ပုဂ္ဂလိကဘဏ် အခန်းကဏ္ဍ

November 22, 2017, 8:53 pm

≫ Next: ဇင်ဘာဘွေမှာ ဒီမိုကရေစီ စနစ်သစ် စတော့မယ်လို့ ခေါင်းဆောင်သစ်က ပြော

≪ Previous: ဂျွမ်းဘားမယ်လေးတွေကို မတော်မတရား လုပ်ခဲ့တယ်လို့ အိုလံပစ် ဆရာဝန် ဝန်ခံ

ပုဂ္ဂလိကဘဏ် အခန်းကဏ္ဍ

တိုင်းပြည်စီးပွားရေး တိုးတက်ဖို့အတွက် ပူးပေါင်းလုပ်ကိုင်ကြဖို့ ပုဂ္ဂလိကဘဏ် (၂၂) ခုရဲ့  ဥက္ကဋ္ဌတွေကို ဒေါ်အောင်ဆန်းစုကြည်က သြဂုတ်လ (၁၅) ရက်နေ့မှာ နေပြည်တော်မှာ ပြောကြားသွားပါတယ်။ ဒါပေမဲ့ မြန်မာ့ငွေရေးကြေးရေးကဏ္ဍဟာ အရှေ့ တောင်အာရှမှာ ဖွံ့ဖြိုးတိုးတက်မှု အနည်းဆုံး ဖြစ်နေပါတယ်။ နိုင်ငံခြားဘဏ်တွေကို ဝင်ခွင့်ပြုလိုက်ပြီး အာဆီယံစီးပွားရေး အသိုက်အဝန်းမှာ ပါဝင်လာပေမယ့် မြန်မာ့ငွေကြေးကဏ္ဍ နိုင်ငံတကာအဆင့်မီဖို့ အများကြီး လိုပါသေးတယ်။ မြန်မာပြည်မှာ ဘဏ်လုပ်ငန်းစခဲ့တာ အနှစ် (၈၀) လောက် ရှိပါပြီ။ ဒါပေမဲ့ ခေတ်မမီနိုင်ဘဲ ဖြစ်နေပါတယ်။

မြန်မာနိုင်ငံသားတဦးရဲ့  နှစ်စဉ်အသားတင် ထုတ်လုပ်မှုဟာ အမေရိကန်ဒေါ်လာ (၁၂၀၀) ရှိပြီး၊ လာအိုနိုင်ငံသားက (၁၈၀၀)၊ အင်ဒိုနီးရှားနိုင်ငံသား (၃၃၀၀)၊ ထိုင်းနိုင်ငံသား (၅၈၀၀) ဖိုး ထုတ်လုပ်ကြပါတယ်။ ဘဏ္ဍာရေးမှာ ဘဏ်လုပ်ငန်းဟာ အရေးအကြီးဆုံး ဖြစ်ပါတယ်။ ဒါပေမဲ့ GIZ ဂျာမန်အဖွဲ့ရဲ့  တွက်ကိန်းအရ နိုင်ငံသားတဦးရဲ့  တနှစ်တာ ဘဏ်အပ်နှံငွေဟာ (၃) ဒေါ်လာသာရှိပြီး၊ ဘဏ်ချေးငွေဟာ (၁) ဒေါ်လာခွဲသာ ရှိပါတယ်။ မြန်မာ့ဘဏ္ဍာရေးဟာ လွန်ခဲ့တဲ့ (၅) နှစ်အတွင်း တဖြည်းဖြည်း တိုးတက်လာပေမယ့် အရှေ့ တောင်အာရှမှာတော့ အောက်ဆုံးအဆင့်မှာပဲ ရှိပါသေးတယ်။

လွန်ခဲ့တဲ့ အနှစ်တရာကျော် ကိုလိုနီခေတ်က မြန်မာပြည်မှာ ဘဏ်လုပ်ငန်း စတင်တာ ဖြစ်ပေမယ့် မဆလစစ်အစိုးရခေတ်မှာ ပုဂ္ဂလိကဘဏ် (၁၀) ခုနဲ့ နိုင်ငံခြားဘဏ် (၁၄) ခုတို့ နိုင်ငံတော်ပိုင် လုပ်ခံရပါတယ်။ မဆလခေတ် ပျက်သုဉ်းလို့ စစ်အစိုးရ ပြန်တက်ပြီး၊ ဈေးကွက်စီးပွားရေး လုပ်တဲ့အခါ ၁၉၉၂ မှာ ပုဂ္ဂလိကဘဏ် ပြန်လည်ပေါ်ထွက်လာပါတယ်။ ဦးသိန်းစိန်အစိုးရလက်ထက်မှာ ဗဟိုဘဏ်ဟာ လုပ်ပိုင်ခွင့် ပိုမိုရှိလာပြီး၊ လွတ်လပ်စွာ သီးခြားရပ်တည်နိုင်တဲ့ အဖွဲ့အစည်း ဖြစ်လာပါတယ်။ ဦးသိန်းစိန်လက်ထက် ၂၀၁၆ မှာ စာမျက်နှာ (၈၉) မျက်နှာရှိတဲ့ “ငွေရေးကြေးရေး အဖွဲ့အစည်းများဥပဒေ” ကို ပြဌာန်းနိုင်တာဟာ ထူးခြားမှုတစ်ခု ဖြစ်ပါတယ်။ ကမ္ဘာ့ဘဏ်အကူအညီနဲ့ ရေးဆွဲထားတဲ့ ဥပဒေဖြစ်လို့ အပြည်ပြည်ဆိုင်ရာ အဆင့်အတန်းမီတယ်လို့ GIZ ဂျာမန်အဖွဲ့က မှတ်ချက်ချထားပါတယ်။

ပြည်တွင်းဘဏ် (၃၀) နဲ့ နိုင်ငံခြားဘဏ် (၉) ခုမှာရှိတဲ့ စုစုပေါင်း ငွေပမာဏဟာ တိုင်းပြည်အသားတင် ထုတ်လုပ်မှုရဲ့  (၅၅) ရာခိုင်နှုန်း ရှိတယ်လို့ GIZ ဂျာမန်အစီရင်ခံစာမှာ ဖော်ပြပါတယ်။ လွန်ခဲ့တဲ့နှစ် ဇွန်လစာရင်းအရ မြန်မာပြည်မှာ ဘဏ်ခွဲပေါင်း နှစ်ထောင်နီးပါးရှိကြောင်း သိရပါတယ်။ လူတသိန်းမှာ ဘဏ် (၄) ခုလောက်ရှိတဲ့ သဘောပါ။ ရန်ကုန်လူဦးရေ (၇) သန်းကျော်မှာ ဘဏ်ခွဲ (၄၇၀) ရှိပြီး၊ လူဦးရေ တသန်းကျော်ရှိတဲ့ နေပြည်တော်မှာ (၆၉) ခု ရှိတာမို့ အချိုးအစားအရ အရေအတွက်ချင်း အတူတူ ဖြစ်နေပါတယ်။ ပုဂ္ဂလိကဘဏ်လုပ်ငန်းကို ကြီးစိုးတဲ့ ခရိုနီကုမ္ပဏီတွေထဲမှာ အကြီးဆုံးက ကမ္ဘောဇ၊ ဧရာဝတီ နဲ့ သမဝါယမ (CB) ဘဏ်တွေ ဖြစ်ကြပါတယ်။ ဒီအထဲမှာ ကမ္ဘောဇဘဏ် အကြီးဆုံးဖြစ်ပြီး၊ မကြာမီကပဲ အမေရိကန်ဘဏ်ပါရဂူ Mike Denoma ကို အမှုဆောင်အရာရှိချုပ်အဖြစ် ခန့်အပ်လိုက်ပါတယ်။

အာဏာအရှိဆုံး ဗိုလ်ချုပ်မှူးကြီးတွေနဲ့ ရင်းနှီးသူ ခရိုနီ ဦးအောင်ကိုဝင်း တည်ထောင်ထားတဲ့ ကမ္ဘောဇဘဏ်ဟာ အချမ်းသာဆုံး ပုဂ္ဂလိကဘဏ် ဖြစ်လာပြီး၊ တပြည်လုံးမှာ ဘဏ်ခွဲ ငါးရာကျော် ရှိပါတယ်။ ထိုင်းနိုင်ငံရောက် ရွှေ့ ပြောင်းလုပ်သားတွေ မြန်မာပြည်ကို ငွေပြန်ပို့နိုင်အောင်လည်း ကမ္ဘောဇဘဏ်က စီစဉ်ထားပါတယ်။ ခရိုနီ ဦးဇော်ဇော် တည်ထောင်တဲ့ ဧရာဝတီဘဏ်ကတော့ ဘဏ်ခွဲပေါင်း နှစ်ရာလောက်နဲ့ ဒုတိယအကြီးဆုံး ဖြစ်ပါတယ်။ CB ဘဏ်လို့ လူသိများတဲ့ သမဝါယမဘဏ်ဟာ တတိယအကြီးဆုံး ဖြစ်ပါတယ်။ သမာဝါယမဘဏ် လိမိတက် Cooperative Bank Limited ကို ၁၉၉၂ မှာ ပုဂ္ဂလိကဘဏ်အဖြစ် တည်ထောင်ခဲ့ပြီး ၂၀၀၄ မှာ အများပိုင်ကုမ္ပဏီ Private Company အဖြစ် ပြန်လည်ဖွဲ့စည်းခဲ့ပါတယ်။ ဒီကုမ္ပဏီကြီးသုံးခုဟာ ဘဏ်လုပ်ငန်းကဏ္ဍရဲ့  (၆၀) ရာခိုင်နှုန်းကျော်ကို ပိုင်ဆိုင်ကြောင်း သိရပါတယ်။

ဒီဘဏ်ကြီး (၃) ခုအပြင် မြဝတီဘဏ်၊ MAB မြန်မာ့ရှေ့ ဆောင်ဘဏ်နဲ့ ရိုးမဘဏ်စတဲ့ ခရိုနီဘဏ်တွေကိုလည်း အရေးပါတဲ့ ဘဏ္ဍာရေးအဖွဲ့အစည်းအဖြစ် ရိုလင်ဘာဂါ (Roland Berger) ကုမ္ပဏီ အစီရင်ခံစာမှာ ဖော်ပြပါတယ်။ ကျန်တဲ့ဘဏ်တွေမှာ မတည်ငွေရင်း မလုံလောက်တဲ့ ပြဿနာ ရှိပါတယ်။ ၂၀၁၆ မတ်လကုန်စာရင်းအရ မတည်ငွေရင်း ဒေါ်လာ (၇၅) သန်းကျော်တဲ့ဘဏ်က (၅) ခု ရှိပြီး၊ သန်းတရာကျော်တာက (၂) ခုသာ ရှိကြောင်း သိရပါတယ်။ ငွေရေးကြေးရေး အဖွဲ့အစည်းဥပဒေက သတ်မှတ်ထားတဲ့ မတည်ငွေရင်း ဒေါ်လာ (၁၆) သန်းတောင် မရှိတဲ့ ဘဏ်လုပ်ငန်းက (၆) ခု ရှိနေပါတယ်။

မြန်မာ့ဘဏ်လုပ်ငန်းကဏ္ဍဟာ ပြုပြင်ပြောင်းလဲရမယ့်အချိန် ရောက်နေပါပြီ။ လွန်ခဲ့တဲ့ (၅) နှစ်မှာ ခရိုနီတွေ ခေါင်းဆောင်တဲ့ ဘဏ်လုပ်ငန်းတွေ အရှိန်အဟုန်နဲ့ ကြီးထွားလာပါတယ်။ ခေတ်မီနည်းစနစ်ကိုလည်း ကျင့်သုံးလာပါတယ်။ ဒါပေမဲ့ ခေတ်နောက်ကျနေတုန်းဖြစ်လို့ ခရိုနီတွေ ကြီးစိုးတဲ့ဘဏ်လုပ်ငန်း တိုးတက်ဖွံ့ဖြိုးလာမှ တိုင်းပြည်စီးပွားရေးလည်း တိုးတက်လာမယ်လို့ ရိုလင်ဘာဂါ အစီရင်ခံစာက ဆိုပါတယ်။ ပုဂ္ဂလိကဘဏ်တွေအနေနဲ့ သူတို့ကို အကာအကွယ်ပေးမယ့် စည်းမျဉ်းတွေကို ထိုင်စောင့်နေမယ့်အစား ကိုယ်ထူကိုယ်ထ ကြိုးစားကြဖို့ ရိုလင်ဘာဂါ အစီရင်ခံစာမှာ တိုက်တွန်းထားပါတယ်။

ဦးအောင်ခင် / ကိုဉာဏ်ဝင်းအောင် / ဗွီအိုအေ (မြန်မာပိုင်း)
https://burmese.voanews.com

↧

ဇင်ဘာဘွေမှာ ဒီမိုကရေစီ စနစ်သစ် စတော့မယ်လို့ ခေါင်းဆောင်သစ်က ပြော

November 22, 2017, 8:54 pm

≫ Next: ဇင်ဘာဘွေဒုသမ္မတဟောင်း နိုင်ငံပြန်ရောက်

≪ Previous: ပုဂ္ဂလိကဘဏ် အခန်းကဏ္ဍ

ဟာရာရီမြို့မှာ လူထုကြီးကို မစ္စတာ မနန်ဂါဂွာ မိန့်ခွန်းပြောနေစဉ်

ဇင်ဘာဘွေနိုင်ငံရဲ့ ခေါင်းဆောင်သစ် အမ်မာဆန် မနန်ဂါဂွာက ဇင်ဘာဘွေနိုင်ငံမှာ ဒီမိုကရေစီစနစ်သစ်ရဲ့အစကို ပြည်သူတွေ တွေ့မြင်ကြရတော့မယ်လို့ သူ့ကို ထောက်ခံအားပေး အောင်ပွဲဆင်နေတဲ့ လူအုပ်ကြီးကို ပြောကြားသွားပါတယ်။

သမ္မတ အဖြစ် လာမယ့် သောကြာနေ့မှာ ကျမ်းသစ္စာ ကျိန်ဆိုမယ့် မစ္စတာ မနန်ဂါဂွာ က တိုင်းပြည် စီးပွားရေး ပြန်လည်တည်ဆောက်ဖို့နဲ့ အလုပ်လက်မဲ့ ဖြစ်နေသူ အများအပြားအတွက် အလုပ်တွေ ဖန်တီးပေးဖို့ကို သူဦးစားပေး လုပ်ဆောင်သွားမယ်လို့ ပြောပါတယ်။

သူမိန့်ခွန်းပြောနေစဉ်မှာ လူအုပ်ကြီးက လွတ်လပ်ရေး ကြွေးကြော်သံတွေ ဟစ်ကြွေးခဲ့ကြပါတယ်။

သူ့ကို ဒုတိယ သမ္မတရာထူးကနေ မစ္စတာ မူဂါဘီ ထုတ်ပယ်ခဲ့အပြီး ငြိမ်းငြိမ်းချမ်းချမ်းနဲ့ အာဏာလွှဲယူပေးနိုင်ခဲ့တဲ့ စစ်တပ်ကို မစ္စတာ မနန်ဂါဂွာက သူ့မိန့်ခွန်းထဲမှာ ချီးကျူးစကား ပြောသွားပါတယ်။

မစ္စတာ မနန်ဂါဂွာဟာ တောင်အာဖရိကနိုင်ငံကနေ ဇင်ဘာဘွေနိုင်ငံကို အင်္ဂါနေ့ မနက်အစောပိုင်းက ပြန်ရောက်လာခဲ့တာ ဖြစ်ပါတယ်။

BBC Burmese
http://www.bbc.com/burmese

↧

ဇင်ဘာဘွေဒုသမ္မတဟောင်း နိုင်ငံပြန်ရောက်

November 22, 2017, 8:54 pm

≫ Next: တရုတ်ပြည်ရှိ Apple Store ၌ Skype အက်ပလီကေးရှင်းအားပိတ်ပင်ရန် တရုတ်အစိုးရအမိန့်ပေး

≪ Previous: ဇင်ဘာဘွေမှာ ဒီမိုကရေစီ စနစ်သစ် စတော့မယ်လို့ ခေါင်းဆောင်သစ်က ပြော

ဇင်ဘာဘွေ လွှတ်တော်ဥက္ကဋ္ဌ Jacob Mudenda က သမ္မတ Robert Mugabe တရားစွဲဆိုရေး နိုဝင်ဘာ ၂၁ ရက်နေ့က လွှတ်တော်ကို ဖတ်ကြားပြနေစဉ်။

ဇင်ဘာဘွေနိုင်ငံမှာ သမ္မတရာထူးဆက်ခံမယ့် Emmerson Mnangagwa ဟာ ပြည်ပမှာ နှစ်ပတ်ကြာ နေထိုင်ခဲ့ပြီးတဲ့နောက် ဗုဒ္ဓဟူးနေ့က ပြန်လည်ရောက်ရှိခဲ့ပါတယ်။ နိုင်ငံကို နှစ်ပေါင်းများစွာ အုပ်စိုးခဲ့တဲ့ သမ္မတ Robert Mugabe အင်္ဂါနေ့မှာ နုတ်ထွက် သွားပြီးတဲ့နောက် သူ ရာထူးဆက်ခံဖို့ ဖြစ်လာခဲ့တာပါ။

Mnangagwa ဟာ သောကြာနေ့ကျရင် သမ္မတသစ်အဖြစ် ကျန်းသစ္စာ ကျိန်ဆိုမယ်လို့ ဇင်ဘာဘွေ ပါလီမန်ဥက္ကဋ္ဌက ပြောပါတယ်။ Mugabe က သူ့ကို ဒုသမ္မတ ရာထူးက ထုတ်ပယ်လိုက်ပြီးတဲ့နောက် နိုဝင်ဘာလ ၆ ရက်နေ့မှာ ပြည်ပကို ထွက်ပြေးသွားခဲ့တာ ဖြစ်ပါတယ်။ ဇင်ဘာဘွေ နိုင်ငံသား တယောက်ကတော့ ဒါဟာ ကြီးမားတဲ့ ထိုးဖောက်ကျော်လွှားမှု တရပ်ဖြစ်တယ်၊ ဒါ့ကြောင့် ဇင်ဘာဘွေပြည်သူတွေက ဘုရားသခင်ကို ကျေးဇူးတင်ကြတယ်၊ ဆုတောင်းပြည့်တာ ဖြစ်တယ်၊ နှစ်ပေါင်း ၃၇ နှစ်လုံးလုံး ဒုက္ခခံခဲ့ရတာ ဖြစ်တယ်လို့ ဝမ်းသာအားရ ပြောကြားခဲ့ပါတယ်။ ဒါပေမယ့် နိုင်ငံခြား ဆက်ဆံရေးကောင်စီ အကြီးတန်းအဖွဲ့ဝင် John Campbell ကတော့ Mnangagwa ဟာ Mugabe အုပ်ချုပ်ရေးမှာ အဓိက အခန်းကဏ္ဍက ပါဝင်ခဲ့သူ တယောက်ဖြစ်တဲ့အတွက် အုပ်ချုပ်ရေးပုံသဏ္ဍန် အချိန်တိုအတွင်းမှာ ပြောင်းလဲဖို့ မမျှော်လင့်နိုင်ဘူးလို့ ဆိုပါတယ်။

