တစ်ရက်တော့ ဗိုလ်ကြီးသာအေးဟာ ဟင်္သာတမြို့၊ မြန်မာ့စီးပွားရေးဘဏ်ကို ၀င်ရောက် ကြည့်ရှုပါတယ်။ စစ်ယူနီဖေါင်း အပြည့်အစုံ နဲ့ဆိုတော့ ခန့်ညားတင့်တယ်နေတာပေါ့ ခင်ဗျ။ ဘဏ်ထဲကို ၀င်လိုက်တာနဲ့ ဘဏ်တာဝန်ရှိပုဂ္ဂိုလ် တစ်ဦးကနေ "တပ်မတော်အရာရှိ တစ်ဦးက စည်းကမ်းနားလည်ရမယ်"လို့ပြောပြီး၊"ဘဏ်အတွင်း မည်သူမျှ လက်နက်ကိုင်ဆောင် ၀င်ခွင့်မပြု" ဆိုတဲ့ ဆိုင်းဘုတ်ကို ညွှန်ပြလိုက်တယ်။ ဆက်ပြီး " ပါလာတဲ့သေနတ်ကို ဘဏ်လုံခြုံရေးရဲမှာ အပ်လိုက်ပါ"လို့ ပြောလိုက်တယ်။ အဲဒီမှာ ဗိုလ်ကြီးသာအေး တစ်ယောက် စီးပွားရေးဘဏ်အတွင်းမှာ ဒေါသူပုန်ထခဲ့လေရဲ့။
ဘဏ်တာဝန်ရှိပုဂ္ဂိုလ်ရဲ့ အမည်ကိုတော့ မပြောလိုတော့ပါဘူး။ မကြာခင်မှာပဲ အဲဒီ ဟင်္သာတဘဏ် တာဝန်ရှိပုဂ္ဂိုလ်ဟာ ရန်ကုန်၊ ကမ်းနားလမ်း၊ဘဏ်ရုံး ကို ပြောင်းရွှေ့သွားရပါတယ်။ အဲဒီ အကြောင်း တရားရဲ့ အကျိူးဆက်လားဆိုတာတော့ ပြုလုပ်သူ ကာယကံရှင် ကိုယ်တိုင်ပဲ သိကြမှာပါ။ စီးပွားရေးဘဏ်တာဝန်ရှိသူဟာ ကရင်တိုင်းရင်းသားဆိုတော့ ဖားတာတွေ၊ ဝေ့၀ိုက်တာတွေ မလုပ်တတ်တော့ အရှိအတိုင်း ဒဲ့ဒိုးပဲ ပြောချလိုက်တာဖြစ်ပါတယ်။
ဗိုလ်ကြီသာအေးဟာ ယူနီဖေါင်းနဲ့တင်မက အရပ်ဝတ်နဲ့လည်း ရုပ်ဖျက်ပြီး တိုင်းပြည်တာဝန်ကို ထမ်းဆောင်တယ်တဲ့ဗျ။ တစ်ရက်မှာ လမ်းဘေးအရက်ပုန်းဆိုင်ကိုဝင်ပြီး ဆိုင်ရှင်အဖွားကြီးနဲ့ စကားစမြည် ပြောကြတယ်။ အရောင်းအ၀ယ်ကောင်းရဲ့လား ဘာလားပေါ့။ အဘွားကြီးက ဗိုလ်ကြီးသာအေးမှန်းမသိဘူးဆိုပဲ။ ဆိုင်ရှင်အဘွားကြီးက " ရောင်းဝယ်ရတာ အခုတလော သိပ်မကောင်းချင်ဘူးကွဲ့ ...သာအေးဆိုတဲ့လူ လိုက်မွှေနေလို့ အရင်လောက် ဘယ်ရောင်းကောင်းပါ့ မလည်းကွယ်" လို့ ပြန်ပြောလိုက်တယ် တဲ့။
အဲဒါ အဲဒီတုန်းက ဟင်္သာတမြို့သားတွေ ကြားမှာ တော်တော်လေး လူပြောများခဲ့ တာ။
" ကျနော်လည်း ရန်ကုန်ဘက် ခရီးဆက်လိုက်ပါဦးမယ်။ ဦးသာအေး ကိုတွေ့ရင် သတိရနေတဲ့ အကြောင်းတော့ ပြောပြပေးကြပါခင်ဗျား။
(ဟင်္သာတ ထွန်းခင်)
ThanLarWaddy Times