၂၀၁၅ ရွေးကောက်ပွဲ နိုင်ငံတကာစောင့်ကြည့်

September 21, 2015, 9:18 pm

≫ Next: ပလိပ်ချည်စက် အလုပ်သမား ၇ဝဝ မတရားအလုပ်ထုတ်မှု ဆန္ဒပြ

≪ Previous: မြစ်ဆုံစီမံကိန်း အပြီးဖျက်ဖို့ လာမည့် အစိုးရကို ပြောမည်

မြန်မာ့အရေးထည့်ပြောသွားတဲ့ အိုင်ယာလန်သံကိုယ်စားလှယ်

မြန်မာနိုင်ငံမှာလာမယ့်နိုဝင်ဘာမှာကျင်းပမယ့်ရွေးကောက်ပွဲတွေဟာ နိုင်ငံရဲ့ဒီမိုကရေစီပြုပြင်ရေး လမ်းမှန်ပေါ် ရောက်မရောက်ဆိုတာကို ဘယ်လို သက်သေပြရာရောက်မလဲလို့ ဂျနီဗာမှာလက်ရှိကျင်းပနေတဲ့ ကုလသမဂ္ဂလူ့အခွင့်အရေးကောင်စီရဲ့ အကြိမ် (၃၀) မြောက် ညီလာခံမှာ အနောက်နိုင်ငံ ကိုယ်စားလှယ်တွေက ပြောဆိုလိုက်ကြပါတယ်။ တချိန်တည်းမှာပဲ ရခိုင်ပြည်နယ်က ရိုဟင်ဂျာတွေအရေးကို စိုးရိမ်မကင်းဖြစ်မိကြောင်း ပြောဆိုကြတာပါ။ အကြောင်းစုံကိုတော့ ဒေါ်လှလှသန်းက တင်ပြပေးထားပါတယ်။

ဂျနီဗာမြို့မှာကျင်းပနေတဲ့ အကြိမ် (၃၀) မြောက် လူ့အခွင့်အရေးကောင်စီရဲ့ (၁၇) ကြိမ်အစည်းအဝေးပွဲမှာ နိုင်ငံတကာ လူ့အခွင့်အရေး အခြေအနေနဲ့ ပတ်သက်လို့ လူ့အခွင့်အရေးကောင်စီက သိသင့်တဲ့အချက်အလက်တွေကို ညီလာခံတက်ရောက်တဲ့ကိုယ်စားလှယ်တွေက တင်ပြဆွေးနွေးခဲ့ရာမှာ မြန်မာနိုင်ငံနဲ့ပတ်သက်လို့ နိုဝင်ဘာ (၈) ရက်နေ့ကျင်းပမယ့် အထွေထွေရွေးကောက်ပွဲကြီးအနေနဲ့ နိုင်ငံတကာ ယုံကြည်ကိုးစားမှုရှိတဲ့ ရွေးကောက်ပွဲမျိုး ဖြစ်ဖို့ အရေးကြီးတယ်လို့ ဗြိတိန်သံကိုယ်စားလှယ်က အခုလို ပြောကြားခဲ့ပါတယ်။

“မြန်မာနိုင်ငံမှာ နိုဝင်ဘာလမှာကျင်းပမယ့်ရွေးကောက်ပွဲဟာ နိုင်ငံအနေနဲ့ဖော်ဆောင်နေတဲ့ ပြုပြင်ပြောင်းလဲရေးကို မှတ်ကျောက်တင် အကဲစမ်း အဆုံးအဖြတ်ပေးမယ့် ရွေးကောက်ပွဲပဲဖြစ်ပါတယ်။ နိုင်ငံတကာလူ့အဖွဲ့အစည်းတွေအနေနဲ့ အနီးကပ်စောင့်ကြည့်နေမှာဖြစ်သလို ဒီရွေးကောက်ပွဲက ယုံကြည်လေးစားမှုရှိပြီး အုပ်စုအားလုံး ပါဝင်ခွင့်ရရမယ့်အပြင် ထင်သာမြင်သာရှိတဲ့ ရွေးကောက်ပွဲဖြစ်ဖို့ကိုလည်း ထောက်ခံအားပေးသွားမှာဖြစ်ပါတယ်။ လွတ်လပ်စွာ ထုတ်ဖော်ပြောဆိုခွင့်ရှိဖို့အပြင် လူ့အခွင့်အရေးကို လေးစားလိုက်နာမှုရှိဖို့လည်း တိုက်တွန်းပါတယ်။”

အလားတူပဲ ညီလာခံကိုတက်ရောက်ခဲ့တဲ့ အမေရိကန် သံကိုယ်စားလှယ်ကလည်း ၂၀၁၅ ရွေးကောက်ပွဲဟာ ထင်သာမြင်သာရှိဖို့ အရေးကြီးတယ်လို့ဆိုပါတယ်။

“နိုဝင်ဘာလမှာကျင်းပမယ့်ရွေးကောက်ပွဲတွေဟာ ယုံကြည်ကိုးစားမှုရှိမယ့်အပြင် ထင်သာမြင်သာရှိပြီး အုပ်စုအားလုံးတို့ပါဝင်ခွင့်ရှိမယ့် ရွေးကောက်ပွဲမျိုး ကျင်းပပေးပြီး ဒီမိုကရေစီပြုပြင်ပြောင်းလဲရေးကို ဆက်လက် ဖော်ဆောင်ဖို့ အမေရိကန်ပြည်ထောင်စုက တိုက်တွန်းပါတယ်။”

မြန်မာနိုင်ငံမှာ လက်ရှိရွေးကောက်ပွဲမှာ ဝင်ရောက်ယှဉ်ပြိုင်ကြမယ့် ကိုယ်စားလှယ်လောင်းတွေထဲက ၉၀ ကျော်ဟာ သတ်မှတ်ချက်နဲ့ ကိုက်ညီခြင်းမရှိလို့ ရွေးကောက်ပွဲကော်မရှင်က ပယ်ချခဲ့သလို အခုလို ပယ်ချခံခဲ့ရတဲ့ ထက်ဝက်ကျော်ဟာ နိုင်ငံသားဖြစ်မှု မဖြစ်မှုအပေါ် အခြေခံတဲ့အတွက် အမေရိကန် နိုင်ငံခြားရေးဌာနက စိုးရိမ်မကင်းဖြစ်တဲ့အကြောင်း ပြီးခဲ့တဲ့သီတင်းပတ်က ကြေညာချက်ထုတ်ပြန်ခဲ့တာ ဖြစ်ပါတယ်။

လက်ရှိပယ်ချခံခဲ့ရတဲ့ ကိုယ်စားလှယ်လောင်းတွေထဲမှာ မူဆလင်ကိုယ်စားလှယ်လောင်း အားလုံးနီးပါး ပါဝင်ပြီး သူတို့ကို ပယ်ချရတဲ့ အကြောင်းအချက် ခိုင်လုံမှုကို အာဏာပိုင်တွေဘက်က တိတိကျကျ ရှင်းပြခြင်းမရှိတာကိုလည်း အမေရိကန်နိုင်ငံခြားရေးဝန်ကြီးဌာနက မေးခွန်းထုတ်ခဲ့ပါတယ်။ အလားတူပဲ ၂၀၀၈ ခုနှစ် ဖွဲ့စည်းပုံအခြေခံဥပဒေအရ လွှတ်တော်ရဲ့ ၂၅ % မှာ တပ်မတော်သားကိုယ်စားလှယ်တွေ ခန့်အပ်မှုနဲ့ ယာယီနိုင်ငံသားလက်မှတ် White Card ကိုင်ဆောင်ထားသူတွေကို မဲပေးခွင့်မပြုတာကိုလည်း စိုးရိမ်မကင်းဖြစ်တဲ့အကြောင်း အမေရိကန်နိုင်ငံခြားရေးဌာနရဲ့ ကြေညာချက်မှာ ဖော်ပြထားတာဖြစ်ပါတယ်။ တချိန်တည်းမှာပဲ ရခိုင်ပြည်နယ် ရိုဟင်ဂျာတွေရဲ့ လူ့အခွင့်အရေးအခြေအနေနဲ့ပတ်သက်လို့လည်း စိုးရိမ်မကင်းဖြစ်တဲ့အကြောင်း အမေရိကန်သံကိုယ်စားလှယ်က တင်ပြသွားပါတယ်။

“မြန်မာနိုင်ငံမှာ ရခိုင်ပြည်နယ်အခြေအနေ၊ အထူးသဖြင့် ရိုဟင်ဂျာတွေ ရင်ဆိုင်နေရတဲ့အခြေအနေနဲ့ပတ်သက်လို့ အထူး စိုးရိမ်မကင်းဖြစ်ပါတယ်။”

အလားတူပဲ အိုင်ယာလန် အမျိုးသမီးသံကိုယ်စားလှယ်ကလည်း ရိုဟင်ဂျာလူ့အခွင့်အရေးအခြေအနေနဲ့ပတ်သက်လို့ စိုးရိမ်မကင်းဖြစ်တဲ့ အကြောင်း အခုလို ပြောခဲ့ပါတယ်။

“မြန်မာနိုင်ငံက ရခိုင်ပြည်နယ်ရှိ လူမျိုးရေးတင်းမာမှုဖြစ်တဲ့အခြေခံ အကြောင်းရင်းတွေကို အရေးပေါ်ဖြေရှင်းပေးဖို့ လိုအပ်ပါတယ်။ အဲဒီမှာ မူဆလင် IDP တွေရဲ့ လူ့အခွင့်အရေးအခြေအနေဟာ ဆိုးရွားနေပြီး အခြေခံ ခံစားခွင့်တွေမရှိဘဲ နေထိုင်နေရတာဟာ စိုးရိမ်မကင်းဖြစ်စရာပါ။ ဒါ့အပြင် ရိုဟင်ဂျာတွေကို နိုင်ငံအနှံ့ နိုင်ငံသားခံယူခွင့် စိစစ်ရာမှာလည်း မှန်မှန်ကန်ကန် ဖော်ဆောင်ပေးဖို့ လိုအပ်ပါတယ်။ အခြေခံလူ့အခွင့်အရေးကို နိုင်ငံသားအားလုံးတို့ ခံစားခွင့်ရရှိသင့်ပါတယ်”- လို့ အိုင်ယာလန် သံကိုယ်စားလှယ်က ပြောသွားတာ ဖြစ်ပါတယ်။

စက်တင်ဘာလ (၁၅) ရက်နေ့ကလည်း ရန်ကုန်ရှိ အမေရိကန်သံရုံးနဲ့ ဗြိတိန်သံရုံးအပါအဝင် သံရုံး (၉) ရုံးတို့က နိုဝင်ဘာလ ရွေးကောက်ပွဲ တွေ အတွင်း ဘာသာရေးကို ခုတုံးလုပ် အသုံးချမှုတွေလုပ်မှာ စိုးရိမ်တဲ့အကြောင်း ပူးတွဲကြေညာချက် ထုတ်ပြန်ကြေညာခဲ့တာဖြစ်ပါတယ်။ အခုလို ထုတ်ပြန်တာကို မြန်မာအစိုးရ နိုင်ငံခြားရေးဌာနက ဒီလိုထုတ်ပြန်တာဟာ မြန်မာပြည်သူတွေရဲ့ ကြိုးပမ်းအားထုတ်မှုကို လျစ်လျှူရှုရာ ရောက်တယ်လို့ တုံ့ပြန်ခဲ့သလို မြန်မာနိုင်ငံခြားရေးဌာနအနေနဲ့ ရွေးကောက်ပွဲအောင်မြင်စွာကျင်းပနိုင်ဖို့အတွက် အားပေးထောက်ခံမှုကို အသိအမှတ်ပြုပေမယ့် အပြုသဘောဆောင်တဲ့၊ မလိုလားအပ်တဲ့အခြေအနေမျိုး ဖြစ်ပေါ်စေနိုင်တာကို စိုးရိမ်မကင်းဖြစ်မိတယ်လို့လည်း တုံ့ပြန်ခဲ့ပါတယ်။ မြန်မာနိုင်ငံမှာ ဒီမိုကရေစီလှုပ်ရှားလုပ်ဆောင်တဲ့ဘောင် ကျဉ်းမြောင်းလာတယ်ဆိုတဲ့ စိုးရိမ်မကင်းဖြစ်မှုနဲ့ပတ်သက်လို့ လူ့အခွင့်အရေးကောင်စီမှာ ဝေဖန်ခံခဲ့ရမှုနဲ့ပတ်သက်လို့လည်း ညီလာခံကိုတက်ရောက်နေတဲ့ မြန်မာကိုယ်စားလှယ်က ပြီးခဲ့တဲ့သီတင်းပတ်က တုံ့ပြန်ခဲ့ရာမှာ ဖွဲ့စည်းပုံအခြေခံဥပဒေအရ မြန်မာနိုင်ငံမှာ လူမျိုးရေး၊ ဘာသာရေးနဲ့ ယဉ်ကျေးမှုကိုအခြေခံပြီး ခွဲခြားဆက်ဆံမှုကို တားမြစ်ထားတဲ့အကြောင်း တုံ့ပြန်ခဲ့တာလည်းဖြစ်ပါတယ်ရှင်။

VOA
http://burmese.voanews.com/content/internartional-watches-on-myanmar-2015-election-/2973483.html

↧

ပလိပ်ချည်စက် အလုပ်သမား ၇ဝဝ မတရားအလုပ်ထုတ်မှု ဆန္ဒပြ

September 21, 2015, 9:27 pm

≫ Next: NLD ကို မဲ ပေးပါ။ (Music Video) (ရုပ်-သံ)

≪ Previous: ၂၀၁၅ ရွေးကောက်ပွဲ နိုင်ငံတကာစောင့်ကြည့်

မန္တလေးတိုင်းဒေသကြီး စဉ့်ကိုင်မြို့နယ်က ပလိပ်ချည်မျှင်နဲ့ အထည်စက်ရုံကို တွေ့ရစဉ် Photo: RFA

မန္တလေးတိုင်းဒေသကြီး စဉ့်ကိုင်မြို့နယ်က ပလိပ်ချည်မျှင်နဲ့ အထည်စက်ရုံမှာ ခွင့် ၅ ရက်ယူတဲ့ အလုပ်သမားတွေကို အလုပ်ကနေ ထုတ်ပယ်တာတွေ ရှိနေတဲ့အတွက် အလုပ်သမား ၇ဝဝ ကျော်က မနေ့က စက်ရုံတွင်းမှာ မိုးပြာရောင်ဖဲကြိုး တပ်ဆင်ပြီး ကန့်ကွက်ကြပါတယ်။

အလုပ်သမားတွေအတွက် အလုပ်သမားဝန်ကြီးဌာနနဲ့ စက်ရုံပိုင်ရှင် ပန်ဒါကုမ္ပဏီတို့ ချုပ်ဆိုတဲ့ စာချုပ်မှာ ငါးရက်ခွင့်ယူရင် အလုပ်ကနေ ထုတ်ပယ်ခံရမယ် ဆိုတဲ့ စည်းကမ်းမပါဘူးလို့လည်း ပြောပါတယ်။ ဒါကြောင့် ဒီကိစ္စဟာ စည်းကမ်းလိုမျိုး ဖြစ်လာမှာစိုးတဲ့အတွက် ကန့်ကွက်တာဖြစ်တယ်လို့ ပလိပ်ချည်မျှင်နဲ့ အထည်စက်ရုံ အလုပ်သမား ကိုချမ်းမိုးအောင်က ပြောပါတယ်။

"စက်ရုံမှာရှိတဲ့ အဖွဲ့ဝင် ၇ဝဝ ကျော်လောက်ပေါ့၊ ဖဲကြိုးပြာတပ်ဆင်ပြီး အလုပ်လုပ် တယ်ပေါ့၊ တစ်လအတွင်း ခွင့်မဲ့ ၅ ရက်ပျက်ကွက်တယ်ဆိုပြီး အလုပ်ထုတ်ခြင်း ဆိုပြီးတော့ နောက်ထပ်ထုတ်တဲ့ စည်းကမ်းချက်ထဲမှာ ထပ်ထည့်လိုက်တဲ့အတွက် အလုပ်သမားတွေကမကျေနပ်ဘူးပေါ့၊ အလုပ်သမားတွေကို အဲ့အချက်တွေနဲ့ ပတ်သက်ပြီး ဆက်တိုက်ထုတ်နေတဲ့အနေအထားတွေလည်းရှိတယ်၊ ဒီလိုသာဆို အလုပ်သမားတွေအလုပ်လက်မဲ့ပိုဖြစ်လာနိုင်ဖွယ်ရှိတဲ့အတွက် ကျနော်ကဒီအချက်ကို ကန့်ကွက်ရတာပါ"

တစ်လအတွင်း ခွင့်ငါးရက်ယူလို့ဆိုပြီး အလုပ်သမားသမဂ္ဂအဖွဲ့ဝင် ၂ ဦးအပါအဝင် စုစုပေါင်း ၅ ဦးကို အလုပ်ကနေ ထုတ်ပယ်ထားတယ်လို့ သိရပါတယ်။

အဲဒီစက်ရုံမှာ အလုပ်သမား ၁၂ဝဝ လောက်ရှိပြီး မိုးပြာရောင်ဖဲကြိုးလှုပ်ရှားမှုမှာပါဝင်တဲ့ အလုပ်သမား ၇ဝဝ ကျော်ဟာ အရင်က အမှတ် ၁ စက်မှုဝန်ကြီးဌာန လက်အောက်ကနေ လွှဲပြောင်းခံရတဲ့ ဝန်ထမ်းတွေ အများစု ဖြစ်တယ်လို့ သိရပါတယ်။

RFA Burmese
http://www.rfa.org/burmese

↧

NLD ကို မဲ ပေးပါ။ (Music Video) (ရုပ်-သံ)

September 21, 2015, 10:24 pm

≫ Next: အထူးဒေသဘက် စပါးရောင်းချခွင့် ဒေသခံ အာဏာပိုင်များ ပိတ်ပင် ကျိုင်းတုံလယ်သမားများ အခက်တွေ့

≪ Previous: ပလိပ်ချည်စက် အလုပ်သမား ၇ဝဝ မတရားအလုပ်ထုတ်မှု ဆန္ဒပြ

ဒေါ်အောင်ဆန်းစုကြည် ကိုယ်တိုင် ရေးသားပြီး
ဒါရိုက်တာ ကြည်ဖြူသျှင် ရိုက်ကူးတဲ့
အရမ်း သိပ်ကိုကောင်းတဲ့ ... NLD ကို မဲ ပေးပါ။ (Music Video) ...

Nld ကိုမဲပေးပါ ... သားသားအတွက်မဲပေးပါ ... မီးမီးအတွက် မဲပေးပါ...

NLD ကို မဲ ပေးပါ။ (Music Video)

စာသား ... ဒေါ်အောင်ဆန်းစုကြည်

ပါဝင်သူများ .... ရုပ်ရှင် ဂီတ အနုပညာရှင်များ

ဒါရိုက်တာ .... ကြည်ဖြူသျှင်

တည်းဖြတ် ... နီသစ်
.
Credit : Ni Thit နီသစ်

↧

အထူးဒေသဘက် စပါးရောင်းချခွင့် ဒေသခံ အာဏာပိုင်များ ပိတ်ပင် ကျိုင်းတုံလယ်သမားများ အခက်တွေ့

September 22, 2015, 1:12 am

≫ Next: အပြည်ပြည်ဆိုင်ရာ ငြိမ်းချမ်းရေးနေ့တွင် RCSS/SSA နှင့် မြန်မာစစ်တပ်တို့အကြား တိုက်ပွဲများ ဖြစ်ပွား

≪ Previous: NLD ကို မဲ ပေးပါ။ (Music Video) (ရုပ်-သံ)

စက်တင်ဘာလ ၂၂ ရက် ၂၀၁၅

သျှမ်းပြည်အရှေ့ပိုင်း ကျိုင်းတုံမြို့ရှိ အစိုးရအာဏာပိုင်များက လယ်သမားများအား အထူး ဒေသ ၄ မိုင်းလား နှင့် အထူးဒေသ (၂) ၀ ဒေသဘက်သို့ စပါးသယ်ဆောင် ရောင်းချခွင့် ပိတ်ပင်ထားသည့်အတွက် ဒေသခံလယ်သမားများ အခက်တွေ့နေသည်ဟု စုံစမ်းသိရှိရ သည် ။

ထိုသို့ ဆန် စပါး တင်ပို့ရောင်းချခွင့်ပိတ်ပင်သည်မှာ လွန်ခဲ့သည့်ဂျွန်လကစပြီး ယနေ့တိုင် ဖြစ်သည်ဟုသိရသည် ။ စစ်ဆေးတွေ့မိပါက ဖမ်းဆီးအရေးယူမည် ဖြစ်ကြောင်း ပြောဆိုပါ သည် ။

ကျိုင်းတုံဒေသခံ စိုင်းနွဲ့က - “ ကျနော်တို့က တနှစ်မှာ ၂ ကြိမ် စပါးစိုက်တယ် ။ နွေစပါးနဲ့ မိုးစပါး ။ လယ်လုပ်ရင်တကြိမ် တကြိမ်အရင်းထည့်ရတာ မလွယ်ဘူး ။ သိန်းနဲ့ချီတယ်လေ ။ ဒီနှစ်က စပါးဈေးကျတယ် ။ မိုင်းလားဘက် ပို့မယ်ဆိုရင်လည်း ပို့ခွင့်မပေးပြန်ဘူး ။ ဆိုတော့ လယ်သမားတွေက အခက်အခဲတွေ့တာပေါ့ ။ ဒီလိုသာဖြစ်ရင်တော့ နောက်နှစ်တွေထဲမှာ လယ်လုပ်တဲ့သူတွေ မရှိမှာကိုဘဲစိုးရိမ်ရတယ် ” - ဟုပြောဆိုသည် ။

လယ်သမ များအား လုပ်အားခ တရက် ၇၀၀၀ မှ ကျပ် ၁၀၀၀၀ အထိပေးငှားရကြောင်း ၊ မြေဩဇာတအိတ်ကျပ် ၂ သောင်းထက်မနည်းပေးရကြောင်း ၊ ထို့ကြောင့် လယ်တကြိမ်စိုက် ပါက အရင်းအနှီးများပြားကြောင်း ကျိုင်းတုံသားများက ပြောဆိုပါသည် ။

စပါးကုန်သည်စိုင်းနွံက - “ ဒီနှစ်ကျနော်တို့ စပါးအဝယ်တော်အလုပ် မဖြစ်ဘူး ။ မိုင်းလားပို့ခွင့် မပေးဘူးကော် ။ ဆိုတော့ အခက်အခဲတော့ ရှိတာပေါ့ ကုန်သည်တွေအတွက်လည်း ။ ရွှေလီ ဘက်က ဈေးကွက်ရှာကြည့်နေတယ် အခု ။ အခွန်အခ မများရင် ၊ စပါးသယ်ခွင့်မပိတ်ရင် တော့ ဟိုဘက်ကို ယူသွားရောင်းနိုင်ဖို့လေ ” - ဟု ပြောသည် ။

ယခုနှစ်စပါးဈေးမှာ ၄၀ ကီလို တအိတ် ကျပ် ၉ ထောင်ရှိကြောင်း ၊ ယမန်နှစ်စပါးဈေးမှာ တအိတ်ကျပ် ၁၃၀၀၀ ရှိကြောင်း ၊ ဈေးနှုန်း ကျပ် ၄၀၀၀ ကျသွားကြောင်း ၊ ထိုသို့ဈေးကျ သော်လည်း အဝယ်တော်မရှိကြောင်း ၊ မကြာခင် ဆန်သစ်ထပ်ထွက်တော့မည် ဖြစ်သဖြင့် ယခုနှစ်ဆန်ဈေးမှာ ထပ်ကျဖွယ်သာရှိကြောင်း ကျိုင်းတုံဈေးအတွင်းမှ ဆန်ကုန်သည် အမျိုးသမီး ၂ ဦးကလည်းပြောသည် ။

