မြန်မာ့ရုပ်ရှင်နှစ် ၁၀၀ ပြည့်တော့မည့်အချိန်တွင် ပေးလာသည့် အကယ်ဒမီဆုပေးပွဲသည်လည်း အထူးအလေးဂရုပြုရမည့် အစီအစဉ်ပါ။
မြန်မာ့ရုပ်ရှင်ကို ၁၉၅၂ ခုနှစ်မှ စတင်ပြီး ထူးချွန်ဆုများ ချီးမြှင့်ခဲ့သည်။ ရုပ်ရှင်အကယ်ဒမီ ထူးချွန်ဆုကို ပထမဆုံး ရန်ကုန်မြို့တော်ခန်းမမှာ ပေးခဲ့သည်။ ထို့နောက် ရွှေတိဂုံဘုရားလမ်းက ဂျူဗလီဟော၊ မြန်မာ့အသံမြက်ခင်းပြင်နှင့် ယဉ်ကျေးမှုလဟာ ပြင်ဇာတ်ရုံ၊ သုဝဏ္ဏအားကစားခန်းမကြီးစသဖြင့် နေရာအမျိုးမျိုးရွှေ့၍ ကျင်းပပေးခဲ့သည်။ အားလုံးကတော့ အဓိကမြို့တော်ရန်ကုန်မှာပဲ ပေးခဲ့သည်။
''ကျွန်တော်နဲ့ နော်ကူးမ ၁၉၇၄ အတွက်ပေးတာ ၇၅ မှာ မိုးတွေရွာတဲ့အတွက် နေရာမရှိလို့ အင်း ယားလိတ်ဟိုတယ်မှာပေးတာ၊ ကျွန်တော်တယောက်တည်းပေးတာ ဦးသိန်းဖေမြင့် မသေသေးဘူး။ ဆရာ ရွှေဥဒေါင်းမသေသေးဘူး။ ဆရာ ရွှေဒုံးဘီအောင် မသေသေးဘူး။ ရွှေဟင်္သာရုပ်ရှင်ကနေပြီးတော့ စံရွှေမြင့် ရေးတဲ့ နော်ကူးမ ကာတွန်းဇာတ်လမ်း၊ အဲဒါကို ရွှေဟင်္သာရုပ်ရှင်ကနေ ရိုက်တယ်။ ဇာတ်ညွှန်းနာမည်ခံတာက ဆရာဗိုလ်ကလေးတင့်အောင်၊ နောက်ပြီး ဇာတ်ညွှန်းတော်တော်များများကို ဒါရိုက်တာဦးထွန်းဝင်း ရေးပေးတယ်။ နောက်ပြီး ဆရာကြီးချစ်ခင်ရဲ့သား ဒါရိုက်တာလှဝေက ကင်မရာကိုင်ပေးတယ်။ ကိုငြိမ်းငြိမ်းက ဒါရိုက်တာအမည်ခံပြီး ရိုက်ပေးတယ်။ ကျွန်တော် (ဦးအောင်လွင်)ပါတဲ့ ဇာတ်ဝင်ခန်းအကုန်လုံးက ကျွန်တော့်ကို ပေးရိုက်တဲ့အတွက် ကျွန်တော် ကိုယ့်ဘာကိုယ် ရိုက်တယ်။ အဲဒီကားမှာက ၇၄ မှာ ရိုက်တဲ့အတွက် ၇၅ ခုမှာ ကျွန်တော်က မတ်လမှာ 'နေခြည်ဖြာမှ နွေးသောကြောင့်' ကား၊ ရေခဲတောင် မှာရိုက်ပြီး ပြန်လာတော့ မုတ်ဆိတ်ဗရပွနဲ့ အကယ်ဒမီပေးမှန်းမသိဘဲ တက်ယူရတယ်။ အဲဒါ အင်းယားလိတ်မှာပါ။ နော်ကူးမ ဇာတ်ကားက ဇာတ်ဆောင်ဆုရတယ်။ ကျွန်တော် (အောင်လွင်)က ဇာတ်ပို့အနေနဲ့ ရတယ်၊ လူကြမ်းလုပ် ပြီးတော့ ရတယ်။ အဲဒီအရုပ်ကို ရွှေတိဂုံဘုရားမှာ လှူလိုက်တယ်။ ဆရာ ရွှေဒုံးဘီအောင်တို့၊ ဆရာသိန်းဖေ မြင့်တို့ မကွယ်လွန်သေးဘူး။ ဦးအောင်မြင့်မြတ်ရယ်၊ ဦးလင်းအောင်ရယ်၊ ဦးဇော်လင်းတို့ရယ် ကျွန်တော့်ကို အဖော်လုပ်ပြီး ဂုဏ်ပြုကြတယ်''ဟု အင်းယားလိတ်မှာ အကယ်ဒမီပေးခဲ့ကြောင်း၊ အကယ်ဒမီဆု နှစ်ဆုသာ ပေးခဲ့ကြောင်း အကယ်ဒမီဦးအောင်လွင်က ပြောသည်။
