တရားစွဲဆို ခံထားရသည့် ဧရာဝတီတိုင်း လွှတ်တော်ဥက္ကဋ္ဌဟောင်းနှင့် သာသနာရေး ၀န်ကြီးဌာန၊ ပြည်ထောင်စု ၀န်ကြီးဟောင်း သရေစည်သူ ဦးဆန်းဆင့်၏ ကျန်းမာရေး အခြေအနေအတွက် မန္တလေးတိုင်း ဒေသကြီး တရားလွှတ်တော်သို့ အာမခံ လျှောက်ထားကြောင်း သြဂုတ်လ ၁၄ ရက်နေ့က ဦးဆန်းဆင့်၏ တရားလွှတ်တော်ရှေ့နေ ဦးတင်ထွန်းက မြန်မာသံတော်ဆင့်သို့ ပြောသည်။
ဦးဆန်းဆင့်မှာ နှလုံးရောဂါအခံရှိပြီး သြဂုတ်လ ၁၀ ရက်နေ့က ရမည်းသင်း အကျဉ်းထောင်အတွင်း အသက်ရှူ မ၀ ဖြစ်လာသောကြောင့် မန္တလေးတိုင်းရှိ နှလုံးရောဂါ အထူးကုဆရာဝန်နှစ်ဦးက ကြည့်ရှု စစ်ဆေးပေးခဲ့ရပြီး အောက်ဆီဂျင် ပေးခဲ့ရသည့်အတွက် သြဂုတ်လ ၁၃ ရက်နေ့တွင် ယင်းကဲ့သို့ အာမခံ လျှောက်ထားခဲ့ရခြင်း ဖြစ်သည်။
““သြဂုတ်လ ၁၀ ရက်နေ့က သူအသက်ရှူမ၀တော့ မန္တလေးက နှလုံးအထူးကု ဆရာဝန်ကြီး နှစ်ဦးကလာပြီး စစ်ဆေး ကုသပေးတယ်။ အောက်ဆီဂျင် ပေးရတယ်လို့ သိရတယ်။ နောက်နေ့ကျတော့ သူနဲ့ သွားတွေ့တယ်။ တော်တော်လေး လန်းလန်းဆန်းဆန်း ဖြစ်နေတာ တွေ့ရတယ်။ သြဂုတ်လ ၁၃ ရက်နေ့က မန္တလေးတိုင်း ဒေသကြီး တရားလွှတ်တော်မှာ အာမခံ လျှောက်ထားတယ်။ အကြောင်းပြချက်က ကျန်းမာရေး အထူး အကြောင်းပြချက်ပါ””ဟု ဦးဆန်းဆင့်၏ တရားလွှတ်တော်ရှေ့နေ ဦးတင်ထွန်းက မြန်မာ သံတော်ဆင့်သို့ ပြောသည်။
ဇူလိုင်လ ၃၀ ရက်နေ့က ပြုလုပ်သည့် ငါးကြိမ်မြောက် ရုံးချိန်းတွင် ဦးဆန်းဆင့် ကျန်းမာရေး မကောင်းမွန် သဖြင့် အာမခံ လျှောက်ထားခဲ့သော်လည်း တရားလို သက်သေများမှာ ၎င်းလက်အောက်တွင် ထမ်းဆောင် ခဲ့ဖူးသဖြင့် မလျော်သြဇာ သုံးမည်ကို စိုးရိမ်သောကြောင့် လည်းကောင်း၊ ရမည်းသင်း အကျဉ်းထောင်၌ ဆရာဝန်ကြီးများနှင့် ကြပ်မတ် ကုသပေးနေသောကြောင့် ဟူ၍ အကြောင်းပြကာ ခရိုင်တရားသူကြီးက အာမခံအား ပယ်ချခဲ့သည်။ သြဂုတ်လ ၁၂ ရက်နေ့က ပြုလုပ်သည့် (၇) ကြိမ်မြောက် ရုံးထုတ်စစ်ဆေးမှု၌ ဦးဆန်းဆင့်အား မေးမြန်း စစ်ဆေးခဲ့ခြင်း မရှိဘဲ အလွဲသုံးစားမှု ပုဒ်မ ၄၀၉/ ၁၀၉ အတွက် သာသနာရေး ၀န်ကြီးဌာန ရုံးအဖွဲ့မှူး ဦးမြင့်ဦး၊ လက်ထောက်ညွှန်မှူး ဦးထွန်းမြင့်အောင်နှင့် ယာဉ်မောင်း ဦးကျော်ဝင်းလှိုင်တို့အား စစ်ဆေးခဲ့ကာ နိုင်ငံတော် အကြည်ညိုပျက်စေမှု ၁၂၄ (က) နှင့် ပတ်သက်၍ တရားလိုပြ သက်သေများအဖြစ် သာသနာတော် ထွန်းကားပြန့်ပွားရေး ဦးစီးဌာန ညွှန်ကြားရေးမှူးချုပ် ဦးခိုင်အောင်၊ သာသနာရေး ဦးစီးဌာန ညွှန်ကြားရေးမှူးချုပ် ဦးမိုးဇော်ရွှေနှင့် ရဲမှူးမျိုးသန့် တို့ကိုသာ စစ်ဆေးခဲ့သည်။