ကျိုင်းတုံ လယ်သမားများအား မိုင်းလားသို့ စပါးပို့ခွင့်မပေး သကဲ့သို့ မိုင်းယောင်းဘက်တွင် လည်း မိုင်းယု-မိုင်းလားဘက်သို့ စပါးပို့ရောင်းခွင့် မပေးကြောင်း ၊ ထို့အတူ မိုင်းခတ် ၊ မိုင်းယန်း ဘက်မှ အထူးဒေသ (၂) ၀ ဒေသဘက်သို့လည်း သယ်ယူရောင်းချခွင့် မပေး ကြောင်း ၊ သိ၍ဖြစ်စေ မသိ၍ဖြစ်စေ သယ်ဆောင်သွားသူများ စပါးအသိမ်းခံရသည်များ လည်း ရှိကြောင်း ၊ ထိုသို့ပိတ်ပင်ထားခြင်းမှာ စပါးများကို ၀ နှင့် မိုင်းလားမှတဆင့် ကိုးကန့် ဘက်သို့ ပို့ဆောင်ရောင်းချမည်ကို စိုးရိမ်မှုကြောင့်ဖြစ်သည်ဟု လည်း ကျိုင်းတုံအာဏာပိုင် နှင့်နီးစပ်သည့် ဆန်ကုန်သည်များ ပြောပြချက်အရ သိရပါသည် ။

သျှမ်းသံတော်ဆင့်
https://www.facebook.com/Panglong.burmese

↧

အပြည်ပြည်ဆိုင်ရာ ငြိမ်းချမ်းရေးနေ့တွင် RCSS/SSA နှင့် မြန်မာစစ်တပ်တို့အကြား တိုက်ပွဲများ ဖြစ်ပွား

September 22, 2015, 1:14 am

≫ Next: တပ်မတော်နှင့်အဖွဲ့ချုပ်အကြား သံသယကင်းစွာဖြင့် ယုံကြည်စွာပူးပေါင်း ဆောင်ရွက်လိုကြောင်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ပြောကြား

≪ Previous: အထူးဒေသဘက် စပါးရောင်းချခွင့် ဒေသခံ အာဏာပိုင်များ ပိတ်ပင် ကျိုင်းတုံလယ်သမားများ အခက်တွေ့

စက်တင်ဘာလ ၂၂ ရက် ၂၀၁၅

စက်တင်ဘာလ ၂၁ ရက်နေ့တွင် ကျရောက်သော အပြည်ပြည်ဆိုင်ရာငြိမ်း ချမ်းရေးနေ့တွင် သျှမ်းပြည်ပြန်လည် ထူထောင်ရေးကောင်စီ သျှမ်းပြည်တပ် မတော် RCSS/SSA နှင့် မြန်မာစစ်တပ်တို့အကြား သျှမ်းပြည်နယ် အတွင်းရှိ အနည်းဆုံးနေရာ ၂ နေရာခန့်တွင် တိုက်ပွဲများ ဖြစ်ပွားခဲ့ကြောင်း သိရသည်။

“ဒီနေ့ မနက် ၈ နာရီကျော်မှာ ခလရ ၅၁၆ နဲ့ RCSS/SSA ရဲ့ ပျောက်ကျား တပ်တွေ နမ့်စန်မြို့နယ် ၀မ်နောင်ကုန်းမုန့် တိုက်နယ်နားက တောထဲမှာ ရင်ဆိုင်တိုက်ပွဲဖြစ်တယ်။ ညနေပိုင်းမှာ ရပ်စောက်မြို့နယ်မှာ တပွဲဖြစ်တယ် သူတို့ဘက်က အကျဆုံးရှိနိုင်ပေမဲ့ RCSS/SSA ဘက်ကတော့ မရှိပါဘူး ” - ဟု သျှမ်းပြည်ပြန်လည် ထူထောင်ရေးကောင်စီ RCSS မှ ပြောခွင့်ရ ဗိုလ်မှူးကြီးစိုင်းလှက ပြောသည်။

ရပ်စောက်မြို့နယ် မိုင်းယွန်းတိုက်နယ်တွင် ဖြစ်ပွားခဲ့သော တိုက်ပွဲမှာ အတန် ငယ်ပြင်းထန်ခဲ့ကြောင်းနှင့် တပ်မတော်မှ SSA တပ်များကိုလိုက်လံပိတ်ဆို့ တိုက်ခိုက်နေသည့်အတွက်တိုက်ပွဲများ ဖြစ်နေရခြင်း ဖြစ်ကြောင်း ဗိုလ်မှူးကြီး စိုင်းလှက ဆိုသည်။

သျှမ်းပြည်တပ်မတော် တောင်ပိုင်း၏ RCSS/SSA တပ်များကို ထိုင်းမြန်မာ နယ်စပ် မိုင်းထားဒေသသို့ ရွှေ့ပြောင်း ပေးရန် မြန်မာစစ်တပ်ဘက်မှ ညွှန် ကြားခဲ့သည့် နောက်ပိုင်း မြန်မာစစ်တပ်နှင့် ရှမ်းပြည်တပ်မတော်တို့အကြား ထိတွေ့မှုများနှင့် တိုက်ပွဲများ ပြန်လည်ဖြစ်ပွားလာခဲ့ခြင်း ဖြစ်ပြီး ခိုလမ်ဒေသ တွင် ဖြစ်ပွားခဲ့သည့် တိုက်ပွဲတွင် မြန်မာစစ်တပ်ဘက်မှ လေယာဉ်နှင့် ရဟတ်ယာဉ်များကိုပါ အသုံးပြုခဲ့သည်။

တိုက်ပွဲများကြောင့် ရန်ကုန်တွင်စက်တင်ဘာလ ၂၀ ရက်နေ့က ပြုလုပ် သည့် ငြိမ်းချမ်းရေးဆွေးနွေးပွဲသို့ RCSS/SSA မှ တက်ရောက်ခြင်း မပြုခဲ့ပေ။ တိုက်ပွဲများမှာ စက်တင်ဘာလ ၇ ရက်နေ့မှစ၍ ပြန်လည်ဖြစ်ပွားနေခြင်းြ ဖစ်ပြီး ဒေသခံအရပ်သားအချို့မှာလည်း မြန်မာစစ်တပ်၏ ပစ်ခတ်မှုကြောင့် ထိခိုက်သေဆုံးမှုများ ရှိခဲ့သည်။

သျှမ်းပြည်နယ်အတွင်းရှိ တိုက်ပွဲများကိစ္စ ဖြေရှင်းပေးမှသာ နိုင်ငံလုံးဆိုင်ရာ အပစ်ခတ်ရပ်စဲရေးတွင် ဆက်လက်ပါဝင်ရန် စဉ်းစားမည်ဟုလည်း RCSS/ SSA မှ သတင်းမီဒီယာများကို ပြောဆိုထားသည်။

“အခုက အစိုးရက ရန်ကုန်မှာက ဆွေးနွေးလိုက် အောက်ခြေမှာက တမျိုးဖြစ် လိုက်ဖြစ်နေတယ်။ မလွဲ မရှောင် သာ ဖြစ်တာလား တကယ်ရည်ရွယ်ချက် ရှိရှိဖြစ်နေတာလား မေးရတော့မယ်။ ဒီလို အချိန်မှာ တိုက်ပွဲတွေ ဖြစ် နေ တာဟာ ယုံကြည်မှု ပျက်ပြားစေပြီး ငြိမ်းချမ်းရေးကိုလည်း ထိခိုက်စေတယ် ” - ဟု သျှမ်းတိုင်းရင်းသားများ ဒီမိုကရေစီအဖွဲ့ချုပ်မှ အထွေထွေအတွင်းရေးမှူး ဦးစိုင်းညွှန့်လွင်က သျှမ်းသံတော်ဆင့်သို့ ပြောသည်။

အစိုးရမှ နိုင်ငံလုံးဆိုင်ရာ အပစ်ခတ်ရပ်စဲရေးကို အောက်တိုဘာလ ပထမ အပတ်အတွင်းပြုလုပ်မည်ဟု ကြေငြာ ခဲ့သော်လည်း တိုင်းရင်းသား လက်နက် ကိုင်အဖွဲ့တော်တော်များများမှာ အားလုံးပါဝင်သည့် အပစ်ခတ်ရပ် စဲရေး ဖြစ် လာရန် တောင်းဆိုနေသောကြောင့် လက်ရှိအနေထားအရ စစ်မှန်သည့် ပြည် လုံးကျွတ်အပစ်ခတ်ရပ်စဲရေး ဖြစ်လာရန် မလွယ်သေးဟု လေ့လာသူများက သုံးသပ်နေကြပါသည်။

သျှမ်းသံတော်ဆင့်/စိုင်းအောင်ဆိုင်း ( ပင်လုံ)
https://www.facebook.com/Panglong.burmese

↧

တပ်မတော်နှင့်အဖွဲ့ချုပ်အကြား သံသယကင်းစွာဖြင့် ယုံကြည်စွာပူးပေါင်း ဆောင်ရွက်လိုကြောင်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ပြောကြား

September 22, 2015, 1:48 am

≫ Next: တောင်ကိုရီးယားတွင် စစ်မှုထမ်းရန် တိမ်းရှောင်သည့်လူငယ် ပိုများလာ

≪ Previous: အပြည်ပြည်ဆိုင်ရာ ငြိမ်းချမ်းရေးနေ့တွင် RCSS/SSA နှင့် မြန်မာစစ်တပ်တို့အကြား တိုက်ပွဲများ ဖြစ်ပွား

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏
နိုင်ငံပိုင်ရုပ်သံလိုင်းများမှ ထုတ်လွှင့်ဟောပြောမှုကို စက်တင်ဘာလ ၂၁ ရက်နေ့ ယနေ့ည ၇ နာရီတွင် ထုတ်လွှင့်ခဲ့ရာ ဥက္ကဋ္ဌအနေဖြင့် တပ်မတော်နှင့် အဖွဲ့ချုပ်အကြားတွင် သံသယများဖယ်ရှားကာ ဒီမိုကရေစီအရေးအတွက် ယုံကြည်စွာပူးပေါင်းဆောင်ရွက်သွားလိုကြောင်း ထည့်သွင်းပြောကြား သွားခဲ့သည်။

" တချို့ကပြောပါတယ်။၂၇ နှစ်ကျော်ကြာအတိုက်အခံအနေနဲ့ရပ်တည်ခဲ့တဲ့
အဖွဲ့ချုပ်ဟာ နိုင်ငံအစိုးရ တာဝန်ကိုထမ်းဆောင်နိုင်ဖို့အရည်အချင်းရှိနိုင်ပါ့မလားပေါ့။
ရှိနိုင်ရုံတင်မက ရှိကိုရှိပါတယ်။ တကယ်တမ်း တာဝန်တစ်ရပ်ကိုကျေပွန်စွာ
ထမ်းဆောင်ဖို့ သိရမယ့်အသိတရားနှစ်ရပ် ရှိပါတယ်။ အဲဒါကတော့ ဘာမလုပ်သင့်၊ ဘာလုပ်သင့်ပါပဲ။ ဘာမလုပ်သင့်ဘူးဆိုတာကတော့ လွန်ခဲ့တဲ့နှစ်ပေါင်း ၅၀ အတွင်း မြန်မာနိုင်ငံကို အရှေ့တောင်အာရှရဲ့ အတောက်ပဆုံးကြယ်အဖြစ်ကနေ မှေးမှိန် သေးသိမ်တဲ့ အခြားဂြိုဟ်လေးအဖြစ် ရောက်ရှိသွားစေတဲ့ အဖြစ်ကနေ သင်ခန်းစာတွေ
အများကြီးရခဲ့ပါတယ်။ ဘာတွေလုပ်သင့်တယ်ဆိုတာကတော့ ပြည်သူတွေက
သင်ကြားပေးလို့ သိနေရတာဖြစ်ပါတယ်" ဟု ပြောကြားခဲ့သည်။

ဒီမိုကရေစီပြုပြင်ပြောင်းလဲရေးနှင့်ပတ်သက်၍ အမျိုးသားဒီမိုကရေစီအဖွဲ့ချုပ်နှင့် မြန်မာ့တပ်မတော်အမြင်သည် တစ်ထပ်တည်းမဟုတ်ကြောင်းပြည်သူ ပြည်သားများ
အသိဖြစ်ကြောင်းလည်း ပြောကြားခဲ့သည်။" ဖွဲ့စည်းပုံအခြေခံဥပဒေပြင်ဆင်ရေးနဲ့ လာမယ့်ရွေးကောက်ပွဲတွေမှာ ထွက်ပေါ်လာမယ့် ပြည်သူ့ဆန္ဒကို လေးစားလိုက်နာမှု
ကာကွယ်မှု အပါအဝင် နိုင်ငံရဲ့ကံကြမ္မာဖန်တီးဖို့အတွက် လိုအပ်တဲ့ကိစ္စအဝဝမှာ တပ်မတော်နဲ့ပြည်သူ တစ်သားတည်းရှိဖို့ လေးလေးနက်နက်လိုလားနေကြတယ်။
အမျိုးသားဒီမိုကရေစီအဖွဲ့ချုပ်ဟာ မြန်မာ့တပ်မတော်ကို ဒီမိုကရေစီစံနှုန်းစံညွှန်းတွေနဲ့ အညီ တိုးတက်ခေတ်မီပြည့်စုံစွာ ပြည်သူတွေလေးစားချစ်ခင်မှုကြောင့် ကမ္ဘာ့အလယ်` လေးစားတင့်တယ်တဲ့ တပ်မတော်ဖြစ်စေချင်တယ်" ဟု ပြောကြားသွားခဲ့သည်။ ထို့ပြင် အမျိုးသားဒီမိုကရေစီ အဖွဲ့ချုပ်အနေဖြင့် ပြည်သူ့ဆန္ဒအပေါ်အခြေခံပြီး
ကဏ္ဍလေးရပ်သတ်မှတ်ထား၍ ဆောင်ရွက်သွားမည်ဖြစ်ကြောင်း ကတိပြုပြောကြားခဲ့သည်။ အမျိုးသားဒီမိုကရေစီ အဖွဲ့ချုပ်အနေဖြင့် ပြည်သူ့ဆန္ဒကို လေးစားလိုက်နာသွားမည်ဟု
ပြောကြားခဲ့သည်။

MWT
The Ladies News Journal

↧

တောင်ကိုရီးယားတွင် စစ်မှုထမ်းရန် တိမ်းရှောင်သည့်လူငယ် ပိုများလာ

September 22, 2015, 1:51 am

≫ Next: မန်စီတိုက်ပွဲကြောင့် ရွာသားများ စစ်ဘေးတိမ်းရှောင် ထွက်ပြေးနေရ

≪ Previous: တပ်မတော်နှင့်အဖွဲ့ချုပ်အကြား သံသယကင်းစွာဖြင့် ယုံကြည်စွာပူးပေါင်း ဆောင်ရွက်လိုကြောင်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ပြောကြား

လွန်ခဲ့သော ၁၃ နှစ်က မိခင်ကိုရီးယားနိုင်ငံကို စွန့်ခွာကာ အမေရိကန်နိုင်ငံတွင်အမေရိကန်နိုင်ငံသားအဖြစ် ဘ၀သစ်စတင်ခဲ့သည့် မစ္စတာယူးသည် တောင်ကိုရီးယားတွင်
စစ်မှုထမ်းရန် ပျက်ကွက်ခဲ့ခြင်းအတွက် ပြီးခဲ့သည့် လအနည်းငယ်က လူသိရှင်ကြားတောင်းပန်ခဲ့သည်။ ကိုရီးယားအဆိုတော်နှင့် သရုပ်ဆောင်ဖြစ်သူ မစ္စတာယူးမှာ ယခုအခါ
ဇာတိမြေသို့ပြန်လိုသော်လည်း နောက်ကျခဲ့ပြီဖြစ်သည်။ တောင်ကိုရီးယား၏စစ်မှုမထမ်းမနေရ ဥပဒေကိုတိမ်းရှောင်သည်ဟု သံသယရှိသဖြင့် မစ်္စတာယူးမှာ
နိုင်ငံသို့ပြန် လာခွင့်ပိတ်ပင်ခံထားရသည်။ မစ္စတာယူး၏ အဖြစ်အပျက်ကြောင့် PGAပြိုင်ပွဲဝင် ကိုရီးယားဂေါက်သီးသမား ဘေဆန်မွန်းသည်
သူ၏အားကစားလှုပ်ရှားမှုများကို ဇူလိုင်လက ရပ်တန့်ကာ ကိုရီးယားသို့ ပြန်လာပြီးစစ်မှုထမ်းခဲ့သည်။ ဘေသည် လာမည့်နွေရာသီတွင်ပြုလုပ်မည့် ရီယို ၂၀၁၆ အိုလံပစ်တွင်
ပါဝင်ခွင့်ရရန်မျှော်လင့်နေပြီး ပြိုင်ပွဲတွင် ဆုတံဆိပ်ရရှိပါကစစ်မှုထမ်းခြင်းမှ ကင်းလွတ်ခွင့်ရမည် ဖြစ်သည်။

ကိုရီးယားလူမျိုးအများအပြားအနေဖြင့် နိုင်ငံမှာ မြောက်ကိုရီးယားနှင့်စစ်ပွဲဆက်လက်ဖြစ်ပွားနေဆဲဟု ခံယူထားသဖြင့် စစ်မှုထမ်းခြင်းမှာ အရေးပါသည့်
တာဝန်ဖြစ်သည်။ သို့သော် စစ်မှုထမ်းရန် တိမ်းရှောင်သူများ ပိုမိုများပြားလာပြီးနိုင်ငံသား ၂ မျိုးခံယူထားသည့် နေထိုင်သူများသည်အသက် ၁၈ နှစ်ပြည့်လျှင်
တစ်မျိုးကိုစွန့်လွှတ် ရမည်ဖြစ်သည်။ စစ်မှုထမ်းမှုကိုရှောင်တိမ်းရန်အကြောင်းပြချက် ကောင်းကောင်းမရှိသည့်သူများမှာစစ်မှုထမ်းခြင်းကင်းလွတ်ခွင့်ရသည့် အသက် ဖြစ်သော ၃၇ နှစ်ရောက်သည်အထိ
နိုင်ငံခြားတွင်နေရန် ရွေးချယ်လေ့ရှိသည်။ နောက်ဆုံးရအချက်အလက် များအရရာထူးမြင့်အစိုးရအရာရှိ ၁၈ ဦး၏သားများမှာ ကိုရီးယားနိုင်ငံသားအဖြစ်မှ
စွန့်လွှတ်ထားကြသည်ဟုဆိုသည်။ စစ်မှုထမ်းခြင်းမှ ကင်းလွတ်ခဲ့သည့်ကိုရီးယားလူငယ်အရေအတွက်မှာ ၂၀၁၃ တွင် ၃,၀၀၀ ခန့်ရှိရာမှ ၂၀၁၄ တွင် ၄,၄၀၀
နီးပါးအထိမြင့်တက်ခဲ့သည်။ ၎င်းင်းတို့အနက် အများစုမှာအမေရိကန်နိုင်ငံသားအဖြစ်ရွေးချယ်ကြပြီး အခြားသူများမှာ ကနေဒါ၊ သြစတြေးလျနှင့်
နယူးဇီလန်နိုင်ငံ သားများအဖြစ် ရွေးချယ်ခဲ့ကြသည်။ ဥပဒေပြုလွှတ်တော်အမတ်အချို့ကထိုသို့ ရှောင်ရှားမှုများကို ပိုမိုတင်းကျပ်ရန် ကြိုးစားလျက်ရှိသည်။

KHTun

↧

မန်စီတိုက်ပွဲကြောင့် ရွာသားများ စစ်ဘေးတိမ်းရှောင် ထွက်ပြေးနေရ

September 22, 2015, 1:57 am

≫ Next: ဖဲကြိုးဝါ လှုပ်ရှားမှု ကော့သောင်းမြို့အထိ ဆက်လက်ပျံ့နှံ့

≪ Previous: တောင်ကိုရီးယားတွင် စစ်မှုထမ်းရန် တိမ်းရှောင်သည့်လူငယ် ပိုများလာ

ကချင်ပြည်နယ် မန်စီမြို့နယ်အတွင်းက လိုင်ကာကျေးရွာအနီး အစိုးရတပ်နဲ့ ကချင်လွတ်လပ်ရေးတပ်မတော်တို့အကြား တိုက်ပွဲတွေ ဖြစ်ပွားနေတဲ့အတွက် အနီးအနား ကျေးရွာ ၆ ရွာလောက်က ရွာသူရွာသားတွေ ဘေးလွတ်ရာ ထွက်ပြေးတိမ်းရှောင် နေကြရပါတယ်။

တိုက်ပွဲကြောင့် လိုင်ကာ၊ ဇုပ်ဂျာ၊ ဂျေဆောန်၊ မုန်းလူ၊ ဖတ်ကာရိုင်နဲ့ ကုန်ခါးပါ ကျေးရွာတွေက ရွာသူရွာသားတွေဟာ မိုင်းခေါင်ကျေးရွာဘက်ကို ထွက်ပြေးခိုလှုံနေကြ ရတယ်လို့လည်း မိုင်းခေါင်ကျေးရွာက ကချင်နှစ်ခြင်းခရစ်ယာန်အသင်း (ကေဘီစီ) က ဆရာခါးအောင်က ပြောပါတယ်။

“ဒီ ကေဘီစီ စခန်းမှာတော့ ၁၉၀ ကျော်ရှိနေပြီ။ အခုက သူတို့က သိပ်ပြီးအဆင်မပြေဘူး။ မနေ့တုန်းကတော့ ယူအန်အိပ်ခ်ျစီအာ ကူညီထောက်ပံ့ရေးအဖွဲ့က အကူအညီပစ္စည်း နည်းနည်းပဲ လာပို့ထားသေးတယ်။ အဲဒါကြောင့် တချို့ ဒီမှာ စောင်တွေ၊ အ၀တ်အစားလည်း ဘာမှမပါကြဘူး။ နောက်ပြီးတော့ ဂျေဆောန်မှာ ကျောင်းက မူလတန်းအထိ ဖွင့်ထားတာရှိတယ်။ အဲဒါကလည်း ထွက်ပြေးလာကြတယ်။ စာအုပ်စာတန်းတွေ ဘာမှမပါဘူး။ ဒီတိုင်း ကိုယ်လွတ်ပဲ တောလမ်းကနေ ထွက်ပြေးလာကြတယ်။ ကျောင်းသူကျောင်းသားတွေကတော့ ၃၅ ယောက်ရှိတယ်လို့ ဆရာဆရာမတွေက ပြောပါတယ်။”

မိုင်းခေါင်က ကေဘီစီ ဒုက္ခသည်စခန်းအပြင် အာစီကျောင်းတွေမှာလည်း သွားရောက်ခိုလှုံတာတွေ ရှိတယ်လို့လည်း ဆရာခါးအောင်က ပြောပါတယ်။

ဒီကနေ့မှာလည်း တိုက်ပွဲတွေ ဆက်လက်ဖြစ်ပွားနေပြီး လက်ရှိ ဒုက္ခသည်တွေနေတဲ့ နေရာဟာလည်း အစိုးရတပ်နဲ့ နီးတဲ့အတွက် စိုးရိမ်ရတဲ့ အနေအထား ရှိတယ်လို့လည်း ပြောပါတယ်။

“ဒီမနက်ရော ကျနော်တို့ အိပ်ယာမထခင် ၅ နာရီလောက် ပြန်ပြီး လက်နက်ကြီးတွေနဲ့ ထုနေတယ်။ တခု စိုးရိမ်စရာ ကောင်းတာကတော့ ကေဘီစီအိုင်ဒီပီကမ်းနဲ့ ဒီမိုင်းခေါင်တပ်စခန်းက ကျောကပ်ပဲ။ ကပ်တော့ မိုင်းခေါင်နဲ့ တိုက်ပွဲဖြစ်တဲ့ လိုင်ကာဆိုတာတော့ တမိုင်ကျော်ပဲ ရှိတာပေါ့နော်။ အဲဒီဘက် လက်နက်ကြီးတွေနဲ့ ပစ်ကူနေတယ်။ ဆိုတော့ တကယ်လို့များ ကေအိုင်အေကနေပြီး ဒီမိုင်းခေါင်တပ်ကို လက်နက်ကြီးတွေနဲ့ ပြန်ပစ်လာမယ်ဆိုရင် ဒုက္ခသည်စခန်းကတော့ စိုးရိမ်စရာရှိတာပေါ့။”

အဆိုပါဒေသမှာ အခုလ ၁၈ ရက်နေ့ကတည်းက တိုက်ပွဲဖြစ်ပွားနေတာဖြစ်ပြီး အဲဒီဒေသက ကေအိုင်အေ ရှေ့တန်းစခန်း တချို့ကိုလည်း အစိုးရတပ်က သိမ်းယူခဲ့တာတွေ ရှိခဲ့ပါတယ်။

