ကျွန်မ ကိုရီးယားကိုရောက်ခဲ့စဉ်က သရုပ်ဆောင် မင်းသမီး လီယောင်အေးနဲ့ တွေ့ ခဲ့ပါတယ်။ အင်မတန် ချစ်စရာ ကောင်းတဲ့အမျိုးသမီးငယ်ပါ။ အသက်က ၄၀ရှိနေပြီ ဆိုပေမယ့် နုနု ပျိုပျိုပါပဲ ။
အမြွှာပူးကလေးနှစ်ယောက်မွေးထားတာ မကြာသေးလို့ မိခင် တာဝန်တွေနဲ့ ပိနေပြီး အနုပညာ အလုပ်ကို ခဏရပ်ထားရတယ် လို့ ပြောပါ တယ်။ ကျွန်မကို လက်ဆောင် အဖြစ် "နန်းတွင်း ရတနာ" ဇာတ်လမ်း ဒီဗီဒီ တစ်စုံ ပေး လိုက်ပါတယ်။
လက်ဆောင်ရပြီး တစ်နှစ်ခွဲနီးပါးဖြစ်တဲ့ မကြာခင်ကာလကမှပဲ ဇာတ်လမ်းကို ကြည့် ဖြစ် ပါတယ်။ အဲ့ဒီဇာတ်လမ်းအခွေတွေကို (၂၀၁၀-၂၀၁၂) ကိုရီးယား ခရီးသွားနှစ်အတွက် အထူးထုတ် ခဲ့တာပါ။
အခွေတွေနဲ့အတူ ပါလာတဲ့ ဇာတ်ကားအကြောင်း ရှင်းပြချက်မှာ အနှစ် ၅၀၀ လောက် က အဖြစ်အပျက်တွေကို အခြေခံ ခဲ့တယ်လို့ ဆိုပါတယ်။ ထိုအချိန်အခါက လူတန်းစား ခွဲခြားမှု ၊အမျိုးသမီးများ အနှိမ်ခံ ရမှုတွေရဲ့  လူမှုရေး အကျိုးဆက်တွေ ကို ဝေဖန် သုံးသပ် ထားခြင်းတွေ ကို တွေ့ရ ပါတယ်။
ကိုရီးယား တော်ဝင်ချက်ပြုတ်နည်း ၊ ဆေးကုသနည်းတွေဟာ ကြည့်ရလည်း ကောင်း၊ စိတ်ဝင်စားစရာလည်း ကောင်းပါတယ်။ ဒါပေမဲ့ တကယ့်ကို စိတ်ဝင်စားစရာ၊ အားကျ စရာ၊ အတုယူစရာကတော့ ' ဂျန်ဂင်း' ရဲ့  စိတ်ဓာတ်ပါပဲ။
ငယ်စဉ် ကလေးဘ၀ကတည်းက မိဘမဲ့လေးတစ်ယောက်အနေနဲ့ မိခင်ရဲ့ ဆန္ဒကို အကောင်ထည်ဖော်ဖို့ မလျှော့တဲ့ ဇွဲ၊ လုံ့ လနဲ့ ရုန်းကန်ခဲ့ပုံတွေဟာ ချစ်စရာ၊ သနား စရာ၊ လေးစားစရာကောင်းလှပါတယ်။ မိန်းကလေးတစ်ယောက်ရင်ဆိုင်ရတဲ့ ဒုက္ခတွေ ကို လေ့လာရင်းနဲ့ လူတန်းစားခွဲခြားတဲ့ စနစ်ဆိုးရဲ့  အနိဠာရုံတွေကို သဘောပေါက် ရပါတယ်။
နန်းတွင်း အာဏာလုပွဲတွေ အကြားမှာ လမ်းလွဲပြီး မေတ္တာ၊ ကရုဏာတွေ ပျောက် ကွယ်ကာ လူသားချင်းမညှာမတာ ဆက်ဆံပြုကျင့်တာတွေဟာ ဘ၀ သင်ခန်းစာတွေ ပဲလို့ မှတ်ယူနိုင်ပါတယ်။
ဘယ်ခေတ် ဘယ်အခါမှာမဆို ပစ္စည်းဥစ္စာ၊ ရာထူးအာဏာတို့ကြောင့်၊ လူ့နှလုံးသား၊ လူ့သိက္ခာတွေ ပျောက်ဆုံးရပုံတွေကို သတိရစေပါတယ်။ တကယ့်ကို တရားရစေတဲ့ ကိစ္စကတော့ ဒီလိုသြဇာ၊ အာဏာ မရမက ဘယ်နည်းမဆိုသုံးပြီး ရယူတဲ့သူတွေ ကြည့်ရတာလည်း ဘယ်သူမှ စိတ်ချမ်းသာပုံမရပါဘူး။
