နိုင်ငံတကာဆိုက်ဘာအကြမ်းဖက်မှု နှိမ်နင်းရေး တရုတ်ကြိုးပမ်း

March 9, 2017, 8:55 am

≫ Next: UNFC ခေါင်းဆောင်ပိုင်း အပြောင်းအလဲရှိလာနိုင်

≪ Previous: အဝဆုံး အမျိုးသမီးကို အလေးချိန်လျော့အောင် ခွဲစိတ်ပေး

$

0

0

ဆိုင်ဘက်ကနေ တိုက်ခိုက်တာတွေနဲ့ ဆိုင်ဘာ အကြမ်းဖက်ဝါဒကို နှိမ်နင်းဖို့အတွက် အင်တာနက်ကို အစိုးရက ပိုပြီး ထိန်းချုပ်နိုင် ရေး နိုင်ငံတကာ သဘောတူညီချက်တရပ်ရဖို့ တရုတ်က ကြိုးစားနေပါတယ်။ ရေမြေနယ်နိမိတ်တွေအပေါ် အချုပ်အခြာအာဏာ ပိုင်မှုဆိုင်ရာ လက်ရှိအနေအထားကို ဆိုင်ဘာနယ်ပယ်အထိ တရုတ်က ချဲ့ထွင် လုပ်ဆောင်ချင်တာပါ။

ဒီကိစ္စနဲ့ပတ်သက်ပြီး နိုင်ငံတကာ ပူးပေါင်းလုပ်ဆောင်မှုတခုမှာ နိုင်ငံအမျိုးမျိုးပါဝင်လာစေဖို့ ဘယ်လို စည်းရုံးသွားမယ်ဆိုတာကို ဆွေးနွေးထားတဲ့ ပထမဆုံး အဆိုပြုချက်စာတမ်းကို တရုတ်နိုင်ငံက ထုတ်ပြန်ထားပါတယ်။ ချဉ်းကပ်တဲ့ပုံကတော့ ဆိုင်ဘာ အင်တာနက် ထိန်းချုပ်မှုမှာ ပုဂ္ဂလိကအခန်းကဏ္ဍကို လျှော့ချပြီး အစိုးရတခုချင်းစီကို လုပ်ပိုင်ခွင့်အာဏာ ပိုပေးဖို့ဖြစ်ပါတယ်။

တကမ္ဘာလုံးကနိုင်ငံတွေဟာ ဆိုင်ဘာ တိုက်ခိုက်မှုတွေအပေါ် ပိုပြီး စိုးရိမ်လာကြတဲ့အကြောင်း၊ ဆိုင်ဘာလောကဟာ တရား ဥပဒေမဲ့လောက မဖြစ်သင့်တဲ့အကြောင်း တရုတ်နိုင်ငံခြားရေးဌာန၊ ဆိုင်ဘာရေးရာဌာနခွဲရဲ့ လုပ်ငန်းညှိနှိုင်းရေးမှူး Long Zhou ကပြောပါတယ်။

ဒီကိစ္စနဲ့ပတ်သက်ပြီး တရုတ်နိုင်ငံရဲ့ ပထမဆုံး မူဝါဒရေးရာစာတမ်းဖြစ်တဲ့ ဆိုင်ဘာလောကဆိုင်ရာ ပူးပေါင်းဆောင်ရွက်ရေး နိုင်ငံ တကာမဟာဗျူဟာဆိုတာကို ပြီးခဲ့တဲ့သီတင်းပတ်ကပဲ တရုတ်နိုင်ငံက ထုတ်ပြန်ထားပါတယ်။

ဗွီအိုအေ (မြန်မာပိုင်း)
http://burmese.voanews.com

---

UNFC ခေါင်းဆောင်ပိုင်း အပြောင်းအလဲရှိလာနိုင်

March 9, 2017, 8:56 am

≫ Next: လောက်ကိုင်နယ်စပ်တိုက်ပွဲ ပြင်းထန်

≪ Previous: နိုင်ငံတကာဆိုက်ဘာအကြမ်းဖက်မှု နှိမ်နင်းရေး တရုတ်ကြိုးပမ်း

$

0

0

ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ လက်ရှိ ဥက္ကဌ ဗိုလ်ချပ်ကြီး အင်ဘန်လ

ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC ရဲ့ ဒုတိယ အကြိမ် ညီလာခံကို အခု မတ်လ နှစ်ဆယ်ရက် နောက်ပိုင်း လမကုန်ခင် ကျင်းပဖို့ ရှိပါတယ်။

လက်ရှိ အခြေအနေမှာ UNFC ဥက္ကဌ ရာထူးကို ကချင်လွတ်လပ်ရေး အဖွဲ့ KIO အကြီးအကဲ ဗိုလ်ချုပ်ကြီး အင်ဘန်လ က ယူထားပေမယ့် လာမယ့် ညီလာခံမှာ ဖွဲ့စည်းပုံ အပြောင်းအလဲတွေ ရှိနိုင်တယ်လို့ UNFC ဒုတိယ ဥက္ကဌ နိုင်ဟံသာက ပြောပါတယ် ။

လာမယ့် ညီလာခံမှာ လုပ်ငန်းစဉ် ပြန်သုံးသပ်တာတွေ ၊ ဖွဲ့စည်းပုံ ပြင်ဆင်ရေးနဲ့ တာဝန်ခံသစ် ရွေးချယ်ရေး ကိစ္စတွေ ဆောင်ရွက် သွားမှာ ဖြစ်ပါတယ်။

အခုအခါ ကေအိုင်အိုနဲ့ အစိုးရ ကြား ညှိနှိုင်းနေရာမှာလည်း အမြင်နီးစပ်မှု ရှိလာတာ တွေ့ရတယ်လို့ နိုင်ဟံသာက ပြောပါတယ်။

ရှမ်းပြည်မြောက်ပိုင်းမှာ ကိုးကန့် တပ်ဖွဲ့ MNDAA ၊ ပလောင် လက်နက်ကိုင် တပ်ဖွဲ့ PSLF/TNLA တို့နဲ့ တပ်မတော်နဲ့ တိုက်ပွဲ ဖြစ်နေတာနဲ့ ပတ်သက်လို့ တိုင်းရင်းသား လက်နက်ကိုင် အဖွဲ့တွေက ခုခံတဲ့ အနေအထားမျိုးသာ ဖြစ်တယ်လို့ နိုင်ဟံသာက ပြောပါတယ်။

UNFC အနေနဲ့တော့ တပ်မတော်ဖက်က ထိုးစစ်တွေ ရပ်ဖို့ အသိပေး ပြောကြား သွားဖို့ ရှိပြီး နောက်တကြိမ် အစိုးရရဲ့ ငြိမ်းချမ်းရေး ကိုယ်စားလှယ်တွေနဲ့ တွေ့တဲ့အခါ ဒီကိစ္စကို ထည့်သွင်း ဆွေးနွေးသွားမှာ ဖြစ်တယ်လို့ နိုင်ဟံသာက ဆိုပါတယ်။

UNFC ရဲ့ နိုင်ငံရေး ဆွေးနွေးမှု ကိုယ်စားလှယ် အဖွဲ့ DPN ကနေ အစိုးရဆီ တင်ပြထားတဲ့ နိုင်ငံရေး မူဘောင် ကိုးချက် ဟာလည်း မူအားဖြင့် သဘောတူညီမှု ရထားပြီး လိုအပ်ချက် တချို့ကို ညှိမယ် ၊ အားလုံး သဘောတူနိုင်တဲ့ အခါမှာ တနိုင်ငံလုံး အပစ်ရပ်ရေး စာချုပ် လက်မှတ်ထိုးသွားမှာ ဖြစ်တယ်လို့ နိုင်ဟံသာက ဆိုပါတယ်။

မူကိုးချက်မှာ ညှိဖို့ လိုနေတဲ့ အချက်တွေကတော့ သုံးပွင့်ဆိုင် ဖြစ်ရေး ၊ အားလုံးပါဝင်ရေး နဲ့ JMC မှာ နိုင်ငံတကာ အဖွဲ့တွေ ပါဝင်ရေး ဆိုတာတွေဘဲ ဖြစ်ပါတယ်။

UNFC ရဲ့ ဒုတိယ အကြိမ် ညီလာခံမှာ မူကိုးချက် အပြင် ငြိမ်းချမ်းရေး ဖြစ်စဉ် တခုလုံး ဆွေးနွေးသွားဖို့ကိုလည်း ပြင်ဆင်ထားကြပါတယ်။

BBC Burmese
http://www.bbc.com/burmese

လောက်ကိုင်နယ်စပ်တိုက်ပွဲ ပြင်းထန်

March 9, 2017, 8:57 am

≫ Next: သင်္ကြန်ရုံးပိတ်ရက်လျှော့ဖို့ ၀န်ကြီးဌာနတွေရဲ့ သဘောထားတောင်းခံ

≪ Previous: UNFC ခေါင်းဆောင်ပိုင်း အပြောင်းအလဲရှိလာနိုင်

$

0

0

လောက်ကိုင် ဒေသတ၀ိုက် နေရာ သုံးနေရာမှာ ဒီကနေ့ မြန်မာ့ တပ်မတော်နဲ့ မြန်မာပြည် မြောက်ပိုင်း မဟာမိတ် အဖွဲ့တို့ တိုက်ပွဲတွေ ပြင်းထန်ခဲ့ပါတယ်။ ရန်လုံကျိုက် နယ်စပ်ဂိတ်၊ နယ်စပ်မိုင်တိုင် အမှတ် ၁၂၇ နဲ့ ရင်ကျင့်ထန်ကြား တလျှောက်နဲ့ လောက်ရှန်းထန် ဒေသတို့မှာ တိုက်ပွဲတွေ ပြင်းထန်ခဲ့တာပါ။ ဒီကနေ့ တိုက်ပွဲတွေ အခြေအနေကိုတော့ မြောက်ပိုင်း စစ်ရေး မဟာမိတ် အဖွဲ့ဝင် ရခိုင်လက်နက်ကိုင်တပ် AA ရဲ့ စစ်ဦးစီးချုပ် ဗိုလ်မှူးချုပ် ဒေါက်တာ ညိုထွန်းအောင်ကို မသိင်္ဂီထိုက် ဆက်သွယ်မေးမြန်းတဲ့အချိန်မှာ သူက အခုလိုဖြေပါတယ်။

“ဖြေ။ ။ဒီကနေ့တိုက်ပွဲကတော့ အရင်ရင်ထက်စာရင်နည်းနည်းလေးများတယ်ခင်ဗျ ။ ဒီနေ့မနက်ကတော့ နေရာ ၄ နေရာ -၅ နေရာလောက်မှာ ဖြစ်တယ်ခင်ဗျ ။ ဒီမနက် ၈ နာရီလောက်မှာတော့ လောက်ကိုင် ရန်လုံကျိုက် နားရယ်၊ နေ့ခင်းဘက်မှာတော့ မိုင်တိုင် ၁၂၅- ၁၂၇ကြား ၊ လောက်ရှန်းထန်ရယ် နောက် ၁ နေရာ ၂ နေရာလောက်မှာ နည်းနည်းလေး တိုက်ပွဲတွေ ပြင်းပြင်းထန်ထန်တွေဖြစ်တယ်ခင်ဗျ။

မေး။ ။အဲဒီတော့ အခုတိုက်ပွဲက လက်နက်ကြီးနဲ့ ဟိုဘက် ဒီဘက် ပစ်နေတာလား ဘယ်လိုပုံစံဖြစ်နေပါသလဲရှင့်။

ဖြေ။ ။အခုနောက်ပိုင်း မြန်မာ့တပ်မတော်ဘက်က သူတို့ရဲ့ တိုက်ပုံကတော့ လက်နက်ကြီးတွေ အစွမ်းကုန်ပစ်တယ်။ မြေပြင်အခြေအနေနည်းနည်းငြိမ်ရင် မြေပြင်က တက်တယ်။ ပြီးရင် လေယာဉ်နဲ့ ပစ်တယ်။ အဲလိုပုံစံမျိုးပါ ကျနော်တို့ဘက်ကတော့ လက်နက်ကြီးတွေကတော့ ကျနော်တို့က မရှိဘူး ကျနော်တို့က သူပုန်တပ်ဆိုတော့ လက်နက်ကြီးတွေ အစိုးရတပ်လောက်တော့မရှိဘူး ။ ရသလောက်ကတော့ ရတဲ့ ပစ္စည်းလေး လက်နက်တွေနဲ့ကတော့ ခုခံကာကွယ်နေတာပါ။ သူတို့ဘက်ကတော့ ဒီရှိပြီးသား တပ်မတွေအပြင် ဒီကြားထဲမှာတော့ တပ်မ ၆၆၊ ၇၇ တွေ ၊ ၁၁၊၃၃ အဲဒီ တပ်မ ၄ ခုလောက်တော့ရှိမယ်။ ပြီးရင် သံချပ်ကာ တပ်ရင်းတွေရယ် ဒီကြားထဲမှာတော့ လေယာဉ်ကိုတော့ အရင် ၁ ရက်နေ့ကတော့ မပါသေးဘူးပေါ့နော် ၊ အဲဒီတော့ တပ်မ ၃ ခုအထက်တော့ တိုက်နေတာတွေ့တယ်ခင်ဗျ။”