တနိုင်ငံလုံး အပစ်ခတ်ရပ်စဲနိုင်လို့ ကချင်ခေါင်းဆောင်တွေ အပါအ၀င် တိုင်းရင်းသား လက်နက်ကိုင် အဖွဲ့ခေါင်းဆောင်တွေက ကြိုးပမ်းဆောင်ရွက်နေချိန်မှာ အခုလို တိုက်ပွဲ ဆက်ဖြစ်ပွားနေတာ ဖြစ်ပါတယ်။

ဓာတ်ပုံ – ဆရာခါးအောင်
By နော်နိုရင်း /DVB
http://burmese.dvb.no/archives/113059

↧

ဖဲကြိုးဝါ လှုပ်ရှားမှု ကော့သောင်းမြို့အထိ ဆက်လက်ပျံ့နှံ့

September 22, 2015, 5:06 pm

≫ Next: ဘာသာရေးကို နိုင်ငံရေးအတွက် အသုံးပြုနေမှုမှာ အခြေခံဥပဒေကို ချိုးဖောက်ရာ ရောက်နေပြီး ၄င်းတို့ကို အစိုးရက ဘာကြောင့်လွှတ်ထားသလဲဟုဒေါ်အောင်ဆန်းစုကြည် မေးခွန်းထုတ်ခဲ့

≪ Previous: မန်စီတိုက်ပွဲကြောင့် ရွာသားများ စစ်ဘေးတိမ်းရှောင် ထွက်ပြေးနေရ

ရှေ့နေတွေရဲ့ အဝါရောင်ဖဲကြိုး လှုပ်ရှားမှုကို စက်တင်ဘာလ ၁၁ ရက်နေ့က ရန်ကုန်မြို့မှာ စတင်စဉ်

ပြည်ထောင်စု တရားလွှတ်တော်ချုပ်ရုံးမှာ တပ်မတော်အရာရှိဟောင်းတွေကို အဆင့်မြင့်ရာထူးတွေမှာ ခန့်အပ်လိုက်တာကို တနင်္သာရီတိုင်းဒေသကြီး ကော့သောင်းမြို့နယ်က ရှေ့နေတွေက ဖဲကြိုးအဝါတွေ တပ်ဆင်ပြီး ကန့်ကွက်နေကြပါတယ်။

အဲဒီလိုခန့်အပ်ထားတာကို မကျေနပ်တဲ့အတွက် ဆန့်ကျင်ကန့်ကွက်တာဖြစ်တယ်လို့ ဖဲကြိုးအ၀ါလှုပ်ရှားမှုမှာပါဝင် တဲ့ ရှေ့နေ ဦးအောင်ဇာနည်စိုးက ပြောပါတယ်။

"တခြားမြို့တွေမှာလုပ်သလို တရားစီရင်ရေးဌာနတွေမှာ တပ်မတော်ကနေပြီးတော့ တရားစီရင်ရေးအရာရှိ အဖြစ် ရောက်လာတဲ့အပေါ်မှာ ကျနော်တို့က သဘောမတူဘူး၊ ကန့်ကွက်တယ်ဆိုတဲ့ဟာကို ပြတာ ပါ၊ နောက်တစ်ခုက တောင်းဆိုထားတဲ့ဟာကို မရမချင်း ကျနော်တို့က လုပ်သွားမယ်ခင်ဗျ၊ ကျနော်တို့က တစ်လ၊ နှစ်လ သတ်မှတ်တာမဟုတ်ဘဲနဲ့ ကျန်တဲ့တခြားမြို့က ရှေ့နေအဖွဲ့တွေ သူတို့တောင်းဆိုထားတဲ့ဟာ လိုတာရတဲ့အချိန်အထိ ကျနော်တို့လုပ်မှာပါ"

အဲဒီလှုပ်ရှားမှုကို ကော့သောင်းမြို့နယ် တရားရုံးနဲ့ ခရိုင်တရားရုံးမှာ ရှေ့နေ ၂၀ နီးပါး ပါဝင်ခဲ့ပါတယ်။ ဖဲကြိုး အဝါတွေကို ပြီးခဲ့တဲ့ စက်တင်ဘာလ ၁၅ရက်နေ့ကစပြီး လုပ်ငန်းခွင်ထဲမှာ တပ်ဆင်ဖို့ ရှေ့နေတွေထံ ဖြန့်ဝေ ခဲ့တယ်လို့လည်း သိရပါတယ်။ အဲဒီလိုလှုပ်ရှားမှုတွေကို နေပြည်တော်၊ ပြည်၊ တောင်ကြီး၊ ရန်ကုန်၊ မန္တလေး၊ လားရှိုးနဲ့ စစ်တွေမြို့တို့မှာလည်း ပြုလုပ်ခဲ့ကြပါတယ်။အခုလို တပ်မတော် အငြိမ်းစားအရာရှိတွေကို အရပ်ဘက် ဝန်ကြီးဌာနတွေမှာ အဆင့်မြင့်ရာထူးတွေ ခန့်အပ်လိုက်တဲ့အပေါ် ဆန့်ကျင်ကန့်ကွက်တဲ့ ဖဲကြိုးတပ်လှုပ်ရှားမှုတွေ ဒီရက်ထဲ ဆက်တိုက်ပေါ်ပေါက်လာနေပါတယ်....

RFA
http://www.rfa.org/burmese/news/yellow-ribbon-campaign-kawthaung-09222015105535.html

↧

ဘာသာရေးကို နိုင်ငံရေးအတွက် အသုံးပြုနေမှုမှာ အခြေခံဥပဒေကို ချိုးဖောက်ရာ ရောက်နေပြီး ၄င်းတို့ကို အစိုးရက ဘာကြောင့်လွှတ်ထားသလဲဟုဒေါ်အောင်ဆန်းစုကြည် မေးခွန်းထုတ်ခဲ့

September 22, 2015, 5:54 pm

≫ Next: ကျွန်တော် နှင့်ထောင်နီးနားချင်းများ ERO သို့ မဟုတ် အဖြေတွေ့သွားသောကျောင်းဆရာ -ဇာဂနာ

≪ Previous: ဖဲကြိုးဝါ လှုပ်ရှားမှု ကော့သောင်းမြို့အထိ ဆက်လက်ပျံ့နှံ့

အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်ဟာ စက်တင်ဘာ ၂၂ ရက်က ရန်ကုန်တိုင်း ကော့မှူးမြို့နယ်၊ ကွမ်းခြံကုန်းမြို့နယ်နဲ့ ဧရာဝတီတိုင်းဒေသကြီး ဒေးဒရဲမြို့တွေမှာ ဒေသခံလူထုနှင့် တွေ့ဆုံကာ ရွေးကောက်ပွဲအောင်နိုင်ရေးမဲဆွယ်စည်းရုံးဟောပြောခဲ့ပါတယ်။

‘ဘာသာရေးနဲ့နိုင်ငံရေးကို မရောယှက်ရဘူး။ ဘာသာရေးကို နိုင်ငံရေးအတွက် မသုံးရဘူးဆိုတာ ဖွဲ့စည်းပုံ အခြေခံဥပဒေမှာ ပါပါတယ်။ အဲ့ဒီလိုလုပ်နေတဲ့သူတွေဟာဖွဲ့စည်းပုံအခြေခံဥပဒေကို ချိုးဖောက်ရာရောက်ပါတယ်။ ဖွဲ့စည်းပုံအခြေခံဥပဒေကို ချိုးဖောက်တဲ့သူတွေကို အစိုးရအနေနဲ့ ဘာလို့လွှတ်ထားလဲဆိုတာမေးခွန်းထုတ်စရာ ဖြစ်နေပါတယ်။ ဒီလိုတိုက်ခိုက်မှုတွေနဲ့ ပတ်သက်လို့ ပြည်သူလူထုက အများကြီးသတိထားရပါမယ်။ ပဋိပက္ခ ဖြစ်အောင် လုပ်နေတာလား။ ပြည်သူတွေရဲ့ကြားမှာ မတည်ငြိမ်အောင် လုပ်နေတာလား၊ဒါကြောင့်မို့လို့ ဒေါသကို ချုပ်တည်းပါ။ ’’ ကွမ်းခြံကုန်းမြို့နယ်မှာ ဒေသခံလူထုနှင့်တွေ့ဆုံကာ ရွေးကောက်ပွဲအောင်နိုင်ရေး မဲဆွယ်စည်းရုံး ဟောပြောမှုမှာ သတိပေးပြောခဲ့ပါတယ်။

Eleven Myanmar

↧

ကျွန်တော် နှင့်ထောင်နီးနားချင်းများ ERO သို့ မဟုတ် အဖြေတွေ့သွားသောကျောင်းဆရာ -ဇာဂနာ

September 22, 2015, 6:00 pm

≫ Next: လွဲ စာရင်းများနဲ့ အလွဲ တိုင်းပြည်

≪ Previous: ဘာသာရေးကို နိုင်ငံရေးအတွက် အသုံးပြုနေမှုမှာ အခြေခံဥပဒေကို ချိုးဖောက်ရာ ရောက်နေပြီး ၄င်းတို့ကို အစိုးရက ဘာကြောင့်လွှတ်ထားသလဲဟုဒေါ်အောင်ဆန်းစုကြည် မေးခွန်းထုတ်ခဲ့

နှစ်ထောင့်ငါးခု နှစ်ထောင့်ခြောက်ခု တစ်ဝိုက်မှာ မြန်မာပြည်ထဲ ခေတ်စားသွားတာတစ်ခုရှိသည်။ဘလော်ဂ် တွင် စာ ရေးခြင်းဖြစ်၏။အမှန်ကတော့ ၀က်ဘ် ဘလော့ဂ် ဖြစ်သည်။ထို ၀က်ဘ် ဘလော့ဂ် ပေါ်တွင် မြန်မာလို စာရေးသားနိုင်ကြသဖြင့် မြန်မာစာရေးဆရာတော်တော် များများက သဘောကျကြသည်။သို့ သော် အင်တာနက် နှင့်မရင်းနှီးကြ။သည်တော့ လူငယ် စာရေးဆရာများသာ နေရာယူကြတော့၏။ထိုလူငယ် စာရေးဆရာများထဲတွင် နေဘုန်းလတ်၊ညီလင်းဆက်၊စိုးဇေယျာထွန်း။ဇော်ဇော်မျိုးလွင်တို့ ကား နာမည်ကျော် များဖြစ်ကြသည်။သူတို့ ကို ဘလော်ဂါများဟုခေါ်ကြ၏။MBA ခေါ် မြန်မာဘလောဂ်ဂါ အဖွဲ့ အစည်း ပင်ပေါ်ပေါက်ခဲ့ဖူးသည်။

ကျွန်တော် ပင်လျင် ဇာ၈နာ ဘလော်ဂ် ဟု ရေးသားခဲ့ဖူးသည်။ထိုသို့ ရေးသားခဲ့ခြင့်ကြောင့် ပင် အင်တာနက် ဆက်သွယ်ရေး အက်ဥပဒေ နှင့် တရားစွဲခံရကာ ထောင် ကျခဲ့ရခြင်းဖြစ်သည်။ဒါတွေ အားလုံး၏ အဓိက လက်သည် တရားခံမှာ နေဘုန်းလတ် ပင်ဖြစ်သည်။သူသင်ပေးလို့ ကျွန်တော် ရေးတတ်သွားတာလည်းဖြစ်သည်။တကယ်တမ်းသူ့ ဖက်ကလည်းပြောစရာ ရှိ၏။သူဖမ်းခံသွားရတာ ကျွန့် စနက် မကင်းချေ။တစ်ယောက်တစ်လှည့်ဟု ဆိုပါတော့။

၂၀၀ရခုနှစ် ရေအ၀ါေ၇ာင်တော်လှန်ရေးစတော့ ဘလော့ဂ်ပေါ်မှာ သတင်းတွေ တင်ကြသည်။သံဃာတော် များ ချီတက်လာသည့် ဓါတ်ပုံတွေကို အလုအယက် ရိုက် အလျင်အမြန်တင်ကြသည့်အထဲ သူလဲပါလေသည်။ကျွန်တော် ဖမ်းခံသွားရတော့ သူ နှင့် ကျွန်တော် အဆက်ပြတ်သွားသည်။၂၀၀ရခုနှစ်၏ဆောင်းရက်တွေထဲမှာ ကျွန်တော် ပြန်လွတ်လာတော့သီးလေးသီးအဖွဲ့ ကိုမျှော်စင်ကျွန်းမှာ ပွဲ ကဖို့ စီစဉ်လိုက်၏။ဖြစ်ချင်တော့ ထိုအငြိမ့်ပွဲ ကတော်တော် အောင်မြင်သည်။ကုလသမ၈ ကိုယ်စားလှယ် ဂမ်ဘာရီကိုသရော်သည့် ပြက် လုံး က တော်တော် ထိသွားသည်။အစိုးရဖက်က လဲ အစာမကြေ။သီးလေးသီး ကို အရေးယူဖို့  ပြင်ဆင်ချိန်မှာပဲ သီးလေးသီးက ယိုးဒယားသို့ ရောက်သွားခဲ့ချေပြီ။

သီးလေးသီး အငြိမ့် လူကြိုက်တာမှန်သည်။သို့ သော် လှည်းနေလှေအောင်းမြင်းဇောင်းမကျန် ပြန့် နှံ့ သွားတာကတော့ နေဘုန်းလတ် ၏စွမ်းပကားဖြစ်သည်။ထိုစဉ်က ကွန်ပျူတာ နှင့် နီးစပ်သူ တော်တော် နည်းသော ကာလမှာ နေဘုန်းလတ်သည် ပြည်သူ့ ဘက်တော်သားဖြစ်။အမေတူ သွေးက စကားပြောလေသည်။NLDကြေညာချက်၊DVB အခွေဆိုတာတွေမှန်သမျှ သူ့ လက်ရာနှင့်မကင်း။သူ က ကွန်ပျူတာဖြင့်အခွေကူးသည့် စက်ကို ကိုယ့်ဖာသာ ကိုယ် အိမ်မှာ ဆင်ထားသည်။သည်တုန်း က သူတို့ နေတာ သုဝဏ မှာ။NLD က အပွားလေး အောင် ထွန်း က ခြေမြန်တော်။အခွေမှန်သမျှ သယ်လာပြီးနေဘုန်းလတ် ကိုပေးသည်။နေဘုန်းလတ်က ဒိုင်ခံကူးပေး၏။နောက်တော့ အောင်ထွန်း(ခေါ်)အပွားလေးတို့ ကပဲ ဖြန့်ချိ ရလေတော့သည်။

သီးလေးသီးအငြိမ့်ခွေအားလုံး ကို နေဘုန်းလတ် တစ်ယောက်ထည်း ဒိုင်ခံ ကူးတာဖြစ်သည်။DVBကိုပို့ တာလည်းသူပဲ ဖြစ်၏။သီးလေးသီး မဲဆောက်မှာ ကသည့်အခွေ၊စင်ကာပူမှာ ကသည့် အခွေ၊မလေးရှားမှာ ကသည့်အခွေ အားလုံး သူ့ လက်ရာတွေ ချည့်။

ကိုးရီးယားတို့ ၈ျပန် တို့ မှာ ကသည့် အခွေတွေကျတော့ လှို့ ဝှက်ပို့ ရတာဖြစ်လို့ ကွန်ပြူတာမှာ ကြည့်မရ။ကုဒ် ထည့်ပြီးပိတ်ထားသည့် Thumb Drive နှင့် ခိုး ပို့ တာဖြစ်သည်။ဒါ ကိုနေ ဘုန်းလတ် က ကုဒ် နှင့် ပြန် ဖြည်။ပြီးမှ ကွန်ပြူတာ ထဲထည့်ပြီး DVD အချပ် ပြန်ကူးပေးတာဖြစ်သည်။တော်တော် စိတ် ရှည်ရသလို လုပ်ရတာ လက်ပေါက်လည်း ကပ်လှ၏။
သည်လိုပဲ သံဃာတော် များကို စစ်တပ်က ဖမ်းတာ ဆီးတာ ရိုက်တာနှက်တာ စသည့်အခွေတွေကို သူပဲ တာဝန်ယူရတာဖြစ်လေသည်။ပြီးတော့လွယ်အိတ်ထဲ အခွေလေးတွေထည့်ပြီးနီးစပ်သူတွေဆိ လိုက်ဝေပေးလေ့လည်းရှိသည်။ထိုအချိန်တုန်း က သည်လို အခွေလာပေးလျင်ပင် တော် တော် အမြင်ကပ်ခံရသည်။မျက်စောင်းထိုးခံရ၏။ပြသနာ သယ်ဆောင်လာသူ လို့ ထင်ကြသည်။ စစ်အစိုးရက ဘာမှ မလုပ်၊ထိုသို့ ကြောက်တတ်သူများကြောင့် နေဘုန်းလတ် ဖမ်းခံလိုက်ရခြင်းပင်။
အစိုးရကိုဆန့်ကျင်သော စာ ဆိုလျင် ယောင်လို့ တောင်မကိုင်သူတွေက ခုတော့ နေဘုန်းလတ် တို့ ကို ကြောက်နေပြီလား လို့ မေးတာကြားရပြန်တော့ ကျွန်တော် ပြုံးမိသည်။ဦးသိန်းစိန် အစိုးရလက်ထက်မှာမှ ရုတ် တရက် သတ္တိတွေ ၀ုန်းကနဲ ရှိသွားကြသူအားလုံးကို အံ့အားသင့်စဖွယ် တွေ့ လိုက်ရတိုင်း နေဘုန်းလတ် တို့ ကျွန်တော် တို့ မျက်စပစ်မိကြပါသည်။
နှစ်ထောင့်ရှစ်ခု နွေဦးမှာ ကျွန်တော် ဧရာဝတိတိုင်းသို့ ခရီးထွက်နေရသည်။ဖွဲ့ စည်းပုံအခြေခံဥပဒေ ကို ကန့် ကွက်မဲပေးကြဖို့ လှုံ့ဆော်သည့် လှုပ်ရှားမှုတစ်ရပ်လုပ်ဖို့ ဖြစ်၏။ဘော်လ်ပင်တွေမှာ ကြက်ခြေခတ်အမှတ်အသားတံဆပ်ရိုက်လို့  လူထုထဲဝေဌ၇န်၊စတစ်ကာ လေးတွေမှာ ကြက်ခြေခတ် အမျတ်အသားရိုက်နှိပ်ပြီးကားတွေ မော်တော် တွေမှာ ကပ်ရန်ဖြစ်၏။နေဘုန်းလတ် ကရန်ကုန်မှာကျန်ခဲ့သည်။အင်တာနက်မှတစ်ဆင့် ပေးပို့ လာသည့် ဒီဇိုင်းတွေကိုပုံထုတ်ရန် သူနေခဲ့၏။ဆန်ဖရန်စစ်စကိုမှကိုမောင်ရစ်၊၀ါရှင်တန်မှ ကိုအောင်ဒင်တို့ က NO VOTE ဒီဇိုင်းလေးတွေပို့ ပေးလေ့ရှိသည်။ထိုဒီဇိုင်းများထဲမှ သင့်တော် တာကိုရွေးပြီး နေဘုန်းလတ် က T shirt တို့  လက်ကမ်းစာရွက်တို့ လုပ်ရ၏။

ထိုအချိန်က နီလာသိန်းသည် ပုန်းအောင်းနေချိန်ဖြစ်၏။သူ့ ကို ထောက်လှမ်းရေး က လိုက်ဖမ်းနေသဖြင့် တစ်နေရာမှတစ်နေရာပြောင်းပြီးပုန်းနေရချိန်လည်းဖြစ်သည်။သို့ သော် ကျွန်တော် တို့ နှင့်အဆက်အသွယ်မပြတ်။ပထမ နီလာသိန်းရယ်၊ဖြူဖြူသင်းရယ်။စုစုနွေးရယ် တူတူပုန်းကြတော့ သူတို့ နှင့်အဆက်အသွယ် မပြတ်ဖို့ ကျွန်တော် တို့ ကတယ်လီဖုန်းတစ်လုံးဖန်တည်းပို့ ဆောင်ပေးရ၏။ခြေမြန်တော်က အောင်ထွန်း(ခေါ်)အပွားလေး နှင့် မေသင်းဇူလိုင်ကျော်။
နောက်တော့ဖြူဖြူသင်း က ပုန်းအောင်းမနေတော့ပဲ ရဲနှင့်ရင်ဆိုင်ကာဖြေရှင်းလိုက်သလို စုစုနွေးကလဲ အဖမ်းခံလိုက်၏။နီလာသိန်းတစ်ယောက်သာကျန်တော့သည်။ကလေးမွေးပြီးကာစဆိုတော့ မိခင်တို့ သဘာဝကိုကျွန်တော် တို့ ကိုယ်ချင်းစာသည်။သူ့ သမီးလေး ကလည်းအဖေ ရောအမေပါအနားကနေ ပျောက်သွားသဖြင့် ဦးလေးတေါ အဒေါ်တွေ လက်ပေါ်မှာ မျက်နှာငယ်လေးဖြင့်ကျန်ခဲ့ရှာသည်။သည်ကလေးအတွက်နို့မှုန့် ကလည်းရှားသည်။ အစ လုပ်ထားသဖြင့် သည် နို့မှုန့် တစ်မျိုးထဲကိုသာ တိုက်ရသည်။နို့ မှုန့် နာမယ်က similac။မြေနီကုန်းက ဒဂုံစင်တာ တစ်ခုထည်းမှာသာရသည်။ကလေးငယ်၏ ဘကြီးမျိုးမင်းယု၊ဇော်သက်ထွေး နှင့်ကျွန်တော် တို့ သုံးဦးသားနို့မှုန့် ရှာပုံတော် ဖွင့်ခဲ့ရပုံတွေကို မမေ့။
ကျွန်တော် ဧရာဝတီတိုင်းသို့ ရောက်နေတုန်း နေဘုန်းလတ်က နီလာသိန်းအတွက်လိုတာလေးတွေပို့ ပေးသည်။မေသင်းဇူလိုင်ကျော် က လက်ခံယူပြီး နီလာ ပုန်းအောင်းနေရာ ယောမင်းကြီးလမ်းဆီသို့ ပို့ ရသည်။နီလာ့ထံသို့ ကြေညာချက်တွေ၊VCDတွေလည်းပို့ ရ၏။ဖြစ်ချင်တော့ နေဘုန်းလတ် နှင့် မေသင်းဇူလိုင်ကျော် တို့ ဆုံမှတ်က လက်ဖက်ရည်ဆိုင်။မနက်ခင်းဆိုလျင် လာရောက်စားသောက်သူတွေ အလွန်ရှုတ်သည့်ဆိုင်။တမင်ထိုဆိုင်ကိုရွေးချယ်လိုက်ခြင်းဖြစ်သည်။သူတို့ ကိုအာရုံမကျစေဖို့ ပင်။သို့ သော် ထိုဆိုင်ရှင် ကအာရုံကျသည်။နေဘုန်းလတ် တို့ နှင့်ရောသည်။ဖောသည်။နေဘုန်းလတ် အယုံလွယ်သွား၏။နေဘုန်းလတ်ရော မေသင်းဇူလိုင်ကျော်ပါ ဖမ်းခံသွားရရှာလေသည်။(ထိုဆိုင်ပိုင်ရှင်ကတော့ ယနေ့ နာမည်ကျော် ပါတီကြီး၏အဓိက ထောက်ပံ့ပေးသူအဖြစ်မြန်မာ့နိုင်ငံရေးဘောဂဗလ သဖွယ် ထင်ရှားကျော်ကြာနေသူပင်)
နေဘုန်းလတ် ဖမ်းခံရသည် ဟု ကြားကြားချင်း ကျွန်တော် ရန်ကုန်ပြန်လာခဲ့သည်။ကျွန်တော် တို့ဖက်က အကျအဆုံးတော်တော် များလာ၏။နေဘုန်းလတ်၊ကဗျာဆရာ ကိုစောဝေ။တစ်ယောက်ပြီးတစ်ယောက်ပါသွားခဲ့လေပြီ။

