ရိုဟင်ဂျာဒုက္ခသည်များ နေရပ်ပြန်ရေး စိုးရိမ်စိတ်ရှိ

November 23, 2017, 3:03 pm

≫ Next: ပျောက်ဆုံးရေငုပ်သင်္ဘောနှင့် နောက်ဆုံးအဆက်အသွယ်ရချိန်၌ ပုံမှန်မဟုတ်သောအသံများဖမ်းမိခဲ့ဟု အာဂျင်တီးနားရေတပ်ပြော

≪ Previous: ဒုက္ခသည်တွေ ပြန်လက်ခံဖို့ မြန်မာအသင့်ရှိနေ

$

0

0

မြန်မာနိုင်ငံ ရခိုင်ပြည်နယ်မြောက်ပိုင်းကနေ ဘင်္ဂလားဒေ့ရှ် နိုင်ငံထဲ ထွက်ပြေးသွားခဲ့ကြတဲ့ ဒုက္ခသည်တွေနဲ့ပတ်သက်တဲ့ အစီအစဉ်ကိုမြန်မာနဲ့ ဘင်္ဂလားဒေ့ရ်ှအစိုး တာဝန်ရှိသူတွေ ဒီကနေ့ သဘောတူ လက်မှတ် ရေးထိုးလိုက်ပေမဲ့၊ ဘင်္ဂလားဒေ့ရ်ှရောက် ဒုက္ခသည်တွေကြား မှာတော့ နေရပ်ပြန်ရေးနဲ့ပတ်သက်လို့ စိုးရိမ်မှုတွေ ရှိနေကြပါတယ်။ Cox's Bazar မှာရှိတဲ့ ဒုက္ခသည်တချို့ကို ရိုက်တာ သတင်းဌာနက မေးမြန်းထားတာကိုအခြေခံပြီး မခင်ဖြူထွေးက တင်ပြပေးပါမယ်။

ပြီးခဲ့တဲ့လပိုင်းတွေအတွင်း ရခိုင်ပြည်နယ် မြောက်ပိုင်းက အကြမ်းဖက်ပဋိပက္ခတွေကြောင့် အိမ်နီးချင်း ဘင်္ဂလားဒေ့ရှ် နိုင်ငံထဲ ထွက်ပြေးခဲ့တဲ့ ဒုက္ခသည် ၆ သိန်းကျော် ရှိတယ်လို့ ကုလသမဂ္ဂက ခန့်မှန်းထားပြီး၊ ဒီလို ဒုက္ခသည်တွေ နေရပ်ပြန်နိုင်ရေးနဲ့ပတ်သက်လို့ မြန်မာနဲ့ ဘင်္ဂလားဒေ့ရှ် အစိုးရ အရာရှိတွေကြား ညှိနှိုင်းဆွေးနွေးမှုတွေ လုပ်ဆောင်နေခဲ့တာပါ။ ဒီကနေ့မှာတော့ ဒီဒုက္ခသည်တွေနဲ့ ပတ်သက်တဲ့ အစီအစဉ်ကို နှစ်ဘက် တာဝန်ရှိသူတွေ သဘောတူ လက်မှတ် ရေးထိုးလိုက်ကြပါတယ်။ ဒါပေမဲ့ ဘင်္ဂလားဒေ့ရ်ှကို ရောက်နေတဲ့ ဒုက္ခသည်တွေကြားမှာတော့ - အခုသဘောတူညီချက်က သူတို့အတွက် ဘေးကင်းလုံခြုံမှု ရှိရှိနဲ့ အမှန်တကယ် နေရပ် ပြန်နိုင်တဲ့အခြေအနေ ဖြစ်လာပါ့မလား ဆိုတာ စိုးရ်ိမ်နေကြပါတယ်။

Cox's Bazar မှာရှိတဲ့ ကုတုပလောင် ဒုက္ခသည်စခန်းကို လွန်ခဲ့တဲ့ နှစ်လလောက်က ရောက်လာခဲ့တဲ့ ဒုက္ခသည် အမျိုးသမီး Nurasha က ခုလို ပြောပါတယ်။

"ကျမ တော့ မြန်မာအစိုးရကို မယုံဘူး။ ကျမ အမျိုးသားဆိုရင် မြန်မာပြည်ကနေ သုံးကြိမ် ထွက်ပြေးခဲ့ရဖူးတယ်။ ကျမ အတွက် ဒါ ဒုတိယအကြိမ် ထွက်ပြေးလာရတာပါ။ မြန်မာအစိုးရက အမြဲတမ်း ဒီလိုလုပ်နေတာပါပဲ။”

ဒုက္ခသည်စခန်းကို ရောက်လာတာ ၁၅ ရက်ပဲရှိသေးတဲ့ Salimullah ကတော့ သူတို့အတွက် အမှန်တကယ် အဆင်ပြေရင် ပြန်မယ်လို့ ပြောပါတယ်။

"ကျနော်တို့ တောင်းဆိုချက်တွေအတိုင်း လိုက်လျောရင်တော့ ပြန်မှာပါ။ ကျနော်တို့ကို နိုင်ငံသားအဖြစ် အသိအမှတ် ပြုပေးဖို့ တောင်းဆိုပါတယ်။ ကျနော်တို့ လယ်မြေတွေကိုလည်း ပြန်ပေးရပါမယ်။”

နောက်ထပ် ဒုက္ခသည်တဦးဖြစ်တဲ့ အသက် ၅၅ နှစ်အရွယ် Sayed Hussein ကလည်း ခုလို ပြောပါတယ်။

"ကျနော်တို့ကို အနှောက်အယှက် မပေးဘူးဆိုရင်… ပြီးတော့ တခြား ဗုဒ္ဓဘာသာဝင်တွေ၊ တခြားလူမျိုးစုတွေလိုပဲ နေထိုင်ခွင့် ရမယ်ဆိုရင်တော့ ပြန်ပါမယ်။ ပညာအရည်အချင်းရှိတဲ့ ကျနော်တို့ရဲ့သားသမီးတွေလည်း… တခြားသူတွေလိုပဲ အစိုးရ အလုပ်အကိုင်တွေမှာ လုပ်ကိုင်ခွင့် ရသင့်ပါတယ်။”

ဒုက္ခသည်တွေ ဘေးကင်းကင်း နေရပ် ပြန်နိုင်ရေးမှာ မြန်မာစစ်တပ်က အနှောက်အယှက် ပေးနိုင်တယ်လို့ ဆိုပြီး စိုးရိမ်သူတွေလည်း ရှိခဲ့တာပါ။ မြန်မာအစိုးရ အရာရှိတွေကတော့ လိုအပ်တဲ့ စာရွက်စာတမ်း ကိစ္စတွေ ဆောင်ရွက်ပြီးတာနဲ့ ဘင်္ဂလားဒေ့ရ်ှနိုင်ငံက ဒုက္ခသည်တွေ ပြန်လည် ခေါ်ယူရေး ဆောင်ရွက်မယ်လို့ ပြောဆိုထားပါတယ်။ နေရပ်ပြန်လာမယ့် ဒုက္ခသည်တွေအနေနဲ့ - ကိုယ့်ရဲ့နံမည်၊ မိသားစုစာရင်း၊ မြန်မာနိုင်ငံမှာ နေခဲ့ချိန်က နေရပ်လိပ်စာ၊ မွေးသက္ကရာဇ် စတာတွေ ဖြည့်စွက်ရမယ့်အပြင် ကိုယ့်ဆန္ဒနဲ့ကိုယ် ပြန်လာတာ မှန်ကန်ကြောင်းကို အတည်ပြုရမှာဖြစ်တယ်လို့ အစိုးရတာဝန်ရှိသူတွေက ပြောဆိုထားပါတယ်။

နိုင်ငံတော် အတိုင်ပင်ခံရုံးဝန်ကြီး ဦးကျော်တင့်ဆွေနဲ့ ဘင်္ဂလားဒေရှ့် နိုင်ငံခြားရေး ၀န်ကြီး အဘူလ် ဟဒ်ဆန် မာမွတ် အလီ တို့ ဒီကနေ့ လက်မှတ်ရေးထိုးလိုက်တဲ့ ဒုက္ခသည်တွေအရေး အစီအစဉ်ထဲမှာတော့ ဒုက္ခသည်တွေကို ပြန်လည်လက်ခံရာမှာ လိုက်နာဆောင်ရွက်ရမယ့် မူဘောင်တွေ၊ မူဝါဒရေးရာ အစီအမံတွေ ပါဝင်တဲ့အကြောင်းနဲ့ ဒီမူဘောင်တွေနဲ့ မူဝါဒရေးရာ အစီအမံတွေကို ၁၉၉၂ ခုနှစ်က မြန်မာနဲ့ ဘင်္ဂလားဒေရှ့်နိုင်ငံကြား ရယူခဲ့တဲ့ သဘောတူညီချက်တွေအပေါ်မှာ အခြေခံထားတဲ့အကြောင်း မြန်မာအစိုးရက သတင်း ထုတ်ပြန်ထားပါတယ်။
VOA Burmese News

---

ပျောက်ဆုံးရေငုပ်သင်္ဘောနှင့် နောက်ဆုံးအဆက်အသွယ်ရချိန်၌ ပုံမှန်မဟုတ်သောအသံများဖမ်းမိခဲ့ဟု အာဂျင်တီးနားရေတပ်ပြော

November 23, 2017, 3:06 pm

≫ Next: ပီနန်ဆရာတော် ပျံလွန်တော်မူ

≪ Previous: ရိုဟင်ဂျာဒုက္ခသည်များ နေရပ်ပြန်ရေး စိုးရိမ်စိတ်ရှိ

$

0

0

တောင်အန္တလန္တိတ်သမုဒ္ဒရာအတွင်း ပျောက်ဆုံးခဲ့သောအာဂျင်တီးနားရေငုပ်သင်္ဘောနှင့် နောက်ဆုံးအဆက် အသွယ်ရခဲ့ချိန်တွင် ပုံမှန်မဟုတ်သောအသံများကိုဖမ်းမိခဲ့ကြောင်း အာဂျင်တီးနားရေတပ်က ဗုဒ္ဓဟူးနေ့၌ ပြောဆိုခဲ့ပြီး ထိုအသံများသည် ပေါက်ကွဲသည့်အသံများဖြစ်နိုင်သည်ဆိုသော ယူဆချက်ကိုမူ ငြင်းဆန်ခဲ့သည်။

ရေငုပ်သင်္ဘောပေါ်မှအမှုထမ်း ၄၄ဦးအား အသက်ရှင်လျက်ရှာတွေ့ရန် ရှာဖွေရေးများကို ပင်လယ်သမုဒ္ဒရာ မျက်နှာပြင်နှင့် ပင်လယ်ကြမ်းပြင်အောက်တို့၌ အပူတပြင်းလုပ်ဆောင်လျက်ရှိသော်လည်း ရေငုပ်သင်္ဘော ပျောက်ဆုံးခဲ့သည်မှာ တစ်ပတ်ခန့်ရှိပြီဖြစ်သောကြောင့် သင်္ဘောပေါ်၌အောက်စီဂျင်ပြတ်တောက်သွားနိုင်သည် ကို စိုးရိမ်ရပြီး အမှုထမ်းများကို အသက်ရှင်လျက်ရှာတွေ့နိုင်ရန်မျှော်လင့်ချက်မှာ မှေးမှိန်လာသည်။

အေအာအေဆန်ဟွမ်အမည်ရှိ အဆိုပါပျောက်ဆုံးရေငုပ်သင်္ဘောသည် အမှုထမ်းများအား တောင်အန္တလန္တိ ရေအောက်၌ ၇ ရက်ခန့်အသက်ရှင်နိုင်ရန် အောက်စီဂျင်လုံလုံလောက်လောက် ပေးနိုင်စွမ်းရှိကြောင်း တာဝန်ရှိသူများ၏ ပြောဆိုချက်အရ သိရသည်။ သို့သော်လည်း ယခုအချိန်ထိ ရှာမတွေ့သေးသောကြောင့် ယခုလိုစိုးရိမ်မှုများ မြင့်တက်လာခြင်းဖြစ်သည်။

ရေတပ်မှပြောရေးဆိုခွင့်ရှိသူ အင်းနရစ်ဘယ်လ်ဘီက နိုဝင်ဘာလ ၁၅ရက်နေ့တွင် ပျောက်ဆုံးသွားခဲ့သည့် ထိုရေငုပ်သင်္ဘောနှင့် နောက်ဆုံးအဆက်အသွယ်ရပြီးနောက် သုံးနာရီ အကြာခန့်တွင် ရေအောက်အသံလှိုင်းများ ကို ဖမ်းယူရမိခဲ့ကြောင်း သတင်းထောက်များကိုပြောခဲ့သည်။

ထိုအသံသည် ပေါက်ကွဲသည့်အသံများဖြစ်နိုင်သလားဆိုသော မေးမြန်းချက်အား ပြောရေးဆိုခွင့်ရှိသူက ခန့်မှန်း ပြောဆိုရန် ငြင်းဆန်ခဲ့ပြီး “သေချာလေ့လာပြီး အတည်ပြုနိုင်ဖို့ကြိုးစားရဦးမှာပါ” ဟုသာ သူက ပြောခဲ့သည်။

“ကျနော်တို့ လောလောဆယ်မှာ အန္တရာယ်ရှိတဲ့အခြေအနေကိုရောက်နေပါတယ်။ အခြေအနေတွေဟာ ပိုမို ဆိုးရွားလာနိုင်ပါတယ်” ဟု ဘယ်လ်ဘီက ဖြည့်စွက်ပြောဆိုခဲ့သည်။

ထိုကဲ့သို့ ဖမ်းယူရရှိခဲ့သည့်အသံလှိုင်းများအကြောင်းကို ရေတပ်က အဘယ်ကြောင့် ဗုဒ္ဓဟူးနေ့မှ ထုတ်ပြန်ခဲ့ရ သည့် အကြောင်းရင်းအား ရှင်းရှင်းလင်းလင်းမပြောနိုင်သေးကြောင်း သိရသည်။

===========

Mizzima - News in Burmese

http://mizzimaburmese.com/article/34538

ပီနန်ဆရာတော် ပျံလွန်တော်မူ

November 24, 2017, 7:49 am

≫ Next: အမေရိကန်တလွှား ကျေးဇူးတော်နေ့ ဆင်နွှဲ

≪ Previous: ပျောက်ဆုံးရေငုပ်သင်္ဘောနှင့် နောက်ဆုံးအဆက်အသွယ်ရချိန်၌ ပုံမှန်မဟုတ်သောအသံများဖမ်းမိခဲ့ဟု အာဂျင်တီးနားရေတပ်ပြော

$

0

0

ပျံလွန်တော်မူသွားတဲ့ ပီနန်မြို့ ကမ္ဘာ့ဗုဒ္ဓသာသနာပြု ဓမ္မိကာရာမကျောင်းတိုက်ဆရာတော် ဦးပညာဝံသ ကို တွေ့ရစဉ် / ဓါတ်ပုံ - ဗိုလ်ဗိုလ်

၂၀၀၇ ရွှေဝါရောင် သံဃာ့အရေးအခင်းမှာ ပြည်ပကနေ ဦးဆောင်ခဲ့တဲ့ မလေးရှားနိုင်ငံ ပီနန်မြို့ ကမ္ဘာ့ဗုဒ္ဓ သာသနာပြု ဓမ္မိကာရာမကျောင်းတိုက်ဆရာတော်  ဦးပညာဝံသဟာ ဒီကနေ့မနက် မှာ မလေးရှားနိုင်ငံ၊ ပီနန်မြို့မှာ ပျံလွန်တော်မူသွားပြီ ဖြစ်ပါတယ်။

