ရေသန့်ဗူး သောက်သုံးမှု မြင့်တက်လာနေချိန် လူအများသွားလာရာ ကားဂိတ်၊ ဈေး၊ လမ်းဆုံတွေမှာ ရေသန့်ဗူးတွေ အလွယ်တကူဝယ်နိုင်သလို အိမ်၊ ကျောင်း၊ ရုံးနဲ့ အဆောင်တွေမှာ လီတာ ၂ဝ ဝင် ရေသန့်ဗူးကြီးတွေ သုံးစွဲနေပါတယ်။ ဒါပေမယ့် ဒီရေသန့်တွေ သန့်ပါတယ်လို့ ဘယ်သူက အာမခံနိုင်မှာလဲ။
ရေသန့်ဗူးအကြီးတွေ ပုံမှန်ဝယ်သောက်တဲ့ ကိုအောင်ဇင်လင်းက တစ်ခါတစ်လေ သူဝယ်သောက်တဲ့ ရေသန့်ဗူးတွေမှာ အနည်တွေပါလာတာကြောင့် ဆိုင်ပြောင်းဝယ်တော့လည်း ရေအရောင်က ဝါညစ်ညစ်ဖြစ်နေတယ်လို့ ပြောပါတယ်။
နေရာတကာ အလွယ်တကူဝယ်ယူနိုင်တဲ့ ရေသန့်ဗူးတွေမှာ အနည်တွေ၊ အမှုန်တွေပါမပါ၊ သန့်ရှင်းမှုတကယ် ရှိမရှိနဲ့ ကျန်းမာရေးအရ အာမခံနိုင်မှုကို ဘယ်အဖွဲ့အစည်းက တာဝန်ယူမှာလဲ။ မြန်မာနိုင်ငံ အစားအသောက် စစ်ဆေးကွပ်ကဲရေးအဖွဲ့ FDA ကို ကမာရွတ်မီဒီယာက အကြိမ်ကြိမ်ဆက်သွယ်ခဲ့ပေမယ့် မအောင်မြင်ခဲ့ပါဘူး။
Ever Well သောက်ရေသန့် ဖြန့်ဖြူးရေးလုပ်နေတဲ့ ကိုကျောက်တိုင်က ကျန်းမာရေးထောက်ခံချက်ရှိတဲ့ ရေသန့်စက်ရုံက တိုက်ရိုက်မှာယူပြီး ဖြန့်ချိနေတာ ၁ဝနှစ်ရှိပါပြီ။ ပြည်သူတွေ ကျန်းမာရေးအတွက် လုံခြုံစိတ်ချ ဘေးအန္တရာယ်ကင်းစေမယ့် ထောက်ခံချက်ရှိကြရင် ကောင်းမယ်လို့ ဆိုပါတယ်။
တာဝန်ရှိတဲ့သူတွေအနေနဲ့ ရေသန့်ထုတ်တဲ့စက်ရုံတွေကို သေသေချာချာစစ်ဆေးပြီး ဘယ်ရေသန့်အမှတ်တံဆိပ်က အန္တရာယ်ကင်းပြီး ကျန်းမာရေးအရ စိတ်ချရတယ်ဆိုတာ ပြည်သူကို ထုတ်ပြန်ပေးဖို့ အရေးတကြီးလိုနေပြီလို့ ကိုအောင်ဇင်လင်းက ပြောပါတယ်။
kamayut media