တပ်မတော်ဘက်ကတော့ အကျအဆုံးအထိအခိုက်ကို အတိအကျ မထုတ်ပြန်ပေမယ့် Facebook စာမျက်နှာမှာတော့ ပျံ့နှံ့နေတဲ့ ဓါတ်ပုံနဲ့ မိသားစု သတင်းတွေအရမှာ တပ်မတော်က ဗိုလ်မှူးအဆင့်ရှိတဲ့ အရာရှိ၁ ဦး ဒီကနေ့ တိုက်ပွဲမှာ ကျဆုံးခဲ့တယ်ဆိုတဲ့သတင်း ထွက်ပေါ်နေပါတယ်။
VOA Burmese News

သင်္ကြန်ရုံးပိတ်ရက်လျှော့ဖို့ ၀န်ကြီးဌာနတွေရဲ့ သဘောထားတောင်းခံ

March 9, 2017, 9:00 am

≫ Next: သင်္ကြန်နှစ်ကူး အနားယူကာလ ၁ဝရက်တိတိ ရရှိခံစားရန် အစိုးရထုတ်ပြန်

≪ Previous: လောက်ကိုင်နယ်စပ်တိုက်ပွဲ ပြင်းထန်

$

0

0

၂ဝ၁၆ ခုနှစ် သင်္ကြန်ကို တွေ့ရစဉ်။ Photo: Kan Thar/ RFA

သင်္ကြန်နှစ်သစ်ကူး ရုံးပိတ်ရက်ကို ၅ ရက်အထိ လျှော့ချဖို့အတွက် ပြည်ထောင်စုအစိုးရအဖွဲ့က စီစဉ်နေ ပြီး ပြည်ထောင်စု အစိုးရအဖွဲ့ရုံးက ၀န်ကြီးဌာနတွေရဲ့ သဘောထားကို မနေ့က စာပေးပို့ပြီး တောင်းခံထား ပါတယ်။

အဲဒီလိုပိတ်ရက် လျှော့ချမယ့်ကိစ္စနဲ့ပတ်သက်ပြီး မိမိတို့ဝန်ကြီးဌာနအနေနဲ့ ဘာပြဿနာမှမရှိသလို ၀န်ထမ်းတွေ အနေနဲ့လည်း အခွင့်အရေးဆုံးရှုံးတာ မဟုတ်ဘူးလို့ လျှပ်စစ်နဲ့ စွမ်းအင်ဝန်ကြီးဌာန အမြဲတမ်းအတွင်းဝန် ဦးထိန်လွင်က ပြောပါတယ်။

"ဟိုးအရင်ကလည်း ဒီအတိုင်းပဲ ကျနော်တို့ သင်္ကြန်ဆို ၄၊ ၅ ရက်ပဲရတာပဲ၊ ဟိုးယခင်ကလည်း ဒီအတိုင်းပဲ ကျနော်တို့ လုပ်လာတာ၊ ကျနော်တို့ ဌာနအတွက်ကတော့ အခက်အခဲမရှိပါဘူး၊ ၀န်ထမ်းတစ်ယောက် အတွက်က ရုံးပိတ်ရက်ဆိုတာ သတ်မှတ်ပေးရင် သတ်မှတ်တဲ့အတိုင်းပဲ သွားရုံပဲလေ၊ ဘာမှအခွင့်အရေး ဆုံးရှုံးတာလည်း မဟုတ်ပါဘူး"

သင်္ကြန်ကာလရှည် ရုံးပိတ်ရက်ကြောင့် နိုင်ငံတကာနဲ့ ဆက်သွယ်ဆောင်ရွက်ရာမှာ ရုံးလုပ်ငန်းနဲ့ ဘဏ်လုပ် ငန်းတွေ အခက်အခဲတွေ ဖြစ်ပေါ်လာတာ၊ ကုန်စည်စီးဆင်းမှုတွေ နှောင့်နှေးကြန့်ကြာတာတွေ တွေ့ရှိ ရတယ်လို့လည်း အစိုးရအဖွဲ့ရုံးရဲ့စာမှာ ပါရှိပါတယ်။

ရုံးပိတ်ရက်ကို သင်္ကြန်အကြိုနေ့ကနေ နှစ်ဆန်းတစ်ရက်နေ့အထိ ၅ ရက်သာ ပြောင်းလဲသတ်မှတ်ပြီး ကျန်တဲ့ ၅ ရက်ကို သီတင်းကျွတ်၊ တန်ဆောင်တိုင်နဲ့ နိုင်ငံတကာနှစ်သစ်ကူး ရုံးပိတ်ရက်တွေမှာ အစားထိုးဖို့ ဆောင်ရွက် မယ်ဆိုရင် ၀န်ကြီးဌာနတွေအနေနဲ့ အဆင်ပြေ/မပြေကို ပြည်ထာင်စု အစိုးရအဖွဲ့ရုံးက မေးမြန်းထားတာဖြစ် ပါတယ်။

အဲဒီကိစ္စနဲ့ပတ်သက်ပြီး ၀န်ကြီးဌာနတွေအနေနဲ့ ဒီနေ့ ညနေ ၃ နာရီ နောက်ဆုံးထားပြီး အကြောင်းပြန်ကြား ရမှာ ဖြစ်ပါတယ်။

အရင်က သင်္ကြန်ရုံးပိတ်ရက်အဖြစ် သင်္ကြန်အကြိုနေ့မတိုင်ခင် တစ်ရက်ကနေ နှစ်ဆန်းတစ်ရက်နေ့အထိသာ ပိတ်ခဲ့ပေမယ့် တပ်မတော်အစိုးရလက်ထက် ၂၀၀၇ ခုနှစ်ကစတင်ပြီး သင်္ကြန်အကြိုနေ့မတိုင်ခင် တစ်ရက်ကစပြီး ၁၀ ရက်တိတိကို နှစ်သစ်ကူးရုံးပိတ်ရက်အဖြစ် သတ်မှတ်ခဲ့တာဖြစ်ပါတယ်။

RFA Burmese
http://www.rfa.org/burmese

သင်္ကြန်နှစ်ကူး အနားယူကာလ ၁ဝရက်တိတိ ရရှိခံစားရန် အစိုးရထုတ်ပြန်

March 9, 2017, 3:11 pm

≫ Next: နယ်စပ်ဒေသတိုက်ပွဲ ချက်ချင်းရပ်ဖို့ တရုတ်တောင်းဆို

≪ Previous: သင်္ကြန်ရုံးပိတ်ရက်လျှော့ဖို့ ၀န်ကြီးဌာနတွေရဲ့ သဘောထားတောင်းခံ

$

0

0

နယ်စပ်ဒေသတိုက်ပွဲ ချက်ချင်းရပ်ဖို့ တရုတ်တောင်းဆို

March 10, 2017, 8:17 am

≫ Next: Max Myanmar ကုမ္ဗဏီကို အများပိုင်ကုမ္ဗဏီအဖြစ်ပြောင်းလဲရန် စီစဉ်နေကြောင်း ဦးဇော်ဇော် ပြော

≪ Previous: သင်္ကြန်နှစ်ကူး အနားယူကာလ ၁ဝရက်တိတိ ရရှိခံစားရန် အစိုးရထုတ်ပြန်

$

0

0

တရုတ် နိုင်ငံခြားရေးဝန်ကြီးဌာန ပြောခွင့်ရ Geng Shuang (the ministary of foreign affair)

တရုတ်-မြန်မာ နယ်စပ်ဒေသ တည်ငြိမ်ရေးနဲ့ ငြိမ်းချမ်းရေးရစေဖို့ ၂ နိုင်ငံ နယ်စပ်ဒေသမှာ တိုက်ခိုက်နေတဲ့ အဖွဲ့အားလုံး ထိန်းထိန်းသိမ်းသိမ်း လုပ်ဆောင်ကြဖို့နဲ့ လက်နက်ကိုင်တိုက်ခိုက်မှုတွေ ချက်ချင်းရပ်စဲကြဖို့ တရုတ်အစိုးရက ကြာသပတေးနေ့မှာ တောင်းဆိုလိုက်ပါတယ်။

မြန်မာနိုင်ငံမြောက်ပိုင်း ရှမ်းပြည်နယ် ကိုးကန့် ကိုယ်ပိုင်အုပ်ချုပ်ခွင့်ရဒေသမှာ အခု သီတင်းပတ်အတွင်း ထပ်မံ ဖြစ်ပွါးခဲ့တဲ့ တိုက်ပွဲတွေ ကြောင့် ဒေသခံ ၂ သောင်းကျော် တရုတ်နိုင်ငံထဲ ထွက်ပြေးဝင်ရောက်လာတယ်လို့ တရုတ် နိုင်ငံခြားရေးဝန်ကြီးဌာန ပြောခွင့်ရ Geng Shuang ကပြောပါတယ်။ တိုက်ပွဲတွေကြောင့် အပြစ်မဲ့ပြည်သူတွေ ထိခိုက်နစ်နာတာအတွက်လည်း တရုတ်နိုင်ငံက အပြစ်တင် ရှုံ့ချပါတယ်။ ဒါ့အပြင် ဒီဒုက္ခသည်တွေကို တရုတ်အစိုးရက အကူညီတွေ ပေးနေ သလို နယ်စပ်ဒေသ တည်ငြိမ်မှု ရစေရေးအတွက် ထိရောက်တဲ့ အရေးယူ ဆောင်ရွက်မှုတွေ လုပ်နေတယ်လို့လည်း သတင်းစာ ရှင်းလင်းပွဲမှာပြောပါတယ်။

လားရှိုးဘက်ကို ထွက်ပြေးကြတဲ့ ဒုက္ခသည်တွေကို ကူညီဆောင်ရွက်ပေး နေသူတွေကတော့ တရုတ်ဘက်ခြမ်းကို ထွက်ပြေးကြသူတွေဟာ တရုတ်ဘာသာ စကား ပြောတတ်သူတွေ ဖြစ်ပြီး တိုက်ပွဲတွေ စတင်ကတည်းက တံတားအားလုံးကို တရုတ်ဘက်က ပိတ်ထားလိုက်ပြီး မြန်မာ ဒုက္ခသည်တွေကို ပေးမဝင်ပဲ တရုတ်တွေကိုပဲ ပေးဝင်တယ်လို့ VOA ကိုပြောပါတယ်။

လောက်ကိုင်ဝန်းကျင်မှာ ဖြစ်ပွါးနေတဲ့ တိုက်ပွဲတွေ ကြောင့် ဒေသခံတွေနဲ့ အဲဒီဒေသတွေမှာ သွားရောက်အလုပ်လုပ်ကိုင်နေတဲ့ ရွှေ့ပြောင်း လုပ်သား ထောင်နဲ့ ချီပြီး ထွက်ပြေးတိမ်းရှောင် နေကြ သလို မြို့ထဲမှာ ပိတ်မိနေသူတွေလည်း ရှိနေပါတယ်။

မြန်မာနိုင်ငံက ငြိမ်းချမ်းရေး လုပ်ငန်းစဉ်ကို တရုတ်က ထောက်ခံကြောင်းနဲ့ မပြေလည်မှုတွေကို ဆွေးနွေးအဖြေရှာပြီး ငြိမ်းချမ်းတဲ့နည်းနဲ့ ဖြေရှင်းကြဖို့ တိုက်တွန်း ကြောင်းလည်း တရုတ် နိုင်ငံခြားရေးဝန်ကြီးဌာန ပြောခွင့်ရက ပြောပါတယ်။

မတ်လ ၆ ရက် တနင်္လာနေ့က ကိုးကန့်တပ်ဖွဲ့နဲ့ မြန်မာစစ်တပ်တို့ကြား ပြန်လည် ဖြစ်ပွါးခဲ့တဲ့ တိုက်ပွဲတွေကြောင့် တရုတ် နယ်နိမိတ်ထဲ လက်နက်ကြီးနဲ့ တခြား ကျည်ဆံတွေ ကျရောက်ထိမှန်ခဲ့ပြီး နယ်စပ်ဒေသခံတဦး ထိခိုက်ဒဏ်ရာရခဲ့သလို ပိုင်ဆိုင်မှု တချို့ ပျက်စီးတာလည်း ရှိခဲ့တယ်လို့လည်း ပြောပါတယ်။ ကြာသပတေးနေ့မှာတော့ လောက်ကိုင်ဝန်းကျင်မှာ တိုက်ပွဲတွေ ပြင်းထန်ခဲ့တယ်လို့ အစိုးရတပ်တွေနဲ့ တိုက်ခိုက်နေတဲ့ မြောက်ပိုင်း စစ်ရေးမဟာမိတ်အဖွဲ့က VOA ကို ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com