အသက် ၉၃ နှစ်အရွယ် Mugabe ဟာ ဇင်ဘာဘွေနိုင်ငံ ၁၉၈၀ မှာ ဗြိတိသျှတို့ လက်အောက်က လွတ်လပ်ရေးရပြီးချိန်ကစလို့ ဆက်တိုက် အုပ်ချုပ်လာခဲ့သူ ဖြစ်ပါတယ်။ နိုင်ငံသားတွေအပေါ် ရိုက်နှက်မှု၊ ညှင်းပန်းနှိပ်စက်မှု၊ နိုင်ငံရေး အတိုက်အခံတွေကို သတ်ဖြတ်မှုအပါအဝင် လူ့အခွင့်အရေး ချိုးဖောက်မှုတွေကြောင့် မကြာခန ဝေဖန် ခံခဲ့ရသူလည်း ဖြစ်ပါတယ်။

သူ့ရဲ့မဟာမိတ်တွေနဲ့ သူ့ကို ထောက်ခံသူတွေက လူဖြူတွေပိုင်တဲ့ မြေယာတွေကို အတင်းအဓမ္မသိမ်းပိုက်တဲ့ ၂၀၀၀ ပြည့်နှစ်ကစပြီး သမ္မတ Mugabe အပေါ် အနောက်နိုင်ငံတွေက ဒဏ်ခတ် အရေးယူမှုတွေ ချမှတ်ခဲ့ကြပါတယ်။ အဲဒီနောက် လယ်ယာထွက်ကုန်နဲ့ စီးပွားရေး ခြွတ်ခြုံကျလာခဲ့ပြီး ငွေကြေးဖောင်းပွမှုဟာ ၂၃၁ သန်း % အထိ မြင့်တက် သွားခဲ့ပါတယ်။

ပြီးခဲ့တဲ့အင်္ဂါနေ့အထိ သမ္မတ Mugabe က ရာထူးက နုတ်ထွက်လိုကြောင်း မပြသဘဲ ဝန်ကြီးအဖွဲ့ အစည်းအဝေးတရပ်တောင် ခေါ်ယူ ကျင်းပခဲ့ပါသေးတယ်။ နောင်နှစ်ကျရင် အသက် ၉၄ နှစ်ပြည့်တော့မယ့် သမ္မတ Mugbe ဟာ နောင်နှစ်ကျင်းပမယ့် ရွေးကောက်ပွဲမှာ ထပ်မံအရွေးခံဖို့တောင် စီစဉ်ခဲ့တာ ဖြစ်ပါတယ်။

VOA (မြန်မာပိုင်း)
https://burmese.voanews.com

↧

တရုတ်ပြည်ရှိ Apple Store ၌ Skype အက်ပလီကေးရှင်းအားပိတ်ပင်ရန် တရုတ်အစိုးရအမိန့်ပေး

November 22, 2017, 9:40 pm

≫ Next: ဒုက္ခသည်တွေ ပြန်လည်လက်ခံရေး မြန်မာနဲ့ ဘင်္ဂလားဒေ့ရှ် လက်မှတ်ရေးထိုး

≪ Previous: ဇင်ဘာဘွေဒုသမ္မတဟောင်း နိုင်ငံပြန်ရောက်

ဘေဂျင်း၊ နိုဝင်ဘာ ၂၃ ။ ။ နာမည်ကျော်လူကြိုက်များသည့် ဆက်သွယ်ရေးအက်ပလီကေးရှင်းဖြစ်သော Skype နှင့် ၄င်းနှင့်ဆင်တူသော အခြားဆက်သွယ်ရေး အက်ပလီကေးရှင်းများကို တရုတ်အစိုးရ၏ပိတ်ပင်မှုကြောင့် Apple Store များနှင့် အခြား အက်ပလီကေးရှင်းရောင်းချသောနေရာများ၌ ရယူနိုင်ခြင်းမရှိတော့ကြောင်း တရုတ်ပြည်ရှိ Apple ကုမ္ပဏီက ဗုဒ္ဓဟူးနေ့၌ အတည်ပြုကြေညာခဲ့သည်။

“အများပြည်သူလုံခြုံရေးဝန်ကြီးဌာနရဲ့ အသိပေးချက်အရ အင်တာနက်အသုံးပြုပြီးဆက်သွယ်ရတဲ့ VoIP အက်ပလီကေးရှင်းတွေဟာ ဒေသတွင်းဥပဒေနဲ့ ကိုက်ညီမှုမရှိဘူးလို့သိရပါတယ်။ ဒါကြောင့် ဒီအက်ပီကေးရှင်း တွေကို တရုတ်ပြည်ရဲ့ Apple Store ကနေဖျက်သိမ်းသွားမှာဖြစ်ပါတယ်” ဟု Apple က ထုတ်ပြန်ခဲ့သည်။

“ဒါပေမယ့် ဒီအက်ပလီကေးရှင်းတွေကို အခြားဈေးကွက်တွေမှာတော့ ရယူနိုင်ဦးမှာဖြစ်ပါတယ်” ဟုလည်း တရုတ်ပြည်ရှိ Apple ကုမ္ပဏီကပြောဆိုခဲ့သည်။ ယင်းအက်ပလီကေးရှင်းအများစုကို အသုံးပြုသူများသည် ၄င်းတို့၏တရားဝင်သက်သေခံကတ်ပြားများကို အသုံးပြု၍ စာရင်းပေးသွင်းခြင်းမရှိသောကြောင့် တရုတ်အစိုးရ က ယခုလိုပိတ်ပင်ခဲ့ခြင်းဖြစ်ကြောင်း Apple က ရှင်းပြခဲ့သည်။

Apple သာမက အခြားသော တရုတ်ပြည်၏စမတ်ဖုန်းကုမ္ပဏီများဖြစ်ကြသော Xiaomi နှင့် Huawei တို့သည် လည်း Skype နှင့် အခြားသော VoIP အက်ပလီကေးရှင်းများကို အသုံးပြုခွင့်မပေးနိုင်တော့ကြောင်း သိရသည်။

ယခုဆုံးဖြတ်ချက်သည် နိုင်ငံခြားနည်းပညာကုမ္ပဏီများအတွက် တရုတ်ဆိုက်ဘာစီမံအုပ်ချုပ်ရေးအဖွဲ့၏ နောက်ထပ်ထိုးနှက်ချက်တစ်ခုလည်းဖြစ်သည်။ တရုတ်ပြည်၌ Google၊ Facebook၊ Twitter၊ YouTube နှင့် Instagram တို့ကိုလည်း အသုံးပြုခွင့်ပိတ်ပင်ထားသည်။

တရုတ်ပြည်မှအင်တာနက်အသုံးပြုသည့် သန်း ၇၀၀ ကျော်ခန့်သောပြည်သူများသည် တရုတ်အစိုးရ၏ အင်တာနက်ဆင်ဆာအစီအစဉ်များသည် VPN ပရိုဂရမ်များအား ထိခိုက်သွားမည်ကိုလည်း စိုးရိမ်လျက်ရှိနေကြ သည်။
Mizzima - News in Burmese

↧

ဒုက္ခသည်တွေ ပြန်လည်လက်ခံရေး မြန်မာနဲ့ ဘင်္ဂလားဒေ့ရှ် လက်မှတ်ရေးထိုး

November 23, 2017, 7:06 am

≫ Next: Washington DC မှာ MS-13 ဂိုဏ်းက အမျိုးသားတစ်ဦး ကိုခေါင်းဖြတ်သတ်

≪ Previous: တရုတ်ပြည်ရှိ Apple Store ၌ Skype အက်ပလီကေးရှင်းအားပိတ်ပင်ရန် တရုတ်အစိုးရအမိန့်ပေး

Photo: Myanmar State Counsellor Office

ရခိုင်ပြည်နယ် ပဋိပက္ခအတွင်း ဘင်္ဂလားဒေ့ရ်ှနိုင်ငံဘက် ထွက်ပြေးခဲ့ကြတဲ့ ဒုက္ခသည်တွေ ပြန်လည်လက်ခံရေး အစီအစဉ်ကို နှစ်လအတွင်း စတင်ဖို့ မြန်မာနဲ့ ဘင်္ဂလားဒေ့ရ်ှတို့ သဘောတူညီခဲ့ကြကြောင်း ဘင်္ဂလားဒေ့ရ်ှအစိုးရက ကြေညာချက်ထုတ်ပြန်ပါတယ်။

ဒီလက်မှတ်ရေးထိုးမှုနဲ့ ပတ်သက်လို့ နိုင်ငံတော်အတိုင်ပင်ခံရုံး ဝန်ကြီးဌာနက ဒီကနေ့ သတင်းထုတ်ပြန်ရာမှာ ၁၉၉၂ ခုနှစ် ကြေညာချက်ကို အခြေခံ ရေးဆွဲထားကြောင်း၊ စိစစ်လက်ခံရာမှာ လိုက်နာဆောင်ရွက်ရမယ့် အထွေထွေမူဘောင်တွေနဲ့ မူဝါဒရေးရာ အစီအမံတွေ ပါဝင်တယ်လို့ ဆိုပါတယ်။

ဒါ့ပြင် ရခိုင်ပြည်နယ်က နေရပ်စွန့်ခွာသူတွေကိစ္စနဲ့ပတ်သက်လို့ အိုအိုင်စီအဖွဲ့နဲ့ အနောက်နိုင်ငံတွေက နိုင်ငံတကာမှာ ဖိအားပေးပြီး ကုလသမဂ္ဂ လူ့အခွင့်အရေးကောင်စီ၊ ကုလသမဂ္ဂ အထွေထွေညီလာခံနဲ့ ကုလသမဂ္ဂလုံခြုံရေးကောင်စီတွေက ထုတ်ပြန်ချက်တွေချမှတ်ကာ နိုင်ငံတကာအရေးကိစ္စအဖြစ် ဆောင်ရွက်ခဲ့ပေမယ့် နှစ်နိုင်ငံချင်းပဲ ဖြေရှင်းသွားမယ်လို့ ဖော်ပြထားပါတယ်။

ဒုက္ခသည် ပြန်လည်လက်ခံဖို့ နှစ်နိုင်ငံ နိုင်ငံခြားရေးဝန်ကြီးတွေဖြစ်ကြတဲ့ ဒေါ်အောင်ဆန်းစုကြည်နဲ့ မာမွတ်အလီတို့ နေပြည်တော်မှာ တွေ့ဆုံဆွေးနွေးပြီး နားလည်မှုစာချွန်လွှာ လက်မှတ်ရေးထိုးခဲ့ကြပါတယ်။

ပြန်လာကြမယ့်သူတွေရဲ့ ကိုယ်ရေးအချက်အလက်ဆိုင်ရာ ပုံစံစာရွက်တွေ ဘင်္ဂလားဒေ့ရ်ှအစိုးရထံကရရှိတာနဲ့ ပြန်လည်လက်ခံရေးလုပ်ငန်းတွေ စတင်ဖို့ အဆင်သင့်ပါပဲလို့ အလုပ်သမား၊ လူဝင်မှုနဲ့ ပြည်သူ့အင်အားဝန်ကြီးဌာန အမြဲတမ်းအတွင်းဝန် ဦးမြင့်ကြိုင်က ပြောဆိုကြောင်း ရိုက်တာသတင်းက ဖော်ပြပါတယ်။

ဒုက္ခသည်ကိစ္စနဲ့ ပတ်သက်ပြီး ဒေါ်အောင်ဆန်းစုကြည်နဲ့ ဘင်္ဂလားဒေ့ရှ် နိုင်ငံခြားရေးဝန်ကြီးတို့ ဒီနေ့ နေပြည်တော်မှာ တွေ့ဆုံခဲ့ကြပါတယ်။ ဒုက္ခသည် ပြန်လည်လက်ခံရေးနဲ့ နှစ်နိုင်ငံဆက်ဆံရေး၊ ပူးပေါင်း ဆောင်ရွက်ရေးတွေ တိုးတက်လာတဲ့ကိစ္စတွေ ဆွေးနွေးခဲ့ကြတယ်လို့ မြန်မာ နိုင်ငံခြားရေးဝန်ကြီးဌာနက ထုတ်ပြန်ပါတယ်။

ဒါပေမဲ့ ပြန်လည်လက်ခံမယ့် ဒုက္ခသည် အရေအတွက်နဲ့ပတ်သက်လို့ မသိရသေးပါဘူး။

တပ်မတော်ကာကွယ်ရေးဦးစီးချုပ် ဗိုလ်မှူးကြီး မင်းအောင်လှိုင် ကတော့ ဘင်္ဂလားဒေ့ရှ် အဆိုပြုတဲ့ အရေအတွက်အတိုင်း လက်ခံဖို့ မဖြစ်နိုင်ကြောင်း ပြီးခဲ့တဲ့ သီတင်းပတ်က ပြောဆိုခဲ့ပါတယ်။

RFA Burmese
https://www.facebook.com/rfaburmese/

↧

Washington DC မှာ MS-13 ဂိုဏ်းက အမျိုးသားတစ်ဦး ကိုခေါင်းဖြတ်သတ်

November 23, 2017, 7:08 am

≫ Next: ထားဝယ်အမျိုးသား တပ်မတော် ယူနီဖောင်းဝတ်သဖြင့် ခံဝန်ထိုးရ

≪ Previous: ဒုက္ခသည်တွေ ပြန်လည်လက်ခံရေး မြန်မာနဲ့ ဘင်္ဂလားဒေ့ရှ် လက်မှတ်ရေးထိုး

အမေရိကန်ပြည်ထောင်စု၊ Washington DC(၀ါရှင်တန်ဒီစီ) အနီးကပန်းခြံတစ်ခုမှာ El Salvadorian (အဲလ်ဆာလ်ဗေဒိုရီယန်) (MS-13 )လမ်းသရဲဂိုဏ်းအဖွဲ့ ၀င်တွေဟာအမျိုးသား တစ်ဦးကို ဓါးနဲ့အချက်(၁၀၀) ထိုးသတ်ခဲ့ပြီး၊သူ့ရဲ့ဦးခေါင်း ကိုဖြတ်ကာ၊ သူ့ရဲ့နှလုံးကိုထုတ်ယူခဲ့ တယ်လို့ ရဲကပြောပါတယ်။

Maryland(မေရီလန်း) ပြည်နယ်၊Wheaton(၀ှီးတန်) မြို့ကအပန်းဖြေပန်းခြံတစ်ခုမှာMS-13 ဂိုဏ်းအဖွဲ့ဝင် (၁၀)ဦးတို့ဟာသူတို့ရဲ့သားကောင် အဲ့ဒီ အမျိုးသားကို ပိတ်ဆို့ကာတစ်ဦးနဲ့တစ်ဦးwalkie talkies(ကြိုးမဲ့စကားပြောစက်)တွေနဲ့ ဆက်သွယ်ခဲ့တယ်လို့ အရာရှိတွေကပြောပါတယ်။

သူတို့သတ်လိုက် တဲ့ အမျိုးသားရဲ့ရင်ဘတ်ကိုခွဲပြီး၊ နှလုံးကိုထုတ်ယူကာ၊ မြေကျင်းထဲကို ပစ်ချခဲ့တာ ဖြစ်ပါတယ်။ အမေရိကန်သမ္မတဒေါ်နယ်လ်ထရမ့်ကတော့ MS-13 ဂိုဏ်းကို ပပျောက်အောင်သုတ်သင် မယ်လို့သန္နိဌာန်ချထားကြောင်းနိုဝင်ဘာလ(၂၃)ရက်နေ့BBC သတင်းမှာဖော်ပြထားပါတယ်။

(စုစံစိုး)
Central News Bureau
https://www.facebook.com/skynetcnb/

↧

ထားဝယ်အမျိုးသား တပ်မတော် ယူနီဖောင်းဝတ်သဖြင့် ခံဝန်ထိုးရ

November 23, 2017, 7:09 am

≫ Next: ရခိုင်အရေး မြန်မာဘက်မှ တရုတ်ရပ်တည်ပေးမှု တပ်ချုပ်ကျေးဇူးတင်

≪ Previous: Washington DC မှာ MS-13 ဂိုဏ်းက အမျိုးသားတစ်ဦး ကိုခေါင်းဖြတ်သတ်

ဓာတ်ပုံ - ထားဝယ်အမျိုးသားညီလာခံ အခမ်းအနား တွင်တွေ့ရသော ထားဝယ်အမျိုးသား တပ်မတော်

| Dawei Watch| ထားဝယ်၊ နိုဝင်ဘာ ၂၃

ထားဝယ်အမျိုးသား ညီလာခံသို့ ယူနီဖောင်းဝတ်ကာ အခမ်းအနား တက်ရောက်ခဲ့သည့် ထားဝယ် အမျိုးသားတပ်မတော် ဆိုသည့် အဖွဲ့ကို ယင်းကဲ့သို့ နောက်ထပ်မလုပ်ရန် ခံဝန်ထိုးခိုင်းခဲ့ကြောင်း တနင်္သာရီတိုင်းဒေသကြီး ရဲတပ်ဖွဲ့မှူးက ပြောသည်။

ပြီးခဲ့သည့် နိုဝင်ဘာလ ၁၈ ရက်နေ့က ကျင်းပပြုလုပ်သည့် ထားဝယ်အမျိုးသားညီလာခံသို့ တူညီဝတ်စုံများ ၀တ်ကာ တက် ရောက်ခဲ့ခြင်းဖြစ်ပြီး ပြည်သူ့ဝန်ထမ်း အဖွဲ့အစည်းတစ်ခုကဲ့သို့ ၀တ်ဆင်ထားသည့်အတွက် ခေါ်ယူတားမြစ်ရခြင်း ဖြစ်ကြောင်း တိုင်းဒေသကြီး ရဲတပ်ဖွဲ့မှူး ရဲမှူးကြီးနေမျိုးက ဆိုသည်။

ထားဝယ်အမျိုးသားတပ်မတော် ငြိမ်းချမ်းရေးအဖွဲ့ဟူသည့် အဖွဲ့မှာ လွန်ခဲ့သည့် ၁၉၉၃ ခုနှစ်က လက်နက်နှင့် ငြိမ်းချမ်းရေး လဲလှယ်ခဲ့သည့် အဖွဲ့တစ်ခုဖြစ်ပြီး ရဲတပ်ဖွဲ့က မတားမြစ်ခင်အချိန်ထိ ထားဝယ်မြို့ ဇလွန်းကျေးရွာတွင် အခြေစိုက်သည်။