ဆရာတော်ဟာ ကျောက်ကပ်နဲ့ နှလုံးရောဂါကြောင့် သက်တော် ၉၀ ၊ ၀ါတော် ၇၀ မှာ ပျံလွန်တော်မူတာဖြစ်ပါတယ် လို့ ဆရာတော်ဘုရားကို အနီးကပ်စောင့်ရှောက်ခဲ့တဲ့ ဆရာတော်ဦးဇာဂရဗုဒ္ဓိက မိန့်ကြားပါတယ်။

"အဓိကရောဂါက ဆရာတော်ကြီးမှာ ကျောက်ကပ်မကောင်းတာပေ့ါနော်။ ကျောက်ကပ်ဆေးနေရတဲ့ အနေထားမျိုး၊ ကျောက်ကပ်ဆေးနေရင်း နှလုံးပါ မကောင်းတာပေါ့။ ဒ့ါကြောင့်မို့လို့ ကျောက်ကပ်နဲ့နှလုံး အဲဒီနှစ်ခု မကောင်းလို့ ပျံလွန်တော်မူရတာပါ။ သြဂုတ်လလောက်မှ စသိတာ။ သြဂုတ်လဆန်း ပိုင်းလောက်မှာ ဆေးစစ်ရင်း ကျောက်ကပ်မကောင်းတာ စတွေ့တာပေါ့။ ကျောက်ကပ်ကိုဆေးရင်းနဲ့ မှ နှလုံးပါ ကူးစက်သွားပြီးတော့ ကျောက်ကပ်ရော နှလုံးရော ဖြစ်နေတာ မကြာသေးဘူး ။ ၃ လကျော်လောက်ပဲရှိမယ်။"

ဆရာတော်ရဲ့ ရုပ်ကလပ်တော်ကို ဓမ္မိကာရာမကျောင်းတိုက်မှာထားရှိပြီး လာမယ့် ဒီဇင်ဘာ ၃ ရက်နေ့မှာ မီးသဂြိုဟ်မှာဖြစ်ပါတယ်။

ပီနန်ဆရာတော်ရဲ့ အရိုးပြာတဝက်ကို ဒီဇင်ဘာ ၁၀ ရက်နေ့မှာ ပင်လယ်မှာမျော်မှာဖြစ်ပြီး တဝက်ကိုတော့ ဓမ္မိကာရာမကျောင်းတိုက်မှာထားရှိမယ်လို့ မိန့်ပါတယ်။

ပီနန်ဆရာတော်ဘုရားကြီးက ဗုဒ္ဓဘာသာပြန့်ပွားရေးအတွက် နယူးဇီလန်၊ ကနေဒါ၊ ထိုင်ဝမ်၊ မလေးရှားနဲ့ စင်ကာပူအပါအ၀င် နိုင်ငံပေါင်း ၂၂ နိုင်ငံမှာ သာသနာပြုကျောင်းပေါင်း ၂၂  ကျောင်းကို တည်ထောင်ခဲ့ တာဖြစ်ပါတယ်။

ဆရာတော်ဟာ ရန်ကုန်မြို့၊ တာမွေမြို့နယ်က မဟာသန္တိသုခကျောင်းတိုက်ကို တည်ထောင်သူလည်းဖြစ်ပါတယ်။

ဆရာတော်ပျံလွန်တော် မမူခင်က ကမ္ဘာအနှံ့မှာရှိတဲ့ သာသနာပြု ကျောင်းပေါင်း ၂၂ ကျောင်းက တပည့် သံဃာတော်တွေကို အဖွဲ့ဖွဲ့ခိုင်းပြီး ဓမ္မိကာရာမကျောင်းကိစ္စနဲ့ ပြေလည်မှုမရသေးတဲ့ မြန်မာနိုင်ငံက သန္တိသုခကျောင်းတိုက်ကိစ္စတို့ကို ပြေလည်အောင် ဆောင်ရွက်ဖို့အပ်ခဲ့တယ်လို့ မိန့်ကြားပါတယ်။

ဆရာတော်ဟာ ၂၀၀၇ ရွှေဝါရောင် သံဃာ့အရေးအခင်းကာလမှာ ပြည်ပကနေ ဦးဆောင်မှုပေးခဲ့တဲ့ သာသနာ့ ဥသျှောင် အပြည်ပြည်ဆိုင်ရာ မြန်မာရဟန်းတော်များအဖွဲ့ ဥက္ကဌဖြစ်ပြီး RFA အပါအဝင် ပြည်ပသတင်းဌာနတွေ ကနေ စစ်အာဏာရှင်စနစ် ဆန့်ကျင်ရေးနဲ့ ဒီမိုကရေစီအရေးနဲ့ ပတ်သက်တဲ့တရားတွေကို ဟောကြားခဲ့ သူလည်း ဖြစ်ပါတယ်။

RFA Burmese
http://www.rfa.org/burmese

အမေရိကန်တလွှား ကျေးဇူးတော်နေ့ ဆင်နွှဲ

November 24, 2017, 7:51 am

≫ Next: အာဂျင်တီးနား ရေငုပ်သင်္ဘောအတွက် မျှော်လင့်ချက် ပျက်ပြား

≪ Previous: ပီနန်ဆရာတော် ပျံလွန်တော်မူ

$

0

0

အမေရိကန် နိုင်ငံ တ၀န်းမှာတော့ ဒီကနေ့ ကြာသပတေးနေ့မှာ ကျေးဇူးတော်နေ့ကို ဆင်နွှဲကြပါမယ်။ ဒီကနေ့ ကျေးဇူးတော်နေ့မှာတော့ ထုံးတမ်းစဉ်လာ အရ မိသားစုတွေ မိတ်ဆွေတွေ အတူဝိုင်းဖွဲ့ စားသောက်ကြသလို အလှပြချီတက်ပွဲတွေနဲ့ ဘောလုံးပွဲတွေ ကြည့်ရှုအားပေး ကြပါတယ်။ အများအပြားကတော့ အားလပ်ရပ်မှာ စပြီး ဈေးဝယ်နေကြပါပြီ။

နယူးယောက်မြို့ မက်ဟန်တန် အရပ်မှာ Macy’s ကုန်တိုက်ကြီးရဲ့ ကျေးဇူးတော်နေ့ အလှပြ ချီတက်ပွဲ အပါအ၀င် ၂၀၁၇ ခုနှစ် အတွက် ပွဲလမ်းသဘင်တွေကိုတော့ လုံခြုံရေး တင်းတင်းကြပ်ကြပ် စိစစ်မှာပါ။ နယူးယောက်မြို့က စက်ဘီးစီးလမ်းပေါ်က လူအုပ်ထဲကို ဥဇဘက်နိုင်ငံက ပြောင်းရွှေ့လာသူက ကုန်ကားနဲ့ ၀င်တိုက်ခဲ့တာကြောင့် လူ ၈ ဦး သေဆုံးခဲ့ရပြီး သတင်းပတ်တွေ အတွင်းမှာ ကျင်းပမယ့် အခု အလှပြ ချီတက်ပွဲကတော့ ကြည့်ရှုသူ ၂ သိန်းလောက် ရှိတတ်တာပါ။

လုံခြုံရေး ချထားမယ့် အထဲမှာ လက်ဖြောင့် ရဲတပ်ဖွဲ့ဝင်တွေရော၊ သဲတင်တဲ့ ကားကြီးတွေရော၊ နောက် ဗုံးရှာခွေးတွေလည်း ပါဝင်မယ်လို့ နယူးယောက် တာဝန်ရှိသူတွေက ပြောဆိုထားပါတယ်။ ခြိမ်းခြောက်မှုတွေ မရှိဘူးလို့ အာဏာပိုင်တို့က အတည်ပြု ပြောဆိုထားပေမယ့်လည်း မက်ဟန်တန် တလျှောက် ၂ မိုင်ခွဲလောက် လမ်းကြောင်းမှာ ထောင်နဲ့ချီတဲ့ ရဲတွေ ချထားမယ်လို့လည်း ပြောဆိုထားတာပါ။ အလှပြ ချီတက်ပွဲကတော့ အမေရိကန် စံတော်ချိန် မနက် ၉ နာရီမှာ စတင်မှာပါ။

ဗွီအိုအေ (မြန်မာပိုင်း)
https://burmese.voanews.com

အာဂျင်တီးနား ရေငုပ်သင်္ဘောအတွက် မျှော်လင့်ချက် ပျက်ပြား

November 24, 2017, 7:52 am

≫ Next: ဇင်ဘာဘွေနိုင်ငံမှာ Emmerson Mnangagwa သမ္မတသစ်အဖြစ် ကျမ်းသစ္စာကျိန်ဆို

≪ Previous: အမေရိကန်တလွှား ကျေးဇူးတော်နေ့ ဆင်နွှဲ

$

0

0

ရေငုပ်သင်္ဘောပေါ်ပါ အမှုထမ်းတွေရဲ့ မိသားစုတွေ ဖြေမဆည်နိုင် ဖြစ်သွားခဲ့ရ

ပြီးခဲ့တဲ့ သီတင်းပတ် ဗုဒ္ဓဟူးနေ့က ပျောက်ဆုံးသွားတဲ့ အာဂျင်တီးနား ရေငုပ်သင်္ဘော ပျောက်ဆုံးသွားတဲ့ နေရာနားမှာ ပေါက်ကွဲမှု တခု ဖြစ်ခဲ့တယ်လို့ ယုံကြည်ရကြောင်း အာဂျင်တီးနား ရေတပ်က ပြောပါတယ်။

ပေါက်ကွဲသံ ကြားရတဲ့ အချိန်တဝိုက်မှာပဲ အဲဒီ San Juan ရေငုပ်သင်္ဘော ဆီက နောက်ဆုံး ပို့လိုက်တဲ့ အချက်ပြ သတင်းပို့ချက်ကို လက်ခံရခဲ့ပြီး အဲဒီ အချက်ပြ သတင်းပို့ချက်ထဲမှာ "ပြင်းထန်၊ တိုတောင်း၊ နျူကလီးယား မဟုတ်" ဆိုပြီး ဖေါ်ပြထားတယ်လို့ အာဂျင်တီးနား ရေတပ် ပြောခွင့်ရ ပုဂ္ဂိုလ်က ပြောပါတယ်။

ဒါကို ကြည့်ခြင်းအားဖြင့် ရေငုပ်သင်္ဘောပေါ်မှာ ဆိုးဝါးတဲ့ ချွတ်ချော်မှုကြီးတခု ဖြစ်ခဲ့ပုံရပြီး သင်္ဘောပေါ်ပါ အမှုထမ်း ၄၄ဦးကို အသက်ရှင်ရက် ပြန်ကယ်နိုင်ဖို့ မျှော်လင့်ချက် သိပ်မရှိတော့ဘူးလို့ ဘီဘီစီသတင်းထောက်က ပြောပါတယ်။

နျူကလီယား ပေါက်ကွဲမှုတွေကို စောင့်ကြည့် အသံဖမ်းယူနေတဲ့ CTBOT ကျယ်ပြန့်တဲ့ နျူကလီယား စမ်းသပ်မှု တားဆီးရေး သဘောတူချက်ဆိုင်ရာ အေဂျင်စီအဖွဲ့က ဒီပေါက်ကွဲသံကို ဖမ်းယူမိခဲ့တာပါ။

အဲဒီသတင်းကြောင့် ရေငုပ်သင်္ဘောပေါ်ပါ အမှုထမ်းတွေရဲ့ မိသားစု ဆွေမျိုးတွေက အကြီးအကျယ် ဒေါသထွက်ခဲ့ကြပါတယ်။

ပြီးခဲ့တဲ့ ၈ရက်လုံးလုံး မာ ဒီ ပလက်တာ မြို့က ရေတပ်စခန်းမှာ သူတို့ လာစောင့်နေကြတာပါ။

သူတို့ကို အာဂျင်တီးနား အစိုးရက မျှော်လင့်ချက် အတုတွေ ပေးပြီး လိမ်လည် ဖုံးကွယ်ထားတယ် ဆိုပြီး တချို့က စွပ်စွဲ ပြောခဲ့ကြပါတယ်။

တချို့ကတော့ အာဂျင်တီးနား တပ်မတော်ထဲမှာ ရင်းနှီးမြှုပ်နှံမှု မရှိပဲ အဂတိလိုက်စားမှု တွေ ရှိနေတာကြောင့် ဒီရေငုပ်သင်္ဘော ဘေးကင်းစိတ်ချရမှု မရှိတာဆိုပြီး ပြစ်တင် ပြောခဲ့ကြပါတယ်။

အဲဒီလို ပေါက်ကွဲသံ ကြားရတယ်လို့ အာဂျင်တီးနား ရေတပ် က ထုတ်ဖော် ကြေညာလိုက်ပေမယ့် လောလောဆယ်မှာ တောင်အတ္တလန်တစ် သမုဒ္ဒရာမှာ နိုင်ငံတကာ က ပင်လယ်ပြင်ထဲမှာရော ဝေဟင်ကနေပါ အဲဒီ ရေငုတ်သင်္ဘောကို လိုက်လံ ကူညီ ရှာဖွေမှုတွေ ဆက်လုပ်နေဆဲ ဖြစ်ပါတယ်။

BBC Burmese
http://www.bbc.com/burmese

ဇင်ဘာဘွေနိုင်ငံမှာ Emmerson Mnangagwa သမ္မတသစ်အဖြစ် ကျမ်းသစ္စာကျိန်ဆို

November 24, 2017, 7:53 am

≫ Next: ကမ္ဘာ့သာသနာပြု ပီနန်ဆရာတော် ဘဒ္ဒန္တပညာဝံသ ပျံလွန်တော်မူ

≪ Previous: အာဂျင်တီးနား ရေငုပ်သင်္ဘောအတွက် မျှော်လင့်ချက် ပျက်ပြား

$

0

0

ဇင်ဘာဘွေနိုင်ငံမှာ Emmerson Mnangagwa က သမ္မတသစ် အဖြစ်နဲ့ ဒီကနေ့ သောကြာနေ့မှာ ကျမ်းသစ္စာ ကျိန်ဆို။ ( နိုဝင်ဘာ ၂၄-၂၀၁၇)

ဇင်ဘာဘွေနိုင်ငံမှာတော့ Emmerson Mnangagwa က သမ္မတသစ်အဖြစ်နဲ့ ဒီကနေ့ သောကြာနေ့မှာ ကျမ်းသစ္စာကျိန်ဆိုလိုက်ပြီး၊ ရောဘတ်မူဂါဘီရဲ့ ၃၇ နှစ်ကြာ အာဏာရှင်စနစ်လည်း အဆုံးသတ်သွားခဲ့ပြီဖြစ်ပါတယ်။ အသက် ၇၅ နှစ်ရှိပြီဖြစ်တဲ့ Mr. Mnangagwa ဟာ Harare မြို့တော်မှာရှိတဲ့ လူ ၆ သောင်းဆန့်တဲ့ အမျိုးသားအားကစားကွင်း သမ္မတအဖြစ်နဲ့ ကျမ်းသစ္စာကျိန်ဆိုခဲ့တာဖြစ်ပြီး ဇင်ဘာဘွေနိုင်ငံသားတွေကသူ့ကို ထောက်ခံအားပေးခဲ့ကြပါတယ်။

