံခြားဘဏ် ကိုယ်စားလှယ် ရုံးခွဲများမှ တာဝန်ရှိသူများ နှင့် တွေ့ဆုံပွဲ အခမ်းအနားအား ဖေဖော်ဝါရီ ၂၀ ရက်တွင် ကျင်းပခဲ့ရာ ထိုကဲ့သို့ ထည့်သွင်း ပြောကြားခဲ့ခြင်း ဖြစ်ကြောင်း ပြန်ကြားရေး ၀န်ကြီးဌာန၏ ထုတ်ပြန်မှုအရ သိရသည်။

ထိုအခမ်းအနားတွင် မြန်မာနိုင်ငံ တော်ဗဟိုဘဏ်နှင့် အခြားပုဂ္ဂလိကဘဏ် များအားလုံးသည် ဘဏ်လုပ်ငန်း ဆိုင်ရာ ကိစ္စရပ်များကို ဥပဒေ၊ စည်းမျဉ်း စည်းကမ်း၊ လုပ်ထုံးလုပ်နည်းနှင့်အညီ ပူးပေါင်း ဆောင်ရွက် သွားကြရန် လိုကြောင်း ၊ ဘဏ်များတွင် အပ်နှံထားသည့် ငွေ၏ အတိုးရငွေ အပေါ်တွင် အခွန်ပေး ဆောင်ရန် ဝင်ငွေခွန် ဥပဒေ အရ ပြဋ္ဌာန်း ထားသော်လည်း စီမံကိန်းနှင့် ဘဏ္ဍာရေး ဝန်ကြီးဌာန၊ ပြည်တွင်းအခွန်များ ဦးစီးဌာန အနေဖြင့် လက်ရှိအခြေအနေတွင် အတိုးရငွေအပေါ် အခွန်ကောက်ခံရန်အ စီအစဉ်မရှိကြောင်း၊ ပြည်သူလူထုသိရှိ နိုင်ရန် မြန်မာ့အသံနှင့်ရုပ်မြင်သံကြား၊ Internet Website များနှင့် Social Media များမှတစ်ဆင့် သတင်းထုတ်ပြန် ကြေညာပြီး ဖြစ်ကြောင်း ထည့်သွင်း ပြောကြားခဲ့သည်။

(Xinhua)
http://www.xinhuamyanmar.com

↧

ကုလသမဂ္ဂဆိုင်ရာ ရုရှားသံအမတ်ကြီး Vitaly I. Churkin ရုတ်တရက် ကွယ်လွန်

February 20, 2017, 10:31 pm

≫ Next: မုံရွာ NLD ကိုယ်စားလှယ်လောင်း အတွက် စက်ဘီစီးရေ ၁၀၀ နီးပါးနဲ့ မဲဆွယ်မည်

≪ Previous: နိုင်ငံ့တာဝန် ထမ်းဆောင်သည့် ၀န်ထမ်းများ ပင်စင်ယူသည့် အခါ နေထိုင်ရန် အိမ်ခန်း ၊ တိုက်ခန်းများ ရရှိရေး အစီအမံများ ချမှတ် ဆောင်ရွက်လျက်ရှိ

ကုလသမဂ္ဂဆိုင်ရာ ရုရှားသံအမတ်ကြီးအဖြစ် ကာလရှည်ကြာစွာ တာဝန်ထမ်းဆောင်လာခဲ့သူ Vitaly I. Churkin ဟာ သူ့ရဲ့ ၆၅ နှစ်မြောက် မွေးနေ့မတိုင်ခင် တရက်အလိုဖြစ်တဲ့ မနေ့က တနင်္လာနေ့မနက်က နယူးယောက်မြို့မှာ ရုတ်တရက်ကွယ်လွန်ခဲ့ပါတယ်။

သူကွယ်လွန်သွားပြီဖြစ်ကြောင်း ရုရှား နိုင်ငံခြားရေးဝန်ကြီးဌာနက ကြေညာချက်ထုတ်ပြန်ရာမှာ ဖြစ်ပျက်ပုံအသေးစိတ်ကို ဖော်ပြခဲ့ခြင်း မရှိပါဘူး။ ဒါပေမယ့် ကုလသမဂ္ဂဆိုင်ရာ လက်ထောက်သံအမတ်ကြီး Vladimir Safronkov က သံအမတ်ကြီး Churkin ဟာ ရုရှားသံရုံးမှာ တင် ရုတ်တရက် လဲကျသွားခဲ့တယ်လို့ သတင်းမီဒီယာကို ပြောခဲ့ပါတယ်။ နောက်ဆုံးရရှိတဲ့သတင်းတွေအရ သံအမတ်ကြီးဟာ နှလုံးရောဂါနဲ့ နယူးယောက်မြို့ Presbyterian ဆေးရုံမှာ ကွယ်လွန်သွားခဲ့တယ်လို့ သိရပါတယ်။

သံအမတ်ကြီး ကွယ်လွန်ခဲ့တာနဲ့ပတ်သက်လို့ ၇၁ ကြိမ်မြောက် ကုလသမဂ္ဂ အထွေထွေ ညီလာခံကြီးမှာ ခေတ္တ ငြိမ်သက်ပြီး အဖွဲ့ဝင်နိုင်ငံ အားလုံးတို့က ဂါရဝ ပြုခဲ့ကြပါတယ်။အထွေထွေညီလာခံ ဥက္ကဋ္ဌ Peter Thompson ကအခုလို ပြောပါတယ်။

“သံအမတ်ကြီးကွယ်လွန်မှုနဲ့ပတ်သက်ပြီး ကျနော်တို့အားလုံး အံ့အားသင့် တုန်လှုပ်ကြပြီး သိပ်ကို ဝမ်းနည်းကြေကွဲကြရပါတယ်။ ကျနော်တို့အနေနဲ့ ကုလသမဂ္ဂ မိသားစုမှာ လေးစားခံရဆုံး၊ လွှမ်းမိုးမှုအရှိဆုံး အဖွဲ့ဝင်တွေအနက် တဦးကို ဆုံးရှုံးခဲ့ရတာ ဖြစ်ပါတယ်။ သူ့ရဲ့နာမည်ဟာ ကုလသမဂ္ဂသမိုင်းမှာ ကျန်ရစ်မှာဖြစ်တယ်လို့ ကျနော် အပြည့်အဝ ယုံကြည်မှုနဲ့ ပြောနိုင်ပါတယ်။”

ကုလသမဂ္ဂသံတမန်တွေကလည်း- သူတို့အနေနဲ့ အခုလို မစ္စတာ Vitaly Churkin ရုတ်တရက်ကွယ်လွန်သွားတာကို ကြားသိရတဲ့အတွက် တုန်လှုပ် မိကြောင်းနဲ့ ဝမ်းနည်းကြေကွဲရပါကြောင်း လူမှုရေးကွန်ယက်ကနေ ချက်ခြင်း ရေးသားဖော်ပြခဲ့ကြပါတယ်။

“ကျနော့်မိတ်ဆွေလည်းဖြစ်၊ လုပ်ဖော်ကိုင်ဖက်တဦးလည်းဖြစ်တဲ့ Vitaly Churkin ရဲ့နာရေးသတင်းကိုကြားရတဲ့အတွက် အထူးပဲ ယူကျုံးမရ ဝမ်းနည်းရပါတယ်။ အင်မတန် ထူးခြားပြီး အံ့သြဖွယ်ရာ အရည်အချင်းများရှိတဲ့ သံအမတ်ကြီး ကောင်းရာသုဂတိလားပါစေ …” လို့ ကုလသမဂ္ဂဆိုင်ရာ ဗြိတိန်အထူးသံကိုယ်စားလှယ် Matthew Rycroft က တွစ်တာ စာမျက်နှာမှာ ရေးသားခဲ့ပါတယ်။

ကုလသမဂ္ဂဆိုင်ရာ ဆွီဒင် သံအမတ် Olof Skoog (အိုလော့ဖ်၊ စကုခ်ျ) ကလည်း “ကျနော်တို့ရဲ့ ခင်မင်ရတဲ့မိတ်ဆွေကြီး Vitaly Churkin ကွယ်လွန်သွားတဲ့ သတင်းကို ကြားလိုက်ရတဲ့အတွက် ထိတ်လန့်တုန်လှုပ်မိပါတယ်။ သူ့ကို အထူး သတိရလွမ်းဆွတ်နေကြမှာပါ။ သူ့မိသားစုကို အထူးဝမ်းနည်း ကြေကွဲရပါကြောင်း ပြောကြားလိုပါတယ်။” လို့ ဖော်ပြရေးသားခဲ့ပါတယ်။

ကုလဆိုင်ရာ အမေရိကန် သံအမတ်သစ် Nikki Haley ကလည်း အထူးပင် ကြေကွဲဝမ်းနည်းကြောင်းနဲ့ - “ကျမတို့ တယောက်နဲ့တယောက် အမြဲတမ်း သဘောထားတိုက်ဆိုင်ခဲ့ကြတာမဟုတ်ပေမယ့် သူ့နိုင်ငံအတွက်တော့ သူက အလွန်ကို ကျွမ်းကျင်ပါးနပ်တဲ့ အရည်အချင်းတွေ ရှိတယ်ဆိုတာကတော့ မေးခွန်းထုတ်စရာတောင် မလိုတဲ့သူပါ။ ကျမတို့က သူ့အတွက် ဆုမွန်ကောင်းတွေတောင်းပေးပါတယ်။ သူ့အတွက် လည်း သူ့မိသားစုနဲ့ ရုရှားပြည်သူတွေနဲ့ထပ်တူ ခံစားရပါကြောင်းလည်း ပြောကြားလိုပါတယ်” လို့ ကြေညာချက် ထုတ်ပြန်ခဲ့ပါတယ်။

ကုလသမဂ္ဂ အထွေထွေညီလာခံဥက္ကဋ္ဌ Peter Thomson ရဲ့ ကြေညာချက်မှာလည်း သူ့အနေနဲ့ “အထူးပင် ကြေကွဲဝမ်းနည်းကြောင်းနဲ့ ရုရှား ပြည်ထောင်စုနဲ့ ကုလသမဂ္ဂအဖွဲ့ကြီးအတွက် သားကောင်းရတနာတဦး ၊ နိုင်ငံတကာက အားကိုးထိုက်တဲ့ ပညာရှင်တဦးကို ဆုံးရှုံးခဲ့ရတာပါပဲ” လို့ ဖော်ပြခဲ့ပါတယ်။

Vitaly Ivanovich Churkin ဟာ ၁၉၅၂ ခုနှစ်၊ ဖေဖော်ဝါရီလ ၂၁ ရက်နေ့က မော်စကိုမြို့မှာ မွေးဖွားခဲ့ပါတယ်။ သူ့ရဲ့ ငယ်ဘဝမှာ အနည်းဆုံး ရုပ်ရှင် သုံးကားမှာ ပါဝင်သရုပ်ဆောင်ခဲ့ပြီး ၂ ကားကတော့ ဆိုဗီယက် တော်လှန်ရေးခေါင်းဆောင် Vladimir Lenin ရဲ့အကြောင်း ဇာတ်ကားတွေ ဖြစ်ပါတယ်။

သူဟာ နိုင်ငံတကာဆက်ဆံရေးအထူးပြုနဲ့ မော်စကိုတက္ကသိုလ် က ၁၉၇၄ ခုမှာ ဘွဲ့ရရှိခဲ့ပြီး USSR သံတမန်ရေးရာ အထူးပညာရပ်သင် ကောလိပ်မှာ သမိုင်း ဘာသာနဲ့ ၁၉၈၁ ခုနှစ်က ပါရဂူဘွဲ့ကိုရရှိခဲ့ပါတယ်။

မစ္စတာ Churkin ဟာ ၁၉၇၄ ခုနှစ်မှာ နိုင်ငံခြားရေးဝန်ကြီးဌာနမှာ စတင်အမှုထမ်းချိန်ကစလို့ ရုရှားသံတမန်တယောက်အနေနဲ့ လွန်စွာ ဂုဏ်သိက္ခာကြီးမားခဲ့သူဖြစ်ပါတယ်။ ၁၉၉၀ ပြည့် အစောပိုင်းကာလတွေမှာ ထိုစဉ်က ယူဂိုဆလပ်ဗီးယားနိုင်ငံဟောင်းနဲ့ ပြောဆိုဆွေးနွေးဖို့ အစိုးရရဲ့ အထူးကိုယ်စားလှယ်အဖြစ် တာဝန်ထမ်းဆောင်ခဲ့ပါတယ်။ အဲဒီနောက်မှာတော့ ၁၉၉၄ ခုနှစ်ကနေ ၁၉၉၈ ခုနှစ်အထိ ဘယ်လ်ဂျီယံဆိုင်ရာ ရုရှားသံအမတ် အဖြစ် ၊ ၁၉၉၈ ခုနှစ်ကနေ ၂၀၀၃ ခုနှစ်အထိ ကနေဒါဆိုင်ရာ ရုရှားသံအမတ်အဖြစ် တာဝန်ထမ်းဆောင်ခဲ့ပါတယ်။

