လောင်းကြေးကြီးလွန်းသည့် အိုဘားမား၏ မြန်မာလောင်းကစားပွဲ

အမေရိကန်ပြည်ထောင်စုနှင့် မြန်မာနိုင်ငံတို့အကြား ပြန်ပေါင်းထုပ်ပွဲကြီးကား အလွန်လျင်မြန်သောအရှိန်နှုန်းဖြင့် ဖြစ်ပေါ် လာခဲ့ပေပြီ။ လွန်ခဲ့သည့် တစ်နှစ်ကဆိုလျှင် နှစ်နိုင်ငံမြို့တော်ကြီးများ၌ နှစ်ဖက်သံရုံးများပင် မရှိခဲ့ကြ။ ယခုနှစ်မေလ အရောက်တွင်မူ သမ္မတဦးသိန်းစိန်သည် ရာစုနှစ် တစ်ဝက်နီးပါးကာလအတွင်း အမေရိကန်အိမ်ဖြူတော်သို့အလည်အပတ် လာရောက်သည့် ပထမဆုံးမြန်မာခေါင်းဆောင် ဖြစ်လာခဲ့သည်။

သို့စေကာမူ မကြာသေးခင်ကာလအထိ ကမ္ဘာ့ဖိနှိပ်မှုအများဆုံးအုပ်စိုးသူများဖြစ်ခဲ့သည့် အစိုးရတစ်ရပ်ကို အိုဘားမားအစိုးရက ကြိုဆိုပွေ့ဖက်သည်မှာ မြန်လွန်းနေပါသလော။ သို့တည်းမဟုတ် ဆန့်ကျင်ဘက်အနေဖြင့် မြန်မာ၏ ပွင့်သစ်စပြုပြင်ပြောင်းလဲ မှုများအတွက် အမေရိကန်၏ အဆုံးဖြတ်ပေးနိုင်သောထောက်ခံမှုက မရှိမဖြစ်အရေးကြီးပါသလော။
၁၉၄၈ ခုနှစ်တွင် လွတ်လပ်ရေးရခဲ့သော မြန်မာနိုင်ငံသည် ၁၉၆၂ခုနှစ် မှစ၍ ယခုပွင့်လင်းလာသောအချိန်ထိ သိုသိပ်သော စစ်အစိုးရ၏ လက်အောက်သို့ကျရောက်ခဲ့ရသည်။ ၂ဝ၁ဝ ခုနှစ်လောက်အထိ ဤအစိုးရက အဓိက အတိုက်အခံပါတီ၏ ပါဝင် ခွင့်ကို မျက်နှာပြောင်တိုက် ငြင်းပယ်ကုလားဖန်ထိုးပြီး ရွေးကောက်ပွဲကို ကျင်းပခဲ့သည်။ သို့သော် ၂ဝ၁၁ခုနှစ် စစ်အစိုးရ လက်ထက်က ဝန်ကြီးချုပ်တာဝန်ယူခဲ့သော ဗိုလ်ချုပ်ကြီးတစ်ဦးဖြစ်သည့် ဦးသိန်းစိန် သမ္မတာဝန်ယူပြီးစလေးတွင် သံသယ အကြီးဆုံး စောင့်ကြည့်လေ့လာသူများကိုပင် အမြင်ကောင်းစေသည့် ခြေလှမ်းများစတင်လှမ်းလာခဲ့သည်။ ယခင်အုပ်စိုးသူ များ၏ စတိသဘောအပြောင်းအလဲများနှင့်မတူဘဲ ဦးသိန်းစိန်၏လုပ်ရပ်များက ထိထိရောက်ရောက်နှင့်လေးလေးနက်နက်ရှိပုံ ပေါ်လာသည်။

အရေးပါသောအပြောင်းအလဲတစ်ခုမှာ ၁၅နှစ်နီးပါးကြာနေအိမ်အကျယ် ချုပ်ခံနေရသော စစ်အစိုးရ၏အထင်ရှားဆုံး အတိုက် အခံခေါင်းဆောင် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားရာပေါင်းများစွာကို လွှတ်ပေးခဲ့ခြင်းဖြစ်သည်။ ထို့ပြင် ဦးသိန်းစိန်သည် အန်အယ်(လ)ဒီ ခေါင်းဆောင်နိုဘယ်ဆုရှင် ဒေါ်အောင်ဆန်းစုကြည်နှင့် အရပ်ဘက်အုပ်ချုပ်ရေးသို့ ကူးပြောင်းရန် တွေ့ဆုံဆွေးနွေးမှုတစ်ခု စတင်ပြုလုပ်ခဲ့သည်။