“ဇင်ဘာဘွေနိုင်ငံနဲ့ ဇင်ဘာဘွေပြည်သူတွေရဲ့ ကောင်းကျိုးအတွက် ကျနော်အနေနဲ့ လုပ်ဆောင်သွားမှာဖြစ်ပါတယ်။ ဒါကြောင့် ဘုရားသခင် စောင့်ရှောက်ပေးတော်မူပါလို့” သမ္မတသစ် Manangagwa က ပြောကြားလိုက်ပါတယ်။

မိကျောင်းလို့နာမည်ကြီးတဲ့ သမ္မတ Mnangagwa ဟာ ဇင်ဘာဘွေစစ်တပ်နဲ့ နီးစပ်သူလည်းဖြစ်ပါတယ်။ သူ့အနေနဲ့ ဇင်ဘာဘွေသမ္မတ အဖြစ်နဲ့ ရင်ဆိုင်ရမယ့် စိန်ခေါ်မှုတွေထဲကတခုကတော့ - မူဂါဘီအုပ်ချုပ်ခဲ့တဲ့ ဆယ်စုနှစ် ၄ ခုနီးပါးအတွင်း ကျဆင်းသွားတဲ့ တိုင်းပြည်ရဲ့ စီးပွားရေးကိုပြန်လည်တည်ဆောက်ဖို့ ဖြစ်ပါတယ်။

သမ္မတဟောင်း မူဂါဘီ နဲ့ သူ့ရဲ့ ဇနီးတို့ကိုတော့ တရားစွဲဆိုခြင်းကနေ ကင်းလွတ်ခွင့်ပေး လိုက်ပါတယ်။ ပြီးခဲ့တဲ့နိုဝင်ဘာ ၅ ရက်နေ့က မစ္စတာ မူဂါဘီက Mnangagwa ကို ရာထူးကနေ ဖြုတ်ချပြီး၊ အသက် ၅၂ နှစ်အရွယ် သူရဲ့ ဇနီးကို သူ့နေရာမှာဆက်ခံဖို့ ပြောကြားလိုက်ပြီးနောက်မှာ ဇင်ဘာဘွေစစ်တပ်က အာဏာသိမ်းခဲ့တာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

ကမ္ဘာ့သာသနာပြု ပီနန်ဆရာတော် ဘဒ္ဒန္တပညာဝံသ ပျံလွန်တော်မူ

November 24, 2017, 7:53 am

≫ Next: ခရီးသွားလုပ်ငန်းမြှင့်တင်ရေး မြန်မာနဲ့ ကမ္ဘောဒီးယား သဘောတူလက်မှတ်ရေးထိုး

≪ Previous: ဇင်ဘာဘွေနိုင်ငံမှာ Emmerson Mnangagwa သမ္မတသစ်အဖြစ် ကျမ်းသစ္စာကျိန်ဆို

$

0

0

ကမ္ဘာ့သာသနာပြု ပီနန်ဆရာတော် ဘဒ္ဒန္တပညာဝံသ- (သတင်းဓာတ်ပုံ Credit to Dhammikarama Burmese Buddhist Temple)

ကမ္ဘာ့သာသနာပြု ပီနန်ဆရာတော် ဘဒ္ဒန္တပညာဝံသ (အဂ္ဂမဟာပဏ္ဍိတ) ဒီကနေ့ မနက်မှာ မလေးရှားနိုင်ငံမှာ ပျံလွန်တော်မူခဲ့ပါတယ်။ နှစ်ပေါင်း ၆၀ကျော် ပြည်ပသာသနာပြုလုပ်ငန်းကို ထူးထူးခြားခြား ကြိုးပမ်းဆောင်ရွက်ခဲ့တဲ့ ပီနန်ဆရာတော်ဘုရားကြီးပျံတော်မူတာဟာ သာသနာပြန့်ပွားရေးအတွက် ဆုံးရှုံးမှုတခုအဖြစ် သုံးသပ်ပါတယ်။ ဒီသတင်းကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ပီနန်ဆရာတော်ကြီးဟာ ဗုဒ္ဓသာသနာပြန့်ပွားစေရေးအတွက် နိုင်ငံပေါင်း ၂၀ကျော်မှာ သာသနာပြုကျောင်းတွေ တည်ထောင်ခဲ့သလို မြန်မာနိုင်ငံမှာလည်း ဗုဒ္ဓဘာသာ သာသနာပြုလုပ်ငန်းကို နိုင်ငံတကာ အဆင့်မီစေဖို့အတွက် ဆောင်ရွက်ခဲ့တဲ့ ပုဂ္ဂိုလ်ဖြစ်ပါတယ်။

ဒီကနေ့မနက် မလေးရှားစံတော်ချိန် ၅နာရီကျော်မှာ ပျံလွန်တော်မူကြောင်းကို ဆရာတော်ကြီးရဲ့ တပည့်ရင်းဖြစ်တဲ့ လန်ဒန်ဆရာတော် ဦးဥတ္တရက အခုလို မိန့်ကြားပါတယ်။

“ ဒီနေ့ မနက် ၅နာရီ ၁၅မိနစ်မှာ ပျံတော်မူသွားတာ။ ပီနန်မြို့ Island Hospital မှာပဲ ပျံတော်မူတယ်။ ဆရာတော်ဘုရားကြီးက လွန်ခဲ့တဲ့ ၁လကျော်လောက်က ကျောက်ကပ် အားနည်းတဲ့ရောဂါဖြစ်နေတာပေါ့။ ကျောက်ကပ်ဆေးနေရတာပေါ့။ ဗုဒ္ဓဟူးနေ့ညကတော့ သွေးပေါင်ချိန်တွေ လျော့ပြီးတော့ စကားပြောတာတွေ ဘာတွေ မပီတော့ဘူး။ သွေးအားနည်းလာတဲ့အခါကျတော့ ဆေးရုံပြန်တင်ပြီးတော့ သွေးတွေ ဘာတွေလည်း သွင်းတယ်။ ကျောက်ကပ်တွေ ဘာတွေလည်း ဆေးတယ်။ မရတော့တာနဲ့ သောကြာနေ့ မနက် ၅နာရီ ၁၅မိနစ်မှာ ပျံတော်မူသွားတာပေါ့။”

ပီနန်ဆရာတော်ကြီးဟာ ပျံတော်မူချိန်မှာ သက်တော်၉၀၊ ၀ါတော်၇၀ရှိပြီ ဖြစ်ပါတယ်။

ဆရာတော်ကြီးရဲ့ ဗုဒ္ဓဘာသာ သာသနာပြန့်ပွားရေးဆိုင်ရာ စွမ်းဆောင်မှုကို ဦးဥတ္တရက အခုလို ဆက်လက် မိန့်ကြားပါတယ်။

“ မြန်မာနိုင်ငံက နှစ် ၂၀၀ကျော်လောက်က လာပြီးတော့ ဆောက်ထားတဲ့ ကျောင်းကြီးကို မန္တလေးနန်းတော် မဆောက်ခင်က တည်ထောင်ထားတဲ့ကျောင်းကြီးကို ထိန်းသိမ်းဖို့ရာအတွက် ဆရာတော်ကြီးကြွလာတာ။ အဲဒီဟာနဲ့အတူ နှစ်ပေါင်း၆၀ကျော်လောက် နိုင်ငံခြားသာသနာပြုတာပေါ့နော်။ နိုင်ငံခြားသာသနာပြုတဲ့ သံဃာတော်တွေထဲမှာတော့ ထူးထူးခြားခြားနဲ့ အအောင်မြင်ဆုံးဆရာတော်လို့ ပြောရမှာဘဲ။ ဘာလို့လဲဆိုတော့ သူများတွေ မလုပ်နိုင်တဲ့ မသွားနိုင်တဲ့အချိန်မှာ ဆရာတော်ကြီးက သာသနာပြုလုပ်ငန်းတွေကို နိုင်ငံပေါင်း ၂၂နိုင်ငံလောက်ကို သံဃာတော်တွေနဲ့ ကျောင်းတွေ ဖြစ်မြောက်အောင် စွမ်းဆောင်ပြီးတော့ သာသနာပြုတဲ့ ကိစ္စကတော့ထူးခြားတဲ့ ကိစ္စလို့ ပြောရမှာပေါ့။ ”

ပြည်တွင်းသာသနာပြုလုပ်ငန်းအဖြစ် မဟာသန္တိသုခကျောင်းတိုက်ကို နိုင်ငံတကာအဆင့်မီ သာသနာပြု ဗဟိုဌာနကြီးဖြစ်အောင် ဆောင်ရွက်ခဲ့ပါတယ်။

ပီနန်ဆရာတော်ဘုရားကြီးပျံတော်မူတာဟာ ပြည်ပ သာသနာပြန့်ပွားရေးလုပ်ငန်းအတွက် ဆုံးရှုံးမှုတခုအဖြစ် လန်ဒန်ဆရာတော် ဦးဥတ္တရက သုံးသပ်ပါတယ်။

“ ပြည်တွင်းမှာတော့ သာသနာပြုနိုင်တဲ့ သံဃာတော်တွေအများကြီးရှိပါတယ်။ ပြည်ပမှာ အဲဒီလို နှစ်ပေါင်း ၆၀ကျော်လောက်ကနေ သာသနာပြုတဲ့ ပုဂ္ဂိုလ်ဆိုလို့ မရှိသလောက်ပဲ။ အနှစ်၆၀လောက်ကို နိုင်ငံခြားသာသနာစပြီးတော့ ကျယ်ကျယ်ပြန့်ပြန့်နဲ့ လုပ်တဲ့ သံဃာတော် ဆိုလို့ ဆရာတော်ကြီးဟာ ၁ပါးတည်းလို့တောင် ပြောရမယ်။ နောက် တိုးချဲ့တာတွေတော့ ရှိတာပေါ့။ နှစ်၆၀လောက်က စခဲ့တဲ့ ၁ပါးဟာ ခု မရှိတော့ဘူးဆိုတော့ အင်မတန် ၀မ်းနည်းစရာကောင်းတာပေါ့။ ဘုန်းကြီးတို့ မြန်မာ့သာသနာ ကမ္ဘာကို သိအောင်၊ လွှမ်းမိုးအောင် အဲဒါတွေ ပြန့်နိုင်ဖို့ရာအတွက်ဟာ နောက်လာနောက် သားတွေက ဆရာတော်ကြီးလို စွမ်းစွမ်းတမံမှ လုပ်နိုင်ပါ့မလားလို့ ဘုန်းကြီးတို့ အဲဒါတော့ အားငယ်မိတယ်ပေါ့။”

ပီနန်ဆရာတော်ဘုရားကြီးရဲ့ အန္တိမဈာပနအခမ်းအနားကို ဒီဇင်ဘာလ ၃ရက်နေ့မှာကျင်းပဖို့ အကြမ်းဖျဉ်းသတ်မှတ်ထားပါတယ်။ ဆရာတော်ကြီးရဲ့ တပည့်သံဃာတွေနဲ့ ဒါယကာတွေ စည်းဝေးဆုံးဖြတ်ပြီးချိန်မှာ အတည်ပြုထုတ်ပြန်မှာ ဖြစ်ပါတယ်။

ကိုမိုးဇော်  / ဗွီအိုအေ (မြန်မာပိုင်း)
https://burmese.voanews.com

ခရီးသွားလုပ်ငန်းမြှင့်တင်ရေး မြန်မာနဲ့ ကမ္ဘောဒီးယား သဘောတူလက်မှတ်ရေးထိုး

November 24, 2017, 7:54 am

≫ Next: ထိုင်းနိုင်ငံမှာ ယာဉ်တိုက်မှုဖြစ် မြန်မာနိုင်ငံသား ၁၄ ဦး မီးလောင်သေဆုံး

≪ Previous: ကမ္ဘာ့သာသနာပြု ပီနန်ဆရာတော် ဘဒ္ဒန္တပညာဝံသ ပျံလွန်တော်မူ

$

0

0

ရှေးဟောင်းမြို့တော် ပုံဂံ -သတင်းဓာတ်ပုံ (D. Schearf/VOA)

ရှေးဟောင်း ဘုရား စေတီတွေရှိတဲ့ ပုဂံမြို့နဲ့ ကမ္ဘာ့ရှေးဟောင်း အမွေအနှစ် အဖြစ်သတ်မှတ်ခံထားရတဲ့ အန်ကောဝပ်ဘုရားကျောင်းကြီးရှိတဲ့ ကမ္ဘောဒီးယားနိုင်ငံ ဆီရမ်ရိ(ပ်)မြို့တို့ကို တိုက်ရ်ိုက်လေကြောင်းခရီးစဉ်ပြေးဆွဲဖို့ အပါအဝင် ၂ နိုင်ငံ ခရီးသွားလုပ်ငန်းတိုးတက်စေမယ့် အစီအစဉ်တွေကို မြန်မာနဲ့ ကမ္ဘောဒီယားကြားမှာ သဘောတူလိုက်ပါတယ်။ ကမ္ဘာလှည့်ခရီးသည်တွေကို စွဲဆောင်ထားနိုင်တဲ့ ပုဂံနဲ့ ဆီရမ်ရိ(ပ်) မြို့ကြား တိုက်ရိုက်လေယာဉ် ခရီးစဉ်တွေ ရှိလာမယ်ဆိုရင် နိုင်ငံခြားခရီးသွားဧည့်သည် အဆများစွာ တိုးလာမယ်လို့ ပြည်တွင်းခရီးသွား လုပ်ငန်းရှင်တွေက မျှော်လင့်နေကြပါတယ်။အပြည့်အစုံကိုတော့ ကိုကောင်းစံဟိန်းကပြောပြပေးမှာပါ။

မြန်မာနိုင်ငံနဲ့ ကမ္ဘောဒီယားနိုင်ငံကြား ခရီးသွားလုပ်ငန်း ပူးပေါင်းဆောင်ရွက်ရေး အစီအစဉ်တွေအကောင်အထည်ဖော်ရေး သဘောတူစာချုပ်ကို ၂ နိုင်ငံကြား နိုဝင်ဘာ ၂၃ ရက်နေ့က ကမ္ဘောဒီယားနိုင်ငံမှာ လက်မှတ်ရေးထိုးခဲ့ကြပါတယ်။ အဲဒီထဲမှာ ပုဂံမြို့နဲ့ ဆီရမ်ရိ(ပ်) မြို့တို့ကြား တိုက်ရိုက်လေယာဉ်ခရီးစဉ်တွေ စတင်ပျံသန်းမယ့် အစီအစဉ်လည်းပါဝင်ပါတယ်။

ရှေးဟောင်း ဘုရားတွေရှိတဲ့ ပုဂံမြို့ဆီကို နိုင်ငံတကာကမ္ဘာလှည့်ခရီးသည်တွေ လာကြသလို ဆီရမ်ရိ(ပ်) မြို့ရဲ့ ၄ မိုင်လောက်မှာရှိတဲ့ အန်ကောဝပ်ရှေးဟောင်း ဘုရားကျောင်းကြီးဟာလည်း ကုလသမဂ္ဂ UNESCO အဖွဲ့ကြီးက ရှေးဟောင်း အမွေအနှစ်ထိန်းသိမ်းရမယ့် နေရာအဖြစ် သတ်မှတ်ခံထားရတာပါ။ ခုလိုကမ္ဘာလှည့် ခရီးသည်တွေအသွားများတဲ့ နေရာ ၂ ခုကို တိုက်ရိုက်လေယာဉ် ခရီးစဉ်တွေပျံသန်းပြီး ချိတ်ဆက်ဖို့ဆောင်ရွက်နေတယ်လို့ ဟိုတယ်နဲ့ခရီးသွားလာရေး ၀န်ကြီးဌာန ဒုတ်ိယညွှန်ကြားရေးမှူးချုပ် ဒေါ်ခင်သန်းဝင်းကပြောပါတယ်။