၂၀၀၆ ခုနှစ်မှာ ထိုစဉ် ကုလသမဂ္ဂအတွင်းရေးမှူးချုပ် ကိုဖီအာနန်လက်ထက်မှာ ကုလသမဂ္ဂဆိုင်ရာ ရုရှား သံအမတ်ရာထူးကို စတင်ယူခဲ့ပြီး အခု ကွယ်လွန်ချိန်အထိ ဒီတာဝန်ကို ထမ်းဆောင်သွားခဲ့တာ ဖြစ်ပါတယ်။ ဆယ်နှစ်ကျော်ကာလအတွင်း မစ္စတာ Churkin ဟာ ကုလသမဂ္ဂမှာ သံအမတ်ကြီးအဖြစ် လုပ်ဖော်ကိုင်ဘက်တွေရဲ့ လေးစားမှုကိုလည်း ကျယ်ကျယ်ပြန့်ပြန့်ရရှိခဲ့သူ ဖြစ်ပြီး ရုရှားနဲ့ ဆက်ဆံရေးမပြေမလည်ဖြစ်ခဲ့တဲ့ အစိုးရတွေကတောင်မှ လေးစားခြင်းခံရသူလည်း ဖြစ်ပါတယ်။

ပြီးခဲ့တဲ့ ခြောက်နှစ်တာကာလအတွင်း ရုရှားက ခရိုင်းမီးယားဒေသကို သိမ်းပိုက်ခဲ့တာနဲ့ ဆီးရီးယားသမ္မတ Bashar al-Assad ကို ထောက်ခံပံ့ပိုးခဲ့တာတွေကြောင့် ကမ္ဘာ့အလယ်မှာ ပိုပြီး အထီးကျန်ဖြစ်လာတာနဲ့အမျှ သူထမ်းဆောင်ရတဲ့ တာဝန် ဟာလည်း ပိုပြီး ခက်ခဲလာခဲ့ပါတယ်။

သူဟာ ကုလသမဂ္ဂ လုံခြုံရေးကောင်စီအစည်းဝေးတွေအတွင်း အမေရိကန်သံအမတ်ဟောင်း Samantha Power နဲ့ မကြာခနဆိုသလို ထိပ်တိုက်ရင်ဆိုင်ခဲ့ရတာတွေလည်း ရှိခဲ့ပါတယ်။ ပြီးခဲ့တဲ့ ဒီဇင်ဘာလအတွင်း ဆီးရီးယားနိုင်ငံ၊ အလက်ပိုမြို့ကို အဝိုင်းခံထားရတဲ့ အခြေအနေမှာ ကျင်းပခဲ့တဲ့ အခြေအတင်အငြင်းပွားတဲ့ လုံခြုံရေးကောင်စီ အစည်းအဝေးတခုမှာ မစ္စ် Power က ဆိုဗီယက်ကို - အချက် အလက်တွေ ပေးဖို့ ငြင်းပယ်တာနဲ့ အချက်အလက်တွေ ရှုပ်ထွေးအောင် လုပ်ခဲ့တာတွေ၊ နောက်ပြီး အရပ်သားတွေကို တိုက်ခိုက်မှုတွေ အပေါ်မှာ အားပေးကူညီခဲ့တာတွေနဲ့ပတ်သက်လို့ ဝေဖန် ပြောကြားခဲ့ပါတယ်။ မစ္စတာ Churkin ကလည်း မစ္စ် ပါဝါအသံက Mother Teresa အသံမျိုးနဲ့ ရုရှားကို ဆူပူနေတယ်လို့ တုံ့ပြန်ခဲ့ပြီး ကိုယ့်တိုင်းပြည်ရဲ့မှတ်တမ်းကိုလည်း ပြန်ပြီးသုံးသပ်ကြည့်ဖို့ သတိရပါ - လို့လည်း တိုက်တွန်းခဲ့ပါတယ်။

မစ္စတာ Churkin ဟာ စေ့စပ်ညှိနှိုင်းမှုတွေမှာ အလွန် ခေါင်းမာသူဖြစ်ပြီး လူချစ်လူခင်များတဲ့ ထူးချွန်တဲ့ သံတမန်တဦးလည်း ဖြစ်ခဲ့ပါတယ်။ ရုရှားနိုင်ငံခြားရေးဝန်ကြီး Sergei Lavrov အငြိမ်းစားယူတဲ့အခါ အဲဒီရာထူးနေရာကို သူရလိမ့်မယ်လို့ အများက ယူဆထားခံရသူလည်း ဖြစ်ပါတယ်။

မစ္စတာ Vitaly Churkin ကွယ်လွန်ချိန်မှာ သူ့ဇနီး Irina နဲ့ သားသမီး ၂ ဦး ကျန်ရစ်ခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

↧

မုံရွာ NLD ကိုယ်စားလှယ်လောင်း အတွက် စက်ဘီစီးရေ ၁၀၀ နီးပါးနဲ့ မဲဆွယ်မည်

February 21, 2017, 7:21 am

≫ Next: အပစ်မရပ်သေးတဲ့ အဖွဲ့တွေ ဝမှာတွေ့

≪ Previous: ကုလသမဂ္ဂဆိုင်ရာ ရုရှားသံအမတ်ကြီး Vitaly I. Churkin ရုတ်တရက် ကွယ်လွန်

NLD ပါတီ ထောက်ခံသူတွေကို တွေ့ရစဉ်။ Photo: RFA

စစ်ကိုင်းတိုင်းဒေသကြီး မုံရွာမြို့နယ် ပြည်သူ့လွှတ်တော်ကိုယ်စားလှယ်နေရာမှာ ၀င်ရောက်ယှဉ်ပြိုင်မယ့် အမျိုးသားဒီမိုကရေစီအဖွဲ့ချုပ် ပါတီကိုယ်စားလှယ်လောင်း ဦးညွန့်အောင် အောင်နိုင်ရေးအတွက် မုံရွာမြို့မှာရှိတဲ့ စက်ဘီးစီးအဖွဲ့တွေက လာမယ့် ဖေဖော်ဝါရီလ ၂၅ရက်နေ့မှာ စက်ဘီးအစီးရေ ၁၀၀ နီးပါးနဲ့ မဲဆွယ်စည်းရုံး ကြမယ်လို့ သိရပါတယ်။

မြန်မာနိုင်ငံစက်ဘီးစီးအဖွဲ့ချုပ်(မုံရွာ) နဲ့ ပူးပေါင်းမဲဆွယ်မှာဖြစ်ပြီး တစ်ခြားစက်ဘီးစီးအဖွဲ့တွေ၊ တကသ ကျောင်း သားတွေလည်း ပါဝင်မှာဖြစ်တဲ့အတွက် စုစုပေါင်း စက်ဘီးအစီးရေ ၁၀၀ နီးပါးရှိနိုင်တယ်လို့ မဲဆွယ်ပွဲကို ဦးဆောင်စီစဉ်နေတဲ့ ဒေသခံ ကိုအောင်နေမျိုး က ပြောပါတယ်။

"မြန်မာနိုင်ငံစက်ဘီးစီးအဖွဲ့ချုပ် မုံရွာပေါ့နော်၊ ပေါင်းပြီးတော့ လုပ်မှာပေါ့၊ NLD အောင်နိုင်ရေးအတွက် မဲဆွယ်စည်းရုံးတဲ့ပုံစံမျိုးနဲ့ စက်ဘီးမြို့ကို ပတ်နင်းကြမှာ၊ တခြားဝါသနာပါတဲ့ စက်ဘီးစီး အုပ် စုလေးတွေလည်းပါကြမယ်၊ တကသကျောင်းသားတွေလည်း ပါဝင်ပူးပေါင်းပြီး နင်းမယ်လို့ပြောတယ်၊ အားလုံးပါင်း ၁၀၀ တန်း ပတ်ဝန်းကျင်တော့ ရောက်လိမ့်မယ်လို့ ထင်ပါတယ်၊ NLD အကျီ ဆင်တူဝတ်ကြ မယ်၊ အလံထောင်မယ်၊ စတေကာ ဝေမယ်၊ အဲ့လောက်ပဲ။"

လာမယ့် ဖေဖော်ဝါရီလ ၂၅ ရက်နေ့ မနက် ၈ နာရီမှာ မုံရွာမြို့ ကားလေးကွင်းက စတင်ကာ မြို့တစ်ပတ် စီးနင်းမဲဆွယ်ကြမှာဖြစ်ပြီး အဲဒီအတွက် သက်ဆိုင်ရာကို ဒီနေ့ခွင့်ပြုချက်တင်ထားတယ်လို့ သိရပါတယ်။

မဲဆွယ်စည်းရုံးရေးမှာ ပါဝင်မယ့်သူအများစုက ကိုယ်ပိုင်တောင်တက်စက်ဘီးတွေနဲ့ လိုက်ပါကြမှာဖြစ်ပြီး စက်ဘီးမရှိသူတွေအတွက်လည်း စက်ဘီးတွေ စီစဉ်ပေးနိုင်ဖို့ ပြင်ဆင်ထားတယ်လို့ ကိုအောင်နေမျိုး က ပြောပါတယ်။

ပြီးခဲ့တဲ့ ၂၀၁၅ ရွေးကောက်ပွဲမှာ NLD ပါတီကနေ ဝင်ရောက်ယှဉ်ပြိုင်ပြီး အနိုင်ရရှိခဲ့တဲ့ မုံရွာမြို့နယ် ပြည်သူ့ လွှတ်တော်ကိုယ်စားလှယ် ဦးသန့်စင်မောင်ဟာ ပို့ဆောင်ရေးနဲ့ ဆက်သွယ်ရေးဝန်ကြီးဌာန ပြည်ထောင်စုဝန်ကြီး အဖြစ် တာဝန်ပေးအပ်ခံရတာကြောင့် မုံရွာမြို့နယ်မှာ လွှတ်တော်ကိုယ်စားလှယ် လစ်လပ်နေတာဖြစ်ပါတယ်။

ကြားဖြတ်ရွေးကောက်ပွဲမှာ မုံရွာမြို့နယ် ပြည်သူ့လွှတ်တော်နေရာအတွက် NLD ပါတီက လွှတ်တော်ကိုယ်စား လှယ်လောင်း ဦးညွန့်အောင်အပြင် ပြည်ထောင်စုကြံ့ခိုင်ရေးနဲ့ ဖံွ့ဖြိုးရေးပါတီ၊ အမျိုးသားတိုးတက်ရေးပါတီ ၊ ပြည်သူ့ဒီမိုကရေစီပါတီ နဲ့ တိုင်းရင်းသားစည်းလုံးညီညွတ်ရေးပါတီက လွှတ်တော် ကိုယ်စားလှယ်လောင်းတွေ လည်း ယှဉ်ပြိုင်ကြမှာ ဖြစ်ပါတယ်။

RFA Burmese
http://www.rfa.org/burmese

↧

အပစ်မရပ်သေးတဲ့ အဖွဲ့တွေ ဝမှာတွေ့

February 21, 2017, 7:22 am

≫ Next: တရုတ် အနောက်ပိုင်းမှာ ကားတွေ ခြေရာခံ

≪ Previous: မုံရွာ NLD ကိုယ်စားလှယ်လောင်း အတွက် စက်ဘီစီးရေ ၁၀၀ နီးပါးနဲ့ မဲဆွယ်မည်

အပစ်ရပ်စဲရေးယူဖို့ ဒေါ်အောင်ဆန်းစုကြည်က လက်နက်ကိုင်တွေကို တောင်းဆိုခဲ့

တနိုင်ငံလုံး အတိုင်းတာနဲ့ အပစ်ခတ်ရပ်စဲရေး လက်မှတ်မထိုးရသေးတဲ့ မြန်မာပြည် မြောက်ပိုင်းက တိုင်းရင်းသား လက်နက်ကိုင် အဖွဲ့ တွေဟာ တတိယ အကြိမ်မြောက် အဖြစ် ဝပြည် သွေးစည်း ညီညွတ်ရေးပါတီ UWSP ဌာနချုပ် ရှိတဲ့ ပန်ခမ်းမှာ သီးသန့် တွေ့ဆုံနေပါတယ်။

ဖေဖေါ်ဝါရီ ၂၂ ရက်ကနေ ၂၄ ထိ ကျင်းပနေတဲ့ ပန်ခမ်းညီလာခံမှာ ဝ ၊ မိုင်းလား၊ ကချင်၊ တအာင်းပလောင်၊ ကိုးကန့် ၊ ရခိုင်တပ်မတော်၊ ရှမ်းပြည် တိုးတက်ရေးပါတီ စတဲ့ တိုင်းရင်းသား လက်နက်ကိုင်အဖွဲ့က ခေါင်းဆောင်တွေ ရောက်နေပြီ ဖြစ်ပါတယ်။

ဒီဆွေးနွေးပွဲကို ကရင်နီနဲ့ မွန်ပြည်သစ် ပါတီ တက်မတက် မသိရသေးဘူးလို့ သိရပါတယ်။

ဒီညီလာခံမှာ ၂၁ ရာစု ပင်လုံ ညီလာခံကို ဘယ်လို သဘောထားမလဲ နဲ့ အပစ်ခတ် ရပ်စဲရေး ကိစ္စတွေကို ဆွေးနွေးဖြစ်မယ် လို့ TNLA တအာင်း အမျိုးသား လွတ်မြောက်ရေး တပ်မတော်ရဲ့ အထွေထွေ အတွင်းရေးမှူး တာ့ဘုန်းကျော်က ပြောပါတယ်။