“ဘယ်သူမှ ခွင့်ပြုထားတာမရှိဘူး၊ ထားဝယ် တပ်မတော်ဆိုတာလည်း မရှိဘူး၊ အဲဒါက လက်နက်ချခဲ့ပြီးပြီ၊ လက်နက်ချပြီးတဲ့ အဖွဲ့အစည်းတစ်ခုက ယူနီဖောင်းဝတ်ခွင့် မရှိတော့ဘူး”ဟု တိုင်းရဲတပ်ဖွဲ့မှူး ရဲမှူးကြီးနေမျိုးက ပြောသည်။

နောက်ထပ် ထပ်မံလုပ်ဆောင်မည်ဆိုပါက ဥပဒေအရ အရေးယူသွားမည်ဖြစ်ကြောင်း ၎င်းကဆိုသည်။

ယင်းနေ့တွင်ပင် ယူနီဖောင်း ၂၈ စုံ၊ အလံ၊ စည်းတံဆိပ်များကို ပြန်အပ်ခဲ့ပြီး ဇလွန်ကျေးရွာတွင် အုတ်ခုံဖြင့်ပြုလုပ်ထားသည့် ဆိုင်းဘုတ်ကိုလည်း ဖြိုဖျက်လိုက်ပြီဖြစ်ကြောင်း ထားဝယ်အမျိုးသားတပ်မတော် ငြိမ်းချမ်းရေးအဖွဲ့ဆိုသည့် အဖွဲ့မှ ခေါင်းဆောင်ဖြစ်သူ ဦးစိုးအောင်က ဆိုသည်။

အဖွဲ့အစည်း အမည်သုံးပြီး မလုပ်ဆောင်ရန် ပြောဆိုထားသည့်အတွက် မည်သည့်ကိစ္စကိုမျှ လုပ်ဆောင်တော့မည် မဟုတ် ကြောင်း ၎င်းက ပြောသည်။

“လက်နက်နဲ့ ငြိမ်းချမ်းရေးလဲလှယ်ခြင်းသာ ဖြစ်တယ်၊ ယူနီဖောင်းနဲ့ ငြိမ်းချမ်းရေးလဲလှယ်ခဲ့တာ မဟုတ်လို့ ၀တ်ဖြစ်တာပါ”ဟု ဦးစိုးအောင်က ဆိုသည်။

ယင်းနေ့က ဖြစ်စဉ်အတွက် အမှုဖွင့် အရေးယူခဲ့ခြင်းမရှိဘဲ ခံဝန်လက်မှတ်ကို နှစ်ကြိမ်ထိုးခိုင်းကာ ပြန်လွှတ်လိုက်ကြောင်း တိုင်းရဲတပ်ဖွဲ့ထံမှ သိရသည်။

ထားဝယ်အမျိုးသားတပ်မတော်ဆိုသည့်အဖွဲ့သည် ယခုနှစ် အာဇာနည်နေ့အပါအ၀င် အခမ်းအနားအချို့ကို တူညီယူနီဖောင်းများဖြင့် တက်ရောက်ခဲ့ဖူးသည်။

Dawei Watch
https://www.facebook.com/DaweiWatch

↧

ရခိုင်အရေး မြန်မာဘက်မှ တရုတ်ရပ်တည်ပေးမှု တပ်ချုပ်ကျေးဇူးတင်

November 23, 2017, 7:09 am

≫ Next: စစ်တွေမြို့နယ် ဒါးပိုင်ကယ်ဆယ်ရေးစခန်းနေထိုင်သူ တစ်ဦးထံမှ ဆေးခြောက် ၅၇၀၅ ဂရမ် ဖမ်းဆီးရမိ

≪ Previous: ထားဝယ်အမျိုးသား တပ်မတော် ယူနီဖောင်းဝတ်သဖြင့် ခံဝန်ထိုးရ

တပ်ချုပ်ဗိုလ်ချုပ်မှူးကြီးမင်းအောင်လှိုင်နဲ့ တရုတ်စစ်တပ်ရဲ့ ဗဟိုစစ်ကော်မရှင်အဖွဲ့ဝင်နဲ့ ပူးတွဲ စစ်ဦးစီးချုပ် Gen. Li ZuoCheng တို့ကို ဂုဏ်ပြုတပ်ဖွဲ့က ကြိုဆိုစဉ်

ရခိုင်အရေးနဲ့ ပတ်သက်လို့ မြန်မာအနေနဲ့ နိုင်ငံတကာရဲ့ ဖိအားအောက်ကျရောက်နေစဉ်အတွင်း တရုတ်အနေနဲ့ နိုင်ငံတကာ စာမျက်နှာမှာ မြန်မာဘက်က ရပ်တည်ပေးတဲ့ အပေါ် ကျေးဇူးအထူးတင်ရှိကြောင်း တပ်မတော် ကာကွယ်ရေး ဦးစီးချုပ်က ပြောပါတယ်။

တရုတ်နိုင်ငံ ဗဟိုစစ်ကော်မရှင်အဖွဲ့ဝင်နဲ့ ပူးတွဲ စစ်ဦးစီးချုပ် Gen. Li ZuoCheng နဲ့ ပီကင်းမြို့မှာ နိုဝင်ဘာလ ၂၂ ရက်နေ့က တွေ့ဆုံစဉ် တပ်မတော်ကာကွယ်ရေး ဦးစီးချုပ်က ပြောဆိုခဲ့တာဖြစ်ပါတယ်။

တပ်ချုပ်ဘက်ကတော့ ဒီလို တွေ့ဆုံဆွေးနွေးမှုဟာ နှစ်နိုင်ငံ တပ်မတော် နှစ်ရပ်အကြား ဆက်ဆံရေး ပိုမိုတိုးတက်ကောင်းမွန်လာမှာဖြစ်တဲ့အပြင် နယ်စပ် တည်ငြိမ်ရေးနဲ့ ပြည်တွင်းငြိမ်းချမ်းရေးကို အထောက်အကူပြုစေနိုင်မယ်လို့ ပြောဆိုခဲ့ကြောင်း တပ်မတော်ကာကွယ်ရေးဦးစီးချုပ်ရုံးရဲ့ ဖေ့ဘုပ်စာမျက်နှာမှာ ဖော်ပြထားပါတယ်။

တရုတ်ဗဟိုစစ်ကော်မရှင် အဖွဲ့ဝင်နဲ့ ပူးတွဲစစ်ဦးစီးချုပ် Gen. Li Zuocheng ကတော့ တပ်မတော်နှစ်ရပအကြား ဆက်ဆံမှုမှ တဆင့် နှစ်နိုင်ငံချစ်ကြည် ရင်းနှီးမှုတွေနဲ့ ပူးပေါင်းဆောင်ရွက်မှုတွေကို ရရှိစေမှာဖြစ်ကြောင်းနဲ့ မြန်မာနိုင်ငံရဲ့ ပြည်တွင်းငြိမ်းချမ်းရေး လုပ်ငန်းစဉ်နဲ့ သာဘဝဘေးအန္တရယ်ကျရောက်ခဲ့စဉ်က အကူအညီပေးခဲ့ပြီး ဆက်လက်ကူညီသွားမယ်လို့လည်း ပြောဆိုခဲ့ပါတယ်။

လေ့လာသူတွေကတော့ ၂၀၁၅ ကိုးကန့် တိုက်ပွဲစချိန်ကစလို့ အတန်ငယ်အေးခဲခဲ့တဲ့ မြန်မာ့ တပ်မတော်နဲ့ တရုတ်အကြား ဆက်ဆံရေးဟာ အခုလို နိုင်ငံတကာက မြန်မာအပေါ် ဖိအား ပေးလာချိန်မှာ ပြန်လည်နီးစပ်ဖို့ လမ်းစပွင့်လာနေတယ်လို့ လေ့လာသူတွေက ထောက်ပြကြပါတယ်။

နှစ်နိုင်ငံအဆင့်အလိုက်နီးနီးကပ်ကပ်ဆက်ဆံဆောင်ရွက်ခြင်းဖြင့် နယ်စပ် ဒေသပြဿနာတွေကို အတတ်နိုင်ဆုံးဖြေရှင်းဆောင်ရွက်နိုင်မည်ဖြစ်ပြီး တောင်တရုတ်ပင်လယ်အရေးကိစ္စတွင်လည်း မြန်မာနိုင်ငံဟာတရုတ်နိုင်ငံဘက်မှ ရပ်တည်ပေးခဲ့သည့်အတွက်ကျေးဇူးတင်ရှိကြောင်း တရုတ်စစ်တပ် တာဝန်ရှိသူက ပြောဆိုခဲ့တာပါ။

လတ်တလော အမေရိကန်နိုင်ငံခြားရေးဝန်ကြီးဌာနရဲ့ ရခိုင်အရေး ထုတ်ပြန်ချက်မှာဆိုရင် ရိုဟင်ဂျာတွေအပေါ် လူမျိုးစုအလိုက် ကျူးလွန်ဖယ်ရှားရာရောက်တယ်ဆိုတဲ့ အထောက်အထားတွေ တွေ့ရှိရတယ်လို့ ပြောဆိုလာတာပါ။

အမေရိကန် အစိုးရက သုံးနှုန်းလာတယ်ဆိုတဲ့ Ethnic Cleansing အသုံးအနှုန်းဟာ လူမျိုးသုဉ်းသတ်ဖြတ်မှု Genocide အဆင့်ရောက်ဖို့ အဆင့်တဆင့်သာလိုတာဖြစ်တဲ့အတွက် အရေးယူမှုတွေ လုပ်လာရင် တပ်မတော်ခေါင်းဆောင်တွေကို ပစ်မှတ်ထား ပိတ်ဆို့ အရေးယူမှုတွေ လုပ်နိုင်တာကို တပ်မတော်ခေါင်းဆောင်တွေဘက်က တွက်ဆမိဟန်တူတဲ့အတွက် လွန်ခဲ့တဲ့နှစ်တွေအတွင်း ဆက်ဆံရေး အေးခဲခဲ့တဲ့ တရုတ်နဲ့ ဆက်ဆံရေးတိုးမြှင့်ဖို့ ကြိုးစားနေပုံလည်း ရတယ်လို့ ပြည်တွင်းပြည်ပ မီဒီယာတွေမှာ မြန်မာ့အရေးအကြောင်း သုံးသပ်ချက်ဆောင်းပါးတွေ ရေးသားနေတဲ့ စိုင်းဝမ်းဆိုင်က ဘီဘီစီကို ပြောပါတယ်။

လတ်တလောအတွင်းမှာပဲ လူ့အခွင့်အရေးချိုးဖောက်မှုတွေမှာ ကျူးလွန်သူတွေကို အပြစ်ပေးဖို့ အရေးကြီးတယ်လို့ အမေရိကန်ကလည်း ပြောထားသလို တဘက်မှာလည်း နယ်စပ်တည်ငြိမ်ရေးကော ရခိုင်ဒေသ တည်ငြိမ်ရေးကပါ တရုတ်ရဲ့ မဟာဗျူဟာ စီမံကိန်းဖြစ်တဲ့ ရပ်ဝန်းတခု လမ်းကြောင်းတစ်ကြောင်းအတွက် အရေးပါတော့ တရုတ်အနေနဲ့ သူ့မဟာဗျူဟာစီမံကိန်းအတွက် အခုလို အချိန်မှာ မြန်မာအပေါ် သူ့ရဲ့ သြဇာပိုမိုလွှမ်းမိုးဖို့ ကြိုးစားသွားမှာဖြစ်တယ် စိုင်းဝမ်းဆိုင်က ဆိုပါတယ်။

အန်စီအေ အပစ်ရပ်စာချုပ် လက်မှတ်မထိုးသေးတဲ့အဖွဲ့တွေနဲ့ အစိုးရအကြား ဆွေးနွေးပွဲတွေ ပြုလုပ်နိုင်အောင် တရုတ်ဘက်က စီစဉ်ပေးခဲ့တာတွေလည်း ရှိခဲ့

ရခိုင်အရေးမှာ ဘင်္ဂလားဒေ့ရ်ှနဲ့ မြန်မာအကြား နိုင်ငံတကာက ဝင်ရောက်ဖြေရှင်းပေးမှာထက် တရုတ်က ကြားဝင်ဆောင်ရွက်ပေးလိုပုံရတယ်ဆိုပြီး မကြာသေးခင်က တရုတ်နိုင်ငံခြားရေးဝန်ကြီးရဲ့ မြန်မာနဲ့ ဘင်္ဂလားဒေ့ရ်ှခရီးစဉ်အပေါ် အခြေခံလို့ စိုင်းဝမ်းဆိုင်က ထောက်ပြပါတယ်။

အန်စီအေ အပစ်ရပ်စာချုပ် လက်မှတ်မထိုးသေးတဲ့အဖွဲ့တွေနဲ့ အစိုးရအကြား ဆွေးနွေးပွဲတွေ ပြုလုပ်နိုင်အောင် တရုတ်ဘက်က စီစဉ်ပေးခဲ့တာတွေလည်း ရှိခဲ့တာပါ။

မကြာသေးခင်က နယ်စပ်ရေးရာနှင့် လုံခြုံရေးဝန်ကြီးဌာန ဝန်ကြီး ဒုတိယ ဗိုလ်ချုပ်ကြီးရဲအောင် ဦးဆောင်တဲ့ အစိုးရ ကိုယ်စားလှယ်အဖွဲ့ရဲ့ ဝ ၊ မိုင်းလား ခရီးစဉ်အတွင်း တရုတ်ရဲ့ မြန်မာ့အရေး အထူးသံတမန် မစ္စတာ ဆွန်းကော့ရှန်လည်း လိုက်ပါ သွားခဲ့တာဖြစ်ပါတယ်။

BBC Burmese
http://www.bbc.com/burmese

↧

စစ်တွေမြို့နယ် ဒါးပိုင်ကယ်ဆယ်ရေးစခန်းနေထိုင်သူ တစ်ဦးထံမှ ဆေးခြောက် ၅၇၀၅ ဂရမ် ဖမ်းဆီးရမိ

November 23, 2017, 7:10 am

≫ Next: ရွေးကောက်ပွဲကော်မရှင် ဘက်လိုက်မှုရှိနေတယ်လို့ ယုံကြည်ကြောင်း USDP ပြော

≪ Previous: ရခိုင်အရေး မြန်မာဘက်မှ တရုတ်ရပ်တည်ပေးမှု တပ်ချုပ်ကျေးဇူးတင်

နိရဉ္စရာ၊ နိုဝင်ဘာ ၂၃

ရခိုင်ပြည်နယ် စစ်တွေမြို့နယ် ဒါးပိုင် ဘင်္ဂါလီကယ်ဆယ်ရေး စခန်းနေထိုင်သူ တစ်ဦးထံမှ နိုဝင်ဘာလ ၂၂ ရက်နေ့ ညနေပိုင်းက ဆေးခြောက် ၅၇၀၅ ဂရမ်ဖမ်းဆီးရမိသည်ဟု စစ်တွေမြို့မ ရဲစခန်းမှ သိရသည်။

ဖမ်းဆီးခံရသူမှာ ဒါးပိုင် ဘင်္ဂါလီကယ်ဆယ်ရေးစခန်း အဆောင် (၁၉၆) အခန်း (၁) နေ မာမောက်ဟာဆွမ်း (၂၀) နှစ် (ဘ) ဦးမောင်နုဖြစ်ကြောင်း ရဲမှတ်တမ်းအရသိရသည်။

“ ဆေးခြောက်နဲ့ အတူ ဖမ်းမိသူဟာ စစ်တွေမြို့နယ်ရှိ ဒါးပိုင်(ဘင်္ဂါလီ) ကယ်ဆယ်ရေး စခန်းမှာ နေထိုင်သူတစ်ဦးဖြစ်ပါတယ်။ စစ်တွေမြို့မ ရဲစခန်းက တပ်ဖွဲ့ဝင်နဲ့ ရပ်ကွက် အုပ်ချုပ်ရေးမှူးတို့ ပါဝင်တဲ့ အဖွဲ့က စစ်တွေ-မှန်စီကားလမ်းသစ် မြေသားလမ်း ပေါ်မှာ ပီနံအိတ် အဖြူရောင် ထမ်းလာ သူကို မသင်္ကာလို့ရပ်တန့် ရှာဖွေရာမှာ တွေ့ရှိခဲ့တာဖြစ်ပါတယ်” ဟု ရဲက ပြောသည်။

မူးယစ်ဆေးဝါး သယ်ယူလာကြောင်း သတင်းရရှိဖမ်းမိခြင်း ဖြစ်ကြောင်း၊ စစ်တွေမြို့မ ရဲစခန်းမှ နယ်ထိန်း တပ်ဖွဲ့ဝင်ဖြစ်သော ရဲတပ်ကြပ်ကြီး မောင်မောင်သန်း ဦးဆောင်သောအဖွဲ့သည် စစ်တွေမြို့ တရားသီးစုရပ်ကွက် ရပ်မိရပ်ဖ ဦးမြင့်စိုး၊ မကျည်းမြိုင် ရပ်ကွက် ရပ်မိရပ်ဖ ဦးကျော်ကျော်တို့နှင့် အတူ စောင့်ဆိုင်းနေစဉ် ညနေ ၅ နာရီ ၃၀ ခန့်က ဒါးပိုင်ကျေးရွာမြောက်ဘက် စစ်တွေ-မှန်စီ ကားလမ်းပေါ်တွင် ဖမ်းဆီးရမိခဲ့ခြင်းဖြစ်ကြောင်း သိရသည်။

“ ပီနံအိတ်အတွင်းကနေ ဆေးခြောက်တွေ ထည့်ထားတဲ့ အထုပ်(၇)ထုပ်၊ အလေးချိန် ၅၇၀၅ ဂရမ်ရှိ ကာလတန်ဖိုး စုစုပေါင်း တန်ဖိုး ငွေကျပ်(၅၇)သိန်းကျော်ဖိုး ဖြစ်ပါတယ်” ဟု ဆက်လက် ပြောကြားသည်။

အဆိုပါမူးယစ်ဆေးဝါးနှင့်အတူ ဖမ်းဆီးရမိသူ မာမောက်ဟာဆွမ်းအား အပြစ်ပေး အရေးယူနိုင်ရန် စစ်တွေမြို့မ ရဲစခန်း နယ်ထိန်းခေါင်းဆောင် ရဲအုပ် အေးခင်မောင်က စစ်တွေမြို့မရဲစခန်းတွင် အမှုဖွင့်ထားကြောင်းသိရသည်။