၉ ရာစုကနေ ၁၅ ရာစုအထိ ခမာအင်ပါယာထွန်းကားခဲ့စဉ်ကာလက ရှေးဟောင်းလက်ရာတွေ ကျန်ရှိတဲ့ ဆီရမ်(ပ်)ဆီကို နှစ်စဉ် ကမ္ဘာလှည့် ခရီးသည် သန်းချီရှိပါတယ်။ ဆီရမ်ရိ(ပ်)ဆီ လာရောက်ကြတဲ့ ခရီးသွားတွေအနေနဲ့ ဆီရမ်ရီ(ပ်)ကနေ ပုဂံဒေသကို တိုက်ရိုက်လာနိုင်မယ်ဆိုရင် မြန်မာနိုင်ငံအတွက်လည်း ခရီးသွားလုပ်ငန်းတွေ တိုးတက်လာမယ်လို့ မြန်မာနိုင်ငံ ခရီးသွားလုပ်ငန်းရှင်များအသင်း ဥက္ကဌဦးသက်လွင်တိုးကပြောပါတယ်။

ပုဂံ နဲ့ ဆီရမ်ရိ(ပ်)တိုက်ရိုက်ခရီးစဉ်ကိုတော့ ၂၀၁၈ ဧပြီလလောက်မှာသစတင်ပြေးဆွဲမှာဖို့ ရည်ရွယ်ထားပြီး လေယာဉ်ပြေးဆွဲမယ့်အချိန်တွေတော့ အတိအကျမသတ်မှတ်ရသေးဖူးလို့ ဟိုတယ်နဲ့ခရီးသွားလာရေး ၀န်ကြီးဌာန ဒုတ်ိယညွှန်ကြားရေးမှူးချုပ် ဒေါ်ခင်သန်းဝင်းကပြောပါတယ်။

ပုဂံဒေသကို ပြင်ပခရီးသည်လာရောက်လာပတ်မှုဟာဆိုရင် မနှစ်ကထက်ပိုပီးတော့ ၁၃ရာခိုင်နှုန်း ပိုတိုးလာတယ်လို့လည်း ဒေါ်ခင်သန်းဝင်းကပြောပါတယ်။ ၁၁ ရာစုလောက်ထဲက ရှေးဟောင်းလက်ရာတွေရှိတဲ့ ပုဂံဒေသကို ကုလသမဂ္ဂ UNESCO ရဲ့ ကမ္ဘာ့အမွေအနှစ်စာရင်းဝင်ဖို့အတွက် အစိုးရကကြိုးစားနေပါတယ်။

ကောင်းစံဟိန်း  / ဗွီအိုအေ (မြန်မာပိုင်း)
https://burmese.voanews.com

---

ထိုင်းနိုင်ငံမှာ ယာဉ်တိုက်မှုဖြစ် မြန်မာနိုင်ငံသား ၁၄ ဦး မီးလောင်သေဆုံး

November 24, 2017, 7:54 am

≫ Next: ထိုင်းနိုင်ငံ အလယ်ပိုင်းတွင် ကားမှောက်မှုကြောင့် မြန်မာ ရွှေ့ပြောင်းအလုပ်သမား ၁၃ ဦးနှင့် ထိုင်းလူမျိုး ယာဉ်မောင်း သေဆုံး

≪ Previous: ခရီးသွားလုပ်ငန်းမြှင့်တင်ရေး မြန်မာနဲ့ ကမ္ဘောဒီးယား သဘောတူလက်မှတ်ရေးထိုး

$

0

0

နိုဝင်ဘာလ ၂၄ ရက်နေ့ ဒီကနေ့ နံနက် နှစ်နာရီအချိန်က ထိုင်းနိုင်ငံ စင်ဘူရီ ပြည်နယ် အာရှလမ်းမကြီး မိုင်တိုင်အမှတ် ၉ ၀-၆၀၀ မှာ လိုင်စင်နံပါတ် 81-7407 Nakhon Sawan (နကော်စ၀မ်) ကုန်တင်ကားနဲ့  မဲဆောက်ကနေ ဘန်ကောက်ကိုမောင်းလာတဲ့ ခရီးသည်တင်ပေါင်မုန့်  ကား လိုင်စဉ်နံပါတ် 33-3241 Bangkok (ဘန်ကောက် ) တို့ တို က်မိပြီး ခရီးတင် ကားတစီးလုံးမီးလောင်သွားခဲ့ကြောင်း သိရပါတယ်။

ပေါင်မုန့် ကားမောင်သူ ထိုင်းနိုင်ငံသားအပါအ၀င် မဲဆောက်မြို့ ကနေ ဘန်ကောက်သွားဘို့  လိုက်ပါလာတဲ့ မြန်မာနိုင်ငံသား ၁၄ ဦး မီးလောင်သေဆုံးခဲ့ကြောင်း သိရပါတယ်။

Social Action for Children and Women - SAW

ထိုင်းနိုင်ငံ အလယ်ပိုင်းတွင် ကားမှောက်မှုကြောင့် မြန်မာ ရွှေ့ပြောင်းအလုပ်သမား ၁၃ ဦးနှင့် ထိုင်းလူမျိုး ယာဉ်မောင်း သေဆုံး

November 24, 2017, 7:55 am

≫ Next: နိုင်ငံရေးပါတီတွေ ဥပဒေလိုက်နာ ဖို့ ကော်မရှင် ထုတ်ပြန်

≪ Previous: ထိုင်းနိုင်ငံမှာ ယာဉ်တိုက်မှုဖြစ် မြန်မာနိုင်ငံသား ၁၄ ဦး မီးလောင်သေဆုံး

$

0

0

ထိုင်းနိုင်ငံ ဘန်ကောက်မြို့တွင် ကားတိုက်ပြီး မီးလောင်မှု ဖြစ်ပွားခဲ့သည့် ဗင်ကားအား တွေ့ရစဉ် (ဓာတ်ပုံ-အင်တာနက်)

 ဘန်ကောက်၊ နိုဝင်ဘာ ၂၄ ရက် (ဆင်ဟွာ)

    ထိုင်းနိုင်ငံ အလယ်ပိုင်းတွင် ယနေ့ (နိုဝင်ဘာလ ၂၄ ရက်) က အရှိန်လွန်မောင်းနှင်လာသည့် ဗင်ကား တစ်စီး တိမ်းမှောက်မှု ဖြစ်ပွားခဲ့ရာ မြန်မာနိုင်ငံသား ရွှေ့ပြောင်းအလုပ်သမား ၁၃ ဦးနှင့် ယာဉ်မောင်း တစ်ဦး သေဆုံးသွားကြောင်း ရဲတပ်ဖွဲ့က ပြောကြားခဲ့သည်။

ဘန်ကောက်မြို့ မြောက်ပိုင်း ၁၄၀ ကီလိုမီတာအကွာရှိ စင်ဘူရီပြည်နယ်အနီး အာရှ အဝေးပြေးလမ်းမကြီးပေါ်တွင် ရွှေ့ပြောင်းအလုပ်သမားများအား တင်ဆောင်လာသော ဗင်ကားသည် ၁၀ ဘီးကားတစ်စီး၏ နောက်ပိုင်းကို ဝင်တိုက်မိခဲ့ခြင်း ဖြစ်ကြောင်း၊ ဗင်ကားမောင်းသူမှာ အမည်မသိရသေးဘဲ ကားမောင်းနေစဉ် အိပ်ငိုက်သွားသည်ဟု ယူဆရကြောင်း ရဲတပ်ဖွဲ့က ဆိုသည်။

အဆိုပါ ယာဉ်တိုက်မှုသည် ယနေ့ (နိုဝင်ဘာလ ၂၅ ရက်) နံနက်အစောပိုင်းတွင် ဖြစ်ပွားခဲ့ခြင်း ဖြစ်ပြီး ထရပ်ကားအား ဝင်တိုက်ပြီးနောက် ဗင်ကားမှာ ချက်ချင်း မီးလောင်သွားခဲ့ကြောင်း သိရသည်။

ယာဉ်တိုက်မှုတွင် သေဆုံးခဲ့သော ရွှေ့ပြောင်းအလုပ်သမား ၁၃ ဦးသည် ထိုင်း-မြန်မာ နယ်စပ်ရှိ တက်ခ်ပြည်နယ်မှ မြို့တော် ဘန်ကောက် အနောက်မြောက်ဘက်စွန်းရှိ Bang Bua Thong နယ်မြေသို့ သွားရောက်သည့် လမ်းခရီး၌ ယခုလို ကားတိုက်မှုဖြစ်ပွားရခြင်း ဖြစ်သည်။

(Xinhua)
http://www.xinhuamyanmar.com

နိုင်ငံရေးပါတီတွေ ဥပဒေလိုက်နာ ဖို့ ကော်မရှင် ထုတ်ပြန်

November 24, 2017, 7:56 am

≫ Next: နမ့်ဆန်ကျောင်းသား ပြစ်ဒဏ် ပြန်စစ်ရန်တင်ပြ

≪ Previous: ထိုင်းနိုင်ငံ အလယ်ပိုင်းတွင် ကားမှောက်မှုကြောင့် မြန်မာ ရွှေ့ပြောင်းအလုပ်သမား ၁၃ ဦးနှင့် ထိုင်းလူမျိုး ယာဉ်မောင်း သေဆုံး

$

0

0

ပြည်ထောင်စု ရွေးကောက်ပွဲကော်မရှင် အဆောက်အဦး အဝင်ဝကို တွေ့ရစဉ် / Photo: RFA

နိုင်ငံရေးပါတီတွေအနေနဲ့ ဥပဒေ၊ နည်းဥပဒေတွေကို လေးစားလိုက်နာဖို့ ပြည်ထောင်စုရွေးကောက် ပွဲ ကော်မရှင်က မနေ့က ထုတ်ပြန်ကြေညာလိုက်ပါတယ်။

ပြည်ထောင်စုတစ်ဝန်းလုံးမှာ စည်းရုံးမယ့် နိုင်ငံရေးပါတီကြီးတစ်ခုက လက်ရှိ ပါတီဝင်စာရင်းအရေအတွက် ပြန် လည်တင်ပြဖို့ တောင်းခံရာမှာ လိုက်နာခြင်းမရှိဘဲ ပြည်သူတွေ ထင်ယောင်ထင်မှားဖြစ်အောင် ပြောဆိုနေတဲ့ အတွက် ထုတ်ပြန်ချက် ထုတ်တာဖြစ်တယ်လို့ ပြည်ထောင်စုရွေးကောက်ပွဲကော်မရှင် ဥက္ကဌ ဦးလှသိန်း က ပြောပါတယ်။

"နိုင်ငံရေးပါတီတွေလည်း သိစေချင်တယ်။ နားထောင်နေတဲ့ ပြည်သူတွေကလည်း ဇဝေဇ၀ါပေါ့။ တဖက်သတ် ပြောနေတော့ ဘယ်သူက မှားမှန်း ကျနော်က မရှင်းဘဲ နေလည်းရတယ်။ မရှင်းရင် ပြည် သူတွေက ဟုတ်လို့ငြိမ်နေတာလား ကော်မရှင်ကြီးက ဖြစ်အုံးမယ်။ အမှန်တော့ ကျနော် သိစေချင် တာ ပြည်သူ သိစေချင်တာ။ ဘယ်ဟာ မှားတယ်၊ မှန်တယ်ဆိုတာ ဝေဖန်။ သူတို့ပြောတာ ဟုတ်တယ်၊ မဟုတ်တယ် မငြင်းဘူး။ ကျနော်တို့လုပ်တာ ဥပဒေအတိုင်းလုပ်တယ်ဆိုတာ သိသွားရင် ပြီးရော။ သူတို့ဟာကို ဟုတ်တယ်လည်း မငြင်းဘူး။ မဟုတ်ဘူးလည်း မငြင်းတော့ဘူး။ ဇာတ်လမ်းရှည်မှာစိုးလို့။’’

ကော်မရှင်ရဲ့ ညွှန်ကြားချက်ကို မလိုက်နာတဲ့ ပါတီရဲ့ နာမည်ကိုတော့ ဦးလှသိန်းက ထုတ်ဖော်မပြောပါဘူး။

နိုင်ငံရေးပါတီများအနေနဲ့ ဥပဒေ၊ နည်းဥပဒေတွေကို လိုက်နာခြင်းမရှိခဲ့ဘူးဆိုရင် ပထမအဆင့်အနေနဲ့ သတိပေးမှာဖြစ်ပြီး ဥပဒေကို ဆက်ပြီးချိုးဖောက်နေရင်တော့ အမြင့်ဆုံးပြစ်ဒဏ်ဖြစ်တဲ့ နိုင်ငံရေးပါတီ မှတ်ပုံတင်ထားခြင်းကို ပယ်ဖျက်ပြီး အဲဒီပါတီကိုလည်း ဖျက်သိမ်းရမယ်ဆိုတဲ့ ဥပဒေအတိုင်း ပြည်ထောင် စုရွေးကောက်ပွဲကော်မရှင်က လုပ်ဆောင်မှာဖြစ်တယ်လို့ ပြောပါတယ်။

လက်ရှိ ပြည်ထောင်စုရွေးကောက်ပွဲကော်မရှင်ဆီ တရားဝင်မှတ်ပုံတင်ထားတဲ့ နိုင်ငံရေးပါတီပေါင်း ၉၁ ခု ရှိပါတယ်။

အဲဒီအထဲက အရင်အာဏာရပါတီဖြစ်တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီရဲ့ ပြောရေးဆိုခွင့်ရှိသူ ကတော့ ပြည်ထောင်စု ရွေးကောက်ပွဲကော်မရှင်ဟာ ဘက်လိုက်မှုရှိတယ်လို့ ယုံကြည်ကြောင်း မနေ့က ပြုလုပ်ခဲ့တဲ့ သတင်းစာရှင်းလင်းပွဲမှာ ပြောထားပါတယ်။

RFA Burmese
http://www.rfa.org/burmese

နမ့်ဆန်ကျောင်းသား ပြစ်ဒဏ် ပြန်စစ်ရန်တင်ပြ

November 24, 2017, 7:56 am

≫ Next: အသစ်ခန့်အပ် ပြည်ထောင်စုဝန်ကြီး ၂ ဦးနဲ့ အဂတိတိုက်ဖျက်ရေးကော်မရှင်ဥက္ကဋ္ဌ ကျမ်းသစ္စာကျိန်ဆို