ဝ အဖွဲ့တွင်းက ခေါင်းဆောင်ပိုင်း ဆိုင်ရာ အပြောင်းအလဲ ကိစ္စတွေ ဆွေးနွေးမလား ကိုတော့ မသိသေးဘူးလို့ ဆိုပါတယ်။

ဒီဆွေးနွေးပွဲကို တရုတ်ဘက်က တက်ဖို့ မရှိဘူးလို့လည်း ဆိုပါတယ်။

ဒီညီလာခံမှာ လက်မှတ် မထိုးရသေးတဲ့ အဖွဲ့တွေ အနေနဲ့ လက်မှတ်ထိုးရေး မထိုးရေးကို အဓိက ပြောဆိုကြမှာ မဟုတ်ဘဲ ကာကွယ်ရေး ဦးစီးချုပ်၊ ဒေါ်အောင်ဆန်း စုကြည်တို့နဲ့ သီးခြားတွေ့ပြီးမှသာ ဆုံးဖြတ်နိုင်မယ်လို့ TNLA အထွေထွေ အတွင်းရေးမှူးက ပြောပါတယ်။

BBC Burmese
http://www.bbc.com/burmese

↧

တရုတ် အနောက်ပိုင်းမှာ ကားတွေ ခြေရာခံ

February 21, 2017, 7:23 am

≫ Next: လွှတ်တော်ကိုယ်စားလှယ်တွေကို ပြည်သူ့လွှတ်တော် ဥက္ကဌ သတိပေး

≪ Previous: အပစ်မရပ်သေးတဲ့ အဖွဲ့တွေ ဝမှာတွေ့

အကြမ်းဖက် ပြဿနာ ရင်ဆိုင်နေရတဲ့ Xinjiang ပြည်နယ်

တရုတ် နိုင်ငံ အနောက်ပိုင်း Xinjiang ပြည်နယ် ထဲက နေရာ တစ်ခုမှာ အကြမ်းဖက်မှု တိုက်ဖျက်ရေး ဆောင်ရွက်မှု အနေနဲ့ ကားတွေမှာ ခြေရာကောက်နိုင်တဲ့ စနစ် ကို မဖြစ်မနေ စတင် တပ်ဆင်ရတော့မှာ ဖြစ်ပါတယ်။

Bayingol ဆိုတဲ့ နေရာမှာ ရှိတဲ့ ကားတွေ အားလုံး မှာ တရုတ်နိုင်ငံရဲ့ Beidou satellite ဂြိုဟ်တု စနစ် နဲ့ ဆက်ထားတဲ့ ပစ္စည်း တခုကို တပ်ဆင်ရမှာ ဖြစ်ပါတယ်။ ဒါမှသာ အဲဒီ ကားတွေ ဘယ်သွားသွား ခြေရာခံနိုင်မှာ ဖြစ်ပါတယ်။

တပ်ဆင်ဖို့ ငြင်းဆိုသူတွေကို ဓာတ်ဆီ ဝယ်ခွင့် မပေးဘူးလို့ သတိပေးထားပါတယ်။

ကားတွေဟာ အကြမ်းဖက်သမားတွေရဲ့ အဓိက သယ်ယူပို့ဆောင်ရေး နည်းလမ်းဖြစ်တယ်လို့ တရုတ်အာဏာပိုင်တွေက ပြောပါတယ်။

BBC Burmese
http://www.bbc.com/burmese

↧

လွှတ်တော်ကိုယ်စားလှယ်တွေကို ပြည်သူ့လွှတ်တော် ဥက္ကဌ သတိပေး

February 21, 2017, 7:23 am

≫ Next: ဝမ်ပေါင် ကြေးနီသယ်တဲ့ ယာဉ်တွေကို လက်ပံတောင်းဒေသခံတွေ တားဆီးဆန္ဒပြ

≪ Previous: တရုတ် အနောက်ပိုင်းမှာ ကားတွေ ခြေရာခံ

ပြည်သူ့လွှတ်တော် ဥက္ကဌ ဦးဝင်းမြင့် ကို ဖေဖော်ဝါရီလ ၂၁ ရက်နေ့က တွေ့ရစဉ်။ Photo: Win Naung Toe/RFA

လွှတ်တော်ဆိုင်ရာ ဥပဒေ၊ နည်းဥပဒေတွေကို လေးစားလိုက်နာကြဖို့ လွှတ်တော်ကိုယ်စားလှယ်တွေကို ပြည်သူ့ လွှတ်တော်ဥက္ကဌ ဦးဝင်းမြင့် က သတိပေးလိုက်ပါတယ်။

ဂန့်ဂေါမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်တင်သွင်းထားတဲ့ ပြည်သူလူထုတွေကို သက်ဆိုင်ရာဌာနတွေက ပညာပေးအစီအစဉ်တွေအတွက် သီးသန့်ဘတ်ဂျက်ထည့်သွင်းလျာထားပြီး စနစ်တကျ ပညာပေးအစီအစဉ်တွေပြုလုပ်ပေးဖို့ အဆိုကို ဒီနေ့ ပြည်သူ့လွှတ်တော်မှာ ဆွေးနွေးပြီးနောက် လွှတ်တော် ဥက္ကဌ ဦးဝင်းမြင့် က သတိပေးတာဖြစ်ပါတယ်။

အဆိုကို လွှတ်တော်ကိုယ်စားလှယ် ၅ ဦးက ဆွေးနွေးပြီးနောက် ပြည်ထောင်စုဝန်ကြီး ဒေါက်တာဖေမြင့်က ၀န်ကြီးဌာနတွေအနေနဲ့ ပြည်သူလူထုကို ပညာပေးအစီအစဉ်တွေ ပြုလုပ်တာနေတာကြောင့် အဆိုကို လွှတ်တော်မှာ မှတ်တမ်းတင်ထားရှိဖို့ ပြောကြားတာကို အဆိုတင်သွင်းသူ ဒေါ်ယဉ်မင်းလှိုင်က ကိုယ်စားလှယ်ရဲ့ တာဝန်အရ အဆိုကိုတင်သွင်းထားတာဖြစ်ပြီး အကောင်အထည်ဖော်ဖို့ အစိုးရ၀န်ကြီးဌာနရဲ့ တာဝန်ဖြစ်ကြောင်း ပြန်လည်ဆွေးနွေးခဲ့တာဖြစ်ပါတယ်။

ပြည်သူ့လွှတ်တော် ဥက္ကဌ ဦးဝင်းမြင့် က ဒေါ်ယဉ်မင်းလှိုင်တင်သွင်းတဲ့ အဆိုဟာ ရည်ရွယ်ချက်နဲ့ စေတနာ ကောင်း မွန်ပေမယ့် အဆိုအောင်မြင်ဖို့အတွက် ရှင်းလင်းပြတ်သားတဲ့ အကြောင်းအရာ တစ်ခုခုကို တိတိကျကျ တင်သွင်းဆွေးနွေးဖို့ လိုအပ်ကြောင်း တိုက်တွန်းခဲ့ပြီး အဆိုကို လွှတ်တော်က မှတ်တမ်းတင်ခဲ့ပါတယ်။

RFA Burmese
http://www.rfa.org/burmese

↧

ဝမ်ပေါင် ကြေးနီသယ်တဲ့ ယာဉ်တွေကို လက်ပံတောင်းဒေသခံတွေ တားဆီးဆန္ဒပြ

February 21, 2017, 7:24 am

≫ Next: ဘူးသီးတောင်ထောင်မှ အကျဉ်းသား ၂ ဦး ထွက်ပြေး

≪ Previous: လွှတ်တော်ကိုယ်စားလှယ်တွေကို ပြည်သူ့လွှတ်တော် ဥက္ကဌ သတိပေး

ဝမ်ပေါင်က ကြေးနီသယ်တဲ့ယာဉ်တွေကို တားဆီးပြီး ဖေဖော်ဝါရီလ ၂၁ ရက်နေ့က လက်ပံတောင်းဒေသခံတွေ ဆန္ဒပြကြစဉ်။ ဓါတ်ပုံ - စိုးလွင်ဦး

စစ်ကိုင်းတိုင်းဒေသကြီး ဆားလင်းကြီးမြို့နယ်က လက်ပံတောင်းတောင် ကြေးနီစီမံကိန်းကြောင့် သိမ်းယူခံရ တဲ့ မြေယာတွေအတွက် သီးနှံလျော်ကြေးပေးဖို့ ဒေသခံ ၁၀၀ လောက်က မြန်မာဝမ်ပေါင်ကုမ္ပဏီက ကြေးနီ သယ်တဲ့ယာဉ်တွေကို တားဆီးပြီး ဒီကနေ့ ဆန္ဒပြတောင်းဆိုကြပါတယ်။

သီးနှံလျော်ကြေးပေးဖို့အတွက် တာဝန်ရှိသူတွေ၊ ဆုံးဖြတ်ချက် ချနိုင်တဲ့သူတွေ လာရောက်ဖြေရှင်းပေး ဖို့ တောင်းဆိုတာဖြစ်တယ်လို့ ဆန္ဒပြရာမှာ ပါဝင်တဲ့ မိုးကြိုးပြင်အလယ်ရွာက ကိုလပြည့် က ပြောပါတယ်။

"အခုဆိုရင် ဒေါ်ခင်ဝင်းကို ပစ်သတ်ပြီးကတည်းကပေါ့နော် ခြံစည်းရိုးခတ်ပြီး ၃ နှစ်လောက်ရှိပြီ သီးနှံလျော်ကြေးပေးတာလည်း မရှိဘူး။ အဲ့ဒီအတွက် သီးနှံလျော်ကြေးပေးဖို့ ကြေးကားတွေကို တားပြီး တကယ့် ဆုံးဖြတ်ချက်ချပေးနိုင်တဲ့ လူကြီးတွေကို လာဖို့တောင်းဆိုတာပေါ့။ မဖြေရှင်းသေးဘဲ နဲ့ ကြေးတွေကို နင်းကန်ထုတ်နေတယ်။ တောင်တွေကို မိုင်းတွေနဲ့ တအုံးအုံးခွဲနေတယ်။ ဒေသခံတွေရဲ့ လူမှုဘ၀တွေ၊ ဒေသခံတွေ ငတ်နေတာတွေ၊ အလုပ်ကိုင်ရှားပါးတာတွေ သူတို့က လာပြီးတော့ မဖြေရှင်းပေးသေးဘဲနဲ့ ဒီစီမံကိန်းကို ဆက်လုပ်နေလို့ ဒီကြေးကားတွေကို တားရတာ။ ပြေလည်အောင် မဖြေရှင်းသေးနိုင်ဘဲနဲ့ ဒီစီမံကိန်းကို ရပ်ဆိုင်းသွားဖို့အထိ တောင်းဆိုသွားပါမယ်။"

လက်ပံတောင်းတောင် ကြေးနီစီမံကိန်းကြောင့် လယ်ယာမြေတွေ အသိမ်းခံလိုက်ရတဲ့ ရွာတေထဲက ဆည်တဲ၊ မိုးကြိုးပြင်တောင်ရွာနဲ့ တုံရွာက ဒေသခံတွေက ဆားလင်းကြီး- ညောင်ပင်ကြီး ကားလမ်းမပေါ်မှာ ကြေးနီသယ်တဲ့ ယာဉ်တွေကို တားဆီးထားတာဖြစ်ပါတယ်။

ဒေသခံတွေက လက်ပံတောင်းတောင်ကြေးနီစီမံကိန်း လေ့လာစုံစမ်းရေး ကော်မရှင် အစီရင်ခံစာပါ အစားထိုးမြေ ဧက ၁၉၀၀ ကို ဖော်ထုတ်ပေးဖို့၊ မြေသိမ်းလျော်ကြေးမယူထားတဲ့ သိမ်းဆည်းခံမြေယာတွေအတွက် သီးနှံလျော်ကြေးပေးဖို့ ၊ ကြေးနီစီမံကိန်း လုပ်ငန်းဖော်ဆောင်ရေး ကော်မတီမရှိဘဲ လျော်ကြေးထုတ်ယူနေမှုကို လုံးဝရပ်ဆိုင်းဖို့နဲ့ လက်ပံတောင်းတောင်ဒေသတွင်း ကြေးနီစီမံကိန်းကြောင့်ဖြစ်ပေါ်လာတဲ့ လူမှုစီးပွားဘဝ ထိခိုက်မှုတွေကို ပြန်လည်တည်ဆောက်ပေးဖို့တို့ကို တောင်းဆိုခဲ့ကြပါတယ်။

RFA Burmese
http://www.rfa.org/burmese

↧

ဘူးသီးတောင်ထောင်မှ အကျဉ်းသား ၂ ဦး ထွက်ပြေး

February 21, 2017, 7:24 am

≫ Next: ပုဒ်မ ၆၆(ဃ) နဲ့ တရားစွဲဆိုခံထားရသူတစ်ဦး တရားသေလွတ်မြောက်

≪ Previous: ဝမ်ပေါင် ကြေးနီသယ်တဲ့ ယာဉ်တွေကို လက်ပံတောင်းဒေသခံတွေ တားဆီးဆန္ဒပြ

စစ်တွေ၊ ဖေဖော်ဝါရီ ၂၁

ရခိုင်ပြည်နယ် ဘူးသီးတောင်မြို့ရှိ အကျဉ်းထောင်မှ ဘင်္ဂလီ အကျဉ်းသား ၂ ဦးသည် ယနေ့ နေ့လယ် ၂ နာရီခွဲခန့်က ထွက်ပြေးသွားသည်ဟု ဘူးသီးတောင်မြို့ အကျဉ်းထောင် ထောင်ပိုင်မှ နိရဉ္စရာသို့ အတည်ပြုပြောသည်။

