~~~~~~~~~~~~~~~~~~~~~~~~~~~~~~~~~~~~~~~~~~~~~~~
(ဖြတ်သန်းခဲ့ရသော သတင်းထောက်ဘ၀ အတွေ့အကြုံ)
ကဲ…ပရိသတ်ကြီးရေ… စပွန်ဆာ နဲ့ပတ်သက်လို့ ပန်းကမ္ဘာစက်ဘီးနဲ့ပဲ လှော်ဝါးသူများဆိုပြီး လွန်ခဲ့တဲ့ နှစ် ၂၀ ကျော်ကာလအချိန်က အဖြစ်အပျက်ကို တင်ဆက်ပြီးသမို့ ခုတစ်ပတ်တော့ အခု ခေတ်ကာလ စပွန်ဆာတွေကို ဘယ်လိုများ ပေးကြသလဲဆိုတာကို စူးစမ်းကြည့်ရ အောင်ဗျာ။
တိုက်တိုက်ဆိုင်ဆိုင်ဆိုသလိုပဲ အခု တစ်ပတ်အတွက် စပွန်ဆာနဲ့ပတ်သက်လို့ ဘာရေးရင် ကောင်းမလဲလို့ စိတ်ဝင်စားနေတုန်း မန္တလေးက စာဖတ်ပရိသတ်တစ်ဦးက ဖုန်းဆက်လာတယ်။ မန္တလေးမှာ အမျိုး ကောင်း သားလေးတွေကို တောင့်တောင့် ဖြောင့်ဖြောင့်၊ ဟိုင်းဟိုင်းကိုင်းကိုင်း အမျိုး သမီးကြီးတွေက စပွန်ဆာပေး တဲ့ကိစ္စ အကြောင်းပြောပြတာပါတဲ့။ အောင်မလေး ဗျာဩ။ ပဲလှော်နဲ့ ပန်းကမ္ဘာကစလိုက်တဲ့ စပွန်ဆာက တကယ့်ကို မြန်မာပြည်မှာ အကြီးကြီးဖြစ်နေပါလားဆိုတာ သဘော ပေါက်လိုက်တယ်။ အင်းဩ . . .မန္တလေး က စပွန်ဆာ ကိစ္စတော့ နောက်တစ်ပတ်မှ နှိုက်နှိုက်နှဲနှဲ မေးမြန်းပြီးမှ ပြောပြဦးမယ်ဗျ။…
ဒီတစ်ပတ်တော့ နေပြည်တော်က KTV တွေမှာ ကောင်မလေးတွေကို စပွန် ဆာပေးတဲ့ အလေ့အထ လေး အကြောင်း ပြောပြဦးမယ်ဗျ။ ဘာလို့ ဒီအကြောင်းကို ရေးရတာလဲဆိုတော့ အဲဒီလောကမှာ စပွန်ဆာပေးတဲ့ ရော်ဘဲကြီးက စစ်ဗိုလ် ဟောင်းလည်းဖြစ်၊ ငွေကို ရေလိုဖြုန်းနေ တဲ့အဆိုတော်မို့လို့ဗျ။ ဒီမောင်ကပဲ စိတ် ထားကောင်းလို့လား၊ တကယ့်ဖြစ်ပျက်နေ တာကို ပြည်သူသိအောင် ဖော်ထုတ်လိုက် လို့လားမသိ။ စပွန်ဆာ အကြောင်း စလိုက်တာနဲ့ ဟိုနေရာက စပွန်ဆာ၊ ဒီနေရာက စပွန်ဆာ စတဲ့စတဲ့ အကြောင်းတွေကို ပြောပြကြတဲ့ သူတွေက များလာသဗျ။ ကဲဩ … ဒီတော့ စစ်ဗိုလ်ဟောင်းအဆိုတော်က စပွန်ဆာဘယ်လိုပေးသလဲ ပြောပြ မယ်ဗျ။