≪ Previous: နိုင်ငံရေးပါတီတွေ ဥပဒေလိုက်နာ ဖို့ ကော်မရှင် ထုတ်ပြန်

$

0

0

SNLD ကျားခေါင်းပါတီ အမတ်ရဲ့ သူရဦးရွှေမန်းကော်မရှင်ကို တင်ပြစာ

အသက် ၁၄ နှစ်အရွယ်သာ ရှိသေးတဲ့ နမ့်ဆန်မြို့နယ်က တအာင်း တိုင်းရင်းသား မိုင်းချိုမင်းထွေး ဖမ်းဆီး ထောင်ချခံရမှုအပေါ် ဥပဒေအရ ပြန်လည်စိစစ်သုံးသပ်နိုင်ဖို့အတွက် သူရဦးရွှေမန်း ဦးဆောင်နေတဲ့ ဥပဒေ ရေးရာနှင့် အထူးကိစ္စရပ်များ လေ့လာ ဆန်းစစ်ရေး ကော်မရှင်ဆီကို လိပ်မူပြီး ရှမ်းတိုင်းရင်းသားများ ဒီမိုကရေစီ အဖွဲ့က အမျိုးသားလွှတ်တော် ကိုယ်စားလှယ် စိုင်းအုံးကျော်က စာပေးပို့လိုက်ပါတယ်။

မိုင်းချိုမင်းထွေး ဖမ်းဆီးခံရတဲ့ ရှမ်းပြည်မြောက်ပိုင်း နမ့်ဆန်မြို့နယ်ဟာ လက်နက်ကိုင် ပဋိပက္ခဖြစ်ပွားတဲ့ နေရာဖြစ်ပြီး ပြည်သူလူထုဟာ အကြောက်တရားနဲ့ နေထိုင်နေရ တဲ့အတွက် နိုင်ငံတော်အနေနဲ့ ပြည်သူကို အကာကွယ် ပေးဖို့ တာဝန် ရှိတယ်လို့လည်း တင်ပြစာမှာ ဖော်ပြထားပါတယ်။

ဒါ့အပြင် လက်နက်ကိုင် ပဋိပက္ခ ဒေသတွင်းမှ ကလေးသူငယ်တွေကို အကာအကွယ် ပေးရေး အတွက် ကုလသမဂ္ဂ လုံခြုံရေးကောင်စီကလည်း ဆုံးဖြတ်ချက်အမှတ် (၁၈၁၂) ကိုထုတ်ပြန် ထားတဲ့အတွက် နိုင်ငံတော်အနေနဲ့ တိုင်းရင်းသား တွေနဲ့ ဖော်ဆောင်နေတဲ့ ငြိမ်းချမ်းရေး ဖြစ်စဉ်ကို အလေးထားတဲ့ အနေနဲ့ တအာင်းကျောင်းသား မိုင်းချိုမင်းထွေး မတရား ထောင်ဒဏ်ချမှတ်မှု အပေါ် ပဋိပက္ခဒေသမှာ နေထိုင်ရတဲ့ ကလေးသူငယ်တွေရဲ့ အခက်အခဲကို စာနာ နားလည်ပြီး ပြန်လည်စိစစ်ပေးဖို့ အကူအညီတောင်းခံ တင်ပြအပ်ပါတယ်လို့ တင်ပြစာမှာ ဖော်ပြထားပါတယ်။

မိုင်းချိုမင်းထွေးဟာ အောက်တိုဘာလ ၅ ရက်နေ့က တအာင်းပလောင် ကိုယ်ပိုင် အုပ်ချုပ်ခွင့်ဒေသ နမ့်ဆန်မြို့ပြင် စစ်ဆေးရေးဂိတ်မှာ ဖမ်းဆီးခံခဲ့ရပြီး သူ့ရဲ့ မိုဘိုင်းဖုန်းထဲမှာ TNLA နဲ့ ဆက်စပ်တဲ့ ဓာတ်ပုံတွေ့ရှိတယ်ဆိုကာ တပ်ထဲမှာ ၇ ရက် ထိန်းသိမ်း စစ်ဆေးခဲ့ပြီးနောက် မတရားအသင်း ဆက်သွယ်မှု ပုဒ်မ ၁၇ (၁) နဲ့ တရားစွဲဆိုခံခဲ့ရတာဖြစ်ပါတယ်။

တရားစွဲဆိုတဲ့နေ့မှာပဲ နမ့်ဆန်မြို့နယ် တရားသူကြီးက ထောင်ဒဏ် ၂ နှစ် ချမှတ် ခဲ့ကာ ကလေးသူငယ် ပြုပြင်ထိန်းသိမ်းရေး သင်တန်းကျောင်းမှာ ထိန်းသိမ်းခံနေရတာ ဖြစ်ပါတယ်။

BBC Burmese
http://www.bbc.com/burmese

အသစ်ခန့်အပ် ပြည်ထောင်စုဝန်ကြီး ၂ ဦးနဲ့ အဂတိတိုက်ဖျက်ရေးကော်မရှင်ဥက္ကဋ္ဌ ကျမ်းသစ္စာကျိန်ဆို

November 24, 2017, 7:57 am

≫ Next: မြန်မာ့တပ်မတော်နဲ့ ပိုမိုအနီးကပ်ဆက်ဆံလိုကြောင်း တရုတ်ပြောကြား

≪ Previous: နမ့်ဆန်ကျောင်းသား ပြစ်ဒဏ် ပြန်စစ်ရန်တင်ပြ

$

0

0

ပြည်ထောင်စုလွှတ်တော် နေပြည်တော်။

ဝန်ကြီးဌာနသစ်၂ခုအတွက် ပြည်ထောင်စုဝန်ကြီး ၂ဦးနဲ့ အဂတိလိုက်စားမှုတိုက်ဖျက်ရေး ကော်မရှင် ပါအဖွဲ့ဝင်တို့ လွှတ်တော်မှာ ကျမ်းသစ္စာကျိန်ဆိုလိုက်ပြီ ဖြစ်ပါတယ်။ လက်ရှိ အစိုးရ ယန္တယားလည်ပတ်မှုနဲ့ပတ်သတ်လို့ အစိုးရ လုပ်ငန်းစဉ်တွေ ပြန်လည် သုံးသပ် သင့်နေပြီလို့ ဝေဖန်ပြောဆိုမှုတွေရှိနေပါတယ်။ ဒီသတင်းကိုဗွီအိုအေ မြန်မာပိုင်းကမေခပေးပို့ထားပါတယ်။

ဒီကနေ့ကျင်းပတဲ့ ပြည်ထောင်စုလွှတ်တော်မှာ ဝန်ကြီးဌာနသစ်၂ခုအတွက် ပြည်ထောင်စုဝန်ကြီး ၂ဦးနဲ့ အဂတိ လိုက်စားမှုတိုက်ဖျက်ရေး ကော်မရှင် ပါအဖွဲ့ဝင်တို့ ကျမ်းသစ္စာကျိန်ဆိုခဲ့ပါတယ်။ ဒီလိုဝန်ကြီးဌာန အသစ်တွေနဲ့ ကော်မရှင်ဖွဲ့စည်းဖို့ ပြီးခဲ့တဲ့ နိုဝင်ဘာ ၂၃ ကြာသပတေးနေ့က ပြည်ထောင်စု လွှတ်တော်ကနေ အတည်ပြုလိုက် တာပါ။

ရခိုင်အရေးကိစ္စနဲ့ နိုင်ငံတကာဖိအားတွေ ရင်ဆိုင်နေ ရချိန်မှာပဲ ဒီဖိအားတွေကို ဖြေရှင်းနိုင်ဖို့ နဲ့ အစိုးရ ယန္တယား ပိုမို လည်ပတ်နိုင်ဖို့ ဌာနသစ် ၂ ခုတိုးချဲ့တာ ဖြစ်တယ်လို့ နိုင်ငံတော်သမ္မတကိုယ်စား ပြည်ထောင်စုရှေ့နေချုပ် ဦးထွန်းထွန်းဦး ပြောပါတယ်။

အစိုးရအဖွဲ့ရုံးဝန်ကြီးဌာနနဲ့ အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာန ဆိုပြီး အသစ်ထပ်တိုးတာမှာ ၀ါရင့်သံတမန်ဟောင်းတွေဖြစ်ကြတဲ့ ဦးသောင်းထွန်းနဲ့ ဦးကျော်တင်က ပြည်ထောင်စုဝန်ကြီးအနေနဲ့ တာဝန်ယူမှာ ဖြစ်ပါတယ်။ အဂတိလိုက်စားမှုတိုက်စားမှု တိုက်ဖျက်ရေး ကော်မရှင်ကိုတော့ အရင် ပြန်ကြားရေးဝန်ကြီးဟောင်း လည်းဖြစ် အငြိမ်းစားတပ်မတော်အရာရှိဟောင်းဖြစ်သူ ဦးအောင်ကြည်ကို ဥက္ကဌ အနေနဲ့ တာဝန်ယူသွားမှာ ဖြစ်ပါတယ်။

လွှတ်တော်မှာ ဒီကိစ္စနဲ့ပတ်သတ်လို့ ဆွေးနွေးတာမှာ ပြည်ထောင်စု ကြံခိုင်ရေးနဲ့ ဖွံ့ဖြိုးရေး ပါတီရဲ့ အရင်ဝန်ကြီးဟောင်း ကယားပြည်နယ် လွှတ်တော် ကိုယ်စားလှယ် ဦးစိုးသိမ်းက လက်ရှိ အစိုးရ အနေနဲ့ လုပ်ငန်းတာဝန်များနေတဲ့ အခြား ဝန်ကြီးဌာနတွေရဲ့ အခြေအနေကို အမြန်ဆုံးသုံးသပ်ဖို့အပါအဝင် NLD အစိုးရရဲ့ လုပ်ဆောင် မှုတွေပြန်သုံးသပ်ဖို့ ကို ထောက်ပြပြောဆိုသွားပါတယ်။

လွှတ်တော်မှာ နိုင်ငံတော်သမ္မတကိုယ်စား ပြည်ထောင်စုရှေ့နေချုပ် ဦးထွန်းထွန်းဦးက ပြောဆိုခဲ့တာတော့ တိုးချဲ့မယ့် ဝန်ကြီးဌာန ၂ခု လုပ်ဆောင် မယ့် လုပ်ငန်းစဉ်တွေက ပြည်သူတွေအတွက်ပိုမိုထိရောက်စေဖို့ရည်ရွယ်တယ်လို့ ဆိုပါတယ်။ အစိုးရ အဖွဲ့ရုံး ဝန်ကြီးဌာနဖွဲ့လိုက်တဲ့ အတွက် အားသာချက်အပေါ် ဦးထွန်းထွန်းဦးက ခု တင်ပြခဲ့ပါတယ်။

အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာန ဖွဲ့ရတာဟာ နိုင်ငံတကာဆက်ဆံရေးပိုမိုကောင်းဖို့ရည်ရွယ် သလို လက်ရှိရခိုင် ပြဿနာတွေမှာ နိုင်ငံတကာဘက်ကို ထိရောက်တဲ့ သတင်းမှန်ထုတ်နိုင်ဖို့အတွက်လည်း ရည်ရွယ် ကြောင်းပြည်ထောင်စု ရှေ့နေချုပ်က တင်ပြခဲ့ပါတယ်။

နိုင်ငံရေးလေ့လာသုံးသပ်သူ ဦးစည်သူအောင်မြင့်ကလည်း အမှန်တကယ် လုပ်နိုင်သူတွေနဲ့ အစိုးရယန္တယားကို အကောင်းဆုံးမောင်းနှင်နိုင်ဖို့ လက်ရှိအစိုးရအနေနဲ့ လိုအပ်နေတယ်လို့ သုံးသပ် လိုက်ပါတယ်။

ဒီကနေ့ ကျမ်းသစ္စာကျိန်ဆိုပြီး ဖြစ်တာကြောင့် လက်ရှိ NLD အစိုးရလက်ထက်မှာအစိုးရ ဝန်ကြီးဌာန ၂၄ ခု ရှိလာပြီဖြစ်ပါတယ်။

မေခ  / ဗွီအိုအေ (မြန်မာပိုင်း)
https://burmese.voanews.com

မြန်မာ့တပ်မတော်နဲ့ ပိုမိုအနီးကပ်ဆက်ဆံလိုကြောင်း တရုတ်ပြောကြား

November 24, 2017, 7:58 am

≫ Next: ဘန်ကောက်မြို့အနီး ယာဉ်တိုက်မှု မြန်မာအလုပ်သမား ၁၃ ဦးသေဆုံး

≪ Previous: အသစ်ခန့်အပ် ပြည်ထောင်စုဝန်ကြီး ၂ ဦးနဲ့ အဂတိတိုက်ဖျက်ရေးကော်မရှင်ဥက္ကဋ္ဌ ကျမ်းသစ္စာကျိန်ဆို

$

0

0

ဗိုလ်ချုပ်မှူးကြီး မင်းအောင်လှိုင် ကို တရုတ်နိုင်ငံ ဗဟိုစစ်ကော်မရှင်အဖွဲ့ဝင်နှင့် ပူးတွဲစစ်ဦးစီးဌာနစစ်ဦးစီးချုပ် Gen. Li Zuocheng က ပေကျင်းမြို့မှာ နိုဝင်ဘာလ ၂၂ ရက်နေ့က ကြိုဆိုစဉ်/ Photo: Senior General Min Aung Hlaing Facebook

ဒေသတွင်း ငြိမ်းချမ်းရေးနဲ့ တည်ငြိမ်ရေးကို ကာကွယ်ဖို့အတွက် မြန်မာ့တပ်မတော်နဲ့ ပိုပြီး နီးနီးကပ်ကပ်ဆောင် ရွက်လိုကြောင်း တရုတ်အစိုးရရဲ့ အကြီးတန်း စစ်ဘက်အရာရှိကြီးတဦးက ပြောဆိုပါတယ်။

တရုတ်ပြည်ကိုရောက်ရှိနေတဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို တရုတ်နိုင်ငံ ဗဟိုစစ်ရေးကော်မရှင် အကြီးအကဲတဦးဖြစ်တဲ့ လီရှန့်ယန်းက ဘေဂျင်းမြို့တော်မှာ တွေ့ဆုံစဉ်အတွင်း ပြောကြားခဲ့တာပါ။

တရုတ်ပြည်ရဲ့ ဖွံ့ဖြိုးတိုးတက်မှုနဲ့ စည်ပင်ဝပြောမှုဟာ မြန်မာပြည်တိုးတက်ဖွံ့ဖြိုးဖို့အတွက် အရေးကြီးတဲ့ အခွင့် အလမ်းတရပ်ဖြစ်ကြောင်း၊ ဒေသတွင်းလုံခြုံရေးအခြေအနေ ရှုတ်ထွေးပြီး၊ အပြောင်းအလဲတွေ မြန်ဆန်နေချိန်မှာ တရုတ်နဲ့ မြန်မာတပ်မတော်နှစ်ရပ်ကြားက မဟာဗျူဟာမြောက် အပြန်အလှန်ဆက်သွယ်ရေးကို ထိန်းသိမ်းထား လိုကြောင်းလည်း ပြောကြားခဲ့ပါတယ်။

ဗိုလ်ချုပ်မှူးကြီး မင်းအောင်လှိုင်ကလည်း မြန်မာ့ပြည်တွင်းရေး တည်ငြိမ်အောင်ဆောင်ရွက်ရာမှာ တရုတ်ပြည်က အကူအညီပေးတဲ့အတွက် ကျေးဇူးဥပကာရ တင်ရှိပါကြောင်း ပြောဆိုခဲ့တယ်လို့ တရုတ်ကာကွယ်ရေးဝန်ကြီးဌာနရဲ့ ထုတ်ပြန်ချက်မှာဖော်ပြပါတယ်။

အခုလတ်တလော နိုင်ငံတကာက ပြောဆိုနေတဲ့ ရခိုင်ပြည်နယ်က မွတ်စလင်ဒုက္ခသည် ကိစ္စနဲ့ပတ်သက်လို့တော့ တစ်စုံတရာ မဖော်ပြဘူးလို့ ရိုက်တာသတင်းက ဆိုပါတယ်။