Max Myanmar ကုမ္ဗဏီကို အများပိုင်ကုမ္ဗဏီအဖြစ်ပြောင်းလဲရန် စီစဉ်နေကြောင်း ဦးဇော်ဇော် ပြော

March 10, 2017, 8:18 am

≫ Next: ၆၆ (ဃ) ပြင်ဆင်ဖို့အဆို တင်သွင်းခွင့်ကို NLD ပါတီတွင်းဆုံးဖြတ်ချက်နဲ့ ပယ်ချ

≪ Previous: နယ်စပ်ဒေသတိုက်ပွဲ ချက်ချင်းရပ်ဖို့ တရုတ်တောင်းဆို

$

0

0

စီးပွားရေးနယ်ပယ်ပေါင်းစုံတွင် ၀င်ရောက်လုပ်ကိုင်လျက်ရှိသော Max Myanmar ကုမ္ဗဏီက ပြည်ပစတော့အိတ်ချိန်းတခုခု၌ စားရင်းဝင်၍ အများပိုင်ကုမ္ဗဏီအဖြစ်ပြောင်းလဲရန် စီစဉ်နေကြောင်း ကုမ္ဗဏီဥက္ကဌ ဦးဇော်ဇော်က ပြောသည်။

Max Myanmar ကုမ္ဗဏီကို ဟောင်ကောင်၊ စင်ကာပူ သို့မဟုတ် လန်ဒန်စတော့အိတ်ချိန်းဈေးကွက်သို့ ၀င်ရောက်ရန် ဆန္ဒရှိကြောင်း၊ ပြည်ပရင်းနှီးမြှပ်နှံမှုဆိုင်ရာဥပဒေအပြောင်းအလဲကြောင့် နိုင်ငံတကာကုမ္ဗဏီများ ပိုမိုဝင်ရောက်လာမည်ဟု မျှော်လင့်ကြောင်း Bloomberg က ကျင်းပသော Invest Myanmar ဆွေးနွေးပွဲတွင် ၎င်းက ပြောသည်။

“ကျွန်တော့်လုပ်ငန်းတွေအားလုံးကို ပုဂ္ဂလိကပိုင်အနေနဲ့ မထားချင်ပါဘူး။ တနေ့နေ့တော့ စတော့အိတ်ချိန်းတင်ပြီး အများပိုင်အဖြစ် ပြောင်းချင်ပါတယ်။ မြန်မာနိုင်ငံမှာ စတော့အိတ်ချိန်း ၀င်ဖို့အတွက်ကျတော့ ကျွန်တော်တို့ဆီက ရင်းနှီးမြှပ်နှံမှုဈေးကွက်က ဒီလောက် မရှိသေးတဲ့အတွက် လက်ရှိအနေအထားမှာ ကျွန်တော့်အနေနဲ့ မြန်မာနိုင်ငံစတော့အိတ်ချိန်းမှာ တင်ရောင်းလို့မဖြစ်သေးတဲ့အနေအထားပါ။ အဲဒီတော့ ကျွန်တော့်အနေနဲ့ နိုင်ငံပြင်ပမှာ စာရင်းဝင်ဖို့ အစီအစဉ်ဆွဲထားပါတယ်။ စင်ကာပူ၊ ဟောင်ကောင်နဲ့ လန်ဒန် အိတ်ချိန်းတွေကို စဉ်းစားနေပါတယ်”ဟု ၎င်းက ပြောသည်။

ယင်းအပြင် စီးပွားရေးဆိုင်ရာဝန်ဆောင်မှုကဏ္ဍ၌ အတူလက်တွဲလုပ်ကိုင်မည့် ပြည်ပမှ မိတ်ဖက်ကုမ္ဗဏီများကို ရှာဖွေနေကြောင်း၊ ဟိုတယ်လုပ်ငန်း တိုးချဲ့ လုပ်ကိုင်ရန်အတွက် ပြင်သစ်ကုမ္ဗဏီ Accor SA နှင့်လည်း ဆွေးနွေးလျက်ရှိကြောင်း၊ Accor SA သည် Max Myanmar ပိုင် ဟိုတယ်သုံးခုအနက် နှစ်ခုကို စီမံခန့်ခွဲပေးလျက်ရှိကြောင်း သိရသည်။

ပြည်ပမှ ရင်းနှီးမြှပ်နှံမှုများ ပိုမိုဝင်ရောက်လာရန် အသစ်ရေးဆွဲထားသော ရင်းနှီးမြှပ်နှံမှုဥပဒေသည် လာမည့် ဧပြီတွင် အသက်ဝင်လာမည်ဖြစ်ပြီး ယင်းဥပအေရ ပြည်ပလုပ်ငန်းရှင်များအနေဖြင့် ပြည်တွင်းမှစီးပွားရေးလုပ်ငန်းများ၏ ၃၅ ရာခိုင်နှုန်းကို ၀ယ်ယူပိုင်ဆိုင်ခွင့်ရမည်ဖြစ်ပြီး ရန်ကုန်စတော့အိတ်ချိန်းတွင်လည်း ရှယ်ယာဝယ်ယူရောင်းချခွင့် ရရှိမည်ဖြစ်သည်။ ထို့ပြင် ပြည်ပလုပ်ငန်းများအား အခွန်သက်သာခွင့်ပေးရန် စီစဉ်ထားကြောင်းလည်း သိရသည်။

“အစိုးရအနေနဲ့ ပြည်ပကရင်းနှီးမြှပ်နှံမှုတွေကို ဆွဲဆောင်ဖို့ ရင်းနှီးမြှပ်နှံသူများ အလွယ်တကူ သိလွယ်မြင်လွယ်တဲ့ ပေါ်လစီတွေ ဖေိာဆောင်ဖို့လိုပါတယ်။ လမ်း၊ လျှပ်စစ်မီးစတဲ့ အခြေခံအဆောက်အဦတွေမှာလည်း ရင်းနှီးမြှပ်နှံဖို့လိုတယ်။ လက်ရှိ လျှပ်စစ်ဓါတ်အားပမာဏက နည်းနေသေးတယ်”ဟု ဦးဇော်ဇော်က ပြောသည်။

စစ်အစိုးရလက်ထက် ၁၉၉၇ ခုနှစ်မှစ၍ မြန်မာနိုင်ငံအပေါ် အမေရိကန်အစိုးရက စီးပွားရေးဒဏ်ခတ်ပိတ်ဆို့မှုများ ချမှတ်ခဲ့ရာ ဦးဇော်ဇော်သည် တဦးတယောက်ချင်း ပစ်မှတ်ထားစီးပွားရေးပိတ်ဆို့ခြင်းခံရသည့် လူပုဂ္ဂိုလ်မျာစားရင်းတွင် ပါဝင်ခဲ့သည်။ မြန်မာ့ဒီမိုကရေစီအပြောင်းအလဲကြောင့် သမ္မတ အိုဘားမားလက်ထက် ၂၀၁၆ အောက်တိုဘာလတွင် အမေရိကန်၏စီးပွားရေးပိတ်ဆို့မှုများ အပြီးသတ်ရုပ်သိမ်းခဲ့သည်။

မော်ရိုး
Ref;Bloomberg
News Watch
https://www.facebook.com/NewsWatchJournal/

၆၆ (ဃ) ပြင်ဆင်ဖို့အဆို တင်သွင်းခွင့်ကို NLD ပါတီတွင်းဆုံးဖြတ်ချက်နဲ့ ပယ်ချ

March 10, 2017, 8:19 am

≫ Next: ကချင်ပြည်နယ်တွင် ၁၀တန်းဖြေဆို ပျက်ကွက်သူ နှစ်ထောင်ကျော်ရှိ

≪ Previous: Max Myanmar ကုမ္ဗဏီကို အများပိုင်ကုမ္ဗဏီအဖြစ်ပြောင်းလဲရန် စီစဉ်နေကြောင်း ဦးဇော်ဇော် ပြော

$

0

0

( အမျိုးသားလွှတ်တော်ကိုယ်စားလှယ် ဦးရဲထွဋ် ကို မတ်လ ၁ဝ ရက်နေ့က တွေ့ရစဉ် ) Photo: Win Naung Toe/RFA

ဆက်သွယ်ရေးဥပဒေ ပုဒ်မ ၆၆ ဃ ကို ပြင်ဆင်၊ ဖျက်သိမ်းပေးဖို့ ရှိ မရှိကို အမျိုးသားဒီမိုကရေစီအဖွဲ့ ချုပ် NLD ပါတီက အမျိုးသားလွှတ်တော်ကိုယ်စားလှယ် ဦးရဲထွဋ်က မေးခွန်းမေးဖို့ ကြိုးစားခဲ့ပေမယ့် ပါတီကခွင့်မပြုတဲ့အတွက် မေးမြန်းခွင့်မရရှိကြောင်း ဦးရဲထွဋ်က ပြောပါတယ်။

လွန်ခဲ့တဲ့ ၂ လကျော် ၃ လနီးပါက ပုဒ်မ ၆၆ ကို ပြင်ဆင်၊ ဖျက်သိမ်းဖို့ရှိ မရှိ မေးခွန်းမေးဖို့ပါတီတွင်း စိစစ်ရေးအဖွဲ့ကို တင်ခဲ့ပေမယ့် ခွင့်မပြုတာကြောင့် မေးခွန်းမေးမြန်းခွင့်မရရှိခဲ့ကြောင်း စစ်ကိုင်းတိုင်းဒေသကြီးက အမျိုးသားလွှတ်တော်ကိုယ်စားလှယ် ဦးရဲထွဋ် က ပြောပါတယ်။

ဒီလိုအရေးကြီးတဲ့မေးခွန်းတွေနဲ့ အဆိုတွေကို လွှတ်တော်မှာ မြန်မြန်ဆန်ဆန်နဲ့ မေးမြန်းခွင့်မရရှိတဲ့အတွက် လွှတ်တော်ကိုယ်စားလှယ်တွေရဲ့ ပုံရိပ်ကိုထိခိုက်နိုင်ကြောင်း၊ ကိုယ်က ပါတီဝင်တစ်ယောက် ဖြစ်နေတဲ့အတွက် ပါတီရဲ့ဆုံးဖြတ်ချက်ကို လေးစားလိုက်နာရမှာဖြစ်ကြောင်း၊အချိန်အခါအရ မေးမြန်းဖို့ မသင့်သေးဘူးလို့ ပါတီတာဝန်ရှိသူတွေက ဆုံးဖြတ်ထားတာကြောင့် နောက်ထပ်မေးခွန်းမေးမြန်ဖို့ ထပ်မံကြိုးစားသွားမှာဖြစ်ကြောင်းလည်း ဦးရဲထွဋ်က ပြောပါတယ်။

ဒါ့အပြင် ၈၈ အရေးပုံတော်နဲ့ ပတ်သက်ပြီး ကျဆုံးခဲ့တဲ့သူတွေအတွက်၊ ဂုဏ်ပြုဖို့အစီအစဉ်ရှိ မရှိနဲ့ သဘာဝပတ်ဝန်းကျင်၊ ကုန်ဈေးနှုန်းကြီးမြင့်မှု စတာတွေနဲ့ ပတ်သက်ပြီးလွှတ်တော်မှာ မေးခွန်းမေးဖို့ ကြိုစားခဲ့ပေမယ့် ပါတီစိစစ်ရေးက ခွင့်မပြုခဲ့ကြောင်းလည်း ဦးရဲထွဋ်က ပြောပါတယ်။

ဆက်သွယ်ရေး ဥပဒေပုဒ်မ ၆၆ (ဃ) ကို အမြန်ဆုံးပြင်ဆင်ပေးဖို့ အရပ်ဘက်အဖွဲ့တွေ၊ တက်ကြွလှုပ်ရှားသူတွေ၊ ကျောင်းသားတွေနဲ့ ပုဒ်မ ၆၆(ဃ) နဲ့ အရေးယူခံခဲ့ရသူတွေက ဆန္ဒပြတောင်းဆိုထားကြပြီး ၆၆ ဃ နဲ့ တရားစွဲဆိုခံရသူတွေရဲ့ တရားရုံးချိန်းတွေမှာ လှုပ်ရှားမှုတွေလည်း ဆောင်ရွက်နေပါတယ်။

RFA Burmese
https://www.facebook.com/rfaburmese/

---

ကချင်ပြည်နယ်တွင် ၁၀တန်းဖြေဆို ပျက်ကွက်သူ နှစ်ထောင်ကျော်ရှိ

March 10, 2017, 8:19 am

≫ Next: မောင်တောမြို့နယ်၌ အကြမ်းဖက်တိုက်ခိုက်မှုတွင် ပါဝင်သူတစ်ဦး ဖမ်းဆီးရမိ

≪ Previous: ၆၆ (ဃ) ပြင်ဆင်ဖို့အဆို တင်သွင်းခွင့်ကို NLD ပါတီတွင်းဆုံးဖြတ်ချက်နဲ့ ပယ်ချ