““—က နေပြည်တော်မှာ စင်တင် လောကမှာဆို စတားလေ။ လာတယ်။ ပြီးရင် ယမ်ယမ် ခေါက်ဆွဲခြောက်ဖာ တွေမှာ ခေါက်ဆွဲခြောက်က ၄၊ ၅ ထုပ်ပဲ ပါတယ်။ ကောင်မလေးကို ပန်းကုံးစင်ပြတ်ဆိုတာ ၅ သိန်း တစ်ဖျက် လည်းရတယ်။ ၁၀သိန်း လည်း ရတယ်။ ယမ်ယမ် ခြောက်ဆွဲခြောက် ပုံးတွေထဲမှာလည်း ပိုက်ဆံအထုပ်လိုက် ထည့်ပြီးလေ”” ဟု စပွန်ဆာ ပေးခံရသူနဲ့ နီးစပ်တဲ့ အမျိုးသမီးတစ်ဦးက အခုလို ဖောက်သည်ချခဲ့သဗျ။
အရင်တစ်ပတ်က ပဲလှော်ဝါးသူတွေ အကြောင်း ပြောပြီးရုံရှိသေး အခု ခေါက် ဆွဲခြောက်စားသူတွေလည်း ရှိလာ ပြန် သဗျ။ သူကတော့ ပန်းကမ္ဘာနဲ့ လန်းစရာ မဟုတ်ပေမယ့် အသပြာကို ချခင်း၊ ဘာ လမ်းဆိုလား၊ ညာလမ်း ဆိုလားကို နင်းကြ ပြန်တာတဲ့လေ။ ကြောက်ခမန်း လိလိပဲ။ ဒုသမ်္မတ ဦးဉာဏ်ထွန်းပြောတဲ့ တစ်နေ့ နှစ်ထောင် နဲ့ လောက်တယ်ဆိုတဲ့ စကား ဒီစစ်ဗိုလ်ဟောင်း အဆိုတော်အတွက်ဆို တစ်လလောက်နေပြီး ရေသောက်ဗိုက် မှောက်တာတောင် စင်တင်ကို တစ်ည တာတောင် လှမ်းနိုင်မှာ မဟုတ်ဘူးနော်။ ဒါပေသိ ဘယ်က၀င်လာ မှန်း မသိ လေသော အသပြာငွေထုပ်သော်လည်းကောင်း၊ သို့ တည်းမဟုတ် လိုတိုင်းတ နှိုက်တိုင်းရနေ တဲ့ငွေတွင်း ကြီးများ ဖင်ခုထိုင်ထားလေလား မသိ။ သူ့အတွက်တော့ ပိုက်ဆံငါးသိန်း၊ ဆယ်သိန်းဆိုတာက တစ်ညတာကဲတဲ့ အချိန် ပေးတဲ့ စပွန်ဆာနော်။ စင်ပေါ်ကဆင်းလာ လို့အပြင်မှာထပ်တွေ့ရင်ဖြင့် ဘယ်လောက် တောင် စပွန်တွေ ဆာနေဦးမလဲမသိ။
နာမည်ကို ““—”” တွေ တမင်ထား ထားတာနော်။ နာမည်ကို သူပြောသလို ရေးလိုက်ရင် ဒီမောင့်ကို တရား လာစွဲ ရင်ဖြင့် ဒုက္ခလေ။ ဒါနဲ့ စိတ်ဝင်စားတာနဲ့ အဲဒီ စစ်ဗိုလ်ဟောင်း အဆိုတော်ရဲ့အကြောင်း ဖတ်ကြည့်မိတော့ ၂၀၀၈ တုန်းက အနု ပညာလောကထဲ ၀င်၊ တစ်နှစ်အတွင်းစီးရီး ခွေလေးခွေတောင် ထုတ်ခဲ့တယ်တဲ့ဗျ။ ဒါ တင်လား မဟုတ်ဘူးနော်။ ခိုးကူးခွေပြဿနာ ကြောင့် နာမည်ကြီးအဆိုတော်တွေတောင် တစ်နှစ်နေလို့ စီးရီး တစ်ခွေမထုတ်နိုင်တဲ့ အချိန် စီးရီးခွေဆက်တိုက်ထုတ်ရင်း စီးရီး ခွေတွေ စရောင်းတုန်းကလည်း စ၀ယ်တဲ့ လူ ၁၀၀၀ ကို ဟန်းဖုန်းတွေ၊ ဒီဗွီဒီစက်တွေ မဲဖောက်ပေးလို့ အားလုံးကတောင် လက် ဖျားခါခဲ့ရသေးသဗျ။