RFA Burmese
http://www.rfa.org/burmese

ဘန်ကောက်မြို့အနီး ယာဉ်တိုက်မှု မြန်မာအလုပ်သမား ၁၃ ဦးသေဆုံး

November 24, 2017, 8:00 am

≫ Next: အမေရိကန်အစိုးရတာဝန်ရှိသူတွေ ရခိုင်ပြည်နယ် ခရီးသွားလာခွင့် ယာယီဆိုင်းငံ့

≪ Previous: မြန်မာ့တပ်မတော်နဲ့ ပိုမိုအနီးကပ်ဆက်ဆံလိုကြောင်း တရုတ်ပြောကြား

$

0

0

ဘန်ကောက်မြို့အနီး ယာဉ်တိုက်မှု မြန်မာအလုပ်သမား ၁၃ ဦးသေဆုံး။

ထိုင်းနိုင်ငံ နွံထဘူရီခရိုင်ကို သွားကြမဲ့ မြန်မာအလုပ်သမား ၁၃ ဦးလိုက်ပါလာတဲ့ကားဟာ ဘန်ကောက်မြို့အနီး စင်ဘူရီမြိုနယ်ထဲမှာ ဆယ်ဘီးကားကို တိုက်မိပြိး မီးလောင်ခဲ့ တာကြောင့် ကားထဲမှာပါလာတဲ့ ကားသမားတဦးနဲ့ မြန်မာ ၁၃ ယောက်လုံး မီးလောင်သေဆုံး ခဲ့ပါတယ်။ သေဆုံးသွားသူတွေအတွက် အသက်အာမခံရအောင် မြန်မာသံရုံးတာဝန်ရှိသူတွေက ကြိုးစားဆောင်ရွက်ပေးနေပါတယ်။ အပြည့်အစုံကို မအေးမာကသတင်းပေးပို့ထားပါတယ်။

ထိုင်းနိုင်ငံမဲဆောက်မြို့ ကနေ နွံထဘူရီခရိုင်ကိုသွားကြမယ့် တရားဝင် အထောက်အထား ရှိတဲ့မြန်မာအလုပ်သမား၁၃ဦး လိုက်ပါလာတဲ့ ဗင်ကားဟာ နိုဝင်ဘာလ ၂၄ ရက်နေ့မနက် အစောကြီး ၃နာရီခန့်မှာ စင်ဘူရီခရိုင်ထဲမှာမောင်နှင်းနေတုန်းက ရှေ့က ဆယ်ဘီးကားကို ၀င်တိုက်မိတာပါ။ တိုက်မိပြီး ကားမီးလောင်ခဲ့တဲ့အတွက် ကားပေါ်မှာ လိုက်ပါလာသူ အားလုံး သေဆုံးသွားခဲ့ပါတယ် ထိုင်းနိုင်ငံသားတဦး ပြောပြတာကတော့

"ဟိုစင်ဘူရီပေါ့နော် စင်ဘူရီဆိုတာ ဘန်ကောက်ရောက်ခါနီးပေါ့နော် ကားမောင်းသမားက သူကအိပ်ငိုက်သလားမသိဘူး ဆယ်ဘီးကားရဲ့ နောက်ကို တခါတည်းသွားတိုက်မိတယ် အဲဒီအချိန်မှာ ကားထဲမှာရှိတဲ့သူတွေ အိပ်နေတာထင်တယ်။ အဒီအချိန်ကားထဲမှာ မီးလောင်တက်လာတယ်။ တယောက်မှာထွက်လာမမှီဘူး။ တကားလုံးသေသွားတယ်။ အဲဒီထဲမှာထိုင်းတယောက် ကျန်တဲ့သူအားလုံးက မြန်မာပြည်သားတွေ ၁၃ယောက်ပေါ့နော်။ အားလုံးသေသွားတယ် တယောက်မှာမလွတ်ဘူး။"

သူတို့တွေဟာ နိုင်ငံကူးလက်မှတ်တွေနဲ့ အလုပ်လာလုပ်ကြတဲ့သူတွေဖြစ်တာကြောင့် ကားအာမခံကုမ္ပဏီနဲ့ ထိုင်းအလုပ်သမားဝန်ကြီးဌာနကို ပြောကြားပြီး နစ်နာကြေး အာမခံကြေးရအောင်လုပ်ဆောင်နေတယ်လို့ ထိုင်းနိုင်ငံဘန်ကောက်မြို့ မြန်မာသံရုံးကအလုပ်သမားသံအရာရှိ ဦးမိုးအောင်ခိုင်ကပြောပါတယ်။

"အထောက်အထားတွေအကုန်ရထားပါပြီ နစ်နာကြေးရရမယ်ခင်ဗျ ထိုင်းအလုပ်သမား ၀န်ကြီးဌာနကိုလည်းပြောထားတယ် ကားရဲ့ လျော်ကြေးတော့ရမယ်။ ပကန်( အာမခံကြေး) တို့ ဘာတို့ ရမယ် တဦးကိုဘယ်လောက်ရမယ် ခန့်မှန်းလိုတော့မရဘူး အရင်တုန်းကတော့ ဘတ် ၆ သိန်းနှုံး လောက်ရတယ်။"

ပကန်ဆိုတာကတော့ အာမခံကြေးကိုပြောဆိုတာပါ။ ထိုင်းနိုင်ငံမဲဆောက်ကနေ ထိုင်းနိုင်ငံ အတွင်းပိုင်းကို သွားကြတဲ့ မြန်မာတွေပါတဲ့ ကား တိမ်းမှောက်မှုတွေ မကြာခန ဖြစ်လေ့ရှိပါတယ်။ အလုပ်သမားရှာဖွေပေးတဲ့ ကုမ္ပဏီတွေက စက်ရုံတွေနဲ့ချိတ်ဆက်ပြီး မြန်မာအလုပ်သမားတွေကို ကြားကားတွေနဲ့ ပို့ပေးလေ့ရှိတာမှာ ယာဉ်မောင်းတွေ အရက်သောက်ပြီး မောင်းတာ။ ဘန်ကောက် မဲဆောက် အသွားလမ်းမှာ မနားတမ်း ဆက်တိုက်မောင်းရင်း အိပ်ငိုက်ကြတာမျိုးတွေကြောင့် ကားတိုက်မူတွေ ဖြစ်လေ့ရှိပါတယ်။

ထိုင်းနိုင်ငံကားဂိတ်ကြီးတွေက ဘတ်စကားကြီးတွေမှာတော့ မြန်မာတွေချည်းမဟုတ်ပဲ နိုင်ငံခြားသားတွေအားလုံးစီးကြတာကြောင့် ယဉ်လိုင်းတွေမှာ စည်းကမ်း ထုတ်ပြန်ထားချက်အရ ကားမောင်းသမားတွေဟာ အရက်သေစာသောက်စားပြိးမောင်း တာမျိုးမလုပ်ရသလို ကာစီးသူတွေအနေနဲ့ ကားတွေအမြန်မောင်းပြိး သက်တောင့် သက်သာမျိုးတွေမဖြစ်ရင်လည်း တိုင်ကြားနိုင်တယ်လို့အသိပေးထားတာပါ ဒါအပြင် ကားမောင်းသမားတဦးကို ၆နာရီထက်ပိုမောင်းတာမျိုးတွေကိုခွင့်မပြုတဲ့အတွက် မတော်တဆ ကားတိုက်တာမျိုးတွေ နည်းပါးလာပါတယ်။
VOA Burmese News

---

အမေရိကန်အစိုးရတာဝန်ရှိသူတွေ ရခိုင်ပြည်နယ် ခရီးသွားလာခွင့် ယာယီဆိုင်းငံ့

November 24, 2017, 8:00 am

≫ Next: အီဂျစ်မြောက်ပိုင်းဗလီ စစ်သွေးကြွတိုက်ခိုက်မှု ၁၅၅ ယောက်သေဆုံး

≪ Previous: ဘန်ကောက်မြို့အနီး ယာဉ်တိုက်မှု မြန်မာအလုပ်သမား ၁၃ ဦးသေဆုံး

$

0

0

ရခိုင်ပြည်နယ် ဘူးသီးတောင်မြို့နယ် ကျေးရွာတွင်း လုံခြုံရေးယူထားတဲ့ နယ်ခြားစောင့်တပ်များ။

လုံခြုံရေး စိုးရိမ်ချက်ကြောင့် ရခိုင်ပြည်နယ်တွင်း စစ်တွေ၊ ရသေ့တောင်၊ ဘူးသီးတောင်နဲ့ မောင်တော မြို့နယ်တွေကို အမေရိကန် အစိုးရတာဝန်နဲ့ ခရီးသွားလာမှုအားလုံးကို ၂ ပတ်သွားရောက်ခြင်း မပြုဖို့ ဆိုင်းငံ့ထားတယ်လို့ အမေရိကန်သံရုံးက ပြောကြား လိုက်ပါတယ်။ ရခိုင်ပြည်နယ် မြောက်ပိုင်းမှာ ရိုဟင်ဂျာ တွေအပေါ် Ethnic Cleansing လို့ခေါ်တဲ့ လူမျိုးစုလိုက် ရှင်းလင်းဖယ်ရှားမှုတွေ ကျူးလွန်ခဲ့တယ်လို့ အမေရိကန် နိုင်ငံခြားရေးဝန်ကြီးက ပြောဆိုလိုက်ပြီးနောက်မှာ အမေရိကန်နိုင်ငံသားတွေ အတွက်လည်း ခရီးသွား အကြံပြုချက် ထုတ်ပြန်ခဲ့ပါတယ်။ သတင်းအပြည့်အစုံကိုတော့ ဗွီအိုအေ မြန်မာပိုင်း သတင်းထောက် မမြင့်မြင့်ခိုင်က ပြောပြပေးပါမယ်။

လုံခြုံရေးဆိုင်ရာ စိုးရိမ်ချက်ကြောင့် နိုဝင်ဘာ ၂၃ ရက်နေ့ကနေ ဒီဇင်ဘာ ၄ ရက်နေ့အထိ ရခိုင်ပြည်နယ်ထဲက မြို့နယ် ၄ ခုကို အမေရိကန် အစိုးရနဲ့ဆိုင်တဲ့ ခရီးသွားလာမှုအားလုံး ယာယီဆိုင်းငံ့ထားတယ်လို့ အမေရိကန် သံရုံးက ညွှန်ကြားချက် ထုတ်ပြန်ထားပါတယ်။

ဒါနဲ့ ပတ်သက်ပြီး အမေရိကန် သံရုံးရဲ့ လက်ထောက် ပြည်သူ့ရေးရာ အရာရှိ Aryani E. Manring က အခု လို ပြောပြပါတယ်။

“အသေအချာ ချင့်ချိန်စဉ်းစားပြီးဆောင်ရွက်တဲ့အနေနဲ့ ရခိုင်ပြည်နယ်တွင်း စစ်တွေ၊ ရသေ့တောင်၊ ဘူးသီးတောင်နဲ့ မောင် တောမြို့နယ်တွေကို အမေရိကန် အစိုးတာဝန်နဲ့ဆိုင်တဲ့ ခရီးသွားလာမှုအားလုံး နိုဝင်ဘာ ၂၃ ရက်ကနေ ဒီဇင်ဘာ ၄ ရက်နေ့ အတွင်း မသွားဖို့ ဆိုင်းငံ့ထားပါတယ်။ ဒီကာလအတွင်း အဲ့ဒီဒေသတွေကို သွားရောက်တာကို ယာယီ ရှောင်ကြဉ်ဖို့ သံရုံးအနေနဲ့ အမေရိကန် နိုင်ငံသားတွေကို အကြံပေးလိုပါတယ်။”

ရခိုင်ပြည်နယ် မြောက်ပိုင်းမှာ ဖြစ်ပွားခဲ့တဲ့ ပဋိပက္ခတွေမှာ ရိုဟင်ဂျာတွေကို လူမျိုးစု လိုက် ရှင်းလင်းဖယ်ရှားမှုတွေ ကျူးလွန်ခဲ့တယ်လို့ အမေရိကန် နိုင်ငံခြားရေး ဝန်ကြီး Rex Tillerson က ဗုဒ္ဓဟူးနေ့မှာ ကြေညာလိုက်ပြီး မကြာခင်မှာပဲ ရန်ကုန်အမေရိကန်သံရုံးက အခုလိုထုတ်ပြန်ခဲ့တာပါ။

ရခိုင်ပြည်နယ်တွင်း Ethnic Cleansing လို့ခေါ်တဲ့ လူမျိုးစုလိုက် ရှင်းလင်းဖယ်ရှားမှုတွေ ဖြစ်ပေါ်နေ တယ်ဆိုတဲ့ အမေရိကန် နိုင်ငံခြားရေး ဝန်ကြီးရဲ့ ကြေညာချက်ရဲ့ ဂယက် အနေနဲ့ ရန်ကုန်အပါအဝင် အခြားဒေသတွေမှာ ကန့်ကွက် ဆန္ဒပြမှုတွေဖြစ် လာနိုင်တာမို့ အမေရိကန် နိုင်ငံသားတွေအနေနဲ့ အဲ့ဒီနေရာမျိုးတွေကို သွားလာတာ ရှောင်ကြဉ်ကြ ဖို့လည်း အမေရိကန်သံရုံးက အကြံပြုချက် ထုတ်ပြန်ထားတဲ့အကြောင်း သံရုံး လက်ထောက် ပြည်သူ့ရေးရာ အရာရှိ Arayni Manring က အခုလို ပြောပါတယ်။

"နိုဝင်ဘာ ၂၂ရက်နေ့ ဗုဒ္ဓဟူးနေ့မှာ အမေရိကန် နိုင်ငံခြားရေး ဝန်ကြီး Rex Tillerson က ရခိုင်ပြည်နယ် တွင်းမှာ လူမျိုးစုလိုက် ရှင်းလင်းဖယ်ရှားမှုတွေ ဖြစ်ပေါ်နေတယ်ဆိုပြီး တရားဝင် ကြေညာခဲ့ပါတယ်။ ဒီ သဘောထားကြေညာချက်နဲ့ တဆက်တည်း ရန်ကုန်အပါအဝင် အခြားဒေသတွေမှာ ကန့်ကွက် ဆန္ဒပြ မှုတွေ ဖြစ်လာနိုင်ပါတယ်။ ဒါကြောင့် အမေရိကန် နိုင်ငံသားတွေအနေနဲ့ ကန့်ကွက်ဆန္ဒပြမှုတွေ ဖြစ်နိုင် တဲ့ နေရာတွေကို သွားလာတာ ရှောင်ကြဉ်ဖို့ သတိပေးလိုက်ပါတယ်”

ရခိုင်ပြည်နယ်မြောက်ပိုင်း မောင်တောဒေသမှာ ပြီးခဲ့တဲ့ သြဂုတ်လ အတွင်း အကြမ်းဖက် တိုက်ခိုက်မှု တွေ ဖြစ်ပွားခဲ့ပြီးနောက်ပိုင်း မကြာမီမှာလည်း အမေရိကန်သံရုံးအနေနဲ့ အမေရိကန်နိုင်ငံသားတွေနဲ့ အမေရိကန်သံရုံးဝန်ထမ်း ရခိုင်ပြည်နယ်မြောက်ပိုင်းကို မသွားရောက်ဖို့ဆိုတဲ့ အလားတူ သတိပေးချက်မျိုး ထုတ်ပြန်ခဲ့တာလည်း ရှိပါတယ်။
VOA Burmese News