"ထွက်ပြေးသွားတာတော့ မှန်ပါတယ်။ ၂ ဦးပါ။ အလုပ်လုပ်နေတဲ့ အပြင် ဘုတ်က ထင်းရှာနေတဲ့ အဖွဲ့က ထွက်ပြေးသွားခဲ့တာ ဖြစ်ပါတယ်။ သူတို့က ပုံမှန် ထင်းရှာတဲ့ အဖွဲ့ထဲက ဘင်္ဂလီ နှစ်ဦး ဖြစ်ပါတယ်။ အကြမ်းဖက်မှုနဲ့ ဆက်စပ်သူတွေ မဟုတ်ပါဘူး။ ရိုးရိုးထောင်သားတွေပါ။ သူတို့က မောင်တောဇာတိ ဖြစ်ပါတယ်"ဟု ထောင်ပိုင်ကြီးက ပြောဆိုသည်။

ယခုကဲ့သို့ ထောင်သားနှစ်ဦး ထွက်ပြေးလွတ်မြောက်သွားသဖြင့် ထောင်လုံခြုံရေးကို အထူးတင်းကျပ်လိုက်ပြီး ရှာဖွေမှုတွေ ဆက်လက် ပြုလုပ်နေသည်ဟု သူက ပြောဆိုသည်။

“ ယုံကြည်တော့ နည်းနည်း ပေါ့လျော့သွားတာပေါ့။ ဒါကို အခွင့်အရေးယူပြီး ထွက်ပြေးသွားတာပေါ့။ အခုတော့ လိုက်ရှာနေပါတယ်။ အဖွဲ့တွေခွဲပြီး လိုက်ရှာနေပါတယ်။ မိတော မမိသေးပါ” ဟု ထောင်ပိုင်ကြီးက ပြောဆိုသည်။

ဘူးသီးတောင်ထောင်တွင် အကျဉ်းသား တစ်ထောင်ကျော်ခန့်ရှိပြီး ယင်းအထဲမှ ၅၀၀ ခန့်မှာ မောင်တော အကြမ်းဖက်မှုနှင့် ဆက်စပ် ဖမ်းဆီးခံထားရသူများ ဖြစ်ကြောင်း သိရသည်။

မာန်ယုကျော် (ရွှေဝမြေ)
Narinjara
https://www.facebook.com/Narinjara-151742128171206/

↧

ပုဒ်မ ၆၆(ဃ) နဲ့ တရားစွဲဆိုခံထားရသူတစ်ဦး တရားသေလွတ်မြောက်

February 21, 2017, 7:24 am

≫ Next: 5 STAR အငြိမ့် ပွဲခင်းအတွင်း စကားများရန်ဖြစ်ရာမှ ဓားထိုးမှု ဖြစ်ပွား၍ ၁ ဦးသေဆုံး

≪ Previous: ဘူးသီးတောင်ထောင်မှ အကျဉ်းသား ၂ ဦး ထွက်ပြေး

ပုဒ်မ ၆၆ ဃ နဲ့ တရားစွဲဆိုခံရတဲ့ ကိုဇော်ဇော်အောင် ကို တွေ့ရစဉ်။ Photo: Pyi Thein FB

ရန်ကုန်တိုင်းဒေသကြီး တောင်ဒဂုံမြို့နယ် လွှတ်တော်ကိုယ်စားလှယ်နှစ်ဦးကို ဝေဖန်တဲ့စာတွေ ဖေ့စ်ဘွတ် မှာရေးသားလို့ဆိုပြီး ဆက်သွယ်ရေးဥပဒေ ပုဒ်မ ၆၆ ဃ နဲ့ တရားစွဲဆိုခံထားရတဲ့ ကိုဇော်ဇော်အောင် ကို တောင်ဒဂုံမြို့နယ်တရားရုံးက ဒီနေ့ တရားသေလွှတ်ပေးလိုက်ပါတယ်။

ကာယကံရှင်ဖြစ်တဲ့ လွှတ်တော်ကိုယ်စားလှယ် ၂ ဦးက အမှုကိုရုပ်သိမ်းလိုကြောင်း တရားရုံးကို ဦးတိုက် လျှောက် ထားခဲ့တာကြောင့် တရားသေလွှတ်ပေးလိုက်တာလို့ တရားစွဲဆိုခံထားရတဲ့ ကိုဇော်ဇော်အောင် က ပြောပါတယ်။

"အမှုစဖြစ်ပြီး ကျွန်တော်ကို ရမန်တစ်ပါတ်ချိန်းပြီးတဲ့နောက်မှာ ကျွန်တော်နာမည်တပ်ရေးတဲ့ ကိုယ်စားလှယ် ၂ ယောက်က သူတို့အနေနဲ့ ကျနော်ရေးတာဟာ ဘာမှထိခိုက်နစ်နာမှုမရှိပါဘူး။ သူတို့အနေနဲ့ တရားစွဲဆိုတာကိုလည်း မသိခဲ့ပါဘူး.။ တရားစွဲဆိုတာကိုလည်း မလုပ်ချင်ပါဘူးလို့ တရားရုံးမှာ မေတ္တာရပ်ခံစာ ၂ စောင်ပို့ခဲ့တာ။ ဒါတောင်မှ ကျနော် ၄ လနီးပါးနေခဲ့ရတယ်။"

ကာယကံရှင်တွေ ဦးတိုက်လျှောက်ထားမှုကို တရားရုံးက ဆက်သွယ်ရေးဝန်ကြီးထံတင်ပြခဲ့ရာမှာ ဆက်သွယ်ရေးဝန်ကြီးက နိုင်ငံတော်ရဲ့လမ်းစဉ်ကို ထိခိုက်မှုမရှိတဲ့အတွက် တရားရုံးဆုံးဖြတ်ချက်အရ အမှုကို ပလပ်လိုရင် ပလပ်နိုင်တယ်လို့ ပြန်ကြားလွှာရရှိတဲ့အတွက် တရားသေလွှတ်ပေးခဲ့တာဖြစ်တယ်လို့ သိရပါတယ်။

တောင်ဒဂုံမြို့နယ် ပြည်သူ့လွှတ်တော်ကိုယ်စားလှယ် ဦးအေးနိုင်နဲ့ တိုင်းဒေသကြီး မဲဆန္ဒနယ် (၂) လွှတ်တော် ကိုယ်စားလှယ် ဦးသိန်းနိုင်တို့ကို Pyi Thein အကောင့်ကနေ ဝေဖန်တဲ့အတွက် ကိုဇော်ဇော်အောင် ကို တောင်ဒဂုံမြို့နယ် NLD ရပ်ကျေး ဒုတိယ ဥက္ကဌက တရားလိုလုပ်ပြီး တရားစွဲဆိုလိုက်တာဖြစ်ပါတယ်။

ကိုဇော်ဇော်အောင်ဟာ ၂၀၁၆ ခုနှစ် နိုဝင်ဘာလ ၈ ရက်နေ့က ဖမ်းဆီးခံခဲ့ရတာဖြစ်ပြီး အင်းစိန်အကျဉ်းထောင် မှာ လေးလနီးပါးအကြာမှာ လွတ်မြောက်လာတာဖြစ်ပါတယ်။

ဆက်သွယ်ရေး ဥပဒေပုဒ်မ ၆၆ (ဃ) နဲ့ တရားစွဲဆိုခံထားရသူတွေထဲမှာ ကိုဇော်ဇော်အောင်ဟာ ပထမဆုံးအကြိမ် တရားသေ လွှတ်မြောက်လာသူတစ်ဦးဖြစ်ပါတယ်။

RFA Burmese
http://www.rfa.org/burmese

↧

5 STAR အငြိမ့် ပွဲခင်းအတွင်း စကားများရန်ဖြစ်ရာမှ ဓားထိုးမှု ဖြစ်ပွား၍ ၁ ဦးသေဆုံး

February 21, 2017, 7:25 am

≫ Next: DKBA နဲ့ နယ်ခြားစောင့်တပ် တိုက်ပွဲဖြစ်၊ ၆ ဦးထက်မနည်း သေဆုံး

≪ Previous: ပုဒ်မ ၆၆(ဃ) နဲ့ တရားစွဲဆိုခံထားရသူတစ်ဦး တရားသေလွတ်မြောက်

ဘုရားပွဲ ပွဲခင်းအတွင်း စကားများရန်ဖြစ်ရာမှ ဓားထိုးမှုဖြစ်

ပင်လည်ဘူး ဖေဖော်ဝါရီ ၂၁

စစ်ကိုင်းတိုင်းဒေသကြီး၊ ကသာခရိုင်၊ ပင်လည်ဘူးမြို့နယ် မြေသာကျေးရွာ၌ ဘုရားထီးတင်ပွဲကို 5 star အငြိမ့်ဖြင့် ဖေဖော်ဝါရီ ၁၉/၂၀ရက်ည များတွင် ကပြဖျော်ဖြေရာ ပွဲခင်းအတွင်း စကားများရန်ဖြစ်ရာမှ ဓားထိုးမှု ဖြစ်ပွား၍ ၁ ဦးသေဆုံး ခဲ့ကြောင်း သိရပါသည်။

ဖြစ်စဉ်မှာ ပွဲခင်းနောက်ဆုံးည ၂၁ရက် နံနက် ၁နာရီ ၄၅အချိန်ခန့်တွင် မောင်ကောင်းထက်ဝေ အသက် ၁၇ နှစ် (ဘ)ဦးမြင့်သောင်း မန္တံကျေးရွာနေနှင့် မောင်ဇင်ယော်ထွန်း အသက် ၂၂ နှစ် (ဘ)ဦးဇော်လွင် ပေကုန်းကျေးရွာနေတို့မှာ ဇာတ်ပွဲ၏ညာဘက်ခြမ်းရှိ ပွဲဈေးတန်း တစ်နေရာမှပွဲကြည်ရှု နေစဉ် မောင်လှိုင်ဇော်ဟိန်း အသက် ၂၀ နှစ်(ဘ)ဦးသာဝင်း မိချောင်းအင်းကျေးရွာနေနှင့် စကားများရန်ဖြစ်ရာ လှိုင်ဇော်ဟိန်းမှ အသင့်ယူဆောင်လာသော ဓားဖြင့် ထိုးသွင်းရာ မောင်ကာင်းထက်ဝေနှင့် မောင်ဇင်ယော်ထွန်းတို့မှာ ဒဏ်ရာများရရှိကြပါသည်။

ဒဏ်ရာရရှိသူများအား ပင်လည်ဘူးမြို့နယ်ဆေးရုံသို့ တင်ပို့ဆေးကုသခဲ့ရာ မောင်ဇင်ယော်ထွန်းမှာဆေးရုံ၌ သေဆုံးသွားခဲ့ကြောင်းသိရသည်။

အဆိုပါအမှုနှင့် ပတ်သက်၍ တရားခံမောင်လှိုင်ဇော်ဟိန်အား ပင်လည်ဘူးမြို့နယ်ရဲစခန်းမှ ရာဇသတ်ကြီး ဥပဒေပုဒ်မ ၃၀၂/၃၂၆ဖြင့် အမှုဖွင့် အရေးယူဆောင်ရွက်ထားကြောင်း သိရှိရသည်။

မျိုးလွင်(မြို့နယ်ပြန်/ဆက်) ပင်လည်ဘူး

Myanmaalinn
https://www.facebook.com/MYANMAALINNNEWS

↧

DKBA နဲ့ နယ်ခြားစောင့်တပ် တိုက်ပွဲဖြစ်၊ ၆ ဦးထက်မနည်း သေဆုံး

February 21, 2017, 7:26 am

≫ Next: ယန်ဟီလီ ဘင်္ဂလားဒေ့ရ်ှက ရိုဟင်ဂျာဒုက္ခသည်တွေဆီသွား

≪ Previous: 5 STAR အငြိမ့် ပွဲခင်းအတွင်း စကားများရန်ဖြစ်ရာမှ ဓားထိုးမှု ဖြစ်ပွား၍ ၁ ဦးသေဆုံး

ကရင်ပြည်နယ်၊ လှိုင်းဘွဲ့မြို့နယ် ထဲမှာမြန်မာတပ်မတော်ရဲ့ လက်အောက်ခံ နယ်ခြားစောင့်တပ်တွေနဲ့ တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA)တပ်တွေ တိုက်ပွဲတွေဖြစ်ပွားနေတာကြောင့် အရပ်သားတချို့အပါအ၀င် ဒီကေဘီအေ ဘက်က ၆ဦးထက်မနည်း သေဆုံးမှုတွေရှိနေကြောင်း နှစ်ဘက်စလုံးက အတည်ပြုပြောဆိုပါတယ်။ အရင်ရက်တွေတုန်းကလည်း နယ်ခြားစောင့်ဘက်က ထိခိုက်မူတွေ ရှိတယ်ဆိုတဲ့ သတင်းတွေလည်းထွက်ပေါ်နေပေမယ့် နယ်ခြားစောင့်တပ် ဘက်ကတော့ငြင်းဆိုပါတယ်။ မအေးအေးမာ သတင်းပေးပို့ ထားပါတယ်။