အင်းစိန်ထောင် အထူး ၀င်းထဲမှာ သူ နှင့် ကျွန်တော် ပြန်ဆုံသည်။ကျောင်းဆရာ ဟု ကျွန်တော် တို့ က နာမည်ပြောင်ခေါ်သလို သူကတော့မျက်မှန်ကလေး ၀င့်ကာဝင့်ကာပြုံးစစ နှင့် စကားပြောစမြဲ။သူ့ အမေ ကပြောလို့ ဆိုပြီးသံဗုဒ္ဒေ ဂါထာ အခေါက်တစ်ထောင်ရွတ်ရင်း မူးတူးဝေတေ ဖြစ်လာသည် ဆို၏။ကျွန်တော်က ရွတ်ရွတ်မရွတ်ရွတ် ဘာမှ မထူးထောင်ကျမှာပဲ ဟုဆိုလိုက်တော့ သူ “ဟာ” ကနဲ ဖြစ်သွားသည်။သည်နောက်မှာတော့ ကျွန်တော် ဆွယ်တရားကောင်းလို့ လားမသိ။သူ စာတွေကိုဝါးစားသလိုဖတ်တော့၏။ဆရာမောင်ထွန်း သူဘာသာပြန်သည့် ဇာတ်မြစ် စာအုပ်၏ မူရင်း ကို ဖတ်ချင်သည် ဟု ပူဆာ၏။ကျွန်တော် က Alex Haley၏Roots ကိုမှာပေးရသည်။သူ တစ်နေကုန် စာဖတ်သည်။ညလည်းမီးရောင်ဝါကျင့်ကျင့်အောက်မှာဖတ်သည်။John Grisham ရေးသည့်ဝတ္ထုတွေတန်းစီဖတ်သည်။ကျွန်တော် တို့ ရောက်နေခဲ့သည့် အထူးဝင်းထဲမှာ အေးနေ၀င်း၊ကျော်နေ၀င်းတို့ ၏စာကြည့်တိုက်ကြီးရှိနေသည်။သူတို့ စာအုပ်ပုံထဲကနေ ကြိုက်တာရွေးဖတ်ဖို့ ပဲဖြစ်၏။တစ်နေ့တော့ သူ နှင့် ကျွန်တော် တရားရုံးတူတူ ထွက်ရင်း နေဘုန်းလတ်ကစကား စ လာသည်။ကျါန်တော် တစ်နေ့ က သူ့ ကိုပေးဖတ်လိုက်သောjack Cannfieldစာအုပ်ထဲက ဖော်မြူလာ ကိုသူအာရုံကျနေခြင်းပင်။ထိုဖော်မြူလာကER=Oဖြစ်သည်။E က Event (အဖြစ်အပျက်လို့ ဆိုပါစို့ )R ကResponse (တုန့် ပြန်မှုလို့ ဆိုပါစို့ )O က တော့outcome (အဖြေ)ဖြစ်၏။သူကဆိုလာသည်။ကျွန်တော် တို့ အားလုံးတရားရုံးတစ်ခုထဲထောင်တစ်ခုထဲမှာ ပင် အတူရင်ဆိုင်နေရပြီ။ဒါဆိုတော့Event အတူတူပဲဖြစ်လေသည်။Response ပေါ်မူတည်ပြီးOutcome တွေ ကွဲပြားသွားလေမလား ဟု သူကမေးလာတော့ ကျွန်တော် တို့ စကားဝိုင်းစိုပြေသွားတော့၏။ဇော်သက်ထွေးရော၊ကိုမြတ်စံရော၊ကိုစိန်လှိုင်ပါပါလာသည်။တရားရုံးရှေ့ ဆွေးနွေးပွဲ။
ဘာပဲဖြစ်ဖြစ် ကျွန်တော် တို့ အားလုံးထောင်ချခံရသည်။နေဘုန်းလတ်က ဦးဆုံးဖားအံထောင်သို့ ရွှေ့ ခံလိုက်ရ၏။သူလိုချင်သော စာအုပ်တွေ သူ ယူသွားပါရစေ ခွင့်တောင်းတော့ ကျွန်တော် ပေးလိုက်သည်။သူ့ နှုတ်ကတော့တဖွဖွ။ERO…..ERO။အဖြေထွက်မည့် တုန့် ပြန်မှုတွေ သူရှာနေပေတော့မည် ဟု ကျွန်တော် တွေးမိနေတော့၏။

ခုတော့ နေဘုန်းလတ်သည် မြန်မာ့နယ်နိမိတ်ကိုကျော်ကာ ကမ္ဘာကိုခြေလှမ်းနေပေပြီ။လူငယ်တွေထဲမှာ ရှေ့ သို့ ထိုးထောင်ထွက်လာသော ရှေ့ ဆောင်တစ်ဦးဖြစ်လာချေပြီ။အမေ၇ိကားအိုင်အိုဝါ မှာ ဆွေးနွေးပွဲတက်ပြီးကတည်း ကသူ့မှာ တိုင်းပြည်အတွက် အမြင်တွေပွင့်လာချေပြီ။ER=Oကိုလက်တွေ့ သူအကောင်အထည်ဖော်နေပြီဟု ဆိုရမည်။
နေဘုန်းလတ်သည် မြန်မာနိုင်ငံအိုင်တီနည်းပညာဖွံ့ဖြိုးရေးအဖွဲ့ (MIDO)၏ ဦးဆောင်ဒါ၇ိုက်တာဖြစ်သည်။တစ်နိုင်ငံလုံးအနှံ့  တောကြိုအုံကြားပါသွားကာ အင်တာနက်အသုံးပြုပုံ ကိုလိုက်လံသင်ကြားပေးနေသူ။ပြီးတော့မြန်မာပြည်၏တစ်ခုတည်းသောနှင့်ပထမဆုံးသောPENမြန်မာအဖွဲ့ ကြီး၏ အတွင်းရေးမှူးလည်ူဖြစ်လာသည်။မြန်မာ့စာပေ နှင့် ကမ္ဘာ့ စာပေ ကိုသူတံတားထိုးနေပြီ။လူလူချင်းအမုန်းပွားစေမည့် စကားမှန်သမျှရှောင်ရှားကြပါ ဆိုသော ပန်းစကားလှုပ်ရှားမှုကိုလည်း သူ ဦးဆောင်လာသည်။

နိုင်ငံတစ်ခုကားတရွေ့ရွေ့ နှင့်ပြောင်းနေချိန်၊အဖြေထွက်အောင်ရှာနေသောနေဘုန်းလတ်ကားတက်ကြွနေဆဲ။ဘာမှမလုပ်ပဲ တောင်စဉ်ရေမရစကားတွေစာတွေ ဖွာလန်ကျဲပြောနေသူရေးနေသူမှန်သမျှကို သူမျက်ကွယ်ပြုလိုက်ပြီ။သူမြင်နေတာ တစ်ခု ရှိသည်။ဒါကို သူရော ကျွန်တော်ပါသိသည်။လင်းလုလုအာရုဏ်။

ခုတော့ နေဘုန်းလတ် ကနိုင်ငံရေးလောကထဲ ခုန်ဝင်လိုက်ပြီ။သဃ်န်းကျွန်းမြို့နယ်အတွက်ရန်ကုန်တိုင်းဒေသကြီး လွှတ်တော် ကိုယ်စားလှယ် သူ ဖြစ်လာပြီ။သင်္ဃန်းကျွန်းမှာ နေသာ ပြီ။
(မဲဆွယ် စာ ဟုဆိုပါက မှန်ပါသည်။)

ဇာဂနာ

↧

လွဲ စာရင်းများနဲ့ အလွဲ တိုင်းပြည်

September 22, 2015, 6:04 pm

≫ Next: ငွေကြာရံ

≪ Previous: ကျွန်တော် နှင့်ထောင်နီးနားချင်းများ ERO သို့ မဟုတ် အဖြေတွေ့သွားသောကျောင်းဆရာ -ဇာဂနာ

ကမ္ဘာအရပ်ရပ် ကြားလို့မှ မတော် ရွေးကောက်ပွဲ မဲစာရင်း တောင် မှန်အောင် မလုပ်နိုင်တာဟာ ကော်မရှင် မှာသာ မဟုတ်၊ တိုင်းပြည်နဲ့ ချီပြီးတောင် အရှက်ရစရာ ဖြစ်နေပါ တယ်။

နိုင်ငံခြားသား အသိတစ်ယောက်ကို သွားကြွားမိတာပေါ့။ “ငါတို့ နိုင်ငံ e Government လုပ်တော့မှာကွ” ဆိုတော့ သူက သောက်ကြီးသောက်ကျယ် e Government တွေ ဘာတွေ လျှောက်ပြောမနေပါနဲ့တဲ့။ ရိုင်းတယ် မထင်ပါနဲ့၊ သောက်ကြီးသောက်ကျယ် ဆိုတာ ကျွန်တော်က လျှော့ပြော ထားတာပါ။ သူပြောတာက ပိုဆိုးတယ် fuck လို့ သုံးသွားတာ။ မင်းတို့ကွာတို့ဆီက ကလေး ကစားစရာ လောက်ရှိတဲ့ မဲစာရင်းကိုပဲ မှန်အောင် လုပ်ပါဦးတဲ့။ ကဲ ဘယ်လောက် ရှက်စရာ ကောင်းသလဲ။

ထပ်ပြင်ရင် ထပ်မှား၊ မှားပြီးရင်း မှား။ တစ်သက်လုံး ပြင်လို့ ပြီးမှာ မဟုတ်ဘူး။ တစ်သက်လုံး မှားလို့လည်း ဆုံးမှာ မဟုတ်ဘူး။
ရွေးကောက်ပွဲ ကော်မရှင် ဥက္ကဋ္ဌကြီးကို အပြစ်တင်ဖို့ ထက် သူ့ကိုတောင် စာနာသနားမိပါတယ်။ သူ့ခမျာလည်း မှန်ချင်ရှာမှာပေါ့လေ။ မျက်နှာကောင်း ရချင်မှာပေါ့။ ဘယ်သိက္ခာ ကျချင်ပါ့မလဲ။ အခုတော့ သူ တာဝန်ယူမယ် ပြောတဲ့ ၃၀ ရာခိုင်နှုန်းတောင် မသေချာတော့ဘူး။ ဒီတော့လည်း စာနာမိတာပေါ့။

ဒီနေ့ စက်တင်ဘာ ၂၀ သတင်းစာ ဖတ်လိုက်တော့ ပိုပြီး သူ့အတွက် စိတ်ပူသွားတယ်။ သတင်းက ကော်မရှင် ဥက္ကဋ္ဌကြီး ဦးတင်အေးက မဲစာရင်းမှာ နာမည်တွေကို အက္ခရာစဉ် ပြောင်းစီစဉ်ထားတာ စာရင်းရှာကြည့်ဖို့ အခက်အခဲ ရှိမရှိ နေပြည်တော်က မဲရုံတွေကို လိုက်ကြည့်တာတဲ့ဗျ။
သူက ပြောသေးတယ် “မဲစာရေးတွေ အဆင်ပြေ မပြေ လိုက်ကြည့်တာပါ၊ ဘယ်လို ကပ်ထားသလဲ၊ လူထုတွေ ရှာဖွေရတာ အဆင်ပြေရဲ့လား၊ ဒါလေးတွေ လိုက်ကြည့်တာပါ” တဲ့။
ကျွန်တော် တော်တော် စိတ်ပူမိတာ အမှန်ပါ။ တော်ကြာ ဥက္ကဋ္ဌကြီး ကိုယ့် မဲစာရင်း ကိုယ် သွားရှာကြည့်လို့ မတွေ့ရင် ကိုယ်ကျိုးနည်းရချေရဲ့လို့။ ဦးတင်အေးက ဒေါ်တင်အေး ဖြစ်နေရင်လည်း အခက်။ အသက်မပြည့်ရင်လည်း အခက်။ မွေးလနဲ့ မွေးရက်က ၆ ရက် ၆ လ ဖြစ်နေရင်လည်း ဒုက္ခ။ တော်ပါသေးရဲ့။ ဥက္ကဋ္ဌကြီးကလည်း သိလို့နဲ့တူတယ်။ သူ့ မဲစာရင်း သူ သွားရှာတယ်လို့ သတင်းထဲမှာ မပါဘူး။

ကော်မရှင်က ၅ နှစ်လုံးလုံး ဘာတွေ လုပ်နေသလဲ လို့လည်း မမေးရက်တော့ပါဘူး။ တက္ကသိုလ် ကျောင်းပိတ်ရက် တွေမှာ ကျောင်းသူ ကျောင်းသားတွေကို အကောက်ခိုင်း ရင်တောင် မဲစာရင်းတွေ မှန်မှန်ကန်ကန် ထွက်လာနိုင်တယ် ဗျာ။
မဲစာရင်း ဆိုတာက ၁ ရာခိုင်နှုန်းတောင် မမှားသင့်ဘူး ခင်ဗျ။ အခုတော့ ဥက္ကဋ္ဌကြီးက ပြောတယ်။ ၃၀ ရာခိုင်နှုန်းပဲ တာဝန်ယူနိုင်ပြီး ၇၀ ရာခိုင်နှုန်းက တာဝန်မယူဘူး ဆိုတော့၊ ၇၀ ရာခိုင်နှုန်း မှားနိုင်တဲ့ သဘောပေါ့။ နောက်ဆိုရင် ကော်မရှင် ဥက္ကဋ္ဌ ရာထူးကို တင်ဒါ ခေါ်ရမယ် ခင်ဗျ။ ချိပ်ပိတ်တင်ဒါနဲ့ ဘယ်သူက ဘယ်နှရာခိုင်နှုန်းထိ မှန်ကန် အောင် တာဝန်ယူနိုင်မှာလဲ ဆိုတဲ့အပေါ် အခြေခံပြီးမှ ကော်မရှင်ကို ရွေးချယ်သင့်ပါတယ်။
ပထမ ကော်မရှင် ဥက္ကဋ္ဌကြီးက ပြောတယ်။ မဲစာရင်း မှားတာတွေဟာ ပြည်သူတွေမှာ တာဝန်ရှိတဲ့သဘော။ ပြည်သူတွေ လာမကြည့်လို့ ဆိုတဲ့ သဘော။ အခု လာကြည့်ပြီး အပြင်ခိုင်းတော့လည်း ပြင်ပေးဖို့ မပြောနဲ့ စာရင်းထဲတောင် ပါမလာတော့ဘူးတဲ့။

အက္ခရာ စဉ်တာကိုလည်း ပထမအကြိမ် ကပ် ကတည်းက ဘာကြောင့် အက္ခရာနဲ့ မစဉ်ခဲ့တာလဲ။ ပထမ အကြိမ်နဲ့ ဒုတိယအကြိမ် စဉ်ပုံစဉ်နည်းက တစ်ထပ်တည်း ဖြစ်မှပေါ့။ ပထမအကြိမ် တစ်မျိုးစဉ်လိုက်၊ ဒုတိယအကြိမ် တစ်မျိုးစဉ်လိုက်၊ နောက်တစ်ကြိမ်ကျတော့ ဘယ်လို ပြောင်းပြီး စဉ်ဦးမှာလဲတဲ့။
ဒုတိယအကြိမ်ကို အက္ခရာနဲ့ စဉ်တယ်သာ ပြောတာ၊ အားလုံးကိုလား ဆိုတော့ မဟုတ်ပြန်ဘူး။ အက္ခရာနဲ့ စဉ်ချင်တဲ့ နေရာမှာ စဉ်လိုက်၊ မိသားစုနဲ့ စဉ်ချင်တဲ့ နေရာ စဉ်လိုက်၊ စိတ်ကူးတည့်ရာ စဉ်ထားသလို ဖြစ်နေတယ် ခင်ဗျ။ အခု ဖြစ်စဉ်က တစ်ယောက်စ၊ နှစ်ယောက်စတောင် မဟုတ်တော့ဘူး။ အသိမိတ်ဆွေ ၁၀ ဦးလောက် မေးရင် ၉ ဦးလောက်က လွဲရုံလွဲတာ မဟုတ်ဘဲ စာရင်းထဲမှာတောင် မပါကြဘူး။ တိုက်ဆိုင် တာလားတော့ မသိဘူး။ အဲဒီ ၉ ဦး စလုံးဟာ NLD ပါတီထဲ မဲထည့်မယ့်သူတွေချည်း ဖြစ်နေတယ်။ တွေးကြည့်ရင်တော့ တော်တော် ကျယ်ပြန့်ပြီး ကြောက်စရာလည်း ကောင်းပါတယ်။
ကျွန်တော်တို့ တိုင်းပြည် မတိုးတက်ရခြင်း အကြောင်းရင်းတွေထဲက တစ်ချက်က စာရင်းအင်း မနိုင်နင်းခြင်းလည်း ပါဝင်ပါတယ်။ အထူးသဖြင့် စစ်အုပ်ချုပ်ရေး ကာလ တစ်လျှောက်မှာ ရေဘူးပေါက် စာရင်းတွေ များခဲ့တာပေါ့။ ဒီလိုနဲ့ အလွန် အရေးကြီးပြီး အသက်တမျှ တန်ဖိုးထားရမယ့် စာရင်းအင်း မှန်ကန်မှု တွေဟာ ဒီနေ့ထိ ပြက်တိပြက်ချော် ဖြစ်လာခဲ့ရပါတယ်။
အပြောမတတ်တော့ ဆဲသလို ဖြစ်တယ်ဆိုတဲ့ အတိုင်းပါပဲ။ မဲစာရင်း မလုပ်တတ်တော့ မဲဆန္ဒရှင် တွေကို စော်ကားသလို ဖြစ်သွားရတာပါ။ ငါ့ကို ပြည်သူ ခန့်ထားတာ မဟုတ်ဘူး။ သမ္မတကြီး ခန့်ထားတာ။ နောက်ပြီး သမ္မတကြီးက ငါနဲ့ တစ်ပတ်စဉ်တည်း သူငယ်ချင်းတွေ။ မကျေနပ်ရင် လဲသေကြ။ သမ္မတကြီးနဲ့ သူ့မိသားစုရဲ့ စာရင်း မှန်ရင် ပြီးတာပဲ။ စသဖြင့် တောင်တွေး မြောက်တွေး တွေးစရာ ဖြစ်သွားတာပေါ့။
အမှန်ကတော့ ဒီလို မဟုတ်လောက်ဘူး ခင်ဗျ။ မဲစာရင်း မှားတာတွေနဲ့ ပတ်သက်ပြီး ပြည်သူမှာသာ တာဝန်ရှိတာပါ။

နေပါဦး။ စိတ်မဆိုးဘဲ ဆက်ဖတ်ပါဦး။ ကျွန်တော် ကော်မရှင် ဥက္ကဋ္ဌကြီးနဲ့ သိလည်းမသိ၊ ဘာမှလည်း ရယူထားခြင်း မရှိပါဘူး။ ဒီ မဲစာရင်း မှားတာတွေ၊ စီမံကိန်း အမှားတွေ၊ ကျောက်မီးသွေး လျှပ်စစ် စက်ရုံဆိုလား အဲဒီ အမှားတွေ အားလုံးရဲ့ တာဝန်က ပြည်သူတွေသာ ဖြစ်တဲ့ အကြောင်း ကျွန်တော် ရှင်းပြပါမယ်။

ဒီလိုပါ ခင်ဗျ။ ၁၉၆၂ ခုနှစ် ဗိုလ်ချုပ်ကြီး နေ၀င်းက တပ်မတော်ကို အသုံးချပြီး တိုင်းပြည် အာဏာကို သိမ်းယူခဲ့ပါတယ်။ ဆိုရှယ်လစ် စနစ် ကျင့်သုံးမယ်၊ အလုပ်သမား လယ်သမားတွေကို ဦးစားပေးမယ် စသဖြင့် ထွင်လုံးတွေနဲ့ အယုံသွင်းခဲ့တယ်ဗျာ။ တဖြည်းဖြည်းနဲ့ ဗိုလ်ချုပ်ကြီး နေ၀င်း ဟာ ဘယ် အလုပ်သမား၊ လယ်သမားမှ ဦးစားမပေးဘဲ ကိုယ့်ကိုယ်ကိုယ်သာ ဦးစားပေးတဲ့ အာဏာရှင်ကြီး ဖြစ်လာ ခဲ့ပါတယ်။ ကဲ၊ ကျွန်တော် မပြောဘူးလား။ ပြည်သူ တွေ မှားတယ်ဆိုတာ။ ဘာလို့ သူ့ကို ယုံခဲ့ကြတာလဲ။ သူ အာဏာ သိမ်းစဉ်က တစ်နိုင်ငံလုံး ကန့်ကွက်ခဲ့ကြပါလား။ အောင်မယ်၊ တချို့များ မဆလ ပါတီထဲတောင် ၀င်ခဲ့ကြတယ်။

အဲဒီကစလို့ တပ်မတော် ခေါင်းဆောင် အသီးသီးဟာ ဗိုလ်ချုပ်ကြီး နေ၀င်းရဲ့ ခြေရာကိုပဲ နင်းလာခဲ့ကြတာ အမြင်ပဲလေ။ ပြည်သူကို ပထမ မက်လုံးပေးမယ်။ အာဏာလည်း ရရော ဖိနှိပ်မယ်။ ရပြီးသား အာဏာ မစွန့်လွှတ်ရဖို့ နည်းမျိုးစုံ သုံးမယ်။
တပ်မတော် ခေါင်းဆောင်တွေဟာ တပ်မတော်ကို ကာကွယ်ရေး တာဝန်မှာပဲ မထားဘဲ ကိုယ် ထိပ်ရောက်ဖို့ တပ်မတော်ကို အုပ်ချုပ်ရေးမှာ အသုံးချခဲ့တာကစပြီး မှားတာပဲ။ တပ်မတော် ခေါင်းဆောင်တွေဟာ သမ္မတ တက်လုပ်ချင်တာလည်း မှားတာပဲ။ လက်နက် အားကိုးနဲ့ ဇွတ်လုပ်တော့ ဘာဖြစ်လဲ။ တိုင်းပြည် တစ်ရက်ထက် တစ်ရက် မွဲသွားတာပဲ။

ဒါကြောင့် တပ်မတော် ကာကွယ်ရေး ဦးစီးချုပ် လစာတို့၊ အခွင့်အရေးတို့ကို များများပေး၊ လုပ်သက် ခံစားခွင့်တွေကို ဘီလျံနဲ့ချီပြီး မက်လောက်အောင်ပေး။ တပ်မတော် ဦးစီးချုပ်တွေ အငြိမ်းစား ယူရင် သူဋ္ဌေးလို နေနိုင်အောင် အခွင့်အရေးပေး။ သမ္မတ ရာထူး စတဲ့ အုပ်ချုပ်ရေးဘက်ကိုသာ ၀င်ပြီး မချယ်လှယ်နဲ့၊ ပေးရကျိုး နပ်ပါတယ်။
အခုဆိုရင် လူတိုင်းလည်း သိနေပြီ။ ကန့်လည်း ကန့်ကွက်နေကြပြီ။ မိုးကျရွှေကိုယ်တွေ၊ တပ်မတော်သားတွေ အရပ်ဘက်မှာ ထိပ်တန်း ရာထူးတွေ ၀င်ယူကြလို့သာ တိုင်းပြည် ဒုက္ခရောက်ခဲ့ရတာ ဆိုတဲ့ အဖြေ။ ဒါကြောင့် မိုးကျရွှေကိုယ်တွေ အငြိမ်းစားယူရင် အခုထက် ထိုက်ထိုက် တန်တန် ခံစားခွင့်တွေ ပေးလိုက်ပါ။ အရပ်ဘက်တော့ ရောက်မလာပါစေနဲ့။

ဗိုလ်ချုပ်ကြီး နေ၀င်းက ဆိုရှယ်လစ် အကြောင်းပြပြီး အာဏာ ယူခဲ့တယ်။ ဆိုရှယ်လစ် ပန်းတိုင် ဘယ်ဆီနေမှန်း မသိခဲ့ဘူး။ အခု ဗိုလ်ချုပ်ကြီး သိန်းစိန် (ဦးသိန်းစိန်) ဒီမိုကရေစီကို ညင်သာစွာ ကူးပြောင်းမယ် အကြောင်းပြပြီး အာဏာ ယူထားတယ်။ ညင်သာလွန်းလို့ပဲလား။ ဒီမိုကရေစီ ဘယ်ဆီနေမှန်း မသိဘူး။
အခု ကော်မရှင် ဥက္ကဋ္ဌကြီး ဦးတင်အေး နေရာမှာသာ ထက်မြက်တဲ့ အရပ်သား အရာရှိ တစ်ယောက်ဆိုရင် မဲစာရင်းတွေ ဒီလို မှားမှာ မဟုတ်ဘူး။ ဦးတင်အေးရဲ့ ဆောင်ရွက်ချက်တွေက တပ်မတော် ထိပ်တန်း အရာရှိ တစ်ယောက် အနေနဲ့ သိက္ခာ ကျသွားခဲ့ရပါကြောင်း။
__________________________________

ပြည်သူ့အရေးဂျာနယ်၊ အတွဲ - ၁၊ အမှတ် - ၅၂၊ ဆရာကောင်းဆက်နိုင် ဆောင်းပါး....