စံမောင်သန်း၊ ရန်ကုန်
Narinjara
https://www.facebook.com/Narinjara

↧

ရွေးကောက်ပွဲကော်မရှင် ဘက်လိုက်မှုရှိနေတယ်လို့ ယုံကြည်ကြောင်း USDP ပြော

November 23, 2017, 7:10 am

≫ Next: ကနေဒါပြတိုက်က ဒေါ်အောင်ဆန်းစုကြည် ဓါတ်ပုံကို ဖယ်ရှားမှာမဟုတ်

≪ Previous: စစ်တွေမြို့နယ် ဒါးပိုင်ကယ်ဆယ်ရေးစခန်းနေထိုင်သူ တစ်ဦးထံမှ ဆေးခြောက် ၅၇၀၅ ဂရမ် ဖမ်းဆီးရမိ

ရန်ကုန်မြို့၊ သံလွင်လမ်းမှာပြုလုပ်တဲ့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရဲ့သတင်းစာရှင်းလင်းပွဲကို နိုဝင်ဘာလ ၂၃ ရက်နေ့က တွေ့ရစဉ် Photo:Thant Zin Oo/RFA

ပြည်ထောင်စုရွေးကောက်ပွဲကော်မရှင်ဟာ ဘက်လိုက်မှုရှိနေတယ်လို့ ယုံကြည်ကြောင်း ရန်ကုန်မြို့၊ သံလွင်လမ်း မှာပြုလုပ်ခဲ့တဲ့ သတင်းစာရှင်းလင်းပွဲမှာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရဲ့ ပြောရေးဆိုခွင့်ရှိသူ ဒေါက်တာ နန္ဒာလှမြင့်က ပြောပါတယ်။

ရွေးကောက်ပွဲကော်မရှင်ရဲ့ လုပ်ဆောင်မှုတွေဟာ ဘက်လိုက်မှုတွေရှိနေတယ်လို့ ပြောချင်တာလားဆိုတဲ့ သတင်းထောက်တစ်ယောက်ရဲ့ မေးမြန်ချက်အပေါ် ရှိနေတယ်လို့ ယုံကြည်ကြောင်း ဒေါက်တာနန္ဒာလှမြင့်က ပြန်လည်ဖြေကြားခဲ့တာ ဖြစ်ပါတယ်။

"ဒီပုံစံအတိုင်းဆက်သွားနေမယ်ဆိုရင်တော့ ကျနော်တို့ကတော့ ယုံကြည်မှုမရှိဘူးလို့ပဲ ပြောရမှာပဲ၊ တကယ့်ကို ပါတီတွေကရော ကျနော်တို့ ကော်မရှင်ရဲ့လုပ်ဆောင်ချက်တွေအပေါ်မှာ တကယ့်ကို မှန်မှန်ကန်ကန်မျှမျှတတနဲ့ ပါတီတွေနဲ့ ပူးပေါင်းဆောင်ရွက်မယ်ဆိုရင်တော့ ကြည့်ရမှာပေါ့လေ၊ လက်ရှိအခြေအနေအထိတော့ ယုံကြည်မှုမရှိတာတော့အမှန်ပဲ၊ နောက်တစ်ခါ လိုအပ်တဲ့အားနည်းချက်တွေကိုလည်း ၀ိုင်းဝန်းအကြံပြု ဆွေးနွေးပြီးတော့မှ ပါတီတွေရဲ့အသံတွေကိုလည်း နားထောင်ပြီးတော့မှ လိုအပ်တာလေးတွေကို ပြုပြင်ပြောင်းလဲပေးဖို့ ရွေးကောက်ပွဲကော်မရှင်ကို တောင်းဆိုထားတာလေးတွေရှိတယ်၊ အခုချိန်ထိတော့ တောင်းဆိုထားတာရော အကြောင်းပြန်တာမျိုးမရှိသလို နိုင်ငံရေးပါတီတွေကို ဖိတ်ခေါ်ခြင်းလည်းမရှိဘူး၊ ဆိုတော့ လက်ရှိပုံစံအတိုင်းဆိုရင်တော့ ယုံကြည်မှုမရှိဘူး၊ ဒါပေမဲ့ မျှမျှတတမှန်မှန်ကန်ကန် သမာသမတ်ကျကျနဲ့ ပြောင်းလဲလုပ်ဆောင်လာမယ်ဆိုရင်တော့ ဒီအခြေအနေကိုစောင့်ကြည့်ရမယ်၊ ပြောချင်တာမဟုတ်ဘူး ယုံကြည်တာ၊ ရှိကိုရှိနေတယ်လို့ ယုံကြည်တာ"

ပြည်ခိုင်ဖြိုးပါတီအနေနဲ့ ၂၀၁၀ ရွေးကောက်ပွဲအပြီးမှာ တိုင်ကြားခံရမှု ၂၉ မှုရှိခဲ့ပြီး ၃ မှုပဲ အနိုင်ရရှိကာ ၂၆ မှု ရှုံးနိမ့်ခဲ့သလို ၂၀၁၂ ကြားဖြတ်ရွေးကောက်ပွဲမှာလည်း ၄ မှုအတိုင်ခံရပြီး ၄ မှုလုံး ရှုံးနိမ့်ခဲ့ပါတယ်။

ဒါပေမဲ့ ၂၀၁၅ ရွေးကောက်ပွဲမှာ ပြည်ခိုင်ဖြိုးပါတီကနေ ပြန်လည်ကန့်ကွက်တိုင်ကြားမှု ၂၅ မှုရှိခဲ့ပေမယ့် အတိုင်ကြား ခံရသူတွေသာ အနိုင်ရရှိသွားပြီး ပြည်ခိုင်ဖြိုးပါတီက အကုန်လုံးရှုံးနိမ့်ခဲ့သလို ၂၀၁၇ ကြားဖြတ်ရွေးကောက်ပွဲ ရလဒ်တွေအပေါ် ကန့်ကွက်တဲ့ အမှုတွေမှာလည်း အကုန်လုံး ထပ်မံရှုံးနိမ့်ခဲ့တာဖြစ်ပါတယ်။

ပြည်ခိုင်ဖြိုးပါတီအနေနဲ့ ၂၀၁၆ ခုနှစ်ကတည်းက ပြုပြင်ပြောင်းလဲမှုတွေ လုပ်ဆောင်ထားတဲ့အတွက် လာမယ့် ၂၀၂၀ ရွေးကောက်ပွဲမှာ အားလုံးသာတရားမျှတစွာနဲ့ ဥပဒေတိုင်း ရိုးရိုးသားပါဝင်ယှဉ်ပြိုင်ကြမယ်ဆိုရင် ပြည်ခိုင်ဖြိုးပါတီ အနေနဲ့ ရာနှုန်းပြည့်အနိုင်ရရှိဖို့ ယုံကြည်တယ်လို့ ဗဟိုအလုပ်အမှုဆောင်အဖွဲ့ဝင် ဦးလှသိန်းက ပြောခဲ့ပါတယ်။

ဒီကနေ့ ပြုလုပ်ခဲ့တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ သတင်းစာရှင်းလင်းပွဲမှာ ဘုန်းတော်ကြီးသင် ပညာရေးကျောင်းတွေကို ပိတ်သိမ်းမယ့်ကိစ္စကို လက်မခံကြောင်း၊ ရပ်ကွက်အုပ်ချုပ်ရေးမှူးရွေးချယ်ရာမှာ ဒီမိုကရေစီနဲ့အညီပဲ လုပ်ဆောင်စေချင်ကြောင်းနဲ့ ဘာသာရေးဆုတောင်းပွဲတွေကို ပါတီတစ်ခုရဲ့ ပုံရိပ်ကိုမြှင့် တင်စေချင်တဲ့ပုံစံ မလုပ်စေချင်ကြောင်း စတာတွေကို ပြောခဲ့ပါတယ်။

RFA Burmese
http://www.rfa.org/burmese

↧

ကနေဒါပြတိုက်က ဒေါ်အောင်ဆန်းစုကြည် ဓါတ်ပုံကို ဖယ်ရှားမှာမဟုတ်

November 23, 2017, 7:11 am

≫ Next: ကျိုင်းတုံ ကြားဖြတ်ရွေးကောက်ပွဲရလဒ် ကန့်ကွက်မှုအယူခံ NLD အနိုင်ရ

≪ Previous: ရွေးကောက်ပွဲကော်မရှင် ဘက်လိုက်မှုရှိနေတယ်လို့ ယုံကြည်ကြောင်း USDP ပြော

ရိုဟင်ဂျာမွတ်စလင်တွေကို နှိပ်ကွပ်နေလိုတယ်ဆိုတဲ့ စွပ်စွဲချက်တွေ ကမ္ဘာအနှံ့ပေါ်ထွက်နေပေမယ့်၊ ကနေဒါလူ့အခွင့်အရေးပြတိုက်မှာ ချိတ်ဆွဲထားတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ဓါတ်ပုံကိုဖယ်ရှားဖို့ လုံးဝအစီအစဉ်မရှိဘူးလို့ ပြတိုက်တာဝန်ခံက ပြောလိုက်ပါတယ်။

ဒေါ်အောင်ဆန်းစုကြည်ရဲ့ ဓါတ်ပုံကို ပြတိုက်ရဲ့ စတုတ္ထထပ်မှာ တောင်အာဖရိက လွတ်မြောက်ရေးခေါင်းဆောင် နယ်လ်ဆင်မင်ဒဲလားပုံနဲ့ ယှဉ်ပြီးပြထားသလို၊ ဒုတိယထပ်မှာလည်း ပြသထားပါတယ်။ စတုတ္ထထပ်က လူ့အခွင့်အရေးကိုဖော်ဆောင်ခြင်းဆိုတဲ့ ပြခန်းဖြစ်ပြီး၊ ဒုတိယထပ်က လူ့အခွင့်အရေး တိုက်ပွဲသမိုင်းကြောင်း ပြခန်းဖြစ်ပါတယ်။

ကျမတို့ပြခန်းရဲ့ရည်ရွယ်ချက်က ကနေဒါအစိုးရက ချီးမြှင့်ထားတဲ့ ဂုဏ်ထူးဆောင်နိုင်ငံသား ၆ ယောက်ကို သိအောင် အဲဒီပုဂ္ဂိုလ်တွေရဲ့ ဓါတ်ပုံတွေ ပြသထားတာဖြစ်ပြီး၊ ဒေါ်အောင်ဆန်းစုကြည်ဟာ အဲဒီပုဂ္ဂိုလ်တွေထဲက တယောက်ဖြစ်တယ်လို့ ပြတိုက်တာဝန်ခံ (ရဲယားရိတ်စ်) Rhea Yates က ပြောပါတယ်။

ဒေါ်အောင်ဆန်းစုကြည်ရဲ့ဓါတ်ပုံကို လူ့အခွင့်အရေးပြတိုက်မှာ ဆက်ထားတာနဲ့ ပတ်သက်လို့ ကနေဒါနိုင်ငံသားအဖြစ် ခံယူထားကြတဲ့ ရိုဟင်ဂျာမွတ်စလင်တချို့ကတော့ ကန့်ကွက်နေကြပါတယ်။

Photo: Myanmar State Counsellor Office
RFA Burmese
https://www.facebook.com/rfaburmese

↧

ကျိုင်းတုံ ကြားဖြတ်ရွေးကောက်ပွဲရလဒ် ကန့်ကွက်မှုအယူခံ NLD အနိုင်ရ

November 23, 2017, 7:12 am

≫ Next: စွန့်ပစ်ခံကလေးငယ်များအတွက် အနွေးထည်နှင့် စောင်များလိုအပ်နေ

≪ Previous: ကနေဒါပြတိုက်က ဒေါ်အောင်ဆန်းစုကြည် ဓါတ်ပုံကို ဖယ်ရှားမှာမဟုတ်

ရှမ်းပြည်နယ်အတွင်းက မဲရုံတစ်ရုံကို တွေ့ရစဉ်။ Photo: Aung Thain Kha/ RFA

ပြီးခဲ့တဲ့ ကြားဖြတ်ရွေးကောက်ပွဲမှာ ကြံ့ခိုင်ရေးပါတီက အနိုင်ရခဲ့တဲ့ ကျိုင်းတုံမဲဆန္ဒနယ်အမှတ် ၂ က ရွေးကောက်ပွဲ ရလဒ်ကို ကန့်ကွက်ခဲ့တဲ့အမှု အယူခံအတွက် NLD ကိုယ်စားလှယ်လောင်း ဒေါက်တာဝဏ္ဏစိုးကို ပြည်ထောင် စုရွေးကောက်ပွဲကော်မရှင်က မနေ့က အနိုင်ပေးလိုက်ပါတယ်။

အနိုင်ရခဲ့တဲ့ ကြံ့ခိုင်ရေးပါတီက လွှတ်တော်ကိုယ်စားလှယ် ဦးရှာမွေလရှဲန်က ရွေးကောက်ပွဲအတွက် လက်ကမ်း စာစောင်တွေဖြန့်ဝေရာမှာ ပုံနှိပ်သူနဲ့ ထုတ်ဝေသူနာမည် မဖော်ပြထားဘဲ စောင်ရေ တစ်သောင်း ရိုက်နှိပ်ပြီးဖြန့်ဝေ ခဲ့တာ စစ်ဆေးပေါ်ပေါက်တဲ့အတွက် ကန့်ကွက်သူ ဒေါက်တာဝဏ္ဏစိုးရဲ့ အယူခံကို အနိုင်ပေးလိုက်တာဖြစ်တယ်လို့ ဒေါက်တာဝဏ္ဏစိုးရဲ့ တရားလွှတ်တော်ရှေ့နေ ဦးမြင့်သွင်က ပြောပါတယ်။

"ကျနော်တို့ ရွေးကောက်ပွဲ ဥပဒေနဲ့အညီ ကန့်ကွက်တယ်၊ရွေးကောက်ပွဲဥပဒေက တရားမဲ့ပြုကျင့်မှုမြောက်တာ ပေါ်ပေါက်လို့ နိုင်တာပါ။အဓိကက ရွေးကောက်ပွဲ ကိုယ်စားလှယ်ရဲ့ လက်ကမ်းစာစောင်တွေမှာ ပုံနှိပ်သူ ထုတ်ဝေသူတွေမပါဘဲနဲ့ လက်ကမ်းစာစောင်တွေ ဝေထားတဲ့အတွက် ကြံ့ခိုင်ဖွံ့ဖြိုးရေးပါတီက လွှတ်တော် ကိုယ်စားလှယ်ကို လွှတ်တော်ကိုယ်စားလှယ်ကနေ ပယ်ဖျက်လိုက်တာပါ"

ပြီးခဲ့တဲ့ ၂၀၁၇ ကြားဖြတ်ရွေးကောက်ပွဲမှာ ကျိုင်းတုံမဲဆန္ဒနယ် အမှတ် (၂) က လစ်လပ်နေတဲ့ ပြည်နယ်လွှတ်တော် နေရာအတွက် ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီ၊ NLD ပါတီ၊ SNLD ပါတီ၊ SNDP ပါတီ၊ အာခါအမျိုးသား ဖွံ့ဖြိုးတိုးတက်ရေးပါတီ၊ လားဟူအမျိုးသား ဖွံ့ဖြိုးတိုးတက်ရေးပါတီတို့ ၀င်ရောက်ယှဉ်ပြိုင်ခဲ့ကြတာ ဖြစ်ပါတယ်။

အဲဒီမဲဆန္ဒနယ်မှာ ကြံ့ခိုင်ရေးပါတီက ဦးရှာမွေလရှဲန်က ဒေါက်တာဝဏ္ဏစိုးကို မဲ ၃ ထောင်ကျော် အသာနဲ့ အနိုင်ရရှိခဲ့တာဖြစ်ပါတယ်။

အဲဒီရလဒ်နဲ့ပတ်သက်ပြီး ဒေါက်တာဝဏ္ဏစိုးက ကန့်ကွက်လွှာတင်သွင်းခဲ့ပြီး ရွေကောက်ပွဲကော်မရှင်က ပြီးခဲ့တဲ့ အောက်တိုဘာလအတွင်းက အမိန့်ချမှတ်ရာမှာ ကြံ့ခိုင်ရေးကိုယ်စားလှယ်ကို အနိုင်ပေးခဲ့ပါတယ်။

ဒါပေမဲ့ ဒေါက်တာဝဏ္ဏစိုးက အယူခံထပ်တင်ခဲ့တဲ့အတွက် မနေ့က ရွေးကောက်ပွဲကော်မရှင်ရဲ့ စုံညီခုံရုံးက စစ်ဆေးပြီး ဒေါက်တာဝဏ္ဏစိုးကို အနိုင်ပေးခဲ့တာဖြစ်ပါတယ်။

၂၀၁၇ ကြားဖြတ်ရွေးကောက်ပွဲမှာ NLD ပါတီနဲ့ ကြံ့ခိုင်ရေးပါတီ အပြန်အလှန်ကန့်ကွက်မှု ၆ မှုရှိခဲ့ပြီး အမှုအားလုံး မှာ NLD ကိုယ်စားလှယ်လောင်းတွေက အနိုင်ရခဲ့တာဖြစ်ပါတယ်။

RFA Burmese
http://www.rfa.org/burmese

↧

စွန့်ပစ်ခံကလေးငယ်များအတွက် အနွေးထည်နှင့် စောင်များလိုအပ်နေ

November 23, 2017, 7:12 am

≫ Next: လူမျိုးစုအလိုက် ရှင်းလင်းမှု ကျူးလွန်သူတွေ အရေးယူဖို့ Tillerson တိုက်တွန်း

≪ Previous: ကျိုင်းတုံ ကြားဖြတ်ရွေးကောက်ပွဲရလဒ် ကန့်ကွက်မှုအယူခံ NLD အနိုင်ရ

အဝါရောင်မျိုးဆက်သစ် လူငယ်ပရဟိတအသင်း YGW မန္တလေးတွင် ကျွေးမွေးစောင့်ရှောက် ထားသော စွန့်ပစ်ခံကလေးငယ် များအတွက် အနွေးထည်နှင့်စောင် များ လိုအပ်နေကြောင်း YGW မှ ဆရာတော်ဦးဓမ္မနန္ဒထံက သိရသည်။

''ဒီလမှာကို မွေးကင်းစ ကလေးငယ် ၅ဦး ထပ်ရောက်တယ်။ ကလေးတွေ များလာတယ်။ ဆောင်း ဝင်ပြီဆိုတော့ ကလေးတွေအတွက် အနွေးထည်နဲ့ စောင်တွေ အဓိက လိုအပ်နေပါတယ်''ဟု ဦးဓမ္မနန္ဒ က မိန့်ကြားသည်။