၁၉၈၈ နောက်ပိုင်း ၂၀၀၅ ခုနှစ်ကစပြီး အစိုးရရုံးစိုက်ရာ နေပြည်တော်မှာပဲ ကျင်းပခဲ့ပါသည်။ ၂၀၁၂ ခုနှစ် ဒီဇင်ဘာလမှာတော့ သုဝဏ္ဏအားကစားရုံမှာ ပြန်လည်ကျင်းပခဲ့ပါသည်။ နှစ်စဉ် စစ်အစိုးရပြန်ကြားရေးဌာနက ဦးစီးကျင်းပနေခဲ့ရာမှ မြန်မာရိုင်ငံရုပ်ရှင် အစည်းအရုံး (အရပ်သားများဖွဲ့စည်းထားသည့်အဖွဲ့)က ဦးစီးကျင်းပ ခဲ့ပါသည်။
၂၀၁၇ မတ်လ ၁၈ ရက်မှာတော့ ပြည်သူ့ရင်ပြင်မှာ ကျင်းပပြုလုပ်တော့မည့် အကယ်ဒမီပွဲကိုတော့ ပရိသတ် တချို့ စောင့်စားနေကြသည်။
၂၀၁၆ ဇန်န၀ါရီမှ ဒီဇင်ဘာထိ ရုံတင်ပြသသည့် ဇာတ်ကား ၃၃ ကားရှိခဲ့သည်။ မြန်မာ့ရုပ်ရှင်အကယ်ဒမီ စိစစ်ရေးအဖွဲ့ဝင်များ ကြည့်ရှုစိစစ်ခဲ့ကြသော ရုပ်ရှင်ကားများကတော့ အနူးဘစ်၊ စားတယ်။ ချစ်လှစွာသော အမုန်း၊ ဖေ့စ်ဘုတ်ရွာ၊ ခိုးဆိုးလုနှိုက်၊ ရုံးပတီသီးလေးများ၊ မနောမြေမှ ကျောက်စိမ်းကမ္ဘာ၊ အီဖေကိုယ်တို့ ရွေးကောက်ပွဲ၊ မအေးပွင့်မြင့်မြင့်စန်းလမ်းသုံးဆယ်၊ ကျွန်တော်ကျွန်မယောက်ျားဗိုက်ကြီးသည်၊ အုတ်ကြား မြက်ပေါက်၊ ရပ်ကွက်ဘုရင်မ၊ မှော်ကျောက်စာ၊ ရိုက်လိုက်ပါဦး ဒုန်းဒုန်းဒုန်း၊ ကာလာစုံလက်ဆင်၊ လူးရတနာ သိုက်၊ အေဒင်ရဲ့နတ်သမီး၊ ဘောစိ၊ သင်္ကြန်ပြတိုက်၊ ရပ်ကွက်ဘုရင်မ-၂၊ ဘန်ကောက်မှ မန္တလေးသို့၊ ရွှေဒင်္ဂါးကို ထွေခင်းကစားမယ်၊ နှစ်ယောက်တဘ၀၊ ဘွန္တောကြက်သူခိုး၊ မင်းလည်းဘိုကေ ငါလည်း ဘိုကေ၊ ငဘ၊ ပရော်ဖက်ဆာဒေါက်တာဆိတ်ဖွား၊ မေထုန်ရာသီဖွား၊ နှင်းဆီပန်သူ၊ မယုံရင်ပုံပြင်မှတ် စသည့်ကားများ ဖြစ်သည်။
ယင်းအထဲမှ ၁၂ ကားအား ထူးချွန်ဆု ၁၂ ဆုကို ချီးမြှင့်ပါတော့မည်။ တစ်ပြေးနေသော ဆုရမည်ဟု နာမည် ထွက်နေသောကားများကတော့ ချစ်လှစွာသောအမုန်း၊ ခိုးဆိုးလုနှိုက်၊ မနောမြေမှ ကျောက်စိမ်းကမ္ဘာ၊ ငဘ၊ မေထုန်ရာသီဖွား၊ ဘန်ကောက်မှ မန္တလေးသို့ စသည့်ကားတွေပဲဖြစ်ပါသည်။ တစ်ပြေးနေသော ဇာတ်ဆောင်ဆု၊ ဒါရိုက်တာဆုများကတော့ -