↧

ငွေကြာရံ

September 22, 2015, 6:22 pm

≫ Next: စိတ်ကြွဆေးပြား နှစ်သန်းကျော် ရန်ကုန်မှာ ထပ်မံသိမ်းဆည်းရမိ

≪ Previous: လွဲ စာရင်းများနဲ့ အလွဲ တိုင်းပြည်

ရန်ကုန်မြို့ တောင်ဥက္ကလာပမြို့နယ်မှ ငွေကြာရံ ကျောင်းတိုက်သည် ၂၀၀၇ စက်တင်ဘာ ၂၆ ရက် ညက စစ်တပ်၏ စီးနင်းတိုက်ခိုက်မှုကို ခံခဲ့ရသည်။ ထိုညက စစ်တပ်သည် ငွေကြာရံ၏ သံဃာများစွာကို ရိုက်နှက် ခြင်း၊ ဖမ်းဆီးခြင်း၊ ထို့နောက် ထောင်ချခြင်းများ ပြုလုပ်ခဲ့သည်။

ငွေကြာရံ ကျောင်းတိုက်မှ ဆွမ်းစား ကျောင်းတိုက်ကို အုပ်ချုပ်သော ဆရာတော် ဦးဇာနေယျကို ကျွန်တော် သွားရောက် တွေ့ဆုံခဲ့ပါတယ်။ ဆရာတော် ဦးဇာနေယျ၏ တွေ့ကြုံခံစားမှုကို ကျွန်တော်သည် ဤစာမျက်နှာမှ တစ်ဆင့် တင်ပြပါသည်။

ဦးဇင်းက ချောင်းဦးဇာတိပါ။

အမှန်တော့ ဦးဇင်းက ရွှေဝါရောင်မှာ လှည့်လည် လှုပ်ရှားခဲ့တာတော့ မဟုတ်ပါဘူး။ သံဃာ အကြီးအကဲလည်း ဖြစ်နေတော့ ကျောင်းမှာပဲနေတယ်။ လှည့်လည်ပြီးလို့ ပြန်လာတဲ့ ကိုယ်တော်တွေကို ဖျော်ရည်တိုက် တာမျိုးတော့ လုပ်တယ်။

ငွေကြာရံ ကျောင်းတိုက်က ၁၉၈၈ အရေးတော်ပုံ တုန်းကလည်း တက်တက်ကြွကြွ လှုပ်ရှားခဲ့တော့ စစ်တပ်က ငွေကြာရံကို အထင်ကြီးနေတာ။ ငွေကြာရံ ကျောင်းတိုက်ရဲ့ မြေအောက်ခန်းမှာ လက်နက် ခဲယမ်းတွေ အပြည့် ရှိတယ်လို့လည်း စစ်တပ်ဘက်က သံသယ ရှိနေတယ်လို့ နောက်မှ သိရတာ။

စက်တင်ဘာ ၂၅ မှာ စစ်တပ်ဘက်က ငွေကြာရံ ကျောင်းတိုက်ကို စီးနင်းဖို့ ကြိုးစားသေးတယ်။ ကျောင်းရဲ့ အပြင်ဘက်မှာ သံဆူးကြိုး စည်းရိုးတွေချပြီး ကျောင်းကို ၀ိုင်းထားတာ။ သံဃာတွေက စစ်သားတွေကို ရှေ့ကို အတိုးမခံဘူး။ ငွေကြာရံ ကျောင်းတိုက်ကို စစ်တပ်က နောက်ညမှာ ၀င်စီးပါတယ်။ စက်တင်ဘာ ၂၆ ရက်ည ၁၂ နာရီ သာသာမှာပေါ့။ ဦးဇင်းက ကျောင်းပရိဝုဏ်ထဲမှာ မရှိဘူး။ ကျောင်းနဲ့ကပ်လျက်က ဒကာတစ်ဦးရဲ့ မြေအောက်ခန်းထဲမှာ ခိုအောင်းနေတာ။

အဲဒီညက စစ်တပ်က ငွေကြာရံကို ၀င်စီးပြီး သေနတ်တွေနဲ့ ပစ်တယ်။ ကျည်ဆန်ကတော့ ရော်ဘာ ကျည်ဆန်တွေနဲ့ ပစ်ခံရတော့ အကုန်လုံးကွဲပေါ့။

မနက်မိုးလင်းတော့ ဦးဇင်းလည်း ကျောင်းထဲ ပြန်ဝင်တယ်။ ကျောင်းတိုက်ထဲ ၀င်ဝင်ချင်း သံဃာတော်တွေရဲ့ သွေးကွက်တွေကလည်း အိုင်ထွန်းနေတာပဲ။ ကျောင်းတိုက် အသီးသီးမှာလည်း သံဃာတော်တွေရဲ့ သွေးကွက်တွေချည်းပဲ။ မှန်ကွဲစ တွေလည်း ပြန့်ကျဲ၊ ကျည်ဆန်တွေလည်း ပြန့်ကျဲနေတာ မြင်မကောင်းပါဘူး။ စစ်ကားတွေနဲ့ စစ်သားတွေက မနက် ၄ နာရီက ပြန်ထွက်သွားကြပြီ။ ၀င်ပေါက် အုတ်တံတိုင်းကြီး ကျိုးနေတယ်။ ၀ါးစိမ်း တုတ်တွေ အများကြီး ကျောင်းထဲမှာ တွေ့ရတယ်။

အဲဒီကာလက ငွေကြာရံမှာ သံဃာအပါး ၂၀၀ ၀န်းကျင် ရှိတယ်။ သံဃာအပါး ၁၅၀ ကို ညက စစ်တပ်က ဖမ်းဆီး သွားကြပြီး ကျန်တဲ့ သံဃာအပါး ၅၀ ကတော့ ထွက်ပြေးပြီး လွတ်မြောက် သွားကြတာပေါ့။

ဦးဇင်း ကျောင်းရောက်တော့ ငွေကြာရံရဲ့ ဆရာတော်ကြီး ဦးရေ၀တ ရှိတယ်။ ဆရာတော်က အဲဒီအချိန်က သက်တော် ၇၅ နှစ်ရှိပြီပေါ့။

ဦးဇင်း ကျောင်းရောက်ပြီး ဆရာတော်ကို လျှောက်ထားဖွယ်ရှိတာ လျှောက်ထား နေတာပေါ့။ အဲဒီအချိန်မှာ တိုင်းမှူး ရောက်လာတယ်။ ရန်ကုန်တိုင်းမှူးပေါ့။

ဦးဇင်းတို့ရဲ့ ငွေကြာရံ ကျောင်းဝင်းအတွင်းမှာ လုံခြုံရေးအတွက် စစ်သား အစောင့်အရှောက်တွေ လာချထား ချင်တယ်တဲ့။ တိုင်းမှူးက လျှောက်တယ်။ ဆရာတော်ကြီးနဲ့ ဦးဇင်းကတော့ ပြောတာပေါ့။ စစ်သားတွေ မလိုပါဘူး။ ဘုန်းကြီးကျောင်းဆိုတာ သံဃာပဲ လိုအပ်တာပါပေါ့။ ဦးဇင်းတို့ ပြောတာဟာ အရာမရောက်ပါဘူး။ စစ်သား ၅၀၀ လောက် ငွေကြာရံ ကျောင်းပရ၀ဏ်ထဲ လာချသွားတယ်။ အမှန်တော့ သူတို့က စီစဉ်ပြီးသားပါ။ ဦးဇင်းတို့ကို စကားအဖြစ်သာ ပြောတာပါ။ စစ်သားတွေလည်း ရှေ့တန်း စစ်မျက်နှာလို သဘောထားပြီး ကျောင်းဝင်းထဲမှာ နေရာအသီးသီး ဖြန့်ကြက် ယူလိုက်ကြတယ်။

စစ်သား ၅၀၀ ကျော်ဟာ သေနတ်တွေ မောင်းတင်ပြီး အသင့် အနေအထားနဲ့ပေါ့။ အဲဒါ ၂၀၀၇ စက်တင်ဘာ ၂၇ နံနက်ပိုင်းပေါ့။ ၂၇ ရက် ညမှာကျတော့ တိုင်း သာသနာရေးက လူပုဂ္ဂိုလ်တွေရယ်၊ အကြံပေး ဦးအံ့မောင်ရယ်၊ သာသနာရေးဌာနက ကားတွေနဲ့ ရောက်လာကြရော။

ဦးအံ့မောင်က ဆရာတော်ကြီးရယ်၊ ဦးဇင်းရယ် အပါအ၀င် ငွေကြာရံ ကျောင်းက ကျန်သံဃာတော်တွေကို ကမ္ဘာအေးကို ပင့်ပါရစေတဲ့။ ဦးဇင်းကို လျှောက်တယ်။ ဆရာတော်ကြီး ဦးရေ၀တကို လျှောက်တယ်။

ဆရာတော်ကြီးက

“အံ့မောင် ငါတော့ လုံးဝမလိုက်ဘူး” လို့ မိန့်တယ်။

အဲဒီမှာ ဦးအံ့မောင်က

“ဦးဇာနေယျ၊ ဆရာတော်ကတော့ ပင့်မရဘူး။ ကိုယ်တော်က ဘယ်လို သဘောရသလဲ”တဲ့။

အဲဒီလို သူက လျှောက်တော့

“ဆရာတော် မလိုက်ရင် ကျုပ်လည်း မလိုက်ဘူး”လို့ ဦးဇင်းက ဦးအံ့မောင်ကို ပြန်ပြောလိုက်တယ်။

အဲဒီလို ဦးအံ့မောင်နဲ့ ပြောနေဆိုနေတုန်းမှာပဲ စစ်တပ်က စစ်ကားတွေနဲ့ ကျောင်းထဲ ၀င်လာကြတယ်။ ငွေကြာရံ ကျောင်းတိုက်ရဲ့အ၀င်ဝ သံတံခါးကြီးကိုတော့ မနေ့ညက သူတို့ကားနဲ့ တိုက်ပြီး ဖျက်ဆီးခဲ့ပြီးပြီ။

ကျောင်းရဲ့အ၀င်ဝ သံတံခါးကြီး မရှိတော့ စစ်ကားနဲ့ စစ်သားတွေဟာ ကျောင်းထဲကို တံခါးမရှိ ဓားမရှိ ၀င်တာ ပေါ့။ သူတို့မှာ သေနတ်တွေရှိတယ်။ စစ်ဖိနပ်တွေလည်း မချွတ်ဘူး။

ဦးဇင်းတို့ကို ကမ္ဘာအေးကို မလိုက်လို့ မရဘူးတဲ့။ဆရာတော်ကြီးလည်း လိုက်ရမယ်တဲ့။ ကားတွေ ထပ် ရောက်လာတယ်။ မလိုက်ရင် ပစ်သတ်မယ့်သဘော။

စစ်တပ်အမိန့်ကို ဦးဇင်းတို့ မလွန်ဆန်နိုင်ဘူးဘဲ ပြောရမှာပေါ့။ ဆရာတော်ကြီး ဦးရေ၀တ အပါအ၀င် ငွေကြာရံရဲ့ ကျန်သံဃာအားလုံးကို ကမ္ဘာအေးကို ပင့်သွားကြရော။ ဆရာတော် ဦးရေ၀တကို စစ်သားငါးယောက် အတင်းပွေ့တင်တာ။ ကမ္ဘာအေး ရောက်တော့ ဥတ္တရဆောင်မှာ နေရတယ်။ အပေါ်ထပ်မှာ။

ဥတ္တရဆောင်ရောက်ပြီး နောက်နေ့မှာ ဦးအံ့မောင်က

“ဦးဇာနေယျက တောင်ဥက္ကလာပကို ကျွမ်းကျင်ပါတယ်။ ငွေကြာရံ ကျောင်းတိုက်က မှန်တွေကို တပည့်တော်တို့ ပြန်တပ်ဆင်ပေးမယ်။ အလူမီနီယမ်ဆိုင်တို့ မှန်ဆိုင်တို့ သွားကြမယ်”တဲ့။

ကျောင်းထဲမှာ စစ်စိမ်းရော၊ တိုက်ပုံ အဖြူတွေရောပဲ။

ဦးဇင်းနဲ့ ဦးအံ့မောင်က တောင်ဥက္ကလာပက အလူမီနီယမ်ဆိုင်တွေ ရောက်ကြရော။ မှန်တွေ ပြန်လည်တပ်ဆင်ဖို့ မှာတာပေါ့။ အဲဒီလိုနဲ့ ဦးဇင်းလည်း ကျောင်းဝင်းထဲက မှန်ကွဲစတွေ ရှင်းနေတုန်း မှန်တပ်မယ့် အလုပ်သမားတွေ ရောက်လာကြရော။ လူတွေကလည်း အပြည့်အသိပ် ရောက်နေကြပြီး လူတွေက မနေ့ညက စစ်သားတွေ လုပ်ခဲ့ကြပုံကို မကျေမချမ်း ခံစားနေကြတာ။ ဒေါသ ထွက်နေကြတာ။လူတွေက သွေးဆူနေကြပြီ။

“မှန်တွေ ပြန်မတပ်ကြနဲ့။ ဒါ စစ်သားတွေက သေနတ်တွေနဲ့ ပစ်ပြီး ခွဲသွားကြတာ။ စစ်သားတွေ ပြန်တပ်လိမ့်မယ်”လို့ လူတွေက ၀ိုင်းပြောကြတယ်။

အလူမီနီယမ် အလုပ်သမား၊ မှန် အလုပ်သမားတွေလည်း ပြန်သွားကြရော။ ဦးဇင်းကို သူတို့က ကမ္ဘာအေး ဥတ္တရဆောင် ပြန်ပို့တယ်။ အဲဒီကတည်းက ဦးဇင်း ကမ္ဘာအေးမှာ နေရတယ်။

ဦးဇင်း ကမ္ဘာအေးမှာ ၁၅ ရက် နေရတယ်။ ကျောင်းကို မပြန်ရတော့ဘူး။ ဦးဇင်းတို့မှာရှိတဲ့ ၀တ္ထုပစ္စည်းတွေလည်း စစ်ဗိုလ်၊ စစ်သားတွေက သိမ်းဆည်းသွားတာပေါ့။ ရှာဖွေပုံစံတော့ ပါတယ်။ ရှာဖွေပုံစံထဲမှာ ဖြည့်သွင်းတဲ့ ၀တ္ထုငွေတွေ၊ ပစ္စည်းတွေ အခုထိ ဘာဆိုဘာမျှ ပြန်မရကြပါဘူး။ သံဃာတော်တွေကို ဒကာ၊ ဒကာမတွေက ပစ္စည်းလေးပါး အတွက် လှူဒါန်းတဲ့ ငွေတွေအားလုံး သူတို့က ယူငင်သွားကြတာ။

ကမ္ဘာအေးမှာ ဦးဇင်း ၁၅ ရက် နေစဉ်အတွင်း သူတို့က အေ၊ ဘီ၊ စီ အဆင့်သုံးဆင့်ခွဲတယ်။ ဘယ်လိုအကြောင်း အချက်နဲ့ အေ၊ ဘီ၊ စီ အဆင့် ခွဲသလဲဆိုတာတော့ ဦးဇင်း မသိဘူး။ လွတ်တဲ့ သံဃာလည်း လွတ်ပြီ။ ဦးဇင်းလည်း သံဃာတွေ လှည့်တဲ့အထဲမှာလည်း တစ်ရက်မှ မပါဖူးဘူး မဟုတ်လား။ ဦးဇင်းက ဦးဇင်း စာဝါနဲ့ ဦးဇင်း သီတင်းသုံးတာ။ ဓမ္မာစရိယလည်း အောင်ပြီးပြီလေ။ ကျောင်းက သံဃာတွေကို စာပြန်ချနေတာ။ နိုင်ငံရေးနဲ့ ကင်းရှင်းခဲ့တယ် ဆိုတော့ ဦးဇင်းကို ပြန်လွှတ်ပေးမယ် ထင်တာပေါ့။

ကမ္ဘာအေးကနေ ဦးဇင်းက အင်းစိန်ထောင်ကို ရောက်သွားပါရော။ ထောင်ဗူးဝ ရောက်တော့ သင်္ကန်းချွတ်တဲ့။ လူဝတ်လဲရတယ်။ လူဝတ်လဲပါဆိုတော့ လဲရတာပေါ့။ ဆရာတော်ကြီး ဦးရေ၀တ ကတော့ အင်းစိန်ထောင်ကို မရောက်ပါဘူး။ နောက်ဆုံး ဦးဇင်းတို့ ၁၀ ပါးကို ပြန်မလွှတ်ဘူး။

အင်းစိန်ထောင်မှာက သီးသန့်ထောင်မှာ နေရတာ။ မဇ္ဈိမလှိုင်းက ကိုရဲလွင်ကိုလည်း သီးသန့်ထောင်မှာ တွေ့ တယ်။ လူတွေကလည်း ထောင်ထဲမှာ ဖွေးဖွေးလှုပ်နေတာပဲ။ ထောင်ထဲမှာ ပွဲတော်လို ပြွတ်တော့တာပဲ။

အဲဒီ သီးသန့်ထောင်ထဲမှာ စုစုပေါင်း ၅၀၀ လောက် ရှိတယ်။

ဦးဇင်းတို့ အင်းစိန် သီးသန့်ထောင်မှာ လေးလ ကြာပြီးတော့လည်း ပုဒ်မ မတပ်သေးတော့ လွတ်မယ်ပဲ ထင်တာပေါ့။ နောက်တော့ ဦးဇင်းတို့ တောင်ဥက္ကလာပက သံဃာ ၁၀ ပါးကို တောင်ဥက္ကလာပ တရားရုံးကို တင်မယ်တဲ့။ ဦးဇင်းတို့ကို တောင်ဥက္ကလာပ တရားရုံးကို ကားနဲ့ ခေါ်ထုတ်သွားကြရော။

တောင်ဥက္ကလာပ တရားရုံးကို စွဲချက်တင်တော့ ရဲတွေက အရပ်ဝတ်တွေနဲ့။ သူတို့က တရားလိုပေါ့။ ဦးဇင်းတို့က တရားရုံးမှာ တရားသူကြီးရှေ့မှာ ကျမ်းသစ္စာဆိုတယ်။ ရဲတွေက ယူနီဖောင်းလည်း မ၀တ်ဘူး။ ကျမ်းသစ္စာလည်း မဆိုဘူး။ ဒါကို သဘာဝမကျဘူး။ အဓိပ္ပာယ်လည်း မရှိဘူးလို့ ဦးဇင်းတို့က ယူဆတယ်။ ဦးဇင်းတို့က ရဲတွေလည်း ကျမ်း သစ္စာဆိုရမယ်လို့ တရားသူကြီးကို တောင်းဆိုတယ်။ အဲဒီ အခြေအနေမှာ ပဋိပက္ခ ဖြစ်ကြရော။

ဦးဇင်းတို့ကို ပုဒ်မ တပ်တာကလည်း များတယ်။

၅၀၅ (ခ) နိုင်ငံတော် အကြီးအကဲကို အကြည်ညို ပျက်အောင်လုပ်မှု။

၁၄၃၊ လူစုလူဝေး လုပ်မှု ၂၉၅၊ ၂၉၅၊ သာသနာ ညစ်နွမ်းစေမှု။ အဲဒီ ၂၉၅ က နှစ်ခု။

နောက်နေ့မှာ ရုံး ထပ်ထုတ်ပြန်တယ်။ အချုပ်သားတွေနဲ့ ရောနှောထားတယ်။ ပုံစံ ထိုင်ရမယ်တဲ့။

ဦးဇင်းတို့က ပုံစံမထိုင်တတ်ဘူး။ ပုံစံ ထိုင်တယ်ဆိုတာ သံဃာတွေ ဘယ်လိုသိမှာလဲ။

ဦးဇင်းတို့ကို လက်ထိတ် ခတ်ထားတယ်။ အချုပ်သားနဲ့ ရောထားတယ်။ အင်းစိန် သီးသန့်ထောင် ပြန်ရောက်တော့ မင်းကိုနိုင်တို့ ဌေးကြွယ်တို့နဲ့ တိုင်ပင်တာပေါ့။ မင်းကိုနိုင်က မြို့နယ်မှူးကို ပြောပြပေါ့တဲ့။ အချုပ်သားတွေနဲ့ မရောနှောဘဲ သီးသန့်ထားအောင် ပြောကြည့်ပေါ့တဲ့။ ဦးဇင်းက အဲဒါကို ပြောဖို့ မြို့နယ်မှူးကို-

“ဒကာကြီး” လို့ ခေါ်လိုက်တယ်။

မြို့နယ်မှူးက

“မင်း ငါ့ကို ဒကာကြီး ခေါ်စရာမလိုဘူး။ မင်းက လူ။ ဘုန်းကြီး မဟုတ်ဘူး”တဲ့။

“ဟေ့ ငါတို့က သိက္ခာ မချရသေးဘူးကွ။ မင်း ဗုဒ္ဓဘာသာ မဟုတ်ဘူးလား”

ဦးဇင်းက မြို့နယ်မှူးကို ပြန်ပြောတယ်။ အဲဒါ တောင်ဥက္ကလာပ တရားရုံးရှေ့မှာ။

“မင်းတို့ ဘုန်းကြီး မဟုတ်ဘူး။ လူတွေ” တဲ့။

ဒီတော့ ဦးဇင်းတို့အဖွဲ့ ၁၀ ပါးက မြေကြီးပေါ် ထိုင်ချလိုက်ပြီး မေတ္တာသုတ်ကို ရွတ်ဆိုကြတော့တယ်။

ဦးဇင်းတို့က တရားရုံးရှေ့ မြေပြင်ပေါ်မှာ ထိုင်ချပြီး မေတ္တာသုတ် ရွတ်တာ။ လူတွေ အများကြီး ဦးဇင်းတို့ဆီ ၀ိုင်းလာကြတယ်။ တရားရုံးမှာ လူတွေများလာပြီ။ ရဲတွေ မျက်လုံးပြူးပြီး မြို့နယ်မှူးလည်း ဘာမှ မပြောနိုင်ဘူး။ ဦးဇင်းတို့မှာ လက်ထိတ်တွေ ခတ်ထား ခံရတယ်။ ခြေထောက် တစ်ဖက်နဲ့ အခြား ဦးဇင်းရဲ့ ခြေထောက် တစ်ဖက်ကို တွဲပြီး ခြေချင်းခတ်လို့။

အခြေအနေက အဲဒီလို ဖြစ်လာတော့ စစ်ကား ရောက်လာတယ်။ အဲဒီမှာတော့ စစ်ဗိုလ်တွေက ယဉ်ယဉ်ကျေးကျေး ပါပဲ။

“ဦးဇင်းတို့ကို မထိမခိုက်စေနဲ့၊ မနာကျင်စေနဲ့၊ ၀ိုင်းပြီး ‘မ’ ရွှေ့ကြ”လို့ စစ်ဗိုလ်က စစ်သားတွေကို အမိန့်ပေးတယ်။

အဲဒီလိုနဲ့ တောင်ဥက္ကလာပ တရားရုံးမှာ အမှုမစစ်ဖြစ်ဘဲ အချုပ်ကားပေါ်ကို ဦးဇင်းတို့ ပြန်ရောက်သွားတယ်။ အင်းစိန် သီးသန့်ထောင်ကို ပြန်ရောက်သွားတယ်။

နောက်တစ်ခါကျတော့ တောင်ဥက္ကလာပ တရားရုံးကို ရုံးမထုတ်တော့ဘူး။ ထောင်တရားရုံးလား၊ စစ်ခုံရုံးလားပဲ။ အဲဒီ အင်းစိန်ထောင်မှာပဲ စွဲချက်တင်တယ်။

အရင် ပုဒ်မတွေအပြင် ပုဒ်မတစ်ခု ထပ်တိုးတယ်။

၃၅၃ နဲ့ စွဲတယ်။ တရားရုံးကို နှောင့်ယှက်မှု၊ မထီမဲ့မြင် ပြုမှု၊ ရဲတွေကို ပုန်ကန်မှုတဲ့။ ရဲတွေကို ဦးဇင်းတို့က လက်သီးနဲ့ လိုက်ထိုးတယ်၊ ခြေထောက်တွေနဲ့ လိုက်ကန်တယ်တဲ့။

ဦးဇင်းတို့မှာ လက်ထိတ်တွေနဲ့ပါ။ ခြေထောက် ကလည်း ကိုယ့်ခြေထောက်နဲ့ သူ့ခြေထောက် ပူးတွဲ ခတ်ထားတာပါ။ ဘယ်လိုလုပ် လက်သီးနဲ့ ထိုးနိုင်မှာလဲ၊ ခြေထောက်နဲ့ ကန်နိုင်မှာလဲ။ စဉ်းစား ဆင်ခြင်ကြည့်ပါလို့ အင်းစိန်ထောင် တရားရုံးမှာ ချေပတယ်။