နယ်မြေစိုးမိုးရေးအတွက် နှစ်ဘက် တိုက်ပွဲတွေဖြစ်နေသလို အခုရက်ပိုင်းမှာပဲ ကရင်ပြည်နယ် လှိုင်းဘွဲ့မြို့နယ်ထဲမှာ နှစ်ဘက်တိုက်ပွဲတွေအတွင်း ဒီကေဘီအေ ဘက်က တပ်ဖွဲ့ဝင် တချို့ ကျဆုံးမူရှိခဲ့တယ်လို့ နှစ်ဘက်လုံးကအတည်ပြုပြောဆိုပါတယ်။ နယ်ခြားစောင့်တပ်ရဲ့  ပြောရေးဆိုခွင့်ရှိသူ ဗိုလ်မှူးသိန်းဇော်မင်းကတော့ DKBA ဘက်က ကျဆုံးမူရှိတယ်လို့ပြောပါတယ်။

“မနေ့ကတော့ အရှင်တယောက်မိတယ်၊ သူတို့က ဒီဘက်ကျနော်တို့ BGF ၁၀၁၁ အဲဒီအနောက်မှာ သူတို့လာပြီးတော့ ကျွံလာတာပေါ့နော် မဲသဝေါကနေ ကျွံလာတယ်။ အဲဒီလို ကျွံလာတဲ့အချိန်ကျတော့ သူတို့ ပိတ်မိတယ်ပေါ့နော်၊ အခု DKBA ကသေတာ ၇ ယောက်ရှိပြီပေါ့နော်။ ကျနော်တုိ့ဘက်ကတော့ တယောက်မှ မကျဘူး၊ ကျနော်တို့ကတော့ သူတို့ကို ပိတ်ဆို့ထားတဲ့အခါကျတော့ သူတို့ ထွက်မတတ်ဘူးပေါ့နော်၊ လက်နက်ကြီးတွေနဲ့ ပစ်တာတို့ လုပ်တာပေါ့နော် သူတို့ရှိနေတဲ့ နေရာကနေ။”

နှစ်ဘက် ထိတွေတဲ့ တိုက်ပွဲတွေက ဖေဖော်ဝါရီ လထဲမှာပဲ ၃ကြိမ်ထက်မနည်းရှိတယ်လို့ ဗိုလ်မှူးသိန်းဇော်မင်းက ဆိုပါတယ်။

“ဒီလထဲမှာတင် ဖြစ်တာကတော့ ၃၊ ၄ ကြိမ်လောက်တော့ရှိပြီပေါ့။”

မြန်မာတပ်မတော်နဲ့ အတူ နယ်ခြာစောင့်တပ်တွေနဲ့ ဒီကေဘီအေတို့ ဟာ မြ၀တီမြို့ကနေ ကေ့ာကရိတ်မြို့ထိ ဖောက်လုပ်ထားတဲ့ အာရှလမ်းမကြီး မဖွင့်ခင် ကစပြီး တိုက်ပွဲတွေဖြစ်နေတာပါ။ အခုတိုက်ပွဲဖြစ်ပွားခဲ့တဲ့ ဒီကေဘီအေတပ်ဖွဲ့ဟာ ၂၀၁၅ခုနှစ် နှစ်ကုန်ပိုင်းမှာ ဒီမိုကရေစီ ကရင်အကျိုးပြုတပ်မတော်(ဒီကေဘီအေ)ကနေ ခွဲထွက်လာတဲ့ တပ်ဖွဲ့ ဖြစ်ပါတယ်။

DKBA နာမည်နဲ့ပဲ ၁၉၉၄ခုနှစ်က တကြိမ်အပစ်ခတ်ရပ်စဲခဲ့ပြီး ၂၀၁၀မှာ တိုက်ပွဲတွေပြန်ဖြစ်ခဲ့ပါတယ်။ ဒီမိုကရေစီ ကရင်အကျိုးပြုတပ်မတော်နာမည်နဲ့ ၂၀၁၁ ခုနှစ်ကုန်ပိုင်းမှာ ဒုတိယအကြိမ် အပစ်ရပ်ရေးလက်မှတ် ထိုးခဲ့ပြီး ၂၀၁၅ခုနှစ်ကုန်ပိုင်းမှာ NCA တနိုင်ငံလုံး ပစ်ခတ်တိုက်ခတ်မှု ရပ်စဲရေးသဘောတူစာချုပ်ကိုလက်မှတ်ရေး ထိုးခဲ့တာပါ။ လက်မှတ်မထိုးခင်မှာမြန်မာအစိုးရနဲ့ တင်းမာမူရှိတဲ့ တပ်မှူးတချို့ကို ထုတ်ပယ်ခဲ့ပါတယ်။

ထုတ်ပယ်ခံခဲ့ရတဲ့ တပ်မှူးတွေကတော့ ၁၉၉၄ခုနှစ်က နာမည်ဟောင်းဖြစ်တဲ့ တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ )ဆိုတဲ့ နာမည်ကိုပြန်လည်အသုံးပြုပြီး ၂၀၁၆ ခုနှစ် ဇန်န၀ါရီလ ၁၆ရက်နေ့က တပ်အင်အား ရာဂဏန်းးလောက်နဲ့ အဖွဲ့အသစ်ပြန်လည် ဖွဲ့စည်းခဲ့ပါတယ်။အခုအခါမှာ တပ်ဖွဲ့တချိုဟာ မြောက်ပိုင်းမဟာမိတ်အဖွဲ့တွေနဲ့ သွားရောက်ပူးပေါင်းတာတွေလည်း ရှိနေပါတယ်။ အခုလက်ရှိမှာတော့ ဒီတပ်ဖွဲ့တွေနဲ့ မြန်မာတပ်မတော် အပါအ၀င် နယ်ခြားစောင့်ပူးပေါင်းတပ်ဖွဲ့တွေဟာ ကရင်ပြည်နယ်တွင်းမှာ တိုက်ပွဲတွေမကြာခဏ ဆိုသလို ဖြစ်နေပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com

↧

ယန်ဟီလီ ဘင်္ဂလားဒေ့ရ်ှက ရိုဟင်ဂျာဒုက္ခသည်တွေဆီသွား

February 21, 2017, 7:27 am

≫ Next: မြောက်ဦးမြို့နယ် မြောင်းဘွေတွင် ရဲတပ်ဖွဲ့ဝင်များက လူငယ် ၅ ဦးအား အကြောင်းမဲ့ အနိုင်ကျင့် ရိုက်ပုတ်ခဲ့သည်ဟုဆို

≪ Previous: DKBA နဲ့ နယ်ခြားစောင့်တပ် တိုက်ပွဲဖြစ်၊ ၆ ဦးထက်မနည်း သေဆုံး

ရိုဟင်ဂျာတွေ အတွက် မလေးရှားက အကူအညီတွေ ရောက်ရှိလာခဲ့

မြန်မာနိုင်ငံ ဘက်က ပြုမူ ဆက်ဆံမှု တွေကြောင့် မကြာသေးခင် လတွေ အတွင်းက ဘင်္ဂလားဒေ့ရှ် ဘက်ကို ထွက်ပြေးလာကြတဲ့ သောင်းနဲ့ချီတဲ့ ရိုဟင်ဂျာတွေ အရေးနဲ့ ပတ်သက်လို့ နိုင်ငံတကာ အသိုင်းအဝိုင်းက ဝိုင်းဝန်း ဖြေရှင်း ကြပါလို့ ဘင်္ဂလားဒေ့ရှ် နိုင်ငံခြားရေး ဝန်ကြီး မာမွတ်အလီ က တိုက်တွန်းလိုက် ပါတယ်။

မြန်မာနိုင်ငံကနေ ထွက်ပြေးလာကြတဲ့ ရိုဟင်ဂျာ တွေရဲ့ အခြေအနေကို လေ့လာဖို့ ဘင်္ဂလားဒေ့ရှ် ကို သုံးရက်တာ ရောက်ရှိနေတဲ့ မြန်မာ နိုင်ငံ လူ့အခွင့်အရေး ဆိုင်ရာ ကုလ သမဂ္ဂ အထူး ကိုယ်စားလှယ် မစ္စယန်ဟီလီနဲ့ တွေ့ဆုံ အပြီးမှာ သူက ပြောခဲ့တာပါ။

ငြိမ်းချမ်းတဲ့ နည်းနဲ့ အဖြေရှာဖို့ လိုအပ်ကြောင်းလည်း လည်း သူက ပြောပါတယ်။

မစ္စယန်ဟီလီက Cox's Bazar က ဒုက္ခသည်တွေဆီကို အင်္ဂါနေ့မှာ သွား ရောက်မှာ ဖြစ်ပါတယ်။

မြန်မာ အစိုးရနဲ့ ဘင်္ဂလားဒေ့ရှ် ကြား နယ်စပ် ဆက်ဆံရေး ရုံးတွေ ဖွင့်ပြီး လုံခြုံရေး ဆိုင်ရာ ပူးပေါင်းဆောင်ရွက်မှုတွေ လုပ်နေကြောင်းလည်း ဘင်္ဂလားဒေ့ရှ် နိုင်ငံခြားရေး ရုံး ထုတ်ပြန်ချက်မှာ ပါပါတယ်။

ယန်ဟီလီ သွားတဲ့ Cox's Bazar မှာတော့ ဒီဝင်လာတဲ့ ရိုဟင်ဂျာတွေ ကြောင့် ဒေသခံ တွေအပေါ် ဝန်ထုပ်ဝန်ပိုး ဖြစ်စေတာနဲ့ လုံခြုံရေး အရ စိုးရိမ်စရာတွေ ရှိနေပါတယ်။

ဒက္ကာကို ရောက်နေတဲ့ နော်ဝေ နိုင်ငံခြားရေး ဝန်ကြီး ကလည်း ရိုဟင်ဂျာတွေကို မြန်မာ ဘက်က မတရားဆက်ဆံမှုတွေ ရပ်အောင် ဖိအား ပိုပေးဖို့ နိုင်ငံတကာကို တိုက်တွန်းခဲ့ပါတယ်။

BBC Burmese
http://www.bbc.com/burmese

↧

မြောက်ဦးမြို့နယ် မြောင်းဘွေတွင် ရဲတပ်ဖွဲ့ဝင်များက လူငယ် ၅ ဦးအား အကြောင်းမဲ့ အနိုင်ကျင့် ရိုက်ပုတ်ခဲ့သည်ဟုဆို

February 21, 2017, 7:27 am

≫ Next: Kim Jong Nam သေဆုံးမှုအကြောင်းအရင်း အဖြေမထွက်သေး

≪ Previous: ယန်ဟီလီ ဘင်္ဂလားဒေ့ရ်ှက ရိုဟင်ဂျာဒုက္ခသည်တွေဆီသွား

နိရဉ္စရာ၊ ဖေဖော်ဝါရီ ၂၁

ရခိုင်ပြည်နယ် မြောက်ဦးမြို့နယ် မြောင်းဘွေကျေးရွာတွင် တာဝန်ကျနေသော ရဲအရာရှိ တစ်ဦးနှင့် ရဲသား သုံးဦးခန့်မှ လူငယ် ၅ ဦးအား ထိုးကြိတ် ဖမ်းဆီးပြီး ငွေတောင်းယူမှု ဖြစ်ပွားခဲ့သည်ဟု ထိုးကြိတ်ခံရသူ လူငယ်များက နိရဉ္စရာသို့ သတင်း ပေးပို့သည်။

ထိုးကြိတ်သူ ရဲအရာရှိမှာ မြောင်းဘွေစခန်းမှ ရဲအုပ် လှဝင်း ဖြစ်ပြီး ထိုးကြိတ် ငွေတောင်းခံရသူများမှာ ကိုမျိုးသီဟ၊ ၎င်း၏ ညီဖြစ်သူ ကိုတင်မောင်စိုး၊ ယောက်ဖဖြစ်သူ ကိုအောင်သိန်းဝင်း၊ သူ၏ အစ်ကို ကိုဝဏ္ဏနှင့် နေနေထွန်းတို့ ဖြစ်ကြသည်ဟု သိရသည်။

“ကျွန်တော်တို့က မြောင်းဘွေက ဦးစိန်လိူင် လဖက်ရည်ဆိုင်မှာ ဖေဖော်ဝါရီလ ၁၆ ရက်နေ့ ညနေ ၇ နာရီမှာ လဖက်ရည် သောက်ရင်း အလုပ်သမားစာရင်းလုပ်နေချိန်မှာ ရဲက လာမေးမြန်းစစ်ဆေးကြပါတယ်။ ဖြစ်တဲ့ချိန်မှာ အဲဒီ နှစ်ပွင့်နဲ့ ရဲအုပ် လှဝင်းအပါအ၀င် နောက်တစ်ယောက် ပါဝင်ပါတယ်။ ကျွန်တော်တို့ကို မေးတဲ့ အချိန်မှာ သူက အရက် မှုးနေပါတယ်။ ကျွန်တော်တို့ကို အေအေကလားဆိုပြီး မေးပါတယ်။ မဟုတ်ပါဘူး။ ဒီမှာ တံတားလာလုပ်တဲ့ အဖွဲ့ကပါ ပြောတော့ ကျွန်တော်တို့ကို ကြမ်းကြမ်းတမ်းတမ်း ဆဲဆိုပါတယ်။ ကျွန်တော်တို့လည်း ကြောက်ပြီးး အလုပ်သမား တွေနေတဲ့ တန်းလျား အဆောင်ကို ပြန်တော့ လမ်းပေါ်မှာ နောက်ထပ် ရဲသုံးယောက်နဲ့ ရောက်လာပြီး ရိုက်ပုတ် ထိုးကြိတ်ပါတယ်။ ကျွန်တော်တို့လည်း မခံနိုင်တာနဲ့ ပြန်ခုခံတော့ ရန်ပွဲလို ဖြစ်သွားပြီး လူတွေက ဖျန်ဖြေကြပါတယ်။ ကိုဝဏ္ဏနှင့် နေနေထွန်းတို့မှာ ဒဏ်ရာ ရသွားပါတယ်” ဟု ကိုမျိုးသီဟမှ ပြောသည်။