၂ဝ၁၇ခုနှစ် ဇန်နဝါရီလ မှ နိုဝင်ဘာလ ၁၈ရက်အထိ YGW ကျောင်းတွင် စွန့်ပစ်ခံကလေးငယ် ၁ဝဝကျော် ရောက်ရှိခဲ့ပြီး နို့စို့အ ရွယ်ကလေးငယ် ၆ဝခန့်နှင့် နို့လွတ် ကလေးငယ် ၅ဝကျော်ရှိကြောင်း သိရသည်။

အဝါရောင်မျိုးဆက်သစ် လူငယ်ပရဟိတအသင်း(YGW) မန္တလေးတွင် မိဘမဲ့ ကျောင်းအပြင် ဘုန်းတော်ကြီးပညာသင် အလယ် တန်းကျောင်းပါ ဖွင့်လှစ်ထားပြီး စုစုပေါင်းကလေးငယ် ၆ဝဝကျော် ကို ကျွေးမွေးစောင့်ရှောက် ပညာ သင်ပေးနေရကြောင်း သိရသည်။

စွန့်ပစ်ခံကလေးငယ်များ တွေ့ရှိပြီး အကြောင်းကြားလို၍ ဖြစ် စေ စွန့်ပစ်ခံကလေးငယ်များအတွက် လှူဒါန်းလို၍ဖြစ်စေ အဝါရောင်မျိုး ဆက်သစ် လူငယ်ပရဟိတအသင်း (YGW) မန္တလေးဖုန်း ဝ၉-၇၇၇ ၃၃၃၃၈၈, ဝ၉-၄ဝ၂၆၉၅၉၉၉, ဝ၉-၂၅၉၉၉၈၄၉၉ သို့ ဆက်သွယ် နိုင်သည်။

ဝင်းနိုင်ဦး
Mandalay Age - မန္တလေးခေတ်
https://www.facebook.com/MandalayAge

↧

လူမျိုးစုအလိုက် ရှင်းလင်းမှု ကျူးလွန်သူတွေ အရေးယူဖို့ Tillerson တိုက်တွန်း

November 23, 2017, 7:15 am

≫ Next: ရခိုင်အရေး ကန်ဝန်ကြီးထုတ်ပြန်မှု လူ့အခွင့်အရေးအဖွဲ့များကြိုဆို

≪ Previous: စွန့်ပစ်ခံကလေးငယ်များအတွက် အနွေးထည်နှင့် စောင်များလိုအပ်နေ

အမေရိကန်နိုင်ငံခြားရေးဝန်ကြီး Rex Tillerson

ရခိုင်ပြည်နယ်မြောက်ပိုင်းမှာ နယ်မြေ ရှင်းလင်းမှုတွေကြောင့် ဒုက္ခသည် ၆ သိန်းကျော် ထွက်ပြေးရတဲ့ ဖြစ်ရပ်ဟာ ရိုဟင်ဂျာတွေအပေါ် Ethnic Cleansing လို့ခေါ်တဲ့ လူမျိုးစုအလိုက် ရှင်းလင်း ဖယ်ရှားမှုတွေ ကျူးလွန်မှု ဖြစ်တယ်ဆိုတာ သိသာ ထင်ရှားကြောင်း အမေရိကန်နိုင်ငံခြားရေးဝန်ကြီး Rex Tillerson က ဗုဒ္ဓဟူးနေ့မှာ တရားဝင် ပြောကြား လိုက်ပါတယ်။ ဒါ့အပြင် ဒီကိစ္စမှာ တာဝန်ရှိသူတွေကို အရေးယူဖို့အတွက်လည်း သူက ပြောကြားလိုက်ပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

ပြီးခဲ့တဲ့ သီတင်းပတ်အတွင်း မြန်မာနိုင်ငံကို သွားရောက်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့ တွေ့ဆုံ ဆွေးနွေးခဲ့အပြီး အမေရိကန် နိုင်ငံခြားရေးဝန်ကြီး Rex Tillerson က ရိုဟင်ဂျာ အရေးနဲ့ ပတ်သက်လို့ အမေရိကန် အစိုးရရဲ့ သဘောထားကို နိုဝင်ဘာလ ၂၂ ရက်နေ့မှာ ထုတ်ပြန်လိုက်တာ ဖြစ်ပါတယ်။

ရိုဟင်ဂျာတွေအပေါ် Ethnic Cleansing လို့ခေါ်တဲ့ လူမျိုးစုအလိုက် ရှင်းလင်း ဖယ်ရှားမှုတွေ ဖြစ်ပေါ်နေတယ်ဆိုတဲ့ ၀န်ကြီး Tillerson ထုတ်ပြန်တဲ့ အမေရိကန် အစိုးရရဲ့ သဘောထား ကြေညာချက်ကိုတော့ နိုင်ငံခြားရေးဌာန အဆင့်မြင့် အရာရှိတဦးက တယ်လီဖုန်းကတဆင့် ပြုလုပ်တဲ့ သတင်းစာ ရှင်းလင်းပွဲအတွင်း အခုလို ပြောကြားခဲ့ပါတယ်။

“ရရှိထားတဲ့ အချက်အလက်တွေအပေါ် ဂရုတစိုက် သေသေချာချာ စစ်ဆေးပြီးတဲ့နောက် ရခိုင်ပြည်နယ် မြောက်ပိုင်းက ရိုဟင်ဂျာတွေအပေါ် လူမျိုးစုအလိုက် ရှင်းလင်းမှု ဖြစ်ပေါ်နေကြောင်း ၀န်ကြီး Tillerson က သတ်မှတ်လိုက်ပါတယ်။ အဲဒီ ကျူးလွန်မှုတွေအတွက် တာဝန်ရှိသူတွေကို အရေးယူဖို့အတွက်လည်း ၀န်ကြီးက ပြောကြားခဲ့ပါတယ်။ အဲဒီလို တာဝန်ယူမှု၊ တာဝန်ခံမှု ရှိလာရေးအတွက် မြေပြင် အခြေအနေတွေအပေါ် ယုံကြည်ရလောက်တဲ့ သီးခြား လွတ်လပ်တဲ့ စုံစမ်း စစ်ဆေး မှုတွေကိုလည်း အမေရိကန်ပြည်ထောင်စုက ဆက်လက် ထောက်ပံ့ပေးသွားမှာ ဖြစ်ပါတယ်။ ရခိုင်ပြည်နယ်အတွင်း ဖြစ်ပေါ်နေတဲ့ ပဋိပက္ခတွေနဲ့ ပတ်သက်တဲ့ ကုလသမဂ္ဂ လုံခြုံရေးကောင်စီအပြင် အထွေထွေညီလာခံရဲ့ လူ့အခွင့်ရေးဆိုင်ရာ ကော်မီတီဖြစ်တဲ့ Third Committee မှာလည်း အမေရိကန်က အပြုသဘောဆောင်တဲ့ ပံ့ပိုးမှုတွေ လုပ်ဆောင်ခဲ့ပါတယ်။ အမေရိကန်ရဲ့ ဥပဒေနဲ့အညီ ပစ်မှတ်ထား အရေးယူမှု အပါအ၀င် တာဝန်ခံမှု ရှိလာရေးအတွက်လည်း ဆက်လက် လုပ်ဆောင်သွားမှာ ဖြစ်ပါတယ်။”

ထွက်ပြေးသွားကြတဲ့ ဒုက္ခသည်တွေနဲ့ ပြည်တွင်းမှာ နေရပ်စွန့်ခွာ ထွက်ပြေး သွားကြသူတွေအတွက် မြန်မာအစိုးရရဲ့ လုပ်ဆောင်မှုတွေအပေါ် ဆက်လက် ပံ့ပိုးပေးသွားမယ်ဆိုတာကိုလည်း ၀န်ကြီး Tillerson က ရှင်းလင်းစွာ ပြောကြားထားပြီး ဖြစ်ကြောင်း သတင်းစာ ရှင်းလင်းပွဲအတွင်း အဲဒီ အဆင့်မြင့် အရာရှိက ပြောကြားခဲ့ပါတယ်။

လက်ရှိ ရခိုင်ပြည်နယ်မှာ ဖြစ်ပေါ်နေတဲ့ ခက်ခဲ ရှုပ်ထွေးတဲ့ ဒီ ပဋိပက္ခပြေလည်ရေး အတွက် မြန်မာအစိုးရရဲ့ လုပ်ဆောင်မှုတွေအပေါ် တပ်မတော်ရဲ့ ထောက်ခံ အားပေးမှုဟာလည်း အင်မတန် အရေးကြီးတဲ့ အချက်ဖြစ်တယ်ဆိုတာကို အမေရိကန် အစိုးရက အသိအမှတ်ပြုကြောင်းလည်း နိုင်ငံခြားရေးဌာန အဆင့်မြင့် အရာရှိက ပြောပါတယ်။

အမေရိကန် အစိုးရက အခုလို သဘောထား ထုတ်ပြန်ကြေညာတာဟာ အကြမ်းဖက်မှုတွေ အဆုံးသတ်ရေးနဲ့ ထွက်ပြေးသွားကြတဲ့ ဒုက္ခသည်တွေ နေရပ်ပြန်နိုင်ရေးတို့အတွက် ရည်ရွယ်ခြင်းဖြစ်တယ်ဆိုတာကို ၀န်ကြီး Tillerson ရဲ့ ကြေညာချက်မှာ ဖော်ပြထားကြောင်းလဲ နိုင်ငံခြားရေးဌာန အဆင့်မြင့် အရာရှိက အခုလို ဆက်ပြောပါတယ်။

“လက်ရှိ ရခိုင်ပြည်နယ် ပဋိပက္ခအပေါ် အမေရိကန်အစိုးရရဲ့ အာရုံစိုက် ဆောင်ရွက်မှုတွေနဲ့ ပတ်သက်လို့ ၀န်ကြီး Tillerson ရဲ့ ကြေညာချက်ထဲမှာ ဖော်ပြထားတဲ့ တခြားအချက်ကိုလည်း ကျမ ထပ်ပြောပြချင်ပါတယ်။ အဲဒါကတော့ - ပထမအချက်အနေနဲ့ အကြမ်းဖက်မှုတွေ အဆုံးသတ်ရေးဘဲ ဖြစ်ပါတယ်။ ဒုတိယအချက်ကတော့ အိုအိမ် စွန့်ခွာ ထွက်ပြေးရသူတွေ နေရပ် ပြန်လာနိုင်ရေးပါ။ တတိယ အချက်ကတော့ - ရခိုင်ပြည်နယ်အတွင်း စာမှုဆိုင်ရာ အကူအညီတွေ တိုးချဲ့ လုပ်ဆောင်နိုင်ရေးနဲ့ သတင်း မီဒီယာတွေ သွားရောက်ခွင့် ရရေးဖြစ်ပါတယ်။ နောက်ပြီးတော့ ရခိုင်ပြည်နယ်မှာ ဖြစ်ပေါ်နေတဲ့ ပဋိပက္ခတွေအတွက် အရေးယူမှုနဲ့ ပြဿနာရဲ့ အခြေခံ အကြောင်းရင်းကို ရေရှည် ဖြေရှင်းနိုင်မယ့် နည်းလမ်းကို ရှာဖွေရေးတို့အတွက် ဖြစ်ပါတယ်။”

အခုလို လူမျိုးစုအလိုက် ရှင်းလင်း ဖယ်ရှားမှုတွေ ကျူးလွန်နေတယ်လို့ ဘာကြောင့် သတ်မှတ်ရသလဲ ဆိုတာနဲ့ ပတ်သက်လို့တော့ တယ်လီဖုန်းနဲ့ ပြုလုပ်တဲ့ သတင်းစာ ရှင်းလင်းပွဲအတွင်းမှာဘဲ အမေရိကန် နိုင်ငံခြားရေးဌာနက တခြား အဆင့်မြင့် အရာရှိတဦးက အခုလို ရှင်းပြပါတယ်။

“Ethnic Cleansing - လူမျိုးစုအလိုက် ရှင်းလင်း ဖယ်ရှားမှုဆိုတဲ့ ဝေါဟာရကို နိုင်ငံတကာ ဥပဒေမှာရော ပြည်တွင်း ဥပဒေတွေမှာပါ အနက်အဓိပ္ပါယ် ဖွင့်ဆိုထားတာ မရှိပါဘူး။ ဒါပေမယ့် ဖြစ်ပေါ်နေတဲ့ပြဿနာဟာ အရေးကြီးတယ်ဆိုတာကို သရုပ်ပေါ်လွင်စေတဲ့ ဝေါဟာရတခုသာ ဖြစ်ပါတယ်။ ဒါကြောင့် ဒီလို သတ်မှတ်လိုက်တဲ့အတွက် လုပ်ဆောင်ရမယ်ဆိုတဲ့ ပြဌာန်းချက်တော့ မပါဝင်ပါဘူး။ ဒါပေမယ့် ဒီကိစ္စအပေါ် ကျနော်တို့အနေနဲ့ စိုးရိမ်မှုရှိတယ်၊ ပြဿနာပြေလည်ရေးအတွက် ကုစားပေးလိုစိတ် ရှိတယ်၊ ဒီ လူမျိုးအလိုက် ရှင်းလင်း ဖယ်ရှားမှုကို ပြောင်းပြန်လုပ်ပြီး ထွက်ပြေး သွားကြသူတွေ ဂုဏ်သိက္ခာရှိရှိ သူတို့သဘောနဲ့ နေရပ် ပြန်နိုင်ရေးအတွက် ဖြစ်ပါတယ်။”

ဒီ Ethnic Cleansing လူမျိုးစုအလိုက် ရှင်းလင်း ဖယ်ရှားမှုဆိုတဲ့ ဝေါဟာရဟာ တခြား Crime Against Humanity လူသားတွေအပေါ် ကျူးလွန်တဲ့ ရာဇ၀တ်မှု ၊ Genocide လူမျိုးတုန်း သတ်ဖြတ်မှု စတဲ့ Bosnia တပ်ဖွဲ့ခေါင်းဆောင် Ratko Mladic ကို နယ်သာလန်နိုင်ငံ the Hague မြို့က ကုလသမဂ္ဂရဲ့ ယူဂိုဆလားဗီးယားဆိုင်ရာ စစ်ရာဇ၀တ်ခုံရုံးက ဗုဒ္ဓဟူးနေ့မှာ တသက်တကျွန်း စီရင်ချက်ချလိုက်တဲ့ပြစ်မှုတွေလို နိုင်ငံတကာ ဥပဒေအရ အင်မတန် ကြီးမားတဲ့ ပြစ်ဒဏ်တွေ ချမှတ် အရေးယူနိုင်တဲ့ ပိုပြီး တိကျတဲ့ ပြစ်မှုမျိုးမဟုတ်ကြောင်းလည်း နိုင်ငံခြားရေးဌာန အရာရှိက ပြောပါတယ်။

လူမျိုးစုအလိုက် ရှင်းလင်း ဖယ်ရှားမှု ဖြစ်ပေါ်လာတဲ့ အကြောင်းရင်းကိုလည်း အဆင့်မြင့် အရာရှိက အခုလို ဆက်ရှင်းပြပါတယ်။

“အခုလို လူမျိုးစုအလိုက် ရှင်းလင်း ဖယ်ရှားမှုဟာ ရည်ရွယ်မထားဘဲ ရုတ်တရက် ဖြစ်လာတဲ့ အကြောင်းအရာတခု မဟုတ်ဘူး၊ ရည်ရွယ်ချက်နဲ့ ကြိုတင် စီစဉ်မှုတွေ ရှိမှသာ ဖြစ်လာတယ်လို့ ရည်ညွန်း ဖော်ပြတာ ဖြစ်ပါတယ်။ ဒါကြောင့် အခုလို သတ်မှတ်တဲ့ နေရာမှာ စီစဉ်မှုတွေ၊ စံနစ်တကျ ကြိုတင် ပြင်ဆင်မှုတွေ ရှိခဲ့တယ်လို့ ကျနော်တို့က ဆိုလိုတာ ဖြစ်ပါတယ်။ ဘယ်အဖွဲ့အစည်းကိုမှ လက်ညိုးထိုး အပြစ်တင်တာတော့ မဟုတ်ပါဘူး။ ဒါပေမယ့် ဒီကိစ္စအတွက် စီစဉ်မှုတွေ လုပ်ဆောင်နိုင်တဲ့ အဖွဲ့ အစည်းတွေဟာ အကန့်အသတ်နဲ့ ရှိနေတာ ဖြစ်ပါတယ်။ ဒီသတ်မှတ်ချက်က အဲဒီ ကြိုတင် ပြင်ဆင်မှုနဲ့ စီစဉ်မှုတွေကို ရည်ညွန်း ပြောဆိုတာ ဖြစ်ပါတယ်။”

တနည်းအားဖြင့် ဒီကိစ္စမှာ ပါဝင်ပတ်သက်နေသူတွေအနေနဲ့ ပြဿနာကို အမြန်ဆုံး ဖြေရှင်းနိုင်ရေးအတွက် ဖိအားပေးတဲ့ သဘောနဲ့ အခုလို သတ်မှတ်ရခြင်း ဖြစ်ကြောင်းလည်း နိုင်ငံခြားရေးဌာနက အဆင့်မြင့် အရာရှိ အမျိုးသမီးက ပြောပါတယ်။

“အခုလို လူမျိုးစုအလိုက် ရှင်းလင်း ဖယ်ရှားမှု ဖြစ်ပေါ်နေတယ်လို့ သတ်မှတ် လိုက်တဲ့အတွက် ကျမတို့ဘက်က မျှော်လင့်တာကတော့ - ဒုက္ခသည်တွေ အမြန်ဆုံး ပြန်ပို့နိုင်ရေးအတွက် သက်ဆိုင်သူတွေအနေနဲ့ လုပ်စရာရှိတာတွေ အမြန်ဆုံး လုပ်နိုင်အောင် ဖိအားပေးရာရောက်သလို၊ မြေပြင်မှာ ဖြစ်ပေါ်နေတဲ့ အခြေအနေတွေကို မြန်မာစစ်တပ်နဲ့ အစိုးရဘက်က အလျင်အမြန် တုန့်ပြန် လုပ်ဆောင်လာအောင် ဖိအားပေးရာလည်း ရောက်စေပါတယ်။”

စီးပွားရေးအရ ပိတ်ဆို့အရေးယူတာမျိုးဟာ ထိရောက်မှု မရှိဘူးလို့လည်း အဆင့်မြင့် အရာရှိက ဆက်ပြောပါတယ်။

“စီးပွားရေး ပိတ်ဆို့မှုတွေ ကျယ်ကျယ်ပြန့်ပြန့် ချမှတ်တာဟာ တာဝန်ရှိသူတွေကို အရေးယူဖို့ လုပ်တဲ့ နေရာမှာကော၊ မြန်မာနိုင်ငံအပေါ် အမေရိကန်ထားရှိတဲ့ ကျယ်ပြန့်တဲ့ မျှော်မှန်းချက်တွေ အောင်မြင်ဖို့အတွက် သိပ်အကျိုးရှိမယ် မထင်ပါဘူး။”