ဦးဇင်းတို့က ရှေ့နေ ငှားရမ်းခွင့် မရသလို ကိုယ်တိုင် အဖြစ်မှန်ကို ပြောခွင့်မရပါဘူး။ ခုခံ ချေပခွင့် မရပါဘူး။

ပုဒ်မတွေ အသီးသီးပေါ့။ ဘယ်ပုဒ်မက ဘယ်နှနှစ်ပေါ့။

ပုဒ်မ ၂၉၅ သာသနာ ညစ်နွမ်းစေမှုက နှစ်ခုတောင် တပ်ထားတာ။ ၂၉၅ တစ်ခု ထောင် နှစ်နှစ်၊ နှစ်ခု တပ်ထားတော့ ၂၉၅ ကိုက လေးနှစ်ပေါ့။ ပုဒ်မ အသီးသီး စုပေါင်းလိုက်တော့ ဦးဇင်းက ထောင် ရှစ်နှစ်နဲ့ ခြောက်လ ကျပါတယ်။

ဦးဇင်းက နိုင်ငံရေးနဲ့ မနွှယ်ဘဲ၊ ရွှေဝါရောင်မှာ မလှုပ်ရှားဘဲတောင် ဒီလောက် ကျ ခဲ့တာ။ ဦးဇင်း ဦးပြည်ကျော်တို့လို ‘ဇ’ ရှိတဲ့ ဦးဇင်းမျိုးတွေက နှစ်အများကြီး ကျမှာပေါ့လေ။ ဦးပြည်ကျော်တို့ ဦးဣန္ဒကတို့က နိုင်ငံရေး အစဉ်အလာ ကြီးပါတယ်။

ဦးဇင်းတို့ ပထမ အင်းစိန်ထောင်မှာ တစ်နှစ် နေရတယ်။ မိဘဆွေမျိုးက ထောင်ဝင်စာ လာလာ တွေ့တာပေါ့။ နောက်တော့ ထောင်ဝင်စာ လာတွေ့လို့ မလွယ်အောင် ငပလီ သံတွဲ ထောင်ကို ပြောင်းရွှေ့ လိုက်ကြတယ်။ အဲဒီ သံတွဲထောင်မှာ စမ်းချောင်း ကိုကိုကြီးတို့ ဂီတကိုဝင်းမော်တို့နဲ့ ဆုံရတယ်။

ဦးဇင်းလည်း အသည်းနာတာပေါ့။ ၂၀၁၃ မှာ ရွှေဝါရောင် ခြောက်နှစ်ပြည့်ပွဲ ကျင်းပကြမယ်။

၂၀၀၇ စက်တင်ဘာ ၂၆ ရက်ညတွင် စစ်သားများက ငွေကြာရံ ကျောင်းတိုက်ကို အကြမ်းဖက် ဖြိုခွင်းစဉ် ဦးခေါင်း ဟက်တက်ကွဲသွားသော သက်တော် ၆၅ နှစ် အရွယ် ဦးအာစာရ ဘွဲ့မည်တော်ရ ဆရာတော်ကြီး တစ်ပါးကို ကျွန်တော် တွေ့ဆုံ စကားပြောခဲ့ပါသည်။

ဆရာတော် ဦးအာစာရ၏ ပြောင်နေသော ကတုံးပေါ်မှာ အမာရွတ် အကြီးကြီးကို တွေ့ရပါသည်။ ဆရာတော် ဦးအာစာရ၏ ပြောပြချက်မှာ အောက်ပါအတိုင်း ဖြစ်ပါသည်။

ကျုပ်က ချောင်းဦး ဇာတိပါ။

ငွေကြာရံ ကျောင်းတိုက် သိမ်ကျောင်းတော်မှာ တိုက်အုပ် ဆရာတော်ကြီးရဲ့ ဝေယျာဝစ္စ လုပ်ပေးရင်း ကျုပ်က ဆရာတော်ကြီးနဲ့အတူ သီတင်းသုံးတာပါ။

စက်တင်ဘာ ၂၆ ည ၁၁ နာရီ ကတည်းက စစ်သားတွေက ကျောင်းအပြင်မှာ စောင့်နေကြပါပြီ။ ကျောင်းအပြင်မှာ စစ်သားအပြည့်ပါပဲ။

ည ၁၁ နာရီကျော်တော့ တုံးမောင်း ခေါက်သံတွေ ကြားရတယ်။ အခြား ကျောင်းတွေက ခေါက်တာ။ အဲဒီညက ကျုပ်ရဲ့ ကျုပ်ရွာက ဧည့်သည်တွေလည်း ရောက်နေကြတယ်။ သူတို့က တိုက်အုပ် ဆရာတော်ကြီးကို ကန်တော့ဖို့ ကန်တော့ပွဲကို ပစ္စည်း အပြည့်အစုံနဲ့ ပြင်ဆင်ထားတာပါ။

ည ၁၂ နာရီကျော်တော့ စစ်သားတွေဟာ သံတံခါးကို စစ်ကားနဲ့ တိုက်ပြီး ကျောင်းထဲကို ၀င်ရောက်လာကြတယ်။ အာမခံ သော့ကြီး ခတ်ထားတာ။ သော့ကြီး ပြုတ်ထွက် သွားတာပေါ့။ အုတ်တံတိုင်းလည်း ကျိုးပဲ့သွားတာပေါ့။ သံတံခါးကြီး လဲကျတော့ ဦးဇင်း တစ်ပါးပေါ် သံတံခါးကြီး ၀ုန်းဆို ကျလာတာ။ အဲဒီ ဦးဇင်းလည်း မေ့လဲသွားရော။

ကျောင်းကိုလည်း ရော်ဘာ ကျည်ဆန်တွေနဲ့ မွစာကြဲအောင် ပစ်ခတ်ပြီးကြပြီ။

ကျောင်းထဲဝင်လာတဲ့ စစ်သားတွေဟာ ချင်းလည်း မဟုတ်ပါဘူး။ ဂေါ်ရခါးလည်း မဟုတ်ပါဘူး။ မြန်မာ စစ်သား စစ်စစ်တွေပါ။ စစ်သားတွေက စစ်ဖိနပ် မချွတ်ဘဲ သေနတ်တွေနဲ့ ချိန်ပြီး အတင်း ၀င်လာကြတာဟာ သူ ပုန် ၀င်စီးသလိုပါပဲ။

စစ်သားတွေရဲ့ အနောက်မှာ လူတွေ ပါလာတယ်။ စွမ်းအားရှင်တွေ ဖြစ်မယ်ထင်တယ်။ လက်ထဲမှာ ၀ါးစိမ်းတုတ်တွေနဲ့ လူတွေလည်း အများကြီးပဲ။ အကုန်တုတ်တွေနဲ့၊ ၀ါးစိမ်း တုတ်တွေရော၊ နံပါတ် တုတ်ရောပဲ။

ကျောင်းထဲရောက်တာနဲ့ ရိုက်ကြ၊ နှက် ကြတော့တာပဲ။ သံဃာတွေရဲ့ခေါင်းကို ရိုက်ခွဲတယ်။ ခွေးတွေ၊ ၀က်တွေ ဆွဲခေါ်သလို သံဃာတွေကို ကျောင်းအ၀င်ဝကို ဆွဲခေါ်လာကြပြီး မှောက်ခိုင်းတယ်။

ဟောဒီ စာချဆောင်ရဲ့ရှေ့မှာ ကျုပ်တို့ မှောက်နေရတာပေါ့။ ကျုပ် ခေါင်းကိုလည်း ရိုက်ခွဲလိုက်တယ်။ သွေးတွေ ဖြာကျ သွားတာပေါ့။ မှောက်ပြီး ခေါင်းကို မြေကြီးနဲ့ ကပ်ထားရတာ။ ကျုပ်ရွာက ဧည့်သည်တွေလည်း ဖမ်း တာပဲ။ သူတို့ရဲ့ ငွေတွေ၊ ရွှေတွေ အကုန်ယူကြတာပဲ။

စစ်သားတွေက သူတို့ကို အမြင်မခံဘူး။

“ခေါင်းမမော့ရဘူး။ မကြည့်ရဘူး”တဲ့။

ညဉ့် ၁ နာရီမှာတော့ သံဃာတွေဟာ သင်္ကန်း မရှိတော့ဘဲ မြေကြီးပေါ်မှာ သွေးအိုင် ထဲမှာ အတုံးအရုံး မှောက်နေကြရပြီ။ ခြေထောက်နဲ့ သံဃာရဲ့ခေါင်းကို ကန်ကြတယ်။

ခေါင်းမော့တာနဲ့ တုတ်က ခေါင်းပေါ် ကျ လာတော့တာပဲ။ ကျောင်းထဲမှာ ရှာဖွေကြတယ်။ တွေ့တဲ့ပစ္စည်း ယူကြတယ်။ ရှာဖွေတာတော့ ရှာဖွေပုံစံ ပါတယ် ပြောတာပဲ။ ဦးဃောသိတဆိုတဲ့ ဦးပဉ္စင်း ဆိုရင် ငွေကိုးသိန်း သုံးသောင်း ပါသွားတယ်။ ရှာဖွေပုံစံထဲမှာ သူတို့က ရေးတယ်။ အခု ၂၀၁၃ အထိအောင် ပြန်သွားတောင်း တာလည်း မရပါဘူး။ သင်္ဃန်းကျွန်းဘဏ် အပ်ထားတယ် ပြောတာပဲ။

ကျုပ်ကတော့ ထောင်မကျပါဘူး။ ကမ္ဘာအေးမှာ နေရတယ်။ စစ်ဆေး မေးမြန်းတာ ခုနစ်ကြိမ် ခံရတယ်။ ကမ္ဘာအေးမှာ နေရတာ သုံးလကြာတာပေါ့။ သုံးလကြာပြီးမှ ပြန် လွတ်လာတာ။

ငွေကြာရံ ကျောင်းတိုက်ထဲက နီရဲတဲ့ သွေးကွက်တွေထဲမှာ ကျုပ်သွေးလည်း ပါတာပေါ့။ ညတွင်းချင်း အင်တာနက်ကို တင်တဲ့သူက တင်တော့ ကမ္ဘာကို ညတွင်းချင်းပဲ ငွေကြာရံထဲက ရဲနေတဲ့ သွေးကွက်တွေက ပျံ့နှံ့ သွားတော့တာပေါ့။

ကျုပ်ကတော့ သံဃာတွေအပေါ် စစ်သားတွေရဲ့ ရက်စက်မှုကို ဘယ်တော့မှ မမေ့ပါဘူး။ ကမ္ဘာမကြေ ပါဘူး။

(ဆရာမောင်ကိုကို(အမရပူရ)၏ "အသည်းနာ ကမ္ဘာမကျေ(ရွှေဝါရောင်တော်လှန်ရေး)" စာအုပ်မှ စာရေးသူ၏ ခွင့်ပြုချက်ဖြင့် ပြန်လည်ကူးယူဖော်ပြပါသည်။) EMG
__________________________________

မောင်ကိုကို(အမရပူရ)

↧

စိတ်ကြွဆေးပြား နှစ်သန်းကျော် ရန်ကုန်မှာ ထပ်မံသိမ်းဆည်းရမိ

September 22, 2015, 6:31 pm

≫ Next: ၃ ရက်အတွင်းတောင်းပန်ဖြေရှင်းခြင်းမပြုက သျှမ်းစာပေ ဆရာကြီးစိုင်းဖှကို ကျားဖြူဥက္ကဌ တရားစွဲမည်

≪ Previous: ငွေကြာရံ

ပထအအကြိမ် ရန်ကုန်တိုင်းအတွင်း ဖမ်းဆီးမိတဲ့ စိတ်ကြွဆေးပြားများ။

ရန်ကုန်တိုင်းဒေသကြီး ဒဂုံမြို့သစ် အရှေ့ပိုင်းမြို့နယ်မှာ WY စာတမ်းပါ စိတ်ကြွဆေးပြား ၂ သန်းနီးပါးနဲ့ ဖန်စီဒိုင်းပုလင်း ၅၀၀ ကျော် ထပ်မံ ဖမ်းဆီးရမိခဲ့ပြီး ဒါဟာ ရန်ကုန်မြို့မှာ စတုတ္တအကြိမ် စိတ်ကြွဆေး အများအပြား ဖမ်းဆီးရမိတာ ဖြစ်ပါတယ်။ ဒီဖမ်းဆီးရမိမှုဟာ ဇူလိုင်လအတွင်းက မင်္ဂလာဒုံမြို့နယ်မှာ စိတ်ကြွဆေးပြား ၂၆ သန်းကျော် ဖမ်းဆီးရမိတာနဲ့ ဆက်စပ်နေတယ်လို့ မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့က သုံးသပ်ထားပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

အခုလို စိတ်ကြွဆေးပြား အများအပြားကို တနင်္လာနေ့ နေ့ခင်းပိုင်းက ရန်ကုန်တိုင်းဒေသကြီး ဒဂုံမြို့သစ် အရှေ့ပိုင်းမြို့နယ် ၁၁၀ ရပ်ကွက် ဂန္ဓမာလမ်းက အိမ်တအိမ်မှာ နယ်မြေခံ ရဲတပ်ဖွဲ့က သတင်းအရ ၀င်ရောက် ရှာဖွေရာကနေ ဖမ်းဆီးရမိခဲ့တာ ဖြစ်ပါတယ်။

ဖမ်းဆီးရမိတဲ့ စိတ်ကြွဆေးပြားပမာဏကို နေပြည်တော် မူးယစ်ဗဟိုက ဒုရဲမှူးကြီး ဇော်လင်းထွန်းက အခုလို ပြောပါတယ်။

“စိတ်ကြွဆေးပြားပေါ့ဗျာ။ အားလုံးက ၁.၉ သန်းပေါ့ဗျာ။ နောက်ပြီးတော့ ကျနော်တို့ ဖန်စီဒိုင်းမိတယ်ပေါ့။ အလုံး ၅၀၀ ကျော်လောက်ပေါ့။ ဒီဟာကတော့ ၁.၆ တန်လေ။ မင်္ဂလာဒုံ ဇေကမ္ဘာ၀င်းနားမှာ မိတယ်။ အဲဒီရဲ့ ကွင်းစက်ပေါ့နော်။ ဆက်မိတာပါ။”

ဒီဖမ်းဆီးရမိတဲ့နေအိမ်ဟာ ကုလားတန်မြစ်ဝှမ်း ဒေသဖွံ့ဖြိုးတိုးတက်ရေး ကုမ္ပဏီ Kaladan Delta Development Company က မန်နေဂျင်းဒါရိုက်တာ ဦးမင်းဦးခိုင် နေအိမ်မှာ ဖမ်းဆီးရမိတာဖြစ်ပြီး ဦးမင်းဦးခိုင်ကို စက်တင်ဘာလ ၁၅ ရက်နေ့က ထိုင်း-မြန်မာနယ်စပ် မြ၀တီမြို့မှာ ဖမ်းဆီးရမိခဲ့တဲ့နောက် သူရဲ့နေအိမ်ကို ရှာဖွေရာကနေ စိတ်ကြွဆေးပြားတွေကို ထပ်မံ ဖမ်းဆီးရမိတာ ဖြစ်ပါတယ်။ ဒီလို ဖမ်းဆီးရမိတဲ့ စိတ်ကြွဆေးတွေရဲ့ ကာလတန်ဖိုးဟာ အနည်းဆုံး ကျပ်ငွေ သန်း ၁ သောင်းဖိုးလောက် ရှိတာ ဖြစ်ပါတယ်။

ရန်ကုန်တိုင်းဒေသကြီးအတွင်း ပြီးခဲ့တဲ့ ဇူလိုင်လ ၂၆ ရက်နေ့က မင်္ဂလာဒုံမြို့နယ် ဇေကမ္ဘာဝင်းမှာ ကွန်တိန်နာ ကုန်တင်ယာဉ်တစီးပေါ်ကနေ စိတ်ကြွဆေး ၂၆ သန်း၊ ကာလတန်ဖိုး ကျပ်ငွေ ၁၃၃ ဘီလီယံ (အမေရိကန်ဒေါ်လာ သန်း ၁၀၀ကျော်) ကို ပထမဆုံးအကြိမ် ပိုင်ရှင်မဲ့ ဖမ်းဆီးရမိခဲ့ပြီး ဒုတိယတကြိမ်ကတော့ သြဂုတ်လ ၃ ရက်နေ့က မြောက်ဒဂုံမြို့နယ်က လူမရှိတဲ့ နေအိမ်အတွင်းကနေ အတွင်းမှာ စိတ်ကြွဆေးပြား ၁၅ သိန်း၊ ကာလတန်ဖိုး ကျပ်ငွေ သန်း ၇၅၀၀ ဖိုးကို ဖမ်းဆီးရမိခဲ့ပါတယ်။ တတိယအကြိမ်ကတော စိတ်ကြွဆေးပြား ၆ သိန်းနီးပါးနဲ့ ဘိန်းဖြူ ဘလောက်တုံးတတုံး ကာလတန်ဖိုး ကျပ်သန်း ၃ ထောင်ကျော်ဖိုးကို သြဂုတ်လ ၁၂ ရက်နေ့က သာကေတမြို့နယ်၊ အမှတ် (၇) အနောက်ရပ်ကွက်ရှိ ရေမြောင်းအတွင်းကနေ ပိုင်ရှင်မဲ့ ထပ်မံ ဖမ်းဆီးရမိတာ ဖြစ်ပါတယ်။

ဒီဖမ်းဆီးရမိတာတွေဟာ ပထမဆုံးအကြိမ် မင်္ဂလာဒုံမြို့နယ်မှာ ဖမ်းဆီးရမိတာနဲ့ ဆက်စပ်နေပြီး လောလောဆယ် ဖမ်းဆီးရမိသူ ၉ ယောက်ရှိထားပြီလို့လည်း ဒုရဲမှူးကြီး ဇော်လင်းထွန်းက ပြောပါတယ်။

“ဖမ်းမိတာကတော့ အခု ၉ ယောက်လောက် မိထားပြီပေါ့နော်။ ၁၁ ယောက်လောက်တော့ မိဖို့ ကျန်သေးတယ်။”

ဖမ်းဆီးရမိတဲ့ စိတ်ကြွဆေးနဲ့ မူးယစ်ဆေးတန်ဖိုးဟာ ဒေါ်လာငွေ သန်းနဲ့ချီ ရှိတာကြောင့် ဒီလုပ်ငန်းကို ကြီးမားတဲ့ အဖွဲ့အစည်းတခုက ဆောင်ရွက်နေတာ ဖြစ်နိုင်ကြောင်းလည်း မြန်မာနိုင်ငံ ရဲတပ်ဖွဲ့က သတင်းထုတ်ပြန်ထားပါတယ်။

မြန်မာနိုင်ငံ မှာ ၁၉၉၉ ခုနှစ်ကစပြီး မူးယစ်ဆေးဝါး ကင်းစင်ရေးအတွက် ၁၅ နှစ် စီမံကိန်း ချမှတ် အကောင်အထည်ဖော်ခဲ့ရာမှာ၂၀၁၄ အထိ ဘိန်းနဲ့ စိတ်ကြွဆေး ထုတ်လုပ်မှု ပမာဏ ဆက်လက် မြင့်လာနေတဲ့အတွက် ၂၀၁၉ ခုနှစ်အထိ စီမံကိန်းကာလကို နောက်ထပ် ၅ နှစ် တိုးမြှင့်ထားရပါတယ်။

UNODC ခေါ် ကုလသမဂ္ဂ ရာဇ၀တ်မှုနဲ့ မူးယစ်ဆေးဝါး နှိမ်နင်းရေးအဖွဲ့ကတော့ မြန်မာနိုင်ငံဟာ အရှေ့တောင် အာရှမှာ စိတ်ကြွဆေးဝါးတွေ အများဆုံး ထုတ်လုပ်တဲ့ နိုင်ငံဖြစ်တယ်လို့ ထုတ်ပြန်ထားသလို အမေရိကန် နိုင်ငံခြားရေးဝန်ကြီးဌာနက ၂၀၁၅ ခုနှစ်အတွက် ထုတ်ပြန်တဲ့ မူးယစ်ဆေးဝါး တိုက်ဖျက်ရေး နှစ်ပတ်လည် အစီရင်ခံစာမှာလည်း မြန်မာနိုင်ငံရဲ့ မူးယစ်ဆေးဝါး တိုက်ဖျက်ရေး လုပ်ငန်းတွေဟာ နိုင်ငံတကာ သဘောတူစာချုပ်ပါ အချက်တွေကို အပြည့်အ၀ လိုက်နာဆောင်ရွက်ခြင်း မရှိဘူးလို့ ဖော်ပြထားပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com

↧

၃ ရက်အတွင်းတောင်းပန်ဖြေရှင်းခြင်းမပြုက သျှမ်းစာပေ ဆရာကြီးစိုင်းဖှကို ကျားဖြူဥက္ကဌ တရားစွဲမည်

September 22, 2015, 6:32 pm

≫ Next: ရှမ်းပါတီတွေကြားမှာ အကြိတ်အနယ် ပြိုင်ရဖို့ရှိ

≪ Previous: စိတ်ကြွဆေးပြား နှစ်သန်းကျော် ရန်ကုန်မှာ ထပ်မံသိမ်းဆည်းရမိ

စက်တင်ဘာလ ၂၂ ရက် ၂၀၁၅

သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ခေါ် ကျားခေါင်းပါတီ ၏ ပင်လုံမြို့ပါတီလုံးကျွတ်ဆွေးနွေးပွဲ၌ အထူးဧည့်သည်တော်အဖြစ် တက်ေ ရာက် စကားပြောသည့် သျှမ်းစာပေဆရာကြီးစိုင်းဖှ ၏ အသုံး အနှုန်းသည် ကျားဖြူပါတီ၏ ဂုဏ်သိက္ခာအား ထိပါးစော်ကားသည့်အတွက် သုံးရက် အတွင်း တောင်းပန်ဖြေရှင်းခြင်းမပြုလျှင် အမှုဖွင့်တရားစွဲဆိုမည်ဟု ကျားဖြူ ပါတီ SNDP ဥက္ကဌ စိုင်းအိုက်ပေါင်းက ပြောသည်။

“သုံးရက်အတွင်းလာရောက်ဖြေရှင်းဖို့ သီပေါလူထုတွေ့ဆုံစည်းရုံးရေးပွဲမှာ ဒီကိစ္စပြောမယ်။ ဒါရဲအရေးပိုင်အမှုဖြစ်ပွားပြီ။ သူကိုယ်တိုင် လာတောင်းပန် ရမယ်။ တောင်းပန်ရုံနဲ့မပြီးသေးဘူး။ စီဒီခွေတွေ လုပ်ပြီး ပြန်ဖြန့်ဝေဖြေ ရှင်းပေးရမယ်” - ဟု သျှမ်းတိုင်းရင်းသားများ ဒီမိုကရက်တစ်ပါတီ SNDP ခေါ် ကျားဖြူပါတီ ဉက္ကဌ စိုင်းအိုက်ပေါင်းက ပြောသည်။

စက်တင်ဘာ ၁၉ ရက်နေ့ ရက်စွဲဖြင့် သျှမ်းတိုင်းရင်းသားများ ဒီမိုကရက် တစ်ပါတီ SNDP ခေါ် ကျားဖြူပါတီ မှ ပြည်ထောင်စုရွေးကောက်ပွဲကော်မရှင် ဥက္ကဌ ထံလိပ်မူပြီး ဦးလှဖေ ခေါ် ဦးစိုင်းဖ အား လိုသလိုအရေးယူပေးပါရန် တိုင်တန်းစာတစောင်ပေးပို့ခဲ့သည်။

အဆိုပါစာတွင် သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD သည် ၈ ရက် ၉ လ ၂၀၁၅ တွင် ပင်လုံမြို့မွေတော်ကျောင်းတွင် လူထုဟောပြောပွဲ၌ ဦးလှဖေ ခေါ် ဦးစိုင်းဖ ၏ ဟောပြောချက် များမှာ “ ကျားဖြူပါတီ က အစိုးရအဖွဲ့အသီးသီး လွှတ်တော်အသီးသီးတွင် နေရရာပြီး အစိုးရ အဖွဲ့ဝင်များ ဖြစ်လာကြောင်း၊ သယံဇာတများဖြစ်ကြသည့် သတ္တုတူးရန်၊ သစ်တော သစ်ပင်ခုတ်ရန်၊ ထင်းမီးသွေးလုပ်ရန်အတွက် ခွင့်ပြုထားသော ကုမ္ပဏီစာရင်း များပြားစွာ ယခုစာရွက်ကဲ့သို့စာရင်းပါအတိုင်းရှိကြောင်း ……..” စသဖြင့်စွပ်စွဲပြောဆိုထားသည်ဟု ကျားဖြူပါတီမှ UEC ပြည်ထောင်စုရွေးကောက်ပွဲကော်မရှင်သို့ တိုင်တန်းထားပါသည်။