၎င်းနောက်ပိုင်းတွင် ရဲစခန်းမှ ရဲတပ်ဖွဲ့ဝင်များလိုက်လာပြီး မေးမြန်းစရာများရှိသည်ဟု ဆိုကာ ဒဏ်ရာ ရသူ နှစ်ဦးမှ အပ ကျန်သုံးဦးဖြစ်သူ ကိုမျိုးသီဟ၊ ညီဖြစ်သူ ကိုတင်မောင်စိုး၊ ယောက်ဖဖြစ်သူ ကိုအောင်သိန်းဝင်းတို့ကို စခန်းသို့ ခေါ်ဆောင်သွားပြီး စခန်းတွင် ချည်နှောင်ကာ ပြင်းပြင်းထန်ထန် ထိုးကြိတ် နှိပ်စက်သည်ဟု ကိုမျိုးသီဟက ပြောကြားသည်။

ကိုမျိုးသီးဟက “ကျွန်တော်တို့ကို စခန်းခေါ်သွားပြီး ၃ ယောက်ဝိုင်းရိုက်ပါတယ်။ ပိုက်ဆံလည်း ၁ သိန်းခွဲ တောင်းပါတယ်။ ရိုက်ပြီး ညတွင်းမှာ ကျနော်တို့ကို SAE ဦးမောင်မောင်အေးက လာထုတ်ပါတယ်။ ၁၇ ရက်နေ့မှာ ငွေတစ်သိန်းခွဲသွားပေးလိုက်ပါတယ်” ဟု ဆက်ပြောသည်။

အဆိုပါ ကိစ္စနှင့် ပတ်သက်ပြီး အခင်း ဖြစ်ပွားခဲ့ရာ လဘက်ရည်ဆိုင်သို့ ဆက်သွယ်မေးမြန်းရာ လဘက်ရည်ဆိုင်မှ အမျိုးသမီကြီး တစ်ဦးက “ ဒီအလုပ်လုပ်နေတဲ့ ကလေးတွေက ဒီကိုရောက်တာ ကြာနေပါ။ ဇာတိက အမ်းမြို့နယ်ကပါ။ အရက်သောက်တာလည်း ကျွန်မ တစ်ခါမှ မမြင်မိပါဘူး။ ဖြစ်တဲ့နေ့က သူတို့က လဘက်ရည် သောက်နေပါတယ်။ အဲဒီ အချိန်မှာ အရပ်ဝတ်နဲ့ ရဲတစ်ဦး ၀င်လာပြီး မင်းတို့ အေအေကလားဆိုပြီး မေးပါတယ်။ ကလေးတွေက ယဉ်ယဉ်ကျေးကျေးနဲ့ မဟုတ်ပါဘူး။ ကျွန်တော်တို့ အလုပ်လုပ်နေတဲ့သူတွေပါလို့ ပြန်ပြောပါတယ်။ ပြောတာနဲ့ ရဲအရာရှိဆိုသူက ရိုင်းရိုင်းစိုင်းစိုင်း ဆဲဆိုပါတော့တယ်။ ကျွန်မကိုလည်း ကျွန်မယောင်္ကျားက အထဲကို ၀င်နေပါဆိုတော့ ၀င်နေတယ်။ နောက်တော့ ကလေးတွေက ဆိုင်ထဲက ထွက်သွားပြီး လမ်းပေါ်ရောက်တော့ ရဲတွေက ၀ိုင်းထိုးတယ်လို့ သိရပါတယ်။ နှစ်ယောက်က ဒဏ်ရာရတယ်။ သုံးယောက်ကိုတော့ ရဲက စခန်းကို ခေါ်ယူသွားပြီး လက်သီးတွေနဲ့ ထိုးကြတယ်လို့ သိရပါတယ်။ စခန်းမှူးက အပြင်က ပြန်ရောက်လာတဲ့ အတွက် သက်သာရာ ရသွားတယ်လို့ သူတို့ကက ပြန်ပြောပါတယ်။ မဟုတ်ရင် မလွယ်ဘူးလို့ သိရပါတယ်။ ကျွန်မတို့က ဒီလို ကိုယ်မျက်စိရှေ့မှာ အနိုင်ကျင့်ခံရတာကို မြင်ရတော့ အလွန်ကြောက်မိပါတယ်” ဟု ပြောဆိုသည်။

အခင်းဖြစ်ပွားပြီးနောက်သူတို့အား ရဲစခန်းတွင် ချည်နှောင်ထားပြီး စခန်းမှူးက ကိစ္စတစ်ခုဖြင့် အပြင်ကို ထွက်သွားစဉ် ရဲသားများက လက်သီးများဖြင့် ၀ိုင်းထိုးကြသည်ဟု သိရကြောင်း ၎င်းအမျိုးသမီးက ပြောကြားသည်။

အဆိုပါ ပြဿနာဖြစ်ပွားမှုနှင့် ပတ်သတ်ပြီး မြောင်းဘွေ စခန်းမှူး ဦးစောဦးထွန်းကို နိရဉ္စရာက ဆက်သွယ် မေးမြန်းရာမှာ သူက “ ပြဿနာဖြစ်တာ မကြားမိပါဘူး။ အဲဒီနေ့က ဒုသမ္မတခရီးစဉ်ကြောင့် လုံခြုံရေးသွားနေခဲ့ရတဲ့ အတွက် တိတိကျကျ မသိရပါဘူး။ လာပြီး တိုင်ချက်ဖွင့်တာလည်း မရှိသေးပါဘူး” ဟု နိရဉ္စရာသို့ပြောသည်။

ဖြစ်စဉ်နှင့် ပတ်သတ်ပြီး မြောက်ဦးမြို့နယ် ဒုရဲမှူး ဦးသန်းဖေအား ဆက်သွယ်မေးမြန်းရာတွင်လည်း ပြဿနာ ဖြစ်သည်ဟု ကြားရကြောင်း၊ သို့သော် အမှုမှာ မြောင်းဘွေစခန်းနှင့်သာ သက်ဆိုင်ကြောင်း ပြောဆိုသည်။

“မျက်လုံးဒါဏ်ရာရတဲ့ ကျနော်ကို ဆရာဝန်ကတောင်ဆေး မကုရဲဘူး။ အမှုဖွင့်စာတို့ ပြမှကုပေးနိုင်မယ်လို့ ပြောပါတယ်။ ကျနော်တို့က သတင်းသမားတွေနဲ့လည်း အဆက်အသွယ်မရှိတော့ ဘာဆက်လုပ်ရမလဲဆိုလည်း မသိပါဘူး။ ကျနော်တို့နဲ့ အချေအတင် ပြောတဲ့ဟာတွေကို သူတို့ ဗွီဒီယိုရိုက်ထားပါတယ်။ ဒီဖြစ်စဉ်ကို အထက်လူကြီးတွေက စစ်ဆေးပေးဖို့ ကျွန်တော်တို့ လိုလားပါတယ် ” ဟု ကျိုမျိုးဟီဟမှ ဆက်ပြောသည်။

ကိုမျိုးသီဟတို့ ညီအစ်ကို ၄ ဦးမှာ အမ်းမြို့နယ် ပျဉ်းတောကျေးရွာမှဖြစ်ကြသည်။ ကိုမျိုးသီဟမှာ အသက် ၂၁ နှစ်ဖြစ်ပြီး (ဘ) ဦးထွန်းအောင်ကျော်၊ (အမိ)ဒေါ်အုန်းမေ၏ သားဖြစ်သည်။

လက်ရှိတွင် အမှုဖွင့်ခြင်းလည်းမရှိသေးကြောင်းနှင့် အမှုဖွင့်တိုင်ကြားဖို့ စီစဉ်နေကြောင်းသိရသည်။

ရွှေရအောင်(တောင်ကုတ်)
Narinjara
https://www.facebook.com/Narinjara-151742128171206/

↧

Kim Jong Nam သေဆုံးမှုအကြောင်းအရင်း အဖြေမထွက်သေး

February 21, 2017, 7:28 am

≫ Next: မောင်တောမြို့နယ်တွင်း သတ်ဖြတ်ပြီး မြေမြုပ် ထားတဲ့ အလောင်း၎ လောင်းတွေ့

≪ Previous: မြောက်ဦးမြို့နယ် မြောင်းဘွေတွင် ရဲတပ်ဖွဲ့ဝင်များက လူငယ် ၅ ဦးအား အကြောင်းမဲ့ အနိုင်ကျင့် ရိုက်ပုတ်ခဲ့သည်ဟုဆို

မြောက်ကိုရီးယားခေါင်းဆောင် Kim Jong Un ရဲ့ ဖအေတူမအေကွဲ အကိုဖြစ်သူဟာ လုပ်ကြံခံလိုက်ရပုံပေါ်ပေမယ့်လည်း၊ သေဆုံးရတဲ့ အကြောင်းရင်းနဲ့ ပတ်သက်လို့ ဆုံးဖြတ်ချက် မချရသေးတဲ့အကြောင်း ဒီကနေ့ပဲ မလေးရှားကျန်းမာရေးဌာန တာဝန်ရှိသူတွေက ပြောဆိုလိုက်ပါတယ်။

သေဆုံးရတဲ့ အကြောင်းရင်းနဲ့ သက်ဆိုင်ရာ ဆွေမျိုးသားချင်း ဘယ်သူ ဘယ်ဝါဖြစ်ကြောင်း သိနိုင်ဖို့ သေဆုံးသူ Kim Jong Nam ရဲ့ အလောင်းကို ရင်ခွဲ စစ်ဆေးရာက ရရှိခဲ့တဲ့ နမူနာတွေကို ဓာတ်ခွဲခန်းတခုမှာ စစ်ဆေးဖို့ ပေးပို့ထားတဲ့ အကြောင်း မလေးရှား ကျန်းမာရေး ၀န်ကြီးဌာန အထွေထွေကျန်းမာရေးဦးစီးဌာန ညွှန်ကြားရေးမှူး Noor Hisham Abdullah က ပြောဆိုခဲ့တာပါ။

အဆိပ်သင့်ခဲ့မှု ရှိမရှိ ဆိုတာနဲ့ ပတ်သက်လို့ ဓာတ်ခွဲခန်းမှာ စစ်ဆေးသွားမှာဖြစ်ပေမဲ့ ဘယ်အချိန်မှာ စစ်ဆေးမှုတွေ ပြီးစီးမလဲ ဆိုတာကတော့ ရှင်းရှင်းလင်းလင်း မရှိပါဘူး။

ရင်ခွဲစစ်ဆေးရာမှာတော့ ရုတ်တရက်နှလုံးရောဂါဖောက်တဲ့ လက္ခဏာမျိုး မတွေ့ရသလို၊ ဒဏ်ရာဒဏ်ချက် တစုံတရာ မတွေ့ရဘူးလို့လည်း မလေးရှား ကျန်းမာရေး ၀န်ကြီးဌာနအရာရှိက ပြောပါတယ်။ သေဆုံးသူဟာ Kim Jong Nam ဖြစ်ကြောင်း အတည်ပြုထားပြီး၊ စစ်ဆေးသူတွေက DNA မျိုးဗီဇ၊ လက်ဗွေနဲ့ သွားနမူနာတွေကို မှတ်တမ်းယူထားပေမဲ့ တိုက်ဆိုင်စစ်ဆေးနိုင်မယ့် အချက်အလက်တွေကိုတော့ မိသားစုဝင်တွေထံက လက်ခံရရှိတာမျိုး မရှိသေးဘူးလို့လည်း ကျန်းမာရေး ၀န်ကြီးဌာန ညွှန်ကြားရေးမှူး Noor Hisham ကပြောပါတယ်။

သေဆုံးသူရဲ့ မိသားစုဝင်အဖြစ် ဆက်သွယ်ပြောဆိုတာမျိုး မရှိသေးဘူး လို့လည်း ပြောပါတယ်။ မြောက်ကိုရီးယား သံအမတ်ကြီး Kang Chol ကတော့ မလေးရှား ရဲတပ်ဖွဲ့ရဲ့ စုံစမ်းစစ်ဆေးမှုတွေကို မယုံကြည်တဲ့အတွက် ပူးတွဲစစ်ဆေး ဖို့လည်း မနေ့တုန်းကပဲ တောင်းဆိုထားပါတယ်။

မလေးရှားဝန်ကြီးချုပ် Najib Razak ကတော့ မြောက်ကိုရီးယားကို နာမည်ပျက်အောင် လုပ်ဖို့ အကြောင်းတစုံတရာ မရှိသလို၊ စုံစမ်းစစ်ဆေးမှုတွေကိုလည်း တိတိကျကျ ဆောင်ရွက် သွားမှာဖြစ်ကြောင်း တုံ့ပြန်ခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