$

0

0

မတ် ၁၀

ကချင်​ပြည်​နယ်​တွင်​ တက္ကသို​လ်​ဝင်​တန်း​ဖြေဆိုရန်​ပျက်​ကွက်​သူ၂၀၀၀ ​ကျော်​ရှိ​ကြောင်းသိရသည်​။

ဖြေဆိုရန်​ စာရင်းသွင်းထားသူ ၃၂၈၄၇​ယောက်​အနက်​ ၃၀၆၁၂သာ လာ​ရောက်​​ဖြေဆိုပြီး ၂၂၅၅ ဦး ပျက်​ကွက်​ခဲ့​ကြောင်း ကချင်​ပြည်​နယ်​ ပညာ​ရေးမှူးရုံးမှ သိရသည်​။

မြန်​မာစာ​ဖြေဆိုသည့်​​နေ့တွင်​ ၂၂၁၀ ဦးပျက်​ကွက်​ခဲ့ပြီး တတိယ​မြောက်​​နေ့ သချာင်္ဘာသာရပ်​​ဖြေဆိုသည့်​ နေ့တွင်​ ၂၂၅၅ ဦးပျက်​ကွက်​ခဲ့သည်။

ဆိုင်းထွယ်ဇင်
Myitkyina News Journal
https://www.facebook.com/myitkyinanewsjournal.mm

မောင်တောမြို့နယ်၌ အကြမ်းဖက်တိုက်ခိုက်မှုတွင် ပါဝင်သူတစ်ဦး ဖမ်းဆီးရမိ

March 10, 2017, 8:20 am

≫ Next: တောင်ကိုရီးယားသမ္မတ ရာထူးက ထုတ်ပယ်ခံရ

≪ Previous: ကချင်ပြည်နယ်တွင် ၁၀တန်းဖြေဆို ပျက်ကွက်သူ နှစ်ထောင်ကျော်ရှိ

$

0

0

မတ် ၁၀၊၂၀၁၇

မောင်တောမြို့နယ်တွင် မတ်လ ၆ရက် ညနေ ၄နာရီ ၄၅ မိနစ်က ဆင်သေပြင် အနောက်ရွာ ဗလီရှေ့ရွာလယ်လမ်း၌ မောင်စိုး (ခ)ရှောင်ရှုးအာလောင်ထံမှ အရိုးအသွား (၉)လက်မခန့်ရှိ ခေါက်ဓား တစ်ချောင်း၊ ဘင်္ဂလားဒေ့ရ်ှနိုင်ငံသုံးဆင်းကဒ်ပါ လက်ကိုင်ဖုန်းတစ်လုံးတို့အား သိမ်းဆည်းရမိသဖြင့် တရားဥပဒေနှင့်အညီ အမှုဖွင့် စစ်ဆေးခဲ့သည်။
-
မောင်စိုး(ခ)ရှောင်ရှားအာလောင်သည် ၂၀၁၆ ခုနှစ် အောက်တိုဘာ ၉ရက်တွင် ကျီးကန်ပြင် အကြမ်းဖက်တိုက်ခိုက်မှုပြုလုပ်ခဲ့သော Aqu Mul Mujahidin အဖွဲ့မှ အဖွဲ့ဝင်တစ်ဦးဖြစ်ကြောင်း စစ်ဆေး ပေါ်ပေါက်သဖြင့် ၄င်းအား တရားဥပဒေနှင့်အညီ အရေးယူနိုင်ရေး အမှုဖွင့်စစ်ဆေးလျက်ရှိကြောင်း သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom

တောင်ကိုရီးယားသမ္မတ ရာထူးက ထုတ်ပယ်ခံရ

March 10, 2017, 8:21 am

≫ Next: ထိုင်းရောက် မြန်မာ အလုပ်သမားတွေ သင်္ကြန် အိမ်ပြန်ဖို့ ခွင့်ရက် ၂ဝ ပေး

≪ Previous: မောင်တောမြို့နယ်၌ အကြမ်းဖက်တိုက်ခိုက်မှုတွင် ပါဝင်သူတစ်ဦး ဖမ်းဆီးရမိ

$

0

0

တောင်ကိုရီးယား အခြေခံဥပဒေခုံရုံး၊ ဆိုးလ်၊ မတ်လ ၁၀၊ ၂၀၁၇

တောင်ကိုရီးယားသမ္မတ Park Geun-hye ကို ရာထူးကနေ ဖယ်ရှားရေးကိစ္စ အခြေခံဥပဒေခုံရုံးက တရားဝင် အတည်ပြုလိုက်ပါပြီ။သမ္မတ Park Geun-hye ကို ရာထူးကနေ ဖယ်ရှားဖို့ တရားရုံးမှာ ဒီကနေ့ တညီတညွတ်ထဲ ဆုံးဖြတ်လိုက်တာပါ။

တရားရုံးအပြင်ဘက်မှာ ဆန္ဒပြပွဲတွေကနေ ဆန္ဒပြသူနှစ်ဦး သေဆုံးပါတယ်။

ယာယီ တရားသူကြီးချုပ် Lee Jung-mi က တရားရုံးဆုံးဖြတ်ချက် ဖတ်ကြားတာကို ရုပ်မြင်သံကြားကနေ တိုက်ရိုက် ထုတ်လွှင့် ပြသပါတယ်။ အခြေခံဥပဒေနဲ့ တရားဥပဒေကို ချိုးဖောက်တဲ့ သမ္မတ Park Geun-hye ရဲ့လုပ်ရပ်တွေဟာ အများပြည်သူရဲ့ ယုံကြည်မှုကို သစ္စာဖောက်တာဖြစ်တယ်လို့ တရားသူကြီးချုပ်က ပြောပါတယ်။

ယာယီ တရားသူကြီးချုပ် Lee Jung-mi

သံသယဖြစ်ဖွယ် အဖွဲ့နှစ်ဖွဲ့အတွက် ကိုရီးယားစီးပွားရေးလုပ်ငန်းကြီး နှစ်ခုဆီကနေ လှူဒါန်းငွေ ဒေါ်လာ ၆၉ သန်းကျော်ရဖို့ သမ္မတက သူ့ရဲ့မိတ်ဆွေ Choi Soon-sil နဲ့ပေါင်းပြီးတော့ မလျော်သြဇာသုံးပြီး လုပ်ခဲ့တယ်ဆိုတဲ့စွဲချက်တွေဟာ အခြေခံဥပဒေကို ဆိုးဆိုးရွားရွား ချိုးဖောက်တာဖြစ်တယ်လို့ တရားရုံးက ဆုံးဖြတ်ပါတယ်။

သမ္မတ Park Geun-hye ကတော့ အဲဒီစွဲချက်တွေ မဟုတ်တဲ့အကြောင်း ထပ်ခါတလဲလဲ ငြင်းထားပါတယ်။ အခြေခံဥပဒေအရ ယာယီသမ္မတ ၀န်ကြီးချုပ် Hwang Kyo-anh က သမ္မတရွေးကောက်ပွဲအသစ်ကို ရက်ပေါင်း ၆၀ အတွင်း ကျင်းပဖို့ စီစဉ်ရမှာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

ထိုင်းရောက် မြန်မာ အလုပ်သမားတွေ သင်္ကြန် အိမ်ပြန်ဖို့ ခွင့်ရက် ၂ဝ ပေး

March 10, 2017, 8:21 am

≫ Next: သင်္ကြန်ပိတ်ရက် လျှော့ချကြောင်း သမ္မတရုံး အတည်ပြု

≪ Previous: တောင်ကိုရီးယားသမ္မတ ရာထူးက ထုတ်ပယ်ခံရ

$

0

0

ထိုင်းနိုင်ငံ မဟာချိုင်မြို့မှာ မြန်မာအလုပ်သမားများကို တွေ့ရစဉ်။ Photo: Kyaw Zaw Win/RFA

ထိုင်းနိုင်ငံရောက် မြန်မာအလုပ်သမားတွေကို သင်္ကြန်ကာလမှာ မြန်မာနိုင်ငံကို ပြန်ဖို့ ထိုင်းအစိုးရက ခွင့်ရက် ၂၀ ခွင့်ပြုပေးလိုက်ပါတယ်။

အလုပ်ရုံတွေက ရက် ၂၀ ပိတ်တာမျိုးမဟုတ်ဘဲ မြန်မာနိုင်ငံကို ပြန်ဖို့အတွက် ထိုင်းအစိုးရဘက်က ခွင့်ပြုတာဖြစ် တယ်လို့ AAC မဟာမိတ်အဖွဲ့က ကိုရဲမင်းက ပြောပါတယ်။

"ရက် ၂၀ အလုပ်က ခွင့်ပေးတာမဟုတ်ပါဘူး။ အလုပ်ရုံတွေက သူ့ပိတ်ရက်တွေရှိပြီးသားပါ။ ၃ ရက် ပိတ်တဲ့ရုံရှိမယ်။ ၅ ရက်ပိတ်တဲ့ရုံရှိမယ်။ တပတ်ပိတ်တဲ့ရုံရှိမယ်။ ဒါကတော့ သူ့အလုပ်ရုံ အလုပ်ရုံနဲ့ ဆိုင်တယ်။ ရက် ၂၀ ဆိုတာက မြန်မာပြည်ကို ပန်းရောင်ဘတ်သမားတွေ အခါတိုင်းလို အထောက် အထားတွေ ထုတ်စရာမလိုဘဲ ပြန်ခွင့်ပေးတာပါ။ ၁၀ ရက်ကနေ လကုန် ၃၀ ရက်အတွင်းကို ပြန်မယ်။ ရက် ၂၀ အတွင်းကို ဆင်းသွားရမယ်။ ရက် ၂၀ အတွင်းကို ပြန်တက်လာရမယ်။ အဲ့ဒါကို ပေးထားတာ ပါ။ အလုပ်ရုံတွေက ရက် ၂၀ ပိတ်မယ်လို့ ဆိုလိုတာမဟုတ်ဘူး။"

အရင်နှစ်တွေက သင်္ကြန်ကာလအတွင်း မြန်မာနိုင်ငံကိုပြန်ရင် အလုပ်ရှင်ရဲ့ ထောက်ခံစာ၊ မိမိနေထိုင်တဲ့ မြို့နယ် အလုပ်သမားရုံးရဲ့ ထောက်ခဲ့စာတွေရပြီးမှသာ ပြန်လို့ရတာဖြစ်ပါတယ်။

ဒီနှစ်မှာတော့ ဧပြီ ၁၀ ရက်ကနေ ၃၀ ရက်အတွင်း အဲ့ဒီထောက်ခံစာတွေမလိုဘဲ မြန်မာနိုင်ငံကို ပြန်နိုင်ဖို့အတွက် ထိုင်းနိုင်ငံဆိုင်ရာ မြန်မာသံရုံး အလုပ်သမားသံအရာရှိက ထိုင်းအလုပ်သမားရုံးကို တင်ပြခဲ့တဲ့အတွက် ခွင့်ပြုချက်ရလိုက်တာဖြစ်ပါတယ်။

လက်ရှိမှာတော့ အဲဒီလိုခွင့်ပြုကြောင်းကို တရားဝင်အမိန့်ကြေညာစာ မထွက်သေးဘူးလို့ပြောပါတယ်။

မြန်မာနိုင်ငံကို ပြန်မယ့် အလုပ်သမားတွေကတော့ နိုင်ငံကူးလက်မှတ် ဒါမှမဟုတ် ပန်းရောင်ကတ်နဲ့ ပူးတွဲပါရှိတဲ့ စာရွက်စာတမ်းတွေကိုတော့ ယူဆောင်သွားရမှာဖြစ်တယ်လို့ ပြောပါတယ်။

RFA Burmese
http://www.rfa.org/burmese

သင်္ကြန်ပိတ်ရက် လျှော့ချကြောင်း သမ္မတရုံး အတည်ပြု

March 10, 2017, 8:22 am

≫ Next: ရွှေမိပလပ်စတစ်စက်ရုံ ဆန္ဒပြအလုပ်သမားတွေ ကို လျော်ကြေးပေး အလုပ်ထုတ်

≪ Previous: ထိုင်းရောက် မြန်မာ အလုပ်သမားတွေ သင်္ကြန် အိမ်ပြန်ဖို့ ခွင့်ရက် ၂ဝ ပေး

$

0

0

၅ ရက် အစား ပြန်ရမှာပါ

သင်္ကြန်အခါကာလ အစိုးရ ရုံးပိတ်ရက်ဟာ ဧပြီလ ၁၃ ရက်နေ့ကနေ ၁၇ ရက်နေ့ အထိ (၅) ရက် ပိတ်မှာ ဖြစ်တယ်လို့ သမ္မတရုံး ပြောခွင့်ရ ပုဂ္ဂိုလ်က ဘီဘီစီကို အတည်ပြု ပြောပါတယ်။