အဆိုပါကိစ္စနှင့်ပတ်သက်၍ သျှမ်းသံတော်ဆင့်မှ သျှမ်းစာပေဆရာစိုင်းဖှ အား ကြိုးစားဆက်သွယ်သော်လည်း စကားပြောဆိုခွင့်မရရှိခဲ့ပေ။

ကျားခေါင်းပါတီအထွေထွေအတွင်းရေးမှူး စိုင်းညွှန့်လွင်ကမူ “အဲဒီကိစ္စအပေါ် ကျနော်တို့ ဘာမှ မပြောလိုသေးပါဘူး” - ဟု သျှမ်းသံတော်ဆင့်သို့ပြောသည်။

၁၉၈၉ က ကျားခေါင်းပါတီ SNLD တည်ထောင်စဉ်၊ လက်ရှိကျားဖြူပါတီ ဥက္ကဌ စိုင်းအိုက်ပေါင်း က ကျားခေါင်းပါတီ၏ အထွေထွေ အတွင်းရေးမှူး တာဝန်ထမ်းဆောင်စဉ် သျှမ်းစာပေပညာရှင် ဆရာစိုင်းဖှ သည်လည်း ကျားခေါင်းပါတီအတွက် ၁၉၉၀ ရွေးကောက်ပွဲ ကျောက်မဲ(၁) မဲဆန္ဒနယ် တွင် အနိုင်ရရှိခဲ့သည့် ကိုယ်စားလှယ်တဦးဖြစ်သည်။

နိုင်ငံတော်အား မြန်မာ့တပ်မတော်မှအာဏာသိမ်းပြီးနောက် ရွေးကောက်ပွဲအနိုင်ရ နိုင်ငံရေးပါတီဝင်များအား ပါတီမှ နှုတ်ထွက်ရန်ဖိအားပေးစဉ် ဆရာစိုင်းဖှ လည်း ကျားခေါင်းပါတီမှ နှုတ်ထွက်လိုက်သည်။ ထိုစဉ်မှစ၍ သျှမ်းလူမျိုးများ ရှိရာ ပြည်ထောင်စုအနှံ့လှည့်လည်ကာ သျှမ်းစာပေပျံ့ ပွားရေး အတွက်စေ တနာ့ ဝန်ထမ်းအဖြစ် တစိုက်မတ်မတ် လုပ်ဆောင်လာခဲ့သည့် ပုဂ္ဂိုလ်ဖြစ် သည်။

သျှမ်းသံတော်ဆင့်
https://www.facebook.com/Panglong.burmese

↧

ရှမ်းပါတီတွေကြားမှာ အကြိတ်အနယ် ပြိုင်ရဖို့ရှိ

September 22, 2015, 6:32 pm

≫ Next: ပုပ်ရဟန်းမင်ကြီး Francis ကို အမေရိကန်လှိုက်လှဲစွာကြိုဆို

≪ Previous: ၃ ရက်အတွင်းတောင်းပန်ဖြေရှင်းခြင်းမပြုက သျှမ်းစာပေ ဆရာကြီးစိုင်းဖှကို ကျားဖြူဥက္ကဌ တရားစွဲမည်

ရွေးကောက်ပွဲ အတွက် ရှမ်းပြည်နယ် မှာမဲဆွယ် ဟောပြော

မြန်မာ နိုင်ငံ အထွေထွေ ရွေးကောက်ပွဲ ကျင်းပဖို့ နီးကပ်လာတဲ့ အချိန်မှာ ရွေးကောက်ပွဲ မှာ ယှဉ်ပြိုင်ကြမယ့် နိုင်ငံရေး ပါတီတွေကလည်း အကြီးအကျယ် မဲဆွယ် စည်းရုံး နေကြပါတယ်။

ရှမ်းပြည်နယ် အတွင်း ရွေးကောက်ပွဲ ဝင်ကြမယ့် ပါတီတွေကြားမှာ လက်ရှိအာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ၊ အန်အယ်လ်ဒီ အမျိုးသား ဒီမိုကရေစီ အဖွဲ့ချုပ် ၊ SNDP ကျားဖြူ ပါတီနဲ့ SNLD ကျားခေါင်း ပါတီခေါ် ရှမ်းတိုင်းရင်းသားများ ဒီမိုကရေစီ အဖွဲ့ချုပ် ပါတီ ကြီး ၄ ခု အားကောင်းတာ တွေ့ရတယ်လို့ ရှမ်းပြည်နယ်မှာ ရွေးကောက်ပွဲ မဲဆွယ်မှု နဲ့ အခြေအနေ အရပ်ရပ်ကို စောင့်ကြည့် လေ့လာနေတဲ့ ရှမ်းသံတော်ဆင့် သတင်းအယ်ဒီတာချုပ် ကိုစိုင်းမိဏ်းက ပြောပါတယ်။

အခု ရက်ပိုင်းအတွင်း ကျားဖြူပါတီက ရှမ်းပြည်မြောက်ပိုင်း၊ ကြံ့ခိုင်ဖွံ့ဖြိုးရေး ပါတီက ဒုတိယ သမ္မတ စိုင်းမောက်ခမ်း ကိုယ်တိုင် လားရှိုး အနီး တဝိုက်မှာ မဲဆွယ် စည်းရုံး နေတာ တွေ့ရတယ်လို့ သူက ပြောပါတယ်။

အခြေ အနေကို ခြုံကြည့်ရင် ၁၉၉၀ ခုနှစ်က အနိုင်ရခဲ့တဲ့ သမိုင်း အစဉ်အလာကောင်းပြီး မူဝါဒ အားကောင်းတဲ့ SNLD ပါတီ ကိုထောက်ခံသူတွေကို ပိုပြီး တက်တက်ကွှကွှ တွေ့လာသလို NLD အမျိုးသား ဒီမိုကရေစီ အဖွဲ့ချုပ်ကိုလည်း မြို့တွေ အတွင်းက မြန်မာ စကား တတ်တဲ့ အသိုင်း အဝိုင်းက ပိုမိုအားပေးလာတာ တွေ့ရတယ်လို့ ကိုစိုင်းမိဏ်းက ပြောပါတယ်။

၂၀၁၀ ရွေးကောက်ပွဲ တုန်းက နိုင်ခဲ့တဲ့ ကျားဖြူပါတီ အနေနဲ့ ဆိုရင်လည်း ရှမ်းပြည်နယ် အစိုးရ ဖွဲ့နိုင်ရေး၊ သိမ်းဆည်းခံ လယ်ယာမြေတွေ ပြန်ရရေး တို့ လုပ်ဆောင်မယ်လို့ ပြောနေတာကြောင့် သူတို့ကို ထောက်ခံမှုတွေလည်း ရှိကြတယ်လို့ ဆိုပါတယ်။

ဒီလို ထောက်ခံသူတွေ အသီးသီး ရှိနေကြပေမဲ့ ရှမ်းပါတီတွေ ကြားမှာ အကြိတ်အနယ် ပြိုင်ရဖို့ များတယ်လို့လည်း သူက ပြောပါတယ်။

လက်ရှိ ဖြစ်နေတဲ့ တိုက်ပွဲတွေကြောင့် မဲဆွယ် စည်းရုံးမှုတွေကို ထိခိုက်နိုင်သလို ရွေးကောက်ပွဲ အတွက်လည်း အလားအလာတော့ သိပ်မကောင်းဘူးလို့ ရှမ်းသံတော်ဆင့် သတင်းအယ်ဒီတာချုပ် ကိုစိုင်းမိဏ်းက ပြောပါတယ်။

BBC Burmese
http://www.bbc.com/burmese

↧

ပုပ်ရဟန်းမင်ကြီး Francis ကို အမေရိကန်လှိုက်လှဲစွာကြိုဆို

September 22, 2015, 6:33 pm

≫ Next: တရုတ်သမ္မတ အမေရိကန်ဆိုက်ရောက်

≪ Previous: ရှမ်းပါတီတွေကြားမှာ အကြိတ်အနယ် ပြိုင်ရဖို့ရှိ

ပုပ်ရဟန်းမင်ကြီး Francis ဟာ ကျူးဘားနိုင်ငံကတဆင့် ပြီးခဲ့တဲ့နာရီပိုင်းအတွင်းမှာပဲ အမေရိကန်ပြည်ထောင်စု အရှေ့ဘက်ခြမ်း မယ်ရီလန်းပြည်နယ် Andrew လေတပ် အခြေစိုက်စခန်း လေဆိပ်ကို ဆိုက်ရောက်လာပြီး သမ္မတ အိုဘားမားကိုယ်တိုင် သွားရောက် ကြိုဆိုခဲ့ပါတယ်။

သူ့ခရီးစဉ်အတွင်း ဆင်းရဲမွဲတေမှု၊ သဘာဝပတ်ဝန်းကျင် ထိန်းသိမ်းရေး စတဲ့ ကိစ္စတွေအပြင် ဘာသာရေးလွတ်လပ်ခွင့်၊ ရွှေ့ပြောင်းအခြေချသူတွေ အရေးအတွက် အမေရိကန်အစိုးရနဲ့ လွှတ်တော်ကို တိုက်တွန်းပြောဆိုဖို့ ရှိနေပါတယ်။ ပုပ်ရဟန်းမင်ကြီးရဲ့ အမေရိကန်ခရီးစဉ်နဲ့ ပတ်သက်လို့ ကိုဉာဏ်ဝင်းအောင် က တင်ပြထားပါတယ်။

စက်တင်ဘာလ ၂၂ ရက် ဒေသစံတော်ချိန် ညနေ ၄ နာရီမှာ အမေရိကန်နိုင်ငံကို ကြွရောက်လာတဲ့ ပုပ်ရဟန်းမင်ကြီး Francis ကို သမ္မတ အိုဘားမားနဲ့ မိသားစုက လေဆိပ်မှာ ခရီးဦး ကြိုဆို နှုတ်ဆက်ခဲ့ပါတယ်။ ကမ္ဘာ့ခေါင်းဆောင်တဦးကို လေဆိပ်မှာ လာကြိုတာဟာ အမေရိကန် သမ္မတတဦးအတွက် ရှားပါးတဲ့လုပ်ရပ် ဖြစ်ပါတယ်။

ပုပ်ရဟန်းမင်ကြီးရဲ့ ၆ ရက်ကြာ အမေရိကန် ခရီးစဉ်အတွင်း ၀ါရှင်တန်ဒီစီ၊ နယူးယောက်နဲ့ Philadelphia မြို့ ၃ မြို့ကို သွားရောက်မှာ ဖြစ်ပါတယ်။ ဗုဒ္ဓဟူးနေ့ မနက်မှာတော့ သမ္မတ အိုဘားမားနဲ့ အိမ်ဖြူတော်မှာ တွေ့ဆုံဖို့ရှိပြီး နေ့လည်ပိုင်းမှာ ၀ါရှင်တန်ဒီစီက Cathedral of St. Matthew ဘုရားကျောင်းမှာ ရိုမန်ကက်သလစ် ဘာသာဝင်တွေနဲ့အတူ ၀တ်ပြုဆုတောင်းပွဲကို တက်ရောက်မှာပါ။ အဲဒီဆုတောင်းပွဲကို တက်ရောက်မယ့် မယ်ရီလန်းပြည်နယ်က ဒေါ် Emily က ၀တ်ပြုပွဲ အစီအစဉ်ကို ပြောပြပါတယ်။

“သခင်ယေရှု ကာရနီတောင်ထိပ်မှာ လက်ဝါးကပ်တိုင်နဲ့ အသတ်ခံရတဲ့ပွဲကို တဖန်ပြန်လည်ပြီးမှ ခရစ်တော်ကို သတိရခြင်းအားဖြင့် အဲဒီပွဲကို ပြန်လည်ကျင်းပတာပေါ့နော်။ ပူဇော်ပွဲပေ့ါ။ လူသားအားလုံး အပြစ်ကို ကျွတ်ဖို့ ဘုရားက လက်ဝါးကပ်တိုင်ပေါ်မှာ အသေခံတာလေ။ အဲဒါ ခရစ်တော်က ဒီဥစ္စာကို သတိရခြင်းအားဖြင့် ဒီအမှုကိုပြုလော့လို့ မှာထားခဲ့တာလေ။ ဒါပေမဲ့ ရဟန်းတင်မြှောက်ပွဲလည်း ပါမယ်ဆိုတော့ နောက်ပြီး အခမ်းအနားတွေကလည်း အမျိုးစုံရှိမယ်လေ။ အဲတော့ ၂ နာရီလောက်ကြာမယ်လို့ ထင်ပါတယ်။”

အသက် ၇၈ နှစ်ရှိပြီး ရိုးဂုဏ်နဲ့ ကျော်ကြားသူ အာဂျင်တီးနားနိုင်ငံသား ပုပ်ရဟန်းမင်ကြီး Francis က သူ့ခရီးစဉ်အတွင်း ဆင်းရဲမွဲတေမှု လျှော့ချရေး၊ သဘာ၀၀န်းကျင် ထိန်းသိမ်းရေး စတဲ့ ကိစ္စတွေအပြင် ဘာသာရေး လွတ်လပ်ခွင့်နဲ့ အမေရိကန်ကို ရွှေ့ပြောင်းအခြေချလာသူများ အရေးအတွက် အမေရိကန်အစိုးရနဲ့ လွှတ်တော်ကို တိုက်တွန်း ပြောဆိုဖို့ ရှိပါတယ်။ ပုပ်ရဟန်းမင်ကြီး Francis ရဲ့ ထူးခြားချက်နဲ့ ပတ်သက်လို့ ဆန်ဖရန်စစ္စကိုမြို့အခြေစိုက် ရိုမန်ကက်သလစ် အသင်းတော်က Father ဦးသန်းထွန်းက အခုလို မြင်ပါတယ်။

“အခု ဒီ ပုပ်ရဟန်းမင်းကြီး Francis နဲ့ အရင်တုန်းက လုပ်ခဲ့ကြတဲ့ ပုပ်ရဟန်းမင်းကြီးတွေနဲ့တော့ သူတို့ရဲ့ လက်ခံထားတဲ့ ကျောရိုးမာန်တိုင်ကတော့ အားလုံး အတူတူပဲလို့ ကျနော် မြင်ရတယ်။ ဒီပုပ်ရဟန်းမင်းကြီးကတော့ သူကတော့ အဓိကကတော့ ချစ်ခြင်းဆိုတဲ့ မေတ္တာတရားကို အဓိကထားပြီးတော့မှ လူတွေကို စာနာဖို့ တကယ် ဒုက္ခရောက်နေတဲ့လူတွေကို ကူညီပေးဖို့ပေါ့ ဒီ Homeless တွေ Refugee တွေ၊ Immigrants တွေကို အဲဒါတွေကို သူကနေ ပိုပြီးတော့မှ အဲလိုမျိုး အဓိကထားတယ်ပေါ့။ emphasize လုပ်တာတော့ ကျနော် တွေ့ရတယ်ဗျ။”

ပုပ်ရဟန်းမင်းကြီးဟာ စက်တာဘာလ ၂၄ ရက်ကျရင် အမေရိကန်လွှတ်တော် နှစ်ရပ်ပေါင်းရှေ့မှာ မိန့်ခွန်းပြောကြားဖို့ရှိပြီး စက်တာဘာ ၂၅ ရက်နေ့ နယူးယောက်မြို့က ကုလသမဂ္ဂ အထွေထွေ ညီလာခံမှာ မိန့်ခွန်းပြောကြားမှာပါ။ ပုပ်ရဟန်းမင်းကြီး ခုလို ရောက်လာချိန် အမေရိကန် နိုင်ငံတွင်းမှာ လိင်တူချစ်သူတွေရဲ့ အခွင့်အရေး၊ လူဝင်မှုဥပဒေပြဿနာနဲ့ သန္ဓေသားဖျက်ချတဲ့ ကိစ္စတွေကို အပြန်အလှန် အငြင်းပွားနေချိန်နဲ့လည်း တိုက်ဆိုင်နေပါတယ်။ ရွှေ့ပြောင်း အခြေချလာသူတွေနဲ့ဆိုင်တဲ့ အမေရိကန်လူဝင်မှုဥပဒေ ပြင်ဆင်ရေးကိုလည်း ပုပ်ရဟန်းမင်းကြီးက တိုက်တွန်း ပြောဆိုမယ်လို့ မျှော်လင့်နေကြပါတယ်။ လိင်တူချစ်သူတွေ လက်ထပ်ခွင့်ရှိတဲ့ ဥပဒေကို အမေရိကန် ဗဟိုတရားရုံးက အတည်ပြုခဲ့ပြီး ၃ လ အကြာမှာ အမေရိကန်ပြည်ထောင်စုကို ပုပ်ရဟန်းမင်းကြီး ရောက်ရှိလာတာဖြစ်ပြီး သူပထမဦးဆုံး ပြောမယ့်မိန့်ခွန်းကို အားလုံးက စိတ်ဝင်စားနေကြပါတယ်။

စက်တာဘာလ ၂၆ ရက်နေ့ Philadelphia မြို့မှာ ကျင်းပမယ့် “ကမ္ဘာတ၀ှမ်း မိသားစုများနဲ့ တွေ့ဆုံပွဲ”ကိုလည်း ပုပ်ရဟန်းမင်ကြီး တက်ရောက်ပါမယ်။ အဲဒီပွဲကို ကမ္ဘာတလွှားက ရိုမန်ကက်သလစ် ဘာသာဝင်တွေနဲ့အတူ မြန်မာ ရိုမန်ကက်သလစ် မိသားစုတွေလည်း တက်ရောက်မှာဖြစ်ပြီး မြန်မာနိုင်ငံက ကက်သလစ်ဆရာတော် Bishop Felix Lain Khen Htane လည်း တက်ရောက်မှာ ဖြစ်ပါတယ်။ စက်တာဘာ ၂၇ ရက် တနင်္ဂနွေ နေ့ကျရင် ပုပ်ရဟန်းမင်ကြီးဟာ ရောမမြို့ကို ပြန်လည်ကြွချီမှာ ဖြစ်ပါတယ်။

ပုပ်ရဟန်းမင်ကြီး Francis ပေါ် လူကြိုက်များမှုနဲ့ ပတ်သက်လို့ New York Times သတင်းစာနဲ့ CBS သတင်းဌာနတွေက စစ်တမ်းကောက်ယူခဲ့ရာမှာတော့ ရိုမန်ကက်သလစ် ဘာသာဝင်တွေရဲ့ ၆၃% က သူ့ကို နှစ်သက်ကြတယ်လို့ ဆိုပါတယ်ခင်ဗျာ။

ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com

↧

တရုတ်သမ္မတ အမေရိကန်ဆိုက်ရောက်

September 22, 2015, 6:33 pm

≫ Next: ပညာရေးဥပဒေ ဆန္ဒပြကျောင်းသားများရှေ့နေ တရားစွဲခံရ

≪ Previous: ပုပ်ရဟန်းမင်ကြီး Francis ကို အမေရိကန်လှိုက်လှဲစွာကြိုဆို

တရုတ်သမ္မတ ရှီကျင့်ပင်ဟာ အမေရိကန်ခရီးစဉ်ကို စတင်ခဲ့ရာမှာ အင်္ဂါနေ့က ၀ါရှင်တန်ပြည်နယ်၊ Seattle မြို့ကို ဆိုက်ရောက်ခဲ့ပါတယ်။

တရုတ်ခေါင်းဆောင်ဟာ Seattle မြို့မှာ Boeing နဲ့ Microsoft တို့ အပါအ၀င် အဲဒီဒေသမှာရှိတဲ့ အမေရိကန် စီးပွားရေးလုပ်ငန်းတွေရှင်နဲ့ တွေ့ဆုံပြီး၊ ကုန်သွယ်ရေး၊ ဆိုဒ်ဘာလုံခြုံရေးနဲ့ နည်းပညာကဏ္ဍ ပူးပေါင်းဆောင်ရွက်ဖို့ ဆွေးနွေးသွားမယ်လို့ မျှော်လင့်ရပါတယ်။ တရုတ်သမ္မတဟာ အင်္ဂါနေ့ညနေပိုင်းမှာ မူဝါဒပိုင်းဆိုင်ရာ မိန့်ခွန်းတခု ပြောကြားဖို့လည်း ရှိနေပါတယ်။

Wall Street ဂျာနယ်ရဲ့မေးခွန်းတွေကို တရုတ်သမ္မတက ပြန်လည်ဖြေကြားခဲ့တာကို အင်္ဂါနေ့က ဖော်ပြခဲ့ရာမှာ၊ သမ္မတ ရှီ က သူ့အစိုးရအနေနဲ့ ဆိုဒ်ဘာလုံခြုံရေးကို အလေးအနက်ထားနေကြောင်း၊ ကွန်ပြူတာ ဖောက်ထွင်းသူတွေက စီးပွားရေးလျို့ဝှက်ချက်တွေကို ခိုးယူတာ အပါအ၀င် ဆိုဒ်ဘာ ရာဇ၀တ်မှုအားလုံးကို ဥပဒေနဲ့ နိုင်ငံတကာ သဘောတူညီချက်တွေအရ အရေးယူသင့်တယ်လို့ ဖြေကြားခဲ့ပါတယ်။

တရုတ်အစိုးရအနေနဲ့ စီးပွားရေး လျှို့ဝှက်ချက်တွေ ခိုးယူတာမျိုးကို လုပ်ဆောင်ခဲ့ခြင်း မရှိသလို၊ တရုတ်ကုမ္ပဏီတွေကို ဒီလို အပြုအမူမျိုး လုပ်ဆောင်ဖို့ အားပေးတိုက်တွန်းခဲ့တာမျိုးလည်း မရှိဘူးလို့ ရှီက ရေးသားခဲ့ပြီး၊ တရုတ်နိုင်ငံအနေနဲ့ ဆိုဒ်ဘာလုံခြုံရေးကိစ္စမှာ အမေရိကန်နဲ့ ပူးပေါင်းဆောင်ရွက်ဖို့ အသင့်ရှိနေတယ်လို့လည်း ပြောဆိုလိုက်ပါတယ်။

တရုတ်နိုင်ငံ ကိုယ်တိုင်လည်း သတင်းအချက်အလက် ခိုးယူတဲ့လုပ်ရပ်ရဲ့ သားကောင်ဖြစ်ခဲ့ပြီး၊ စီးပွားရေးဆိုင်ရာ အချက်အလက်တွေ ခိုးယူရာမှာ ပါဝင်ခဲ့တယ် ဆိုတာကိုလည်း တရုတ်အစိုးရက ငြင်းဆိုခဲ့ပါတယ်။

လာမယ့် သောကြာနေ့မှာ တရုတ်ခေါင်းဆောင်ရဲ့ အိမ်ဖြူတော်ကို လည်ပတ်တဲ့ ခရီးစဉ်အတွင်း ရှီ နဲ့ သမ္မတ အိုဘားမားတို့ တွေ့ဆုံရာမှာ ဆိုဒ်ဘာသူလျှိုပြုလုပ်မှုနဲ့ စီးပွားရေးဆိုင်ရာ ကိစ္စတွေကို အဓိကထား ဆွေးနွေးလိမ့်မယ်လို့ မျှော်လင့်ရပါတယ်။

ဗွီအိုအေ (မြန်မာပိုင်း)
http://burmese.voanews.com

↧

ပညာရေးဥပဒေ ဆန္ဒပြကျောင်းသားများရှေ့နေ တရားစွဲခံရ

September 22, 2015, 6:51 pm

≫ Next: လိပ်ကျွန်းလူသတ်မှု သက်သေခံပစ္စည်းမှာ မြန်မာနှစ်ဦး DNA မတွေ့ရ

≪ Previous: တရုတ်သမ္မတ အမေရိကန်ဆိုက်ရောက်

Student protesters, get off a police truck upon arrival at a township court for their trial Tuesday, July 14, 2015, in Tharyarwaddy township, Bago Division, north of Yangon, Myanmar. Student activists protested against a new education law at Letpadan in March 2015 appeared in a township court Tuesday for the 8th time of their trial in Tharyarwaddy. (AP Photo/Khin Maung Win)