↧

မောင်တောမြို့နယ်တွင်း သတ်ဖြတ်ပြီး မြေမြုပ် ထားတဲ့ အလောင်း၎ လောင်းတွေ့

February 21, 2017, 7:29 am

≫ Next: ကရင်ဒုက္ခသည်အမျိုးသမီး အမေရိကန်ကိုအခြေချဖို့ဆိုက်ရောက်

≪ Previous: Kim Jong Nam သေဆုံးမှုအကြောင်းအရင်း အဖြေမထွက်သေး

မောင်တောဈေးတနေရာ

အကြမ်းဖက်မှုတွေဖြစ်ခဲ့ပြီးနောက် လူ့အခွင့်အရေးချိုးဖောက်မှုတွေရှိနေတယ်လို့ စွပ်စွဲခံနေရတဲ့ မောင်တောမြို့နယ်အတွင်းမှာ ဒဏ်ရာနဲ့မြေမြုပ်ထားတဲ့အလောင်းအချို့ကို တူးဖော်တွေ့ရှိခဲ့တယ်လို့ တာဝန်ရှိသူအချို့က ပြောပါတယ်။ ဒီကိစ္စကို သက်ဆိုင်ရာ အာဏာပိုင်တွေက အသေးစိတ်စုံစမ်းစစ်ဆေးမှုတွေလုပ်နေဆဲဖြစ်ပြီး ဘယ်သူဘယ်ဝါဆိုတာ အတိအကျ ထုတ်ပြန်တာ မရှိသေးပါဘူး။ ဒါနဲ့ ပတ်သက်လို့ ကိုသားညွန့်ဦး တင်ဆက်ထားပါတယ်။

မောင်တောမြို့နယ် လူဖမ်းပြင်ရွာရဲ့ တောင်ဘက် ကိုက် ၃၀၀ အကွာက ကွင်းပြင်တခုမှာ သတင်းအရ ရှာဖွေရာမှာ မြုပ်နှံထားတဲ့ အမျိုးသားအလောင်း ၁လောင်း၊ အမျိုးသမီး အလောင်း ၃ လောင်း စုစုပေါင်း လေးလောင်းတွေ့ခဲ့တာဖြစ်တယ် လို့ နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီရဲ့ ဖေစ်ဘုတ်စာမျက်နှာမှာ ဒီညနေပိုင်းက ဖော်ပြခဲ့ပါတယ်။

စစ်ဆေးတွေ့ရှိချက်တွေအရ အမျိုးသားတဦးရဲ့ အလောင်းမှာ ဦးခေါင်းပွင့်ထွက်ဒဏ်ရာနဲ့ အခြားဒဏ်ရာတခု တွေ့ရသလို၊ အမျိုးသမီး ၃ဦးအလောင်းအနက် နှစ်လောင်း မှာ နောက်ကျောဖောက်ဝင်ဒဏ်ရာ ကျောရိုးကျိုးဒဏ်ရာတွေ တွေ့ခဲ့တယ်လို့ အဲဒီ ကြေညာချက်မှာပဲ ဖော်ပြခဲ့ပါတယ်။ ဒါပေမယ့် မိနစ်ပိုင်းအကြာမှာတော့ ဒီ ကြေညာချက်ကို သတင်းထုတ်ပြန်ရေးကော်မတီ ရဲ့ ဖေ့ဘုတ်အကောင့် ကနေ ပြန်ဖြုတ်ခဲ့ပါတယ်။ ဒီ သတင်းနဲ့ပတ်သက်လို့ နိုင်ငံတော်သမ္မတရုံး ပြောခွင့်ရသူ ဦးဇော်ဌေးကို ဗွီအိုအေ သတင်းထောက် ကိုထက်အောင်က မေးမြန်းတော့ အခုလို တုံ့ပြန်ထားပါတယ်။

“ပြန်စိစစ်ခိုင်းထားတယ်၊ အဲဒါတွေကို စုံစမ်းရေးကော်မရှင် အဖွဲ့တွေကနေ ပြန်စိစစ် ခိုင်းထားတယ်၊

မေး။ ။ ဆရာတို့ သတင်းထုတ်ပြန်ချက်က လွန်ခဲ့တဲ့ ၂ နာရီခွဲ- ၃ နာရီလောက်က ထုတ်ထားတာပါ၊ information committee ကပါခင်ဗျ။

ဖြေ။ ။ ဘယ်မှာ ထုတ်တာလဲ ကျနော်တို့ မထုတ်ပါဘူး။ မထုတ်ပါဘူး ခင်ဗျ ပြန်ကြည့် လိုက်ပါခင်ဗျ။

မေး။ ။ အခု ပြန်ဖြုတ်ထားတယ်ထင်တယ်၊ အဲဒီတော့ မသေချာသေးဘူးဆိုတဲ့ သဘောများလားခင်ဗျ။

ဖြေ။ ။ ဘယ်သူသတ်လို့ ၊ ဘယ်သူသတ်မှန်းမသိဘူး အဲဒါကို ကျနော်တို့ အမှုဖွင့်ပြီးတော့ ရဲက စိစစ်တဲ့ဟာကို ကျနော်တို့ ပြန်ပြီးတော့ စိစစ်ခိုင်းထားပါတယ်။

မေး။ ။ အဲဒီနေရာကို သွားပြီးတော့ တူးဖော်တယ်လို့ပြောလို့လေ၊ ဘာကြောင့်များ အဲဒီနေရာကို သွားပြီးတော့ တူးဖော်ဖြစ်ခဲ့ရတာလဲခင်ဗျ။

ဖြေ။ ။ အဲဒါကတော့ စုံစမ်းစစ်ဆေးရေးအဖွဲ့တွေသွားတယ်ခင်ဗျ။ လောလောဆယ်တော့ ကျနော်တို့ ဘာမှ ပြောလို့မရဘူး။”

ဒါနဲ့ပတ်သက်လို့ မောင်တောရဲစခန်းရဲမှုးကျော်မြ၀င်းကတော့ အလောင်းတွေ တွေ့ရှိတယ် ဆိုတာပဲ ကြားပြီး အသေးစိတ်ကိုတော့ မပြောနိုင်ဘူးဆိုပါတယ်။ ဒါကို စုံစမ်းရေးကော်မရှင် အတွင်းရေးမှူး ဦးဇော်မြင့်ဖေဦးဆောင်တဲ့ အဖွဲ့က သွားရောက် စုံစမ်းနေတယ်လို့လည်း ပြောပါတယ်။ ဦးဇော်မြင့်ဖေကိုတော့ ဗွီအိုအေက ဆက်သွယ်လို့ မရပါဘူး။

ကနဦး အစိုးရသတင်းထုတ်ပြန်ရေးက ထုတ်ခဲ့တဲ့သတင်းမှာတော့ အဲဒီနေရာမှာ လူသေအလောင်းတွေ မြုပ်နှံထားတယ်ဆိုတာကို လူတဦးက သတင်းပေးလို့ သွားရောက် တူးဖော်ရင်းတွေ့ရှိခဲ့တာလို့ ရေးပါတယ်။ ရခိုင်ပြည်နယ် မောင်တောဒေသတွင်း အကြမ်းဖက် ၀ါဒစွဲ တိုက်ခိုက်မှုတွေကို တန်ပြန်နှိမ်နင်းတဲ့ စစ်ဆင်ရေးအတွင်း အမျိုးသမီးတွေအပေါ် လိင်ပိုင်းဆိုင်ရာမတရားစော်ကားမှု၊ လူသတ်မှု၊ မီးရှိုမှု စတဲ့ လူ့အခွင့်အရေးချိုးဖောက်မှုတွေ ရှိခဲ့တယ်ဆိုပြီး ကုလသမဂ္ဂရော နိုင်ငံတကာ လူ့အခွင့်အရေးအဖွဲ့တွေကပါ ဝေဖန်နေကြတာပါ။

တဘက်မှာလည်း အစိုးရနဲ့နီးစပ်တဲ့ အစိုးရအာဏာပိုင်တွေနဲ့ဆက်နွယ်တဲ့ ဒေသခံအချို့ သတ်ဖြတ်ခံရမှုတွေလည်း ရှိနေတာပါ။ လူ့အခွင့်အရေးဆိုင်ရာ ကုလသမဂ္ဂ မဟာမင်းကြီးရုံးက ထုတ်ပြန်တဲ့ လူ့အခွင့်အရေးချိုးဖောက်မှုအစီရင်ခံစာပါ အချက်အလက်တွေ ကိုတော့ ဖြစ်ရပ်တခုချင်းကို အစိုးရ စုံစမ်းရေးကော်မရှင် က ပြန်လည်စုံစမ်းနေသလို၊ တပ်မတော် ရဲ လုံခြုံရေးအဖွဲ့အစည်းတွေကလည်း ဌာနတွင်း စုံစမ်းစစ်ဆေးမှုတွေ ပြုလုပ်လျှက်ရှိနေပါတယ်။

VOA Burmese News

↧

ကရင်ဒုက္ခသည်အမျိုးသမီး အမေရိကန်ကိုအခြေချဖို့ဆိုက်ရောက်

February 21, 2017, 7:32 am

≫ Next: မြောက်ကိုရီးယားသံတမန် ရိုင်းစိုင်းကြောင်း မလေးရှားဝန်ကြီးချုပ် ပြောကြား

≪ Previous: မောင်တောမြို့နယ်တွင်း သတ်ဖြတ်ပြီး မြေမြုပ် ထားတဲ့ အလောင်း၎ လောင်းတွေ့

မယ်လာမူ ဒုက္ခသည်စခန်း (ဓါတ်ပုံ-Mae Ra Moe Refugee Camp )

သမ္မတ Donald Trump က ပြည်ခွင့် ယာယီပိတ်ပင်တဲ့အမိန့်ကြေညာချက်ကို ပြည်ထောင်စု အယူခံတရားရုံးက ပယ်ချလိုက်ပြီးတဲ့နောက် ထိုင်း-မြန်မာနယ်စပ်မှာရှိတဲ့ မယ်လာမူ ဒုက္ခသည်စခန်းကနေ ကရင်ဒုက္ခသည် လူဖောဟာ ဖေဖော်ဝါရီလ ၁၄ ရက်နေ့က Pennsylvania ပြည်နယ်၊ Philadelphia မြို့ကို ရောက်လာခဲ့ပါတယ်။ လူဖောရဲ့ မိဘတွေနဲ့ တခြား မောင်နှမ ၃ ဦးတို့ကတော့ Philadelphia မြို့မှာ ရောက်နေကြပြီး ဖြစ်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။

မယ်လာမူဒုက္ခသည်စခန်းမှာ ရှိနေတဲ့ လူဖောဟာ Philadelphia မြို့မှာရှိတဲ့ မိသားစုနဲ့အတူ ပြန်လည်ပေါင်းစည်းရေးအတွက် ဇန်န၀ါရီလကုန်ပိုင်းမှာ ရောက်လာဖို့ ရှိပေမယ့်လည်း သမ္မတ Trump က ပြည်ဝင်ခွင့် ယာယီပိတ်ပင်တဲ့ သမ္မတအမိန့်ကြေညာချက် ရုတ်တရက် ထုတ်ပြန်လိုက်တာကြောင့် သူ့ရဲ့ မူလ ခရီးစဉ် ပျက်သွားခဲ့ရတာပါ။

ဒါပေမယ့် သမ္မတရဲ့ အမိန့်ကြေညာချက်ကို ပြည်ထောင်စု အယူခံ တရားရုံးက ပယ်ချလိုက်ပြီးတဲ့နောက်မှာတော့ လူဖောဟာ ပြီးခဲ့တဲ့ သီတင်းပတ်အတွင်း အမေရိကန်နိုင်ငံကို လာခွင့် ပြန်ရခဲ့တယ်လို့ ဗွီအိုအေကို ဘာသာပြန်ကတဆင့် အခုလို ရှင်းပြပါတယ်။

ဖြေ။ “ကျမက ၁၄ ရက်နေ့၊ အင်္ဂါနေ့မှာ ရောက်ပါတယ်။”

မေး။ သူနဲ့အတူတူ ဘယ်နှစ်ယောက်ပါသလဲ၊ သူတယောက်ထဲလား။

ဖြေ။ “တယောက်ထဲပဲ။”

မေး။ ညီမလာတာ ဘယ်စခန်းကလဲ။

ဖြေ။ “စခန်းနာမည်ကတော့ မယ်လာမူ။”

မေး။ စခန်းမှာ ဘယ်နှစ်ယောက်လောက် ကျန်ခဲ့လဲ၊ ခန့်မှန်းခြေ သိရသလောက်။

ဖြေ။ “ခန့်မှန်းဖို့ ခက်ပါတယ်။ ဒါပေမယ့် လာချင်တဲ့သူတွေ အများကြီး ရှိပါသေးတယ်။”

မေး။ စခန်းထဲမှာ နောက်ထပ် အမေရိကားကို လာဖို့ လူတွေရှိသေးလား။

ဖြေ။ “မယ်လာမူကနေ လူတွေ အများကြီး လာချင်နေကြပါတယ်၊ ဒါပေမယ့် နံမည်စာရင်းက မကျသေးဘူး ဖြစ်နေတယ်။”