သင်္ကြန်တွင်း ၁၀ ရက် ဆက်တိုက် ပိတ်ရာက ၅ ရက် လျှော့လိုက်တာ ဖြစ်တယ်လို့ သမ္မတရုံး ပြောခွင့်ရ ဦးဇော်ဌေးက ဆိုပါတယ်။

ဝန်ထမ်းတွေ အတွက် လျော့သွားတဲ့ အားလက်ရက် ၅ ရက်အတွက် အစားပြန်ပိတ် ပေးဖို့လည်း အစိုးရက စီစဉ် ထားပါတယ်။

သီတင်းကျွတ်နဲ့ တန်ဆောင်တိုင်တွေမှာ ဆိုရင် လပြည့်နေ့ ဥပုသ်နေ့ တွေမှာသာ ရုံးပိတ်ခဲ့ရာက အခုဆို အဖိတ်နေ့တွေ မှာပါ ပိတ်ပေးမှာ ဖြစ်သလို အင်္ဂလိပ် နှစ်သစ်ကူးကာလမှာလည်း ဒီဇင်ဘာ ၃ဝကစလို့ နှစ်ဆန်း၁ ရက် အထိ ၃ ရက်ဆက်တိုက် ပိတ်ပေးမှာ ဖြစ်လို့ ၅ ရက် အစား ပြန်ရမှာပါ။

သင်္ကြန်တွင်း ၁၀ရက်အထိ ရက်ရှည် ပိတ်တဲ့အခါ ကုန်ဈေးနှုန်းနဲ့ သယ်ယူပို့ဆောင်ရေး အခတွေ ဈေးတက်တာက အစ၊ ဘဏ်အလုပ်မလုပ်လို့ နိုင်ငံရပ်ခြားနဲ့ စီးပွားရေး အဆက်အဆံ အခက်အခဲ ဖြစ်ရတယ် ဆိုပြီး ဝေဖန် သုံးသပ်မှုတွေ ရှိနေပါတယ်။

BBC Burmese
http://www.bbc.com/burmese

ရွှေမိပလပ်စတစ်စက်ရုံ ဆန္ဒပြအလုပ်သမားတွေ ကို လျော်ကြေးပေး အလုပ်ထုတ်

March 10, 2017, 8:22 am

≫ Next: ရာဇဂြိုလ်​ဆည်​​ရေထွက်​​ပေါက်​ ပြန်​ပွင့်ပြီ

≪ Previous: သင်္ကြန်ပိတ်ရက် လျှော့ချကြောင်း သမ္မတရုံး အတည်ပြု

$

0

0

ရွှေမိ ပလပ်စတစ်စက်ရုံ အလုပ်သမားတွေ ဓါတုဗေဒပစ္စည်းတွေကို ကိုင်တွယ်အသုံးပြုရတယ်ဆိုပြီး တောင်းဆိုဆန္ဒပြနေ ကြတာကို ၂ဝ၁၆ ခုနှစ် အောက်တိုဘာလအတွင်းက တွေ့ရစဉ်။ ဓါတ်ပုံ - ကိုမျိုးဇော်

ရန်ကုန်တိုင်းဒေသကြီး လှိုင်သာယာစက်မှုဇုန် ၁ က ရွှေမိပလပ်စတစ်စက်ရုံရှေ့မှာ ၃ လကျော်ကြာ ထိုင်သပိတ် ပြုလုပ်ခဲ့တဲ့ အလုပ်သမား ၁၅၂ ဦးကို နစ်နာကြေး ငွေကျပ်သိန်းပေါင်း ၁၃၀၀ ကျော်ပေးပြီး အလုပ်ကနေ ထုတ်ပယ်လိုက်တယ်လို့ အလုပ်သမားတွေက ပြောပါတယ်။

ဥပဒေနဲ့ အညီ လုပ်သက်အလိုက် နစ်နာကြေးတွေနဲ့ နို့တစ်ကြေးတစ်လစာစီ ပေးတာဖြစ်ပြီး မိမိအနေ နဲ့ နို့တစ်ကြေးအပါအ၀င် ၆ လစာ ရခဲ့တယ်လို့ လုပ်သက် ၇ နှစ်ကျော်ရှိတဲ့ အလုပ်သမား ကိုမျိုးဇော် က ပြောပါတယ်။

"မနေ့က အပြီးသတ် တစ်ခါတည်းလျော်ကြေး ရှင်းပေးလိုက်တယ် ခင်ဗျ၊ ၆ လ မပြည့်သေးရင် လ၀က်စာ၊ ၂ နှစ်ပြည့်ပြီး ၃ နှစ်အပြည့်သေးရင် တစ်လခွဲစာ၊ ၃ နှစ်ပြည့်ပြီးတော့ ၄ နှစ်မပြည့်လို့ရှိရင် ၃ လစာ ဆိုတဲ့ဟာမျိုးတွေပေါ့နော်၊ သူက နှစ်အလိုက်သွားတယ်၊ နောက်ပြီးတော့ ကျနော်တို့ကို နို့တစ် တစ်လစာနဲ့ပေးတယ်၊ ကျနော်ကတော့ ၇ နှစ်နဲ့ ၇ လ ရှိတဲ့အတွက်ကြောင့်မို့လို့ ၅ လစာပေါ့၊ နို့တစ် တစ်လနဲ့ဆို ၆ လစာပေါ့နော်၊ အကုန်လုံး သိန်း ၁၃၀၀ ကျော်ကျော်လောက် သူလျော်ရတယ် လို့တော့ ပြောပါတယ်။"

မြို့နယ်အလုပ်သမား ညှိနှိုင်းဖြန်ဖြေရေးရုံးမှာ အစိုးရ၊ အလုပ်ရှင်နဲ့ အလုပ်သမားတွေ ၃ ကြိမ်တိုင်တိုင် ညှိနှိုင်းခဲ့ကြပြီး အခုလို နစ်နာကြေးမယူရင်လည်း အလုပ်ပြန်ခန့်မယ့် အနေအထားလည်း မရှိတာကြောင့် သဘောတူလိုက်ရတာ ဖြစ်တယ်လို့ အလုပ်သမားတွေက ပြောပါတယ်။

စက်ရုံအလုပ်သမားတွေက ဓါတုပစ္စည်းတွေ အသုံးပြုပြီး အလုပ်လုပ်ကိုင်ရတဲ့အတွက်အကြောင်း အမျိုးမျိုးကြောင့် အလုပ်ထွက်သွားသူတွေကို လုပ်သက် တစ်နှစ်ရှိရင် အခြေခံလစာတစ်လစာ ကျန်းမာရေးစရိတ်ပေးဖို့နဲ့ လုပ်သက်အလိုက် လစာတွေ သက်မှတ်ပေးဖို့ ၂၀၁၆ နိုဝင်ဘာလ ၂၈ ရက်နေ့ကစတင်ပြီး ၃ လ ကျော်ကြာ စက်ရုံရှေ့မှာ ဆန္ဒပြခဲ့ကြတာ ဖြစ်ပါတယ်။

ဆန္ဒပြအလုပ်သမားတွေက ဓါတုဗေဒပစ္စည်းတွေကို ကိုင်တွယ်အသုံးပြုရတယ်ဆိုပြီး ကျန်းမာရေးစရိတ် တောင်း ခံတဲ့ တိုင်ကြားစာနဲ့ ပတ်သက်ပြီး သဘာဝပတ်ဝန်းကျင်သက်ရောက်မှု လေ့လာစမ်းစစ်ချက်(EIA/SIA ) စစ်ဆေးဖို့ အတွက် ရန်ကုန်တိုင်းဒေသကြီး အစိုးရအဖွဲ့က ညွှန်ကြားချက်နဲ့ စက်ရုံယာယီပိတ်သိမ်းထားပါတယ်။

အလုပ်ထုတ်ခံရတဲ့ အလုပ်သမားတွေမှာ လုပ်သက် ၁၉ နှစ်ကနေ အနည်းဆုံး လုပ်သက် ၁ လအထိ ရှိတဲ့ အလုပ်သမားတွေပါဝင်ပြီး လက်ရှိအဲဒီစက်ရုံမှာ အလုပ်သမား စုစုပေါင်း ၁၇၀ ကျော် ကျန်ရှိနေတယ်လို့လည်း အလုပ်သမားတွေက ပြောပါတယ်။

RFA Burmese
http://www.rfa.org/burmese

ရာဇဂြိုလ်​ဆည်​​ရေထွက်​​ပေါက်​ ပြန်​ပွင့်ပြီ

March 10, 2017, 8:23 am

≫ Next: မြန်မာနိုင်ငံနဲ့ နိုင်ငံ ၇ ခု သံတမန်အဆက်အသွယ် ထပ်တိုးထူထောင်မည်

≪ Previous: ရွှေမိပလပ်စတစ်စက်ရုံ ဆန္ဒပြအလုပ်သမားတွေ ကို လျော်ကြေးပေး အလုပ်ထုတ်

$

0

0

က​လေး၊မတ်​ ၁၀။

စစ်​ကိုင်းတိုင်း​ဒေသကြီး၊ က​လေးမြို့နယ်​၊ ရာဇဂြိုလ်​​ကျေးရွာအနီးတွင်​ တည်​​ဆောက်​ထားသည့်​ ရာဇဂြိုလ်​ဆည်​​ရေ​လှောင်​တမံ၏ လယ်​​မြေများကို​ ရေ​ပေး​ဝေရန်နှင့်​လျှပ်​စစ်​ဓာတ်​အားထုတ်​လုပ်​ရန်​ ​ရေထွက်​​ပေါက်​ပွင့်​သွားပြီဖြစ်​​ကြောင်း သတင်းရရှိသည်​။

အဆိုပါရေထွက်ပေါက်သည် ၂၀၁၅ခုနှစ်တွင် ကလေးမြို့ ၏ သမိုင်းဝင်ရေဘေးပြီးနောက် ပိတ်ဆို့ခဲ့ခြင်း ဖြစ်သည်။

"​အကုန်​​တော့မ​ပြောင်​​သေးဘူး​ပေါ့ ​ရေထွက်​​ပေါက်​၊ရေထွက်​ပြွန်​က​ပေါ့အတိုင်းအတာတစ်​ခု တစ်​ဝက်​​လောက်​ပွင့်​သွားပြီ​ လျှပ်​စစ်​ထုတ်​ဖို့ ပိုက်​လိုင်းကို သွား​တဲ့ဟာပါ။ အဲဒီက​နေလျှပ်​စစ်​ရုံထဲကို တန်းသွားပြီး​တော့ လယ်​​မြေ​တွေအတွက်​​ မြောင်းထဲသွားမှာပါ။ ၂၅၀ကြူဆက်​​​ကျော်​ ရေထွက်​​နေပြီဆို​တော့ စိုက်​ပျိုး​ရေအတွက်​​တော့ လုံ​လောက်​ပြီ။ လျှပ်​စစ်​ဓာတ်​အားထုတ်​ဖို့က​တော့ ၄၀၀ကြူဆက်​​​ကျော်​ရေထွက်​မှ​စက်​နှစ်​လုံးလုံး လည်​ပတ်​လို့ရမှာပါ။ အခုဟာက ​ရေအားလျှပ်​စစ်​ စက်​တစ်​လုံးစာပဲ အဆင်​​ပြေ​သေးတယ်​"ဟု ရာဇဂြိုလ်​ဆည်​မှတာဝန် ရှိသူ ကိုထွန်းထွန်းက​ပြောကြားသည်​။

နုန်းစုပ်​စက်​ ၆လုံး၊​လေမှုတ်​စက်​၂လုံး ဖြင့်​ သဘာဝ​ဘေးပြီး​နောက်​ ​ရေငုပ်​သမားများဖြင့်​ဆယ်​ခြင်း၊​​လေမှုတ်​စက်​များ၊နုန်းစုပ်​စက်​များ​ဖြင့်​ရေတံခါးဖွင့်​နိုင်​​အောင်​ကြိုးစားခဲ့ကြ​ကြောင်း သိရသည်​။

ရာဇဂြိုလ်​ဆည် ရေတံခါးရှေ့မှာပိတ်နေတဲ့အမှိုက်တွေ၊နုန်းတွေ ဆယ်​ယူမှုတစ်​​လျောက်​တွင်​ ဆယ်လိုက်ပိတ်လိုက်ဖြင့် မတ်​လ ၉ရက်​ ည​နေပိုင်းမှ ၅၀%​​ကျော်​ခန့် ရေထွက်​​ပေါက်​ပွင့်​လာခြင်းဖြစ်​​ကြောင်း သိရသည်​။