နောက်ဆက်တွဲ ရွေးကောက်ပွဲများက မြန်မာနိုင်ငံ၏ ဒီမိုကရေစီရေးအနာဂတ်အတွက် မျှော်လင့်ချက်များပေါ်ပေါက် လာစေခဲ့သည်။ ၁၉၉ဝခုနှစ် တွင် လွှတ်တော်နေရာ ၈၁ ရာခိုင်နှုန်းကို အန်အယ်(လ)ဒီက အနိုင်ရခဲ့သော်လည်း စစ်အစိုးရက ရလဒ်ကိုပစ်ပယ်ခဲ့ပြီး ဒေါ်အောင်ဆန်းစုကြည်ကိုလည်း ဖမ်းဆီးချုပ်နှောင်ထားခဲ့သည်။ ၂ဝ၁၂ ခုနှစ်တွင်မူ ဝင်ရောက်ပြိုင်ဆိုင် သည့် ၄၄ နေရာအနက် ၄၃ နေရာကို အန်အယ်(လ)ဒီက အနိုင်ရခဲ့ပြီး ဒေါ်အောင်ဆန်းစုကြည်ကို ပြုပြင်ပြောင်းလဲရေး လှုပ်ရှားမှု၏ တရားဝင်ခေါင်းဆောင်အဖြစ် စစ်ဘက်က လက်သင့်ခံခဲ့သည်။
ထို့ပြင် ဦးသိန်းစိန်က စစ်အစိုးရ၏ နှိပ်ကွပ်မူနှင့် တရားမဲ့ပြုမူများကို ဆယ်စုနှစ်ပေါင်းများစွာခံခဲ့ရသည့် ကရင်နှင့်အခြား တိုင်းရင်းသား လူနည်းစု လက်နက်ကိုင်အဖွဲ့များသို့လည်း လက်ကမ်းခဲ့ပြန်သည်။ မြန်မာ့စီးပွားရေးကို နိုင်ငံတကာ ကုန်သွယ်ရေးနှင့်ဖွင့်လှစ်ချိတ်ဆက်ပေးရန် ကြိုးပမ်းမူများကလည်း နိုင်ငံ၏စီးပွားရေးမြို့တော် ရန်ကုန်ကို အနည်းဆုံး နိုင်ငံခြားမြို့တော်ဒါဇင်ဝက်မှ တိုက်ရိုက်ပျံသန်းရောက်ရှိလာကြသည့် စီးပွားရေးလုပ်ငန်းရှင်များနှင့် ပြည့်နှက်နေသောမြို့ အဖြစ် အသွင်ပြောင်းပေးခဲ့သည့်အပြင် ယခုဆိုလျှင် နိုင်ငံခြားမှတင်သွင်းလာသောကားများဖြင့် တစ်ချိန်က လူသူကင်းမဲ့သော လမ်းများကိုပြည့်နှက်သွားစေခဲ့သည်။

သို့တစေ အချို့နယ်ပယ်များတွင်မူ ပြုပြင်ပြောင်းလဲရေးက စိတ်ပျက်ဖွယ်ကောင်းလောက်အောင်ပင် နှေးကွေးလှပါသည်။ စင်စစ် လူ့အခွင့်ရေးနှင့်လူနည်းစုကာကွယ်ရေးကိစ္စများတွင် မြန်မာမှာ ဒုံရင်းပြန်ရောက်၍ပင်နေပါသည်။ ဗဟိုချုပ်ကိုင်မှု ဖြေလျှော့ရေးဖြစ်စဉ်က ကာလကြာရှည်တည်ရှိခဲ့သော ဘာသာရေးကွဲပြားမှုများကို ဖော်ထုတ်ပေးခဲ့ရာ လူနည်းစုမွတ်ဆလင် အသိုက်အဝန်းကို အဓိကပစ်မှတ်ထားသည့် ဂိုဏ်းဂဏအကြမ်းဖက်မှုလှိုင်းတစ်ခုကို ဖြစ်ပေါ်စေခဲ့သည်။ ကမ်းရိုးတန်းဒေသ ရခိုင်ပြည်နယ်မှသည် မိတ္ထီလာနှင့်တပ်ကုန်းကဲ့သို့သော ပြည်မမြို့ရွာများအထိတွင် ဗုဒ္ဓဘာသာဝင်များက မွတ်ဆလင် ဆန့်ကျင်ရေး လှုံ့ဆော်ခဲ့သလို အပြန်အလှန်အားဖြင့် တစ်ခါတရံ မွတ်ဆလင်များက ဗုဒ္ဓဘာသာဆန့်ကျင်ရေးလှုံဆော်ခဲ့ကြရာ ဘာသာရေးသွေးမြေကျမှုကို ဒေသအာဏာပိုင်များက တိတ်တဆိတ်ခွင့်ပြုခဲ့သည်များပင်ရှိခဲ့သည်။
ဦးသိန်းစိန်နှင့်ဝါရှင်တန်တွင်တွေ့ဆုံစဉ် သမ္မတအိုဘားမားက မြန်မာနိုင်ငံ၏ မွတ်ဆလင်ဆန့်ကျင်ရေးအကြမ်းဖက်မှုများကို ပြစ်တင်ရှုတ်ချခဲ့သည်။ ထိုနေ့တစ်နေ့တည်းတွင်ပင် အမေရိကန်နိုင်ငံခြားရေးဝန်ကြီးဌာနက ဘာသာရေးလွတ်လပ်ခွင့်ဆိုင်ရာ အစီရင်ခံစာတစ်ရပ်ထုတ်ပြန်ခဲ့ရာ ထိုအထဲတွင် မြန်မာနိုင်ငံမှာ ၈ ခုမြောက်ကမ္ဘာ့အဆိုးဆုံး ဘာသာရေးလွတ်လပ်ခွင့်ဖောက် ဖျက်သည့် နိုင်ငံအဖြစ်စာရင်းဝင်ခဲ့သည်။