အီဂျစ်မြောက်ပိုင်းဗလီ စစ်သွေးကြွတိုက်ခိုက်မှု ၁၅၅ ယောက်သေဆုံး

November 24, 2017, 8:08 am

≫ Next: ၀န်ကြီးဌာနတွေ Third Party စနစ် ကျင့်သုံးရင် ဘာကောင်းကျိုးတွေ ရလာမလဲ

≪ Previous: အမေရိကန်အစိုးရတာဝန်ရှိသူတွေ ရခိုင်ပြည်နယ် ခရီးသွားလာခွင့် ယာယီဆိုင်းငံ့

$

0

0

အီဂျစ်နိုင်ငံမြောက်ပိုင်း Sinai ကျွန်းဆွယ်က လူတွေပြည့်ကြပ်နေတဲ့ ဗလီတခုကို စစ်သွေးကြွလို့ သံသယဖြစ်ဖွယ်ရှိသူတွေက ဒီကနေ့မှာ တိုက်ခိုက် (နိုဝင်ဘာ ၂၄-၂၀၁၇)

အီဂျစ်နိုင်ငံမြောက်ပိုင်း Sinai ကျွန်းဆွယ်က လူတွေပြည့်ကြပ်နေတဲ့ ဗလီတခုကို စစ်သွေးကြွလို့ သံသယဖြစ်ဖွယ်ရှိသူတွေက ဒီကနေ့မှာ တိုက်ခိုက်ခဲ့ကြောင့် လူ ၂၃၅ ယောက် သေဆုံးသွားတယ်လို့ အီဂျစ်လုံခြုံရေးတာဝန်ရှိသူတွေက ပြောတယ်လို့ အစိုးရပိုင်မီဒီယာတွေက ဖော်ပြလိုက်ပါတယ်

အစွန်းရောက်တွေဟာ Bir al-Abd မြို့က al-Rawdah ဗလီက အစ္စရေးလုံခြုံရေး တပ်ဖွဲ့တွေကို ထောက်ခံသူတွေကို ပစ်မှတ်ထား တိုက်ခိုက်ခဲ့တာဖြစ်တယ်လို့ အစိုးရပိုင် MENA သတင်းအေဂျင်စီက ပြောပါတယ်။

ခရီးကြမ်းမောင်းနှင်းတဲ့ ကား ၄ စင်းပေါ်မှာရှိတဲ့ လူတွေက သောကြာနေ့က ၀တ်ပြုဆုတောင်းနေတဲ့သူတွေကို သေနတ်တွေနဲ့ ပစ်ခတ်ခဲ့တာဖြစ်တယ်လို့ အီဂျစ်လုံခြုံရေးတပ်ဖွဲ့တွေက ပြောပါတယ်။ အရေးပေါ်လူနာတင်ယာဉ်တွေက အခင်းဖြစ်ပွားတဲ့နေရာက ထိခိုက်ဒဏ်ရာရသူတွေကို အနီးနားက ဆေးရုံတွေကို ခေါ်ဆောင်သွားတာတွေ့ရတယ်လို့ မျက်မြင်တွေက ပြောပါတယ်။ အီဂျစ်နိုင်ငံရဲ့ အိမ်နီးချင်း အစ္စရေးလ်နိုင်ငံကလည်း ဒီတိုက်ခိုက်အတွက် ၀မ်းနည်းကြောင်းပြောကြား ခဲ့ပါတယ်။

စစ်သွေးကြွတွေဟာ အများအားဖြင့် လုံခြုံရေးတပ်ဖွဲ့တွေကို ပစ်မှတ်ထား တိုက်ခိုက်လေ့ရှိပေမယ့်လည်း၊ Sinai ကျွန်းဆွယ်အပြင်ဘက်ကို ထွက်ပြီး အီဂျစ်နိုင်ငံက ခရစ်ယာန်ဘာသာဝင်တွေနဲ့ ဘုရားဖူးတွေကိုလည်း တိုက်ခိုက်လေ့ရှိပါတယ်။

အီဂျစ်လုံခြုံရေးတပ်တွေဟာ Sinai ကျွန်းဆွယ်မြောက်ပိုင်းမှာ IS အစွန်းရောက်တွေနဲ့ တိုက်ပွဲတွေဖြစ်ပွားနေတာဖြစ်ပြီး၊ အဲဒီမှာလွန်ခဲ့တဲ့ ၃ နှစ်တိုက်ပွဲတွေ ပြင်းထန်လာချိန်ကစပြီး စစ်သွေးကြွတွေက အီဂျစ် စစ်သားတွေ နဲ့ ရဲတပ်ဖွဲ့ဝင် ရာပေါင်းများစွာ သေဆုံးခဲ့ပါတယ်။

VOA Burmese News

ဝန်ကြီးဌာနတွေ Third Party စနစ် ကျင့်သုံးရင် ဘာကောင်းကျိုးတွေ ရလာမလဲ

November 24, 2017, 7:05 pm

≫ Next: တရုတ်သမ္မတ နဲ့ မြန်မာကာချုပ် ရခိုင်အရေး ဆွေးနွေး

≪ Previous: အီဂျစ်မြောက်ပိုင်းဗလီ စစ်သွေးကြွတိုက်ခိုက်မှု ၁၅၅ ယောက်သေဆုံး

$

0

0

သီလ၀ါ အထူးစီးပွားရေးဇုံ ဆောက်လုပ်ရေးလုပ်ငန်းများ

ပြီးခဲ့တဲ့ နိုဝင်ဘာ ၁၄ ရက်နေ့က ကျင်းပတဲ့ ပြည်သူ့လွှတ်တော် အစည်းအဝေးမှာ ဂန့်ဂေါအမတ် ဒေါ်ယဉ်မင်းလှိုင် တင်သွင်းတဲ့ အဆိုတစ်ခုကို အမတ် ၁၅ ဦးက ထောက်ခံဆွေးနွေးပြီး၊ သက်ဆိုင်ရာ ဒုဝန်ကြီးကလည်း ထောက်ခံတဲ့အတွက် အဆို အတည်ဖြစ်ခဲ့ပါတယ်။ အဲဒီ အဆိုကတော့ နိုင်ငံတ၀ှမ်းလုံးရှိ တည်ဆောက်ရေး လုပ်ငန်းများအား Third Party စနစ်ကို မှန်ကန်စွာ ကျင့်သုံး၍ အမြန်ဆုံး အကောင်အထည်ဖော် ဆောင်ရွက်ပါရန် ပြည်ထောင်စု အစိုးရအား တိုက်တွန်းကြောင်း ဆိုပြီး ဖြစ်ပါတယ်။ အဆိုနဲ့ ပတ်သက်တဲ့ ဆွေးနွေးမှုတွေ၊ ဒုဝန်ကြီးရဲ့ ဖြေရှင်းချက်တွေကိုကြည့်ရင် ဒီအဆိုဟာ အလွန်ကြီးကျယ်များပြားတဲ့ ဘတ်ဂျက် ငွေကြေးဆိုင်ရာ ကိစ္စတွေ၊ အဂတိလိုက်စားမှုဆိုင်ရာ ပြသနာတွေ စသဖြင့် ကိစ္စ အတော်များများနဲ့ ဆက်စပ်နေတာမို့ စိတ်ဝင်စားဖို့ အလွန်ကောင်းပါတယ်။ ခုတစ်ပတ် အဲဒီ အဆိုနဲ့ဆိုင်တဲ့ ကိစ္စအကြောင်း ဆွေးနွေးသုံးသပ်ကြည့်ကြရအောင်ပါ။

ဂန့်ဂေါအမတ် ဒေါ်ယဉ်မင်းလှိုင်က အစိုးရကနေ ဘဏ္ဍာငွေ အမြောက်အများ အကုန်အကျခံပြီး လုပ်နေတဲ့ တည်ဆောက်ရေး လုပ်ငန်းတွေ အရည်အသွေး မပြည့်မီပဲ တိုင်းပြည်ဘဏ္ဍာငွေ အလဟသ ဆုံးရှုံးလေလွင့်နေတာကို အမြန်ဆုံး ကာကွယ်တားဆီးဖို့ အတွက် ဒီအဆိုကို တင်ရတာလို့ ဆိုပါတယ်။ အဆိုကို ထောက်ခံဆွေးနွေးတဲ့ သနပ်ပင် အမတ် ဦးမြင့်ဦးက ခေတ်အဆက်ဆက် အစိုးရတွေလက်ထက်မှာ တိုင်းပြည်အတွက် လိုအပ်တဲ့ လမ်း၊ တံတား၊ အဆောက်အဦ၊ ဆည်မြောင်း၊ တာတမံ စတာတွေ ဆောက်တဲ့အခါ ကိုယ်တိုင် ဘတ်ဂျက်ရေးဆွဲ၊ ကိုယ်တိုင် တည်ဆောက်၊ ကိုယ်တိုင်ကြပ်မတ်၊ ကိုယ်တိုင် စစ်ဆေး လုပ်ခဲ့ကြတဲ့အတွက် သိပ်မကြာခင် ပြန်ပျက်စီးတာ၊ နောက်ထပ် ဘတ်ဂျက် ထပ်တောင်းတာတွေကြောင့် ပြည်သူ့ဘဏ္ဍာတွေ အဟောသိကံ ဖြစ်နေတယ်လို့ ဆိုပါတယ်။ ဒါတင်မက သူ့မဲဆန္ဒနယ်က တံတား ၁၄ စင်း ဆိုရင်လည်း ဆောက်ပြီး တစ်နှစ်အတွင်း ယိုယွင်းပျက်စီးလာတယ် ဆိုပြီး လက်တွေ့ထောက်ပြခဲ့ပါတယ်။ ဒီ အဆိုနဲ့ ပတ်သက်ပြီး ဆွေးနွေးခဲ့တဲ့ အမတ်တိုင်းက ထောက်ခံခဲ့ကြတာပါ။

အခုလို ဆွေးနွေးချက်တွေနဲ့ ပတ်သက်ပြီး ဆောက်လုပ်ရေးဒုဝန်ကြီး ဦးကျော်လင်းရဲ့ ပြန်လည် ရှင်းလင်းချက်က ပိုပြီး စိတ်ဝင်စားဖို့ ကောင်းပါတယ်။ သူက Third Party စနစ်ကို လိုလိုချင်ချင် လက်ခံ ကျင့်သုံးသွားမယ့်အပြင် ဆောက်လုပ်ရေးဝန်ကြီးဌာနကိုလည်း ၃ နှစ်အတွင်း Regulatory Body ဖြစ်အောင် ပြောင်းလဲ ဆောင်ရွက်သွားမယ် ဖြစ်တဲ့အကြောင်း၊ ကန်ထရိုက် လုပ်ငန်းတွေကို သက်ဆိုင်ရာ အဖွဲ့အစည်းတွေနဲ့ ကန်ထရိုက်တာတွေ ဆောင်ရွက်နိုင်ဖို့ ဆောင်ရွက်သွားမယ် ဆိုပြီး ဖြစ်ပါတယ်။ သူဆိုလိုတာက လက်ရှိ ဆောက်လုပ်ရေး ၀န်ကြီးဌာန အနေနဲ့ အစိုးရ ဘတ်ဂျက်တွေနဲ့ လုပ်ကိုင်ဆောင်ရွက်နေရတာတွေ ရှိသေးတယ်၊ ဒီလို အခြေအနေမှာ လွှတ်တော်က တိုက်တွန်းတဲ့ Third Party စနစ် ကျင့်သုံးပြီး အစစ်ဆေးခံနိုင်အောင် လုပ်သွားမယ်၊ ဒါတင်မက နောင်ဆိုရင် ဆောက်လုပ်ရေး ၀န်ကြီးဌာန အနေနဲ့ ကိုယ့်ဖာသာကိုယ် ဆောက်လုပ်ရေး လုပ်ငန်းတွေ လုပ်တော့မှာ မဟုတ်ဘူး၊ Regulatory Body အနေနဲ့ပဲ လုပ်ငန်းတွေ ပြီးစီးအောင် ဆောင်ရွက်သွားမယ်၊ အဲဒါကို သုံးနှစ်အတွင်း အကောင်အထည် ဖော်မယ်လို့ ဆိုသွားတာပါ။

တကယ်လည်း ရှေ့ အာဏာရှင် အစိုးရလက်ထက်တွေကိုကြည့်လိုက်ရင် ၀န်ကြီးဌာနတွေဆိုတာ ကိုယ့်ဘတ်ဂျက်တွေကို ကိုယ်ကိုယ်တိုင် သုံးစွဲတဲ့ ဌာနတွေ ဖြစ်မှန်းမသိ ဖြစ်လာနေတာ ကြာပါပြီ။ ဆောက်လုပ်ရေး ဆို ဆောက်လုပ်ရေး လုပ်ငန်းတွေ ကိုယ်တိုင်လုပ်၊ စက်မှုဆို စက်ရုံလုပ်ငန်းတွေ ကိုယ်တိုင်လုပ်၊ စည်ပင်ဆို လမ်းခင်း၊ ရေမြောင်းဖေါက်၊ အမှိုက်သိမ်း ကိုယ်တိုင်လုပ် ဆိုတဲ့ စနစ်မျိုးပါ။ ဒီလုပ်ငန်းတွေကို ကိုယ်တိုင် လုပ်ကိုင်ကြတဲ့အတွက် အဆင့်ဆင့်သော ဌာနဆိုင်ရာ ၀န်ထမ်းတွေဟာ လုပ်ငန်းတွေထဲ ပါဝင် ပတ်သက် လုပ်ကိုင်မှုတွေ ရှိလာပါတယ်။

ဝန်ကြီးဌာနက လုပ်ငန်းတွေ အတွက် လိုအပ်တဲ့ ကုန်ကြမ်းတွေကို သွင်းရတာ၊ တစ်ချို့ လုပ်ငန်းတွေအတွက် ကန်ထရိုက်၊ ဆပ် ကန်ထရိုက် ရယူ လုပ်ကိုင်တာ စတာတွေကို ကိုယ်တိုင်သော်၎င်း၊ ကိုယ့်ရဲ့ မိသားဝင်တွေရဲ့ နာမည်တွေနဲ့သော်၎င်း လုပ်ကိုင်ကြပါတယ်။ ကိုယ့်ဘတ်ဂျက် ကိုယ်ကိုယ်တိုင် လျာထားသတ်မှတ် သုံးစွဲရတာ ဖြစ်လေတော့ ကိုယ့်အတွက် မြတ်စွန်းအောင်သာ အဓိက၊ အခြားဘာမှ ဂရုစိုက်စရာ မလိုတဲ့ အနေအထားမျိုးနဲ့ နှစ်ပေါင်းများစွာ ဖြတ်သန်းလာခဲ့ကြတာ ဖြစ်ပါတယ်။