ရာဇဂြိုလ်​ဆည်​​ရေအားလျှပ်​စစ်​ဓာတ်​အားစက်​ရုံမှ လျှပ်​စစ်​အားထုတ်​လုပ်​ရန်​ ​ရေ ၄၀၀ကြူစက်​ ထိလိုအပ်​ပြီး၊ယခု​ရေထွက်​​ပေါက်​ပွင့်​လာပြီး​နောက်​ လျှပ်​စစ်​ဓာတ်​အားထုတ်​ရန်​ ပညာရှင်​များ​လာ​ရောက်​၍ စမ်းသပ်​​နေပြီဖြစ်​​ကြောင်း သိရသည်​။

စည်​သူထွန်း
Central News Myanmar
https://www.facebook.com/CNMyanmar/

---

မြန်မာနိုင်ငံနဲ့ နိုင်ငံ ၇ ခု သံတမန်အဆက်အသွယ် ထပ်တိုးထူထောင်မည်

March 10, 2017, 8:23 am

≫ Next: ရခိုင်အခြေအနေ နိုင်ငံတကာစုံစမ်းမှုလုပ်ဖွယ်မရှိသေး

≪ Previous: ရာဇဂြိုလ်​ဆည်​​ရေထွက်​​ပေါက်​ ပြန်​ပွင့်ပြီ

$

0

0

( ဓါတ်ပုံ - မြန်မာနိုင်ငံ အလံကို တွေ့ရစဉ် )

မြန်မာနိုင်ငံ နဲ့ နိုင်ငံ ၇ နိုင်ငံအကြား သံတမန်အဆက်အသွယ် ထူထောင်ဖို့ ပြည်ထောင်စုလွှတ်တော်မှာ ဒီကနေ့ အတည်ပြုလိုက်ပါတယ်။

နိုင်ငံတော်သမ္မတက မြန်မာနိုင်ငံနဲ့ နိုင်ငံ ၇ နိုင်ငံအကြား သံတမန်အဆက်အသွယ် ထူထောင်ဖို့ ပြည်ထောင်စုလွှတ်တော်ထံ ပြီးခဲ့တဲ့ ဖေဖော်ဝါရီလ ၂၄ ရက်နေ့က သ၀ဏ်လွှာပေးပို့ထားတာဖြစ်ပြီး ဒီနေ့မှာ လွှတ်တော်ကိုယ်စားလှယ် ၁၁ ဦးက ထောက်ခံဆွေးနွေးပြီး အတည်ပြုလိုက်တာပါ။

မြန်မာနိုင်ငံနဲ့ သံတမန်ဆက်သွယ်မယ့်နိုင်ငံတွေ လိုက်ဘေးရီယား၊ ဂီနီ၊ ဗာတီကန်၊ အီကွေဒေါ၊ မော်လ်တာ စတဲ့ နိုင်ငံတွေဖြစ်ပြီး လက်ရှိအချိန်အထိ မြန်မာနိုင်ငံနဲ့ သံတမန်ဆက်သွယ်မှုမှာ နိုင်ငံပေါင်း ၁၁၄ နိုင်ငံအထိရှိတယ်လို့ သိရပါတယ်။

ဒါ့အပြင် သံတမန်ဆက်သွယ်တဲ့အခါမှာ တိုင်းပြည်ရဲ့ဘဏ္ဍာငွေအခြေအနေအရ နိုင်ငံအားလုံးမှာ သံရုံးတွေဖွင့်လှစ်သွားမှာ မဟုတ်ဘဲ နီးစပ်ရာ အဆင်ပြေတဲ့နိုင်ငံတွေမှာ သံအမတ်ကြီးတွေ ထားသွားမှာဖြစ်တယ်လို့ သိရပါတယ်။

RFA Burmese
https://www.facebook.com/rfaburmese/

ရခိုင်အခြေအနေ နိုင်ငံတကာစုံစမ်းမှုလုပ်ဖွယ်မရှိသေး

March 10, 2017, 8:25 am

≫ Next: လောက်ကိုင်မှာ တိုက်ပွဲဆက်ဖြစ်

≪ Previous: မြန်မာနိုင်ငံနဲ့ နိုင်ငံ ၇ ခု သံတမန်အဆက်အသွယ် ထပ်တိုးထူထောင်မည်

$

0

0

မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။

ရိုဟင်ဂျာ လူနည်းစုတွေအပေါ် ရက်ရက်စက်စက်ပြုမူနေတယ်ဆိုတဲ့ ကိစ္စနဲ့ ပတ်သက်ပြီး နိုင်ငံတကာ စုံစမ်းမှုသစ် တရပ်ပြုလုပ်မယ့်ကိစ္စကို ဥရောပသမဂ္ဂက လက်မခံတဲ့သဘောပြသလိုက်ပါတယ်။ ဒီပြသနာအပေါ် နည်းလမ်းသစ်နဲ့ ချည်းကပ်မယ့် အစား လက်ရှိပုံစံအတိုင်း မြန်မာအစိုးရနဲ့ ဆွေးနွေးညှိနှိုင်း ဆောင်ရွက်သွားမယ်လို့ ဆိုပါတယ်။ အသေးစိတ်ကို မအင်ကြင်းနိုင်က တင်ပြမှာပါ။

မြန်မာနိုင်ငံမှာ စစ်တပ်နဲ့ ရဲတပ်ဖွဲ့ဝင်တွေဟာ ရခိုင်ပြည်နယ်မြောက်ပိုင်းက ရိုဟင်ဂျာတွေကို အစုလိုက် အပြုံလိုက် သတ်ဖြတ် မုဒိမ်းကျင့် ၊ ရွာလုံးကျွတ် မီးရှို့တာတွေပြုလုပ်ခဲ့ပြီး ဒီလုပ်ရပ်တွေဟာ လူသားမျိုးနွယ်အပေါ် ပြစ်မှုကျူးလွန်ရာလူမျိုးတုံးသတ်ဖြတ်ရာ ရောက်နိုင်တယ်လို့ မကြာသေးခင်က ထုတ်ပြန်ခဲ့တဲ့ ကုလသမဂ္ဂရဲ့ အစီရင်ခံစာမှာ ထုတ်ပြန်ထားပါတယ်။

ဒါကြောင့် ဆီရီးယားနဲ့ မြောက်ကိုးရီးယားတို့ရဲ့ လူ့အခွင့်အရေးချိုးဖောက်မှုတွေနဲ့ ပတ်သက်လို့ ပြုလုပ်ခဲ့သလို၊ မြန်မာနိုင်ငံရဲ့ ဒီကိစ္စကိုလည်း အပြည့်အ၀ စုံစမ်းစစ်ဆေးဖို့ နိုင်ငံတကာ စုံစမ်းရေးကော်မရှင်တရပ် ဖွဲ့စည်းသင့်တယ်လို့ ကုလသမဂ္ဂ လူ့အခွင့်အရေးအကြီးအကဲ Zeid al-Hussein ကပြောကြားခဲ့တာပါ။

“ဒါကြောင့် ရိုဟင်ဂျာတွေ အပေါ် အကြမ်းဖက်မှုတွေ အထူးသဖြင့်၂၀၁၆ ခုနှစ် အောက်တိုဘာလ ၉ ရက်နေ့ နောက်ပိုင်း လုံခြုံရေး ဆောင်ရွက်ချက်တွေကို အနည်းဆုံးတော့ စုံစမ်းရေး ကော်မရှင် တရပ် ဖွဲ့စည်းဖို့ လူ့အခွင့်အရေး ကောင်စီကို ကျနော် တောင်းဆိုပါတယ်။ နောက် နိုင်ငံတွင်းမှာ လူ့အခွင့်အရေးဆိုင်ရာ ကုလသမဂ္ဂရုံး ဖွင့်လှစ်ခွင့်ရဖို့ကိုလည်း ထပ်ပြီး တောင်းဆိုပါတယ်။”

ဥရောပသမဂ္ဂကတော့ ကုလသမဂ္ဂရဲ့ ဒီအဆိုပြုချက်အပေါ် စိတ်ဝင်စားမှုမရှိပဲ လက်ရှိပြုလုပ်နေတဲ့ စုံစမ်းစစ်ဆေးမှုတွေကိုပဲ မြန်မာအစိုးရနဲ့ ညှိုနှိုင်းပြီး ဆက်လက်ဆောင်ရွက်သွားမယ်လို့ ဥရောပသမဂ္ဂရဲ့ ပြောခွင့်ရအမျိုးသမီး Maja Kocijancic က ဗွီအိုအေမြန်မာပိုင်းကို အခုလိုပြောကြားခဲ့ပါတယ်။

“မြန်မာနိုင်ငံ လူ့အခွင့်အရေးအခြေအနေနဲ့ ပတ်သက်လို့ မတ်လ အလယ်မှာ ဆွေးနွေးပြီး လက်ရှိကျင်းပဆဲ လူ့အခွင့်အရေးကောင်စီမှာ မတ်လ အကုန်ပိုင်းလောက်မှာ အတည်ပြုမယ့် ဆုံးဖြတ်ချက်မူကြမ်းကို ဥရောပသမဂ္ဂက ဆက်လက်ဦးဆောင် ညှိုနှိုင်းသွားမှာဖြစ်ပါတယ်။ ကျမတို့ရဲ့ အဓိက ရည်မှန်းချက်ကတော့ ရခိုင်ပြည်နယ် မြောက်ပိုင်းမှာ ဆိုးဆိုးရွားရွား လူ့အခွင့်အရေး ချိူးဖောက်မှုတွေ ရှိနေတယ်ဆိုတဲ့ အစီရင်ခံစာနဲ့ပတ်သက်ပြီး ခိုင်လုံစိတ်ချရသော ဘက်မလိုက်တဲ့ စုံစမ်းစစ်ဆေးမှုတွေအပေါ် သဘောတူညီမှုရရှိနိုင်ဖို့ဖြစ်ပါတယ်။ ဥရောပသမဂ္ဂဟာ မြန်မာအစိုးရနဲ့တကွ သက်ဆိုင်ရာ ဘက်ပေါင်းစုံနဲ့ ဆွေးနွေးညှိနှိုင်းနေပါတယ်။ ဘယ်လိုရလာဒ်ပေါ်ထွက်မယ်ဆိုတာ ဒီအဆင့်မှာ ကျမ မပြောနိုင်သေးပါဘူး။”

မြန်မာ အစိုးရဘက်ကတော့ ရခိုင်မြောက်ပိုင်းအခြေအနေနဲ့ပတ်သက်ပြီး တဘက်သက်ပြောဆိုမှုတွေရှိမရှိဆိုတာကို ထိထိရောက်ရောက် ဆန်းစစ်ကြည့်ဖို့ လိုတယ်၊ ကုလသမဂ္ဂအပါအ၀င် နိုင်ငံတကာ အသိုင်းအ၀ိုင်းအနေနဲ့လည်း ဘက်လိုက်မှုမရှိပဲ သမာသမတ်ကျကျ ရှုမြင်ဖို့လိုတယ်လို့ ဆိုပါတယ်။ အခု ကုလသမဂ္ဂအစီရင်ခံစာမှာ ဖေါ်ပြထားတဲ့ ကျူးလွန်မှုတွေကိုလည်း မှတ်သားထားပြီး မှန်ကန်ကြောင်းတွေ့ရှိရရင် ထိထိရောက်ရောက်အရေးယူသွားမယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်က ဦးထင်လင်းက မနေ့က လူ့အခွင့်အရေးကောင်စီညီလာခံမှာ အခုလို ပြောကြားခဲ့ပါတယ်။

“အခြေအမြစ်ရှိရှိစွပ်စွဲမှုတွေ ရည်ရွယ်ချက်ရှိရှိတဖက်သတ်ပြောဆိုမှုတွေကို နိုင်ငံတကာအသိုင်းအ၀ိုင်းအနေနဲ့ အထူးသတိထားဖို့လိုပါတယ်။ ကျနော်တို့ရဲ့လုံခြုံရေးတပ်ဖွဲ့ဝင်တွေနဲ့ တပ်စခန်းတွေကို ရန်စတိုက်ခိုက်ခဲ့တဲ့ ကိစ္စ ဒီအစီအရင်ခံစာထဲမှာ လုံးဝဖော်ပြထားခြင်းမရှိပါဘူး။ ကုလသမဂ္ဂနဲ့ သူ့ရဲ့လက်အောက်ခံအဖွဲ့အစည်းတွေရဲ့ လုပ်ရပ်ဟာ ဘက်လိုက်မှုမရှိပဲ သမာသမတ်ကြဖို့ မျှော်လင့်ပါတယ်။ တချိန်တည်းမှာပဲ အခုလိုပြောဆိုနေလို့ ပြစ်ဒဏ်က ကင်းလွှတ်ဖို့ ပေးနေတယ်ဆိုတဲ့သဘောမဟုတ်ပါဘူး။ ခိုင်မာတဲ့အထောက်အထားတွေတွေ့ရရင် ပြစ်မှုကျူးလွန်သူကို ထိထိရောက်ရောက် အရေးယူသွားမှာဖြစ်ပါတယ်။ ဒီအစီရင်ခံစာကို အတည်မပြုပေမယ့် ဒီအထဲက စွပ်စွဲမှုတွေဟာ အရေးပါတယ်ဆိုတာကိုတော့ မှတ်သားထားပါတယ်။”