ဘယ်လို ပိတ်ဆို့ အရေးယူမှုမျိုး ချမှတ်သင့်သလဲဆိုတဲ့ ကိစ္စနဲ့ ပတ်သက်လို့လည်း ၀န်ကြီး Tillerson က ပြောကြားထားပြီး ဖြစ်တယ်လို့ အဲဒီ အဆင်မြင့် အရာရှိက ပြောပါတယ်။ ၂၀၀၈ ခုနှစ်က ချမှတ်ခဲ့တဲ့ JADE ဥပဒေအရ မြန်မာ စစ်ခေါင်းဆောင်တွေအပေါ် ပြည်ဝင်ခွင့် ဗီဇာ ကန့်သတ်တာ အပါအ၀င် ပိတ်ဆို့ အရေးယူမှုတွေ အများအပြား ချမှတ်ခဲ့ပြီး ဖြစ်ကြောင်း၊ အဲဒီ ပိတ်ဆို့ အရေးယူမှုရဲ့ နောက်ဆက်တွဲ အဖြစ်နဲ့ မြန်မာစစ်တပ်နဲ့ ထိတွေ့ ဆက်ဆံမှုအပေါ် ကန့်သတ်တာ အပါအ၀င် တခြား ကန့်သတ်ထားချက်တွေလည်း အများအပြား ရှိနေကြောင်း၊ လောလောဆယ်မှာတော့ လက်ရှိ တည်ရှိနေတဲ့ JADE ဥပဒေထက် ကျော်လွန်ပြီး ရခိုင်ပဋိပက္ခမှာ အကြမ်းဖက်မှု ကျူးလွန်ခဲ့သူတွေအပေါ် ပစ်မှတ်ထားပြီး တိကျတဲ့ အရေးယူမှုမျိုး ထပ်မံ ချမှတ်နိုင်ရေးအတွက် စဉ်းစားနေကြောင်းလည်း နိုင်ငံခြားရေးဌာန အဆင့်မြင့် အရာရှိက ပြောပါတယ်။

အမေရိကန်လွှတ်တော် အမတ်တွေက လွှတ်တော် ကြားနာပွဲတွေအတွင်း Ethnic Cleansing လူမျိုးစုအလိုက် ရှင်းလင်း ဖယ်ရှားမှုဆိုတဲ့ဝေါဟာရကို မကြာခန ခေါ်ဝေါ် သုံးစွဲခဲ့ပေမယ့် မမေရိကန်အစိုးရ တခုလုံး အနေနဲ့ကတော့ အခုမှ ပထမဆုံးအကြိမ် ခေါ်ဆိုလိုက်တာ ဖြစ်ပါတယ်။

အမေရိကန် အောက်လွှတ်တော် နိုင်ငံခြားရေးကော်မီတီ ဥက္ကဋ္ဌ Ed Royce ကတော့ - ကြေညာချက် ထွက်လာပြီး နာရီပိုင်းအကြာမှာဘဲ ရခိုင်ပြည် မြောက်ပိုင်းမှာ ဖြစ်ပေါ်နေတဲ့ ပဋိပက္ခတွေမှာ လူမျိုးစုအလိုက် ရှင်းလင်း ဖယ်ရှားမှု ဖြစ်ပေါ်နေတယ်လို့ အမေရိကန် အစိုးရက သတ်မှတ်လိုက်အပေါ် သူ့အနေနဲ့ ကြိုဆိုကြောင်း ပြောကြား လိုက်ပါတယ်။ အခုလို သတ်မှတ်လိုက်ပြီ ဖြစ်တဲ့အတွက် ဒီကိစ္စမှာ ပါဝင် ပတ်သက်နေတဲ့ မြန်မာ စစ်ခေါင်းဆောင်တွေအပေါ် အမေရိကန်အနေနဲ့ ပိတ်ဆို့အရေုးယူမှုတွေ ချမှတ် သင့်ကြောင်းလည်း ကာလီဖိုးနီးယားပြည်နယ် ကိုယ်စားပြု ရီပတ်ဘလီကန် အောက်လွှတ်တော်အမတ် Ed Royce က ပြောပါတယ်။

ရခိုင်ပြည်နယ်အတွင်း ဖြစ်ပေါ်နေတဲ့ ပဋိပက္ခတွေဟာ Ethnic cleansing လို့ခေါ်တဲ့ လူမျိုးစုအလိုက် ရှင်းလင်း ဖယ်ရှားမှု လက္ခဏာတွေ အားလုံးနဲ့ အလားသဏ္ဍာန် တူနေကြောင်း ဘင်္ဂလားဒေ့ရ်ှက ဒုက္ခသည်စခန်းတွေနဲ့ ရခိုင်ပြည်နယ်အတွင်း ဒုက္ခသည် စခန်းတွေကို သွားရောက်ခဲ့ပြီး နှစ်နိုင်ငံစလုံးက သက်ဆိုင်ရာ အရာရှိတွေနဲ့ တွေ့ဆုံခဲ့တဲ့ အမေရိကန် အထက်လွှတ်တော်အမတ် Jeff Merkley က ရန်ကုန်မြို့ အမေရိကန် သံရုံးမှာ ကျင်းပတဲ့ သတင်းစာ ရှင်းလင်းပွဲအတွင်း အင်္ဂါနေ့က ပြောကြားခဲ့ပါတယ်။
VOA Burmese News

↧

ရခိုင်အရေး ကန်ဝန်ကြီးထုတ်ပြန်မှု လူ့အခွင့်အရေးအဖွဲ့များကြိုဆို

November 23, 2017, 7:15 am

≫ Next: သမ္မတ မူဂါဘီနဲ့ ဇနီးကို လွတ်ငြိမ်းချမ်းသာခွင့်ပေး

≪ Previous: လူမျိုးစုအလိုက် ရှင်းလင်းမှု ကျူးလွန်သူတွေ အရေးယူဖို့ Tillerson တိုက်တွန်း

Tillerson

မြန်မာနိုင်ငံ ရခိုင်ပြည်နယ်မြောက်ပိုင်းမှာ ရိုဟင်ဂျာမူစလင်အပေါ် အကြမ်းဖက်မှုတွေဟာ လူမျိုးစုအလိုက် ရှင်းလင်းဖယ်ရှားရာ ရောက်တယ်လို့ အမေရိကန် နိုင်ငံခြားရေးဝန်ကြီး Rex Tillerson က ပြောဆိုလိုက်သလို၊ ဒီအပေါ်မှာ နိုင်ငံတကာ လူ့အခွင့်အရေးအဖွဲ့ တချို့က ကြိုဆိုခဲ့ကြပါတယ်။ မြန်မာနိုင်ငံကနေ ရိုဟင်ဂျာမူစလင် သိန်းနဲ့ချီ အိမ်နီးချင်း ဘင်္ဂလားဒေ့ရ်ှနိုင်ငံထဲ ထွက်ပြေးခဲ့ရတာနဲ့ပတ်သက်လို့ အမေရိကန်အစိုးရက ပြတ်ပြတ်သားသား ရပ်တည် ပြသဖို့ အမေရိကန် လွှတ်တော်အမတ်တွေ၊ နိုင်ငံတကာ လူ့အခွင့်အရေးအဖွဲ့တွေက အစိုးရကို သီတင်းပတ်တွေနဲ့ချီ ဖိအားပေးတာတွေ ရှိခဲ့ပြီးတဲ့နောက် ၀န်ကြီး Tillerson ရဲ့ အခုလို သုံးနှုန်းပြောဆိုတဲ့ ကြေညာချက် ဗုဒ္ဓဟူးနေ့က ထွက်လာခဲ့တာပါ။ Jesusemen Oni ရဲ့ သတင်းပေးပို့ချက်နဲ့အတူ အေပီသတင်းကို အခြေခံပြီး မခင်ဖြူထွေးက တင်ပြပေးပါမယ်။

ပြီးခဲ့တဲ့သီတင်းပတ်က မြန်မာနိုင်ငံကို သွားရောက်ခဲ့တဲ့ သူ့ရဲ့ခရီးစဉ်အတွင်း အမေရိကန်နိုင်ငံခြားရေး ၀န်ကြီး Rex Tillerson ဟာ ရခိုင်ပြည်နယ် မြောက်ပိုင်း ပဋိပက္ခတွေအတွင်း ရိုဟင်ဂျာမူစလင် သိန်းနဲ့ချီ ဘင်္ဂလားဒေ့ရှ် နိုင်ငံထဲ ထွက်ပြေးခဲ့တာနဲ့ပတ်သက်လို့ အထူး စိုးရိမ်တဲ့အကြောင်း ထုတ်ဖော်ပြောခဲ့ပေမဲ့၊ ဒါဟာ လူမျိုးစုအလိုက် ရှင်းလင်းဖယ်ရှားရာ ရောက်တယ်လို့တော့ သူ့ခရီးစဉ်အတွင်း ပြောမသွားခဲ့ပါဘူး။

“သိပ်ကို ရှုပ်ထွေး နက်နဲတဲ့ အခြေအနေတခုမှာ သီးခြား လွတ်လပ်တဲ့ စုံစမ်းစစ်ဆေးမှုတွေ ကသာ အခြေအနေကို ရှုထောင့်စုံကနေ ကျနော်တို့ နားလည်နိုင်အောင် လုပ်ပေးနိုင်လိမ့်မယ်လို့ ထင်ပါတယ်။”

မြန်မာနိုင်ငံခရီးစဉ်အပြီး ဗုဒ္ဓဟူးနေ့က ထုတ်ပြန်တဲ့ ကြေညာချက်မှာတော့ - ၀န်ကြီး Tillerson က - ရိုဟင်ဂျာမူစလင်တွေအပေါ် ကျူးလွန်တဲ့ ရက်စက်ကြမ်းကြုတ်မှုတွေဟာ လူမျိုးစုအလိုက် ရှင်းလင်းဖယ်ရှားရောက် ရောက်တယ်ဆိုတာ ထင်ရှားတယ်လို့ ထုတ်ဖော်ပြောဆို လိုက်တာပါ။ ဒီလို သုံးနှုန်းပြောဆိုဖို့ကို အမေရိကန်လွှတ်တော်အမတ်တွေနဲ့ လူ့အခွင့်အရေး အဖွဲ့တွေကလည်း ဆက်တိုက်ဆိုသလို ဖိအားပေး ပြောဆိုနေတာပါ။ အမေရိကန်အစိုးရက အခုနောက်ဆုံး ပြတ်ပြတ်သားသား သုံးနှုန်းပြောဆိုတဲ့အပေါ် ကြိုဆိုပြီး၊ ပစ်မှတ်ထား အရေးယူ ဒဏ်ခတ်မှုတွေကိုလည်း အမြန်ဆုံး ချမှတ်သင့်တယ်လို့ နိုင်ငံတကာ လူ့အခွင့်အရေး အဖွဲ့တခုဖြစ်တဲ့ Human Rights Watch အဖွဲ့က အာရှရေးရာ ဒုတိယညွှန်ကြားရေးမှူး Phil Robertson က ပြောပါတယ်။

"ဖြစ်သင့်တဲ့အချိန်ပါ။ ကုလသမဂ္ဂနဲ့ တကမ္ဘာလုံးက လက်ခံ ပြောဆိုနေကြတဲ့အတိုင်း အခုနောက်ဆုံး သူတို့လည်း ဒီသဘောအတိုင်းပဲ ရှိတယ် ဆိုတာ ပြောလိုက်တာပါပဲ။ ဆိုတော့ အမေရိကန်အစိုးရအနေနဲ့ ဘာဆက်လုပ်မလဲ ဆိုတာက မေးခွန်းကြီးတခု ဖြစ်လာပါပြီ။ သူတို့ တကယ် လုပ်သင့်တာကတော့ - လူမျိုးစုအလိုက် ရှင်းလင်းဖယ်ရှားမှုတွေကို ကြီးကြပ်ညွှန်ကြားခဲ့ကြတဲ့ အဓိက စစ်ခေါင်းဆောင်တွေ၊ ပြီးရင် စစ်တပ်ထဲမှာ အဆင့်ဆင့် တာဝန်ရှိသူတွေကို ပစ်မှတ်ထားတဲ့ အရေးယူဒဏ်ခတ်မှုတွေ ချမှတ်သင့်ပါတယ်။”

အလားတူပဲ ရိုဟင်ဂျာအရေး နိုင်ငံတကာလှုပ်ရှားမှုအဖွဲ့ အမှုဆောင်ညွှန်ကြားရေးမှူး Simon Billenness ကလည်း မြန်မာစစ်တပ်ကို ပစ်မှတ်ထားတဲ့ အရေးယူဒဏ်ခတ်မှုတွေ အမြန်ဆုံး ချမှတ်ဆောင်ရွက်ဖို့ တိုက်တွန်းကြောင်း ပြောဆိုပါတယ်။

“ခုချိန်မှာ သိပ်ကို အရေးကြီးပါတယ်။ မြန်မာစစ်တပ်က ရိုဟင်ဂျာတွေအပေါ် လူမျိုးစုအလိုက် ရှင်းလင်းဖယ်ရှားတာတွေ လုပ်ခဲ့တာပါ။ ဒီအတွက် သူတို့ကို ပစ်ဒဏ်ခတ်ရပါလိမ့်မယ်။ မြန်မာစစ်တပ် အရာရှိတွေ၊ သူတို့ရဲ့ စီးပွားရေးလုပ်ငန်းတွေအပြင် လက်တွေ့ မြေပြင်မှာ ကိုယ်တိုင် ပါဝင် ညွှန်ကြားဆောင်ရွက်ခဲ့ကြသူတွေအပေါ် ပစ်မှတ်ထားတဲ့ ဒဏ်ခတ် ပ်ိတ်ဆို့မှုတွေ ချမှတ်ရပါလိမ့်မယ်။”

ရခိုင်ပြည်နယ်တွင်း ဖြစ်ပျက်ခဲ့တဲ့ အခြေအနေတွေမှာ စစ်တပ်အနေနဲ့ သူ့ရဲ့လုပ်ရပ်တွေအတွက် တာဝန်ခံမှုရှိအောင် လုပ်ဖို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုလည်း အမေရိကန် လွှတ်တော်အမတ်တွေက ဖိအားပေး ဝေဖန်နေကြတာပါ။

“သူက ဦးဆောင်မှုနေရာမှာ ရှိနေတာပါ။ တိုင်းပြည်အတွက် လိုအပ်နေတဲ့၊ အခိုင်အမာ ရပ်တည်ပေးနိုင်တဲ့ ခေါင်းဆောင် ဖြစ်ဖို့ကတော့ အများကြီး လိုပါသေးတယ်။ စစ်အုပ်ချုပ်ရေးကနေ ဒီမိုကရေစီစနစ်ကို အသွင်ကူးပြောင်းနေတာ ၂ နှစ်တောင် မရှိသေးပါဘူး။ ဒါပေမဲ့ သူ့အနေနဲ့ တိုင်းပြည်မှာ ခုလို ရက်စက်ကြမ်းကြုတ်တဲ့အခြေအနေတွေ ဖြစ်လာတဲ့အခါမျိုးမှာ ပိုပြီး အင်တိုက်အားတိုက် ရှေ့ထွက် ပြောဆို လုပ်ဆောင်တာမျိုး ရှိရပါမယ်။”

ရခိုင်ပြည်နယ်မြောက်ပိုင်းမှာ ပြီးခဲ့တဲ့ သြဂုတ်လကစလို့ တကျော့ ပြန်လည်ဖြစ်ပွားတဲ့ အကြမ်းဖက်မှုတွေနဲ့ လုံခြုံရေးတပ်ဖွဲ့တွေရဲ့ နယ်မြေရှင်းလင်းမှုတွေအတွင်း လူ့အခွင့်အရေး ချိုးဖောက်မှုတွေ ကျယ်ကျယ်ပြန့်ပြန့် ရှိခဲ့ပြီး ရိုဟင်ဂျာ မူစလင် ဒုက္ခသည် ၆ သိန်းကျော် အိမ်နီးချင်း ဘင်္ဂလားဒေ့ရှ် နိုင်ငံထဲ ထွက်ပြေးရတဲ့အထိ ဖြစ်အောင် မြန်မာစစ်တပ်က စနစ်တကျ အကွက်ချ လုပ်ခဲ့တာလို့ ကုလသမဂ္ဂ၊ အမေရိကန်နဲ့ ဥရောပနိုင်ငံတွေ အပါအ၀င် နိုင်ငံတကာက ပြစ်တင်ဝေဖန်ထားတာပါ။ မြန်မာစစ်တပ်ကတော့ ဒီစွပ်စွဲချက်တွေကို အကြိမ်ကြိမ် ငြင်းပယ်ထားပါတယ်။

နိုင်ငံရေး လေ့လာသုံးသပ်သူ ဒေါက်တာ ခင်ဇော်ဝင်း ကတော့ - အမေရိကန်လို တိုင်းပြည်ကြီးပါက ခုလို စကားလုံး ပြင်းပြင်းထန်ထန် သုံးနှုန်း ပြောဆိုလာတဲ့အပေါ် မြန်မာအစိုးရ အနေနဲ့ အလေးအနက်ထား တုံ့ပြန်သင့်တယ်လို့ ဆိုပါတယ်။

"သူတို့အနေနဲ့ ဒါကို အလေးအနက် ထားသင့်ပါတယ်။ ကမ္ဘာပေါ်မှာ သြဇာအရှိဆုံး နိုင်ငံတခုက ပြောတာဖြစ်သလို၊ ပြင်းပြင်းထန်ထန် သုံးနှုန်းထားတာပါ။ အစတုန်းကတော့ မစ္စတာ Tillerson ဒီကို လာတယ်၊ ဒေါ်အောင်ဆန်းစုကြည်နဲ့ တွေ့ပြီးတဲ့နောက် သူလည်း ပျော့သွားတယ်လို့တောင် ထင်ခဲ့ကြတာပါ။ ဒါပေမဲ့ တကယ်တမ်း ဟိုကို ပြန် ရောက်သွားတဲ့အခါ… မထင်မှတ်ဘဲ ခုလို ပြင်းပြင်းထန်ထန် သုံးနှုန်းပြောလိုက်တော့ သူတို့လည်း (မြန်မာအစိုးရလည်း) အံ့သြသွားလိမ့်မယ်လို့ ကျနော် ထင်ပါတယ်။”