ပညာရေးဥပဒေ ပြင်ဆင်ရေးဆွဲပေးဖို့ တောင်းဆိုဆန္ဒပြကြတဲ့ ကျောင်းသားတွေနဲ့ သူတို့ကို ပံ့ပိုး ကူညီပေးခဲ့ကြသူတွေရဲ့ အမှုကို စက်တင်ဘာလ ၂၂ ရက်နေ့က သာယာဝတီတရားရုံးမှာ ရုံးထုတ် စစ်ဆေးခဲ့ပေမဲ့ အမှုတွဲမရှိတဲ့အတွက် စက်တင်ဘာလ ၂၉ ရက်နေ့မှာ ကြားနာဖို့ ပြန်လည် ချိန်းဆိုလိုက်ပါတယ်။

ဒီအတောအတွင်း ကျောင်းသားတွေရဲ့ အကျိုးဆောင်ရှေ့နေတဦးဖြစ်တဲ့ ဒေါ်ခင်ခင်ကျော်ကို ပုဒ်မ ၂၂၈ - တရားစီရင်ရေး နှောင့်ယှက်မှုနဲ့ သာယာဝတီမြို့နယ် တရားသူကြီးက တရားစွဲဆိုလိုက်ပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။

ပညာရေးဥပဒေ ပြင်ဆင်ရေးအတွက် တောင်းဆိုဆန္ဒပြကြတဲ့ ကျောင်းသားတွေရဲ့ ပင်မသပိတ်စခန်းကို လုံခြုံရေးတပ်ဖွဲ့တွေက အင်အားသုံး ဖြိုခွင်းပြီး ဖမ်းဆီးထိန်းသိမ်းခဲ့တာ ၆ လ ကျော်သွားပြီ ဖြစ်ပေမဲ့ အခုချိန်ထိ သက်သေတယောက်ကိုသာ စစ်ဆေးပြီးပါသေးတယ်။

ကျောင်းသားတွေနဲ့ သူတို့ကို ကူညီပံ့ပိုးပေးခဲ့ကြသူတွေကို ရုံးချိန်း အကြိမ်ကြိမ် ချိန်းဆိုခဲ့ပေမဲ့ အခုချိန်ထိ အမှုဟာ သိသိသာသာ တိုးတက်မှု မရှိသေးပါဘူး။ အခုတခါလည်း စက်တင်ဘာ ၂၂ ရက်၊ အင်္ဂါနေ့က သူတို့အမှုကို သာယာဝတီမြို့နယ် တရားရုံးမှာ စစ်ဆေးဖို့ ရှိပေမဲ့ အမှုတွဲမရှိတဲ့အတွက် စက်တင်ဘာလ ၂၉ ရက်နေ့ကို ပြန်လည် ချိန်းဆိုလိုက်တယ်လို့ အကျိုးဆောင် ရှေ့နေတဦးဖြစ်တဲ့ ဒေါ်ခင်ခင်ကျော်က ပြောပါတယ်။

“ဒီနေ့ကတော့ မူလရုံးအမှုတွဲမရှိလို့ မစစ်ဖြစ်တာလေ။ မူလရုံးအမှုတွဲက ပြင်ဆင်မှုတခု တက်ထားတဲ့အတွက်ကြောင့်မို့လို့ ပဲခူးတိုင်းဒေသကြီး တရားလွှတ်တော်ကို ရောက်သွားတယ်လေ။ အဲဒါကြောင့်မို့လို့ ကျမတို့ရဲ့ အောက်ရုံးမှာတော့ မစစ်ဖြစ်တာပေါ့နော်။ အခုက မြို့နယ်၊ မြို့နယ်ကနေပြီးတော့ ခရိုင်ကိုတက်တယ်။ ခရိုင်ကိုတက်တော့ ခရိုင်ကလည်း မရတဲ့အတွက်ကြောင့်မို့ သူက ပဲခူးတိုင်းဒေသကြီး တရားလွှတ်တော်ကို တက်ထားတာပေါ့နော်။ အဲဒီထဲက ယာဉ်ပိုင်ရှင်ကလေ။ ကားအာမခံမရလို့ဆိုပြီး တက်သွားတာ။ သာမန်အားဖြင့်ဆိုရင်တော့ အဲ့လိုအပေါ် ရုံးတွေတက်တယ်ဆိုရင်တော့ နှစ်လ၊ သုံးလလောက်တော့ ကြာတတ်တယ်။ သာမန်အမှုတွေဆိုရင်တော့ ဒီအမှုကိုတော့ မပြောတတ်ဘူး။ ကျမကတော့လေ။ အဲဒါက သူတို့ရုံးတော်က လုပ်ဆောင်ချက်အပေါ် မူတည်တာပေါ့နော်။”

ကျောင်းသားတွေရဲ့အမှုကို လောလောဆယ်မှာ တိုင်းတရားရုံးကို လွှဲထားတဲ့အတွက် ၃ - ၄ လလောက် ကြာနိုင်တယ်လို့ ဆိုပြန်တဲ့အတွက် စက်တင်ဘာလ ၂၉ ရက်နေ့မှာ ရုံးချိန်း ချိန်းထားတာဟာလည်း နောက်ထပ် ရက်ထပ်တိုးရဖို့ သေချာသလောက် ရှိနေပါတယ်။

ကျောင်းသားတွေအနေနဲ့ သူတို့အမှုကို ၁ ပတ်တခါ ရုံးချိန်းတက်မလား၊ သို့တည်းမဟုတ် ၂ ပတ်တခါ ရုံးချိန်းတက်မလား ဆိုတာကို ရွေးချယ်ပိုင်ခွင့် ရှိမှာဖြစ်ပြီး သူတို့ ရှေ့ဆက် ဘယ်လို လုပ်ဆောင်မယ် ဆိုတာကိုတော့ လာမယ့် ၂၉ ရက်နေ့ ရုံးချိန်းကျမှ ဆုံးဖြတ်သွားမယ်လို့ ဆိုပါတယ်။ အကျိုးဆောင်ရှေ့နေ ဒေါ်ခင်ခင်ကျော်ဟာလည်း ဒီအမှုကို ကြားနာစစ်ဆေးနေတဲ့ ကာလအတွင်းမှာပဲ တရားစီရင်ရေး နှောင့်ယှက်မှုနဲ့ တရားသူကြီးကိုယ်တိုင်က တရားစွဲဆိုတာကို ခံထားရတာ ဖြစ်ပါတယ်။

“၂၂၈ ဟုတ်ကဲ့ရှင့်။ အဲဒါက တရားစီရင်ရေး နှောင့်ယှက်မှုပေါ့။ ကျမကို စွဲတယ်ဆိုတာကလည်းပဲ တရားစီရင်ရေးကို ဆက်လက် ဆောင်ရွက်လို့မရအောင် နှောင့်ယှက်တယ်ဆိုတဲ့ အဲဒီအကြောင်းပြချက်နဲ့ ကျမကို စွဲထားတာပေါ့နော် အခု။ ကျမအမှုကတော့ ၅ ရက်နေ့ကို ပြန်ချိန်းတယ်ရှင့်။ ၅ ရက်နေ့မှာတော့ တရားလိုပေါ့နော် သာယာဝတီမြို့နယ် တရားသူကြီး ဦးချစ်မြတ်ကို စစ်မယ်ပေါ့။”

အမှုကို ကြားနာစစ်ဆေးတဲ့ တရားသူကြီးက သူ့အပေါ် ဘာကြောင့် တရားစွဲတယ်ဆိုတာကိုလည်း ဒေါ်ခင်ခင်ကျော် က အခုလို ရှင်းပြပါတယ်။

“ဟုတ်ကဲ့ အဲဒီနေ့ကကျတော့ ကျမက ဒုရဲမှူး နန္ဒာဝင်းရဲ့နေရာမှာ ဒုရဲမှူးကြီး နန္ဒာဝင်းဆိုပြီးတော့ ရာထူးလေးပြောင်းတာလေ။ အဲဒီပြင်ဆင်လျှောက်လွှာကို ကျမက အဲဒီနေ့က ရုံးတော်ကိုတင်တယ်။ တင်တဲ့အခါမှာ တရားသူကြီးက သူက အမိန့်ပဲချမယ်။ ဒီဟာ ပြင်ဆင်တာကို လက်မခံဘူး။ ကျမကို ဆောင်ရွက် တင်ပြခွင့်လည်း မပေးဘူး။ နှုတ်နဲ့လည်း တင်ပြခွင့်မပေးဘဲနဲ့ ဒီလျှောက်လွှာကြီးကို ကျမကို တန်းပေးလိုက်တယ်ပေါ့နော်။ ကျမကတော့ မဟုတ်ဘူး။ ဒါက ကျမက ဒီ ၅၈ ဦးစာလုံးကို ကျမက ပါဝါယူထားတဲ့ ရှေ့နေတယောက်အနေနဲ့ ကျမက ရှေ့နေ၀တ္တရားရှိတယ်လေ။ ကျမဆောင်ရွက်ရမယ့်ဟာ ဒါလေးကိုတော့ တင်ပြခွင့်ပေးပါ။ နောက်ပြီးတော့ ဒီကလေးတွေလည်း ကြားသိဖို့ လိုတယ်လေ။ ဒါကြောင့်မို့လို့ ကျမက ရုံးတော်ကို တင်တာ ဒါပေမဲ့ သူက လုံးဝ လက်မခံဘူး။ လုံးဝ ပြင်းပြင်းထန်ထန်ကို ပေးလိုက်တယ်ပေါ့နော်။ အဲဒီအပေါ်မှာ ကျမက ဆောင်ရွက်ဖို့ တင်ပြတာပေါ့။ တင်ပြတဲ့အပေါ်မှာကို သူက အမိန့်အမြန်ချမယ်ဆိုပြီးတော့ သူက စိတ်ဆိုးပြီးတော့ တရားခွင်ကို ဆင်းသွားတာရှင့်။”

ဒေါ်ခင်ခင်ကျော် အခုလို တရားစွဲခံရတာဟာ ခြိမ်းခြောက်တဲ့အနေနဲ့ လုပ်ဆောင်ခြင်းဖြစ်တယ်လို့ ကျောင်းသားတွေက ထင်မြင်ယူဆကြောင်းလည်း သူက အခုလို ရှင်းပြပါတယ်။

“ဒီ တရားစွဲထားတဲ့ ကိစ္စအပေါ်မှာတော့ သူတို့ကတော့ ဒါက ခြိမ်းခြောက်တယ်ပေါ့နော်။ သူတို့အတွက်ကို တမင် ဒီဘက်ကပဲ လုပ်ချင်တာတွေလုပ်တယ်ပေါ့နော် သူတို့ဘက်ကို ဖိနှိပ်တယ်ပေါ့ အဲလိုမျိုး သဘောတွေတော့ အမြင်လေးတွေတော့ ရှိတယ်ပေါ့နော်။ ကျမကတော့ သဘောရိုးနဲ့ပဲ ပြုမူဆောင်ရွက်ခဲ့တာပဲလေ။ ဒီအပေါ်မှာ ကျမကတော့ ရင်ဆိုင်ထုချေသွားမှာပဲ။ ကျမကတော့ အခု အလုပ်တွေလည်း ရှုပ်သွားတယ်။ ကျမတို့အတွက်လည်း နစ်နာတယ်။ ဒီကျောင်းသား ကလေးတွေအတွက် နစ်နာတယ်ပေါ့နော်။ ကျမတို့ ဒီလုပ်ငန်းဆောင်ရွက်တဲ့အပေါ်မှာ ကလေးတွေအတွက်ကို ကိုယ်က လိုက်ပါ ဆောင်ရွက်ပေးနေတာလေ။”

ဒေါ်ခင်ခင်ကျော်ကတော့ သူ့ဘက်က အမှားအယွင်း တစုံတရာ လုပ်ခဲ့ခြင်းမရှိတဲ့အတွက် ဥပဒေနဲ့အညီ ဆက်လက် ရင်ဆိုင်သွားမယ်လို့ ပြောပါတယ်။ ပညာရေး ဥပဒေ ပြုပြင် ပြောင်းလဲဖို့အတွက် ဆန္ဒပြခဲ့ကြတဲ့ လက်ပံတန်းကျောင်းသား၊ ကျောင်းသူတွေကို ရဲအာဏာပိုင်တွေက အကြမ်းဖက် ဖြိုခွင်း ရိုက်နှက်မှုနဲ့ ပတ်သက်လို့ ကျောင်းသားတွေရဲ့ ဥပဒေ အကျိုးဆောင်တွေဘက်က တရားစွဲဆိုထားမှုကို သာယာဝတီခရိုင် တရားရုံးက ပြီးခဲ့တဲ့ သြဂုတ်လ ၁၁ ရက်နေ့က ပယ်ချခဲ့ပြီး ဖြစ်ပါတယ်။

ပညာရေးဥပဒေ ပြုပြင် ပြောင်းလဲဖို့ ဆန္ဒပြ တောင်းဆိုကြတဲ့ ကျောင်းသားတွေ အပါအ၀င်၊ လယ်သမားတွေ၊ အလုပ်သမားအရေး လှုပ်ရှားသူတွေ၊ လူ့အခွင့်အရေး ကာကွယ် စောင့်ရှောက်သူတွေကို ဖမ်းဆီး အရေးယူ အပြစ်ပေးခြင်းဟာ နိုဝင်ဘာလ ရွေးကောက်ပွဲ ကျင်းပပြီး ဒီမိုကရေစီ ကူးပြောင်းမယ်ဆိုတဲ့ ကတိစကားကို ချိုးဖောက်ရာ ရောက်စေတဲ့အကြောင်း၊ မတရားမှုအပေါ် ဆန္ဒပြ ကန့်ကွက်မှု၊ နိုင်ငံရေး လှုပ်ရှားမှုမှာ ပါဝင်ပြီး လွတ်လပ်စွာ ပြောဆိုခွင့်၊ လွတ်လပ်စွာ စုရုံးခွင့် စတာတွေကို သူတို့အနေနဲ့ လက်တွေ့ ဖော်ဆောင်နေတာဖြစ်ကြောင်း လူ့အခွင့်အရေးဆိုင်ရာ မဟာမင်ကြီး Zeid Raad Al-Hussein က လက်ရှိ ကျင်းပနေတဲ့ ကုလသမဂ္ဂ လူ့အခွင့်အရေးကောင်စီ ၃၀ ကြိမ်မြောက် ညီလာခံ အဖွင့်မိန့်ခွန်းမှာ ထည့်သွင်း ပြောကြားသွားပါတယ်။

VOA
http://burmese.voanews.com/content/students-trial/2974949.html

↧

လိပ်ကျွန်းလူသတ်မှု သက်သေခံပစ္စည်းမှာ မြန်မာနှစ်ဦး DNA မတွေ့ရ

September 22, 2015, 6:56 pm

≫ Next: This is your campaign (ရုပ်-သံ)

≪ Previous: ပညာရေးဥပဒေ ဆန္ဒပြကျောင်းသားများရှေ့နေ တရားစွဲခံရ

ထိုင်းနိုင်ငံ ကော့တောင်ကျွန်းလို့ခေါ်တဲ့ လိပ်ကျွန်းမှာ ပြီးခဲ့တဲ့နှစ်က သတ်ဖြတ်ခံခဲ့ရတဲ့ ဗြိတိန်နိုင်ငံသား ၂ ဦးနဲ့ ပတ်သက်လို့ ထိုင်းနိုင်ငံက နာမည်ကျော် မှုခင်းစစ်ဆေးရေးဌာနက ဆရာဝန်တွေနဲ့ မှုခင်းတပ်ဖွဲ့မှာ တာဝန်ထမ်းဆောင်ဖူးတဲ့ ရဲအရာရှိ အပါအ၀င် တရားခံပြ သက်သေ ၃ ဦးကို ဒီကနေ့ စစ်ဆေးခဲ့ပါတယ်။

လူသတ်မှုနဲ့ပတ်သက်လို့ သတ်ဖြတ်ရာမှာ အသုံးပြုခဲ့တယ်လို့ ရဲအာဏာပိုင်တွေ သက်သေတင်ထားတဲ့ ပေါက်တူးမှာ စွပ်စွဲခံထားရတဲ့ လူငယ် ၂ ဦးရဲ့ DNA မျိုးရိုးဗီဇ မတွေ့ရဘဲ သေဆုံးသူ ၂ ဦးရဲ့ DNA အပြင် အမည်မသိသူ ၂ ဦးရဲ့ DNA တွေကို တွေ့ရတယ်လို့ ထွက်ဆိုသွားပါတယ်။ အပြည့်အစုံကို မအေးအေးမာက သတင်းပေးပို့ထားပါတယ်။

တနှစ်ကျော်ကြာပြီဖြစ်တဲ့ လိပ်ကျွန်းလူသတ်မှုနဲ့ ပတ်သက်လို့ ထိုင်းနိုင်ငံ ကော့စမွေတရားရုံးမှာ တရားခံပြ သက်သေတွေကို ထပ်မံစစ်ဆေးရာမှာ အင်္ဂါနေ့မှာတော့ ထိုင်းနိုင်ငံ အမျိုးသား မှုခင်း စစ်ဆေးရေးဌာနက ဆရာဝန်တွေနဲ့ မှုခင်းတပ်ဖွဲ့မှာ တာဝန်ထမ်းဆောင်ခဲ့ဖူးတဲ့ ရဲမှူးကြီးတဦးကို စစ်ဆေးခဲ့တာပါ။ တရားခံပြသက်သေတွေရဲ့ ထွက်ဆိုချက်နဲ့ ပတ်သက်လို့ တရားခံတွေရဲ့ အကျိုးဆောင်ရှေ့နေ ဦးအောင်မျိုးသန့် က အခုလို ပြောပါတယ်။

“အမျိုးသား မှုခင်း စစ်ဆေးရေးဌာနက ဆရာဝန်၊ ဒုတိယက ရဲမှုခင်းတပ်ဖွဲ့မှာ တာဝန်ထမ်းဆောင်ခဲ့ဖူးတဲ့ ရဲမှူးကြီး၊ နောက် တတိယက အဲဒီ ထောင်ထဲမှာ ကလေးတွေကို သွားပြီးတော့ စစ်တဲ့ ဆရာဝန် ဒီ ၃ ယောက်ပေါ့ ပထမဆုံးစစ်တဲ့ဆရာဝန်က ဒေါက်တာပွန်ထစ်တို့ ဌာနကပဲလေ။ သူကလည်း အဲဒီ ပြောချင်တဲ့အတိုင်းကတော့ ဒီကလေးတွေရဲ့ DNA က မတူဘူးဆိုတာနဲ့ ပေါက်တူးမှာရှိတဲ့ ပထမဆုံး DNA ၂ ခုက မိန်းမနဲ့ ယောကျာ်း DNA အဲဒါကတော့ သေတဲ့လူ ၂ ယောက်ရဲ့ ဒေးဗစ်နဲ့ ဟန်နာရဲ့ DNA နောက်တခါ အမည်မသိတဲ့ ယောကျာ်း DNA နှစ်ခု၊ တခုက ပြည့်စုံတယ်၊ တခုက မပြည့်စုံဘူး။ အဲဒီ DNA နှစ်ခုက ကလေးတွေရဲ့ DNA နဲ့မတူဘူး။ ဒါကိုပဲ ထွက်ဆိုသွားတာပါ။”

မုဒိမ်းကျင့်ပြီး သတ်ဖြတ်ခဲ့တဲ့ လူသတ်မှုတွေနဲ့ ပတ်သက်လို့ DNA စစ်ဆေးရာမှာ ဆေးရုံတွေကနေ သေချာစစ်ဆေးဖို့ လိုအပ်တဲ့အကြောင်း မှုခင်းရဲအရာရှိအဖြစ် တာဝန်ထမ်းဆောင်ခဲ့ဖူးတဲ့ ရဲမှူးကြီးကလည်း ထွက်ဆိုသွားတယ်လို့ အခုလို ပြောပါတယ်။

“ရဲမှုခင်းတပ်ဖွဲ့မှာ တာဝန်ထမ်းဆောင်ခဲ့ဖူးတဲ့ ရဲမှူးကြီးထွက်ဆိုတာကတော့ ဒီလိုမျက်မြင်သက်သေမရှိတဲ့ မုဒိမ်းမှုဖြစ်တဲ့ အမှုတွေမှာ မိန်းကလေးကို စစ်ဆေးတဲ့အခါမှာ အချင်းဖြစ်တဲ့နေရာတင် မကဘဲနဲ့ ဆရာဝန်တွေ၊ ဆေးရုံတွေမှာလည်း လိုက်စစ်သင့်တယ်ပေါ့။ ဘယ်လိုစစ်ရမလဲဆိုရင် သူ့ရဲ့တန်ဆာပေါ်မှာရှိတဲ့ အမွှေးအမျှင်တွေကို ဘီးနဲ့ဖြီးရမယ်ပေါ့လေ။ အဲ့လို ဘီးနဲ့ဖြီးလို့ရှိရင် အဲဒီမှာ မုဒိမ်းကျင့်တဲ့ယောကျာ်းရဲ့ အမွှေးအမျှင် ပတ်သက်လာလို့ရှိရင် တရားခံလိုက်ရလွယ်တယ် ဆိုတဲ့ဟာကို လာထွက်သွားတာ သူက။”

ပြီးခဲ့တဲ့ သြဂုတ်လ ၈ ရက်နေ့တုန်းကတော့ ထိုင်းနိုင်ငံရဲ့ တရားမျှတရေး ၀န်ကြီးဌာနက ၀န်ထမ်းတွေဟာ မြန်မာလူငယ် ၂ ဦးရဲ့ DNA ကို ထပ်မံစစ်ဆေးဖို့အတွက် တရားခွင်မှာပဲ တံတွေးတွေကို ရယူသွားခဲ့ပါတယ်။ ဒီစစ်ဆေးမှုကို ထိုင်းနိုင်ငံ အမျိုးသားမှုခင်းစစ်ဆေးရေးဌာနက ထိုင်းနိုင်ငံက မှုခင်းဆေးဆရာဝန်ကြီး ဒေါက်တာပွန်ထစ် က စစ်ဆေးခဲ့ပါတယ်။ သတ်ဖြတ်မှုမှာ အသုံးပြုတယ်လို့ ရဲအာဏာပိုင်တွေက သက်သေအဖြစ် တရားရုံးမှာတင်ပြထားတဲ့ ပေါက်တူးမှာ တရားခံအဖြစ် စွပ်စွဲခံထားရတဲ့ မြန်မာလူငယ် ၂ ဦးရဲ့ DNA တွေကို မတွေ့ရဘူးလို့ ပြီးခဲ့တဲ့ တရားခွင်မှာ ဒေါက်တာပွန်ထစ်က ထွက်ဆိုသွားခဲ့တာပါ။ ဒီအမှုနဲ့ပတ်သက်လို့ ထိုင်းနိုင်ငံတွင်းမှာ ဝေဖန်မှုတွေလည်း ရှိနေတာပါ။

မြန်မာရွှေ့ပြောင်းအလုပ်သမား ၄၀၀၀ ခန့် အလုပ်လုပ်ကိုင်နေတဲ့ လိပ်ကျွန်းမှာ ၂၀၁၄ ခုနှစ် စက်တင်ဘာ ၁၅ ရက်နေ့က လူသတ်မှုဖြစ်ပွားပြီး ရက်ပိုင်းအတွင်းမှာ လက်ရှိ တရားခံတွေအဖြစ် စွပ်စွဲခံရသူ ကိုဝင်းဇော်ထွန်းနှင့် ကိုဇော်လင်းတို့ကို တခြားရွှေ့ပြောင်းအလုပ်သမားတွေနဲ့အတူ သံသယရှိသူတွေအဖြစ် ရဲတွေက DNA စစ်ဆေးရယူခဲ့တာပါ။ အဲဒီအချိန်တုန်းက DNA တူညီမှု မရှိဘူးဆိုကာ ပြန်လွှတ်ပေးခဲ့ပြီး၊ ၂ ပတ်ခန့်အကြာ ၂၀၁၄ ခုနှစ် စက်တင်ဘာ လကုန်ပိုင်းမှာပဲ မြန်မာလူငယ် ၂ ဦးကို ပြန်လည်ဖမ်းဆီးပြီး လူသတ်မှုနဲ့ တရားစွဲဆိုထားတာ ဖြစ်ပါတယ်ရှင်။

မအေးအေးမာ/VOA
http://burmese.voanews.com/content/thailand-murder-case/2974952.html

↧