အမျိုးသားဇာတ်ဆောင်ဆု ခန့်မှန်းချက်
အုတ်ကြားမြက်ပေါက်ဇာတ်ကားထဲက သရုပ်ဆောင်ထွန်းထွန်း၊ ခိုးဆိုးလုနှိုက်ကားထဲက သရုပ်ဆောင်မြင့်မြတ်၊ အေဒင်ရဲ့နတ်သမီးထဲက စိုင်းစိုင်းခမ်းလှိုင်၊ ငဘဇာတ်ကားထဲက ၀ါရင့်သရုပ်ဆောင် တကျော့ပြန်ကျော်သူ။
အမျိုးသမီးဇာတ်ဆောင်ဆု ခန့်မှန်းချက်
ချစ်လှစွာသောအမုန်းဇာတ်ကားမှ သက်မွန်မြင့် သို့မဟုတ် ၀တ်မှုန်ရွှေရည်။
အမျိုးသားဇာတ်ပို့ဆု ခန့်မှန်းချက်
ချစ်လှစွာသောအမုန်းဇာတ်ကားမှ ဇင်ဝိုင်း၊ ပရော်ဖက်ဆာဒေါက်တာဆိတ်ဖွားမှ အကယ်ဒမီ လူမင်း။
ဒါရိုက်တာဆု ခန့်မှန်းချက်
ချစ်လှစွာသောအမုန်းဇာတ်ကား ဒါရိုက်တာဝိုင်း၊ အနူးဘစ်ဇာတ်ကားမှ ဒါရိုက်တာလူမင်း၊ ငဘဇာတ်ကား ဒါရိုက်တာခင်စောမျိုး။
ရုပ်ရှင်ဓာတ်ပုံဆု ခန့်မှန်းချက်
မနောမြေမှကျောက်စိမ်းကမ္ဘာဇာတ်ကားမှ ဓာတ်ပုံပညာရှင်အောင်နိုင်၊ အနူးဘစ်ဇာတ်ကား၏ ဓာတ်ပုံပညာရှင် ဦးဇော်မြင့်၊ မှော်ကျောက်စာဇာတ်ကား၏ ဓာတ်ပုံပညာရှင်ထွန်းထွန်း။
တခြားတခြားသော ရုပ်ရှင်အတတ်ပညာပိုင်း ဆိုင်ရာဆုများနှင့် တေးဂီတဆု၊ အသံဆု၊ ဇာတ်ညွှန်းဆု၊ ဇာတ်ကားဆု၊ ရုပ်ရှင်တည်းဖြတ်ဆု၊ ရုပ်ရှင်ဆိုင်ရာ အထူးဆုတို့ကိုတော့ မခန့်မှန်းတော့ပါ။ မိမိမျှော်လင့် ထားတာများ၊ ထင်ထားတာများနှင့် ထပ်တူကျ၊ မကျ ကို ၂၀၁၇ မတ်လ ၁၈ ရက်မှာ စောင့်စားကြရန်သာ ရှိပါသည်။ ထို့ပြင် တခုတော့ အထူးပြောလိုပါသည်။ ရုပ်ရှင်အကယ်ဒမီပေးရာမှာ ပြည်သူများ ပါဝင်လာရေးပဲ ဖြစ်သည်။
တချိန်က အကယ်ဒမီဆု ပြည်သူတွေ ဘယ်လိုပါဝင်ခဲ့သလဲ
တချိန်က ရုပ်ရှင်မင်းသား၊ မင်းသမီးများကို အကယ်ဒမီဆုပေးရာမှာ ဖိတ်ကြားထားသောဧည့်သည် များအပြင်၊ ပြည်သူလူထုထဲက စိတ်ပါဝင်စားသူများပါ တက်ရောက်ခဲ့ကြသည်ဟု ဆိုပါသည်။ မင်းသမီး၊ မင်းသားဆုရွေးချယ်သောအခါ ဆုကြေညာမည့်သူက ဆုမကြေညာမီ လာရောက်အားပေးကြသည့် ပရိသတ်ထဲကိုပါ မေးလိုက်ပါသည်တဲ့။
''ဘယ်မင်းသားများ ဖြစ်နိုင်သလဲ''