အမေရိကန် ကွန်ဂရက် လွှတ်တော်အနေနဲ့ကတော့ ရိုဟင်ဂျာဒုက္ခသည် အကျပ်အတည်း အဆုံးသတ်နိုင်ဖို့ ရည်ရွယ်တဲ့ ဒဏ်ခတ် ပိ်တ်ဆို့မှုတွေ အပါအ၀င် အရေးယူမှုတချို့ လုပ်သွားဖို့ အစိုးရကို ဆက်လက် တိုက်တွန်း နေကြပါတယ်။ ဒီအတောအတွင်း ရုရှားနိုင်ငံကတော့ - ရိုဟင်ဂျာအရေးနဲ့ပတ်သက်လို့ လူမျိုးစုအလိုက် ရှင်းလင်းဖယ်ရှားမှုလို့ ဆိုပြီး အမေရိကန် အစိုးရက တရားဝင် သတ်မှတ်လိုက်တာဟာ ပြဿနာကို ဖြေရှင်းရာမှာ အထောက်အကူ မဖြစ်ဘူးလို့ ဝေဖန်လိုက်ပါတယ်။ ရခိုင်ပြည်နယ်က အကျပ်အတည်းကို ဖြေရှင်းရာမှာ ပြင်ပက အလွန်အကျွံ စွက်ဖက်နေတာတွေကို လက်မခံနိုင်ဘူးလို့လည်း Reuters သတင်းဌာနနဲ့ သီးသန့်မေးမြန်းခန်းမှာ ရုရှားသံအမတ်ကြီး Nikolay Listopadov က ပြောဆုိုသွားပါတယ်။

VOA Burmese News

↧

သမ္မတ မူဂါဘီနဲ့ ဇနီးကို လွတ်ငြိမ်းချမ်းသာခွင့်ပေး

November 23, 2017, 7:17 am

≫ Next: ဂျော့ဆိုးရော့စ်ထံ အလုပ်လုပ်ဖူးသူဟုဆိုကာ NLD အစိုးရ ဝန်ကြီးသစ်ကို ဦးစိုးသိမ်း ကန့်ကွက်

≪ Previous: ရခိုင်အရေး ကန်ဝန်ကြီးထုတ်ပြန်မှု လူ့အခွင့်အရေးအဖွဲ့များကြိုဆို

သမ္မတ မူဂါဘီနဲ့ဇနီး Grace

ဇင်ဘာဘွေသမ္မတဟောင်း Robert Mugabe နဲ့ သမ္မတကတော်ဟောင်း Grace Mugabe တို့ကို အပြစ်ပေး အရေးယူ မခံရအောင် လွတ်ငြိမ်းချမ်းသာခွင့် ပေးလိုက်ပါတယ်။ အာဏာရ ZANU-PF ပါတီ တာဝန်ရှိသူတဦးနဲ့ Harare မြို့တော်က သတင်းထောက်တွေက ဗွီအိုအေကို အတည်ပြုပြောဆိုလိုက်ကြတာပါ။

နှစ်ပေါင်း ၃၇ နှစ်ကြာ တိုင်းပြည်ကို အုပ်ချုပ်ခဲ့ပြီးနောက် အင်္ဂါနေ့မှာပဲ ရာထူးက ဆင်းပေးခဲ့ရတဲ့အထိ ဖိအားပေးခဲ့ကြတဲ့ ဇင်ဘာဘွေစစ်တပ်က ဗိုလ်ချုပ်တွေ၊ နိုင်ငံရေးခေါင်းဆောင်တွေနဲ့ Mugabe စေ့စပ်ညှိနှိုင်းမှုတွေ လုပ်ခဲ့ပြီးနောက် သဘောတူညီချက် ရရှိခဲ့တာ ဖြစ်ပါတယ်။

အသက် ၉၃ နှစ်အရွယ် Mugabe က ဒုသမ္မတဟောင်း Emmerson Mnangagwa ကို ဒီလ နိုဝင်ဘာလ ၅ ရက်နေ့မှာ ရာထူးက ဖယ်ရှားခဲ့ပြီး သူ့နေရာမှာ ဇနီးဖြစ်သူကို အစားထိုးခန့်အပ်ဖို့ စီစဉ်နေတယ်ဆိုတဲ့ သတင်းတွေ ထွက်ပေါ်ခဲ့ပြီး နောက်မှာပဲ စစ်တပ်က အာဏာသိမ်းဖယ်ရှားလိုက်တာပါ။ ဒုသမ္မတဟောင်း Mnangagwa ကတော့ သမ္မတသစ်အဖြစ် မနက်ဖြန် သောကြာနေ့မှာ တရားဝင် ကျမ်းသစ္စာ ကျိန်ဆိုမှာ ဖြစ်ပါတယ်။

ရာထူးကဖယ်ရှားခံခဲ့ရပြီးနောက် ချက်ခြင်းနိုင်ငံကနေ ထွက်ခွာသွားတဲ့ ဒုသမ္မတဟောင်း ကတော့ ဇင်ဘာဘွေကို မနေ့တုန်းကပဲ ပြန်ရောက်လာခဲ့ပြီး ညီညီညွတ်ညွတ်နဲ့ တိုင်းပြည်တိုးတက်လာစေဖို့ ပြည်သူလူထုအတွက် အမှုထမ်းမယ့်အကြောင်း ကတိပြုပြောကြားခဲ့တာပါ။

ဒါပေမဲ့လည်း နှစ်ပေါင်း ၃၇ နှစ်ကြာ တိုင်းပြည်ကို အုပ်ချုပ်ခဲ့တဲ့ Mugabe နဲ့ လက်တွဲ အလုပ်လုပ်ခဲ့ဖူးတဲ့ ဒုသမ္မတအနေနဲ့ အပြောင်းအလဲတွေ ဘယ်လောက်အထိ ဆောင်ကျဉ်းပေးနိုင်မလဲဆိုတဲ့ အပေါ်မှာ သံသယအမြင်တွေလည်း ရှိနေကြတာပါ။ ရာထူးကနှုတ်ထွက်သွားတဲ့ Mugabe ဟာ ဗြိတိသျှကိုလိုနီလက်အောက်က လွတ်လပ်ရေးရခဲ့တဲ့ ၁၉၈၀ ပြည့်နှစ် ကတည်းက ဇင်ဘာဘွေနိုင်ငံမှာ သမ္မတအဖြစ် တာဝန်ယူခဲ့သူလည်း ဖြစ်ပါတယ်။
VOA Burmese News

↧

ဂျော့ဆိုးရော့စ်ထံ အလုပ်လုပ်ဖူးသူဟုဆိုကာ NLD အစိုးရ ဝန်ကြီးသစ်ကို ဦးစိုးသိမ်း ကန့်ကွက်

November 23, 2017, 7:20 am

≫ Next: ဒုက္ခသည်အရေး ဘင်္ဂလားဒေ့ရ်ှ-မြန်မာ သဘောတူလက်မှတ်ထိုး

≪ Previous: သမ္မတ မူဂါဘီနဲ့ ဇနီးကို လွတ်ငြိမ်းချမ်းသာခွင့်ပေး

NLD အစိုးရက ဝန်ကြီးအဖြစ်ခန့်အပ်ရန် အဆိုပြုထားသူ ဦးသောင်းထွန်းသည် အမေရိကန် အခြေစိုက် Open Society Institute (OSI) ကို ထူထောင်သူ ဂျော့ဆိုးရော့စ် George Soros ၏ လက်အောက်တွင် အလုပ်လုပ်ဖူးသူဖြစ်သည်ဟုဆိုကာ ကန့်ကွက်ရန် သမ္မတရုံးဝန်ကြီးဟောင်း ဦးစိုးသိမ်းက ယနေ့ ပြည်ထောင်စုလွှတ်တော်အစည်းအဝေးတွင် ကြိုးပမ်းခဲ့သည်။

ဦးသောင်းထွန်းအား တိုးချဲ့ဖွဲ့စည်းမည့် ပြည်ထောင်စုအစိုးရအဖွဲ့ရုံးဝန်ကြီးဌာနတွင် ပြည်ထောင်စုဝန်ကြီးအဖြစ် ခန့်အပ်ရန် သမ္မတ ဦးထင်ကျော်က လွှတ်တော်သို့ တင်ပြထားမှုအပေါ် ကယားပြည်နယ် မဲဆန္ဒနယ်အမှတ်(၉)မှ အမျိုသားလွှတ်တော်အမတ်လည်းဖြစ်သူ ဦးစိုးသိမ်းက ကန့်ကွက်ကြောင်းအဆို တင်သွင်းရန် ကြိုးပမ်းခဲ့ခြင်း ဖြစ်သည်။

သို့သော် ဦးသောင်းထွန်းတွင် ပြည်ထောင်စုဝန်ကြီး၏ အရည်အချင်းနှင့် မပြည့်စုံကြောင်း ခိုင်လုံသည့် အထောက်အထားများ တင်ပြနိုင်ခြင်း မရှိသည့်အတွက် ဦးစိုးသိမ်း၏ ကန့်ကွက်ကြောင်းအဆို တင်သွင်းရန် ကြိုးပမ်းမှုမှာ အထမမြောက်ခဲ့ပေ။

ခိုင်လုံသည့် အထောက်အထားများကို လွှတ်တော်နာယက မန်းဝင်းခိုင်သန်းက တောင်းခံရာတွင် “အမေရိကားက ဂျော့ဖ်ဆိုးရော့စ်ရုံးကို တောင်းထားတာ ဖြစ်တဲ့အတွက်ကြောင့် အချိန်မီ တင်ပြနိုင်ခြင်းမရှိပါ” ဟု ဦးစိုးသိမ်းက လွှတ်တော်တွင် ပြောဆိုခဲ့သည်။

ပြည်ထောင်စုလွှတ်တော်ဆိုင်ရာ နည်းဥပဒေ ပြဌာန်းချက်အရ မိမိကန့်ကွက်လိုသော ပုဂ္ဂိုလ်သည် ဖွဲ့စည်းပုံအခြေခံဥပဒေပါ သတ်မှတ်ထားသော အရည်အချင်းများနှင့်မပြည့်စုံကြောင်း ခိုင်လုံသည့် သက်သေအထောက်အထားများကို ပူးတွဲတင်ပြရမည်ဟု သတ်မှတ်ထားခြင်း ဖြစ်သည်။

ထိုသို့ ခိုင်လုံသည့် သက်သေ အထောက်အထား တင်ပြနိုင်ခြင်းမရှိသည့်အတွက် ဦးသောင်းထွန်းအား ပြည်ထောင်စုအစိုးရအဖွဲ့ရုံး ဝန်ကြီးဌာန ပြည်ထောင်စုဝန်ကြီးအဖြစ် ခန့်အပ်တာဝန်ပေးရန် လွှတ်တော်က သဘောတူကြောင်း ကြေညာခဲ့သည်။

ဦးစိုးသိမ်းကမူ “ဒီလူ(ဦးသောင်းထွန်း)ဟာ အမေရိကန်က ဂျူးသူဌေးကြီး ဂျော့ဆိုးရော့စ်အောက်မှာ လုပ်ခဲ့တယ်” ဟု လွှတ်တော်အစည်းအဝေးအပြီးတွင် မီဒီယာများကို ပြောဆိုခဲ့သည်။

ပုဒ်မ ၁၂၁ တွင် ဖော်ပြထားသည့် ပြည်သူ့လွှတ်တော်ကိုယ်စားလှယ်များအဖြစ် ရွေးကောက်တင်မြှောက်ခံပိုင်ခွင့် မရှိစေသော ပြဌာန်းချက်များနှင့် ငြိစွန်းခြင်းမရှိသူကို ပြည်ထောင်စုဝန်ကြီးအဖြစ် ခန့်အပ်တာဝန်ပေးနိုင်သည်ဟု ဖွဲ့စည်းပုံအခြေခံဥပဒေ ပုဒ်မ ၂၃၂(က)တွင် ဖော်ပြထားသည်။

“၁၂၁(ဆ)မှာ ပါတယ်။ နိုင်ငံခြားက အဖွဲ့အစည်းက လစာယူထားရင် (အရည်အချင်း)မကိုက်ညီဘူး။ မယူထားဘူးဆို မယူထားဘူး ပြောပေါ့” ဟု ဦးစိုးသိမ်းက ဆိုသည်။

အဆိုပါ အခြေခံဥပဒေပုဒ်မ ၁၂၁(ဆ)တွင်မူ “နိုင်ငံခြားတိုင်းပြည်တစ်ခုခု၏ အစိုးရ သို့မဟုတ် ဘာသာရေးအဖွဲ့အစည်း သို့မဟုတ် အခြားအဖွဲ့အစည်းများမှ ငွေကြေး၊ မြေ၊ အိမ်၊ အဆောက်အဦ၊ ယာဉ်၊ ပစ္စည်း စသည်တို့ကို တိုက်ရိုက်ဖြစ်စေ၊ သွယ်ဝိုက်သောနည်းဖြင့် ဖြစ်စေ အထောက်အပံ့ရယူသုံးစွဲသူ သို့မဟုတ် ယင်းသို့ အထောက်အပံ့ ရယူသုံးစွဲသည့် အဖွဲ့အစည်းဝင်ဖြစ်သူ” ဟူ၍ ပါရှိသည်။

“ကျွန်တော်က အရင်အစိုးရထဲမှာ လုပ်လာတာကိုး။ ဦးသောင်းထွန်းနဲ့ အရင်အစိုးရနဲ့ ဂျော့ဆိုးရော့စ်နဲ့ ပတ်သက်တာ ကျွန်တော်က အသိဆုံးပေါ့” ဟု ဦးစိုးသိမ်းက ပြောသည်။

သို့သော် ထိုကိစ္စနှင့်ပတ်သက်၍ မဇ္ဈိမအနေဖြင့် သီးခြားအတည်ပြုခြင်း ရယူနိုင်ခြင်း မရှိပေ။

ဦးစိုးသိမ်းကမူ “သူ့(ဂျော့ဆိုးရော့စ်)အောက်မှာ လုပ်ခဲ့တယ်ဆိုတာ သူ(ဦးသောင်းထွန်း)ဖော်ပြရမယ်လေ။ ရိုးသားရင် ဖော်ပြလေ။ မရိုးသားလို့ မဖော်ပြတာလို့ ကျွန်တော်က ယူဆတာလေ။ ဂျော့ဆိုးရော့စ်က အမေရိကားမှာ ပေါက်ရောက်တဲ့ လူဖြစ်တဲ့အတွက်ကြောင့် တစ်ချိန်မှာ နိုင်ငံတော်လုံခြုံရေးနဲ့သော်လည်းကောင်း၊ သူခန့်ထားတဲ့သူဆိုတော့ တရုတ်-မြန်မာ ဆက်ဆံရေးနဲ့သော်လည်းကောင်း ထိခိုက်နိုင်တယ်လေ။ ဒါကြောင့် ကျွန်တော်က စေတနာနဲ့ ။ ဦးသောင်းထွန်းနဲ့ ကျွန်တော်က ခင်တယ်။ ဒါပေမယ့် တိုင်းပြည်အတွက်မို့လို့ ကျွန်တော်က ပြောတာ” ဟုလည်း မီဒီယာများကို ပြောကြားသည်။

ဘီလျံနာ သူဋ္ဌေးကြီး ဂျော့ဆိုးရော့စ်သည် Open Society Institue (OSI) ကို လွန်ခဲ့သော နှစ်ပေါင်း သုံးဆယ်ကျော်က တည်ထောင်ခဲ့ပြီး နိုင်ငံပေါင်း ခုနှစ်ဆယ်ကျော်၏ ဒီမိုကရေစီရေးနှင့် လူ့အခွင့်အရေးများကို ကူညီပေးနေသူလည်း ဖြစ်သည်။ ၂၀၁၂ခုနှစ်က မြန်မာနိုင်ငံသို့ လာရောက်ခဲ့ပြီး ဒေါ်အောင်ဆန်းစုကြည်အပြင် ထိုစဉ် သမ္မတ ဦးသိန်းစိန်နှင့်လည်း ဂျော့ဆိုးရော့စ်က တွေ့ဆုံခဲ့သေးသည်။

ယနေ့ ပြည်ထောင်စုလွှတ်တော်အစည်းအဝေးတွင် ပြည်ထောင်စုအစိုးအဖွဲ့ရုံး၏ ပြည်ထောင်စုဝန်ကြီးအဖြစ် ဦးသောင်းထွန်းအား လည်းကောင်း၊ အပြည်ပြည်ဆိုင်ရာပူးပေါင်းဆောင်ရွက်ရေး ဝန်ကြီးဌာန ပြည်ထောင်စုဝန်ကြီးအဖြစ် ဦးကျော်တင်အား လည်းကောင်း အသီးသီး ခန့်အပ်တာဝန်ပေးအပ်ရန် သမ္မတဦးထင်ကျော်က တင်ပြလာသည့်အတိုင်း အတည်ပြုခဲ့သည်။

===========

Mizzima - News in Burmese

http://mizzimaburmese.com/article/34564

↧

ဒုက္ခသည်အရေး ဘင်္ဂလားဒေ့ရ်ှ-မြန်မာ သဘောတူလက်မှတ်ထိုး

November 23, 2017, 2:59 pm

≫ Next: မြန်မာအပေါ် အမေရိကန်တံဆိပ်ကပ်မှု ရုရှား ဝေဖန်

≪ Previous: ဂျော့ဆိုးရော့စ်ထံ အလုပ်လုပ်ဖူးသူဟုဆိုကာ NLD အစိုးရ ဝန်ကြီးသစ်ကို ဦးစိုးသိမ်း ကန့်ကွက်

ဒုက္ခသည်အရေး ဘင်္ဂလားဒေ့ရ်ှ-မြန်မာ သဘောတူလက်မှတ်ထိုး (Zaw Htay)

ရခိုင်ပြည်နယ် မြောက်ပိုင်းကနေထွက်သွားကြတဲ့ ဒုက္ခသည်တွေ ပြန်လာနိုင်ရေး အစီအမံတွေနဲ့ပတ်သက်လို့ မြန်မာနဲ့ ဘင်္ဂလားဒေရှ့် ၂ နိုင်ငံကြား ဒီကနေ့ကြာသပတေးနေ့မှာ သဘောတူလက်မှတ်ထိုးခဲ့ကြပါတယ်။ ၁၉ ၉ ၂ ခုနှစ် သဘောတူညီချက်နဲ့အညီ နေရပ်စွန့်ခွာသွားသူတွေကို စနစ်တကျ စိစစ်လက်ခံလက်ခံတဲ့နေရာမှာ လိုက်နာဆောင်ရွက်မယ့် အထွေထွေ မူဘောင်တွေ။ မူဝါဒရေးရာ အစီအမံတွေကို လက်မှတ်ထိုးခဲ့ကြတာဖြစ်ပါတယ်။ အပြည့်အစုံကို ဗီအိုအေသတင်းထောက် မမေခက ဆက်ပြီးတင်ပြပါမယ်။