အများစုက အမှန်တရားကို ဂရုမထားတဲ့ ပတ်ဝန်ကျင်မှာ ကြီးပြင်းလာရတဲ့ 'ဂျန်ဂင်း' ၊ ဖြူစင်တဲ့နှလုံးသား၊ ခိုင်မာတည်ကြည်တဲ့ စိတ်ဓာတ်တို့ နဲ့ ကြီးပြင်းလာနိုင်ခဲ့တာက ငယ်စဉ်က မိဘတွေရဲ့  ကောင်းမွန်တဲ့ ဆုံးမသွင်သင်မှုနဲ့ နန်းတွင်းရောက်တဲ့ အစဆုံးတွေ့ခဲ့ရတဲ့ ဆရာ၊ ဆရာမကောင်းတွေကြောင့်ပဲဖြစ်ပါတယ်။
ဒီ မိဘမဲ့ မိန်းကလေးရဲ့ ဘ၀မှာ ကံကောင်းခြင်း များစွာ၊ ဒုက္ခကြီးများစွာ ကြုံတွေ့ခဲ့ ရပေမယ့် ဆရာကောင်းများနဲ့ အကြိမ်ကြိမ် တွေ့ဆုံခဲ့ရတဲ့ မဟာကံကောင်းခြင်းကြီး ကတော့ ဘယ်လိုမှ တန်ဖိုး မဖြတ်နိုင်ပါဘူး။
ဒီအပြင်လည်း လောကဓံရဲ့  ရိုက်နှက်မှုပေါင်းများစွာ အတွင်းက မယိမ်းမယိုင် မေတ္တာ တိုင်ခဲ့တဲ့ သူရဲကောင်းဇာတ်လိုက်ကြီး ကလည်း ရှိသေးတယ်လေ။
'နန်းတွင်းရတနာ' ဆိုတော့လည်း နန်းတွင်းအဖြစ်အပျက်၊ အမှုအကျင့်တွေ အများကြီး ပြထားတာပေါ့။ ဒီဇာတ်လမ်းထဲက ရှင်ဘုရင်ကတော့ သဘောထား မဆိုး ပါဘူး။ ဒါပေမဲ့ စိတ်ခိုင်မာသင့်သလောက်မခိုင်မာပါဘူး ။
အထူးသဖြင့် မယ်တော်ကြီးရဲ့ သြဇာကို မလွန်ဆန်နိုင်တာကတော့ စိတ်ပျက် စရာ ကောင်းပါတယ်။ မယ်တော်ကြီး လုပ်ပုံ ကိုင်ပုံတွေကလည်း စဉ်းစားစာရပါပဲ။ သားအပေါ်မှာ တကယ် မေတ္တာထားရင် မလုပ်သင့် တာတွေလည်းပါပါရဲ့ ။ မေတ္တာတော့ရှိပါရဲ့ ၊ ပညာမရှိ လို့လားလို့ စဉ်းစားစရာ ဖြစ်ပါတယ် ။
နောက်ဆုံးနား မှာတော့ 'ဂျန်ဂင်း' က မင်းကြီးသမားတော် ဖြစ် လာတဲ့ တခါ ဘုရင့်ကို ခန္ဓာကိုယ်ပိုင်းဆိုင်ရာတင်မက စိတ်ပိုင်းဆိုင်ရာကိုပါ ကျန်းမာ ခိုင်ခံ့ပေးဖို့ လုပ်ဆောင် ခဲ့ပါတယ်။ နောက်ဆုံးဘ၀မကူးမီ အချိန်မှာ ရေးခဲ့တဲ့စာထဲမှာ မိမိကို အားရှိတဲ့သူ တစ်ဦးဖြစ်အောင် လုပ်ပေးခဲ့တာကို ကျေးဇူးတင်ကြောင်း ဘုရင် က ရေးသားခဲ့ ပါတယ် ။
'နန်းတွင်းရတနာ' ဇာတ်လမ်းဟာ ဘာအကြောင်းလဲလို့မေးရင် ပထမဦးဆုံး လွယ် လွယ်ဖြေမယ်ဆိုရင် နန်းတွင်းအကြောင်းလို့ ဆိုနိုင်ပါတယ် ။ နောက်တော့ ကိုရီးယား ချက်နည်း ပြုတ်နည်းတွေ အကြောင်း၊ ဆေးပညာ အကြောင်းလို့ လည်း ပြောလို့ ရပါတယ်။ နောက်တစ်ဆင့် တက်မယ်ဆိုရင်တော့ လူတန်းစားခွဲခြား တဲ့၊ အမျိုးသမီး များကို နှိမ်တဲ့ လူမှုရေးပြသနာတွေအကြောင်းလို့ ပြောနိုင်ပါတယ်။
ဒါပေမဲ့ အတိုဆုံး၊ အထိရောက်ဆုံး အဖြေကတော့ 'ဇွဲ-သတ္တိ' အကြောင်းပဲ ဖြစ်ပါ တယ်။
ဒီတစ်ပတ်တော့ ဒီမျှ သာ။ ။
အောင်ဆန်းစုကြည်