ထိုအခါ အပြင်ပရိသတ်ဆီမှ အသံများထွက် လာသည်။ ကျော်ဆွေ၊ ကျော်ဆွေ၊ ထွန်းဝေ၊ ထွန်းဝေ စသဖြင့် အသံများထွက်ပေါ်လာပြီး နောက်ဆုံးဆုစာရင်းကြေညာချက်ထွက်လာသည့်အခါ ပရိသတ်က မိမိတို့ ခန့်မှန်းချက်နှင့် ကိုက်ညီသူများက သောင်းသောင်းဖြဖြ လက်ခုပ်သြဘာတီး အားပေးခဲ့ကြသည်။ ခန့်မှန်းချက်နှင့် မတိုးသူများမှာလည်း ဘယ်လိုပဲဖြစ်ဖြစ် ထိုမင်းသားသည် ပြည်သူတွေ ဘယ်လောက် အားပေးခဲ့သည်၊ စိတ်ဝင်စားသည်ဆိုသည်ကို ခန့်မှန်းလို့ရသည်။
မင်းသမီးဆုဆိုလျှင်လည်း ပရိသတ်ဆီက အသံတွေထွက်ပေါ်လာသည်မှာ အလွန်ကြည်နူးစရာ၊ ပျော်စရာကောင်းခဲ့ကြောင်း သိရသည်။
''ဘယ်မင်းသမီးရမယ်ထင်လဲ''ဟုဆိုလျှင်
မြင့်မြင့်ခင်၊ ခင်ယုမေ စသဖြင့် ပရိသတ်ဆီက ခန့်မှန်းအသံတွေ ထွက်ပေါ်လာသည်။ နောက်မှ ဆုကြေညာချက်ထွက်ပေါ်လာသည်။ ဆုကြေညာချက်နှင့် ပရိသတ်အသံနှင့် တထပ်တည်းတယောက်တည်း ဖြစ်နေခဲ့သောနှစ်ကတော့ မင်းသမီးမြတ်မွန် အကယ်ဒမီရခဲ့သောနှစ်ဟု ဆိုပါသည်။ မင်းသမီးဆု မကြေညာမီဆုကြေညာမည့်သူက ပရိသတ်ထံမေးလိုက်သောအခါ ပရိသတ်ထဲမှ အသံတသံပဲ ကြားရသည်ဟု ဆိုသည်။
''မြတ်မွန်၊ မြတ်မွန်''ဟူ၍
ထိုနှစ်က 'ကကြီးရေက'ဇာတ်ကားနှင့် မြတ်မွန် အကယ်ဒမီရခဲ့သည်။ အကယ်ဒမီဆုကိုပင် ထိုဇာတ်ကားထဲက အတိုင်း ခုံဖိနပ်နှင့် ဆံပင်တိုလေးစည်းပြီး ဘောင်းဘီတိုလေးနှင့် လွတ်လွတ်လပ်လပ် ဆုတက်ယူခဲ့သည်ဟု တချိန်က အကယ်ဒမီမြတ်မွန်က သူတို့ခေတ်က အကယ်ဒမီအကြောင်း အမှတ်တရပြောကြားခဲ့ပါသည်။
ထို့ကြောင့် အကယ်ဒမီဆုသည် ပြည်သူက အားပေး၍ ဇာတ်ကား၊ ဇာတ်ဆောင်အောင်မြင်ခဲ့သည်။ ဆုပေးသော အခါမှာလည်း ပရိသတ်ခန့်မှန်းချက်အရေးကြီးသည်။ ပရိသတ်မဲဆန္ဒနှင့် ပရိသတ် စိတ်ပါဝင်စားမှု၊ အားပေးမှု သည်လည်း အလွန်အရေးကြီးပါသည်။
ရုပ်ရှင်သည် ပြည်သူ၏အားပေးမှုနှင့် ရပ်တည်ရသဖြင့် ပြည်သူထဲက ပြည်သူများကို အထင်အမြင်မသေးကြရန်၊ ပြည်သူကို စေတနာမေတ္တာထားကြရန် ပြည်သူက အကောင်းအညံ့ဝေဖန်ကြလျှင်လည်း ဆင်ခြင်ပြုပြင်ကြဖို့ အရေးကြီးကြောင်း တင်ပြလိုက်ရပါသတည်း။
ချစ်မောင်(အ၀ကျွန်း)
News Watch(စောင့်ကြည့်သတင်းဂျာနယ်)