ရခိုင်ပြည်နယ်မြောက်ပိုင်းကနေ ဘင်္ဂလားဒေရင်္ှ့နိုင်ငံဖက်ထွက်သွားတဲ့ သိန်းနဲ့ချီတဲ့ အစ္စလာမ်ဘာသာဝင်တွေ ပြန်လက်ခံရေးနဲ့ပါတ်သက်လို့ ဘင်္ဂလားဒေ့ရှ် နိုင်ငံခြားရေးဝန်ကြီး မစ္စတာ အဘူလ်ဟတ်ဆန် မာမွတ်အလီနဲ့ နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေတို့ နိုဝင်ဘာ ၂၂ ရက်နေ့ နေပြည်တော်မှာ ဆွေးနွေး သဘောတူခဲ့ကြပြီးနောက် ဒုက္ခသည်တွေပြန်လက်ခံရေး အစီအမံတွေကို နိုဝင်ဘာ ၂၃ ကြာသပတေးနေ့မှာ သဘောတူ လက်မှတ်ထိုးခဲ့ကြတာဖြစ်ပါတယ်။ သဘောတူစာချုပ်ထဲမှာ ၁၉ ၉ ၂ ခုနှစ် သဘောတူညီချက်နဲ့အညီ နေရပ်စွန့်ခွာသွားသူတွေကို စနစ်တကျ စိစစ်လက်ခံလက်ခံတဲ့နေရာမှာ လိုက်နာဆောင်ရွက်မယ့် အထွေထွေ မူဘောင်တွေ။ မူဝါဒရေးရာ အစီအမံတွေပါဝင်တယ်လို့ နိုင်ငံတော်အတိုင်ပင်ခံရုံး ကြေညာချက်ထဲမှာ ဖော်ပြထားပါတယ်။ ဒီသဘောတူညီချက်နဲ့ပတ်သတ်လို့ နိုင်ငံတော်အတိုင်ပင်ခံရုံး ညွှန်ကြားရေးမှုးချုပ် ဦးဇော်ဌေး ကိုဆက်သွယ် မေးမြန်းတာ မှာ သူက ခုလိုပြောပါတယ်။

“Statement ထုတ်တယ် အခုအဲဒါလေးကြည့်လိုက်ပါလား အခုပဲတင်လိုက်တယ်၊ အဲဒီထက်လည်း ပိုပြောမှာမဟုတ်ဘူး။ ပိုပြောဖို့လည်းမရှိပါဘူး။ အဲဒီမှာ သတင်းထုတ်ပြန်ချက်သာ ဖတ်လိုက်ပါနော်။”

အိမ်နီးချင်းနိုင်ငံတွေနဲ့ဖြစ်လာတဲ့ အရေးကိစ္စတွေကို ၂ နိုင်ငံချင်း ဆွေးနွေးညှိနှိုင်းပြီးမှာ ဖြေရှင်းနိုင်မယ်ဆိုတဲ့ ရပ်တည်ချက်အတိုင်း မြန်မာနဲ့ ဘင်္ဂလားဒေရှ့်နိုင်ငံကြား ချစ်ခင်ရင်းနှီးမှုကို အခြေခံပြီး သဘောတူညီမှုရအောင်လုပ်နိုင်ခဲ့တာဖြစ်တယ်လို့လည်း ကြေညာချက်ထဲမှာ ဆိုထားပါတယ်။ အနောက်နိုင်ငံတွေနဲ့ အစ္စလာမ်မစ်ပူးပေါင်းဆောင်ရွက်ရေးအဖွဲ့ OIC အဖွဲ့တို့က ဒီကိစ္စကို နိုင်ငံတကာအရေးကိစ္စအဖြစ် ပုံဖော်ပြီး ကုလသမဂ္ဂလူ့အခွင့်အရေးကောင်စီနဲ့ ကုလသမဂ္ဂအထွေထွေညီလာခံမှာ ဆုံးဖြတ်ချက်တွေ ချခဲ့တာ။ ကုလသမဂ္ဂ လုံခြုံရေးဥက္ကဋ္ဌက ကြေညာချက်ထုတ်ပြန်ခဲ့တယ်လို့လည်း ကြေညာချက်ထဲမှာ ဖော်ပြထားပါတယ်။

ခုလို မြန်မာနဲ့ ဘင်္ဂလားဒေရှ့်နိုင်ငံကြား ဒုက္ခသည်တွေပြန်လက်ခံရေး အစီအမံတွေကို သဘောတူခဲ့တယ်လို့ ပြောပေမဲ့ အသေးစိတ်ကိုတော့ ထုတ်ပြန်အသိပေးခြင်း မရှိသေးပါဘူး ။ ဒုက္ခသည်တွေပြန်လက်ခံနိုင်ရေး လုပ်ငန်းစဉ်တွေကို စတင်နိုင်မယ့်ခြေလှမ်း စတင်လိုက်တာဖြစ်တာမို့ တိုးတက်မှုဖြစ်တယ်လို့ ရခိုင်အရေးလေ့လာစောင့်ကြည့်နေသူ သတင်းစာဆရာ ဦးစည်သူအောင်မြင့် သုံးသပ်ချက်ပါ။

“ဆွေးနွေးမှုရလဒ်ကတော့ ပထမတချက်ကောင်းသွားပြီလေ။ ဒီမူဘောင်တို့ အထွေထွေမူဝါဒတွေ အဲဒီအဆင့်တွေ ရပြီဆိုရင် နောက်အသေးစိတ်အချက်အလက်တွေကို ထပ်ပြီးတော့ မခက်တော့ဘူးပေါ့နော် ဒီလိုပဲ တဆင့်ပြီး တဆင့်သွားရမှာပေါ့နော်။ အသေးစိတ်အချက်အလက်တွေကို ညှိနှိုင်းရင်းနဲ့ အဖြေက ထွက်လာမှာပေါ့နော်။ အဲဒီတော့ အကျိုးကျေးဇူးကတော့ ၂ ခု ရှိတယ်။ ပထမတခုကတော့ဘင်္ဂလားဒေ့ရ်ှကလည်း ဘာပဲပြောပြော မြန်မာအစိုးရနဲ့ သေချာညှိနှိုင်းပြီးတော့ သဘောတူ ညီပြီးတော့ အလုပ်လုပ်မယ်ဆိုတာမျိုးရှိတဲ့အခါကျတော့ ဒါကတော့ ကောင်းတဲ့ လက္ခဏာပေါ့နော်။ ဒုတိယတခုကတော့ ဘယ်အဆင့်ပဲရောက်ရောက် နားလည်မှု လက်မှတ်ထိုးနိုင်တဲ့ အချိန်တခုကို ရောက်လာတယ်ဆိုတာကလည်း ကောင်းတဲ့ကိစ္စပေ့ါ။ အသေးစိတ်တွေကျန်ဦးမယ်၊ အသေးစိတ်တွေပြီးရင်တောင် ဒီကိစ္စကြီးက ပြီးဦးမှာမဟုတ်ဘူး လက်တွေ့ အဲဒီအလုပ်ကြီးကို အကောင်အထည်ဖော်တဲ့အခါကျရင် ကြုံနိုင်တဲ့ ပြဿနာတွေလည်း ပေါ်လာဦးမှာပဲ ဒါတွေက အဲဒီလိုဖြေရှင်းသွားရမှာပဲလို့ ထင်ပါတယ်။”

ဘင်္ဂလားဒေ့ရှ် နိုင်ငံဖက်ကို သိန်းနဲ့ချီထွက်ခွာသွားကြသူတွေ နေရပ်ပြန်နိုင်ရေး ဘင်္ဂလားဒေရှ့်နဲ့ မြန်မာကြား သဘောတူညီမှုရအောင်လုပ်ဖို့ နိုင်ငံတကာက တိုက်တွန်းနေချိန်မှာ ပထမအဆင့်အနေနဲ့ သဘောတူ စာချုပ်နိုင်ခဲ့ကြတာဖြစ်ပါတယ်။
VOA Burmese News

↧

မြန်မာအပေါ် အမေရိကန်တံဆိပ်ကပ်မှု ရုရှား ဝေဖန်

November 23, 2017, 3:00 pm

≫ Next: ဒုက္ခသည်တွေ ပြန်လက်ခံဖို့ မြန်မာအသင့်ရှိနေ

≪ Previous: ဒုက္ခသည်အရေး ဘင်္ဂလားဒေ့ရ်ှ-မြန်မာ သဘောတူလက်မှတ်ထိုး

ဘင်္ဂလားဒေ့ရ်ှဘက်ကို ထွက်ခွာဖို့ရောက်ရှိလာကြတဲ့ မွတ်စလင်တွေကို ဂေါ်ဒူသာရ၊ မှိုဝင်ချောင်းနယ်စပ် ခြံစည်းရိုးအနီးမှာ အောက်တိုဘာလ ၁ဝ ရက်နေ့က တွေ့ရစဉ်

Photo: Min Thein Aung/RFA

ရခိုင်ပြည်နယ်ပဋိပက္ခအတွင်း မြန်မာ့တပ်မတော်ရဲ့လုပ်ရပ်တွေဟာ လူမျိုးစုရှင်းလင်းမှု ဖြစ်တယ်လို့ အမေရိကန် ပြည်ထောင်စုက တံဆိပ်တပ်လိုက်တာဟာ အလွန်အကျွံ ပြင်ပစွက်ဖက်မှု ဖြစ်တဲ့အပြင်၊ ပြဿနာကို ကူညီဖြေရှင်းရာ မရောက်ဘဲ၊ ပိုပြီး ဆိုးရွားသွားစေတယ်လို့ မြန်မာနိုင်ငံဆိုင်ရာ ရုရှားသံအမတ်က ပြောလိုက်ပါတယ်။

ပဋိပက္ခအတွင်း မြန်မာတပ်တွေက နယ်မြေရှင်းလင်းရေးဆောင်ရွက်စဉ် ပြုမူခဲ့တာတွေဟာ လူမျိုးစုရှင်းလင်းမှုဖြစ် တယ်လို့ ကုလသမဂ္ဂက ပြောဆိုခဲ့အပြီး၊ အမေရိကန်ကပါ ထပ်မံတံဆိပ်ကပ်လိုက်တာဟာ မီးလောင်ရာ လေပင့် လိုက်တာသာဖြစ်တယ်လို့ ရုရှားသံအမတ် နီကိုလေ လစ်စတိုပါဒေါ့ က ဆိုပါတယ်။

ဒီလအတွင်း ကုလသမဂ္ဂ လုံခြုံရေးကောင်စီက မြန်မာ့တပ်မတော်ကို အင်အားအလွန်အကျွံ မသုံးစွဲတော့ဖို့ တိုက်တွန်းခဲ့တဲ့အပေါ် ရုရှားနဲ့ တရုတ်က ထောက်ခံခဲ့ကြပေမဲ့၊ ပြည်တွင်းရေးကို အလွန်အကျွံဝင်စွက်ရာရောက်တဲ့ အထိတော့ လက်မခံကြောင်း ပြောဆိုခဲ့ကြပါတယ်။

ရခိုင်ပြဿနာကို နိုင်ငံရေးနည်းလမ်း၊ နိုင်ငံရေးအရ အပြန်အလှန်ဆွေးနွေးအဖြေရှာတဲ့နည်းနဲ့ ဖြေရှင်းသင့်ကြောင်း လည်း ရုရှားသံအမတ်က တိုက်တွန်းပါတယ်။
RFA

↧

ဒုက္ခသည်တွေ ပြန်လက်ခံဖို့ မြန်မာအသင့်ရှိနေ

November 23, 2017, 3:01 pm

≫ Next: ရိုဟင်ဂျာဒုက္ခသည်များ နေရပ်ပြန်ရေး စိုးရိမ်စိတ်ရှိ

≪ Previous: မြန်မာအပေါ် အမေရိကန်တံဆိပ်ကပ်မှု ရုရှား ဝေဖန်

မြန်မာနိုင်ငံမှ နေရပ်စွန့်ခွာထွက်ပြေးသူများကို ဘင်္ဂလားဒေ့ရ်ှနိုင်ငံနဲ့ နှစ်နိုင်ငံသဘောတူညီချက်များအရ ဥပဒေနဲ့အညီ ပြန်လည်လက်ခံဖို့ အဆင်သင့်ဖြစ်နေပြီလို့ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ပြန်လည်နေရာချထားရေးဖွံ့ဖြိုးရေးကော်မတီ ဒုတိယဥက္ကဌ ဒေါက်တာဝင်းမြတ်အေးကပြောပါတယ်။ နေရာစွန့်ခွာသူများ ပြန်လည်လက်ခံရေး စိစစ်တဲ့အပိုင်းတွေမှာ လက်ခံရေးစခန်းအသစ်တွေတည်ဆောက်ထားပြီဖြစ်ပြီး အရင်လိုကြန့်ကြာနေတော့မှာ မဟုတ်ဘူးလို့လည်းပြောပါတယ်။ အပြည့်အစုံကိုတော့ ကိုကောင်းစံဟိန်းကပြောပြပေးမှာပါ။

မြန်မာနိုင်ငံကနေ အကြောင်းအမျိုးမျိုးနဲ့ နေရပ်စွန့်ခွာထွက်ပြေးသူတွေကို နှစ်နိုင်ငံ သဘောတူညီချက်များအရ ဥပဒေနဲ့အညီပြန်လည်လက်ခံဖို့ အဆင်သင့်ဖြစ်နေပြီ လို့လူသားချင်းစာနာမှုအကူအညီအထောက်အပံ့ပေးရေး၊ပြန်လည်နေရာချထားရေးဖွံ့ဖြိုးရေးကော်မတီ ဒုတိယဥက္ကဌ ဒေါက်တာဝင်းမြတ်အေးက VOAကိုပြောပါတယ်။

“မနေချင်လို့ ထွက်သွားတာတော့ မဟုတ်ဘူး သူတို့ထွက်သွားကြတာ အကြောင်းအမျိုးမျိုးရှိတယ်ပေါ့နော်။ ဒါပေမယ့် ဘယ်လိုကြောင့်ပဲထွက်ထွက် ဒီမှာ နေသွားတဲ့လူကို ကျနော်တို့ ပြန်လက်ခံမယ် ဒါပဲ အဲဒီပုံစံပဲ ကျနော်တို့ ချက်ချင်းဆောင်ရွက်မယ်။ ပြန်ပြီးတော့ ချက်ချင်းကြေညာလိုက်တယ် ပြန်လက်ခံမယ်ဆိုတာ နောက်ပြီးတော့ ပြန်လက်ခံဖို့လည်း စီစဉ်ဆောင်ရွက်နေတယ်။”

နိုင်ငံပြင်ပထွက်သွားသူတွေကို ပြန်လက်ခံရာမှာတော့တောင်ပြိုလက်ဝဲနဲ့ငခူရကျေးရွာတွေမှာ လက်ခံရေးစခန်းတွေမှာတည်ဆောက်ပီးပီဖြစ်ပါတယ်။ပြန်လက်ခံစီစစ်ရာမှာလည်း အရင်လိုလက်ခံရေးစခန်းတွေမှာ ကြန့်ကြာနေမှာမဟုတ်ဘဲ အလွန်ဆုံး၂ရက်ဘဲနေရမှာဖြစ်တယ်လို့လည်း ဒေါက်တာဝင်းမြတ်အေးကပြောပါတယ်။

“အဲဒီက လက်ခံတယ်ဆိုတာက ၁ ရက်သို့မဟုတ် လက်ခံရေးစခန်းမှာ ၁ ရက်ပဲ ကြာမယ်။ အလွန်ဆုံး ၂ ရက်ပဲ ကြာမယ်။ ဒါစိစစ်တဲ့ဟာပေါ့။ စိစစ်ပြီးတာနဲ့ သူတို့ဟာ သူတို့ရွာမှာ အိမ်ရှိရင် အဲဒီအိမ်ကို တိုက်ရိုက်ပြန်သွားမယ်။ အိမ်မရှိသေးဘူးဆိုရင်လည်း သူတို့ဆောက်လုပ်ရေးတွေလည်း ပြန်စနေပြီဆိုတော့ အိမ်ဖြစ်ပေါ်လာမယ်ပေါ့နော်။ အဲဒီအိမ်မှာနေမယ်။ မဖြစ်ခင်ကြားမှာ ကြားစခန်းဆိုတာလေးတခုရှိတယ်။ ၂၀၁၂ လို camp တွေလိုကြာသွားမယ့် နေရာလိုမျိုးမဟုတ်ဘူး။ ခဏပဲ နေရမယ့်နေရာရှိမယ်။”

ပြန်လည်လက်ခံရာမှာလည်း ၁၉၉၂ ၊၁၉၉၃ခုနှစ်က ဘင်္ဂလားဒေ့ရ်ှနိုင်ငံနဲ့ သဘောတူညီထားတဲ့ မူတွေနဲ့အညီပြန်လည်လက်ခံသွားမှာဖြစ်ပါတယ်။ ဒေါက်တာဝင်းမြတ်အေးကတော့ ပြန်လက်ခံတဲ့ အပိုင်းမှာ ခက်ခဲတင်းကြပ်တဲ့ မူတွေချမှတ်ထားတာမရှိဖူးလို့ပြောပါတယ်။

“၁၉၉၂ ၊၁၉၉၃ခုနှစ်က မူတွေပေါ်မှာပဲ အခြေခံတာပဲ ။ အခြေခံတာကတော့ ထူးထူးဆန်းဆန်းကြီးတွေတော့မဟုတ်ဘူး ။ အဲဒီအပေါ်မှာပဲ အခြေခံတယ် ဒါပေမယ့် သိပ်ပြီး ခက်ခက်ခဲခဲကြီးတွေ မရှိဘူး။ ပြန်ပြီးတော့လက်ခံ ဖို့အတွက် ခက်ခဲတဲ့ မူတွေချမှတ်ထားတာမရှိဘူး။ တင်းကျပ်တဲ့မူတွေလည်းမပါဘူး။”

ဒီကနေ့မှာတော့ ဘင်္ဂလားဒေရှ့်နိုင်ငံ နိုင်ငံခြားရေးဝန်ကြီး မစ္စတာ အဘူလ်ဟတ်ဆန် မာမွတ်အလီနဲ့ နိုင်ငံတော် အတိုင်ပင်ခံ ရုံး ပြည်ထောင်စုဝန်ကြီး ဦးကျော်တင့်ဆွေ တို့က ရခိုင်ပြည်နယ်အတွင်းက နေရပ်စွန့်ခွာကြတဲ့ဒုက္ခသည်အရေးနဲ့ပက်သက်ပီး နှစ်နိုင်ငံသဘောတူညီချက်တွေကိုလက်မှတ်ရေးထိုးခဲ့ကြပါတယ်။
VOA Burmese News

↧