မေး။ အမေရိကားအ၀င်မှာ မစစ်ဘူးလား၊ ဘာဖြစ်လို့လဲဆိုတော့ ဒီမှာ နိုင်ငံရေးက ရှုပ်ထွေးနေတော့လေး၊ သမ္မတ Trump ရဲ့ အမိန့်တွေ ဘာတွေနဲ့ ရှုပ်နေတော့ သူ့ကို ဘာတွေများ စစ်ဆေးသေးလဲ၊ အမေရိကန် လေဆိပ်ကိုရောက်တော့။

ဖြေ။ “သူ ဒီဘက်ကို ၀င်လာတာနဲ့ ဘာအခက်အခဲမှ မရှိပါဘူး။ ဒီ အမေရိကန် လေဆိပ်ရောက်ပြီးတော့ အမေနဲ့ Case worker တို့က လာကြိုကြပါတယ်။”

မေး။ မြန်မာပြည်ကနေလာဖို့ ဒုက္ခသည်တွေ အခက်အခဲရှိနေတဲ့ ကြားထဲမှာ ထူးထူးခြားခြား သူ့အနေနဲ့ အခက်အခဲတွေ ကြားထဲက ရောက်လာတော့ သူ့အနေနဲ့ ဘယ်လို ခံစားရသလဲ။

ဖြေ။ “ဟိုးအရင်တုန်းကတော့ လာရတော့မယ်ဆိုတော့ ပျော်မိပါတယ်။ ဒါပေမယ့် မလာရတော့ဘူးဆိုတော့ မပျော်တော့ဘူး။ စိတ်ညစ်တယ်။ အခု ဒီကိုရောက်လာပြီ၊ အမေနဲ့ တွေ့ရပြီဆိုတော့ ပျော်ပါတယ်။”

မေး။ အဲဒီတော့ ညီမ ဒီမှာ ဘာလုပ်မလဲ၊ နယ်စပ် စခန်းမှာတုန်းက ကျောင်းတက်ခဲ့သလား၊ ဘာလုပ်သလဲ။

ဖြေ။ “မယ်လာမူ စခန်းထဲမှာတုန်းက ကျောင်းတက်တယ်၊ ၉ တန်းအထိ တက်ခဲ့တယ်။ ဒါပေမယ့် ဒီဘက်ကို ရောက်လာတော့ စိတ်ထဲမှာ ကျောင်းပြန်တက်ချင်ပါတယ်။”

မေး။ ကျောင်းတက်ချင်တယ်၊ ၉ တန်းအထိ တက်ခဲ့တယ်ဆိုတော့ ဒီမှာ အထက်တန်းကျောင်း ပြန်တက်ရမယ်။ ဆိုတော့ ညီမ ဘ၀မှာ ဘာဖြစ်ချင်လဲ၊ သဘောက ဆရာဝန်ဖြစ်ချင်တာလား၊ နပ်(စ်)မ ဖြစ်ချင်တာလား၊ ကျောင်းဆရာမ ဖြစ်ချင်တာလား၊ ဒါမှမဟုတ် အင်ဂျင်နီယာ ဖြစ်ချင်တာလား။ ဘ၀ရည်မှန်းက ဘာလဲ။

ဖြေ။ “ဒီဘက်ရောက်လာတော့ အင်္ဂလိပ်လို နားလည်ဖို့လည်း အရင် လုပ်ရဦးမယ်၊ ကျောင်းတက်ချင်တယ်၊ ကောလိပ်ပြီးသွားရင်တော့ ဆရာဝန်ဖြစ်ချင်တယ်။”

မေး။ အခု ညီမတို့ကို ကူညီပေးနေတဲ့ အဖွဲ့က ကျောင်းတက်ဖို့ကိစ္စတွေ၊ နောက် နေဖို့ ထိုင်ဖို့ကိစ္စတွေ အကူအညီပေးလား၊ ငွေရေး ကြေးရေး အထောက်အပံ့တွေ ပေးလား။

ဖြေ။ “အခုချိန်ထိတော့ မသိသေးဘူး။ အချိန်ထိတော့ Food stamp ပဲ ရတယ်။ Case worker ကို ကျောင်းတက်ချင်တဲ့အကြောင်း ပြေထားတယ်။ ဒါပေမယ့် ဘာမှ ပြန်မပြောသေးဘူး။”

ဖေဖော်ဝါရီလ ၁၄ ရက်နေ့မှာပဲ အိန္ဒိယနိုင်ငံ၊ နယူးဒေလီမြို့ကနေ ဇိုမီး ချင်းတိုင်းရင်းသား ဒုက္ခသည် ၅ ဦးဟာ Oklahoma ပြည်နယ်၊ Tulsa မြို့ကို ရောက်လာကြပါတယ်။ အလားတူပဲ ဖေဖော်ဝါရီလ ၁၅ ရက်နေ့ကတော့ မလေးရှားနိုင်ငံက ချင်းတိုင်းရင်းသား မိသားစုတစု Indiana ပြည်နယ်၊ Indianapolis မြို့ကို ရောက်လာခဲ့ကြပါတယ်။

သမ္မတ Trump ကတော့ မွတ်ဆလင် အများစုနေထိုင်တဲ့ နိုင်ငံ ၇ နိုင်ငံက လူတွေနဲ့ ဒုက္ခသည်တွေ ပြည်ဝင်ခွင့် ယာယီပိတ်ပင်တဲ့ သူ့ရဲ့ ပထမ အမိန့်ကြေညာချက်ကို ပြည်ထောင်စု အယူခံတရားရုံးက ပယ်ချက်လိုက်ပြီးတဲ့နောက် အခု သီတင်းပတ်အတွင်း အမိန့်ကြေညာချက် အသစ်တခု ထပ်မံ ထုတ်ပြန်သွားမယ်လို့ ပြောထားပါတယ်။
VOA Burmese News

↧

မြောက်ကိုရီးယားသံတမန် ရိုင်းစိုင်းကြောင်း မလေးရှားဝန်ကြီးချုပ် ပြောကြား

February 21, 2017, 8:19 am

≫ Next: ပင်လုံညီလာခံကို KIO တက်မတက်ဆိုတာ UNFC ရဲ့ အဆုံးအဖြတ်ပေါ် မူတည်

≪ Previous: ကရင်ဒုက္ခသည်အမျိုးသမီး အမေရိကန်ကိုအခြေချဖို့ဆိုက်ရောက်

မြောက်ကိုရီးယားခေါင်းဆောင် ကင်ဂျုံအန်းရဲ့ အကို ကင်ဂျုံနမ်းကို ဘယ်လိုပစ္စည်းသုံးပြီးသတ်သွားလဲ ဆိုတာကို စုံစမ်းဖော်ထုတ်နေဆဲပဲလို့ မလေးရှားအာဏာပိုင်တွေက ဒီနေ့ပြောလိုက်ပါတယ်။

သူ့ကို အဆိပ်ပြင်းတမျိုးနဲ့ လုပ်ကြံလိုက်တာလို့ ရဲတပ်ဖွဲ့က ယူဆထားပေမယ့် အသုံးပြုလိုက်တဲ့ ပစ္စည်းအမျိုးအစားနဲ့ ပတ်သက်လို့ရော ဘယ်လိုသေဆုံးသွားတယ်ဆိုတာကိုပါ စစ်ဆေးနေတုန်းပဲလို့ မလေးရှားကျန်းမာရေးဝန်ကြီးဌာနရဲ့ ညွှန်ကြားရေးမှူးချုပ် ဒေါက်တာ အဗ်ဒူလာက ပြောပါတယ်။ ဒါ့အပြင် ကင်ဂျုံနမ်းရဲ့ မျိုးရိုးဗီဇ DNA လည်း မရသေးဘူးလို့ ဆိုပါတယ်။

မလေးရှားရဲ့စုံစမ်းစစ်ဆေးချက်ကို လုံးဝမယုံကြည်ဘူးလို့ မြောက်ကိုရီးယားသံအမတ်ကြီးရဲ့ ပြောကြားချက်ဟာ သံတမန်နည်းလမ်းအရ အင်မတန် ရိုင်းပြတဲ့ ပြောဆိုမှုဖြစ်တယ်လို့ မလေးရှားဝန်ကြီးချုပ်နာဂျစ်က ပြောပါတယ်။

ဒီအမှုနဲ့ပတ်သက်လို့ မလေးရှားနဲ့ မြောက်ကိုရီးယားသံတမန်ဆက်ဆံရေးတင်းမာနေသလို ဒီလုပ်ကြံမှုကို မြောက်ကိုရီးယားထောက်လှမ်းရေးတွေစီစဉ်တာလို့ ယုံကြည်ရတဲ့အကြောင်း တောင်ကိုရီးယားနဲ့ အမေရိကန်က ပြောဆိုထားပါတယ်။

Photo: Wikipedia

( မလေးရှားဝန်ကြီးချုပ် နာဂျစ်ကို တွေ့ရစဉ် )

RFA

↧

ပင်လုံညီလာခံကို KIO တက်မတက်ဆိုတာ UNFC ရဲ့ အဆုံးအဖြတ်ပေါ် မူတည်

February 22, 2017, 7:33 am

≫ Next: လူသတ်မှုအတွက် မြောက်ကိုရီးယား သံအရာရှိကြီး တယောက်ကို မလေးရှားရဲ ရှာနေ

≪ Previous: မြောက်ကိုရီးယားသံတမန် ရိုင်းစိုင်းကြောင်း မလေးရှားဝန်ကြီးချုပ် ပြောကြား

အဓိကက ဖက်ဒရယ် ပြည်ထောင်စု တည်ဆောက်ရေးကို ညှိနှိုင်းလိုတာလို့ ဗိုလ်ချုပ်ဂွမ်မော် ပြော

ရှေ့လလယ် ကျင်းပမယ့် ၂၁ ရာစု ပင်လုံ ငြိမ်းချမ်းရေး ညီလာခံ ကို KIO တက်ဖို့ မတက်ဖို့ ဆိုတာ UNFC ရဲ့ အဆုံးအဖြတ်ပေါ်မှာ မူတည်တယ်လို့ KIC ကချင်လွတ်လပ်ရေး ကောင်စီ ဒု ဥက္ကဌ ၂ ဗိုလ်ချုပ် ဂွမ်မော်က ဘီဘီစီကို ပြောပါတယ်။

ပင်လုံ ငြိမ်းချမ်းရေး ညီလာခံဟာ တိုင်းရင်းသား အားလုံးရဲ့ ကိုယ်စားလှယ်တွေ တန်းတူ ပွင့်ပွင့်လင်းလင်း ဆွေးနွေးနိုင်တဲ့ အစည်းအဝေးမျိုး ဖြစ်သင့်ပြီး ပြည်ထောင်စု တည်ဆောက်ရေးကို ပင်လုံစာချုပ် ကတိကဝတ်တွေနဲ့ အခြေခံပြီး ဆွေးနွေးကြတာမျိုးကို လိုချင်တယ်လို့ ဆိုပါတယ်။

KIO ဦးဆောင်တဲ့ UNFC ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ နဲ့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်တို့ မတ်လ ၁ ရက်နေ့မှာ တွေ့ဆုံဖို့ စီစဉ်ထားပါတယ်။

လောလောဆယ်မှာ UNFC က တောင်းဆိုထားတဲ့ အချက် ၉ချက်ထဲက ဘယ်အချက်ကိုမှ အစိုးရက တိတိကျကျ သဘောတူထားတာမျိုး မရှိသေးတဲ့အတွက် ဆက်ညှိနှိုင်းနေဆဲဖြစ်ပြီး NCA အပစ်ရပ် လက်မှတ်ထိုးဖို့ အဆင့်ကို ရောက်နိုင်အုံးမှာ မဟုတ်သေးဘူးလို့ ဗိုလ်ချုပ် ဂွမ်မော်က ပြောပါတယ်။

ဒေါ်အောင်ဆန်းစုကြည်နဲ့ NLD အစိုးရက ပင်လုံ ညီလာခံကို အလျင်အမြန် ဖြစ်စေချင်နေပြီး ပြည်ထောင်စု တည်ဆောက်ရေး လုပ်ချင်တဲ့ ဆန္ဒ ရှိတယ်လို့ သူ့အနေနဲ့ မြင်ကြောင်း ဒါပေမယ့် NCA လက်မှတ်ထိုးနိုင်ဖို့ အခင်းအကျင်းမှာတော့ ဒေါ်အောင်ဆန်းစုကြည်နဲ့ NLD အစိုးရက တွန်းအားပေးနိုင်လို့ မရတဲ့ ကဏ္ဍတွေ ရှိတယ်လို့ နားလည်ကြောင်း ဗိုလ်ချုပ် ဂွမ်မော်က ပြောပါတယ်။

KIO ရဲ့ သဘောထားကတော့ NCA လက်မှတ်ထိုးပြီးမှ ဖြစ်ဖြစ်၊ မထိုးပဲနဲ့ အစိုးရက လက်ခံသည်ပဲ ဖြစ်ဖြစ်၊ အားလုံး တန်းတူ ဆွေးနွေးနိုင်ခွင့် ရှိရင်တော့ ပင်လုံညီလာခံ တက်ရောက်နိုင်ရေးကို အင်တိုက်အားတိုက် ကြိုးစားသွားမယ်လို့ ဗိုလ်ချုပ် ဂွမ်မော်က ပြောပါတယ်။

BBC Burmese
http://www.bbc.com/burmese

↧