ဇန်န၀ါရီနဲ့ ဖေဖေါ်ဝါရီလတွေမှာ မြန်မာနဲ့ ဘင်္ဂလားဒေ့ရ်ှနယ်စပ်တွေကို သွားရောက်ပြီး လူ့အခွင့်အရေးအခြေအနေတွေကို လေ့လာခဲ့တဲ့ မြန်မာနိုင်ငံဆိုင်ရာ ကုလသမဂ္ဂ လူအခွင့်အရေး စုံစမ်းစစ်ဆေးရေးမှူး Yanghee Lee ကလည်း မတ်လ(၁၃)ရက်နေ့မှာ သူတွေ့ရှိချက်တွေနဲ့ပတ်သက်လို့ လူ့အခွင့်အရေးကောင်စီညီလာခံမှာ အစီရင်ခံစာတင်သွင်းမှာဖြစ်ပါတယ်။
VOA Burmese News

လောက်ကိုင်မှာ တိုက်ပွဲဆက်ဖြစ်

March 10, 2017, 8:26 am

≫ Next: သင်္ကြန်ရုံးပိတ်ရက် ထက်ဝက်လျှော့

≪ Previous: ရခိုင်အခြေအနေ နိုင်ငံတကာစုံစမ်းမှုလုပ်ဖွယ်မရှိသေး

$

0

0

စစ်ဘေးကြောင့် ထွက်ပြေးလာကြတဲ့ လောက်ကိုင်မြို့က စစ်ပြေးဒုက္ခသည်များ။ ( မတ်လ-၂၀၁၇) သတင်းဓာတ်ပုံ - MOI။

ကိုးကန့်ကိုယ်ပိုင်အုပ်ချုပ်ခွင့်ရဒေသအတွင်း တိုက်ပွဲတွေဟာ ဒီကနေ့ထိ ဆက်လက်ဖြစ်ပွားနေပြီး တိုက်ပွဲအတွင်း လက်နက်ကြီးကျည်တွေဟာ တရုတ်နိုင်ငံဘက် ကျရောက်တာကြောင့် ထိခိုက်မှုတွေရှိနေတယ်လို့လည်း တရုတ်နိုင်ငံဘက် တိမ်းရှောင်နေသူတွေက ပြောပါတယ်။ လောက်ကိုင်မြို့အတွင်းက လူတွေဟာ တရုတ်နိုင်ငံနဲ့ လားရှိုးမြို့ဘက်တွေကို ဆက်လက်တိမ်းရှောင်နေသလို ကူညီ ကယ်ဆယ်ရေး အဖွဲ့တွေလည်း လောက်ကိုင်မြို့ကို သွားရောက်နေပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက်ကိုမိုးဇော်က တင်ပြထားပါတယ်။

ဒီလ ၆ရက်နေ့က စတင်ခဲ့တဲ့ ကိုးကန့်ဒေသ စစ်ပွဲဟာ ဒီကနေ့ထိ ငြိမ်သက်မသွားသေးဘဲ ပစ်ခတ်တာတွေဟာ ဆက်လက် ဖြစ်ပွားနေဆဲဖြစ်ပါတယ်။ ကိုးကန့်ဒေသက တရုတ်မြန်မာ နယ်ခြားမှတ်တိုင်အမှတ် ၁၂၃၊ ၁၂၅ နေရာတွေမှာ တိုက်ပွဲတွေ ဆက်လက်ဖြစ်ပွားနေတယ် လို့ တရုတ်နိုင်ငံဘက်ကို တိမ်းရှောင်နေသူတဦးက အခုလို ပြောပါတယ်။

" တိုက်တုန်းပါပဲ။ တိုက်တုန်းပဲ။ ဒီအမြောက်ကြီးကတော့ အမြဲတမ်းကျတုန်းပါပဲ တရုတ်ပြည်ထဲမှာ ကျတာ။ မှတ်တိုင် ၁၂၃၊ ၁၂၅ ပေါ့နော်။ ပစ်ခတ်တုန်းပဲ တိုက်ခိုက်တုန်းပဲ။"

တရုတ်နိုင်ငံအတွင်းကို လောက်ကိုင်မြို့က စစ်ရှောင်ဒုက္ခသည်တွေ ဆက်လက် လာရောက်နေဆဲဖြစ်တယ်လို့ လည်း ပြောပါတယ်။

" လာတုန်းပဲ လာတုန်းပဲ လောက်ကိုင်က ဘယ်သူမှ မကျန်တော့ဘူး ၁၀%ပဲ ကျန်တော့တယ်။ သူ့နည်းသူဟန်နဲ့ ပြေးကြတာပေါ့။ တရုတ်ပြည်ဘက် ကို ရောက်ကုန်ပြီပေါ့။ ရာနဲ့ချီနေပြီ တရုတ်ဘက်က ကောင်းမွန်စွာ နေရာချထားပါတယ်။"

လောက်ကိုင်မြို့နဲ့ အနီးအနားကျေးရွာတွေမှာ ပိတ်မိနေသူတွေကို သွားရောက်ခေါ်ဆောင်နေတဲ့ လားရှိုးမြို့လူမှုရေးအဖွဲ့က ဦးမောင်မောင်သန်းက လောက်ကိုင်မြို့ရဲ့ လက်ရှိအခြေအနေကို အခုလို ပြောပါတယ်။

" လောက်ကိုင်မှာ မြို့ထဲမှာကတော့ အေးဆေးငြိမ်သက်နေတယ်။ မြို့ထဲမှာ။ ဒါပေမဲ့ ပတ်ဝန်းကျင်မှာကတော့ မငြိမ်ဘူး။ အခုက အသံတွေ ကြားနေရတယ်။ ဆယ်ငါးမိနစ် နာရီဝက်လောက်သွားတဲ့ ပတ်ဝန်းကျင်ကနေရာလောက်ပဲ သိပ်မဝေးဘူး။ အသံတွေကို အတိုင်းသားကြားနေရတယ်။"

လောက်ကိုင်မြို့မှာတော့ ဈေးဆိုင်အချို့သာ ဖွင့်လှစ်ထားသလို လူအသွားအလာလည်း မရှိသလောက်ဖြစ်နေကြောင်းလည်း ပြောပါတယ်။ လောက်ကိုင်မြို့ကနေ ဒီကနေ့ ခေါ်ယူလာသူ စစ်ရှောင်ဒုက္ခသည်အားလုံး ၃၀၀ကျော်လောက်ရှိမယ်လို့လည်း ဦးမောင်မောင်သန်းက ဆက်ပြောပါတယ်။

" လောက်ကိုင်နားမှာ ရှိတဲ့ စစ်ပြေးရှောင်တွေ၊ ရှောင်ပေမဲ့ မလာနိုင်တဲ့သူတွေ၊ အဲ့လူတွေကို ဝေဠုကျော်ရဲ့ ဖောင်ဒေးရှင်းက ဒီမှာ ရှိတယ်လေ လောက်ကိုင်မှာ အဲ့အဖွဲ့နဲ့ ဝေဠုကျော်ရဲ့ ကြက်ခြေနီအဖွဲ့နဲ့ သူတို့က သွားကယ်ထုတ်တာ ကယ်ထုတ်ပြီး သူတို့မဖြတ်သန်းရဲဘူးဗျာ။ မဖြတ်သန်းရဲတော့ စစ်တပ်ရဲ့ အကူအညီတွေ ယူပြီး အဲ့လို ကယ်ထုတ်ပြီး လောက်ကိုင်ဆေးရုံကြီးမှာ စုထားတယ်။ စုပြီး အခုကျနော်တို့က ကြိုလာပြီ။ ကျနော်တို့ ပရဟိတ အသင်းကားလေးစီး၊ ကားသေးလေးစီး ကားကြီးနှစ်စီးရယ် အခု ကျနော်တို့က ခေါ်လာတယ်။ အားလုံးပေါင်း ၅၀ကျော်ကျော်ပေါ့ ကိုယ့်ဘာသာကိုယ် လာတာက ကျနော်တို့မှာ စာရင်းမရှိဘူး ဒီဝေဠုကျော်ကနေ ဖြတ်တာ ၂၀၀ဝန်းကျင်လောက်ရှိတယ်။ "

မင်းသားဝေဠုကျော်ဟာ ကြက်ခြေနီအသင်းကို ကိုယ်စားပြုသွားရောက် ကယ်တင်နေ တာဖြစ်ပြီး လောက်ကိုင်မြို့က သူ့ရဲ့ ပရဟိတအသင်းဝင်တွေနဲ့ ပူးပေါင်းဆောင်ရွက်နေ တာဖြစ်ကြောင်းနဲ့ အခြား ပရဟိတ အသင်းအဖွဲ့တွေကို လောက်ကိုင်မြို့ကို သွားရောက်ခွင့် မပေးသေးကြောင်းလည်း ပြောပါတယ်။

ပြီးခဲ့တဲ့ ကြာသပတေးနေ့ကတော့ တရုတ်နိုင်ငံခြားရေးဝန်ကြီးဌာနက တရုတ်နိုင်ငံတွင်းကို တိမ်းရှောင်လာသူ စစ်ရှောင်ဒုက္ခသည် ၂သောင်းလောက်ရှိကြောင်း သတင်းထုတ်ပြန် ခဲ့သလို လောက်ကိုင်မြို့ကနေ လားရှိုးမြို့ မန်ဆူဘုန်းတော်ကြီးကျောင်းကနေ တဆင့် နေရပ်ပြန်တဲ့သူ စုစုပေါင်း ၂ထောင်ကျော်လောက်ရှိနေပြီ ဖြစ်ပါတယ်။

လောက်ကိုင်တိုက်ပွဲတွေ ဆက်လက်ဖြစ်ပွားနေတာနဲ့ပတ်သက်ပြီး ကိုးကန့်တပ်ဖွဲ့ကို ဆက်သွယ်ရာမှာ ဆက်သွယ်လို့ မရခဲ့သလို တပ်မတော်ဘက်ကလည်း နောက်ဆုံး အခြေအနေနဲ့ပတ်သက်ပြီး သတင်းထုတ်ပြန်တာ မရှိသေးပါဘူး။
VOA Burmese News

သင်္ကြန်ရုံးပိတ်ရက် ထက်ဝက်လျှော့

March 10, 2017, 8:27 am

≫ Next: ပစ္စည်းပို့သမားဘ၀မှ တရုတ်တွင် တတိယမြောက်အချမ်းသာဆုံးဖြစ်လာသူ

≪ Previous: လောက်ကိုင်မှာ တိုက်ပွဲဆက်ဖြစ်

$

0

0

မဟာအတာသင်္ကြန် ရန်ကုန်မြို့မြင်ကွင်း။

မြန်မာ့ရိုးရာ သင်္ကြန်ကာလမှာ ရုံးပိတ်ရက် ရက်ရှည်သတ်မှတ်ထားတာကို လျှော့ချလိုက်တဲ့ အစိုးရရဲ့ ကြေညာချက်အပေါ် ဝေဖန်မှုတွေ ထွက်ပေါ်လာပါတယ်။ မြန်မာအစိုးရကတော့ ရုံးလုပ်ငန်းတွေ မထိခိုက်စေဖို့ ရည်ရွယ်ပြီး မူလက ၁၀ ရက် သတ်မှတ်ထားတာကနေ ၅ ရက် လျှော့ချခဲ့ရတာလို့ ပြောဆိုခဲ့တာပါ။ ဒီကနေ့ ထုတ်ပြန်လိုက်တဲ့ အစိုးရရဲ့ ကြေညာချက် အပေါ် အင်တာနက် လူမှုကွန်ယက်တွေပေါ်မှာပါ ကျယ်ကျယ်လောင်လောင် ပြောဆိုနေကြ တဲ့ အကြောင်းကိုတော့ နန်းလောဝ် ကပြောပြပေးမှာဖြစ်ပါတယ်။

မြန်မာနိုင်ငံမှာ နှစ်သစ်ကူးရုံးပိတ်ရက်ကို အရင်က ၁၀ ရက် သတ်မှတ်ထားပေမဲ့ အခုအခါမှာတော့ ဧပြီလ ၁၃ ရက်နေ့ကနေ ၁၇ ရက်နေ့အထိ၊ ၅ ရက်သာ ပြောင်းလဲ သတ်မှတ်ကြောင်း အစိုးရက အမိန့်ကြော်ငြာစာ ထုတ်ပြန်လိုက်တာ ဖြစ်ပါတယ်။