ဦးဆန်းဆင့်၏ ရှစ်ကြိမ်မြောက် ရုံးချိန်းအား သြဂုတ်လ ၁၅ ရက်နေ့တွင် ရုံးထုတ် စစ်ဆေးမည်ဖြစ်ပြီး ““မနက်ဖြန် ရုံးချိန်းကတော့ ထွက်လာတဲ့ သက်သေပေါ် မူတည်ပါတယ်။ လာတဲ့သူတွေကလည်း ဘာပြောမလဲ မသိဘူး။ ကျွန်တော်တို့ကတော့ ဒီအပေါ်မှာ ပေါ်လာတဲ့ အချက်တွေကိုပဲ ဆောင်ရွက်ရတာပါ။ ကြိုပြော လို့တော့ မရဘူး””ဟု ဦးတင်ထွန်းက ပြောသည်။
သရေစည်သူ ဦးဆန်းဆင့်အား ဇွန်လ ၁၉ ရက်နေ့တွင် အလွဲသုံးစားမှု စွပ်စွဲချက်ဖြင့် အထူးစုံစမ်း စစ်ဆေးရေး ဌာန ဒုညွှန်ကြားရေးမှူး ဦးဌေးလွင်က နေပြည်တော်၊ ဥတ္တရသီရိမြို့နယ်၊ ဘုရားကုန်း ရဲစခန်း၌ အမှုဖွင့်ဖမ်းဆီး စစ်ဆေးခဲ့ပြီးနောက် ရဲမှူးကြီးဦးခင်ဌေးက နိုင်ငံတော် အကြည်ညိုပျက်စေမှု ပုဒ်မ၁၂၄(က)ဖြင့် ထပ်မံတရားစွဲ ဆိုထားသည်။
သာသနာရေး ၀န်ကြီးဟောင်း၏ ရုံးထုတ်စစ်ဆေးမှုနှင့် ပတ်သက်ပြီး အာဏာပိုင်များက ကန့်သတ်ထားရာ ““ဦးဆန်းဆင့်ကား ၀င်လာရင် ကားထဲကနေ မီဒီယာတွေကို လက်ပြနေတဲ့ ဦးဆန်းဆင့်ရဲ့ ဝှေ့ယမ်းနေတဲ့ လက်နဲ့ကားကို ဓာတ်ပုံရိုက်၊ ကားပေါ်က ဆင်းတာနဲ့ ဦးဆန်းဆင့်ကို ရဲတွေအများကြီးက ၀ိုင်းပြီး ကွယ် ထားတော့ ဓာတ်ပုံလည်း ရိုက်လို့မရကြဘူး။ တရားရုံး ၀င်းထဲဝင်တဲ့ သတင်းထောက်တွေက ကင်မရာ၊ အသံဖမ်းစက်နဲ့ ဟန်းဖုန်းတွေ မယူရဘူး။ တရားရုံး ခြံစည်းရိုး အပြင်ကနေ ဓာတ်ပုံရိုက်တဲ့ သတင်းထောက် တွေကိုလည်း ပြန်ပြီးဓာတ်ပုံတွေ၊ ဗီဒီယိုတွေ ပြန်ရိုက်နေတော့ တချို့သတင်းထောက်တွေဆို ကြောက် နေကြပြီ။ ဟိုစစ်အစိုးရ ခေတ်တုန်းက ထောက်လှမ်းရေးတွေ ပုံစံဖြစ်မှာ စိုးရိမ်နေကြတယ်။ တရားရုံးပြီးလည်း ဦးဆန်းဆင့်ကို ၀ိုင်းအုံထားတော့ သတင်းမေးလို့မရ၊ အနားတောင်ကပ်မရနဲ့ ကားပေါ်တင် မောင်းထွက် သွားတော့ မျက်လုံးနဲ့ သတင်းယူတာတောင် အဆင်မပြေဘူး။ အခု(၇)ကြိမ်မြောက်ဆို သတင်းယူတဲ့သူတွေ နည်းသွားပြီ””ဟု ဓာတ်ပုံ သတင်းထောက်တစ်ဦးက ပြောသည်။
Eleven Media မှ သတင်းထောက် ဦးခင်ဇော်ကလည်း “အခုဆို သတင်းထောက် လေး၊ ငါးယောက် လောက်ပဲ လာတော့တယ်။ အရင်က အယောက် အစိတ်လောက် ရှိတယ်။ ဓာတ်ပုံရိုက်တော့လည်း လူတွေ ၀ိုင်းအုံပြီး ကွယ်ထားတယ်။ မိုးမရွာ နေမပူဘဲလည်း ထီးနဲ့ပါ ကွယ်ထားကြတယ်။ သတင်းယူရတာ အဆင်မပြေပါဘူး”” ဟု သတင်းရယူပုံ အခက်အခဲနှင့် ပတ်သက်၍ မြန်မာသံတော်ဆင့်သို့ ပြောသည်။
တင်ဇာအောင်
မြန်မာသံတော်ဆင့်သတင်းဌာန