အဲဒီဗိုလ်ဟောင်းအဆိုတော်က ရန်ကုန် စက်မှုတက်္ကသိုလ်က အင်ဂျင်နီယာဘွဲ့ရ၊ ဗိုလ်သင်တန်း ၆၄ ဆင်းပြီး စစ်အင်ဂျင် နီယာဖြစ်လာသူဆိုပဲ။ အဲဒီမှာဗိုလ်မှူးအထိ တာဝန်ထမ်းဆောင်ပြီး အပြင်လောကကို ထွက်၊ ပြီး တော့ အဆိုတော်လုပ်တဲ့သူဗျ။ ဘာတဲ့ဩသူက အဆိုတော်ကိုလွှမ်းမိုးရဲ့ တီး ၀ိုင်းမှာတောင် ကျောင်းသား ဘ၀က လိဒ်ဂီတာ တီးဖူးသတဲ့လေ။ ထားပါတော့။ ဒါ ကတော့ သူ့အပိုင်း။ ဒီမောင်တို့ စိတ်ဝင် စားနေတာ စပွန်ဆာဆိုတော့ တခြားဟာ တော့ မပြောတော့ပါဘူးဗျာ။
““ဒီလောကမှာမှမဟုတ်ဘူး။ ကျောင်း သူလောကမှာလည်း ရှိတာပဲ။ ဒီ KTV လောကမှာလည်း ရှိပါတယ်။ အဓိကတော့ သိတဲ့အတိုင်းပဲ။ ဘိုးတော်ကြီးတွေပဲ။ အဘိုး ကြီးတွေပေါ့။ ဌာနဆိုင်ရာလူကြီးတွေ၊ အကြီးအကဲ တွေ။ တချို့ ကောင်မလေးတွေ ကျတော့လည်း ရွယ်တူတန်းတူလောက် ကိုပဲ စပွန်ဆာလာတာများပါတယ်။ ပြန် စိတ်ဝင်စားတယ်။ မန္တလေးတို့မှာဆိုရင် သူ့အကန့်ဇယားတွေတော့ ရှိမှာပေါ့နော်။ စပွန်ဆာယူရတာ။ ရန်ကုန်တို့၊ မန္တလေးတို့နဲ့ နယ်နဲ့ကအရမ်းကွာတယ်။ ရိုးသားတာ များပါတယ်။ စင်ပေါ်တက်မယ်၊ သီချင်းဆို မယ်၊ ပန်းကုံးရှာတာ များပါတယ်။ ဧည့်သည်ကလည်း မုန့်ဖိုးတွေ ဘာတွေပေးတာ ရှိတာပေါ့။ ရန်ကုန်မှာက စည်းကမ်းပျက် တာတွေများတယ်။ နယ်မှာက ညပိုင်း မထွက်ရဘူး။ ရန်ကုန်မှာတော့ စင်တင်တွေ က ကောင်မလေးတွေကို အိမ်ငှားပေးပြီး စုပြီးနေခိုင်းလိုက်တာ။ အပြင်မှာငှားနေတာ စင်တင်ပြီးပြီဆိုရင် စပွန်ဆာနဲ့ လိုက်သွားတာပေါ့။ ဒါကတော့ ရန်ကုန်အထာပေါ့။ နယ်ကတော့ ဆိုင်ထဲမှာပဲ နေရတာလေ။ တချို့ ကျတော့ လည်း ကောင်မလေးတွေကို ပေးတယ်။ မျှော်လင့်ချက်နဲ့ ပေးတာပေ့ါ။ ဒါပေမဲ့ ကောင်မလေးဆီက ဘာမှပြန် မရတဲ့ အခါ ပြဿနာတွေ တက်ကြတာပေါ့။ ကောင်မလေးဘက်ကလည်း ပန်းကုံးတွေ ညာတောင်းပြီး ခါချသွား တာလည်းရှိတာပေါ့။ လူငယ်တွေကတော့ အေးဆေးပဲ ပိုက်ဆံသိပ်မသုံးဘူး။ သူတို့ဟာသူတို့ လာသောက် လိုက် ပြန်ကြတာတွေများတယ်။ သုံးတာကတော့ တကယ့်လူကြီး ပိုင်းတွေ။ သူတို့လာရင် FOC တွေက ၀င်ပေးရတယ်။ ဆက်ရှင်ကြေး မပေးတာ တို့ဘာတို့ပေါ့””လို့ စပွန်ဆာပေးခံရတဲ့ သူ တွေနဲ့နီးစပ်တဲ့သူကပဲ ပြန်ပြောပြတယ်ဗျ။
သူ ပြောလိုက်တော့မှပဲ ကိုယ့်ဟာ ကိုယ် ပိုက်ဆံမရှိလို့ ဘီယာလေး၊ အရက် လေးသောက်ပြီး ပြန်သွားတဲ့ လူငယ်တွေ ကိုပဲ ချီးကျူးရတော့မလို၊ စပွန်ဆာပေး နိုင်တဲ့ဘိုးတော်ကြီးတွေကိုပဲ ချီးကျူးရ မလားတော့ မသိဘူး။ ပေးလိုက်တဲ့ စပွန်ဆာကလည်း စုံလို့နော်။ အောင်မယ်မင်း ရယ်လို့ပဲ ပြောရတော့မယ်။ စင်တင်တို့၊ ကာထားတဲ့နေရာပဲ အိုကေတဲ့ ကာရာအို ကေတို့လို ပတ်ဝန်းကျင်သာမက ကျောင်း သူ လောကတွေမှာပါ ရှိလာတယ်ဆိုတော့ စပွန်ဆာကြီးက တကယ့်ကို ကြီးမားပါလားလို့။
မှတ်မှတ်ရရ ဒီမောင့် သူငယ်ချင်းတစ်ယောက် စင်တင်လောကက ကောင်မလေး ကို ပန်းကုံးလေးပေးလိုက်၊ အပြင်မှာခဏ လေးတွေ့လိုက်နဲ့ စပွန်ဆာလိုလို၊ စပွန် ဆာမလိုလို လုပ်လိုက်တာ သိန်း ၁၀၀ ကျော်လောက် ပြုတ်ဖူးတာဗျ။ အဲဒီ သိန်း ၁၀၀ ဆိုတာ လွန်ခဲ့တဲ့ ၂၀၀၆ ခုနှစ် လောက်ကနော်။ ကိုယ့်သူငယ်ချင်းထိသွား တာမြင်မှလိုက်စုံစမ်းတော့ အဲဒီကောင်မလေး ကိုစပွန်ဆာပေးနေတဲ့ တခြားရော်ဘဲကြီး ကရှိနေတာလေ။ သူကလည်း လုပ်ငန်းရှင် ကြီးဗျ။ အင်းဩအဲဒီတုန်းက သိန်း ၁၀၀ ဆို တဲ့ ငွေအားက အခုဆိုရင် သိန်း ၄၀၀၊ ၅၀၀ လောက်တော့ရှိမယ်ဆိုတော့ တစ်ခါ တလေ စာတမ်းတောင် ပြုစုချင်တယ်။ စပွန်ဆာများရဲ့တန်ဖိုး ဆိုပြီးတော့လေ။
ထားချေတော့လေ။ စပွန်ဆာလာ လိုက်တာ ပဲလှော်ဝါးပြီးတော့ စစ်ဗိုလ် ဟောင်း အဆိုတော်ရဲ့ ခေါက်ဆွဲ ခြောက် စပွန်ဆာ အကြောင်းတော့ တင်ပြလိုက်ပြီ ဗျာ။ နောက်တစ်ပတ်မှာကော ဘယ်သူတွေ ရဲ့ စပွန်ဆာ အကြောင်း တင်ပြမလဲဆိုတာ စောင့်မျှော်ကြည့်ကြပါဦးလို့။
မြန်မာသံတော်ဆင့်သတင်းဌာန