ပြည်ထောင်စုအစိုးရအဖွဲ့ရဲ့ အများပြည်သူပိတ်ရက် အမိန့်ကြော်ငြာစာ။ (မတ် ၁၀၊ ၂၀၁၇)

ဒါပေမဲ့လည်း အစိုးရ ၀န်ထမ်းတွေ အတွက် ခံစားခွင့်အဖြစ် ၅ ရက်ပေးမှာဖြစ်တယ် လို့လည်း သမ္မတရုံးညွှန်ကြားရေးမှူး ဦးဇော်ဌေး ကပြောပါတယ်။

" အမှန်ကတော့ ရုံးပိတ်ရက် (၅)ရက် လုပ်လိုက်တယ်။ လုပ်လိုက်တဲ့အချိန်မှာ ဝန်ထမ်းတွေက မူလကတည်းက အတိုင်း ခရီးသွားတာတို့၊ အလှူဒါနပြုတာတို့ ကိုယ့်နေရပ်တွေ ပြန်တာတို့ ကျန်တဲ့နေရာတွေ သွားတာတို့ ဒါမျိုးတွေ နောက် တရားစခန်းတို့ ဒါမျိုးတွေ စီစဉ်ထားတာဖြစ်တယ်။ ဒါကို သူတို့က ၁၀ရက်နဲ့ တွက်ပြီး စီစဉ်ထားတဲ့အတွက် ငါးရက် ကန့်သတ်ပြီး ပြောင်းလဲ သတ်မှတ်လိုက်တဲ့အခါမှာ အဲ့ သူတို့ မူလ ချိတ်ဆက်ထားတဲ့ ဥပမာ ဟိုတယ် ဘွတ်ကင်တွေ လုပ်ထားတယ်။ ရထားလက်မှတ်၊ ကားလက်မှတ်တွေ လုပ်ထားတယ်။ နောက် အလှူတွေဆိုလည်း ဖိတ်စာတွေ ဖိတ်တာတို့ တချို့တွေ လုပ်ထားတယ်။ နောက် အလှုမှာ တချို့ဆို ပွဲဌားတာတွေ လုပ်ထားတယ်။ ဒါမျိုးတွေ အများကြီး လုပ်နေတယ် သူတို့ မူလ စီစဉ်ထားတဲ့ အစီအစဉ်တွေ ထိခိုက်သွားတော့မယ် ငါးရက်ပဲ ပိတ်လိုက်ရင်။ အဲ့တော့ ကျနော်တို့က ရုံးပိတ်ရက်ကတော့ ငါးရက်ပဲ ဒါပေမဲ့ မူလအတိုင်းအစီအစဉ်တွေ ဆက်လုပ်နိုင်အောင် ဆိုပြီး သူတို့ကို ထည့်သွင်း စဉ်းစားပြီးတော့ ဌာနဆိုင်ရာအစီအစဉ် အုပ်ချုပ်မှု နည်းလမ်းနဲ့ ပိတ်ရက် လုပ်လို့ရအောင် လုပ်ပေးမယ်။ သို့သော် ရုံးပိတ်ရက်ကတော့ ငါးရက်ပဲ။"


သင်္ကြန်ကာလ နီးကပ်နေတဲ့အချိန်ရောက်မှာ အစိုးရရုံးပိတ်ရက်တွေ အပြောင်းအလဲ လုပ်ရတာကို နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းကတော့ ခုလိုမြင်ပါတယ်။

"ဒါပေမဲ့ အခုပေါ့လေ။ အခုအခြေအနေမှာ ကြည့်မယ်ဆိုရင် ကျနော်တို့ သင်္ကြန် ရုံးပိတ်ရက်ပေါ့လေ။ နှစ်သစ်ကူး ရုံးပိတ်ရက်ကလည်း အင်မတန်မှ နီးကပ်နေတဲ့ အခြေအနေမျိုး ဖြစ်နေတယ်။ အဲ့ဒီ့လို အခြေအနေမျိုးမှာနော် အစိုးရဝန်ထမ်းတွေရော ပုဂ္ဂလိက ဝန်ထမ်းတွေရော အားလုံးက လာမယ့် သင်္ကြန်ရုံးပိတ်ရက်မှာ မိသားစုလိုက် ခရီးတွေ ထွက်ဖို့၊ နောက် ဘာသာရေးကိစ္စပေါ့လေ တရားစခန်းဝင်ဖို့ အဲ့ဒီလို ပြင်ဆင် ထားတဲ့ ကာလမှာ ဒီလိုရုံးပိတ်ရက်ကို လျှော့ချလိုက်တာကတော့ ဒါပြောမယ်ဆိုရင် အစိုးရအနေနဲ့ ပြည်သူလူထုနဲ့ နည်းနည်း အံဝင်ခွင်ကျ မဖြစ်သလို ဖြစ်သွားတယ်လို့ ကျနော်ကတော့ မြင်ပါတယ်။"

သမ္မတရုံးညွှန်ကြားရေးမှူး ဦးဇော်ဌေး ကတော့ ရက်ရှည်အားလပ်ရက် သတ်မှတ်ထားတဲ့ အတွက် အစိုးရလုပ်ငန်းတွေမှာ ထိခိုက်မှု သက်သာအောင် ရည်ရွယ် ဆောင်ရွက်ခဲ့ တာလို့ ပြောပါတယ်။

" ၁၀ရက် သတ်မှတ်တဲ့အတွက် ဘယ်လိုဖြစ်လဲဆိုတော့ နိုင်ငံတကာဆက်သွယ်တာတွေ ရုံးလုပ်ငန်းတွေ ဘဏ်လုပ်ငန်းတွေ ကုန်စည်စီးဆင်းမှုတွေ နှောင့်နှေးကြန့်ကြာတယ်။ အဲ့တာကြောင့်မို့ ၅ရက် လျှော့မယ်။ ၅ရက် သတ်မှတ်မယ်။ "

အစိုးရတရပ်အနေနဲ့ အစိုးရရုံးပိတ်ရက်တွေကို ပြောင်းလဲသတ်မှတ်မယ်ဆိုရင် ၀န်ထမ်းတွေကို ကြိုတင် အသိပေးသင့်တယ်လို့လည်း ဒေါက်တာရန်မျိုးသိမ်းက ခုလိုပြောပါတယ်။

" အကြောင်းရင်းကိုတော့ ပြောဖို့တော့ ခက်တယ်။ ဒါပေမဲ့ အစိုးရတရပ်အနေနဲ့ဆိုရင်တော့ ၂၀၁၇ ခုနှစ် နှစ်မဆန်းခင်ပေါ့လေ။ ဒီအစိုးရ ရုံးပိတ်ရက်တွေကို ၂၀၁၇ခုနှစ်အတွက် -၂၀၁၆ နှစ်ကုန်ပိုင်းမှာကတည်းကိုက သတ်မှတ်ကတည်းကိုက နှစ်သစ်ကူး သင်္ကြန် ရုံးပ်ိတ်ရက်ကို လျှော့မယ်ဆိုရင် အဲ့ဒီ့ကတည်းက ကြိုပြီးတော့ ပြည်သူလူထုကို အသိပေးသင့်တယ်။ ဝန်ထမ်းတွေကို အသိပေးသင့်တယ်လို့မြင်တယ်။ အခုလိုမျိုး ကတိုက်ကရိုက် လုပ်ရလောက်အောင် ပေါ့လေ ခိုင်လုံတဲ့ အကြောင်းပြချက်တော့ ကျနော်ကတော့ မတွေ့ရဘူး။"

မြန်မာအစိုးရက မတ်လ၉ ရက်နေ့မှာ မြန်မာအစိုးရရုံးများပိတ်ရက်လွှဲပြောင်းနိုင်သည့် စာချုပ်စာတမ်းများအက်ဥပဒေပုဒ်မ ၂၅ အရ နှစ်သစ်ကူးရုံးပိတ်ရက်တွေ ရက်ရှည်တဲ့အတွက် နိုင်ငံတကာနဲ့ဆက်ဆံရာမှာ ရုံးလုပ်ငန်း၊ ဘဏ်လုပ်ငန်းတွေ အခက်အခဲရှိသလို ကုန်စည်စီးဆင်းမှု နှောင့်နှေးတဲ့အတွက်ဆိုပြီး အစိုးရ ရုံးပိတ်ရက်တွေကို ပြောင်းလဲသတ်မှတ်ဖို့ ကြေငြာချက်ထုတ်ပြန်ခဲ့ပြီးတဲ့နောက် လူမှုကွန်ယက်ပေါ်ကနေ ဝေဖန်မှုတွေ အတော်လေးထွက်ပေါ်လာခဲ့တာပါ။

အစိုးရက သင်္ကြန်ကာလာ ရက်ရှည်ရုံးပိတ်ရက်ထဲက လျှော့ချလိုက်တဲ့ ၅ ရက်ကိုတော့ သီတင်းကျွတ်၊ တန်ဆောင်တိုင်နဲ့ နိုင်ငံတကာ နှစ်သစ်ကူး ရုံးပိတ်ရက်တွေနဲ့ ပြန်လည် အစားထိုးထားတဲ့အတွက် တနှစ်လုံးပိတ်ရက်စုစုပေါင်းကတော့ မူလအတိုင်း ရှိနေမှာဖြစ်ပါတယ်။
VOA Burmese News

ပစ္စည်းပို့သမားဘ၀မှ တရုတ်တွင် တတိယမြောက်အချမ်းသာဆုံးဖြစ်လာသူ

March 10, 2017, 8:29 am

≫ Next: သင်္ကြန်ရုံးပိတ်ရက်တွင် အတင်းအကျပ် အချိန်ပိုခေါ်သည့် အလုပ်ရှင်များအား အရေးယူမည်

≪ Previous: သင်္ကြန်ရုံးပိတ်ရက် ထက်ဝက်လျှော့

$

0

0

ဖောက်သည်များမှာသည့် ပစ္စည်း များကို တစ်မြို့မှတစ်မြို့သို့ခဲရာခဲဆစ် လိုက်ပို့ပေးခဲ့သူ ပစ္စည်းပို့သမားသည် ယခုအခါတွင်တရုတ်နိုင်ငံ၌ တတိယ မြောက်အချမ်းသာဆုံး ပုဂ္ဂိုလ်ဖြစ်လာပြီ ဖြစ်သည်။

အမြန်ချောပို့လုပ်ငန်း အက်စ် အက်ဖ်ကို တည်ထောင်သူ အသက် ၄၆ နှစ်အရွယ် ဝမ်ဝီသည် ပိုင်ဆိုင်မှု ဒေါ်လာ ၂၇ ဘီလျံဖြင့် တရုတ်တွင် တတိယမြောက် အကြွယ်ဝဆုံးပုဂ္ဂိုလ် ဖြစ်လာခြင်းဖြစ် သည်။ ၎င်းသည် အမြန်ချောပို့လုပ်ငန်းကို လွန်ခဲ့သည့် ၂၄ နှစ်က စတင်လုပ်ဆောင်ခဲ့ သည်။

၎င်းသည် အသက်၂၂ နှစ်အရွယ် တွင် ဖခင်ထံမှ ဒေါ်လာ ၁၄ ၄၀၀ ချေးကာ လုပ်ငန်းစလုပ်ခဲ့ခြင်းဖြစ်သည်။

၂၀၀၃ ခုနှစ်တွင် ၎င်းက လေယာဉ် များငှားကာ ဖောက်သည်များ မှာသည့် ပစ္စည်းများကို အရောက်ပို့ခဲ့သည်။သို့ သော် ၂၀၀၉ ခုနှစ်တွင် လေယာဉ်ငှားရုံဖြင့် မရတော့ပေ။

ထို့ကြောင့် ၎င်းက ကိုယ်ပိုင် လေကြောင်းလိုင်း ထောင်လိုက်ကာ ပစ္စည်းများ ပို့တော့သည်။

တစ်နေ့တခြား လုပ်ငန်းကြီးထွား အောင်မြင်လာစေရန် လုပ်ဆောင်နိုင်စွမ်းရှိသည့်၎င်းက ကြီးပွား လိုသူ လူငယ်များကို အမှာစကား ပြောခဲ့ သည်။

လုပ်ရဲကိုင်ရဲရှိရမယ်၊ ဆန်းသစ် တီထွင်နိုင်စွမ်းရှိရမယ် ပြီးတော့တာဝန် ယူလိုစိတ် ရှိရမယ်] ဟု ၎င်းက ဆိုသည်။
၎င်းလုပ်ငန်း၏ရှယ်ယာဈေးများ ဆက် တိုက်တက်နေသဖြင့် ၎င်းသည် မကြာမီ တရုတ်နိုင်ငံတွင်နံပါတ်တစ်အချမ်းသာ ဆုံးပုဂ္ဂိုလ်ဖြစ်လာဖွယ် ရှိနေသည်။

Ref ; CCTV
Credit: pyimyanmar

===========

Search Myanmar