နာရေးကူညီမှုအသင်း(ရန်ကုန်)တွင် အလှူရှင်များအား (ကန့်သတ်)အဖြစ် ပြန်လည်၍ လက်ဆောင်ပေးအပ်သော “လူမှုရေးဂီတသူရဲကောင်းများ Vol:2” အားဂီတပညာရှင်များဖြစ်သော ဦးရဲလွင်၊ ဆောင်းဦးလှိုင်၊ သားထွေး၊ ကိုနေဝင်း၊ ဘိုဘို (Outsider)၊ အနဂ္ဂ၊ ကောင်းပြည့်၊ မေခလာ၊ နှင်းဧကရီ၊ စိုးသိင်္ခ၊ ဇေယျာသော်၊ J-me၊ လားရှိုးသိန်းအောင် … စသည့် နာမည်ကြီး တေးသံရှင်များမှ ဂီတသံစဉ်တို့ဖြင့် ကုသိုလ်ဖြစ် ရေးသား၊ သီဆို၊ တီးခတ်မှုများ ပြုလုပ်ပေးလျှက်ရှိရာ အဆိုတော် ဖြိုးကြီးသည်လည်း အပါအဝင်ဖြစ်ခဲ့သည်။ ထို့ကြောင့် ယနေ့ ဖြိုးကြီးတစ်ယောက် နာရေးကူညီမှုအသင်း (ရန်ကုန်)တွင် လုပ်အားပေးအဖြစ် နာရေးကူ ညီမှု ဈာပနလမ်းကြောင်းများအား လာရောက်ကုသိုလ်ယူစဉ် “လူမှုရေးဂီတသူရဲကောင်းများ Vol:2” အတွက် ရိုက်ကူးရေးကဏ္ဍကိုပါ ဆောင်ရွက်ခဲ့သည်။ ပထမဦးဆုံး နာရေးလမ်းကြောင်းအဖြစ် မြောက်ဒဂုံ မြို့နယ်၊ ဇေယျသုခလမ်းတွင် နေထိုင်သော ဦးသန်းမောင် အသက် (၈၁)နှစ်၏ ဈာပနနှင့် ဒုတိယ နာရေး လမ်းကြောင်းအဖြစ် စမ်းချောင်းမြို့နယ်၊ ဟံသာဝတီကမ္မဋ္ဌာန်းတိုက်၊ ပဓာနနာယက ဆရာတော် ဘဒ္ဒန္တ ဇဝန သက်တော် (၉၃)နှစ်၊ သိက္ခာတော် (၇၂)ဝါ ဆရာတော်ဘုရားကြီး ၏ အန္တိမဈာပန လမ်းကြောင်းတို့အား ကိုယ်တိုင်ကိုယ်ကျ နာရေးကူညီမှုအသင်း(ရန်ကုန်) အသင်းသား/ သူများနှင့် လက်တွဲကာ ဥက္ကဋ္ဌ ဦးကျော်သူကိုယ်တိုင် နိဗ္ဗာန်ယာဉ်မောင်းနှင်ပြီး ကွယ်လွန်သူတို့၏ ရုပ်ကလပ်တို့အား သယ်ယူပို့ဆောင်ကာ ရေဝေးသုဿန်တွင် မီးသင်္ဂြိုလ်ခြင်းအခမ်းအနားကို ပြုလုပ်ပေး ခဲ့သည်။
မညီမညာ ကြမ်းတမ်းသော လူ့ဘဝကြီးထဲတွင် ခရီးသွားနေကြသော လူသားများအတွက် ကူညီ ဖေးမမှုများကို ပြုလုပ်ပေးနေသော နာရေးကူညီမှုအသင်း(ရန်ကုန်)နှင့်အတူ အဆိုတော် ဖြိုးကြီးသည် လောကကြီးအား အလှဆင်နိုင်ရန်အတွက် လူမှုရေးခြေလှမ်းသစ်တစ်ရပ် ပေးဆပ်မှုခြေလှမ်း လျှောက်လှမ်းခဲ့ပြီဖြစ်ပါသည်။
အလှဆင်
ရေး/ဆို - ဖြိုးကြီး
လောကရဲ့အခန်းထဲမှာ မွေးဖွားခဲ့ကြ
အားလုံးသော လူ့ဘဝဟာ ခရီးသွားများ
မညီညာ ကြမ်းတမ်းတဲ့ လမ်းဖြစ်ပါစေကွာ
တို့ … ဖြတ်သန်းရမှာ
အဆိုးအကောင်း အကျိုးအပြစ်တွေ ခွဲခြားလို့မရ
တစ်ခါတစ်လေတော့ လောကရဲ့တစ်ချို့ကိစ္စ
အမှန်တရားရဲ့ အဆုံးအဖြစ်ဟာ
ကြိုတင်ပြီး … မသိနိုင်ပြီလား
ဒီကမ္ဘာမြေဖျားနာ မွှန်းကျပ်နေပြီ
အားလုံးဟာ မဆိုင်သလိုဘဲ ငေးကြည့်ကြမလား
တို့တစ်တွေ ဖေးမကူညီ … ဝိုင်းဝန်းကာ စောင့်ရှောက်ကြပါ
စာနာ နားလည်ပေးကာ လောကကို လှခွင့်ပေးပါ
မျှော်လင့်ချက်တို့ အသက်ဆက်ကာ နှစ်သိမ့်အားပေး
နွေးထွေးတဲ့ လူ့အသိုက်အမြုံ အဆုံးမရှိတဲ့နေ့
ရှင်သန်ခြင်းရဲ့ အနက်အဓိပ္ပါယ်မှာ
လူသားတိုင်း … နားလည်ခံစား …
x x x x x
(ကျော်သူ)