ကိုယ့်ဌာနအတွက် ကိုယ်တိုင် ပစ္စည်းတင်သွင်းသူ၊ ကန်ထရိုက်၊ ဆပ်ကန်ထရိုက်လုပ်ပြီး အကျိုးအမြတ် ရယူတာအပြင် အခြား ပြင်ပကို ကန်ထရိုက်ပေးရတော့လည်း လာဘ်ငွေယူပြီး လုပ်ကိုင်တဲ့ အလေ့အထလည်း ကျယ်ကျယ်ပြန့်ပြန့် ထွန်းကားလာပါတယ်။ ဒါကို ပိုဆိုးစေတာကတော့ အရည်အသွေးနဲ့ ကုန်ကျစားရိတ် ပုံမှန် ဟုတ်မဟုတ် စစ်ဆေးတဲ့ Third Party စနစ် ရှိမနေတာပါ။ ဒီလို အကြောင်းကြောင်းတွေကြောင့်လဲ အာဏာရှင်တွေ အုပ်စိုးခဲ့တဲ့ ခေတ်ကာလ တစ်လျောက်လုံး နိုင်ငံ့ဘဏ္ဍာငွေကြေး အမြောက်အများ ကုန်ကျခဲ့သလောက် လမ်း၊ တံတား၊ စက်ရုံ၊ လျှပ်စစ် စတဲ့ အခြေခံ အဆောက်အဦ ကောင်းကောင်းတွေ မပေါ်ထွက်ခဲ့တာပါ။ တကယ်ပေါ်ထွက်ခဲ့တာကတော့ ကျယ်ပြန့်တဲ့ အကျင့်ပျက် ခြစားမှု၊ ၀န်ကြီးနဲ့ ဌာနဆိုင်ရာ အရာရှိကြီးတွေ အကြီးအကျယ် ကြွယ်ဝ ချမ်းသာမှု စတာတွေပဲ ဖြစ်ပါတယ်။

အခု ၀န်ကြီးဌာနတွေမှာ Third Party စနစ်ကျင့်သုံးခဲ့မယ် ဆိုရင်၊ ဆောက်လုပ်ရေး ဒုဝန်ကြီး ပြောတဲ့ ၀န်ကြီးဌာနတွေဟာ Regulatory Body အဖြစ် ပြောင်းလဲနိုင်ခဲ့မယ် ဆိုရင် ရလာမယ့် ကောင်းကျိုးကတော့ အများကြီးပါပဲ။ အဓိက ကောင်းကျိုးကတော့ တိုင်းပြည်ဘဏ္ဍာငွေ ကုန်သလောက် ကုန်ရကျိုးနပ်တဲ့ လမ်း၊တံတား၊ စက်ရုံ၊ အဆောက်အဦ အစရှိသဖြင့် အရည်အသွေးကောင်းတွေ ရလာမှာပါ။ ဒုတိယ တစ်ခုကတော့ အစိုးရဟာ အစိုးရ အလုပ်ကို ပီပီပြင်ပြင် လုပ်လာနိုင်မှာ ဖြစ်ပါတယ်။ အရင် အာဏာရှင် အစိုးရ အဆက်ဆက်ကနေ ဒီကနေ့ အချိန်ထိ အစိုးရ ၀န်ကြီးဌာနတွေဟာ သူတို့ လုပ်သင့်လုပ်ထိုက်တဲ့ အလုပ် သူတို့ မလုပ်ပဲ၊ မလုပ်သင့်တဲ့ ငွေကိုင်သုံးစွဲရတဲ့ လုပ်ငန်းပေါင်းစုံကို လုပ်နေပြီး အစိုးရယန္တယား မလိုအပ်ပဲ ကြီးထွားနေတာ ကြာပါပြီ။ အဲဒီ ပြသနာ တစ်စတစ်စ ပြေလည်သွားနိုင်ပါတယ်။ နောက်ပြသနာ တစ်ခုက ကိုယ့်ဘတ်ဂျက် ကိုယ်ကိုင်သုံးရတာ နည်းလေလေ အဂတိလိုက်စားဖို့ အခွင့်အလမ်း နည်းလေလေ ဖြစ်ပါတယ်။ ဒီအတွက် အကျင့်ပျက်ခြစားမှုကိုလည်း လျော့ချနိုင်ပါလိမ့်မယ်။ နောက်ထပ် ကောင်းကျိုးတစ်ခုကတော့ လက်ရှိ အစိုးရ၀န်ကြီးဌာနက လုပ်နေတဲ့ ဆောက်လုပ်ရေး လုပ်ငန်းကြီးတွေ၊ ၀န်ဆောင်မှု လုပ်ငန်းတွေကို ပုဂ္ဂလိက လုပ်ငန်းရှင်တွေ လုပ်ခွင့်ရမှာ ဖြစ်တဲ့အတွက် ပုဂ္ဂလိက လုပ်ငန်းတွေလည်း ကြီးထွား တိုးတက်လာစေမှာ ဖြစ်ပါတယ်။ ပုဂ္ဂလိက လုပ်ငန်း ကျယ်ပြန့်ကြီးထွားလာခြင်းဟာ တိုင်းပြည် စီးပွားရေးအတွက်ရော၊ အလုပ်အကိုင် ဖန်တီးရေးအတွက်ပါ ကောင်းတဲ့ လက္ခဏာ ဖြစ်စေမှာပါ။

နောက်ထပ် ကောင်းကျိုးတစ်ခုကတော့ အရည်အသွေး စစ်ဆေးတဲ့ Third Party စနစ် အကောင်အထည် ဖော်မယ့် ကုမ္ပဏီတွေ၊ လုပ်ငန်းတွေ ထွန်းကားလာမယ့် ကိစ္စပါ။ လက်ရှိမှာ မရှိသလောက် ဖြစ်နေတဲ့ အဲလို ကုမ္ပဏီ အမျိုးအစားတွေ နိုင်ငံတကာနည်းတူ ပေါ်ပေါက် ထွန်းကားလာအောင် အားပေးဖို့ လိုပါတယ်။ အားလုံးကို ခြုံငုံသုံးသပ်ကြည့်လိုက်ရင် အစိုးရ ၀န်ကြီးဌာန အနေနဲ့ Third Party စနစ် အကောင်အထည် ဖော်မယ့်အပြင် သုံးနှစ်အတွင်း အစိုးရအလုပ်ကိုပဲ ပီပီပြင်ပြင်လုပ်မယ့် Regulatory Body အဖြစ် ပြောင်းမယ် ဆိုတဲ့ ကိစ္စဟာ အစိုးရယန္တယား အတွင်း ကောင်းမွန်တဲ့ တော်လှန်ပြောင်းလဲမှု တစ်ခု ဖြစ်ပါကြောင်း သုံးသပ် တင်ပြလိုက်ရပါတယ်။

ဦးစည်သူအောင်မြင့်  / ဗွီအိုအေ (မြန်မာပိုင်း)
https://burmese.voanews.com

တရုတ်သမ္မတ နဲ့ မြန်မာကာချုပ် ရခိုင်အရေး ဆွေးနွေး

November 24, 2017, 7:06 pm

≫ Next: မြစ်ချောင်းထဲပစ်ချတဲ့ ပလပ်စတစ်တွေကြောင့် သမုဒ္ဒရာတွေ ညစ်ညမ်း

≪ Previous: ၀န်ကြီးဌာနတွေ Third Party စနစ် ကျင့်သုံးရင် ဘာကောင်းကျိုးတွေ ရလာမလဲ

$

0

0

တရုတ်သမ္မတ နဲ့ မြန်မာကာချုပ် တွေ့ဆုံ။

ရခိုင်အရေးနဲ့ပတ်သက်ပြီး နိုင်ငံတကာမျက်နှာစာမှာ တရုတ်နိုင်ငံက မြန်မာနိုင်ငံဘက်ကနေ ရပ်တည် ထောက်ခံပေးခဲ့တဲ့ အခြေ အနေတွေကို တရုတ်သမ္မတ ရှီ ကျင့်ပင်နဲ့ နိုဝင်ဘာလ ၂၄ ရက်၊ သောကြာနေ့က တွေ့ဆုံချိန်အတွင်း ဆွေးနွေးခဲ့တယ်လို့ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ရဲ့ ဖေ့စ်ဘုတ်စာမျက်နှာမှာ ဖော်ပြထားပါတယ်။

ဗိုလ်ချုပ်မှူးကြီးမင်းအောင်လှိုင်ဟာ နိုဝင်ဘာလ ၂၁ ရက်နေ့ကစပြီး တရုတ်နိုင်ငံမှာ ရောက်နေတာဖြစ်ပြီး အများအားဖြင့်တော့ တရုတ်စစ်ဘက်တာဝန်ရှိသူတွေနဲ့ တွေ့ဆုံ ဆွေးနွေးတာတွေရှိခဲ့တာပါ။ သောကြာနေ့ကတော့ တရုတ်သမ္မတနဲ့ ဘေဂျင်းမြို့တော် မှာတွေ့ဆုံပြီး ရခိုင်ပြည်အရေးနဲ့ ငြိမ်းချမ်းရေးလုပ်ငန်းစဉ်အပါအ၀င် တခြားကိစ္စရပ်တွေကို ဆွေးနွေးခဲ့တာဖြစ်ပါတယ်။

ရခိုင်ပြည်အရေးနဲ့ပတ်သက်ပြီး အထူးသဖြင့် အနောက်နိုင်ငံတွေက မြန်မာအစိုးရကို ဖိအားပေးနေချိန်မှာ တရုတ်အစိုးရကတော့ မြန်မာနိုင်ငံဘက်က ရပ်တည် ပြောဆိုပေးနေတာပါ။ ကုလသမဂ္ဂလုံခြုံရေးကောင်စီမှာ ဆုံးဖြတ်ချက်ချမယ့်ကိစ္စကို တရုတ်က တားဆီးခဲ့တာကြောင့် ကောင်စီဥက္ကဌရဲ့ ကြေညာချက်အဖြစ်ဘဲ ထွက်နိုင်ခဲ့ပါတယ်။

တရုတ်နိုင်ငံခြားရေးဌာနရဲ့ နိုဝင်ဘာလ ၂၄ ရက်နေ့ ပုံမှန်သတင်းစာ ရှင်းလင်းပွဲအတွင်းမှာလဲ ဘင်္ဂလားဒေ့ရ်ှနိုင်ငံရောက် ဒုက္ခ သည်တွေကို မြန်မာနိုင်ငံပြန်ပို့ရေး ဘင်္ဂလားဒေ့ရ်ှနဲ့ မြန်မာအကြား သဘောတူလက်မှတ်ရေးထိုးခဲ့တာကို ကြိုဆိုကြောင်း တရုတ် နိုင်ငံခြားရေးဌာနပြောခွင့်ရ Geng Shuang က ပြောခဲ့ပါတယ်။

ရခိုင်အရေးနဲ့ပတ်သက်ပြီး အဖြေရှာတာမှာ နှစ်နိုင်ငံစလုံးနဲ့ ချစ်ကြည်ရင်းနှီးတဲ့ နိုင်ငံတခုအနေနဲ့ တရုတ်နိုင်ငံဟာ အပြုသဘော ဆောင်တဲ့အခန်းကဏ္ဍကနေ နှစ်နိုင်ငံစလုံးနဲ့ လက်တွဲလုပ်ဆောင်ချင်တဲ့အကြောင်း တရုတ်နိုင်ငံခြားရေးဌာန ပြောခွင့်ရက ပြောခဲ့ ပါတယ်။

ဗွီအိုအေ (မြန်မာပိုင်း)
https://burmese.voanews.com

မြစ်ချောင်းထဲပစ်ချတဲ့ ပလပ်စတစ်တွေကြောင့် သမုဒ္ဒရာတွေ ညစ်ညမ်း

November 24, 2017, 7:06 pm

≫ Next: ဥရောပ မြန်မာ ကုန်သွယ်ရေး သဘောတူညီမှု ဘာထူးခြားနိုင်မလဲ

≪ Previous: တရုတ်သမ္မတ နဲ့ မြန်မာကာချုပ် ရခိုင်အရေး ဆွေးနွေး

$

0

0

ပင်လယ်ကမ်းခြေတွေမှာ စွန့်ပစ်ထားတဲ့ ပလက်စတစ် ပစ္စည်းများ။

ကမ္ဘာ့သမုဒ္ဒရာတွေထဲ တမိနစ်ကို ပလတ်စတစ်အမှိုက်အပြည့်တင်ဆောင်ထားတဲ့ အမှိုက်ပစ် ထရပ်ကားတစင်းစာ စွန့်ပစ်မှုနှုန်းပမာဏဟာ တနှစ်ကို ပလတ်စတစ်တန်ချိန် ၈ သန်းနဲ့ ညီမျှကြောင်း သုတေသနအသစ်ပြုလုပ်မှုတွေက တွေ့ရှိခဲ့ပါတယ်။

အဲဒီတွေ့ရှိမှုအရ ကမ္ဘာ့သမုဒ္ဒရာတွေထဲ ပလတ်စတစ်အမှိုက်ညစ်ညမ်းမှုတွေကို ကမ္ဘာရဲ့ အဓိက မြစ်ကြီး ၁၀ ခုကနေ စီးဆင်းလာနေတယ်လို့ ဆိုပါတယ်။ ကြီးမားတဲ့ မြစ်ကြောင်း တလျောက်မှာ နေထိုင်တဲ့ လူဦးရေများပြားသလို၊ ဒီမြစ်ကြီး ၁၀ခု ကို အဓိကထား ထိန်းသိမ်းခြင်းအားဖြင့် ပလစ်စတစ်တွေများပြားမှုကြောင့် ပင်လယ်သမုဒ္ဒရာတွေ ညစ်ညမ်းမှုကို လျော့ချနိုင်မယ်လို့ ဂျာမနီနိုင်ငံက သဘာဝပတ်ဝန်းကျင် သုတေသနအဖွဲ့ဖြစ်တဲ့ Helmholtz Centerက သုတေသီ Christian Schmidt က ဗွီအိုအေကို ပြောပါတယ်။

မြစ်ကြီး၁၀ခုထဲက ၂ ခုဟာ အာဖရိကတိုက်မှာရှိတဲ့ နိုင်းလ်နဲ့ နိုင်ဂျာမြစ်တွေဖြစ်ပြီး ကျန်တဲ့ ၈ခုကတော့ အာရှတိုက်မျာရှိတဲ့ ဂင်္ဂါ၊ အန္ဒူ၊ မြစ်ဝါ၊ ယမ်စီ၊ ဟိုင်း၊ ပုလဲ၊ မဲခေါင်နဲ့ အာမူး စတဲ့ မြစ်ကြီးတွေဖြစ်ပါတယ်။

သုတေသီတွေအနေနဲ့ မြစ်တွေထဲမှာ ပလစ်စတစ်တွေများပြားမှုကြောင့် ဖြစ်ပေါ်လာတဲ့ ညစ်ညမ်းမှုကို လေ့လာစူးစမ်းသလို မြစ်ထဲကို စုပြုံစီးဆင်းလားတဲ့ ချောင်း၊ မြောင်း တခုချင်းစီထဲကို စနစ်တကျ မဟုတ်ပဲ စွန့်ပစ်တဲ့ အမှိုက်ပမာဏကိုလည်း နှိုင်းယှဉ်တွက်ချက် သုတေသနလုပ်ခဲ့တာဖြစ်ပါတယ်။

ဒီလို သုတေသနတွေ့ရှိချက်တွေရ အဓိကမြစ်ကြီး ၁၀ခုမှာ အမှိုက်စွန့်ပစ်မှုကို လျော့ချခြင်းအားဖြင့် ပင်လယ် သမုဒ္ဒရာထဲ ပလစ်စတစ်ကြောင့် ညစ်ညမ်းမှုကို ကိုင်တွယ်ဖြေရှင်းနိုင်မယ်လို့ အကြံပြုထားပါတယ်။

ဗွီအိုအေ (မြန်မာပိုင်း)
https://burmese.voanews.com