ဤအဖြစ်မျိုးမှာ အမြဲတမ်းဖြစ်ပျက်ခဲ့သည်တော့ မဟုတ်ပါ။ မြန်မာနိုင်ငံသည် ဗုဒ္ဓဘာသာဝင်အများစုနိုင်ငံဖြစ်သော်လည်း အခြားဘာသာရေးနှင့် လူမျိုးစုအသိုင်းအဝိုင်းများအတူ ကာလကြာရှည်ယှဉ်တွဲနေထိုင်ရာနိုင်ငံတစ်ခုဖြစ်ခဲ့ပါသည်။ ရန်ကုန်မြို့လယ်တွင် ရွှေရောင်တစ်ဝင်းဝင်းနှင့် ဆူးလေစေတီတော်မှာ လမ်းတစ်ဖက်ခြားမှ ဘင်ဂါလီဗလီတစ်ခု၏ မျှော်စင်များနှင့် အတူယှဉ်တွဲရပ်တည်နေသည်ကို တွေ့မြင်နိုင်ပါသည်။

ထို့ကြောင့် မြန်မာနိုင်ငံ၏ ဒီမိုကရေစီအသွင်ကူးပြောင်းမှုကို ခိုင်မာစေရန် လိုအပ်သည့် ငြိမ်းချမ်းမှုနှင့် တည်ငြိမ်မှုများ ရရှိစေရေးအတွက် ဦးသိန်းစိန်ရော ဒေါ်အောင်ဆန်းစုကြည်ပါ မြန်မာနိုင်ငံသားအားလုံး၏ ကိုယ်စားလှယ်များအဖြစ် ပိုမိုပိုင်းဖြတ်လုပ်ဆောင်သင့်ပါသည်။ မွတ်ဆလင်များအတွက် ပုဂ္ဂိုလ်ရေးလုံခြုံမှုနှင့်နိုင်ငံသားအခွင့်အရေး အပြည့်အဝ အာမခံပေးရန် လိုအပ်ပါသည်။
အိုဘားမားအစိုးရအနေဖြင့် မြန်မာ့ပြုပြင်ပြောင်းလဲရေး ကတိစကားအပေါ် နိုင်ငံရေးလောင်းကြေးကြီးကြီး ထပ်ထားခဲ့ပါပြီ။ အကယ်စင်စစ်ပြီးခဲ့သည့် ၂ နှစ်ကျော်ကာလအတွင်း မြန်မာနိုင်ငံ၏ပြောင်းလဲမှုနှုန်းမှာ ဘာမျှပြောပရောက်စရာ ထူးထူး ခြားခြားရှိခဲ့သည်မဟုတ်ပါ။ သို့တစေ ဦးသိန်းစိန်က မြန်မာဒီမိုကရေစီရေးဖြစ်စဉ် တစ်လျှောက်အခက်အခဲအတားအဆီးများ နှင့်စိန်ခေါ်မှုများကို ရင်ဆိုင်တွေ့ကြုံခဲ့ရကြောင်း အိမ်ဖြူတော်တွင် ဝန်ခံအသိအမှတ်ပြုခဲ့သလို ဤပြဿနာများနှင့် နောက်ထပ် ပေါ်လာရန်ရှိသေးသည့် ပြဿနာများကို မည်သို့မည်ပုံကိုင်တွယ်မည်ဆိုသည်ကပင် အမေရိကားအနေဖြင့် အချိန်မတန်မီ သဘောလွယ်ခဲ့လေသလားဟူသည့် အဖြေတစ်ရပ်ကို အဆုံးအဖြတ်ပေးလိမ့်မည် ဖြစ်ပေသည်။
ဝ၂၅
Ref;IS Obama Rolling the Dice too Fast on Myanmar?
Japan Times.

ပဲ့တင်သံဂျာနယ်